القائمة الرئيسية

الصفحات

رواية عائلات راقيه بفسادها الفصل السابع 7 بقلم اروى طاهر المسلاتي

 رواية عائلات راقيه بفسادها الفصل السابع 7 بقلم اروى طاهر المسلاتي

رواية عائلات راقيه بفسادها الجزء السابع 

رواية عائلات راقيه بفسادها الفصل السابع 7 بقلم اروى طاهر المسلاتي


رواية عائلات راقيه بفسادها البارت السابع

طقققققققققققققق ....وتكسر الباب
هبه:اغمى عليها وموده سكرت ع نفسها الحمام اول ما شافتهم
ماريا:طاحت من يدها توكت شعرها...ارسولان😧
ارسولان:تغير لون وجها للاصفر !
والشباب يلي معاه شافوله بنضرة تعرفها؟؟؟؟
كانت صدمه ليه!...بنت عيله وناس وعز وخير شنو ادير في شقة مشبوها مبلغين ان جو 4بنات جدد يخدمو
معقوله ماريا وهبه من البنات هاذم !؟
ارسولان:في لحضه عقد حواجبه واسترجع نضرته الاولى وشاف لي الشباب يلي معاه اشر لي المزينه طلعوها وجيب سياره مدنيه
بنات صغار واضح عليهم قاعدين بي ملابس المدرسه متجيش اطلعوهم للمقر في سياره امن قدام الناس
الشاب:تم
ارسولان:انسحبو تو ينزلو بروحهم ....
سمعو الشباب كلامه كأنه هوا الامر متعهم !

جنان:هبه؟...هبه يازبله نوضي بلا تمثيل عاد طلعو
هبه نوضي مدرهيليش كبدي
خافت جنان لما تأكدت ان فعلا هبه غايبه على الوعي وحتى بعد ما رشتها بي الميه مفاقتش !

قربت ماريا منه وكان صوت قلبها مسموع قالت بصوت خايف متقطع .....سس ار ار ارسولان اي مقر؟
اي مقر بترفعونا ليه وربي خوتي يعدموني
ارسولان:شافلها بنضره جافه وتخوف...كان حاطه اعتبار لي خوتك راهو ملقيتكش في مكان زي هاذا
ماريا:بلعت ريقها..مدرت شي انا كنت خاطمه عشان .....
ارسولان:قاطعها....خشي جيبي حوايج المدرسه متعك وطلعي صاحبتك يلي تبيت من بعيد 10دقايق ونلقاكم لوطه
ماريا:مسكت يده....ارسولان الله يخليك
ارسولان:نفض يده وهوا عارف حركاتها كويس....الدلع والدمعتين هاذم استعمليهم لما بوك يحرمك من حاجه تافها يا بنت العز مش معاي انا
ماريا:انا ن........
جنان:قاطعتهم.....هببببه هببببببه مريضه
ارسولان:لف وجها لي هبه وشافها اطلع في رغوه بيضه من فمها
قرب منها بسرعه وهوا يفحص في فمها ويفتح في عيونها
مسكها بيديه ونزلها وهوا يردد بصوت عالي ...10دقايق عندكم

موده:طلعت تجري وطاحت في الممر وهيا ترعش وتهز في ماريا من كتافها....مقرررر؟؟؟
قال مقر نحنا بنمشو لي مقر ماريا وربي يذبحونااا
ماريا:واقفه مصدومه ....لو امير عرف
بيذبحني قدام المدرسه كلها
جنان:لبست شنطتها....يعني بتقعدو هكي كل وحده تفكر كيف بيقتلوها اهلها وكيف بيكون عزاها؟!
ال10دقايق قريب تكمل ره
موده:مسحت وجها بيديها وهيا ترعش....هبه لو صار فيها شي شنو بنحكو لي اهلها
جنان:توترت.....خلااااص عاد تحركو احسن ما يغير رايه ويرفعنا في دبابه مش سياره مدنيه
ماريا:واقفه مصدومه وموده جنبها تخبط ع رجليها
جنان:دفتهم برا الشقه وخلتهم ينزلو معاها
ركبو السياره ال3وهما مش قادرين يوقفو ع رجليهم اكتر من الخوف

