القائمة الرئيسية

الصفحات

رواية بلا رحم الفصل الثاني 2 بقلم كوكي سامح

 رواية بلا رحم الفصل الثاني 2 بقلم كوكي سامح

رواية بلا رحم البارت الثاني

رواية بلا رحم الفصل الثاني 2 بقلم كوكي سامح


رواية بلا رحم الجزء الثاني 

__ هاجر عرفت ان الولد اللى باعت الرساله

ميت مقتول فى بيته من 7 شهور

فجر.. نعم مقتول ازاى يعنى انتى متأكده

من الكلام ده؟ 

هاجر.. اه طبعا وواثقه كمان ما لينك صفحته

قدامك اهو ادخلى وشوفى بنفسك

= فجر مسكت الفون ولما اتأكدت انهارت

الباب خبط.. وكانت ام يسرى 

وفتحت الباب ودخلت 

هاجر.. انتى داخله كده مش تستأذنى الأول 

ام يسرى.. والله يا ست هانم انا اخبط قبل ما ادخل

فجر.. خير يا ام يسرى فى حاجه

ام يسرى.. كنت عاوزه اغير الملايه يا هانم

فجر.. مش وقته

ام يسرى.. حضرتك اللى قولتى علشان الست



الكبيره لما ترجع متتعصبش عليه



فجر.. أما ترجع بقى



ام يسرى.. دول فى الطريق يا هانم 



فجر.. نعم فى الطريق ومين قالك



ام يسرى.. عم فوزى السواق كان بيكلم

الولا يسرى وقالوا انهم فى السكه



فجر.. معقول من غير ما حد يبلغنى.. يبقى



اكيد فى حاجه.. خلاص اخرجى انتى دلوقتى



- خرجت وقفلت الباب وراها



فجر.. معقول يكون حد عرف فيهم حاجه.. دى تبقى مصيبه



هاجر قامت وفتحت الدولاب وبتلبس..



هيعرفوا منين انتى عبيطه



الموضوع ده محدش يعرفوا غيرى انا وانتى وبس



فجر بتتلجلج.. انتى بتعملى ايه.. انتى انتى



هتسبينى لوحدى وهتمشى



هاجر قربت منها وخدتها فى حضنها وعيطت



_ انا مش هسيبك لوحدك ابدا.. انا فى ضهرك



اوعى تخافى.. بس انا عندى شغل ولازم امشى



بس هكون معاكى فون وفيديو كول وهطمن



عليكى فى كل وقت.. وبردوا هقضى عندك يومين



الاجازه



فجر بصت لها اوى وقالت بدموع.. انا خلاص



فقدت اهم حاجه اى راجل يعوزها من اى بنت  ومش باقيه على حاجه



ولازم اعرف مين ده اللى كان قاصد يعمل



فيه كده.. وايه السبب.. وايه اللى يهمه فى



انى اخلف ولا لا.. انا مش فاهمه حاجه



ولا عارفه حاجه.. كل اللى حساه ان فى تعابين



حواليا.



هاجر.. خلى بالك التعابين دول حواليكى



فجر.. تقصدى ايه؟



هاجر.. اقصد ان اللى عمل فيكى كده

حد قريب منك اوى

والاكيد انه من هنا



فجر.. مستحيل



هاجر.. مفيش حاجه مستحيله فى الزمن



ده.. مبقاش فى امان.. حتى من اققرب الناس لينا



فجر.. بس اعرفه مين وانا مش هسيبه



.. ومسكت بطنها.. زى ما دمرنى هدمره.. 



وهخليه يتمنى الموت ومش هيطوله



.. بس كل اللى انا مستغرباه.. انا ازاى وصل 



ليه برشام منع الحمل ده. 



هاجر.. الدكتوره قالت انك اخدتى برشام منع 



الحمل بطريقه غلط وده كون الورم والنزيف 



ومعنى كده ان البرشام اتاخد عن طريق الذوبان 



فجر.. ذوبان.. يعنى ايه مش فاهمه 



هاجر.. قصدى يعنى اكيد بتشربيه فى اى حاجه 



ما هو يعنى مش هتاخديه حبوب عاديه 



يبقى كده باردتك بقى.. إنما البرشام اتاخد عن 



طريق مياه مثلا، شاى، عصير، اى حاجه فاهمه 



فجر.. ما انا بشرب الحاجات دى كلها هنا 



كل يوم وعادى 



هاجر.. من ايد ام يسرى صح 



فجر.. مش شرط.. احيانا زيزى اختى بتعملى 



أو انا.. وساعات رضوى بنت عمى.. وماما 



وكل دول يستحيل أشك فيهم 



هاجر.. انا مش برتاح للوليه اللى اسمها 



ام يسرى دى بحس نظرات عينها 



كلها خباثه ومش سالكه 



فجر.. يا شيخه حرام عليكى.. دى غلبانه 



وعايشه بلقمتها. 



هاجر.. خلاص يا ست الغلبانه.. انا هقوم امشى



قبل ما يجوا وبكره ان شاء الله اشوفك فالنادي 



فجر.. بس انا لسه تعبانه ومش هقدر اخرج 



هاجر.. يومين واكون عندك.. بس هنقضيها فون 



اوك.. 



