القائمة الرئيسية

الصفحات

رواية ثلاثون يوما من طاعته الفصل الثالث 3 بقلم فاطمة خليل

 رواية ثلاثون يوما من طاعته الفصل الثالث 3 بقلم فاطمة خليل

رواية ثلاثون يوما من طاعته البارت الثالث

رواية ثلاثون يوما من طاعته الفصل الثالث 3 بقلم فاطمة خليل


رواية ثلاثون يوما من طاعته الجزء الثالث

ثلاثون يوماََ من طاعته♥️
#الحلقة_الثالثة
واحد من المصلين : حج مطاوع كنا عايزينك بكرا في قعدة عندي في البيت
الحج مطاوع : من عنيا ياحج منعم بس بخصوص ايه؟!
الحج منعم : بنتي وجوزها متخانقين وكنت عايز أصلح بينهم
الحج مطاوع بابتسامة : ربنا يسهل
طلع الحج مطاوع من المسجد ورجع بيته وقعد مع معتصم ومراته برا قدام البيت
____في اوضة على ____
على : بتعملي ايه يا عائشة
عائشة : هروح بيت اهلي شوية عشان مزرتهمش من زمان
ما انا قايلالك
على : بس انا مقصدش دا... انا اقصد بتحطي برفان ليه
عائشة بابتسامة : الله بتطيب ياعلي ان الله جميل يحب الجمال
على مسك ايدها وقعدها جنبه على السرير وبص ليها بهدؤ وابتسامة : متعرفيش ان المرأة المتعطرة وبمر على ناس وتفوح رائحة عطرها تعتبر زانية
فتحت عائشة عيونها بصدمة وشدد على على ايدها
على بهدؤ : الرسول صلى الله عليه وسلم قال : «أَيُّمَا امْرَأَةٍ اسْتَعْطَرَتْ فَمَرَّتْ عَلَى قَوْمٍ لِيَجِدُوا رِيحَهَا فَهِيَ زَانِيَةٌ، وَكُلُّ عَيْنٍ زَانِيَةٌ».... الزنا هنا مش بالمعنى اللي يوجب الرجم والجلد واللي بينادي المتعطرة بالزانية بيبقي قاذف ولازم جلده تمنين جلده
عائشة بتشوش : ياعلي انت بتقول كلام متناقض انا مش فاهمة حاجة مرة تقول زانية ومرة تقول لاء
ابتسم على : المقصود بزانية من الحديث هو عظم الوزر عشان هيا ايقظت شهوة الرجال بعطرها واجبرتهم على النظر ليها يعني هنا مش زانية بالمعنى الحرفي ولا عقابها زي الزانية بس دا عشان يدل على كبر الذنب 
عائشة : طيب ما الرجال بيتعطروا هما كمان ليه النساء بس هما اللي حرام رغم ان الاثارة مسئلة عامة على الرجل والمرأة
على : يا عائش مين قال ان العطر محرم للمرأة
عائشة بصدمة : الله مش انت اللي لسه قايل انت هتجنني
على بضحك : لا ياستي ولا هجننك ولا حاجة.... العطر محلل للمرأة بس بشروط... اول حاجة انك متكونش حطاه بغرض جذب الانتباه تاني حاجة انه ميكونش ظاهر جدا اللي هو بيظهر جامد ولا العطر اللي بيثير الشهوة المحرمة 
فهمتي ياستي قصدي
عائشة بابتسامة : ايوا فهمتك ربنا يباركلي فيك
باس على جبينها : ويخليكي ليا ياغالية
_____برا عند الحج مطاوع_____
معتصم : جدي هما مين أصحاب الايكة دول
الحج مطاوع : دي قصة طويلة يامعتصم
معتصم بفضول : احكيها
ضحك الحج مطاوع على فضول حفيده وبص لزوجته لقيها هيا كمان متشوقة عشان تعرف القصة
الحج مطاوع : ايه يا حجة عايزة تسمعي انتي كمان
فاطمة بابتسامة : بصراحة معتصم معاه حق هو الاسم غريب وانا على طول يقرأه في المصحف
