رواية أحببت روزي الفصل السادس 6 بقلم شهد محمد موسى

 رواية أحببت روزي الفصل السادس 6 بقلم شهد محمد موسى

رواية أحببت روزي الجزء السادس

رواية أحببت روزي الفصل السادس 6 بقلم شهد محمد موسى


رواية أحببت روزي البارت السادس

فيروز بتعجب: انا اول ما شوفتك حسيت اني شوفتك قبل كده...دلوقتي عرفت اني شوفتك هناا.. بس الحقيقة انه مش اناا الي كنت بتكلم معااك في الوقت ده .....انا كنت قاعده مع بابا وماماا 
آسر بإستغراب:اومال مين الي كان بيكلمنيييي....!!
فيروز:دي روزي هي الي كانت بتكلمك
آسر:اومال انتي مين
فيروز:انا فيروز اختهاا التؤام
آسر بصدمة:نعم.. تؤام..!!
فيروز بحزن:امم تؤام...
آسر:طب هي فين...
فيروز بحزن: معرفش..
آسر بإستغراب:نعم..!!ازاي متعرفيش انتي مش لسة قايلة انك اختهاا.. يبقي ازاي متعرفيش..
فيروز بشرود ودموع:صدقني معرفش عنهاا حاجة من ساعة الي حصل..
آسر:انتي بتتكلمي بالالغاز ليه.....ايه الي حصل  
فيروز بسرحان ودموع: في يوم..
Flash back~
كان فيروز وروزي عندهم 10 سنين وكانت شهد عندهاا سنتين بس يعني كانت صغيرة جداا المهم... ففي يوم بالليل ..
روزي راحت قعدت في حضن والدهاا وقالت...
روزي :تريم انا زعلانه...."كريم"
الاب: يالهويي اميرتي زعلانه 
روزي:ايوة ياتريم اميرتك زعلانه.."كريم"
فيروز :احترمي بابا يا قليلة الادب وبطلي تناديله بإسمه
روزي ببرود طفلة:ملتيش دعوة.....الي غيران مننا يعمل زيناا...."ملكيش"
الاب:😹 طب خلاص انتوا الاتنين بطلوا نقار..ايه الي حصل يا روزي
روزي:فيروز مش عاوزة تديني حته من الشوتلاته بتاعتهاا...."شوكلاته"
الاب:ليه كدة يا فيروز مش عاوزه تديهاا...
فيروز: والله يبابا اديتهاا بس هي  مرضيتش وقالتي انتي مدياني حتة الصغيرة... وانا مديهاا حته كبيرة والله
روزي:تدابة"كدابة" يا تريم"كريم" متصدقهاش
 تانت "كانت"مدياني حته صغيرة  مش تبيرة"كبيرة"
فيروز:انا كدابة يام نص لسان
روزي بغضب طفولي:تريممم"كريم" خليهاا تبطل تقولي يام نص لسان 
الاب:خلاص بقي يا فيروز 😹 بطلي تقوليليهاا يام نص قوليلهاا يام ربع😹
روزي برفعت حاجب:قد تلامك"كلامك" تريم...."كريم" 
الاب راح حضنهاا جامد: اكيد لاء يا قلب كريم.....هو احناا عندناا كام روزي..
روزي ابتسمت:واحده...
الاب بإبتسامة:شوفتي يبقي نقدر نزعلهاا..
روزي هزت دماغهاا بالنفي وقالت:لاء
الاب راح حط ايده في جيبه وخرج فلوس واداها لروزي
الاب:خدي يا ستي روحي اشتري احلي شوكلاته من عمو الي تحت
روزي بسعادة راحت باسته وقالت:شتراا"شكراا" يا تريم "كريم" انا بحبت"بحبك" اوووي...
الاب:وانا كمان بحبك اووي..
روزي راحت قامت من علي رجله ورفعت دماغهاا لفوق بشموخ لفيروز وبصتلهاا باصه الاطفال المستفزة دي😹 
وراحت فاحت باب الشقة...
بس قبل ما تخرج..
فيروز بضحك:ابقي سلميلي علي عمو بتاع الشوتلاته😹
روزي راحت خدت شبشب من الارض وراحت حدفاهاا بيه وقالتهاا وهي بتجري علي تحت
:يااااا باااردة
فيروز كانت لسة هتجري وراهاا بس كريم نادي عليهاا...
الاب بضحك:خلاص يا فيروز تعالي
فيروز بدموع:يابابا دي حدفتني بالشبشب..
الاب:طب تعالي بس
فيروز راحت قعدت علي رجله...
الاب بإبتسامة:متزعليش منهاا انتي عارفة انها بتحبك
فيروز وهي تمسح دموعهاا:عارفة انهاا بتحبني وانا كمان بحبهاا عشان كدة بحب اغيظهاا...
