القائمة الرئيسية

الصفحات

رواية عائلات راقيه بفسادها الفصل الخامس والعشرون 25 بقلم اروى طاهر المسلاتي

 رواية عائلات راقيه بفسادها الفصل الخامس والعشرون 25 بقلم اروى طاهر المسلاتي

رواية عائلات راقيه بفسادها البارت الخامس والعشرون

 
رواية عائلات راقيه بفسادها الفصل الخامس والعشرون 25 بقلم اروى طاهر المسلاتي

رواية عائلات راقيه بفسادها الجزء الخامس والعشرين 

كانت ماريا مقعمزه ع الارض
سحبت الصوره يلي لقتها تحت السرير
قعدت ساعه مركزه في الصوره !
ملامح البنت يلي لابسه بودري كانت غريبه
مش مبتسمه لي الصوره
وارسولان عاقد حواجبه ويشوف للكميرا كأنه متنرفز
ام ارسولان واقفه جنب العروسه ومبتسمه ❤️
والواضح ان الصوره هاذي خدوها في اجواء عرس كبير!
رجعت ماريا الصوره تحت السرير
فجآه يدها لمست شي ناعم!
جبداته عشان تشوف نفس الملابس يلي لقتهم مره في السياره!
ملابس بودري وعليهم دم وثقب جيهة القلب
طلعت ماريا الصوره تشوف لي تطريز البلوزه الورديه يلي تحت الردي
وتشوف لي الصوره والواضح انها لنفس البنت💔
بدت ماريا تربط في الاحداث داخل راسها !
مصور جنبها متنرفز؟دم على ملابسها!؟
هل تكون حبيبته؟؟
حطت يدها ع فمها بصدمه وتشوف لي الصوره والملابس

____________________________________

جنان:ندوي معاااك انا كيف تخش لي غرفتي هكي !
بدون اذن وحتى لو بي اذن من انت باش تخش اصلا!
صدام:هز بي كتافه...كسدت بروحي
علاش معش هربتي ولا درتي مشاكل!
جنان:والله؟؟
في شي في راسك مضروب انت ولا كيف
صدام:قرب عليها وهيا وخرت....هي انت نتكلم قاعده
صدام:وقف قدامها...استاحشتك وانتي مخليتيني بروحي
جنان:هه....بالله اطلع من قدام وجهي ويلي صار هذاك اليوم بنعتبر روحي نسيته وم.....
صدام:ابتسملها ع جنب...لكن انتي منسيتيشي ❤️
جنان:عقدت حواجبها وشافتله بحزم...نسيتتتته
صدام:كان نسيتيه راهو مجبتيش سيرته اصلا
جنان:ارتبكت....تو انت شن تبي هي
صدام:بنعرف علاش اسبوع كامل مريتيكش؟
جنان:منبيش نشوف لي خليقتك ...غيره؟
صدام:هما مزال يومين ونقلب وجهي علاش مخليتيني فيهم بروحي
جنان:نزلت يديها بعد ماكانت مربعتهم وملامحها متوتره....و و وين؟
وين بتقلب وجهك!
صدام:خلاص المده متعي كملت والانتخابات كملو حتى هما
جنان:وانت جايبك بابا باش نهدرز عليك يعني !!
اطلع ارجع مكانك ومعش تخشلي اصلا من عطاك مفتاح الدار من الاساس
صدام:يشوفلها
جنان:نكلم فيك انا متقعدش فاتح فمك هكي زي النيه
صدام:سكر عيونه ثواني وفتحهم....انا غبي
جنان:اي هادي الحقيقه عطيني شي جديد!
صدام:غبي وربي شفت لي وحده زيك الزح وين كان عقلي ....طلع وسيبها
جنان:تشوف للباب بنضرات غريبه وعيونها تلمع 💔وهيا حاسه بشي غلط كأنها ندمت ..
هل الغلط انها رفضاته ؟
بس هيا ابدا مش عاجبها وطول الوقت عراكات
هل فعلا جديات هيا مش عاجبها؟؟
هزت راسها يمين يسار عشان تبعد الافكار هاذي كلها من راسها ورجعت نفس نضراتها الاولى ورجعت فتحت اللاب توب

