رواية عائلات راقيه بفسادها الفصل السابع عشر 17 بقلم اروى طاهر المسلاتي
رواية عائلات راقيه بفسادها الجزء السابع عشر
 |
| رواية عائلات راقيه بفسادها الفصل السابع عشر 17 بقلم اروى طاهر المسلاتي |
رواية عائلات راقيه بفسادها البارت السابع عشر
ارسولان:اطللللع لين تهدا بعدين افهم منها
امير:جت عينه في عين هبه🔥
هبه:بدو عيونها يضببو وجسمها كله يرجف
امير:قرب من هبه وهوا والع كأنه لو طاحت بين يديه بيقتلها
ارسولان:بسرعه وقف قدامه يمنعه....لاااااا
هاذي لا
امير:شاف لي ارسولان وهوا يحاول يتأكد من يلي سمعه !
علاش هبه مرضاش فيها؟!
ارسولان:كمل كلامه....هاذي لاهي اختك ولا قريبتك
عندها اب في الحوش يحاسبها يضربها يقتلها واي شي
بس انت لا مليكش الحق تقربها امير
امير:بعصبيه.....نننننننحي يا ارسولان بندوي معاها
ارسولان:اهدا قبل
امير:ضرب الطاوله برجه وعطاهم بي الضهر
مسح راسه ووجها بيديه بغللللل ورجع شافلهم...خلاص هديت بعد
ارسولان:انسحب من بينهم بهدوء وهبه كانت تترجى في ارسولان بعيونه يقعد
جتها القوه في لحضه رغم انها مش قادره توقف على رجليها
طلعت من الحوش تجري وامير وراها
اما ارسولان بدون اي سبب مقدرش يلحقهم !
تلفت وراه وشاف ماريا منهاره تبكي والدم نازل على السجاده يلي الوانها كانت هاديه بس الدم مخربها💔
عطاها بضهر من جديد بيطلع بس مقدرش
رجعلها وحاول ان يخليك توقف على رجليها وعيونه على الباب ميبيش امير يشبحه كيف يساعد في اخته
قام ماريا بهدوء لين قعمزت ع الصالون وفي اللحضه هادي وصلت رقيه ومدتله كوب الميه
ارسولان:خدااه منها وقدمه لي ماريا
خداته ماريا وعيونها في الارض مش قادره تقيمهم فيه بعد يلي صار !
والمره هاذي حرفيااا خربت صورتها في عيونه 💔
ماريا:قامت عيونها المتورمات من الضرب والدموع ...انت مصدق اني مدرت شي صح!
ارسولان:حط تالفون امير ع الطاوله وطلع بدون جواب
زادت ماريا نهااااارت 💔
امير:مسك هبه من يدها قبل متنزل من الدروج
مسكها بقوه
هبه:حطت يدها يلي كانت ترجف علي يده وهيا تشوفله....امير بنموت
انت عارف اني مريضة سكر ومنتحملش الاجواء هاذي وربي معاد قادره حتى نشوف كويس💔
امير:خفت نضرات الحده يلي كانت في عيونه وارتخت يده نزل عيونه ع الارض ميبيهاش تشوفه كيف استسلم في لحضه!
امير:ارجعي داخل جنب ماريا لين نتأكد من كل شي
هبه:اءءء لل ل
باسم:هبوو
هبه:تتنفس بسرعه وضعف...بسومي
شن ادير هنايا
باسم:يشوفلها ببرائه ويلعب في رجله ع التراب....قتلك ماما علاش مترديش على تالفونك هيا روحي باش نتعشو بيتزا
هبه:ج......
امير:برا قلها هبه بتقعد تتعشى هنايا لان ماريا مريضه لين تروح امها
هبه:شافت لي امير
امير:شاف لي باسم يلي قاعد واقف يراجي في اجابة اخته ....امشي عمو قوللها
باسم:هز كتافه....امبه
ومشي يجري
امير:شاف لي هبه يلي كان واضح عليها السكر مرتفع من جفاف فمها ولونها المخطوف...فتحلها المربوعه الخارجيه
خشي هنايا
هبه:مكانش عارفه امير على شنو ناوي؟!
طلع في اللحضه هادي ارسولان
ارسولان:حاول تتحكم بي اعصابك خلي البنت تهدا بعدين افهم منها
امير:متروحش خليك
ارسولان:عقد حواجبه وهوا مش فاهم !!