____________________________________

سكرت رؤى الخط وهيا مصدومه من عرض الزواج يلي جاها من رعد!
في لحضه ابتسمت ....يعني انا غير على كل البنات يلي عرفهم في حياته!
قالت ليلى ام ماريا انه كلم هلبا بنات وقضى وقت معاهم عشان ينسى مراته يلي توفت!
بس مفيش وحده منهم عرض عليها الزواج زيها!
قبل ما تفكر في شي او حتى تلحق تعيش اللحض سمعت امها تحكي ع الفون
طبعا هاذا مكانش شي غريب !...بس الاسم يلي تحكي معاه امها هوا يلي غريب

حسنه:بملامح خوف ....اي اكيد تفضلي تشرفينا
بس ان شاء الله خير يارب ؟
ناجيه:بصوت جاف وثابت....خير خير
نبي نجي نحكي في موضوع بنقولهولك توا عشان تفكرو فيه قبل ما نخش عندكم للحوش
حسنه:قريب انقطع نفسها من الخوف ...تفضلي
ناجيه:ولدي رعد شاف رؤى كم مره وقعد معاها لما خبطها بي السياره وعجباته
ان شاء الله يبي يتقدملها وانتي زي ما تعرفي ولدي مرته متوفيه ليها سنه توا
ارتسمت ملامح الاستغراب والفرحه والصدمه على وجه حسنه
عيله زي عيلة رعد بي قدراتها الماديه ونفودها جايه بتطلب يد بنتها من بين كل البنات؟
ناجيه:الوو؟
حسنه:استعادت وعيها.....اكيد لينا الشرف تفضلي عندنا وان شاء الله نحكو في التفاصيل
ناجيه:تمام متفاهمين .....وانتهت المكالمه

حسنه:حطت التالفون ع الطاوله ولمعت رؤى واقفه تتسمع من ورا الباب ...كنتي تعلمي ولا لا؟
رؤى:سكتت وحاولت تتباعد قبل ما تشوفها امها
حسنه:ندوي اناااا
رؤى:طلعت من ورا الباب وعيونها ع الارض ....قالي قبل دقايق بس اقسم بالله
حسنه:وانتي شن رايك ؟
رؤى:بلعت ريقها ....بنخش الحمام انا ونجيك
وهربت بسرعه

_____________________________________

موده:الساعه4 بنموتتتت تخيلي امير يتصل بيك
يقولك انا قدام الجامعه!؟؟
بنات المدرسه طلعو من الجامعه من ال3ونص
ماريا:قعمزت ع الكرسي وغطت وجها بيديها الاثنين ...انتهيت
جنان:ياريته مخدوش التالفون كنهادا صورتك عشان تشوفي منضرك تقول فلوس مبلول
ماريا:انتي جديات هكي عندك عااااادي ؟؟؟؟؟؟؟
موده:طبعا لان معندهاش اهل يسألو عليها اصلا
جنان:قعمزت ع المكتب وتلعب بي اللوحه يلي فيها اسم الضابط بيدها .....من قالك معنديش اهل!
موده:واضح من لبسك ومنضرك مفيش اهل يرضو لي بنتهم تطلع هكي
جنان:طلعت لسانها وعضت فمها بنضرات خبث....اهو انتي عندك اهل يخافو عليك ومقعمزه في المقر بتهمة انك بنت دعاره !😉
موده:متحملتش استفزاز جنان وجت بتهجم عليها بس شدتها ماريا
ماريا:خلاااااص عاد انتي وياها مش وقته هاذا كله يلي اديرو فيه انتم مش شايفين الحاله يلي حني فيها
موده:مش متحملتهااااا المخلوقه هاذذذذي
ماريا:مش م..........
قاطعها ارسولان اما خش المكتب وواضح من وجها ميبشرش بخير!.....وقف قدام المكتب وهوا يشوف لي جنان
جنان:شنو ؟
ارسولان:يشوفلها وقايم حاجبه
جنان:شنوووو؟....اه اي اسفه
ونزلت من على المكتب وقعمزت على الكرسي جنب موده
ارسولان:فتح المذكره يلي جنبه....اسمك الثلاثي انتي وياها
موده:بلعت ريقها بخوف
ارسولان:فنص فيها.....نكلم فييييك
موده:تبكي ....موده عبد الحفيظ موسى
ارسولان:يكتب وعيونه في الورقه يلي بعدها
جنان:...جنان محمد
امممم جنان محمد حاتم على ما اعتقد
منعرفش منذكرش اسم جدي بزبط كان واطي الله يرحمه
ارسولان:يلي بعده
ماريا:بلعت ريقها وعيونها تشوف للارض وهيا عاقده حواجبها....ماريا
ارسولان:ماريا منو ؟
ماريا:نعم؟
ارسولان:قام عاجبه بجديه سؤالي واضح يابنت اسمك الثلاثي
ماريا:هنايا بدات فهمت انها طايحه في مصيبه 🤦🏻‍♀️
كان عندها شوية امل ان ارسولان يطلعها من هاذا كله بس للاسف الاملا بدي يتلاشى لما دار روحه ميعرفهاش
ارسولان:كشخ ....مطوله؟؟؟؟
ماريا:تكلمت وهيا شاده غضبها.....ماريا احسن خليفه
ارسولان:كمل كتيبته ووقع
قام عيونه منع على الورق .....تمام
بيجي ضابط يحقق معاكم وبتقعدو في الحبس داخل لين يجيو اهلكم يستلموكم
موده:من الصدمه قعمزت
ماريا:مستحيل
ارسولان:خدي تالفونه وطلع بس مسكاته ماريا من يديها الزوز
ارسولان:شاف لي يده وقبل ما يباعدها ماريا تكلمت وبكت لاول مره
ماريا:الله يخليك مستعده ندير اي شي بطل اسلوبك هاذا وساعدني المره هاذي ونشبحلك بيها كبيره !..
بابا ساعدكم الف مره لما انت كنت مش مجوده جنب عيلتك
حرام متكسراش 💔
ارسولان:مسك يديها بيده الثانيه وبعدها وهوا يشوفلها في عيونها مباشرةً ....وعطاها بضهر ومشي
ماريا:تحكي بصوت عالي ....انت عارف كويس ان انا مدرت شي غلط ووجودي في الشقه كان صدفه بايخه ارسولان
ارسوووووولان !!!!!

