القائمة الرئيسية

الصفحات

رواية حبال المشنقة الفصل الخامس 5 بقلم أروى طاهر المسلاتي

 رواية حبال المشنقة الفصل الخامس 5 بقلم أروى طاهر المسلاتي

رواية حبال المشنقة البارت الخامس

رواية حبال المشنقة الفصل الخامس 5 بقلم أروى طاهر المسلاتي


رواية حبال المشنقة الجزء الخامس

#حبال_مشنقه 5
جواهر:ومنو انتي التانيه ؟
نسرين:بلعت ريقها بتوتر بس مع هادا جاوبتها .....انا الممرضه الجديده تبع الحاجه 
جواهر:شافتلها من فوق لعند لوطه ....امممم  به مليح اهم حاجه اديري بالك عليهم كويس 
نسرين:بدون ما تفكر سألت ...عليهم؟؟!من هما ؟
جواهر:شافت لي ثريه ....علاش معز مقلهاش؟
ثريه:مدخليش في حد ان شاء الله تنحرقو 
جواهر:قايمه حاجبها وتحكي ....تو هوا يقولك اوني تلقيه يراجي فيك فوق 
نسرين:كملت طريقي وركبت من الدروج وانا نفكر ...بديت نخاف من البدايه هكي استقبلوني وفي اسرار منعرفهاش!
خديت نفس وقلت يالله عادي يهون في النهايه فلوس 
والفلوس زي ما ادير طريق في البحر رح تفتح بواب الحريه على راجلي المحبوس ❤️
من اول يوم تسرحي هكي !....امالا لما تبدي في الخدمه كيف!؟
نسرين:تلفتت وهيا مخلوعه ....اااه ل للا مش سارحه انا 
معز:ابتسملها...تمام
هي الحقيني 
نسرين :تمام 😅
___________________________________
رغد:عرفت روحي علقت !
لما قدر راجلي يتحكم في فلوسي عرفت اني تقريبا خسرت كل شي !
مفروض كرامتي متسمحليش نقعد في الحوش دقيقه بعد ما تزوج عليا وخدلني وبعد ما امه واخته بدو ياعملو فيا بي الطريقه الحقيره هيا!
لكن مكانش عندي اي فرصه 💔
معنديش حد نمشيله ....بابا كان الولد الوحيد يعني لا عمام ولا عمات !
وماما كانت فلسطينيه❤️يعني خوالي كلهم في فلسطين ومعندي حد غير راجلي الخاين وعيلته القذره💔...ولو طلعت وسيبتهم مستحيل يخلوني نتهنى في حياتي💔......قررت نتعايشمع الوضع يلي انا فيه لعند ما نلاقي حل او على الاقل نلاقي شخص يساعدني 
رغد:نزلت من سريرها بهدوء لما سمعت اصوات ضحك عاليه تحت الروشن كأن في ناس يرحبو بي ناس تانيه 
بعدت الستاره ببطئ وضيقت عيونها لين قريب تسكرو بسبب اشعة الشمس القويه يلي جت عليهم ....فركت عيونها بألم وشافت تحت 
لقت سياره نوع تيوتا لون اسود غامق مسلفره نازله منها مرا كبيره في السن  ومعاها ببنت...من النضره الاولى رغد ادكرتهم وعرفت ان المرا هادي تكون سلفت عزوزتها بس مفهمتش سر الزياره الغريبه هادي ! .....خصوصا ان مكانش في بينهم اي علاقه تربطهم ببعض غير الاسم فقط ! وكانو اكتر شي يتلاقوو في المناسبات والاعياد بس 
سرحت رغد شويه وهيا تتفرج عليهم ونست نفسها لين فجأه تفيق ع روحها وتشوف [نادر]يتفرج عليها 
وخرت بسرعه وسكرت الستار اما نادر نزل راسه بسرعه وكانت شبحته عاديه ...مهما كان مستحيل يشوف بنضرات غلط لي مرت ولد عمه!!