الاب:اهوو شوفتي يعني انتي عارفة انك بتغيظيهاا يبقي المفروض متزعليش منها لما هي كمان تغيظك
فيروز بإبتسامة:عندك حق يا بابا
الاب:قلب بابا من جوا انتي...
وراح باسهاا في خدهاا وقالهاا:ربناا يخليكواا لبعض ويخليكوكي لياا...
فيروز وهي تحضنه:ويخليك ليناا يا احلي بابا في الكون كله....
الاب:ياله بقي روحي بصي عليهاا من البلكونة لغاية ما تطلع..
فيروز:حاضر...
وراحت البلكونة تبص علي اختهااا.....
روزي كانت اشترت الشوكلاته ومسكاهاا وبتحاول تفتحهاا  وفجأة جه واحد وراح حط ايده علي بوقهاا ورفعهاا ودخلهاا جوا عربية ومشيت....
فيروز شافت كده فضلت تصرخ بإسم اختهاا...
الاب جه علي صوت صريخهااا
الاب بخوف: مالك يا فيروز بتصرخي ليه
فيروز بعياط : إلحق روزي يابابا في حد خدهاا بالعربية ومشي.....
الاب بصدمة :حد مين...
فيروز بعياط:معرفش يابابا رجعلي روزيييي....رجعهاالييي.....
Back~
آسر اتأثر جداا بكلام فيروز وحس بوجعهاا لانه مجرب شعور الفقدان قبل كده لماا فقد اهله..
آسر بحزن:وبعدين ايه الي حصل
فيروز بعياط:ولا حاجة قلبناا الدنياا عليهاا وقدمناا بلاغ في القسم بس ملقوهاش لغاية النهاردة......ومحدش يعرف هي فين ولا حتي يعرف اذا كانت عايشة ولا ماتت.....
آسر معرفش يرد عليهاا يواسيهاا بإيه 
فيروز راحت قامت من جمبه ومسحت عنيهااا
فيروز:انا لازم امشي اتشرفت بمعرفتك..
آسر راح قام بسرعة وقال:طب مش هشوفك تانيي...
فيروز بإبتسامة :لو ليناا نصيب نتقابل اكيد هنتقابل تاني...
آسر:طب ممكن تدين اي حاجة رقمك مثلاا عشان اعرف اوصلك...
فيروز بتردد:بس...
آسر بترجي:ارجوكي مترفضيش..
كان باصصلهاا وعينه بتترجاهاا بكل معني الكلمة..
فيروز بصت في عنيه وسكتت  وبعدين
فيروز بتنهيده: طيب...
آسر بفرحة طفل اهبل بهدوم العيد😂: بجد...طيب ياله اديني الرقم"وراح مطلع موبايله"
فيروز استغربت فرحته الغريبة دي بس حست نفسيهاا مبسوطة متعرفش ليه
فيروز بإبتسامة:اكتب عندك 010.........
آسر بفرحة:شكراا ليكي
فيروز بضحكة رقيقة:العفو...اقدر امشي...
آسر:اناا ممكن اوصلك...
فيروز بإبتسامة:لاء شكراا مفيش داعي 
آسر:ازااي مفيش داعي احناا مش بقيناا صحاب ولا اي..
فيروز بإبتسامة:لاء صحاب طبعاا..
آسر بإبتسامة:يبقي ياله هوصلك.
وممنوع الرفض
فيروز بإستسلام:انا الي جبته لنفسي..🤷‍♀️
آسر:😹طب ياله
فيروز بإبتسامة:ياله...
وراحت ركبت العربية في الكرسي الي جمبه..
_في العربية_
آسر سايق العربية وكل شوية يبص علي فيروز وحاسس بسعادة كبيرة علي الرغم انه عرف انه دي مش البنت الي هو اتعلق بيهاا من صغره بس هو  مبسوط ...
**
فيروز كانت حاطة دماغهاا علي الشباك وباصه علي الطريق 
وسرحانه.
فضلواا علي كده لغاية ما وصلهاا وسلم عليهاا ومشي وهي طلعت البيت.....
 _في مخزن بالقاهرة_
يدخل حمزة ببرود وهو حاطط ايده في جيبة وبيبص بشماته علي الي قاعد علي الكرسي ده مفيهوش حته سليمةة..
حمزة بسخرية:اهلاا بسيف بيه...
سيف رفع دماغه وابتسم:حمزة........انا كده فهمت.
حمزة بسخرية:ياااه تصدق مكنتش اعرف انك بتفهم...
سيف بإبتسامة مستفزة:واديك عرفت..
حمزة راح مديله بالقلم جامد وبعدين مسكه من شعره..
حمزة بغضب:انت عارف لولاا اني مش عايز ألوث ايدي بدم انسان زيك كان زمانك ميت من زمان