جنان:خلاص مشي وخلاص بلا دراما
ماريا:رجعت لي مكانها من جديد ويديها على راسها كأن مصيبه كبيره معش عرفت تطلع منها

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

هبه:فتحت عيونها والدوخه قاعده في راسها مش قادره تخليه يتوازن ابدا
حسام:الف الحمد الله ع السلامه
هبه:بتعب....الله يسلمك
حسام:ابتسم وقربلها....تحبي تشري اميه او شي؟!
هبه:هزت راسها بمعنى لا
وقعدت تسترجع شوي شوي الاحداث في راسها وكيف خشو عليهم جماعة الامن !
كمدتها في نفسها وسكتت
حسام:ليش مش حاكيه لي حد في المدرسه ان عندك سكر!
هبه:منحبش نحكي في مواضيع زي هاذي
حسام:بس غلط !....يعني انتي طحتي عليهم في الجامعه لو صارلك شي راهو طلع التقصير من المدرسه يلي مهتمتش بيك اثناء حضورك الكورس الجامعي ولا!؟
هبه:معش فهمت شي ....طاحت في الجامعه ؟؟
يلي صار كان حلم؟؟؟البنات وين؟
حسام:ابتسم...نحكي هكي لان المدرسه تخص بوي وانا جديد في الخدمه
معاك حسام ولد مدير مدرستك وانتي ؟
هبه:بصوت متلاشي....هبه
حسام:عارف❤️
هبه:وين ماريا؟
حسام:بنت عمي !؟...غريب نسحابكم مش صاحبات
قعمز ع الكنبه يلي قدامها.....مش مره خلاتك تنزفي الحمام وطلعت؟
هبه:خلاف بسيط وتم....وين هيا وجنان وموده؟
حسام:روحو اكيد توا الساعه 4ونص
انتي نطمنو عليك هنايا وبعدين نحكو مع اهلك تمام ياحلوه؟
هبه:لاااااا
حسام:عقد حواجبه بي استغراب ....لا؟ع شنو!!
هبه:اوضاعنا في الحوش متأزمه شوي منبيش نزيدها
حسام:بس اهلك لازم يعرفو
هبه:اي بعد ما نوصل للحوش عادي بس توا لا
حسام:منو نكلم!
هبه:بصوت متردد....أمير
حسام:اختفت الابتسامه من على وجها ...امير!؟
هبه:اي هوا يوصل فيا مع اخته بحكم نسكنو جنب بعض كلمه يروح بيا
حسام:قعد فتره يشبحلها وواضح على وجها علامات الانزعاج ...تمام تمام
هبه:غمضت عيونها بتعب وهيا تسأل في نفسها ....وين البنات؟
كان حلم او شنو يلي صار ؟؟؟

