رواية عائلات راقيه بفسادها الفصل العشرون 20 بقلم اروى طاهر المسلاتي

 رواية عائلات راقيه بفسادها الفصل العشرون 20 بقلم اروى طاهر المسلاتي

رواية عائلات راقيه بفسادها الجزء العشرين 

رواية عائلات راقيه بفسادها الفصل العشرون 20 بقلم اروى طاهر المسلاتي


رواية عائلات راقيه بفسادها البارت العشرون

#عائلات_راقيه_بفسادها 20

امير:اخر مره تحبيني ؟
هبه:تشوف لي ماريا وتشوف لي امير
امير:؟
هبه:حضناته وخلت ضهره مقابل ماريا ...اي❤️
ماريا:نصدمت من تصرف هبه
هبه:تأشر بعيونها
ماريا:فاقت لي عمرها وخشت تجري
هبه:بعدت من على امير وهيا تستوعب الكارثه يلي دارتها❤️😂

امير:ابتسملها ....كنت عارف!
مش مكنتش نعرف انك متحمسه هكي لدرجة حضنتيني
هبه:تشبحله وتبلع في ريقها حلقها جف من الحشمه...اءء انا بنمشي
امير:خلاص خديتي يلي تبيه وبتمشي!
هبه:عقدت حواجبها.....علاش انا شنو يلي نبيه!
امير:حضن!!
هبه:سكتت لانها متعرفش تبرر موقفها الغبي ابدا
كانت بتمشي بس مسكها من جديد ورجعها لي حضنه وهوا يضحك ....
امير:تعالي نبصر 😂❤️....ولف عليها يديه كأنه شي يخاف يخسره ❤️
هبه:رغم الخوف والخجل والرعشه يلي كانت حاسه بيها لكن ابتسمت وهيا في حضنه
كأنها فرحانه بي الخطوه يلي صارت اليوم🤭❤️

______________________________________

رعد:مقعمز على السرير وسارح في الارض
رؤى:عاطياته بي الضهر وتبكي ....كنت نسحابه البنت يلي حبيتها نجمه💔
قبلت بيك ووافقت نخش حياتك لان يلي حبيتها ماتت وانتهت
مش تطلعلي وحده تانيه واخده قلبك وعايشه!
ناضت قربت منه ...تكللللم
اشرحلي برررلي ....هاذا شنوووو
ولوحت ورقة الطلاق يلي لقتها
رعد:تكلم وعيونه في الارض ....تزوجت نجمه لان من لما صغار امي مسميتها عليا وهيا معارضتش
خذيتها وتوفت بعد مده
رؤى:بعدين خديت هاذي ؟
رعد:هز راسه بمعنى اي وعيونه ع الارض
رؤى:تمسح في دموعها ....حبيتها من لما كنت متزوج!
رعد:قام عيونه فيها
رؤى:فقدت اعصابها.....انططططق
رعد:قتلها قبل الزواج فيه وحده في حياتي ومرضتش توخر من عليا
رؤى:ماسكه راسها يلي معش قادر يتحمل صدمات.....وعلاش صار الطلاق
رعد:هلبا عليك هكي
يكفي تعرفي الشي يلي لازم تعرفيه وبس
رؤى:انهاااارت....انت شنو يلي حكيته اصلااااااا
عرفت انك واخد وحده قبلي بي الصدفه رعد 💔
كل يوم يفوت عليا هنايا نتأكد اني ولا شي بنسبه ليك
رعد:ناض طلع من الغرفه بدون مايزيد حرف
اما رؤى استمرت تبكي وهيا حاسه ان كل جهدها في المحافضه عليه ضاع!

______________________________________

هبه:ترددت الف مره قبل ما تمسك المقبض وتخش الدار عشان تلقى زي ماكانت متوقعه بضبظ!
ماريا واقفه يديها في وسطها وتراجي في تبرير هبه!