فجر مسكت ايدها.. انا مش عاوزه حد يعرف 



خالص 



هاجر.. حاضر.. بس فى حاجه 



فجر.. عارفه.. قصدك مصطفى خطيبى صح.. بس 

انا مش هقولوا ولا هقول لأى حد 



هاجر.. هتخبى عليه انك من غير رحم.. انتى عارفه ده معناه ايه.. انك كده بتغشيه وبتحرميه 



انه يكون اب



فجر.. مش عارفه.. بس انا مش عاوزاه يعرف 



لحد بس ما اعرف مين اللى عمل فيا كده 



هاجر.. عموما انا مش هقول لحد وربنا معانا 



فى اللى جاى 



__ من وراء الباب ام يسرى واقفه 



ضربت بإيدها على صدرها.. يا مصيبتى 



الست فجر من غير رحم.. يا واقعه سوده 



يا ولاد.. ولما حست ان حد خارجه من الاوضه 



نزلت تحت جرى 



يسرى.. فى ايه يما بتجرى كده ليه 



.. مفيش يا حبيبى 



__ الجماعه وصلوا بره 



= هاجر نازله من على السلم فى دخول 



عائله فجر 



مصطفى.. فجر انتى يا بنت ياللى اسمك فجر



هاجر.. مش هتسمعك.. هاى اوفا.. اخبارك 



مصطفى.. ههههه اوفا.. طيب خلى بالك بقى 



لا صحبتك تغير عليه منك 



هاجر.. هههه مفيش بينا الكلام ده يا اوفا 



__ كلهم داخلين الفيلا وابتدت هاجر تسلم 



على الكل وتهزر معاهم



وخرجت..



ام يسرى.. احضر العشا ولا ايه النظام يا حكمت



هانم.. حكمت مامت فجر



حكمت.. انا عن نفسى هطلع اطمن على فجر



وانام.. وكمان احنا اكلنا فى الطريق



___ هاجر خارجه من بوابه الفيلا وبتبص فى الفون



وخبطت فى محمد اخو فجر



محمد.. هاجر



.. ازيك يا محمد عامل ايه.. انت بخير



-- وحشتينى اوى



.. ايه اخبار خطيبتك



-- بقولك وحشتينى.. وقرب منها ومسك ايدها 



هاجر بدموع.. انت اللى سبتنى مش انا 



وخلاص بمجرد خطوبتك كل اللى بينا انتهى



-- كان غصب عنى.. صدقينى



..اه.. هنرجع بقى للكلام الخايب ده.. غصبونى



وضربونى.. اه اه.. وهيحرمونى من الميراث.. 



نسيت يا محمد بيه 



-- انا مش هنكر انى جبان ومقدرتش احافظ 



على حبنا.. بس صدقينى غصب عنى.. زى 



ما فجر مغصوب عليها من قبلى 



زيزى.. ايه ده واقفين بتعملوا ايه 



هاجر.. ازيك يا زينب وحشانى 



زيزى.. زينب.؟! .. بقولك ايه هزعل منك كده 



وهعملك بلوك انا اسمى زيزى 



هاجر.. والله اسم زينب جميل 



محمد.. انا هكلمك بالليل علشان عاوزك 



زيزى قرصت مصطفى فى دراعه.. 



خلى بالك الحكومه جايه 



رضوى بغرور.. ازيك يا هاجر 



هاجر بتمد ايدها ورضوى تجاهلتها 



هاجر.. الحمد لله 



رضوى.. انتى ماشيه.. طيب يا حبيبتى مع 

السلامه 



هاجر اتحرجت ومشيت والدموع نزلت من عينها





محمد.. انتى مش هتبطلى الأسلوب ده 



رضوى.. انا خطيبتك وحقى اغير عليك 



ومش من اى واحده.. دى واحده كان بينك 



وبينها علاقه.. ومش اى علاقه.. انت كنت بتنام 



معاها صح ولا 



زيزى سمعت كلامهم ومشيت 



محمد مسك دراعتها الاتنين.. بحبها وبعشقها



ومش هحب غيرها.. ولو اتجوزتك.. هتجوزها بعدك تانى يوم.. انتى فاهمه ولا لا.. وسابها ومشى



رضوى بقرف.. يعنى انا اللى بحبك اوى.. بس هعمل ايه.. حكم القوى على الضعيف 



فى غرفه فجر.. 