امير:خليك في السياره في حاجه ع السريع نديرها وجاي
ارسولان:خدي نفس....ت. ت تمام
امير:لوح مفاتيح السياره وتلقاهم ارسولان بخفة يد
وطلع لي السياره
_________________________________________
سكرت رؤى البوم الصور يلي في يدها ورجعاته تحت السرير
طلعت من غرفة نجمه وهيا منفعله مش قادره تهدا ابداااا
نزلت لي الصاله وهيا متنرفزه .....وين ناجيه
امينه:ناجيه حاف هكي😂
رؤى:مش رايقه مش راااايقه ابدااااا وينها
امينه:تعيرت ملامح وجها ...بسم الله خيرك!
اسراء:خشت عليهم تمسح في يديها ...خيركم شن فيه
رؤى:ناجيه وين!؟
اسراء:واضح على وجها ان مش فاهمه شن صاير...فوق في غرفتها علاش؟
رؤى:ركبت بسرعه وهيا متنرفزه
اسراء:واقفه تشوف لي رؤى
امينه:وقفت جنبها....يستر ربي شنو فيه خيرها
اسراء:ربعت يديها ...رسمي عمتي مش راضيه تتقبل رؤى ابداا
خليها تعطيها ع راسها تستاهل
امينه:اسكتي بلا تشان نار انتي التانيه واركبي كان صار شي نحزو
رؤى:فتحت الباب بقوه بدون حتى ما اطق !
فتحت الباب عشان تشوف ناجيه مقعمزه ماسكه المصحف وتقرا
بتعابير وجه جامده متفاجئتش ابدااا بي فتح الباب
رؤى:علاش مقلتيليش؟؟
ناجيه:صدق الله العضيم....وبهدوء سكرت المصحف
على شنو بنقولك؟
رؤى:نجمه
ناجيه:شافتلها بملامح حاده جامده جافه بدون كلمه
رؤى:تعبو عيونها دموع بس كانت تحكي بغضب وعنف ....بنت اختك!!!؟
بنت اختك الميته ؟؟؟؟؟؟
اسراء:من ورا الباب حطت يدها ع فمها بصدمه....هادي من قلها
امينه:ليلتنا سوداء اليوم
ناجيه:وعلاش بنقولك؟
مني انتي باش نشاركها حاجات العيله
رؤى:مسحت دموعها وتكلمت بقوه .....انا مرت رعددددد
مرت ولدك ويلي في بطني ولده غصبن ع اي حد يبي وميبيش
ناجيه:تشوفلها وهيا رافعه خشمها كأنها تبي تبين انها قويه اكتر من اللازم
رؤى:كلامك عليها طول الوقت قدام اي حد تبي اطيحيلي معنوياتي وتحسسيني ان رعد قاعد عازب وانا ولا شي
حبك الغريب ليها يلي كنت مستغربه منه وكنت بنموووت باش نعرف شنو الشي الزايد فيها
طلعت في النهايه مفيش شي زايد
وهيا مش احسن مني في شي
وسبب هاذا كله لانك انتي يلي مربيتيها لا اكتر
ناجيه:تكلمت بصوت واضح وعاالي....لو تمووتي
عمرك ما رح تكوني احسن منها في شي
لا انتي ولا ولدك يلي قاعد منخلقش ع الدنيا
ولا حتى رح يحبك زيها
اسألي نفسك كويس
علاش طول الليل مش معاك؟؟علاش كل ما ينزل للفطور ينزل من دارها ؟
رؤى:ردت بقسوه غريبه طلعت منها .....ماتت
هيا مااااتت
وولدك ليا
ابتسمت بوجع....مهما حاولتي مهما درتي
ولدك راجلي اليوم وانا مرته
ورح يحبني زيها واكتر ويحب ولده اكتر من اي شي في الدنيا هاذي والايام بينا ....وطلعت
امينه :فاتحه فمها.....هاذي جديات حكت هكي 😧
اسراء:بنبرة حماااس....ايوااااا هكي
هكككككككي اخيرا جت وحده للحوش نبرد على كبدنا اخيرااااا ياربي اخيرا
امينه:جبدت اسراء ونزلو بسرعه قبل ماتشوفهم ناجيه وتصير اي مشاكل
_____________________________________
في المطبخ:-
باسم:ماما عمو امير قال هبو تقعد هنايا لان ماريا مريضه
احلام:امير؟؟؟
انت شفتها اختك؟
باسم:اي واقفه بحدا عمي امير
احلام:ابتسمت بخبث....ياربي يلي في بالي صح
محمد:هي وين العشي
احلام:دقايق هي
محمد:هبه هببببه
احلام:عبه في حوش احسان عند ماريا
محمد:ناديها تتعشى شنو قاعده عند الناس لتوا؟
احلام:بنبرة فرح....خليها خيرك انتي مصدقت نسجمت مع بنتهم
محمد بنبرة شك .....توا طلعت بنتهم كويسه ؟؟!