هبه:سكرت الباب وهيا ماسكه فمها
ماريا:شنو هاذا يلي شفته!
هبه:ربعت يديها....اضطريت ندير حركه غبيه باش حضرتك تخشي وميشوفكش وتصير موته تانيه
ماريا:قربت منها....هبه متكذبيش عليا
نعرفك من عيونك لما تبدي كدابه ف الاحسن يعني تتكلمي
هبه:انا مدرت شي هوا خوك يلي بدي ريحيني
ماريا:امير!!
لو جت من اسلام اوكي بس امير؟؟؟؟؟
هبه:قعمزت ....اي امير
ماريا:اتكت ع الحيط ....هي توا نبي كل شي بتفصيل تواااا
هبه:استسلمت🤷🏻‍♀️....خدت نفس عميق وبدت تحكي

_____________________________________

الصديق:شنو يلي يصير في حوشك ؟
رحمه وليها سبب وتوا بنتي شن يلي صاير
احسان:لوح الدخان ...عقاب ربي في الشي يلي درته في البنت
اهو رده في بنتك ومزال دور جمعه
الصديق:ع اساس يعني مدرت شي انت ولا نسيت!
متخلينيش نفلت الشكاره يا خوي سكتنا وحده
احسان:شافله بتكبر ...مفيه شي يثبت
الصديق:يلي خسرتها بنتي ....لو طلع الموضوع فيه لعبه صدقني مش رح نرحم حد ومين ما كان يكون
احسان:لعبت شنو يلي في الموضوع؟
بنتك منتحره يا اخ وتحت مخدتها مذكره حاكيه فيها قصص مراهقتها
العيب عليك انت وامها يلي مخليينها ضايعه في قصص المراهقه هاذي لين جت بي عمرها مره وحده
الصديق:سكت وهوا مش عارف شنو يرد

__________________________________

حسنه:وامها مسكينه قريب تهبل لتوا مش مستوعبه انها ماتت
تنهدت.....اااااه والله بنت في عمرها حرام تموت بطريقه هادي
ارسولان؟؟ارسولان ولدي
ارسولان:اهاا
حسنه:وينك ليا ساعه نحكى وانت سارح خيرك؟
ارسولان:مسك كوب النسكافي،......بنقولك شي لكن منبيكش تضايقي
حسنه:وجها تغير.....خيرك شن في!!
حرب من جديد لاااا ارسولان لااااااا
ارسولان:ابتسم ع جنب...لالا
حسنه:امالا شنو احكي
ارسولان:خدي نفس....الغي قصة الخطوبه يلي في راسك
حسنه:خبطت يدها ع قلبها بقوه.....علاااش
خيرك شن يلي صاير
ارسولان:نبي ناخد وحده انا راغبها
حسنه:تي كييييف هكييييي انت لو عليك نعرفك مش رح ادور ولا تهتم بي القصه هادي
ارسولان علاش تحرق في قلبيً عليك هكى
ارسولان:نزل عيونه ع الارض...في وحده في بالي ومادبيه هيا يلي تنجاب للحوش مش غيرها
حسنه:تغيرت ملامحها وبدت تبان شوية ابتسامه على وجها ....من هيا يلي خشت قلبك هاذي وقلباتك هكي
ارسولان:ابتسم وهوا متحشم
قام عيونه....مش توا خلي لين يجي الوقت
حسنه:لو هكي تمام لكن متعطلش
ارسولان:ان شاء الله
جلال:خش عليهم....شنو التخطيط يلي يصير من وراي؟
حسنه:اعجوبه الدنيا صايره في حوشك
جلال:قرن حواجبه.....ان شاء الله خير شن صاير
حسنه:ولدك خطفوله قلبه وبياخد وحده يبيها
ارسولان:تحشم......هي تصبحو ع خير
وناض بسرعه من مكانه ❤️

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

ماريا:قايمه حواجبها ومصدومه....كل هاذا يصير وانا معنديش علم!؟
هبه:ريحيني ماريا من نضراتك هيا شن تبيني نقولك مثلا تعالي خوك حصل عليا في المطبخ و...
اسكتي وانسي القصه
ماريا:امير؟؟!
مش مستوعبه كيف امير هكي
هبه:به ممكن تنسي القصه شويه وتحكيلي شنو قلتي لي ارسولان وكيف فضحتي روحك ؟!
ماريا:اذكرت وابتسمت❤️....ارسولان
هبه:اي ارسولان....هيا احكيلي
ماريا :بدت تحكي لي هبه وتذكر يلي صار