____________________________________
خش فهد عيونه يدورو في الحوش كله ومش قادر يسأل !
مش قادر يسأل ويقلهم وينها ...ميبيش يحسس حد في الحوش انه خايف منها 
او خايف انه ميقدرش يسيطر ع الوضع معاها 
كان يحسس فيهم ان كل شي تمام وقادر يتفاهم معاها ومش رح تاخد الحوش
بس الشي هادا للاسف كان مش متأكد منه 🔥
قعمز على الصالون وطلع تالفونه يتصفح 
عبير:استغربت من وجوده ....شنو فهد نديرلك قهوا ؟
فهد:هااا ....لالا صحيتي مرت عمي يبارك فيك 
عبير:بنضرات مستغربه....الله يسلمك 
فهد:زاد التوتر عنده....شنو عمامي امتى ناويين يروحو ؟
عبير:والله علمي علمك امس قالي يصير خير عجبهم جو الزرادي 
فهد:اي خلي يغيرو جو 
عبير:قعدت تحوس ع الحوش وتنضف لكن عينها على فهد مش فاهمه هوا علاش لعند توا مطلعش ؟وتقعميزته ع الصالون مش من عوايده!...نضراته وتوتره ابدا مش ع الفاضي 
فهد:يأس من انتضاره ووقف بيطلع......الصغار محتاجين شي مرت عمي ؟
عبير:لا سلامتك ربي يفتحها عليك صحيت ❤️
فهد:خدي تالفونه وجاي بيطلع بس وقف لما سمع الصوت وعرف ان صوتها 🔥🔥
كانت لابسه قفطان حرير ناعم لونه زهري ❤️
كان نضامه واسع كأنه خليجي ....حاطه مكياج خفيف ووشاح شيفون على راسها وبعض من خصلات شعرها الطويله برا...ورغم انها في الحوش يديها مخلوش ابدا من الدهب 🔥
امينه:صباح الخير 
عبير:تفصل فيها بعيونها ومصدومه ......صباح النور 
امينه:قعمزت وخلت فهد واقف مصدوم يشوفلها ومش قادر يرد .....وين الفطور ؟
جواهر:طلعتلها من المطبخ .......مش وقت فطور توا 
يلي يبي يفطر ينوض من صبح ربي مش وقت الغدي ....هادا نضام حوشنا يا ابله 
ابتسمت امينه ورفعت حاجبها يلي كان مرسوم كأنه مسطر ....تقصدي حوشي؟
هنايا فهد ادخل ......مش مفروض ينقال كلام زي هادا من اول يوم ليك 
امينه:شبحتله وهيا مبتسمه ....قعدت فتره طووووويله ساكته وهيا تفصل فيه وتتفرج ع شكله وشخصيته ❤️....اي ممكن 
فهد:الموضوع هادا بينحل في اسرع وقت ....خلي كل واحد يعرف شنو ليه وشنو عليه 
امينه:حطت رجل ع رجل ..... وانا موضوع زي هادا منحكيش فيه معاك بروحك جيب عمامك وشيخ كبير عشان يكون شاهد على الكلام يلي بيصير 
فهد:استفزاته طريقة كلامها ....قام راسه بشموخ وهوا يحكي 
انا هنايه الكل في الكل .....انا نحكم وانا نطلق وانتي الشي هادا عارفتيه من لما كان عمي الكبير عايش وكنتي ع دمته 
امينه:ابتسمتله بلطف ....اكيد ندكر انك الكل في الكل وندكر في هلباااااا حجات تانيه يافهد انت اساساً ناسيها 
فهد:ارتبك ومعش قدر يزيد حرف واحد وخاف يتكلم يقول كلام مفركس !
امينه:ولا شنو يافهد؟!
فهد:تمام يجو عمامي ويصير خير 
امينه ابتسمت .....اي يصير خير علاش لا ☺️
