رواية عائلات راقيه بفسادها الفصل السادس والعشرون 26 بقلم اروى طاهر المسلاتي

 رواية عائلات راقيه بفسادها الفصل السادس والعشرون 26 بقلم اروى طاهر المسلاتي

رواية عائلات راقيه بفسادها الجزء السادس والعشرون 

رواية عائلات راقيه بفسادها الفصل السادس والعشرون 26 بقلم اروى طاهر المسلاتي


رواية عائلات راقيه بفسادها البارت السادس والعشرين 

#عائلات_راقيه_بفسادها26
جنان:ميصيرش لا انا ولا انت مع بعض 
صدام:عيط عليها....النمممم عطيني سبب 
شن تبي بعد واحد يكون معاك راجل!!
جنان:منقدررررش 
صدام:بعياط اكتر....علااااااششششش علاااش
جنان:لاني مطلقه!
صدام:سكت بصدمه وهوا يشوفلها....مطلقه!
ضحكت وعلامات الصدمه على وجها...انتي علاش تكذبي !
هاذا كله متبينيش معاك يعني !
جنان:خذت نفس عميق وغطت عيونها بيدها دقايق وهيا متوتره 
بلعت ريقها وخلاص قررت لازم تواجه....منكذبش
منكذبش انا مطلقه 
صدام:اختفت الضحكه يلي كانت ع وجها واستمر يشوفلها بصدمه
جنان:استمرت تحكي بدون ما تشوف لي عيونه...حكايتي طويله ومعقده 
مننفعش بيك ابدا ومش من النوع يلي انت تبيه 
خليني في حالي 
صدام:عطاها بضهر وجي بيطلع ويخليها 
جنان:حست بي قلبها بيطلع معاه !
من البدايه كانت فاهمه ان لما يعرف رح يخليها ويمشي وهاذا السبب يلي خلاها تحكي الحق 
بس صدام كسر توقعاتها كلها ومكملش طريقه برا الغرفه 
سكر الباب بي المفتاح ورجعلها وهيا مصدومه مش فاهمه يلي يدير فيه !
صدام:اشرلها بيده ....تفضلي قعمزي نبي نسمع 
جنان:عقدت حواجبها....شش ش شنو يلي تبي تسمعه!؟
صدام:الحكايه يلي تقولي عليها طويله ومعقده نبي نعرفها 
تفضلي قعمزي 
جنان:استمرت تشوفله بذهول 
وصدام مصبرش ودفها عشان تقعمز 
________________________________
ماريا:نزلو دموعها وهيا تتنفس بسرعه...بعدين!
ارسولان:سكت وهوا يشوف لي ماريا
ماريا:ق قق ت قتلتها؟؟!💔
ارسولان:ابتسم وعيونه يلمعو💔.....لا!
مقتلتهاش 
ماريا:عقدت حواجبها وتمسح في دموعها ....شن يلي صار!
ارسولان:ماتت 
ماتت من شي تاني مش مني 
ماريا:من شنو ماتت!..مسكت ارسولان من سوريته 
ارسولان جاووووبني من شنو ماتت البنت 
ارسولان:حط يديه فوق يديهاونزلهم❤️....
هربت من عرسها 
هربت وهيا لابسه بودري لان في اللحضه الاخيره قررت تتراجع على زواجها لكن اهلها مرضوش لان وقتها بتحشمهم!
فقررت تهرب 
ماريا:قتلوها؟
ارسولان:سكت 
ماريا:تكللللم ارسولان 
علاش عندك حجاتها تكلممم💔
ارسولان:بدي يذكر 
نهال:تبكي من قلبها.....معش قادره نكمل العرس 
ارسولان سامحني 
ارسولان:ناض من مكانه مخلوع....وين انتي!!
نهال:تبكي بشهقه 
ارسولان:ندوي معاك اناااااا وين انتي؟!