حماره انا شنو جيبني لعندك وليش اصلا مقايلتلك
ارسولان:مسكها من يدها ووقفها
ماريا:اختارت تهرب من جديد وتطلع من المخزن زي العاده لان بعد يلي حكاته وردت فعله يلي شافتها معش عندها عين تشوفله💔
طلعت وهيا تبكي بس جبدها ارسولان من يدها لي حضنه طول❤️🔥
ماريا:قلبها وقف لما ضمها على صدره بدون كلام❤️
ارسولان:لف يديه عليها وزاد حضنها اكتر ❤️
مسح على شعرها بهدوء وباسها على راسها ....معش تحكي هكي على روحك
ماريا:بعدت من عليه ودموعها ينزلو....شنو يعني !
ارسولان:رجعها لي حضنه من جديد❤️
يعني انك قدرتي تخليني نضعف وندير شي منبيش نديره وكلام منبيش نقوله
ماريا:قامت عيونه المدمعات فيه وهيا في حضنه❤️....بتمشي تخطبها؟
ارسولان:ضحك....يعني سيبتي كل شي قلته ورجعتي لي سؤالك
ماريا:اااييي جاوبني
ارسولان:خلاص عطيناهم كلمها الناس عيب نوخر الخطبه
ماريا:زادت بكي وبدت ادف فيه عشان تطلع بس هوا زاد حضنها وشاد ضحكته بسيف....خلااااص نبصر اهدي
ماريا:كملت بكاها
ارسولان:وخر بيها وهيا في حضنه لين طاحو ع الصالون الزوز❤️
حط يده تحت راسها عشان راسها ميمسش حاشيه الصالون الحاده
قام راسها وخلاها تقعمز ع رجلها
مسحلها دموعها وهوا يشوفلها بنفس نضراته الغريبه
ماريا:سكتت تراجي فيه يقول اي شي
ارسولان:كم مره قتلك معش تجيني في الليل؟
ماريا:خبطاته ع كتفه وقاعده تبكي....هاذا يلي همككك انت يعني
ارسولان:ابتسم كاتم ضحكته ....به خلاص بطلي بكي
نوضي ارجعي للحوش الدنيا ليل منبيش حد يشوفك هنايا
ماريا:استمرت تشوف لي عيونه تحاول ادور ع اي شي يريحها
لين فجآه قرب عليها وطبع بوسه خفيفه على خدها❤️
ماريا:نزلت من على رجله ويدها على خدها حاطتها❤️
طلعت من المخزن بدون ما تزيد كلمه !
اما ارسولان مسك راسه بي يديه ويشوف للارض
رجع شعره للخلف بتوتر وهوا فاهم كويس انه فتح على نفسه وقلبه باب صعب هلبا انه يتسكر💔

هبه:عطاك بوسه😧😧😧😧
ماريا:اي ع اساس انتي خوي عطاك سبحه تي ماهو حتى انتي نفس الشي
هبه:ضحكت من قلبها.....بس ارسولان نحس فيه رزين هلبا مش متع الكلام هاذا ولا
ماريا:يعني خوي الخفيف ؟متشوفيش في طبعه في الحوش عندك حق
وربي مصدومه لعند توا انتي في وادي وهوا في وادي كيف مع بعض !؟
هبه:عقدت حواجبها....وانتي خيرك متبينيش ليه
ع اساس بتحصلي مرت خو احسن مني يعني 😌
ماريا:ممكن بس اغبى منك لا😂
هبه:حدفتها بي الدبدوب ....بارده

_____________________________________

رغم العزي والاجواء المتوتره والخوف يلي مالي الحوش
كانت احلا ليله تمر على هبه وماريا ❤️
الاثنين عاشو فيها نفس مشاعر الحب المتبادله بين الطرفين
والاهم من هاذا هبه ارتاحت هلبا لما حكت لي ماريا وماريا كانت ردت فعلها كويسه مهاجمتهاش !