_________________________________

عليا؛اوكي عنده حق بس مش لدرجه هادي رحمه
راهو يهين فيك هلبا لو مش حاسه
رحمه:مش مهم....عادي خليه يهين لصبح المهم ندير يلي في راسي
عليا:سكتت ويدها ع خدها.....توقعت منه امير هلبا حاجات
الا انه يعاملك هكي!
كنت نسحابه مختلف طلع زيهم واحرف
رحمه:مفيش حد في الدنيا اسمه مختلف في مواضيع زي هاذي !
عليا:بس كنتو حلوين في البيان رحمه
تهبلو كل شي حلو تنسيق لتورته الذبل كل شي وهًوا كان هاددددي
رحمه:عادي تسكري الموضوع؟!
عليا:خذت نفس......بكيفك

__________________________________

انفتح الباب فجآه وماريا وموده من الخلعه نقزو في مكانهم ..
خش عليهم شاب شافلهم ال3وتكلم
الشاب:تحركي انتي وياها لي السياره
موده:قربت منه....خلينا نمشو ونعطيك سلسلتي الذهب بيعها
الشاب:برااااااا
موده:الذهب غالي توا يعني تسوى وربي م.....
الشاب:بتطلعي ولا شنو موضوعك
جنان:اطلعي بلا عار انتي وسلسلتك في النهايه بتطلع بلاك يور 😂

طلعت ماريا وموده وجنان يلي مش هامها شي وتستغل في الفرص عشان تستفز ماريا وموده في اسوء المواقف !

ارسولان:اركبي انتي وياها....ولبس النضارات
موده:انتي من القدام بنت جيرانهم مدخليش فيك
ماريا:مستحيل تجيني الجلطه
جنان:ركبت من الخلف واتكت ع باب السياره
وبعدها موده وبعدها ماريا ال3من الخلف

ارسولان:ولع السياره وثبت المرايا ...عليهم وال2قريب يموتو من الخوف
ارسولان:شاف لي موده...وين حوشك!
موده:خذت نفس مرتاح اخيرا وارتسمت على وجها معالم الراحه

____________________________________
رؤى ؛قاعده على نار!...مش فاهمه نفسي نفرح ولا لا!
كلام امه كان واضح اي
بنسكن في حوش فيه 2كناين من غيري!
لازم نمشي على نضامهم وعاداتهم !
حكت ان ممكن يكون رعد مزال متعلق شوي بي مرته الله يرحمها بس مدام تجرأ وطلب الزواج معناها ناوي يغير من نفسه
انا الكلمه هاذي مرتحتلهاش!💔.....كيف ممكن يكون قاعد متعلق فيها شوي!؟

حكت هلبا ام رعد ووضحت كل شي ابدا مكانتش خايفه من حاجه او تبي ادرق شي
ويلي زاد ريح رؤى ان رعد كويس معاها وكل شوي يتصل متوتر
مدامه متوتر معناها رؤى تعنيله❤️

________________________________

هبه:سكرت عيونها وهيا تفكر شنو بتحكي لي امها وبوها؟
يلي صار حقيقي ولا حلم!
به لو حقيقي وين مشو البنات وهل بينفضحو او لا؟
قاطع تفكيرها صوت فتح الباب وكان امير❤️

هبه:قامت يدها وهيا تساوي في الوشاح وادخل في شعرها
امير:الحمد الله ع السلامه
هبه:الله يسلمك
امير:ماريا وين؟!
هبه:انصدمت !...يعني يلي صار حقيقي وماريا رفعوها الامن حسب ما تذكر
امير:سألتك!!
هبه:مم م ما م....