مش كانت مسمومه
احلام:بسووووومه يزون تعالو
_______________________________________
امير:خش للمربوعه ومعاه كيسه كحله
هبه:مش قادره تقيم عيونها
خايفه من تصرف امير ومن بوها لو سمع شنو ممكن يدير فيها؟
امير:قعمز جنبها ومسك يدها ...طلع جهاز قياس السكر
وحطه على صبعها❤️
بدي يخدم بسهوله عليه ويشوف في سكرها وهيا مصدومه!!!
وين مشي كل العياط والخبط يلي قبل شويه؟!
امير:فتح شيشة اميه ......اشربيها تامه
هبه:نزلت عيونها بي ارتباك
امير:ندوي معاك
هبه:خدت الشيشه وبدت تشرب
امير:طلع شيشه ومسك كوب الشاهي الصغير يلي كان على الطاوله
صب من الشيشه وعطاها....اشربي هاذي
هبه:تشوف لي امير ومسبوها
امير:اشررربي
هبه:رجعت لي وعيها وشربت
امير:وقف وهوا يسكر في الكيسه ...خشي لي ماريا
خليك هنايا لين نروح مزال ليا كلام معاكم الزوز
هبه:بنروح ام.....
امير:لااااااا امك لا خالك ....امك لو تعلم اليوم شنو مدايره هيا وبوك تو نشوف شنو يديرو
هبه:نزلت راسها
امير:حط جنبها شيشة اميه....وهاذي تكمليها حتى هيا مابين روحت
مش معطل ...خوديها وخشي تحركي
هبه:حطت يدها بتوتر ع راسها وعيونا في الارض .....رجليا مش قادره نوقف
امير:رجع قعمز جنبها بهدوء وهوا يشوف للحيط يلي قدامه .....وين مشيتو!
هبه:معرفتش شنو ترد !!!!؟
سكتت وهيا عارفه لو امير سمع اسم حسام وقتها رح يكون موتها هيا وماريا ع يده
امير:هز راسه وهوا يغلي من داخل ....تمام متجاوبيش
كان في ولاد؟
هبه:جاوبت بسرعه بدون شعور.....وربي لا
يمين بالله ورحمة من عندي غالي مفي واحد
امير:تو نشوفو تمام ....وطلع وسيبها
هبه:حطت شيشة الميه ع الارض ويديها على وجها....شن درنا ياربي 🤦🏻♀️
شن درنااااا بسس💔💔
رقيه:تحبي نساعدك تركبي دارك؟
ماريا:تبكي....اقلبي من علياااااا
هبه:خشت للحوش وقعمزت جنب ماريا
ماريا:قامت راسها لي هبه بسرعه....ضربك؟؟!
شن دار فيك !
هبه:مدار شي اطمني
ماريا:كله بسببي😭😭😭😭
عباااائي انا نستاهل وربي
هبه:حضنتها .....خلاص اهددي
اركبي لي دارك احسن ما تروح امك ولا حد يشوفك
ماريا:تمسح في دموعها....امير بيحكي لي بوك؟
شن قال بيدير
هبه:منعرفش قال بنوليلكم ومش معطل
ماريا:وقفت وخدت الشنطه ....تعالي اركبي معاي
هبه:شافت للبساط....حبيبتي ممكن تنضفي الدم قبل مايصبغ؟
رقيه:شبحتلها بيرائه...اكيد ❤️
هبه:متزعليش منها انتي عارفه وضعها كيف
رقيه:مستحيل نزعل من حد في الحوش هاذا خيرهم عليا يكفي ❤️
هبه:ربي يحفضك طيوبه باين عليك ....وركبت تبعت ماريا
اما رقيه شافت لدم بتعب بس في النهايه خدت نفس كأنها تقوي بيه نفسها بسبب الكلام الحلو يلي سمعاته
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
هبه:خشت لي غرفة ماريا وسكرت الباب
قعمزت وهيا تفكر بينها وبين نفسها
ماريا سألتني بخوف او امير داير فيا شي؟!
وكانت حاسه بي الدنب انها سبب في كل شي صاير
يعني عندها قلب وابدا مش بنت سيئه❤️
ماريا:حاطه الثلج ع خدها ....زعما وين مشي ؟
هبه:منعرفش ....بس اي حاجه يديرها منقدروش نتكلمو لان في النهايه عنده حق💔
اي ولد مكانه شاف اخته هكي بيدير العار
ماريا:انا اخته وانتي شنو؟علاش اصر متروحيش!!