كانت اسوء ليله تمر على رؤى💔
بعد ما كانت امورها تمام كشفت سر قلبلها الوضع كله!
كيف تقعد معاه وهيا عارفه انه مستمر في حب البنت يلي اطلقت منه ؟
متقدرش تنسحب من الزواج هاذا والبيبي يلي في بطنها يعيش نفس المأسات يلي عايشتها بنتها!

ليله مش مفهومه تمر على ارسولان!
خايف يفتح نفس القصه لي قلبه ومعش يقدر يطلع منها على خير
بس كل مايذكر ماريا في حضنه يحس بشعور حلو ينسيه عناء التفكير كله!

ليلة انتصار بنسبه لي امير❤️يعتبر ربح فيها هبه
وفي الليله هاذي بدات حلف ماياخدهاش غيره مهما يصير❤️

اما جنان كانت اول مره مترقدش بروحها❤️
مهما نساها خوها سنين فاتو لكن يقعد خوها ودمه من دمها❤️
ورح تحس بي الامان في وجوه
طول الليل كانت تشوفله وتتأمل فيه من بعيد

___________________________________

#تسريع_في الاحداث
بعد مروراسبوعين ....

اكيد الكل يبي يعرف كيف فاتو الاسبوعين هاذم على هبه وامير؟
وارسولان وماريا!

ماريا:مصارش بينهم اي لقاء او مكالمات مصار شي غير نضرات وابتسامات من بعيد
لان ارسولان كان حريص يكون بعيد عليها

اما امير كل مايحصل فرصه وتكون هبه بروحها لازم يحصل عليها ويستفزها ويناشبها من غير المكالمات يلي منه🤦🏻‍♀️

الحزن قاعد نفسه متغيرش !
جرح جميله قاعد جديد💔وبنتها مسكرتش شهر
خفت عليهم الزحمه وحتى الناس خافت منهم وبدو يحكو ان الحوش مسكون
والعيله مسحوره كل مره يموت حد منهم

سفر رعد من جديد💔استمر لي اسبوعين دون علم رؤى وقلبها كان يتقطع
كل مايصير بينهم شي يختفي بدون حتى ما يحكي 💔
__________________________________

جهاد:درس السياره ...هي انزلي
جنان:مش مصدقه ان المدرسه رجعت روح بيا مصارليش
جهاد:انزلي بلا نفخ بنمشي عندي خدمه
موده:نزلت ع الروشن.....هااااي
جنان:بسمممم الله يخلع فرايسك
موده:تحشمت لما شافت جهاد ....نسحابه بوك جابك اسفه خلعتكم
جهاد:صباح الورد ياحلوه
موده:ابتسمت...صباح النور
جنان:هي هي بلا ابتسامات وجو اناي وياه خلاااص ...فتحت الباب ونزلت
جهاد:غمزلها....حلو السروال
موده:بتوتر....عيونك الحلوات❤️
جنان:هيييييي خلاص امشييي....ودفتها

موده:اففففف خيرك الزح علاش
خوك عجبه سروالي لازم يعني تخربي عليا !
جنان:خوي حقير ميشكرش في السروال يلي تحت السروال يشكر فيه ياغزاله
موده:ضحكت حرام عليك نضراته كانو بريئات
جنان:خبطتها ع راسها.....اقلبي وجهك قدامي تحركي

ماريا:تشوف لي امير كيف عيونه ع هبه في المرايا وهبه تبتسمله
لفتت راسها وفنصت فيها .....خلاص ياهبه ياسر هلكتيني
هبه:خيرني شن درت
ماريا:تفنص فيها....معش تحركي رجلك الكرسي يهز وراي
هبه:ضحكت ع ماريا يلي متبيش تبين لي خوها انها تعرف ❤️😂
نزلت ماريا للمدرسه وهبه تلبس في شنطتها
اول ما حطت يدها ع الباب بتنزل امير سكر السياره

هبه:فتحت الباب ولقاته مسكر....ليش سكرته
امير:يشوفلها وساكت
هبه:امير افتح الباب مش لقطه نقعد في السياره واختك نزلت
امير:تطلعيلي اليوم في البلاكونا
هبه:فنصت فيه....لاااا الف مره نقولك لا
امير:طيح الكرسي لين رقد جنبها....براحتك
ماريا:لبست شنطتها وتلفتت بعد ما باعدت خطوات ع السياره....هببببببعععععع
هبه:وووه عليا خلاص نطلع افتح السياره
امير:قعمز واشر بيده.....فزت وكلمه. ره
هبه:به افتح
امير:ضغط ع البطمه ونزلت هبه تجري