_____________________________________

هبه:رجعت تالفون امير مكانه وهيا متوتره من المسج يلي قراته
ماريا:خيره وجهك اصفر؟
هبه:بلعت ريقها ....شي
انتي خيرك مصدومه؟؟
ماريا:للحضه كانت تبي تحكيلها شن شافت
بس بعد ما فتحت فمها تراجعت ...شي
شكلي مش واكله كويس اليوم
هبه:ماريا انا بنروح
ماريا:علاش كيف وصلتني
رؤى:طلعت من الدار....اهلين هبو كيف حالك
هبه:ابتسمت وواضح عليها التوتر...الحمد الله بخير
كيفك انتي
رؤى:الحمد الله ...تفضلي خشي انتي وماريا خيركم واقفين
هبه:اءء لل لا بنروح
رؤى:علاش خليك
ماما مدايره كعك خلي نسخنو شاهي ونقعمزو نهدرزو
هبه:صحتين حبيبتي بس والله ضروري نرجع اعذروني
ماريا:براحتك
هبه:طلعت من الباب وقلبها مقبوض تتمنى متصادفش حد في الطريق عشان ميكلمهاش
لان اي حد يقلها كلمه طول رح تفقد اعصابها وتبكي💔

___________________________________

طلع احسان من حوش جلال يتمشى في المزرعه
يشوف لي رزقه ولي حوشه يلي بناه بي عرقه وتعبه ويفكر داخله شنو يلي داره عشان اقرب الناس ويلي هوا خوه يخونه بي الطريقه هاذي وياخد رزقه كله ويلزه؟
علاش؟؟؟
ممكن لانه كان ناسي فلوس الناس يلي واكلهم من تحت لتحت
وناسي رحمه يلي ضحكو عليها بقرشين وزرد فيها هوا وخوه وصاحبه اب جنان
كان ناسي كل شي فاسد داره ويفكر انه كان راقي وكويس ...
طلع الصديق من حوشه وشاف خوه قدامه
تكلم بكل برود كأنه مش من دمه ولحمه

الصديق:انت قاعد هنايا؟؟
احسان:علاش وين مفروض نكون؟
الصديق:في اي مكان غير انك تكون موجود في مزرعتي
احسان:هه....مزرعتك!!؟
الصديق:اي مزرعتي ولا تبي تكذب الورق!
احسان:تنهد بوجع وهوا يشوف لي خوه....علاش؟؟
علاش يلي درته
الصديق:ناسي حقي من ورث بوي يلي خديته مني عين تضحك وعين تبكي؟
احسان:تصالحنا وعطيتك حقك !💔
الصديق:بعد شنو؟؟
بعد ما خليتني نتمرمد عمري كله؟
يعلم ربي فاتو عليا ايام صغاري مش قادر نوكلهم وانت هنايا توكل في صغارك الغالي والعالي؟؟
احسان:بلع ريقه...اهو فتحت مدرسه وبدي عندك رزق
الصديق:بتعبي وشقاي وعازه وفقر وقله ....قدرت نوقف ع رجليا وتوا شوف بعينك كيف رزقك كله بدي حلالي
احسان:سكت وهوا يشوف لي خوه كيف لبس نضراته وطلع بي السياره !

واضح ان كان في جانب مضلم عند احسان نحنا منعلموش بيه!!