هبه:بلعت ريقها بتوتر....صاحبتك!
اكيد يعني بيخاف ع صاحبات اخته في النهايه بيأثرو عليها سواء بي الخير او بي الشر
ماريا:تجاهلت الكلام ومركزتش ع الموضوع
وقفت قدام الروشن ...ارسولان وين!
هبه:تشرب في الميه....مشي معاه
ماريا:قعمزت ع السرير...ستررك يارب ستررك
_______________________________________
مزهريه كبيره استضمت بي الحيط وتكسرت على ميئات الاجزاء
اقلام تشرتعت في لحضه ع الارض
كراسي نقلبو بعكس اتجاهم
شكالات مقطعه مرميه ع الارض
(اهلا بيكم في مكتب صدام)
صدام:حط راسه ع المكتب وهوا يخبط بيديه...وورررربي لما نقتلك ياكلبه
يابنت الحرام يا خامره موتك على يدي يا واطيه
طق طق طق
صدام:منبي حدددددد
ارسولان:فتح الباب وخش ...مش على كيفك
صدام:شاف لي ارسولان وامير يلي وجها ميبشرش بخير ...اهلا
سامحونا كانت في عاصفه هنايا
ارسولان:بعد برجله الشمالات يلي ع الارض....منو تسبب فيها ؟
عيل ديناصور؟!
صدام:قلب عيونه وملامحه متنرفزه....خير!!
شنو سبب زيارة الاخ
ارسولان:قعمز ....فهمنا ع يلي صار اليوم كيف شديتو البنات
صدام:اخخخخخ ياربي
كله من فرخة الحرام يلي تسوق الكلبه هيااا
امير:البنات في سيارة منو كانو؟
صدام:يدوي بغلل وحقد.....بنت الكلب يلي شعرها على الشارع
امير:نقدر نفهم وين مشو؟!
صدام:يحاول يدكر....تقريبا مطعم
تزبط المطعم يلي قدام النادي الرياضي متع الكوره
امير:اها
صدام:بزبط غادي لان الجيها هاديكه مفيهاش غير النادي وشباب بس ومطعم
ومعطلوش اصلا
كان جاي تسأل ع البنات مدخلهم في شي ولا دارو شي ره حتى هيئتهم محترمه البلي كله في الشلال يلي كانت تسوق
قام صوابعه يعد....بنت حرام وتجري وتسطرب تقول ذكر شعرها على الشارع ولبسها الله لايوريك
اعرفو بناتكم منو اتبببع راهو الحيوانه هيا هبعت بيهم
امير:كان في شباب معاهم
صدام:يدوي بحرقه.....يلي تسووووق
يلي تسوق بروحها تقول ذكر وتبي معاهم شباب زياده
كانو بروحهم مفيش حد
امير:منو روح بيهم ؟
صدام:بوها يلي تسوق الكلبه هيا ميلاد طلع بوها مش خوها
امير:في حد رد الكلام منهم او حكي شي مش مزبوط
صدام:يلي تسووووووق ....لسانها خامر لو نعلق عليها وربي نعدمها
امير:ارتاح قلبه وحسب ما فهم من كلام صدام ان جنان كانت صاحبه منحرفه 🤷🏻♀️
وان يلي صار كلها حركات مراهقين
عباره على بنات صغار حاولو يغيرو جوهم ويطلعو بدرقه عشان يهيجو لا اكتر
امير:تمام خوي منور....وطلع بسرعه
ارسولان:شاف للمكتب ولي صاحبه ....منو السبب في هادا كله
يلي تسوق زعمه؟
صدام:ارسولااااان فوتني وغضوا تعالا بكري منبيش نجي
ارسولان:ضحك....يصير خير
وطلع بسرعه لحق ع امير
______________________________________
رؤى:خشت لغرفتها وقعدت ماشيه جايه
مفيش دموع ينزلو ❌
بس مش مصدقه كل الكلام يلي طلع منها💔
ولازمصدقه الكلام يلي سمعاته من ناجيه
شافت بدعر وخوف للباب يلي انفتح فجآه وخش منه رعد
قعدت تشوفله تستنا في رد فعله اكيد امه حكتله
رعد:ضحك....خيرك مخلوعه!!