نهال:مش على وعيها تبكي ويديها يرجفو ....طلعت خديت تاكسي منعرفش حتى وين ماشيه منعرف شي 
ارسولان انا معش نقدر نقعد ونكمل الحلقه بكرا💔
طلعو متفاهمين علياا العيله كلها صدموني💔💔
ياريتني استنيتك 
ارسولان:خدي مفاتيحه ....اوصفيلي مكانك بزبط
نهال:جنب المشفى الكبير
ارسولان:تمام....سكر الخط وفتح الباب بيطلع عشان يتفاجئ بي خوت نهال قدام الباب والشر طالع من عيونهم 
فهموه ان لازم يمشي معاهم لان نهال هربت مع شخص تاني 
مشي معاهم  وكان يبي ينقدها ويلفق القصه بي اي شي لكن 💔💔
درست السياره يلي كان فيها خو نهال الكبير وولد عمها وارسولان 
نزل ارسولان عشان يسبقهم ويحاول يحميها لكن تفاجأ ان تأخر 💔
كان خوها الصغير مخلص عليها💔
كانت روحها بتطلع مابين الزحمه يلي تلمت عليهم نضراتها على ارسولان💔
ارسولان:توقف الزمن عنده ومعش قدر يشوف شي ولا يسمع شي 
بعد الناس يلي كانت تتصارخ قدامه ورصاص عالي مع صاحب التاكسي وهوا كل عيونه على نهال 💔
نزل لعندها وكانت هيا تلفظ في انفاسها الاخيره💔💔
شافتله ودموع عيونها زي المطر وروحها بتطلع 
حكت بصوت واااطي حتى ارسولان مقدرش يسمعه وقالت (اسفه💔)
ماريا:حطت يدها ع فمها ودموعها نزلو وهيا تسمع من ارسولان 
ارسولان:عطاها بضهر ومسح عيونه 
ماريا:نزلت يدها وتكلمت بصوت يرجف....تحبها لدرجة خليت ملابسها عندك!!💔
ارسولان:تلفتلها من جديد....حاولي معش تفتحيه معاي الموضوع هاذا
ماريا:قربت منه وهيا تبكي....مش قلتلي انا اول حد تحبه!
علاش هاذا كله منهلمش بيه انا!!
ارسولان:ارجعي داخل الدنيا ليل متخليش حد يشوفك
ماريا:كلمتني باش تنساها!؟محبيتنيش صح!!
ارسولان:يشوفلها ومردش
ماريا:نحككككي معاك اناااا 
ارسولان:خدي نفس....خلاص ارجعي داخل بسرعه
ماريا:مسحت دموعها ....معناها كلامي صح!!
السبب هاذا يلي خلاك مطلبتنيش من اهلي لتوا رغم انك قبل كنت تبي تتزوج اي وحده!
يعني جديات انت متحبنيش وقعدت معاي عشان تنساها؟
ارسولان:سكت وهوا متنرفز....اسمعي الكلمه وارججججعي داخل للمره الالف 
ماريا:جاوبني كلامي صح ولا لااااااا
ارسولان:تفجر فيها....اي صح اقلبي وجهك داخل معش تجيني 
ماريا:سكتت وهيا تشوفله ...تجمعو عيونها 
وطلعت بدون ما تحكي معاه حرف زياده💔
اما ارسولان ضرب عدة التصليح يلي كانت قدامه كلها وطيحها ع الارض من كثر ماهوا متنرفز بسبب يلي صار 
ماريا فتحت جرح قديم عليه 💔 !
______________________________
جنان:تشوف للارض
صدام:نسمع فيك !
جنان:بوي زمان عجباته مرا وحبها هلبا 
طلبها من بوها وخوتها رفضو ❌
استسلمت امي وبوي مشي عاش حياته بعيد عليها 
فجآه في يوم من الايام يكتشفو ان سيارت امي لقوها مقلوبه في البحر 
حسب كلامهم كلهم كان حادث وكان في شهود وهما شايفين امي كيف فقدت التحكم من السياره وطاحت 
قلبو الدنيا ملقوش الجثه 
وراجو البحر يطلعها ع الشط 
استنو يوم واسبوع وشهر وسنه وسنتين وثلاثه 
بس مصار شي 
الحقيقه يلي مكانًوش يعرفوها وقتها انها مع بوي وحتى تزوجو برا البلاد 
صدام:متابع كلامها بنضرات اهتمام 
جنان:كان عمر خوي جهاد وقتها4سنين 
وانا جيت ع الدنيا وامي توفت وهيا تولد فيا 
اهتمت بيا جارت امي كويس لان وقتها كنت بيبي 
تزوجها بوي بعد وفاة ماما بي اسبوع عشان ادير بالها عليا وخلاص انا بديت بنتها 
كنت مفكره ان تزوجها عشاني انا وجهاد💔
لكن الحقيقه ان كان يخون في امي معاها وكانت عاجباته
بعد سنين وسنين وسنين طلقها 
خوي جهاد متحملش الوضع العائلي المعفن يلي كنا فيه 
خدي فلوس وسافر مصر كمل قرايته وحياته غادي 
اما انا قعدت لي بابا في الرقبه 
وبديت عائق في حياته يمنعه من علاقاته الغراميه 
قرر يزوجني في العطله الصيفيه من راجل كبره صاحب شركات وفلوس 
صدام:ضحك بهزوه....وطبعا انتي وافقتي  
جنان:لا
صدام:شافلها وسكت 
جنان:بس نهاية الموضوع خديته 
تعرضت لحجات ابشع ماعقله يتخيله 
صدام:وكيف قدرتي تطلقي منه!!
