رواية أحببت روزي الفصل الثاني 2 بقلم شهد محمد موسى
رواية أحببت روزي الجزء الثاني
رواية أحببت روزي الفصل الثاني 2 بقلم شهد محمد موسى |
رواية أحببت روزي البارت الثاني
فيروز بدون النظر اليه:طلقني..
سيف بصدمة:نعم..
فيروز وهي مازالت علي وضعيتها ولكن هربت دمعه من عينيهاا:ايه مالك مصدوم كده ليه .. بقولك طلقني
سيف:فيروز انتي اتجننتي.. انتي عارفة انتي بتقولي ايه
فيروز وهي تحاول ان لا تبكي:ايوة عارفة بقول اي.. طلقني يا سيف
سيف: بس انا مش هطلقك..
فيروز بدموع:ومش عايز تطلقني ليه هاه.. مش انت بردوا مش مستحمل القرف الي في جسمي .. مش عايز تطلقني ليه.. "كانت بتعيط وبتتشهق طبعاا عارفين الاحساس ده🤦♀️"
سيف:.. مسح علي وشه ومردش عليهااا
فيروز بزعيق:مترد...
سيف:ارد اقولك اي يا فيروز
فيروز بزعيق وعياط: يا برودك ياخي ..هو ايه الي هتقولي ايه...
سيف صوته علي:فيرووووز مش معني اني ساكتلك علي صوتك العالي ده انك تسوقي فيهاا....فاهمهه..وعايزة تعرفي مش عايز اطلقك ليه عشان مش هقدر ادفع المؤخر بتاعك بتا ابوكي خلاني اكتبلك..مبلغ كبير جداا وانا مش هقدر ادفعه ...
فيروز اتصدمت من الي قاله لدرجة انهاا قعدت علي الكرسي او الحقيقة رجليهاا مبقتش شايلاهاا فوقعت عليه.. لانهاا في الحقيقة مكنتش متخيله ابداا انه هو ده السبب الي مانعه منن انه يطلقهاا فهي كان عندهاا امل انه بيحبهاا ..
فيروز بإبتسامة مريرة:يااااه هو ده السبب الي مانعك تطلقني وبسخرية:وانا الي هبلة وافتكرت انك يمكن تكون بتحبني..
وراحت قامت وقفت وبسخرية: لاء من الناحية دي اطمن خاااالص انا مش عايزة منك حاجة ..غير اني مش عايزة اشوف وشك تاني..
وراحت اتحركت ناحية باب الشقة
سيف:فيروز استني..هوصلك الدنيا ليل
فيروز وقفت ومن غير ما تلف ليه ردت...
فيروز بمرارة:لاء كتر خيرك خليك مرتاح انا بعرف امشي لوحدي .. ورحت فتحت الباب..
فيروز قبل ما تخرج ومن غير ماتلف: ياريت ورقتي توصلي بكرة
وخرجت ومشيت..
وسيف بعد ما هي مشيت ميرة أنبه وحس انه غلط في حقهاا ...بس بعدين يرجع ويقول لنفسه انه كده احسن ليه وليهاا...."فعلا احسن ليهاا وانت استني علياا😒"
في مكان تاني~~ (الاسكندرية)
بنت واقفة بتبص من بلكونه اوضتهاا علي البحر وحاطة الهاند فري في ودنهاا وبتغني وبتتمايل مع الي بتغنيه وهي سرحانة:وانت معاياا ميشغلنيش الناس.. فرق الاحساس اجمل بكتير.. وانت معاياا بشوفك احلي الناس دي حقيقة خلاص مفيهاش تغير.. باين حبيت.. ايوة اناا حبيت.. حبيت الدنيا الي بتضحكلي معاك علي طول.. باين حبيت ايوة انا حبيت وبشوف في عنيك الفرحة الي تخلينيي اقول.. (لعمرو دياب💜)
هدي: الجميل واقف هناا ليه وسايب مذاكرته
شهد بتنهيده: لاء ابداا مش سايباهاا ولا حاجة بس قولت اطلع اشم شوية هوا شوية
هدي:وشمتيه..ايه رأيك في ريحته بقي😹😹
شهد:هدي مش فايقالك اناا🙂
هدي: مالك يا شهد حاسه انه فيكي حاجة
شهد بتنهيده:مش عارفة يا هدي والله.. حاسه نفسي تايهه
هدي:وماله تايه ندور عليكي ونلاقيكي مش قصة هي😹
شهد بإبتسامة: مش طالبة هزارك هي دلوقت..
هدي:الله وانا مالي يا لمبي😹 مش انتي الي بتقولي تايهه
شهد:مانا فعلاا تايهه ومش عارفة مالي .. حاسه نفسي متلغبطه اوييي
هدي:شكلك بتحب يا صاحبي🙂
شهد:هااه..بحب
هدي:مالك مصدومة كدة ليه
شهد:هااه..لاء ابدا مفيش
هدي بشك:مش مرتحالك اناا..
شهد:مفيش حاجة يا هدي انتي بس الي نيتك مش سالكة😹
هدي:سالكة...بنسوق الدنيا عنعنعنعنن ولا ليناا مالكة💃
شهد:طب انا راضية زمتك دا منظر محامية🙄😹
هدي:لو علي ذمتي فالحقيقة اني محصلتش قهوجي حتي
شهد:رحم الله امرأ عرف قدر نفسه
هدي:انا مش عارفة الشهرة عايزة مني ايه😌
شهد:هتعوز منك ايه اتنيلي هو انتي حيلتك حاجة
هدي:علي رأيك
شهد: ياله بقي يا حلوة كدة طرقيني خليني اكمل مذاكرتي عشان اخلص من وزير البهايم طروقة🙂😹
هدي:ايه دا هو مش كان وزير التربية والتعليم 🙂
شهد:ايدا ايداا انتي متعرفيش اخر الاخبار😮
هدي:لا والمصحف معرف😹
شهد:اعرفك اناا😹..هما لقوه رجل مجد اوي في شغله ومشاء الله واللهم لا حسد يعني عظمة في تضيع مستقبل الشباب فحبوا يرقوه ويكافؤه علي مجهوده الجبار ده فغيروله الوزارة 😹
هدي:😹 مش هترتاحي غير لما توديناا في داهيه انا عارفة
شهد:وماله خليناا نقضي الإجازة في ابو زعبل😹
هدي:اجازة سعيدة ان شاء الله😹
شهد:بنت خلاص بقي طرقيني بقي😹
هدي:انا بطرد🙂
شهد:بيقولواا.. وياله بقي من هنا عشان هنرش ماية
هدي:انا همشي ومش هرد عليكي مراعة بس انك في 3 ثانوي...
- لقراءة الفصل التالي اضغط على (رواية احببت روزي)