رؤى:قربت عليه بسرعه حضناته❤️
حطت يديها على لحيته وقربت منه ❤️
لصفت فيه وهيا نفسها متسارع من الخوف
انت تعرف اني نحبك صح!؟
رعد:مستغرب!....حط يديه على شعرها وبادلها نفس الحركات....وانتي تعلمي اني نموت فيك ؟
رؤى:شافتله في عيونه بنضره طويه وكانت خايفه تففده!
كانت خايفه تفقد راجلها بسبب حقد امه وهوسها بشخص ميت
قاطعت الافكار السئه هاذي كلها ببوسه طويل لي رعد
رعد:فتح عيونه وهوا متفاجآه من مرته!!!
كمية الجرآه يلي جتها فجآه
رؤى:بعد شويه بس المره هاذي رعد هوا يلي زاد قربها ليه وباسها❤️❤️
امينه:سكرت باب دار نوم رؤى:وووك عليك حشمه باهي يلي ماشافونا
اسراء:ريني متيطلع منها الفانص رؤى😂
قريب كلاته
امينه:ضحكت.....يعطيك قصه في لسانك امشي استنيها لين تنزل تحكينا معندنا علاش واقفين هنايا
نزلو اسراء وامينه شابكين يديهم في يدين بعض
امينه:حسب رايك رؤى كويسه؟!
اسراء:احساسي كويسه زينا هكي معندهاش ع الخبث
امينه:تي غير امتى عرفتيها من هيا عروسه قعدت في حوش بوها
اسراء:والله الربيع من فم الدار يبان يقولو
امينه:في هادي صدقتي....تعالي توا نديرو طويسة شاهي ونسهرو شويه مدام المنجوه متعي ومتعك مزردين والمفرخ وقدو
اسراء:هي خلي ندير كيكه ع السريع
وخشو الاثنين للمطبخ وكانت مشيتهم اضحكك😂❤️
________________________________________
اسلام:اعععععع هنايا هنايا ااااه وووه عليا
ليلى:لابسه عبايتها ومقعمزه تمسد في ضهر اسلام.....ياحيه عليك قريب انكسرت شنو مداير؟
اسلام:عين عين امس حلقت شعري شكلي طلعت قنين
ليلى:ضرباته ع ضهره....ضم فمك
اسلام:اااااه
ليلى:لمحت البساط مبلول شوي....رقييييه رققييييه
رقيه:نعم مدام
ليلى:خيره البساط من شنو الاحمر هاذا؟!
رقيه:اءء امم عصير رمان طاح من الاستاد امير قبل ما تروحو بشوي
ليلى:وين ماريا؟
رقيه:ماريا فوق... فوق في غرفتها ومعاها هبه
الباين ان يراجعو في اسئلة امتحاناتهم
ليلى:به كويس ....جيبيلي حبة راس الله يخليك بناخدها ونرقد راسي بيتفجر
رقيه:حاضر
في غرفة النوم:-
رزان:سكرت دولاب الحوايج ....نموت ونعرف امير يفكر في الزواج مره تانيه او لا!
اريج:لاهيا في تالفونها....وانتي شن ليك دخل !؟
قامت عيونها بصدمه.....متقوليليش حاطه عينك عليه!!!؟
رزان:قعمزت ع السرير...وخيره شنو ناقصه يجنن❤️
اريج:تجي كنت ليلى مرت عمي اعععع
رزان:مش مهم امه المهم هوا
اريج:بالله سكري الموضوع
رزان:تنهدت ....بلاش
ورقدت ع سريرها وفتحت تالفونها
_______________________________________
حسنه:خشت للمطبخ....بسم الله خلعتني امتى جيت
ارسولان:سكر شيشة العصير وسكر الثلاجه....قبل شويه
حسنه:بوك من بكري مشغول عليك خيرك طلعت زي المجنون بعدين شافك في سيارة امير
ارسولان:كانت عند امير مشكله وتميناها
حسنه:الحمد الله
مره تانيه رد على تالفونك مفهمتش علاش مدايرينهم انا التالفونات وقت نبوكم محدش يرد
بيسان:سووولي
ارسولان:قامها بين يديه لي حضنه....حب قلب خالو❤️
علاش مش راقده لتوا الساعه 10
بيسان:تفرجت على سبونج بوب تعرف شن دار اليوم؟
ارسولان:ابتسم وتصنع الاهتمام على ملامحه....شن دار؟
بيسان:شفيق تكسر صندوق الضحك في قلبه لكن بعدين صلحوه ره
ارسولان:وانتي تكسر صندوق الضحك متعك؟
بيسان:ابتسمت اي
ارسولان:هي تعالي نصلحوه ....وبدي يلعب فيها وهيا ميته بضحك ❤️❤️❤️
والمنضر الحلو هاذا كانت تراقب فيه حسنه وتبتسم❤️
تتمنى لو كان المنضر هاذا مع صغاره
________________________________________
امير:شاف رقيه مقعمزه تاكل
رقيه:وقفت بسرعه وعيونها كلها حب....اهلا امير❤️
امير:وين البنات؟
رقيه:فوق
امير:عطاها بضهر وجي بيركب بس وقفه صوت رقيه
رقيه:امييير
امير:تلفت ...نعم!
