القائمة الرئيسية

الصفحات

رواية إمرأة بطعم الوجع الحلقة العاشر 10 بقلم أماني عنان

 رواية إمرأة بطعم الوجع الحلقة العاشر 10 بقلم أماني عنان

رواية إمرأة بطعم الوجع البارت العاشر

رواية إمرأة بطعم الوجع الحلقة العاشر 10 بقلم أماني عنان


رواية إمرأة بطعم الوجع الجزء العاشر 

#إمرأة_بطعم_الوجع 
قصة حقيقية بقلم أماني عنان 
الحلقة العاشرة 
دي عروسة رميه باينها مالقتش عرسان غير ابني  فضلت اطفش فيها واقول لهم ابني لسه ماكونش نفسه تقولي مش مهم خدوهم فقرا يغنيكم الله قولت لأهلها هيقعد تلت سنين جيش ابوها قال ربنا معاه ..
في الشارع تحت شقة العروسة واقفه حماتها وجارتها واخت محمد جوز علا كنت بطلع في أول كرتونه من عزال اختي علا وفجأة سمعت صوت محسن بيتخانق في الشارع خوفت عليه اوووي حطيت الحاجة ونزلت له بسرعة ..
محسن ساب أصحابه وبص للستات وقال :
ماتحترموا نفسكوا شويه انتوا مش معتبرين حد خالص كدا وناسيين أن اللي بتغلطوا فيها دي تبقي اختي ..
حماتها .. واحنا قولنا حاجة ماحصلتش
محسن .. انتوا عايزين تخربوها بس خلاص الجوازة تمت وكتبوا الكتاب ريحوا نفسكوا 
صاحبة حماتها .. خدتوا زينة الشباب والله 
حماتها .. اه يانا ياميلة بخته
نزلت وسمعت طراطيش كلام وتلقيح علي اختي وهي بتفرش فوق وحسيت بالدوشة طلعت علا من الدور الخامس وشتمت حماتها :
علا .. ماتحترمي نفسك ياست انتي وبنتك هو رمي جتت وخلاص 
حماتها .. ونعم التربية مالقيتش واحده شرشوحه اكتر من دي تجيبهالنا يامحمد 
صقفت علا وهي بتبص من الشباك لسه وردحت لها . حوش حوش مستواكوا يام مستوي 
ورد .. انا هنزل اجيب الولية دي من شعرها
علي زميلي في الشغل واقف ورايا وبيهدي فيا وعمال يقنعني اسكت ..
علي .. ادخلي جوا 
ورد .. اوعي ياعلي انا مش هرتاح غير لما اضربها علي بوقها الولية دي …
علي .. اهدي 
ورد .. لا مش ههدي 
علي قفل البوابة الحديد ووقف قدامي انا وبنات العيلة اللي كانوا نازلين ورايا …
افهمي بس انتي عايزا تخربي علي اختك وتقول ورد السبب وبعدين ماعلا ومحسن قاموا بالواجب اسكتي انتي وسيبيهم الموضوع اتفض خلاص ..
ورد … ربنا يكسر فرحتهم زي مانكدوا علينا 
علي .. ولا يهمك تعالوا اطلعوا شغلوا اغاني افراح فوق ورتبوا العفش  براحتكم
ورد .. ماشي بس ماتسيبش محسن خده واقعد ع قهوة اشربوا حاجة علي مانخلص 
علي .. تمام محسن راجل وقعدته تتحب
بقلمي أماني عنان 
طلعت الشقة لقيت علا وأمي قاعدين :
ماما .. شوفتي ادي آخرة المشي ورا العيال 
علا .. بالله عليكي ماوقته يامه انا اتجوزته مخصوص عشان اطلع عين العقربة أمه 
ماما .. انتي بتعاندي نفسك مش حماتك بعد الدخلة خلاص كل حاجة بتنتهي ياعلا وتلاقي نفسك مضطرة تعيشي ..
علا .. سكتت