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
القــــــروب الاصلي 400الف

احلام:وخالتك معش سكتت وانا نغمزلها خلاص اهدي حشمتينا وهيا شي راقيه في قلب السماء
هبه:مقعمزه ع الصالون وسارحه
احلام:لاحضت سرحان بنتها ...سكرت الطنجره وتلفتت...خيرك يابنت شن صاير ؟!
هبه:شي نفكر
احلام:تنهدت....لازم تشدي في امتحاناتك انتي شهاده
باش تخشي التخصص يلي انتي تبيه
هبه:اي صح
احلام:امتى يبدو الامتحانات ؟
هبه:سارحه وتحكي....الاحد تقريبا
وقالو احتمال ممكن يأجلوهم
احلام:به كويس نوضي ديري دوره ع كتاباتك ع الاقل تجيك بعدين القرايه ساهله
هبه:ناضت بدون ما ترد وواضح هلبا ان هبه في شي مضايقها

هبه:خشت دارها واول شي دراته مسكت تالفونها
شنو تكتبله؟؟
كانت متردده!!
مسكت تالفونها وصدفه وصلها مسج
امير:خيرك روحتي مشفتكش!!
هبه:دارتله بلوك ويديها يرجفو
كان قلبها واجعها من المسج يلي شفاته عند امير💔

____________________________________

غابت الشمس واذن العشي ❤️
كانت الدنيا صقع برا والمطر موقفتش
الاجواء كانت تجنن في حوش ارسولان❤️
حسنه مقعمزه على العاله وقدامها الحلاوات
جنبها ليلى تهدرز وتضحك من قلبها لاول مره

رؤى مقعمزه تحكي هيا وماريا ولاول مره يكتشو ان في هلبا حاجات يحبوها مشتركه بينهم

احسان وجلال مقعمزين قدام الدفايه ويلعبو في شطرنج
اما امير وارسولان مقعمزين جنب بعض بس كل واحد لاهي في تالفونه

كل شويه ارسولان يشوف لي امير وهوا يفكر كيف بيطلب منه اخته؟؟
كيف بيفتحله الموضوع بدون ما يصير بينهم شي او يكبر الموضوع وتصير مشكله!
فتح فمه بيبدا يحكي بس قاطعه امير بدون ما ينتبه
امير:الضروف خاشه بعضها ومش قادرين نديرو عرس توا
ارسولان:قرن حواجبه وهوا يفكر....بسم الله كيف عرف قبل ما ننطق ؟
امير:مفهمتش امتى بنخطب ونتم فيها واموري قاعده ملخبطه هكي حتى الحوش متميناش فيه
ارسولان:تنهد براحه وعرف ان امير يحكي ع هبه

امير:سكر تالفونه وحطه ع جنب...كنت بنخطبها من ايام كانت في المستشفًى
لكن جيت نحسب ونفكر فيها بوها مش رح يوافق مهما كان يعزني انا وبوي
في النهايه انا لاحوش ولا خدمه حتى اهلي قاعدين عندكم
ارسولان:خدي نفس....مدامك ضامن البنت تبيك
مفيش مشكله حتى لو المده طوالت ع الاقل لين تنضم امورك
امير:افففف...اما مده يلي بتزيد تطوال بالله عليك
منبيش امه الحرام ع الاقل فاتحه الواحد يتلاقى معاها ويدوي زي الناس
ارسولان:سكت وهوا يفكر....
الكلام هاذا كان كلامه !
هوا يلي مش مقتنع لا بي علاقات ولا بي كلام فارغ
بس لما شاف ماريا كل شي تغير وحطمت كل الخطوط الحمراء يلي كان راسمها
حط يده ع رجل امير وابتسم...توكل ع ربي بس
وكل امورك تتسهل بي اذن الله
امير:ان شاء الله
اسلام:مقعمز يلعب في بنت رؤى....اي توكل ع ربي تو ناخدلكم طرفين زينقو ونحسبكم في دار تحت الكوبري
امير:اسكت انت مش ناقصك
اسلام:😂😂😂
ارسولان:يشوف لي ماريا بس واضح انها كانت تتجاهل في نضراته وهوا كان مستغرب من الشي هاذا

ارتفع صوت الضحك من ليلى ورؤى مع حسنه وماريا
وجلال واحسان كانو ميتين ضحك ع اسلام وكلامه
اما ارسولان وامير كل واحد حاط يده ع خدمه ويفكر كيف يفتحو مواضيع الخطوبه ؟؟

رغم بساطة الحوش وصغره وجتمعو فيه طبقتين مختلفين بس كان معبي ضحك وفرح!