رقيه:انا محكيت شي لي امك ولا لي مرت عمك
في النهايه كلنا نغلطو حرام تخلي بنات عمك يتشمتو في وخيتك❤️
امير:ابتسملها....كويس مشكوره
رقيه:ابتسمت بحب ....ولايهمك❤️
ركب امير وقعمزت رقيه تكمل في ماكلته وتحكي مع نفسها
نحبه ياربي ❤️ياااااارب اسعده في الدنيا
وريح قلبه وخليني جنبه حتى او كان مع بنت تانيه عادي المهم يرتاح
اجبر بخاطره بسبب موت مرته ياربي 💔
هبه:طلعت من دار ماريت ووقفت في الممر...الو
احلام:اها وينك
هبه:امي معطله شويه انا
احلام:ضحكت....حتى كان تبي تباتي عادي اهو الحوش خطوه شنو بعده
هبه:فهمت كويس امها شنو تقصد ...تمام نكمل ونروح
امير:ركب من الدروج ولمحاته هبه ...وقف قدامها
هبه:تت تمام امي شوي ومروحه ...وسكرت في وجها
امير:وين ماريا؟
هبه:بلعت ريقها ....داخل
امير:اشر على داره...خشي هنايا خليك
نكمل كلامي معاها وجايك
هبه:شني؟؟
شني جايك مفهمتش
امير:منبيش حد يشبحك واقفه هنايا ويفهم في شي
بنحكي مع ماريا شويه وبنجي نعطيك كلمتين وروحي
هبه:به
امير:خشي
هبه:مشت لي غرفة امير وهيا متردده
خشت وسكرت الباب ع نفسها
ماريا:وقفت مخلوعه لما شافت خوها وكان قلبها بيطيح
امير:جبد كرسي وقعمز
شبك يديه في بعض ويشوفلها .....قصرت معاك في شي انا؟
ماريا:هزت راسها بمعنى لا
امير:بوي قصر معاك!!!
ماريا:هزت راسها وبدت تبكي
امير:لو جيتيني من الاول وقلتي بنتغدا في مطعم انا وصاحباتي بروحنا كنت بنرفض انااااا؟؟؟؟
ماريا:استغربت وهيا تقول في خاطرها....مطعم؟
مطعم شني !!
امير:وخترتو مطعم قدام نادي رياضي متع شباب مخفتيش تنحط العين عليكم؟
ماريا:فهمت ان بمعجزه غريبه خوها فهم انهم كانو في مطعم مش في النادي !
امير:لو حكيتيلي كنت اجرت مطعم تام على خاطركم ياماريا وانتي عارفتيني خوك ومنقصرش
لكن علاش اللعب من وراي ومن ورا بوك؟؟؟
متلومينيش لاني مديت عليك يدي اي حد في مكاني يديرها الا العيل يلي مش راجل الديوث يلي ميغارش ع اخته
ماريا:تبكي ....اسفه
اسفه والله مكان قصدي منعرفش كيف درت هكي اسفه سامحني
عندك الحق في كل شي حتى اني مش زعلانه انك ضربتني 💔
امير:خدي نفس.....نعتبرها غلطة فرخه صغيره ومتتكررش
بوك مايسمعش وامك ماتسمعش بيلي صار اليوم
وياويلك نسمع شي مش مزبوط عليك
ماريا:هزت راسها بمعنى تمام
وقف امير بيطلع من الدار
ماريا:امير
امير:تلفت
ماريا:حضناته وهيا تبكي ....اسفه سامحني 💔
والله معاد نعاودها وعد💔
امير:بادلها الحضن وهوا يطبط عليها ....خوك انا مهما صار تقعدي غاليه عندي
نضربك ونكسر راسك لكن يلي يفكر يقربك بكلمه بس نقتله
ماريا:بعدت وهيا تقول ....ربي يخليك ليا
امير:ابتسملها وطلع
هبه:واقفه في مكانها متحركتش بس عيونها لفو الدار كلها
جذبتها ريحة الغرفه❤️🔥🔥
بارفان رجالي راقي ومركز في الغرفه
ترتيبها ونضامها
صورة امير يلي كانت معلقه فوق السرير مش باين منها الا نص وجها بس
تحركت خطوتين لي السرير عشان تركز في الصوره
ومن هنايا سمعاته يقول
امير:عجباتك!
