رواية ليالي الزين الفصل العشرون 20 بقلم رباب احمد

 رواية ليالي الزين الفصل العشرون 20 بقلم رباب احمد

رواية ليالي الزين البارت العشرون 

رواية ليالي الزين الفصل العشرون 20 بقلم رباب احمد


رواية ليالي الزين الجزء العشرين 

دخل زين وسيف المكتب وقعدوا قصاد بعض
سيف
زين انا حابب اعرف ايه ال بيحصل بظبط وايه موضوع خطبتك ده ولما انت خاطب اتجوزت لى لى ليه ولو انت فعلا بتحب لى لى طب لسه خاطب لحد دلوقتى ليه وازاى لى لى قابله ده انا مش فاهم حاجه زين بتنهيده طويله
انا هفهمك كل حاجه بس مهما تسمع عوزك تقدر ظروفى وتسمعنى كدكتور وصديق مش اخو مراتى بص يا سيف الحكايه من الاول انى فعلا كنت مغصوب على ليالى وكنت رافض الجوازه تعرف انا عمرى ما شفت ليالى خالص بسبب دارستى وفضلت بره لسنين طويله و لدرجت انى رفضت اشوفها لما فتحوا موضوع الجواز ولما جدى هددنى بسحب المجموعه منى وصمم على الجواز وافقت على اساس فتره وتعدى وانى اقدر ازهق ليالى واخليها تطلب الطلاق لانى كنت خاطب ومش معنى انى بقولك انى كنت خاطب انى كنت بحبها انا عمرى قلبى ما عرف معنى الحب اصلا الا على ايد ليالى تعرف يا سيف انا كانوا بيقولوا عليا قلبى ولا القطب الشمالى تلج بارد مش بيحس بحد معنديش مشاعر بفكر فى الشغل وبس ده اهتمامى الاول والاخير المهم كتبت كتابى على اختك ومن غير ما شوفها وحصل مشكله فى الشغل ونزلت مصر بسرعه وسبتها رجعت مع بابا ولما المشكله خلصت وتانى يوم بابا وماما صمموا انى اطلعلها الاوضه واتكلم معاها كنت مضايق بس جوا نفسى انا مستحلف انى ازهقها فى عشتها وقلت ان دى فرصتى واعرفها حدودها دخلت عليها الاوضه بكل غضب وهيا كانت بتصلى ومديانى ظهرها ولما خلصت انا زعقتلها وكلمتها بطريقه بايخه جدا ومستنتش حتى انها تلفلى وتكلمنى وفضلت ادوس عليها بكلمات جارحه وهيا ساكته مردتش وسبتها وخرجت بسرعه ومن غير ما شوفها كل ده وسيف بيسمعه وبيحلل كلامه كدكتور نفسى
زين مكملا حديثه
بعدين بابا وماما زعلوا منى جدا وبابا قالى انو هيطلقها منى لما جدى يرجع انا مدتش اهتمام للكلام لان فعلا ده ال كنت عوزه لما نسرين ال كنت خاطبها جات هيا ووالدها بليل بعديها على العشا اه على فكره انا كنت خاطب نسرين مش حب
سيف مقاطعا اياه
عارف انت خاطبتها عشان هيا كانت زيك ملهاش فى المشاعر خالص ولحد الان معندهاش مشاعر وانت بنسبلها صفقه ولازم تكسبها وده ال لحظته النهارده من كلمها وتصرفتها
زين بابتسامه
انت دكتور شاطر على فكره
سيف
شكرا المهم كمل وبعدين ايه ال حصل
زين
كنت قاعدين فى الصالون ونزلت ليالى مع مى واول ما شوفتها كانى شوفت حوريه من الجنه عنيها فيها لمعه غريبه بتشدك لعالم تانى خالص اول ما شوفتها قلبى دق بس كدبته انا الاول كنت مفكرها زميلت مى لانى مكنتش اعرف شكلها بس لما مى عرفتها على نسرين وبباها انا اتصدمت وحاولت ادارى بقى القمر ده والملاك ده تبقى مراتى انا ملكى انا وانا زى الحمار ارملها الكلام الدبش ال قولته وصدقنى يا سيف من اليوم ده حياتى اتغيرت تماما بقيت حابب اشوفها كل شويه عاوز اصلحها على الكلام ال قولته بغير عليها بجنون خلت التلج ال جوايا بقى نار مش عاوز حد يشوفها ولا يقربلها وفى يوم عملت حفله عشان صفقه تممتها ونزلت لى لى الحفله وقلبتها والكل عينه عليها وانا هتجنن وكنت عاوز اطربق الحفله على دماغها وزعقتلها وخليتها تطلع اوضتها وفهمتنى غلط انى مكسوف منها وانى مش عوزها وسطيهم وفكرتنى بالكلام الجارح ال قولتهولها اول مره وحولت اهديها وافهمها بعد كده رفضت