ورد .. فايدته ايه الكلام دا دلوقتي ها يعني لو قالت مش هقدر اكمل هنمشي ياماما ولا ايه ؟
علا بإصرار .. هكمل وهتجوزه غصبن عن عين امه ..ههههه
قلبت اليوم ضحك بعد ماكنا خلاص فصلنا 
________ #أماني_عنان _____
في المول 
ورد لابسه بنطلون ازرق وبلوزة رمادي وطرحه بيضا داخلين كلهم في وقت العمل ونازلين من الباص الموظفين القريبين بيركبوا سوا ..
سميحة ورا ورد بتشاور وتقول بسرعة . ورد بصي بصي 
ورد رفعت عيونها ..  ابص ع ايه ؟
سميحة … هناك عند البوابة الرئيسية مش دا الشاب بتاع المكتبات 
ورد … اه 
سميحة .. ماله متشيك ليه النهاردة 
ورد ..  تصدقي بيقلع النضارة بثقه اوي كانه احمد عز هههههه 
سميحة .. حماس شباب ياختشي 
ورد .. طب يالا بينا عشان نسجل حضور قبل مانتاخد تأخير 
سميحة .. مش لما يمشي شكله بيتكلم مع الأمن 
ورد .. يعني نستني حضرته ونتجازه ،، تعالي تعالي 
دخلوا الاتنين ورد بنت جريئه في حقها الشغل والتنقل من مكان لمكان علم فيها اووي وقوي قلبها دخلت في ضهره وقالت بعنف .. تسمح ياكابتن 
امجد باستغراب  .. في حاجة ؟
سميحة بتضحك وتخبي بوقها
ورد بترفع حواجبها وترد .. عايزين نسجل حضور عندك مشكلة 
امجد اتلغبط واتحرج شويه وبعدين أتراجع .. اه اتفضلوا .. اسف 
ورد ..  ماردتش عليه 
سميحة .. تحسي أنه كان بيحور لحد مانوصل 
ورد … بطلي تهيئات 
سميحة طلعت علي السلم قدامها ودخلوا غرفة تبديل ملابس الموظفات عشان يلبسوا الزي الرسمي للمول وقالت : 
دا احساسي احنا بنشتغل سوا لينا كام شهر ؟
ورد بترمي الشنطة علي ترابيزة مدورة جانب الحيطة وبترد .. اربع شهور ياناصحه
سميحة بتلبس الجاكت .. احلفلك بأيه امجد عينه عليكي طول المدة دي 
ورد .. وماتكملش ليه ؟
سميحة قعدت  وبتستريح ..  اقولك 
ورد … لا لا لا مش هنا قدامي علي مكن الكاشير بسرعة الساعة بقت تسعة 
ورد مشيت وسميحة قامت تجري وراها عشان يبدأوا الشغل ..
____ 
امجد جاب طلبية شغل وجه عند مكنة ورد وطلب منها تحاسب العميل وهو واقف معاهم لأن المطلوب كمية كبيرة من ورق الA4 تقريبا خمسين كرتونة 
امجد .. لو سمحتي ياورد سجلي الطلبية
ورد بترفع عيونها وبتحاسب اخر زبون قدامها وفي مكان تاني كتير فاضي قدامه قامت علي مضض عشان تعد الكراتين وقالت : تمام يالا 
امجد بيبتسم ويركن شويه عشان تعدي قدامه 
ورد بتعد وتسند الكراتين اتقدم امجد يساعدها 
عنك انتي 
ورد .. ياريت والله اصلا ايدي وجعتني 
امجد لمس ايدها بالغلط وشه احمر واتكسف جدا 
ورد في سرها .. ايه ياخواتي الواد الكسوفه دا هو في راجل عنده دم كدا وبيتكسف ههههه 
قالت بصوت .. سوري 
امجد بصوت واطي .. حصل خير 
الزبون منتظر الوصل ومش مركز معاهم 