سيف بإستفزاز:وكل ده ليه عشان  ست فيروز هانم
حمزة راح مديله بالقلم تاني بس المرة دي اقوي...
حمزة بغضب:ايااك تجيب سيرتهاا علي لسانك تاني..انت فاهم
سيف بهدوء:دي لسة مراتي واجيب سيرتهاا براحتي..
حمزة راح قرب جمب ودنه وقاله:هو انا مقولتلكش.... مش انت هتطلقهااا دلوقت .... ومش هيبقي ليك اي صله بيهاا تاني..
سيف بسخرية:احسن بردواا...عارف لو بعرف ازغرط كنت عملتهاا...
حمزة دمه فار علي الآخر وراح مسك دماغ سيف ورزعهاا في الترابيزة الي قدامه.....
_اهدي يا باشاا كده هيموت..
حمزة وهو باصص لسيف بقرف:احسن خليناا نخلص منه..
وراح شد شعر سيف ورفعله دماغه:نصيحة مني ليك بلاش تستفزني اكتر من كده عشان انا مش ضامن نفسي هعمل ايه المرة الجاية...
سيف راح هز دماغه بهستريه...
حمزة راح خبطله علي وشه وقاله:شاطر...
وراح مطلع ورق من جيبه...
حمزة:امضي هناا...
سيف بخوف وارتجاف:امضي علي اي...
حمزة ببرود:أسئلة كتير مبحبش....امضي وانت ساكت احسنلك...
سيف هز دماغة ومضي علي الورق
حمزة خد الورق وقالت:كده تماام اويي.....ياريت متوريناش وشك الجميل تاني والا هخليك تقضي بقيه عمرك في السجن ....
سيف بخوف: سجن..
حمزة ببرود:مفاجأة صح.. اصل انا نسيت اقولك انه بالاضافة لورقة الطلاق انت كمان مضيت علي وصولات امانة بمبالغ لو عشت عمرك كله تشتغل مهتجيب ربعهاا......
وبعدين وجه كلامه للثلاثة الي واقفين وقالهم:عايزكم تظبطوه علي الاخر وبعدين ارموه في اي حته قريبة من مستشفي
ورجع وجه كلامه لسيف: اي خدمة اهوو عشان تعرف اني رحيم بيك...
وراح ماشي وساب سيف يصرخ وراه من الضرب
بعديهاا بشوية كان سيف فقد الوعي اصلاا من كتر الضرب راحواا خدوه و رموه في شارع قريب من مستشفي
_في بيت فيروز_
فيروز دخلت البيت لقيت امهاا وابوهاا قاعدين في الصالة...
فيروز:السلام عليكم
الاب والام:وعليكم السلام..
فيروز:اومال فين شهد...
الام:شهد في اوضيتهاا...
فيروز:طيب...عن اذنكواا انا هدخل اوضتي
ولسة هتمشي..
الاب:فيروز انتي كويسة...
فيروز ابسمت بحزن واتنهدت:مش هتفرق كتير يا بابا بس علي العموم الحمدلله علي كل حال...
عن اذنكواا...
وراحت دخلت..
الام بحزن:هنعمل ايه...
الاب بتنهيده:ولا حاجة هنعمل ايه يعني....احناا كل الي علينااا انه ندعي ربناا انه يقويها عشان تتخطي المرحلة دي..
في الوقت ده خرجت شهد من الاوضة هي وهدي الي كانت قاعده عندهاا
شهد:هي جت..
الام:اه جت ودخلت الاوضة..
شهد بصت لهدي وهما الاتنين راحواا علي اوضة فيروز
_عند آسر_
آسر روح البيت طلع الاول علي اوضة إياد يطمن عليه لقاه نايم 
وبعدين راح علي اوضته. غير هدومه وفرد نفسه علي السرير
وقعد يفتكر الي حصل ويفتكر  فيروز وملامحهااا لغاية مانام..
_في اوضة فيروز_
فيروز يدوبك غيرت هدومهاا وقعدت علي السرير لقيت هدي وشهد فتحوا الباب ودخلواا...
شهد بمرح:اهلااا بالخونة....😹
هدي:الي راحواا يقعدواا علي البحر لوحديهم ..😹
فيروز ابتسمت ومردتش