تانى يوم فى الشركه كل شويه واحد يجى يتقدملها وعاوز يتجوزها ادينى عقلك يا سيف لما واحد يجى يقولى انا معجب بمراتك وعاوز اتجوزها
سيف بابتسامه
بس هما ميعرفوش انها مراتك
زين
منا عارف بس فكره انهم بصولها بس جننتنى مقدرتش استحمل وجريت على الفيلا وقولت لازم اقولها انى بحبها وانها ملكى روحتلها بس هيا كانت زعلانه منى ومضايقه ومش راضيه تسمعنى والاسود من كده انها بتقولى ان فى واحد متقدملها وهيا هتوافق وتتجوزه كان البرج ال فى عقلى طار ومشفتش قدامى
  سيف اتعدل فى مكانه
و ايه يا زين عملت ايه
زين بخجل من سيف
وتممت جوازى منها غصب عنها
سيف قام من مكانه وبنرفزه
انت ازى تعمل كده ازاى تجرحها الجرح ده
زين
اهدى يا سيف وافهمنى انا بكلمك كصديق
جلس سيف
كمل يا زين
زين
اعذرنى مراتى ال بعشقها وبقيت مجنون بيها بتقولى انها موافقه تجوز واحد غيرى حسيت وقتها ان لازم اثبتلها انها ملكى انا انها بقت ليالى الزين ومستحيل حد يقرب منها غيرى انا مش ابرأ نفسى انا عارف ال عملته ده غلط كبير بس والله كان غصب عنى ومن حبى ليها وبحاول اكسب رضاها واصالحها
سيف
ومسبتش نسرين ليه لحد دلوقتى
زين
هقولك بس الكلام ده سر بنا انا عرفت ان نسرين وابوها عاوزين يدمرونى فى السوق وانهم شركه من الباطن فى شركه اجنبيه وعوزين ينهوا المجموعه بتاعتى عشان يستولوا على السوق وهيا عارفه بجوازى من ليالى وانه جواز مصلحه عشان جدى فلو سبتها دلوقتى وواجهتها ممكن يؤذوا ليالى ويعملولها حاجه لانهم هيعرفوا ان ليالى نقطه ضعفى لان العب كده هيكون على المكشوف وهيخدوا حزرهم فانا سايبهم لحد ما اظبط كل حاجه عشان اضربهم فى مقتل وانهيم من السوق خالص ويبعدوا عن حياتى وساعدتها اقدر اعلن جوازى من لى لى واعملها اكبر فرح اسطورى يليق بفاتنتى
سيف بابتسامه
فاتنتك ده انت واقع ل شوشتك
زين انا مجنون بيها
سيف بقلق
بس انا قلقان على ليالى وخايف وخصوصا من ال اسمه جاسر
زين بغضب
قسما بربى ال هيقرب منها لمحيه من على وش الدنيا سيف
بس شكل جاسر بيحبها
زين بعصبيه
نعم بتقول ايه
سيف
اهدى يا زين انا دكتور وبفهم ال قدامى من انفعالته وحركاته ونظرته ل ليالى النهارده كلها حب زى منا متاكد من كلامك ال قولته دلوقتى ومشاعرك ناحيت ليالى ولولا كده مكنتش سامحتك على ال عملته معاها وخصوصا انك خلتها مراتك غصب عنها
زين بخوف
هيا ممكن ليالى تحب جاسر ده
سيف بابتسامه
مستحيل
زين
ليه واانت متاكد منين
سيف
لان ليالى بتحب واحد تانى
زين بغضب
مين ده يا سيف
سيف
زين الفيومى
زين بصدمه
انت بتقول ايه بجد هيا قلتلك
سيف
من غير ما تقولى انا اكتر واحد عارفها وفاهمها ولمليون مره انا دكتور نفسى والله وبفهم ال قدامى وبما انت ليالى بعد ال عملته معاها وبعد ما تممت جوازك منها غصب عنها ما خافتش منك ولا نفرت منك يبقى بتحبك بدليل انا قعدت جمبك النهارده من غير ما تخاف وغارت عليك لما نسرين باستك وكل ال مزعل ليالى انك واخد كل حاجه بزعيق وغصب وانك لحد دلوقتى مقولتلهاش انك بتحبها واتاسفتلها على ال حصل هيا مضايقه منك بس
زين بفرحه
انا اسعد واحد فى الدنيا كلها الله يطمن قلبك انا هصلحها واعترفلها بكل حاجه بس اخلص من موضوع الزفته نسرين وابوها وجاسر وافضلها عشان عوزها تتصرف بطبيعه قدامهم ومشكوش فى حاجه
سيف ربنا يستر اختى امانه عندك يا زين حطها فى عنيك
زين
دى ساكنه روحى وفى قلبى قبل عنيا
سيف
احم طب انا عوزك فى موضوع
زين
خير سيف
سيف
انا عاوز اتجوز مى اختك قولت ايه