ماريا:قرصت هبه من تحت لتحت....بطلي حركات مع خوي
هبه:اااااه انتي يلي بطلي حسد بري لي ارسولانك علاش تنكدي عليا
ماريا:عيونها قلوب قلوب ....احححي منه ❤️
جنان:عطيك طاحونه ع راسك انتي وياه
ماريا:جت البارده🤦🏻‍♀️
موده:صفقت بيديها....عندي ليكم خبر 😌
بدي عندي كراااااش
ترا قولو منووو
ووه بنقوللكم حتى لو مسألتونيش
يكون خو جنان يهبللللل
جنان:ولا تحلمي
هبه:شن هاذا ياربي كل وحده خايفه ع خوها تقول بناكلوه
جنان:خوي زي لحم الحمار محد يقدر ياكله ولا يستفيد منه ف ريحي روحك
ماريا:استاحشت الفصل تقول غايبه عليه سنين
جنان:مش منك من الروقان سلم ارسولان ياحنه
ماريا:اللهم لا حسد وك عليا😌
هبه&موده:😂😂😂😂😂😂😂😂

____________________________________

امينه:وربي يابنات كدا مره تنزل انها تحل في مشاكل المتزوجات بي البخور والقرآن
منيره:سمعتها......كلميهالي
اءءء اقصد يعني صاحبتي
راجلها يضرب فيها وهكي اخر شي هجم عليها بيقتلها سيبت الحوش ومشت عاشت مع مرت بوها
امينه:غمزت لي رؤى وهيا تضحك
اسراء:ولله مرات صاحبتك هيا صاحبت البلي والاهم الاحرف ولسانها ميهنيهاش
هاذا باش راجلها مش طايقها والباين انها مش مخليه نساوين خوتها في حالهم هاذا باش ربي يردلها فيه ره
منيره:شن قصدك انتي شن قصدك؟. 😡
اسراء:مقلت شي انا وصلي كلامي لي صاحبتك بس
منيره:ناضت وهيا متنرفزه

ونفلقو ال3بضحك ....
رؤى:وربي مقادره قداش ليا مضحكتش هكي
ناريمان:السلام عليكم
اسراء:قامت حاجبها....استغفر الله
ناريمان:ابتسمت .....انستكم من جديد 😌
خبر حلو ليكم❤️
خلاص اليوم كملت نقل اغراضي وقاعده رسميا عندكم
امينه:تأنسي
اسراء:عليك غمه
امينه:نخصت اسراء ....اسكتتي
ناريمان:عادي اسراء اصلا لما يحضرو الملائكه الشياطن يضايقو
اسراء:تبيني نسكتلها!!!
رؤى:محلاها وهيا شطان قدام وجهك
احسن من ملاك من برا ومن داخل كلمة شيطان شويه فيه !
اسراء:اااحححح ياكبدي يلي نمسح وتلمعت تلميعع
ناريمان:مردتش عليهم وركبت لي الطابق الثاني

______________________________________

ارسولان:مقعمز في الجردينه وراسه فرق سارحه
لين جت قعمزت جنبه بنت لابسه نضارات كأنها تحارل تخفي شكلها
ارسولان:زواج وتزوجتي ....شن يخليك تتصلي بيا وتبيني ضروري؟
حياة:اسفه قاعده مضايقاتك💔
لكن معنديش غيرك
ارسولان:تنهد.....تفضلي
حياة:نمر بي ازمه انا وراجلي محتاجه4الاف ضروري
واكيد نحصل عندك
ارسولان:شنو يخليك متأكده هكي ؟
حياة:نعرفك انا
ارسولان:سكت
حياة:بالله عليك متردنيش💔
ارسولان:تمام تو يوصلوك
حياة:ابتسمت.....كنت عارفه ان نقدر نعتمد عليك
ارسولان:مش ديمه خليها في بالك....علاش جايبتيني هنايا لعند هنايا عشان الطلب هاذا كنتي تقدري تحكي في مكالمه
حياة:مسكت يده....كنت نبي نشوفك ونطمن عليك
ارسولان:سحب يده ومشي وسيبها بدون ما يرد
حياة:حملت نفسها وطلعت بسرعه قبل ما يشوفها حد