طلع فهد بسرعه قبل ما نضراته تفضحه ويعرفو ان كبير العيلع مش قادر يقول كلمتين على بعض!
اما جواهر وعبير كانو بيموووتو وهما يراقبو  في امينه ولبسها وتصرفاتها
____________________________________
انفتح الباب وخشيت وانا نراجي  في شي بنكتشفه غلط زي مالمحت جواهر اخته ومرت عمه ؟
خشيت بهدوء كان كل شي طبيعي ..غرفه اثاتها مرتب والوانها حلوه 
سرير طبي راقده فيه مرا كبيره في السن بدون اي حركه 
جنبها اجهزه واسطوانة غاز كأنها في المشفى ....
كان منضرها مخيف شويه كأنها ميته ...
رغم ان المنضر كان مخيف شويه لكن تريحت لما لقيت ان كل شي طبيعي 
خديت نفس وتكلمت ......اوكي  انا رح نحقض جدولها كويس وان شاء الله نكون عند حسن ضنك 
معز:ابتسم ....تدكري يوم قتلك انا مش جايبك ممرضه بس هنايا ؟
نسرين:اي ؟
معز:قام راسه وتكلم وهوا يشبح لي سقف الغرفه 
بشكل عام يااااا .....شن قلتي اسمك؟
نسرين ...
معز:تمام يانسرين ....بشكل عام رح تكوني مسؤله على االجناح هادا 
نسرين:اي حضرتك قلتلي منخلي حد يخشلها حتى بناتها !....وندير بالي عليها كويس 
معز:عليهم الاثنين
نسرين:شن قصة الاثنين ؟انت واختك قلتها ؟
معز:اشرلها بيده وطلع 
لحقاته عشان يرفعها للغرفه المقابله 
فتح الباب وخشت نسرين كانت الغرف هااااديه مفيهاش صوت 
فارغه مفيهاش اي حس 
نسرين:تتفرج على الغرفه ....شنو يعني مفهمتش !
طلعت من الحمام بنت لابسه بيجامة نوم لونها فستقي وقايمه شعرها الفوضوي على شكل كعكه وقفت تشوف لي معز وفجأه عيونها دمعو ....شنو ؟جابلي حارسة سجن جديده !
نسرين :توسعو عيونها بصدمه ....حارسة سجن !
معز:تكلم بنبره كأن البنت مش موجوده نهاااائياً.....هادي زي ماتشوفي بصحتها امورها طيبه 
المهم وضيفتك تركبيلها ماكلتها واديري بالك رجلها تعتب باب الدار 
نسرين:كيففففف!
علاش مفهمتش!؟؟
معز:ابتسم ....هادي خدمتك 
لو تبي تتراجعي قولي من توا ...
نسرين:سكتت شويه وهيا  تفكر !....من ملامح البنت واضح انها مغصوبه على قعادها في الغرفه !
بس في النهايه مفيش حل تاني بنسبه لي نسرين ....هزت راسها بمعنى تمام وطلعت من الغرفه 
شافت البنت لي معز وهيا تبكي .....مسدوكش 9 شهور حبس ؟
معز:ولا رح يسدو حتى 9سنين 
وطلع وسكر الباب بقوووه  خلت قلبها يرجف💔
         🔥رويـــــــات بنـــــوتـــة الــشـــيخ🔥
          🔥أروى الطـــــــاهـــــر المسلاتي🔥
           👑القروب الاصلي400الف عضو👑
عليا:وحتى مهيمن خطبتله اخيرا 
شاديه:مسكين اخيرا بعد القصه المشؤمه يلي صارت معاه 
عليا:لا مسكين لا شي ربي باعده من عليها 
شاديه :حرام عليك البنت متوفيه وهيا عروسه عيب تحكي عليها هكي !
عليا:تنهدت بملل .....مشاء الله تهاني كبرت 
تهاني:ابتسمت بخجل
عليا:ربي يفرحك بيها هيا وولدك نادر 