ترن ترن ترن ترن
امير:شاف لي تالفونها واشرلها بيده ..لحضى
الو
ماريا:اموري حبيبي شن الجو
امير:قام حاجبه....وين انتي ؟
ماريا:انا قريب نوصل للحوش يلي وصلنا خو البنت يلي معانا بعد ماطاحت علينا هبه
امير:خو البنت وصلكم؟اي بنت
ماريا:اءء اء
موده:تأشر على جنان
ماريا:خو جنان صاحبتي جاي بيروح بي اخته قالت هيا نوصلكم
امير:سكت يشوف لي هبه
ماريا:حطت يدها ع قلبها من الخوف ...امير؟؟؟
امير:تمام ديري بالك ع نفسك
ماريا:تنهدت بي راحه....شن صار في هبه؟؟
امير:ارتفاع سكر امورها احسن
ماريا:تمام هي وصلت انا
امير:سكر الخط وشاف لي هبه
هبه:وجهت عيونها بسرعه على السقف
امير:بوك في الطريق شوي ويوصل
هبه:صربت راسها بيدها 🤦🏻‍♀️....علاش حكيت !!
كنت نبيك تروح بيا انت بدون شوشره
امير:تبيني؟!
هبه:بلعت ريقها....نقصد ان ان منبيش بابا يعلم
امير:خدي تالفونه...حاولي تخففي من الحركات الرخيصه يلي اديري فيها عيب حتى انك اديريها ع حساب صحتك
هبه:انت هيييييي شن تسحابه ؟
امير:طلع وسيبها
هبه:نكلم فيييييييك تعالااااااا ......خبطت السرير بيدها بعد ما حست بي شعور استحقار!!💔

_____________________________________

ناجيه:وقفت ...عموما زيدو فكرو في الموضوع كويس وخلي البنت تاخد قرار
في حال وافقت على الزواج هما اسبوعين لا اكتر داب ماتوتي روحها وبعدين العرس طول
رؤى:شافت لي امها بصدمه
حسنه:ان شاء الله ربي يقدم يلي فيه الخير
ناجيه:وقفت شويه تشوف لي حوش حسنه يلي كان بسيط❤️
حوش صغير واثاثه ناعم مش فخم ونضيف تجيك فيه راحه نفسيه تلقائاً
غير نضرتها على رؤى يلي نزلت راسها طول متحشمه
جسمها المتناسق مع طولها❤️
وشعرها الاسود لعند نص ضهرها وملامحها الرقيقه تعرفك بي شخصيتها قبل حتى ما تهدرزي معاها !
طلعت ناجيه بعد ما ودعتهم

حسنه:سكرت باب الحوش وخدت نفس عميق .....بوك رح ينصدم لو عرف ان اهل رعد يبو يناسبونا
رؤى:بس امه تخوف !
حسنه:ضحكت انتي بتعيشي معاه هوا ولا مع امه ؟
رؤى:قعمزت ع الكرسي وعيونها على يديها بتوتر

طق طق طق
حسنه:منو بيجي في ها الوقت
رؤى:بالك ارسولان
حسنه:فتحت الباب وارتسمت على وجها ابتسامه طويله عريضه❤️....اهلا اهلا
ليلى:اهلا كيف الحال
حسنه:الحمد الله تفضلي
ليلى:خشت وهيا تشوف لي رؤى....كيف حالك اليوم؟
رؤى:الحمد الله
حسنه:جيتي في وقتك كيف بنصب الشاهي ....وخشت للمطبخ
ليلى:استغلت فرصة وجودها مع رؤى بروحهم .....الحظ ضرب معاك ها المره
رؤى:سكتت
ليلى:لو انا مكانك كنت نهرب وننفذ بجلدي قبل ما ناخده
رؤى:اضايقت من الكلام وردة بثقه....انتي حتى الحلال مش عاجبك!؟
قلتيلي يتسلى بيك وياما ضحك على هلبا ناس زيك ولا؟
اهو اليوم بنكون زوجته
حتى لما جي طلبني مش عاجبك وتبي تخليني نسيب بسيف !!
لي شنو تبي توصلي حضرتك بزبط ؟
ليلى:كانت مقهوره داخلها لكن ابتسمت..... ولا شي
نصحتك فقط لان امك تعز عليا لا اكتر
رؤى:شكرا على نصيحتك بس خلاص هاذا نصيب وبناخده❤️....عن اذنك
سيبتها وخشت غرفتها وليلى كمدتها وسكتت
كانت تتمنى لو رعد جي نصيب بنتها
عيله زي هاذي في المركز هاذا تاخد بنت جلال يلي هوا مجرد انسان يخدم في مزرعتهم ؟!
مكانتش ليلى تسحابه انها رح تنصدم بشي اكبر من هكي مع الايام!