جنان:ضحكت بي هزوه....مرته عرفت انه راجلها تزوج وحده صغيره 
ودارتله العار 
كان يخاف من مرته لان خوتها في الدوله 
ولما قرر يطلقني موافقتش وحلفت ندير عار اكبر من عار مرته 
صدام:عقد حواجبه بي استغراب !!
جنان:منوضاش بي اقل من 400الف عشان نطلق ونخليه في حاله
صدام:فتح فمه بصدمه....اكتر من ربع مليون؟؟؟
جنان:اي خديت فلوسي وحاليا ثروتي اكبر حتى من ثروة بوي بي 100مره 
قررت نأمن ع نفسي قبل ما نرجع لي حوش بوي 
واطلقت وتمت💔
صدام:قعد ساكت مصدوم وهوا يحاول يفهم يلي سمعه!!
خذي بعضه وطلع من غرفتها وجنان كانت متوقعه شي زي هاذا 
سكرت باب غرفتها بهدوء واتجهت لي سريرها بدون ما تحكي💔
🔥رِوَايـــــــــات بـــَـنـُـــووتِـــة الشـِــيـــْـخ🔥
    🔥أروى الــــطـــاهــــر المــســلاتــــي🔥
          القــــــروب الاصلي 400الف
مفاجآت الدنيا وصدماتها هلبااااا ومش متوقعه 
زي مثلا صدمة ماريا لما فهمت ان حب ارسولان كان مجرد كذبه!
ولما صدام سمع قصة جنان يلي متتصدقش وقعد لصبح يفكر فيها ومش راضيه عينه تتسكر!
صدمت هبه في بوها لما خدي قرار زواجها بدون ما يسألها حتى 
وصدمتها في المسج يلي وصل لي امير💔
صدمت رؤى في ورقة طلاقها يلي وصلتها مع خوها ارسولان قبل ساعات 💔
يعني خلاص حب حياتها راح في ثواني!!
الانسان الوحيد يلي حست معاه حجات غريبه بدي ملك غيرها!!
صدمت موده لما ناضت نص الليل تشوف تالفونها ملقتش ولا اي مسج من جهاد ولا حتى اتصال زي ماكانت متوقعه 💔
الصدمات هاذي كلللللللهااااا كوم
وصدمة عيلة احسان على صبح ربي كوم تاني !
فجآه بدون مقدمات مفتاح حوشهم وصلهم❤️
فجآه احسان يشوف خوه مطلع ملابسه وولده وراه 
ركبو السياره ولحقتهم اريج وطلعو 
بدون كلام بدون تبرير ورق الحوش رجع لي ملك احسان !
الشركه وباقي فلوسه مرجعوش ❌
بس ع الاقل المزرعه كامله رجعتله 
ليلى رجعت لحوشها وهيا فرحانه وبطير من الفرح بدون ما تفكر بشي !
اما احسان وامير كانو في حالة ذهول ومش فاهمين شن قاعد يصير !!
________________________________
الساعه2الضهر:-
حسنه:تسقي في الغدي .....مهما كان السبب
مهما كاااان المهم رجعو لي حوشهم ربي يهنيهم 
رؤى:متكيه ع الحيط....بس شي غريب قريب صار بينهم الدم وخلوهم في الشوارع توا يسلمه كل شي ويطلع بدون اي كلام!
حسنه:حطت السلفر ع الصونيه....الدم يابنتي 
في النهايه خوت وحتى مصارين البطن يتعاركو مرات حن عليه خوه ووجعه كيف متبهدل قاعدين عندنا وبيطلعو للايجار فهمتي !