عكس القصر يلي كان جنبهم💔
اريج معش تطلع من غرفتها من النت والحاجات الغلط يلي كانت تشوف فيها❌

حسام يروح اخر الليل واهمل شغله

والصديق كان هايم من بنت لبنت ويصرف في فلوسه رغم كبر سنه بس كان زي المراهق

في الجو المصقع يلي برا قداااش ليهم مجتمعوش ع سفرة غداء او عشاء او حتى فطور
حتى انهم احيانا يقعدو بي ال3ايام ميشوفوش في بعض رغم انهم في نفس الحوش !!💔

_______________________________________

جنان:حطت يدها في نصها....ايي ايي بدت غرفتي زي الزريبه يلي يجي يخش
جمعه:شنو صاير بينك وبين اختك؟
جنان:عقدت حواجبها....شن قتلك!!
جمعه:الشغاله حكتلي
شن يلي صاير بينك وبين اختك
جنان:اسمها بنتك مش اختي ...مش من امي يعني مش اختي
جمعه:تنهد وخدي نفس عميق....علاش مديتي يدك عليها
كم مره مقايلك الاسلوب الشوارعي هاذا معش تستخدميه ع حوشي وصغاري ومرتي ؟؟؟؟
جنان:صغارك؟وانا شنو!!
جمعه:ولا شيييي ولاشيييي لو انتي كويسه راهو مخليك معاهم في نفس الحوش مش جاي ملوحك هنايا
جنان:ابتسمت ببرود....ولا ليا الشرف اصلا نقعد معاهم
جمعه:شافلها بتقزز....زي امك
عنيده وقحه وحقيره
جنان:الحمد الله يلي ماتت وفتكت منك ومن قرفك وسهرك وخياناتك وفلوسك يلي اذل في الناس عشانها
اناني ومعمري شفتك اب ولا حتى ......
جمعه:ضربها كف!!💔
نفس المره يلي فاتت

مصدقش الحجات البشعه يلي كانت ادير فيها مرته لي جنان
ولا فكر في جنان لما كسر قلبها وضيعلها مستقبلها
ولا في ولده يلي لزه بدون فلوس من كان عمره19السنه عشان مرته !
مفكرش في شي !!
من كثر الغل ومن كثر ما شحناته مرته زاد قرب عشان يكمل ضرب لي جنان بس المره هاذي في حد مسك يده🔥
ومسكها بقوه خلاته يتلفت

جمعه:انت شن جابك هنايا!؟
صدام:تفضل اطلع
جمعه:مصدوم...هه نطلع!؟
انت شنو مدخلك هنايا بيني وبين بنتي؟
صدام:تفضل حضرتك اطلع ب ر ا
جمعه:هي انت تخدم عندي راك تنسى روحك
صدام:مهمتي حمايتها من كل شي ومنخليهاش تطلع
وانا قاعد نمارس في مهمتي الطبيعيه ونحمي فيها منك
جمعه:مش من.....
صدام:قاطعه ....في حال زدت حكيت كلمه بناخد اجرائاتي الامنيه ف الاحسن انك تطلع من هنايا
جمعه:شاف لي جنان وصدام وطلع متكنطي
صدام:شاف لي جنان وكان متوقع انها تبكي
بس شاف العكس !!
نفس نضرة القوه يلي فيها متغيرتش
صدام:بدون مايحكي معاها ولا هيا تكلمت اصلا!!