___________________________________

نزلت موده قدام حوشها بسرعه وقلبها يدق بسرعه خايفه حد يشوفها بس في نفس الوقت مرتاحه ان المشكله هاذي مشت ع خير

وجنان محبتش يحطها قدام حوشهم وطلبت منه يحطها في بداية الشارع

كمل ارسولان طريقه وماريا وراه خايفه يشوفها حد من خوتها او بوها!!
طول الطريق تراقب فيه ❤️
اذكرت لي سنين فاتو ارسولان مكانش هكي ابدا
كان شعره ناعم نازل على عيونه بس توا شعره للخلف بطريقه تجنن ✅
كانو يديه ناعمات وضعيف وابيض بس توا متخير180درجه!!
حتى نضرته تغيرت !!
قاطعها صوته يلي لما سمعاته نفسها قريب وقف

ارسولان:المره هاذي على عيون خوتك لانهم كويسين
المره الجايه مش رح نرحمك
ماريا:تشوفله في المرايا....انت اصلا مسمعتش مني ليش كنت غادي متفكرش فيا غلط !!
ارسولان:البنت يلي مش مزبوطه تنعرف من شبحتها
ماريا:عقدت حواحبها بصدمه....مش مزبوطه؟؟؟
انا مش مزبوطه؟
ارسولان:مردش عليها وكمل يسوق
ماريا:رجعت لي غرورها ....انت عارف ع كلمتك هاذي نخلي بابا يلزك من المزرعه بكبرها !!!
ارسولان:شافلها في المرايا وهوا يحكي في خاطره
ان ماريا تربت على الدلال والفساد لدرجة انها غالطه انقذها وتهدد!
ماريا:نحككككي معاك انا متشوفليش هكي في المرايا
ارسولان:وجه عيونه على الطريق وكمل فيها بدون كلام
ماريا:خبطت على الكرسي يلي مقعمز فيه....نحكي معااااااااااك
ارسولان:عيط عليها .....ضمي فممممممممك
ماريا:نخلعت وخافت لدرجة انها نزلت ع الكرسي عشان متشوفش عيونه في المرايا 🤭

خشو للمزرعه وهيا تفكر داخلها كيف بتنزل من سيارة ارسولان؟
لين تتفاجآه ان ارسولان دخل سيارته لي المخزن وسكر الباب
نزل من السياره وفتح لي ماريا الباب
ارسولان:انزلي من هنايا واطلعي من المخزن شوفي سبلتك قدامهم شن كنتي اديري هنايا وخشي للحوش
سيبها وطلع بدون مايزيد حرف معاها !
ماريا:طلعت راسها شافت يمين يسار ملقتش حد خشت للحوش طول وركبت غرفتها
لوحت الشنطه ع طوووول يدها وقعدت ماشيه جايه قدام الروشن وهيا تذكر في كلمة ارسولان ومحروقه منها (انتي مش مزبوطه)
وقفت ع الروشن شافت ارسولان يتعامل مع كلب امير ويربط فيه كويس ...سكرت الروشن بحقد وقعمزت ع السرير وهيا بتتفجر
كيف ارسولان ميحترمهاش لانها بنت عيله زي هادي!؟
كيف مقدرتش تأثر على حتى شويه بجمالها يلي تسمع في الناس كلهم يمدحو فيه!!!

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

حبال سو وطاحو في بير ✅
المثل هاذا اطبق على ماريا وموده وهبه وجنان
هبه:بعد ما باتت في المشفى رجعت للحوش وامورها تمام بس طول الوقت تفكر في امير وكانت كارهاااااته وتسأل في نفسها
علاش فاهمني غلط!

قد لا ينام البعض من كلمه قالها احدهم وهوا يمزح!
اطبق المثل هاذا ع ماريا بس يلي حرقها ان ارسولان مكانش يمزح ابدا😂
ماريا:الحوش كله ملاحظ ان فيها شي!!
معش تنزل هلبا جنب العيله وتقرم في فلانه وعلانه وادير في مشاكل لي رؤى وهبه !
ولا هاد تغرق بوها في الطلبات
طول الوقت في دارها مسكره ع نفسها ولا واقفه عند الروشن !