هبه:تلفتت بسرعه....حلوه
اءء الدار الدار كلها حلوه
ابتسمت بي غباء....اول مره نخش لان
امير:سكر الباب
هبه:في خاطرها....نهاررري احرف هاذا سكر الباب
امير:قرب منها....تسكر الموضع
لان كانت غلطتكم صغيره ها المره مش ضروري توصل للعيله
هبه:قلبها ارتاح ....قتلك ماريا من الاول مدرنا شي
امير:يشوفلها
هبه:حست ان عيونه تجمدو فيها ...اءءء بعدين اختك كويسه
انت فهمتها غلط
امير:يشوفلها بدون حراك
هبه؛بلعت ريقها.....لو كملت بنروح لان امبي
نقصد امي ...تتصل
امير:مسك يديها من المرفق وقربها ليه❤️....رغم ان الغلط منكم
وانتم درتو شي علط يندار بس مضطر نعتذرلك لان مراعيتش مرضك اليوم
هبه:فكت يديها منه....مفيش داعي تشفق عليا ولا حتى تعتذر انا كويسه
امير:نزل راسه ع جنب....بس انا مش كويس!
هبه:هااا😧
امير:قام يده ونزلها مرتين
بس في النهايه حط يده على خدها❤️
حاولي تنسي المنضر يلي شفتيه اليوم لاني انا مش هكي
هبه:قلبها وقف لما حست بيده على وجها
امير:ركب وشاحها يلي كان خلاص بيطيح وبعد عليها
فتح الباب ....خليني نسايرك الدنيا ليل
هبه:خدت نفس ....عادي خطوه الحوش
امير:اشر بعيونه بمعنى اطلعي
طلعت هبه من غرفة امير وخشت لي غرفت ماريا
هبه:شن صار
ماريا:تمسح في وجها ...هاذا وين قلبي ارتاح مفهمتش منو قاله ان كنت في مطعم قدام النادي متع الرياضه وهوا مصدق تأسفت منه وقبل وقالي مش وح نقولو لحد
هبه:اوووووف طلعنا من عينها
ماريا:وين ماشيه؟
هبه:خدت شنطتها....بنروح الساعه قريب11
ماريا:بتردد...خليك باتي
هبه:مستحيل دواي وكل شي في الحوش
بكرا نمر عليك
ماريا:تمام
طلعت هبه وفي قلب ماريا هلباااااا كلام
كانت تبي تشكرها لانها واقفه معاها لاخر لحضه❤️
وتبي تقلها قداش كانت تكرهها بس توا لا
لكن سكتت بسبب غرورها🤷🏻♀️
طلعت هبه وارتاحت لما ملقتش امير
خدت نفس عميق ونزلت عشان تلقاه يراجي فيها قدام الباب 😂🤦🏻♀️
سلمت امرها لي ربي ومشت وهوا بعيد عليها شويه لين وصلو قدام الحوش
وقفت وحاولت تتشجع عشان تسأله
هبه:علاش تبيني ننسى يلي شفته؟
علاش تبررلي انك مش هكي ؟!
امير:ابتسم....تصبحي ع خير
ومشي وسيبها بدون ما يجاوب !
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ليل طويل وكل شخص فات عليه بطريقه :-
ليل طويل على ماريا وهيا تبكي 💔
رغم ان خلاص خوها فهمها ❤️وسامحها بس مش قادره تتخطى الموضوع وكيف ارسولان توا فكر فيها!!...ليل طويل كافي انها تزيد تكره فيه حسام من قلبها
ليل طويل معبي حب فات على رؤى وهيا في حضن رعد ولاول مره ياخده النوم جنبها وميفيقش ولا يمشي لي دار نجمه❤️
الواضح ان في نوعية شباب متحبش البنت الخجوله يلي ترضى بي اي شي
ليل طويل وهيا تحاسب في نفسها ياترى هل غلطت في ام رعد؟؟!
وكيف بتتصرف معاها!!
ليل طويل على جنان مقعمزه في سريرها بروحها زي العاده
قدامها افخم انواع اللاب توب وكل شي حلو جنبها مع اضائة غرفه خفيفه بكل بس ابدا مكانتش سعيده بي شي !