ورد راحت علي المكنة وسجلت الاوردر والعميل مشي وجه غيره لكن كله ملاحظ نظرات الشاب الرفيع الخفيف لها 
محمد زميلها في الشغل بيكلمها بهزار :
ايه الصنارة غمزة 
ورد بتشيل شنطتها وتضحك ..  تؤ تؤ تهيؤات ياجماعة والله مافي حاجة 
سميحة … يمكن بالنسبة لك إنما بالنسبة له لا 
ورد .. مش استايلي والله ماتحاولوش
سميحة .. احسن مش منظر اصلا 
ورد مشيت قدامها وطلعوا علي الباص وهي مستغربه .. ازاي بتلفتي نظري أنه مركز معايا وأزاي بتقولي مش منظر ؟
سميحه قعدت جاب الشباك وارتاحت .. بصي هو معجب دي حاجة وأنه مش عريس واو دي حاجة تانية 
ورد .. اهو جه 
سميحة .. غريبة مش خطنا 
ورد … هههههههه هي كل حاجة عندك غريبة ماتكبري دماغك شويه 
سميحه .. ماشي تعالي نتمشي شويه وناكل ايس كريم عايزا اغير جو من الشغل للبيت ومن البيت للشغل 
ورد .. اشطات 
_______ #أماني_عنان ______
في اليوم التاني الموظفين ركبوا الاتوبيس مع بعض الشباب والبنات بينهم زمالة شغل وعشرة ،ورد جايه في قمة شياكتها لابسه جيبه قصيرة وبوت لبعد الركبة وكوفية بيضا 
سميحة بتكلم محمد زميلها ..
بطيخه هو السواق اتغير 
محمد ماتحترمي نفسك بقي يابنتي 
سميحة .. هههههههه وانا مالي ياعم مش العيال اللي مطلعين عليك محمد بطيخه
محمد .. ماشي تقريبا كدا عم رمضان السواق اللي نعرفه إجازة 
سميحه اهي ورد جت اهي 
امجد بص بانتباه وساب الموبايل من أيده 
ركبت ورد وقبل ماتمسك نفسها قام طالع السواق فجأة فوقعت علي وشها بطريقة فظيعة قامت بحرقة واحراج تشد في الجيبة ومش عارفه الشباب شافوا ايه ولا ايه بأن من جسمها قالت بغيظ :
مش تحاسب ياحيوان انت ايه مابتفهمش !!
السواق في ذهول ازاي بنت وتغلط فيا كدا عادي وقعت وعدي الموقف رد ببجاحه : ماتحترمي نفسك بتغلطي ليه ؟
ورد بعصبية … انت لسه شوفت غلط دا انا هطلع عين اهلك 
السواق ..  لا دا انتي مجنونة بقي وانا أجن منك 
ورد .. مجنون علي نفسك مش عليا 
محمد ..  تعالي بس ياورد واستهدي بالله 
سميحة .. بتنفض معاها الجيبة وبتسألها ..انتي كويسه ؟
ورد .. هو يوم قرف من أوله 
محمد .. يالا ياسطي اتكل علي الله 
السواق .. مش طالع غير لما تنزل البت دي 
ورد .. بت في عينك هو انا بلعب معاك انا موظفة في مكان اكل عيشك مش واحده من الشارع 
السواق نزل وخد المفتاح .. مافيش طلوع غير لما تنزلوها
ورد … ههههه وأدي قعده احسن وفرت عليا يوم شغل بس ابقي قابل بقي اللي هيحصلك 
السواق عجز قدام عندها وقوة ردودها راح كاسر ازازة البيبسي بسرعة وبيجري علي بابا الاتوبيس وهو بيقول بغضب .. وحياة امك مانتي راكبه فيها ولو مانزلتيش لاجيب رقبتك دلوقتي ..

لقراءة باقي حلقات الرواية اضغط على (رواية إمرأة بطعم الوجع
reaction:

تعليقات

5 تعليقات
إرسال تعليق

إرسال تعليق