هدي وشهد راحوا قعدواا جمبيهاا
هدي حضنت فيروز من ناحيه: بصي يا عسل عمو راغب علامة قال ايه...
شهدحضنتهاا من الناحية التانية: قال ايه.....
هدي:الي باعنااا خسر دلعنااا....
شهد:راح لحاله ياله يودعناا...
هدي:بالسلامة والقلب نسيه...
شهد:اهه بالسلامة والقلب ناسيه...💃
هدي:والي سابناا قفلناا بابناا..
شهد: ياله بيناا وفرناا تعبناا .
هدي:الحياة مش واقفة عليه.
فيروز ضحكت:هو انتو عملتواا الاغنية حكم😹
شهد:خلاص ضحكت يعني قلبهاا مال😹
هدي:ياروحي هو اصلاا عمو راغب علامة كله حكم .. كفاية اسم ابوه بس علامة..😹
فيروز:وجه نظر بردواا😹
شهد راحت بصت لفيروز وقالتلهاا:المهم نفهم المقصد من الاغنية....
فيروز ابتسمت واتنهدت:اناا فاهمه يا شهد بس انتواا كمان لازم تفهمواا انه جرح القلب مبيتداواش بسهوله...
هدي:احناا فاهيمن كده والله واحناا معاكي لغاية ميتداوي ولو احتاج علاج الصيدلية تحت هننزل نجيب عادي😹
شهد:شوفتي بسيطة ازااي😹
فيروز راحت حضنتهم وقالت:ربناا يخليكواا لياا..
هماا:ويخليكي لينااا..
هدي:بت يا شهد 
شهد:بت اما تبتك نعم...😒
هدي:هو انتي كنتي جاية مع حمزة ليه الصبح..
شهد ببرود:وانتي مالك..😏
هدي:كدة يارجولة..🙂
شهد:اينعم..😌
فيروز بضحك:خلاص يا شهد بطلي ترخمي عليهاا كلناا عارفين انهاا هتموت عليه😹
هدي راحت ضرباهم بالمخده
وقالت:والله انتوو اخواتت عرر😒 
شهد وفيروز:😹 انتي لسة عارفة
هدي :انا ماشية وسايبهالكم...
فيروز بضحك:طب استني يا مجنونة 😹
شهد:خلاص والله اقعدي وهقولك😹
هدي راحت قعدت بسرعة وقالت:ياله قولي..
شهد: اين الكرامةة..؟ 😂
هدي:راحت مشوار ياختي...اخلصي قولي😹
شهد راحت حكيتلهك الي حصل...
شهد:بس كده هو ده كل الي حصل..
هدي راحت بصالهاا بغيظ:يعنيي حضنك وطبطب عليكي...
فيروز لشهد:بت يا شهد شايفة النار الي انا شايفاهاا .😹
شهد:داناا شايفاهاا وشمه ريحة الشياط كمان😹
هدي:انا طالعة قبل ما ارتكب فيكواا وفيه جريمة😒
شهد:😹 مدام هتموتي عليه اووي كده وهو الصراحة يعني يتمات عليه بعيونه الزتوني دي ايه رأيك  تروحي تخطبيه..😹
هدي راحت عضه شهد في ايديهاا وقالتلهاا:الخطوة الجاية ان شاء الله😏
وراحت طلعت تجري علي بره.
شهد بألم:آهههه يابنت العضاضة....والله لوريكي اما اشوفك يا هدي الكلب...
فيروز:😂 تستاهلي والله
شهد:مهي صاحبتك لازم تدافعي عنهاا😒
فيروز:حصل😹
شهد:انا رايحة اوضتي اذاكر يا فيروز بدل ما اتشل..
فيروز:مع السلامة والقلب ناسيك😂
شهد ابتسمت وخرجت 
وكانت فرحانة انهاا قدرت تخلي فيروز تضحك..
بعد ما شهد خرجت فيروز حطت دماغهاا علي المخده وغمضت عنيها عشان تناام 
..
وعدي اليوم علي ابطالناا 
في اليوم التاني~
9:00Am
سيف بيفتح عينه بتعب وبيبص حواليه:انا فين....
_متقلقش انت عندي في البيت..حمدلله علي سلامتك
سيف بيبص علي مين صاحبة الصوت بس اتصدم...
سيف بصدمة:فيروز..😳

لقراءة الفصل التالي اضغط على (رواية احببت روزي)
تعليقات



حجم الخط
+
16
-
تباعد السطور
+
2
-