__ الام دخلت سلمت عليها ومحستش بأى 



حاجه من ناحيه فجر ولا باللى فيها 



وبعد ما خرجت الباب خبط وكان مصطفى 



وفتح الباب



_ فجر غطت جسمها بالملايه.. اوفا 



مصطفى.. عيون اوفا وحشتينى 



وقرب منها ومسك الملايه.. انت مكسوفه



منى.. يا حبيبتى انا خطيبك وكلها شهرين 



وتبقى ملكى وباس ايدها وشال الملايه



فجر.. انت بتعمل ايه يا اوفا 



مصطفى.. بحبك يا بنت عمى يا ام ولادى 



فجر قامت من جمبه ولابست الروب 



.. ام ولادك 😭 وقالت فى سرها رغم 



انى مجبوره عليك ومش بحبك بس صعب 



عليه نفسى وانت صعبت عليه علشان 



انا هحرمك من كلمه بابا 



مصطفى.. مالك يا فجر 



فجر.. عاوزه انام 



مصطفى شاور بإيده على روب فجر وقال 



ايه الدم ده 



فجر.. دم.. دم ايه.. اه اه 



مصطفى باحراج.. خلاص فهمت.. انا هروح انام 



بس عاوز اتصبح بوشك الجميل ده الصبح



فجر.. تصبح على خير 



فى غرفه حكمت مامت فجر.. 



حسن زوجها بيقرب منها 



حكمت.. انا عاوزه انام ممكن 



حسن.. مالك يا حكمت فيكى ايه 



حكمت.. انت مش خايف من العقربه مراتك 



لا تشوفنا وتخلى وقعتك سوده 



حسن حضنها.. ما هى مش هنا عند ماما فى 



الشقه القديمه 



حكمت.. ما انا عارفه.. بس انا خايفه لا تطلع 



لنا من الحيطه.. او تتدخل علينا من الشباك 



بقولك ايه.. نام نام.. وودت وشها الناحيه التانيه 



ونامت.. 



__ فجر خدت شاور ونزلت المطبخ وعملت 



كام سندوتش 



يسرى دخل عليها.. عاوزه حاجه يا انسه فجر 



فجر.. ايه اللى جابك 



يسرى واقف وفى ايده جردل وشرشوبه 



.. انا كنت بمسح مكان الشاى اللى وقع منى 



على الارض 



فجر.. بس مكان الشرشوبه مش المطبخ.. 



مكانها الحمام يا يسرى 



يسرى.. انا سمعت صوت قولت اشوف مين 



فجر.. ماشى عن اذنك ورجعت فتحت التلاجه



وشربت من العصير الأخضر بتاعها



يسرى.. هو ايه ده 



فجر.. ليه 



يسرى.. اصل لونه حلو 



فجر.. مش لونه بس اللى حلو وطعمه كمان 



تحب تدوق 



يسرى.. شكرا.. بس كنت عاوز اعرف ده ايه 



فجر.. ده عصير اخضر.. فاكهه خضرا وخضروات 



اى حاجه خضرا ومفيد جدا للصحه والبشره



يسرى.. الف هنا وشفا 



فجر.. ميرسى.. وسابته وطلعت على اوضتها 



وكل تفكيرها مين اللى عمل فيها كده 



وهتعرفوا ازاى 





__ وبعد مرور اسبوع وفجر زى ما هى قاعده 



فى البيت ومش بتنزل شغل ونفسيتها وحشه 



وتعبانه.. بس بتكلم هاجر طول الوقت 



وفى يوم العيله كلها اتجمعوا وحددوا ميعاد زواج 



محمد ورضوى.. وكان الغريبه ان الزواج بعد اسبوع.. 



__رضوى فى غرفتها وعندها حاله مش طبيعيه 



مسكت الفون وكلمت دكتور نساء كانت واخده 



رقمه من واحده صاحبتها 



وخدت منه ميعاد وراحت عنده قبل الفرح 



ولما راحت العياده ودخلت طلبت عمليه صغيره 



انها ترجع انسه زى ما كانت وقالت حجه 



للدكتور انها تم اغتصابها فى حادث



وطلبت منه أن العمليه تتم سرا وحالا 



وفعلا دخل معاها غرفه العمليات وخدت بنج 



كلى وهى مكانتش عارفه تفاصيل العمليه 



من الأساس ودخلت على عماها.. 



ولما نامت من البنج.. الممرضه دخلت 



عليها وفتحت فيديو والدكتور استغلها فى البنج



وكان بيعمل معاها علاقه والبنت الممرضه بتصورهم.. 



فى الفيلا.. 



فجر بتكلم هاجر وبتعيط 



انا خلاص ضعت ومفيش فايده مش عارفه 



اعمل ايه ولا اعرف ازاى مين اللى عمل فيه كده



هاجر.. يا بنتى ان شاء الله هتعرفى وخصوصا 



ان محدش يعرف اللى حصلك واكيد 



اللى بيعمل كده لسه بيحط البرشام فى اى 



حاجه انتى بتشربيها.. انا عاوزاكى بس تراقبى 



اى حد فى البيت عندك وتصرفاته اكيد هدلك 



على فعله وعلى المصيبه اللى عملها فيكى 



فجر.. ماشى.. وقفلت معاها 



ونزلت تقعد فى الجنينه لما شافت يسرى 



بينضف الجنيه من الشباك 





وهى نازله شافت مصطفى داخل المطبخ 



دخلت وراه وشافته فتح التلاجه 



وخد كانز بيبسى وفضاه فى كوبايه 



وحط جواه حاجه وقعد يقلبوا جامد 



ولما جه يخرج جريت وقعدت فى الصالون 



قرب منها وقدم لها البيبسى.... 



يتبع 

reaction:

تعليقات