زين بابتسامه
وانا عمرى ما لقى احسن منك لاختى
سيف
تسلم بس بعد اذنك انا عاوز انا ال افاتحها فى الموضوع
زين
تمام على فكره يا سيف انا ثقتى فيك ملهاش حدود سيف
تسلم زين تعالى نطلع نسهر فى الجنينه شويه
ومر شهر على هذ الحال زين بيحاول يقرب من ليالى ويتاسفلها على الحصل وفى نفس الوقت بيحاول يخلص خطته ال هتنهى على نسرين وابوها
اما سيف كل يوم بيقرب من مى وبيحاول يتاكد من مشاعرها نحيته قبل ما يفتحها فى موضوع الجواز ونهى ونادر بيتكلموا كتير وبيحاولوا يفهموا بعض بس كل واحد ساكت ومقلش ال جواه لتانى اما نسرين مستغربه معامله زين ليها وانه بيعملها برقه وكلام مبهم مش مفهوم بنسبه ليه وده غير طبيعه زين وجاسر هيولع عشان مش عارف يوصل ليالى خالص بتروح الكليه قليل خالص والحراسه حواليها ودى اوامر زين وفى يوم فى الجامعه لى لى ومى ونهى قاعدين وبيضحكوا جالهم دكتور احمد
احمد
احم ازيكم يا بنات
الحمدالله يا دكتور
احمد
ليالى ممكن اتكلم معاكى شويه
ليالى
خير يا دكتور فى حاجه
احمد
الصراحه انا معجب بيكى جدا وحابب ازور اهلك
ليالى كانت هترفض لانها بتحب زين بس حبت تغيظ زين وتثيتله ان كلامها صح وانها هتوافق على جوازها من غيره وتنتقم منه على ال عمله معاها
ليالى بابتسامه هاديه
تمام يا دكتور حضرتك ممكن تشرف النهارده باليل احمد بفرحه
تمام هكون موجود الساعه 8 ومشى احمد
ومى ونهى ايه ال هببتيه ده ده زين هيولع الدنيا
لى لى بخبث
خليه يولع لازم اخد حقى منه على ال عمله فيا
مى
زين بيحبك يا ليالى
لى لى بحزن
مهو واضح بامارت مهو رايج جاى مع الزفته نسرين ونزلين احضان وبوس
نهى
ده احنا بنغير بقا
لى لى بتوتر
وهغير ليه هو ميهمنيش اصلا ويلا بينا نروح
مى يلا ماتجى معانا النهارده يا نهى بدل خالتك جات وهتبات مع مامتك النهارده على الاقل تشوفى المجزره ال هتحصل بليل
لى لى
اه يا نهى تعالى معانا
نهى
انا مكنتش هاجى بس هموت واشوف ايه ال هيحصل بليل هكلم ماما اقولها
وراحوا البنات على الفيلا
اما فى مكتب زين
زين
ايه الاخبار طمنى
نادر بابتسامه
كل ال انت عاوزه حصل ولبسوا فى الحيط و الباب خبط ودخلت نسرين
اهلا بيبى
زين بيضغط على اسنانه
اهلا عامله ايه
نسرين بدلع
كويسه يا قلبى على فكره انا هاجى بليل عندكوا ازور طنط مشفتهاش من زمان
زين بضيق
تشرفى
نسرين
طب اسبكم تكملوا شغل وامشى ونتقابل بليل باى يا بيبى
زين بعد ما خرجت يا تقل دمها
نادر
طب انا همشى دلوقتى ونكمل كلامنا بعدين هنا مش امان
زين
تمام تبقى تعالى بليل وهات مريم معاك عشان اعرفك على دكتور سيف اخو لى لى وهيقدر يفهم مريم ويساعدها انها تتقبل واحده تانيه فى حياتك غير مامتها
نادر
والله خايف يا زين ربنا يستر
زين بابتسامه وبيغمزله
تعالى بس فى ناس عاوز تشوفها موجوده عندنا النهارده
نادر
بجد عرفت ازاى
زين
يابنى انا متابع مع الحرس من ساعت ما يخرجوا يرحوا الكليه ولحد ما يرجعوا والحرس بلغنى ان نهى معاهم وروحوا على الفيلا
نادر بفرحه
خلاص تمام هاجى واهى تقابل مريم واعرف انطباعها الاول عنها
زين ان شاء الله خير متقلقش
اما فى مكتب نسرين بتكلم بصوت هامس ايوه يا جاسر انا عملت ال قولتلى عليه وهنروح باليل بس مقلتلوش انك هتجى معايا زى متفقنا
جاسر
شاطره ايوه كده انا لازم اشوفها النهارده واتكلم معاها نسرين
طب سلام نتقابل بليل وعدى اليوم وجه اليل يحمل الكثير من المفاجات و
 يتبع 
لقراءة الفصل التالي اضغط على (رواية ليالي الزين)
تعليقات



حجم الخط
+
16
-
تباعد السطور
+
2
-