رغم انها حلفت متخشش الحوش هاذا من جديد بس اضطرت اليوم عشان البنات !
ليل طويل ع ارسولان ولاول مره يشغله موضوع جديد!
غير الموضوع يلي ديمه في باله
اليوم صورت ماريا وهيا مضروبه متريحش من باله
فهم كويس ان ماريا ممكن تكون طايشه وعندها تصرفات غلط وهاذا شي طبيعي لي اي حد في سنهابس مش سيئه!
ليل طويل على صدام وهوا بيمووووت من الحسره ع اللقطه يلي دارتها جنان وحشماته 😂
ليل طويييل على ناجيه وكلام رؤى يرن في ودانهابي الحرف 🤷🏻♀️
ليل طويل على هبه وشعور السعاده يلي في قلبها❤️
تسكر في عيونها وتذكر في لحضات معالجت امير ليها وكيف يحاول يحافض على سكرها❤️
كيف مهتم بيها بغض النضر ع كل شي شفاته منه اليوم
مسكت يديها
وشعور يده ع خدها كان احلا شعور مر عليها في حياتها ❤️
بس كان ليل قصير على امينه واسراء يلي قضوه كله في الهدرزه والقرمه والضحك😂
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ثاني يوم⛅️⛅️
رؤى:ربطت شعرها فووق گ اخر لمسه من اهتمامها بنفسها ونزلت❤️
صبحت ع سلفاتها
امينه:وينك امس مش ع اساس بتسهري معانا؟
اسراء:غمزتلها...سهرت مع الرعد ياكبدي الله يعلم كيف كانت سهرتهم 😉
امينه:تحشمممي
رؤى:ضحكت...اي بسلامته لين رقدت
اسراء:من حقك ياكبدي
امينه:تعالي جاي !!!...كيف امس تكلمي ناجيه هكي
رؤى:مسكت السفره...كنت متنرفزه والموضوع هاذا بدات منبيش نحكي فيه ع الصبح
وطلعت
لحقوها كل وحده ماسكه شي وقعمزو ع الفطور كلهم
قعمزو كلهم بدو يفطرو ورؤى خلت نفسها وقحه وصبحت ع ناجيه بي ابتسامه كأنه مصارش شي مبارح!
ردت ناجيه من راس خشمها وتفاجأت رؤى لانها توقعتها متردش
كانت الدنيا هدوء لين فجآه خشت عليهم وحده ومعاها شنطة سفر
مفهمتش رؤى هاذي منو تكون!!؟
بس لاحضت تعابير الدهشه والصدمه على سلفاتها !!
____________________________________
جنان:زي العاده طلعت من الحوش بكري هلبا وعلى روس صوابعها بهدوء
ركبت سيارتها ومشت اتجاه الشركه عشان تقعد في دارها متطلعش حتى اسبوعين كاملات
كانت دايره بالها كويس وتسوق بسرعه مش عاليه لين فجآه خبطت فيها سياره من جنب يلي فيها كأنه كان متقصد الشي هاذا💔
ومعش شافت جنان شي غير دمها يلي توزع على المرش !!
____________________________________
ماريا:بعد ماركزت كويس في المرايا كانت جيهة خدها بس متورمه والباقي مفي شي باين رغم ان كتفها ورجلها كانو واجعينها
فتحت باب دارها عشان تلقى كريب ❤️
فتحاته وكان مكتوب فيه....كريب مليح زي طريحة امس❤️
ضحكت ماريا وفهمت انه الكريب من احن خو في الدنيا
حطاته على السرير ونزلت عشان تشكره قبل ما يطلع من الحوش
بس يلي صار انها نزلت عشان تسمع شي كسرها وهيا مش قاصده!!
جميله:اي كانت بتخطبله هبه
لكن عرفت ان هبه بنت احلام فيها السكر وهكي فاتت الموضوع حتى ارسولان ولا مش عارف شن اسمه ولدها مكانش موافق
ليلى:وهاذي الجديده من وين خدتها؟
جميله؛قالت قرايبينه وهوا وافق بيرفع فضانيه بداية الشهر الجاي
ليلى:يامهني هني
جميله:هاذا هوا
ماريا:محست بشي غير ولا فهمت شي غير انها فجآه لقت تفسها واقفه في المخزن وارسولان يشوفلها مش فاهم جيتها ع الصبح بي منضر البجامه يلي كانت فيه !!
ماريا:متاخدهاش
يُتبع ..
لقراءة الفصل التالي : اضغط هنا
لقراءة باقي حلقات الرواية اضغط على (رواية عائلات راقيه بفسادها)