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

جنان:راسي زي الدربوكه الززح قداش ليا ع الحصص
موده:مش مصدقه بنروح خلاص
ماريا:وينها الخرا الغبيه هياا...هبببببه
هبه:قربت بسرعه داهشه....حاسه روحي مش تمام
ماريا:وووه خيرك
هبه:سكرت عيونها لحضات....دايخه
جنان:خديتي يبرت السكر؟
هبه:اي يس في شي مش مزبوط حاسه
ماريا:امير جي ....هي تعالي ارتاحي في السياره
هبه:نتلاقو يابنات
جنان:اتصلي قولي شن صار معاك
هبه:وهيا تركب السياره.....به

موده:جنووو
جنان:قلبت عيونها....شني
موده:حكيت لي امي وقلتلها بنروح معاك ووافقت
جنان:موووده يازفته ريحيني منهم حركاتك البايخه هيا
موده:ونبي ونبي ونبي
جنان:لااااا
موده:شافت جهاد جاي من بعيد .....بابا عطيته كلمه معقوله تسيبني وتروحي ؟؟!
جنان:افففففففف اركبي
موده:نقزت من الفرح وركبت بسرعه.....

_______________________________________

هبه:حطت راسها ع الكرسي ومددت جسمها
امير:شاف في المرايا ملقاهاش تلفت
لقاها راقده ع الكرسي الخلفي ووجها اصفر
امير:خيرك شن في !
هبه:دايخه.....حاسه نفسي مش تمام
ماريا:شكله سكرها مرتفع ....شن كليتي اليوم ؟!
امير :دور ورجع لي طريقه لان كان في مصحه فريبه عليه
هبه:تحكي بصوت متقطع....معش نذكر
امير:زاد سرعته لين وصل درس قدام المصحه
فتح الباب ونزلها وهوا ساندها عليه وخايف عليها
ماريا غارت هلبا من الموقف يلي شفاته وقعدت مقعمزه في السياره قارنه حواجبها لان خوها بدي يهتم بي حبيبته اكتر منها ❤️

______________________________________

جنان:خشت لي الشركه وهيا شايفه زحمه غريبه !
جمعه:اي اي خليهم عند الاستقبال ....اهلا جنان
اركبي فوق ومتنزليش للمغرب
جنان:وعلاش؟
جمعه:مؤتمر هنايا في الشركه وامن وخاشه بعضها
بنحط واحد جنب غرفتك احتجتي شي كلميه
جنان:مش مهم ....هيا تعالي
موده:مشت خلفها وعيونها ع جهاد❤️

_____________________________________

امير:كم مره نقولك حافضي ؟؟؟؟
كم مره نقولك انتبهي ع السكر يلي تاكلي فيه !
هبه:راقده قدامه.....خلاص امير متزيدنيش عدلوه وتمت
امير:باسها ع راسها
هبه:فنصت فيه وخبطاته ع يده .....تحشم في المستشفى مش في مزرعتكم هبلتت؟
امير:نسيتتت🤦🏻‍♀️
هبه:ناضت قعمزت.....خلاص انا كويسه بنروح
امير:قعد يدخل في شعرها للوشاح ويقنط فيه عليها عشان خدودها يطلعو😂
هبه:خلااااص يا امير خلااااص متحرقليش دمي
امير:😂😂😂

_______________________________________

ليلى:تلود في الحوش وترش فيه بي امية القرآن ورقيه تساعد فيها
جميله:حسبي الله ونعم الوكيل فيلي كان السبب
الله لاتربحه الله لا تسامحه
ليلى:وحدي الله جميله الله غالب خلاص هاذي الدنيا
مزال عندك حسام واريج ربي يحفضهولك لازم تكوني قويه ع خاطرهم
جميله سكتت وهيا تشوف لي ليلى ورقيه كيف يرشو في اميه القرآن