____________________________________

رانيا:فتحت باب الغرفه وعقدت حواجبها بي اسغراب وهيا تشوف لي السرير!!
فتحت ضي الدار....مووده؟؟
مودده؟!
موده:من تحت المخده....نعم ياماما
رانيا:خيرك يابنت مطلعتيش من الصبح؟شن في
موده:حاسه نفسي مريضه
رانيا:قربت منها....خيرك بسم الله
موده:بطني شوي مغص
رانيا:نحى المخده واشبحيلي
موده:مش قادره بنرقد
رانيا:اشبحيلي قلتت
موده:استسلمت ونحت المخده من على وجها عشان امها تشوف عيونها المتورمه من البكي 💔

رانيا:شن صاير؟
موده:ابتسمت رغم عيونها يلي كانو منتهيات💔...خايفه من الامتحانات بس
رانيا:مش رح نحاسبك لانك تكلمي في حد ومقلتيليش لان مش وقته
موده:نصدمت
رانيا:رغم علمتك كويس من انتي صغيره انك لازم تحكيلي كل شي وانا زي صاحبتك
وياما حكيتيلي ع شباب كانو عاجبينك ونصحتك گ صاحبه واخت لان معندكش اخت ديمه نراعي فيك ونحاول منتعاملش معاك گ ام صاعبه
موده:نزلت عيونها ودموعها يطيحو 💔
رانيا:شن صاير؟؟
احكي شن دارلك
موده:نفجرت بي البكي .....قهرني 💔
بدت تبكي بشهقه ونص الكلام مش واضح
قهرني وربي كسرني من داخل💔💔
مشيت معاه بنيه متوقعتش هكي كان كلامه حلو ويريح
حطت يدها ع قلبها وتشوف لي امها....في حاجه هنايا نكسرت يا امي
توجع فياااااا حاجه توجع فيا وربي ماقادره نلمسها ولا ندير شي يخلي الالم يخف
شهقت بصوت عالي ودموعها ينزلو زي المطر
موجوعه هلباااا يا امي هلباااا موجوعه
حتى نفس نحس فيه يوجع 💔
رانيا:كانت اتابع في موده بنضرات شفقه
حضنتها وخلت موده تبكي ممكن ترتاح شوي
رانيا :تمسح ع بنتها بهدوء.....شفتي علاش ربي ناهي عليها العلاقات هاذي !!؟
لان ببساطه ربي يخاف عليك ويحبك
لدرجة يخاف على قلبك ينكسر ❤️💔

كانت رانيا فاهمه كويس ان بنتها مراهقه والشي هاذا طبيعي يصير لي اي بنت
مفيش بنت متحبش !!
مفيش بنت ميعجبهاش شاب وتفكر حتى بينها وبين نفسها تحكي معاه
بس اهم شي كيف ترجع بنتها من الطريق الغلط هاذي بدون ما تضغط عليها اكتر ما هيا موجوعه

___________________________________

ع سفرة العشي :-
احلام:تصب في العصير....خليتها بكرا وخلاص
قلت نمشي لي حوش حسنه ونسأل ع احوالهم اليوم صقع بكل
محمد:ياكل....اي بري الجماعه مقصروش معانا
احلام:شن صار فيهم لعند امتى بيقعدو عند جلال؟؟
محمد:قال احسان بيأجر شقه وحتى تم فيها لكن امتى بينتقلو الله اعلم
احلام:ربي يهني ان شاء الله
مفيش اخبار ع امتحانات الشهاده الثانويه؟!
محمد:مصارش من التأجيل
الاحد الجاي
هبه:متابعه كلامهم بصمت
احلام:تنجح بي اذن الله
محمد:شاف لي هبه وهوا يبتسم....لازم تشد حيلها وتجيب الشهاده
لان عطيت فيها كلمه لي راجل مبكري اول ما تنجح خطوبه طول
هبه:قلبها طاح وفكرت ان امير دارها وخطبها !
احلام:جاها نفس التفكير بزبط ...ضحكت بصدمه وشافت لي راجلها
عطيت فيها كلمه؟؟...لمنو !!
محمد:يبتسم وياكل.....ولد الدكتور مروان يشتغل معانا
هبه:قامت عيونها في امها طول لانها تعرف كويس ان امير يبيها !
محمد:تابع كلامه .....ولد الله يبارك صيدلي وشغيل مع بوه مشاء الله
هبه:حطت الكاشيك ع الطاوله وناضت
محمد:شاف بي استغراب ....خيرها بنتك؟
احلام:الباين انها متبيش
محمد:لا مش متبيش مش ع كيفها تاخد وفمها مسكر
احلام:نصدمت....محمد من امتى انت هكي ؟
محمد:تنهد....مفيش حد رح يجيها احسن من ولد الدكتور
وبعدين انتي ناسيه ان بنتك مريضة سكر وصعب يتقدملها حد!!
احلام:اضايقت هلبا من كلامه وناضت وسيباته