اما رؤى وافقت هيا وعيلتها وكانت غاااااارقه في تجهيزات الحفله البسيطه يلي بديرها وفي بتاتها

___________________________________

امير:طلع من الحمام يمسح في شعره ..وقف متفاجآ وعاقد حواجبه ....انتي شنو اديري هني؟
رقيه:توترت....ككك ك كنت نبخرلك في ملابسك
امير:شاف للباب لقاه مسكر ...اطلعي ومعش تخشي هنايا بدون اذن
رقيه:قامت فيه عيونها وقعدت تشبحله❤️
امير:الو؟؟؟؟؟
رقيه:حاضر اسفه....وطلعت تجري
امير:قعد فتره يشوف لي حوايجه يلي كانو في يديها
سيبهم وطلع ملابس ثانيه من الدولاب

وسط زحمة البنات في ساحة المدرسه :-
موده:وكله كوم وطيحتك علينا في الشقه كوم تاني لو صار فيك شي راهو انتهينا طلعتك معانا غلط
هبه:طلعتنا من اساها كان غلطططط

وسط زحمة البنات في ساحة المدرسه :-
موده:وكله كوم وطيحتك علينا في الشقه كوم تاني لو صار فيك شي راهو انتهينا طلعتك معانا غلط
هبه:طلعتنا من اساها كان غلطططط
جنان:تشرب في العصير ...لو مكانش الامر متعهم يعرف اللفعه ماريا راهو توا ناشريين صورنا في الفيس
4بنات في شقة فتاة جزائريه مشبوها ووحده من هادم البنات مسمومه جدا
ماريا:اسكتي جنان وربي ماناقصاتك ره !
موده:خلاص بنات القصه فات عليها اسبوعين علاش فاتحين الموضوع توا !
هبه:شافت لي جنان وموده وهما حاسيين ان ماريا فيها شي!.... ماريا خيرك؟
ماريا:لو تعرفو الحقير شن قالي هذاك اليوم !!
هبه:قعمزت جنبها....شن قال؟
ماريا:شافت لي جنان وهبه اذكرت ان ممكن يشمتو فيها او يضحكو عليها!!...شي انسو الموضوع
هبه:ننسو الموضوع تمام بس انتي واضح عليك ان فيك حاجه احكي ممكن نقدرو نساعدوك!
ماريا:قالي انتي مش مزبوطه!
تخيلو ان قالهولي بكل وقاحه هكي !!!
جنان:فتحت ليمه بين نفصين وتاكل ...ع اساس انتي مزبوطه يعني !
ماريا:خذت شنطتها ومشت وهيا متنرفزه
موده:حقيره....ومشت
هبه:حرام عليك يا دراه
جنان:الجرس ضرب هيااا

______________________________

في كافيه هادي ❤️
كان امير مقعمز وماسك كوب القهوا وملامح الهدوء على وجها
رحمه:مش طالبه منك حاجه امير
منبي منك شي غير شوية احترام بس عاملني بيه
امير:سحق طرف الدخان على الطفايه يلي كانت جنبه....انتي عارفه ان انا مش قادر ولا حتى طايق نشوف في وجهك!؟
رحمه:خدت نفس عميق .....يعني شنو ؟
حياتنا بنكملوها هكي ؟؟
امير:انا مسيب خدمتي وجايك لان في موضوع ضروري بتحكي فيه مش باش نسمع كلام زي هاذا
رحمه:بلعت ريقها....الموضوع اءء ان
امير:شني؟
رحمه:بابا يبي يقرب موعد العرس
امير:سكت وهوا يشوفلها
رحمه:حاولت نعترض بس مقدرتش لان بيرجع لي خدمته في لندن ويبي يطمن عليا قبل ما يمشي
امير:عقد حواجبه وقرب عليها في الطاوله....لو بوك يعرف بي العفن يلي مدايرتيه حضرتك شنو يكون موقفه !؟
رحمه:خذت نفس .....امير لو سمحت مفيش داعي كل شويه اذلني بنفس القصه
امير:سحب دخان تاني ....متحكيش معاي ولا تحاولي تتصلي لين بوك يكلمني ونشوف حل
رحمه:نحيني من الحضر عندك امير
امير:وقف خدي مفاتيحه ودخانه وطلع وسيبها