رؤى:منعرفش بس مقتنعتش ّ
حسنه:اياااه تو انتي واقتناعاتك يالله عاد خودي صونية الغدي وارفعيها لي ليلى وتعالي بسرعه 
رؤى:اءء لل لا منقدرش 
حسنه:وعلاش؟
ارسولان:جي خلف اخته ....هاتي نرفعها 
حسنه:مفهمتش يلي صاير 
مكنتش تعلم ان خلاص بنتها اطلقت ورح تبدا عدتها💔
________________________________
احلام:والله فرحتلك من قلبي 
ليلى:تلود في الحوش وتبخر ....الله يسلمك ياربي تفضلي قعمزي 
احلام:لا والله جيت بي نباركلك ونرجع للحوش عارفه وقت غدي والواحد ميقدرش يطلع الا بي الخنبه 
ليلى:اي والله صدقتي 
ماريا:تمسح في دموعها 
هبه:بالك انتي فاهمه غلط ماريا مستحيل شوفي نضراته ليك كيف واضح الحب عنده!
ماريا:مريتيشي امس ياهبه💔
لو تشوفيه كيف طول الوقت ساكت💔
منكرش هوا اعترف 
هبه:سكتت معش عرفت شنو تقول
ماريا:شافتلها بي انتباه ....وانتي خيرك شن صاير معاك!!
هبه:كانت بتحكي بس قاطعهم صوت ليلى لما نادت ع ماريا وطلبت منها تطلع تشوف الباب 
يطق 
ناضت ماريا وقعدت هبه مقعمزه تشوف لي غرفة امير بقلب مكسور💔!!
ماريا:فتحت الباب وشافت قلبها ع هيئة انسان واقف قدامها💔❤️
ارسولان:شاف لي عيونها وواضح التوتر عليه 
مبروك
ماريا:يبارك فيك ....شنو؟
ارسولان:شنو يلي شنو!!
ماريا:سكتت 
ارسولان:اهااا...اي 
تفضلي امي بعتاته
ماريا:خدت منه ...شكرا 
ارسولان:عيونه معلقات فيها❤️....العفو 
ماريا:عطاته بضهر وكانت متمنيه ينادي عليها !
يقلها اي كلمه يفهمها ان يلي سمعاته وفهماته امس كدب 
بس مصار شي!
كملت طريقها وخشت ومنادهاش 💔
___________________________________
حسام:يسوق وبوه يشوفله طول الطريق بين تكلم....خلاص يابوي 
الصديق:تفجر فيه كأنه يراجي فيه من البدايه يحكي ....مش خلااااااص 
معش تقولهولي  
انت عارف انك قريب ودرتنا وخسرتني شي كبير بسبب فضايحك مع بنات حرام ياكلب 
حسام:ضاغط ع الدومان بقوه وهوا متنرفز بس متحكم في اعصابه وساكت 
الصديق:حمااااار طول عمرك مش رح تتعلم 
بنت متسوى قرش ضحكت عليك ياخايب 
تصورك وتخنب منك مستندات ترفعنا ورا الشمس وانت حال فمك 
حسام:دار ردة فعل عنيفه ورد ع بوه....ع اساس انت يلي صافي ؟؟؟؟
متشوفش للعمايل يلي ادير فيها؟؟
علاقاتك الفاسده كلها عندي بيها علمممم
كلهاااا
اريج:مقعمزه في الخلف ومصدومه من الكلام يلي تسمع فيه!!
الصديق:يحكي ووجها اصفر....سكرررر فممك ياوسخ ياقليل التربايه 
ع الاقل انا مخليتش حد يضحك علييااا
حسام:ع الاقل حتى انا مدمرتش بنت وكنت سبب في موتها زي مادرتو مع رحمه 
الصديق:ضرب حسام كف وهوا يسوق 
اريج:بصوت واااطي.....حسام!!
حسام:زاد السرعه وهوا يعيط....معش تمد يددددددك 
اريج:حساااام
الصديق:نمدها ونكسرك ياواطي
اريج:عيطت....حسااااااااام
وهووووب...نقلبت السياره من فوق الكوبري💔
لو في حديد كان شد السياره ومنعها اطيح بس تحديدا المننطقه يلي نصدمو بيها مكانش فيها حاجز وطاحت السياره على سياره ثانيه وكان حادث بشع بدرجه كبيره💔
_______________________________
لعند الساعه 2الضهر وجنان قاعده في سريرها وتشوف للحيط!