شاديه يارب ويفرحك في مهيمن 
عليا :ابتسمت لما منى خشت لي الصاله .......شوفي الزين شووفي هادي منى مرت ادريس الجديده 
شاديه :مشاء الله ربي يبارك امالا رغد وين ؟
قاعده تاعبه ولا شنو ؟!
عليا:تكلمت بحقد ...لا كويسه توا لكن قالبه الدنيا تسحاب روحها اول حده ياخد عليها راجلها 😒
شاديه:هيا تبي الحق ولا ...والله المرا التانيه الا واعره يا عليا
عليا:وشن تبيني نخلي ولدي يعيش مع وحده كانت مريضه؟بالك ترجع تمرض من جديد من بيه ولدي انا !
شاديه :مرات صح !
________________________________
رغد:لعند امتى !
كان السؤال هادا ديمه في بالي 
انصدمت صدمة حياتي اي لكن لعند امتى هكي بنقعد 💔
صليت العصر ونزلت ندير شي ناكله عشان نحاول نركز شنو بندير في حياتي 
خشت رغد للمطبخ جهزت سفره وخلتها ع الطاوله ....طلعت لي دار الخزين بتجيب زيت زيتون عشان تحطه مع الجبنه ....سمعت صوت غريب وراها تلفتت وشهقت بقوه لما شفاته وراها 
نادر:توسعو عيونه لما شافها ...
____________________________________
الساعه 7المغرب:
نسرين:كل شي ماشي تمام !
العزوزه شبه الوقت كله فاقده الوعي ...عطيتها الادويه يلي تحتاجها وكل شي 
كانت الخدمه مش بهديكه الصعوبه لكن تفكيري موقفش البنت يلي في الدار الثانيه منو تكون ؟
نزلت لي الطابق الارضي خديت سفرة عشاء ليها 
وانا راكبه شفت معز وخوه ومعاه زوز رجاله خاشيين للمربوعه 
وهادم كلهم مع منو كانو يحكو !
مع بنت الانوثه يلي شفتها عندها في حياتي ماريتها 
ركبت بهدوء طقيت الباب وفتحت بي المفتاح يلي عطوهولي  وخشيت ...حطيت سفرة العشي ع الطاوله وانا نحاول نتجنبها ومنشبحلهاش 
جيت بنطلع بسرعه لكن وقفني كلامها وهيا تقول .....بالله عليك تساعديني
نسرين:تلفتت بهدوء وانا نحاول نمسك اعصابي .....اسفه اختي هادي خدمتي 
البنت:جايه فرحانه بي خدمتك؟....انتي متعرفيش روحك مع منو تخدمي ؟انتي مش عارفتيهم هما منو ولا عارفه نفسك في حوش منو راهي لو كنتي تعرفي صدقيني متقعديش دقيقه !
__________________________________
الجرئه توصل لدرجة الوقاحه ....نضراتها المستفزه 🔥
لما تتكلم تحسس فيهم ان هما ال4مش رجاله ....اطالب بي حقها مش بي ادب لا بي استفزااز وحرق دم ....بس يلي كان قاتلهم  ان فعلا كلامها صح وحقها يلي تبيه 🔥
كل يلي حكيناه كووم 
ونضراتها لي فهد كوم تاني خااالص ...كانت تقهر فيه 💔
تعرف كويس هوا منو يكون وتعرف كويس قدره شنو في العيله ...بس مع هادا مقرره تلعب بيه لعب في حياته ماصارله🔥...
كان فهد فاهم نضراتها كويس وفي نفس الوقت مصدوم في تغيرها من شكلها لي لبسها لي شخصيتها لعند خلاص معش تحمل ووقفلها 🔥...يتبع

لقراءة باقي حلقات الرواية اضغط على (رواية حبال مشنقة
reaction:

تعليقات