لعند توا مش مفهوم علاش الناس تشوف لي مريض السكر انه وباء مش مرض عادي الانسان قادر يتعايش معاه!!

____________________________________

ارسولان:واقف قدام المطبخ
اشر لي اخته بعيونه بمعنى تعالي وهيا فهمت
رؤى:شن في خيرك
ارسولان:بنعطيك شي ....تحكمي في اعصابك ومفيش داعي توريه لحد حتى امك
لين يطلع احسان وعيله من هنايا
رؤى:بنضرات مرعوبه .....تمام شنو؟
ارسولان:مدلها ورقه
رؤى:فتحتها وابتسمت ....ورقة طلاقي !
ارسولان:يراقب في نضراتها.....لو تبي بكرا نجيبه ونقتله قدامك
انا لتوا مش فاهم شي بس مدام خترتي طلاقك وقلتي انك ترتاحي هكي مش رح نوقف في طريقك
اما لو هوا مضايقك وربي توا نولع ونطلع نجيبهولك في ثابوت
رؤى:ضحكت....لالا
سلم وخي نعرفك متقصرش معاي بس خلينا نطلعو بمعروف
ارسولان:بصوت خشن ❤️....تبي شي ولا تبي تتكلمي تعالي
رؤى:حاضر ❤️❤️....طلعت من المطبخ للحمام طول
طاح قناع الابتسامه وقناع العادي ....وطلع وجه البكي ووجه ان الطلاق والفراق هكي عمره ما كان عادي 💔

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
القــــــروب الاصلي 400الف

الساعه12ونص في الليل:-

امير:كان مستغرب في البلوك يلي دراته هبه!!
وبردو مستغرب كيف متحكيش معاه
بس حاول يعطيها اعذار على قد ما يقدر ومن كثر التفكير رقد!!

ارسولان:حط الغطا ع امير وقعمز ينصف في الكدار متعه لانه ثاني يوم عمل
سمع طقه خفيفه ع الباب وناض وهوا مستغرب فتحه
ارسولان:بصوت واطي....هبللللتي انتي؟؟؟؟
ماريا:بنحكي معاك لازم
ارسولان:اقلبي وجهك لي الدار وادوي بي التالفون
ماريا:لا وجه لي وجه
ارسولان:يشوف لي امير كيف راقد ويحكي بصوت واطي....اقلبي وجهههككك قلت وتو نوريك عليها حركات الصغار يلي عييت وانا نفهمك مديريهاش
ماريا:ببرود...نراجي فيك في المخزت متعك...ومشت بدون ما تخلي فرصه يحكيً

______________________________________

رانيا:اطمنت ع بنتها انها رقدت
غطتها كويس وجت بتطلع لكن شافت تالفونها
قريت عليه وفتحاته شافت 3رسايل واضلين والواضح ان موده كانت متعلمش بيهم

جهاد:ردي عليا
جهاد:اسف كنت نسحابك زي ناس نعرف عطيني فرصه نبررلك ع الاقل
جهاد:موده افهمي قبل يهديك الله تردي

رانيا:دارت تحديد لي الرسائل
مسحتهم ورجعت التالفون لي مكانه وكان غرضها من الحركه هاذي ان بنتها متضعفش وترجع لي نفس الطريق !