تشوف للفراغ وتفكر !
نيروز هل طبقت كل شي بلحرف ومخلت شي وراها؟
الانسان الوحيد يلي حكتله قصتها كان صدام!
صداااااااام؟؟؟؟؟؟
ناضت بسرعه فتحت الباب عشان تشوفه موجود او لا!
بس مشافت حد💔
نزلت راسها عشان تسكر الباب وترجع بس شافت ورده حمراء❤️
قامتها وكانت فيه ورقه مطبقه الف مره 
فتحتها وكان فيها(تسحابي روحك فتكيتي مني يافرخت الشيكات؟
طالع بنجيب دخان وراجعلك )
ابتسمت كأنها فهمت كويس شنو المسج يلي صدام حاول يفهمهولها❤️
______________________________
امير:جيدها من يدها.....تعااالي نسأل فيك انا
هبه:شن تبي فهمني!!
امير:خيرك عليااا 
بلوك ومترديش وتفوتي جنبي كأنك مريتينيش
شن صاير
هبه:مفي شي ونحي يدك
امير:معش تستعمليييييه معاي الاسلوب هوا 
هبه:خدت نفس....ممكن تخليني نروح
امير:نخليك تروحي وتنتلفي متهمينيش
هبه:منهمكش؟؟؟؟
امير:متسكررررريش راسك وتركزي ع كلام تاني
شن صاير ؟؟
هبه:مشيتلها في الليل؟!
مستاحشاتك قالت 
امير:قرن حواجبه مش فاهم ...شن تقولي
هبه:افتح تالفونك اقرا مسجاتك يلي وصلت مبارح 
امير:تالفوني ؟؟شن وصله عندك!!
هبه:مش مهمم
امير:لا يهممم كيف تمسي شي مش ليك
يوصلني عليه استاحشتك ولا زمرتلك!!
هبه:استفزها كلام امير معاها💔واختارت انها تحرقه زي ماحرق قلبها في لحضات....خليك مع تالفونك اسفه معش نمسه
امير:خدي نفس عميق كأنه بيقول كلام !
وقرب عليها كأنه بيحضنها❤️
لكن صداته بقوه بكلمه
هبه:انخطبت 
امير:من قوة صدمته ضحك...نعم!
هبه:انخطبت ...معرفة بابا
نقولك انا خير ما تسمعها من حد تاني !
امير:تلاشت الضحكه من على وجها....وافقتي؟!
هبه:بدون تردد....اي
امير:شن تقولي انتي!!!
هبه:مسكت نفسها كويس.....يلي سمعته 
امير:مش م.....
احلام:هببببببه هببببببه خيرك واقفه 
هبه:شافتله بنضره اخيره وعطاته بضهرها وطلعت 
🔥رِوَايـــــــــات بـــَـنـُـــووتِـــة الشـِــيـــْـخ🔥
    🔥أروى الــــطـــاهــــر المــســلاتــــي🔥
          القــــــروب الاصلي 400الف
رانيا:كانت مستعده ادير اي شي عشان نفسية بنتها تتغير❤️
بعتت موده لحوش جنان عشان تغيرلها جو بس مكانتش عارفه ان جنان اخت الشخص يلي سبب تعاست موده ودمرها❌
خشت موده الشركه وهيا منزله راسها ركبت المضعد وكانت مستنيه توصل لي جنان وتحكيلها 
فتح المصعد وجي قدامها فجآه جهاد 
حاولت تسكر باب المصعد لكن سبقها وحط رجله وخش 
حاولت نطلع بس مسكها كويس من يديها الاثنين🔥
_____________________________
نار كبيره ولعها ارسولان في اخر المزرعه 
يشوف لي النار وهوا متردد يديرها ؟
ولا لا!!؟ 
بس في النهايه تشجع ودارها💔💔💔
______________________________
جنان:خش عليها صدام وهوا مبتسم 
ولاول مره جنان تبادله الابتسامه 
بس شافت تصرف من صدام غريب 💔
نحى الجاكيت وهوا يشوفلها بنضرات غريبه!
وقرب منها 
تغيرت ملامح جنان كأنه فاهمه كويس شنو بيدير!..يتبع 
لقراءة الفصل التالي : اضغط هنا

لقراءة باقي حلقات الرواية اضغط على (رواية عائلات راقية بفسادها
تعليقات



حجم الخط
+
16
-
تباعد السطور
+
2
-