الحج مطاوع بابتسامة : «أصحاب الأيكة» هما قوم شعيب، مملكتهم مدين، ومدين مملكة ومنطقة كانت لقبيلة من العرب في شمال غرب الجزيرة العربية ، وكان أهلها بيشتغلوا  في التجارة، بعث الله فيهم نبيه شعيباً، ينصحهم بالمتاجرة الشريفة، قال تعالى: (وَإِلَى مَدْيَنَ أَخَاهُمْ شُعَيْبًا قَالَ يَا قَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ وَلَا تَنْقُصُوا الْمِكْيَالَ وَالْمِيزَانَ إِنِّي أَرَاكُمْ بِخَيْرٍ وَإِنِّي أَخَافُ عَلَيْكُمْ عَذَابَ يَوْمٍ مُحِيطٍ) فرفضوا أن يسمعوا دعوته ويسيبوا المعاصي، فآمن به شوية قلال ورفض أعظمهم وسخروا منه واستكبروا. جت قصة «أصحاب الأيكة» في سور الأعراف وهود والعنكبوت، وتكاملت في سورة الشعراء، قال تعالى: (كذب أصحاب الأيكة المرسلين* إذ قال لهم شعيب ألا تتقون* إني لكم رسول أمين* فاتقوا الله وأطيعون* وما أسألكم عليه من أجر إن أجري إلا على رب العالمين* أوفوا الكيل ولا تكونوا من المخسرين* وزنوا بالقسطاس المستقيم* ولا تبخسوا الناس أشياءهم ولا تعثوا في الأرض مفسدين* واتقوا الذي خلقكم والجبلة الأولين* قالوا إنما أنت من المسحرين * وما أنت إلا بشر مثلنا وإن نظنك لمن الكاذبين * فأسقط علينا كسفا من السماء إن كنت من الصادقين * قال ربي أعلم بما تعملون * فكذبوه فأخذهم عذاب يوم الظلة إنه كان عذاب يوم عظيم* إن في ذلك لآية وما كان أكثرهم مؤمنين)،
سيدنا شعيب قال ليهم انا مش محتاج منكم اجر انا اجري عند ربنا كل اللي عايزه انكم تسيبوا المعاصي وتعدلوا في الكيل والتجارة وتدوا الناس حقوقهم ومتفسدوش في الارض واتقوا ربنا اللي خلقكم
ردوا عليه وقالوا انت من المسحرين انت بني آدم زينا ازاي هتكون نبي اتهموه بالكذب وقالوله لو كنت صادق أسقط علينا كيف من السما
قالهم ربنا شايف وعارف اللي بتعملوه
بس برضو كذبوه فربنا انزل عليهم عذاب يوم الظلة
عذاب يوم الظلة دا يعني ربنا ارسل عليهم حر شديد مش يحتمل واستمر سبع ايام ورا بعض ولما خلاص فاض بيهم الكيل ومبقوش قادرين يتحملوا الحر طلعوا من بيوتهم وراحوا الصحرا لعلها تكون أقل حرارة لكن أشعة الشمس كانت شديدة الحرارة والرمل ملتهب
بعد شوية ربنا اظلهم بسحابة ففرحوا وفكروا انها فيها مطر وهيذهب الحر وبدؤا يتجمعوا تحتها عشان تحميهم من أشعة الشمس وسعتها السحابة بدأ تمطر عليهم حمم من النار الحارقة لحد ما اهلكتهم كلهم وماتوا 
وبس هيا دي قصة اصحاب الايكة
فاطمة : لا حول ولا قوة الا بالله العلي العظيم
طلعت عائشة لقيتهم قاعدين مع بعض
عائشة : يلا يامعتصم عشان نروح بيت جدو.
مسك معتصم ايد والدته ومشيوا وقعد الحج مطاوع مع زوجته
فاطمة : من زمان مقرأتش ليا قرآن بصوتك ياحج شكلك نستنى
الحج مطاوع بابتسامة : هو انا اقدر انساك انت رفيقة دربي يافاطمة واختي وصحبتي مهما كبرنا هتفضلي الاقرب لقلبي
كفاية انك اصيلة ولا مرة سبتيني او زعلتي مني
فاطمة : انا ازعل من الدنيا كلها الا انت يا حج انت سندي في الدنيا
ابتسم الحج مطاوع ومسك ايديها بحنان وبدأ يتلوا ايات القرآن وهي على وشها ابتسامة
______يتبع_____

لقراءة باقي حلقات الرواية اضغط على (رواية ثلاثون يوما من طاعته)
reaction:

تعليقات