__________________________________

ارسولان:سكر المخزن وخش وهوا مبلول من المطر
شعره ولحيته يقطرو من الميه ومتعصبب ...هبلتي انتي ولا شن وضعك ماريا!!
تلعبي بي النار علاش م......
ماريا:قاطعاته.....رمت الصوره والملابس ع الطاوله...هاذي منو!؟
ارسولان:شاف لي الصوره ورجع شاف لي ماريا
ماريا:منو؟
ارسولان:شن وصلك فيها انتي؟كيف تمسي حاجات مش ليككك
ماريا:بتعيط عليا !!!
مش من حقي نعرف هاذي منو؟؟!
الذبله يلي خديتها مره ذبلتها صح؟
تكلللم علاش محتفض بي الصوره ومنو هاذي

بعد صمت طويل بينهم ونضرات ماريا يلي كانت تراجي بي الساعه والدقيقه نطق ارسولان

ارسولان:بنت عمي
ماريا:اي؟؟؟؟؟
ارسولان:تنهد .....كنت نبيها وهيا نفس الشي
ماريا:متابعه تسمع فيه وساكته
ارسولان:مشيت الحرب الاولى ....ولما رجعت ننصدم بي عرسها
مش حتى خطوبتها عرس طول
ماريا:بعدين!!
ارسولان:سكت وهوا يراجع في الاحداث في راسه

نهال:تبكي ....اسفه
اسفه وربي مكنتش نعرف كيف درت هكي ووافقت والله لعبولي في راسي 😭💔
ارسولان:ضربها كف......انااا !!
انا تضحكي عليااا طول الوقت نتصل ونسأل وينك تكدبي عليا كل مره اطلعي في حجه وانتي توتي في عرسك!
انا في خط النار بين الحياة والموت وصورتك قدامي💔
قاومت كل شي باش نرجعلك💔
اصريت ولازم نحافض ع نفسي ونعيش ع خاطرك!
مروح من عز الموت جايبلك ورده في يدي 💔
كنت نبي نفهمك ان حياتي صحراء وهم وغم وحروب ودمار وانتي الورده الوحيده يلي فيها💔
ضرب الحيط بيده.....شن يلي درته معاك علاااااش
نهال:تبكي

ماريا:نزلو دموعها وهيا تتنفس بسرعه...بعدين!
ارسولان:سكت وهوا يشوف لي ماريا
ماريا:ق قق ت قتلتها؟؟!💔

_______________________________

جنان:هاذا شنو؟
صدام:عشي....زابطك من الصبح مش واكله شي
جنان:خدت منه...صحيت
صدام:يشوفلها بتمعن❤️....انتي كويسه!
جنان:اي ....مش كان خديت منك العشي خلاص ره معش تدحنس
صدام:ضحك....خلاص بتفتكي مني غضوا الصبح بتنوضي تلقيني مهناش
جنان:طلعت منها بدون قصد.....لاااااا خليك
صدام:يعني تبيني !!
جنان:اءء ل لا مش هكي
صدام:قرب وخش للغرفه....علاش !
اي كنت نشوف فيك زي الشطان وكارهك وواخد الف فكره غلط لكن توا تغير كل شي
علاش متعطيش فرصه!!
جنان:خدت نفس عميق....لان غلط
صدام:شن هوا يلي غلط
جنان:ميصيرش لا انا ولا انت مع بعض
صدام:عيط عليها....النمممم عطيني سبب
شن تبي بعد واحد يكون معاك راجل!!
جنان:منقدررررش
صدام:بعياط اكتر....علااااااششششش علاااش
جنان:لاني مطلقه!....يتبع

لقراءة باقي حلقات الرواية اضغط على (رواية عائلات راقية بفسادها)
reaction:

تعليقات

5 تعليقات
إرسال تعليق

إرسال تعليق