___________________________________

الساعه7المغرب :-

ناريمان:وربي زي منحكيلك قصدي مستحيل نقعد معاه لو مدارليش مكان بروحي في قلبه ويميزني ع الكل
منيره:اقسم بالله كلامك صح تعجبني طريقة تفكيرك يابنت
ناريمان:رجعت شعرها للخلف بغرور
امينه:تقرض في الخضراء....مدام عجباتك استفيدي منها
منيره:مستفيده حبيبتي اهو خليتله الحوش والصغار وطلعت
شافت لي رؤى ....مش هوا ميبينيش ومسيبني وانا قاعده في حوشه!
رؤى:سيبتهم وناضت بسرعه
اسراء:يااااااسرك تلقيح منيره خلي البنت في حالها
رؤى:والله انا مقلتش شي مش موجود ايواه

____________________________________

ارسولان:شاف ارسولان في المرايا يلي قدامه
تلفت بسرعه
ماريا:حطتله الصونيه ع الطاوله .....هاذي يعتتهولك ماما
ارسولان:سكر الباب الف مررررررره قتلك متجيش ماريا علاش متسمعيش في امه الكلام
ماريا:بدلع....امي بعتتني ليك مش من كيفي
ارسولان:خدي نفس....البسي ع راسك واطلعي
ماريا:حطت يديها ع سوريته ....استاحشتك وربي
قداش ليا مشفتكش قريب
ارسولان:روحي اتصلي بيا خلاص اطلعي
ماريا:تشوفله في عيونه
ارسولان:افففففف تعالي .....وحضنها❤️❤️❤️

ماريا:ابتسمت بنصر
بس قاطعهم صوت بوها ينادي عليها
ماريا:دفاته وجايه بتطلع
ارسولان :مسكها من وجها وباسها اكتر من مره
ماريا:خلاااااااص بنطلع
ارسولان:سيبها وهوا يضحك عليها كيف طلعت حايسه في روحها

______________________________________

ماريا:كيف!!؟ علاش هبه شن فيه
احسان:تي خيرك يابنت متفهميش ؟
هبه بنت عمك محند وين يدورو فيها من العشيه يسحابوها عندنا وهيا مهناش في المزرعه كلها
ماريا:حطت في بالها ان هبه ممكن طالعه مع امير بس نصدمت لما شافت خوها جاي من بعيد ولونه مخطوف واضح انه كان يدور معاهم
منعلمش من لما روحت من المدرسه معش شفتها
احسان:لا حول ولا قوه الا بالله

خافت ماريا بدات لما شافت بوها وامير وحتى اسلام وبو هبه وكللللللهم طالعين يدورو وامير فاقد اعصابه ويعيط ويضرب في اي شي قدامه
من غير امها يلي تعيط وتقول بنتي مريضة سكر لو صار فيها شي تنتهي
قرب حسام كأنه مستمتع بي الاجواء ويتشمت في امير
طاحت عين امير عليه وبدون مقدمات مسكه من رقبته
امير:وربي لو يطلع عندك فيها نص يد موت علي يديا وررررررربي
حسام:دفه .....شن دخلي فيك!
برا دور قطوستك وين ضايعه وخليني في خالي ترا

______________________________________

موده:لوحت البيرو تعبت من المسائل بناخد راحه
جنان:اخخخخ رقبتي

طق طق طق
جنان:قربت ع الباب.....مني ؟
انا تبع الامن كلفوني بي جناحك فوق
جنان:فتحت الباب....😧😧😧😧
صدام:بسمممم الله شن ديري هنايا

____________________________________

هبه:صوره مدغدشه قدامي
وعيت وراسي واجعني
مفهمتش انا وين ومن جابني هنايا وشن اخر شي صار
بس يلي عرفته اني مش في الحوش ولا حتى في حوش حد نعرفه💔
بديت نذكر يلي صار والرعب ركبني .....يتبع ..

لقراءة الفصل التالي : اضغط هنا
لقراءة باقي حلقات الرواية اضغط عىل (رواية عائلات راقية بفسادها
تعليقات



حجم الخط
+
16
-
تباعد السطور
+
2
-