__________________________
ماريا:حاطه يدها ع خدها وتشوف للابله فجآه حست بي حد نخصها من الخلف تلفتت وشافت هبه
هبه:مدتلها ورقه صغيره
ماريا:خذت الورقه ورجعت تشوف القدام فتحتها وكان مكتوب فيها(الموقف يلي صار ممكن خلا ارسولان يقول هكي متعدليش عليه
توا عرس اخته حاولي تغيري نضرته ليك )
ماريا:كتبت وردتلها الورقه
هبه:فتحتها ولقت مكتوب فيها(متعلمينيش شنو ندير اهتمي بي امورك )
هبه:لوحت الورقه وهيا حاسه بي خيبت امل كان غرضها تبي تساعد وجي الرد هكي !
اما ماريا خدت بي كلام هبه وقعدت تفكر كيف بتخلي ارسولان يغير نضرته ليها
انكت على الكرسي وحطت يديها في جيوبها حست بي شي داخل جيبها
ولما طلعاته لقتها ذبلة الدهب يلي لقتها في سيارة ارسولان!!

الابله؛ولعند هنايه يكفي نكملو بكرا هي اطلعو بدون دوشه ....اه نسيت البحث بخصوص التجربه يلي درناها نبيه بعد بكرا
مجموعات زي ما قسمتكم ره اي شكوى من اي طالبه في المجموعه بتحرم عليهم الرحله للفروسيه

موده:منقدروش نديرو البحث في حوشي مدايرين صيانه واصلا نحنا قاعدين في حوش عمي
ماريا:ولا انا ولا هبه نقدرو نديروه عندنا
النت مقطوع في المزرعه قالو تصليحات من عير اخت ارسولان الكلبه عرسها توا
كلهم شافو لي جنان
جنان:توترت ....لااا انا منقدرش
ماريا:قاسمه حاجبها....وعلاش ؟!
جنان:اءءء انا امم ان
موده:شنو؟
جنان:اففففف اوكي في حوشي
ماريا:شافت لي هبه ....هيا امير يراجي
هبه:خذت شنطتها وطلعت

_____________________________________

الساعه 10في الليل:-
رؤى:كانت فرحانه❤️
محاطه بين عماتها يلي جوهم من الجبل فرحانين بي النصيب القوي يلي جاها❤️
وبين خالاته يلي قايمين العرس كله ومحسسينها انها اول مره تتزوج❤️
كان شعور حلو بنسبه ليها !
وطبعا لا يخلى الامر من عيون الحسد في كل مكان
متوجها ليها🔥

لبست رؤى البودري وبعد سهريه ضحك وشوط دربوكه يقتل وروحو شوية المعازيم يلي جوهم
رقدت رؤى وبدو خلاتها يحنو فيها
والعمات وبناتهم يغنو❤️
محلاها العيله لما تبدا يد وحده في اي مناسبه❤️

___________________________________

ماريا:مشيت للعرس مرتين عشان ارسولان !
منعرفش شنو كنت بندير نحكي معاه مثلااو اي شي
بس مكانش موجود ابدا
قررت لازم نرجع الذبله مكانها ولما تأكدت ان سيارته في المخزن هيئت نفسي نمشي ونرجعها في مكانها بس الشي هاذا ميجيش الا بمساعدة شخص تاني
واول شخص خطر في بالي رقيه بس رقيه كانت طالعه بتاخد بضاعه لي اهلها
فكرت وفكرت ومكانش في حد في بالي غير هبه النيه

ماريا:قمت شعري ولبست ماليا طويله شويه وطلعت
كانت المزرعه كلها ضي بسبب الفلاشات وضي العرس يلي فوق الحوش

هبه؛خلعتيني شن فيه ؟؟
ماريا:اخيرا وصلتي اسمعيني كويس
هبه:شنو
ماريت:انا بنلف من ورا حوش عمي جلال لازم نخش مخزنهم في حاجه ضروري نديرها
انتي بتقعدي واقفه تراقبيلي هنايا لو صار اي شي اتصلي بيا طول
هبه:احكيلي قبل شنو يلي بديريه
ماريا؛بلا درااااه كبد هبه مش ناقصاتك ديري يلي حكيتلك عليه وبس
هبه:تنهدت بخوف....لو حد شافنا بيقول ان يديرو في شي مش كويس و......
ماريا:قاطعتها ...محدش يشوفنااااا
هبه؛فكرت دقايق......به تمام

_________________________]___________

رؤى:كملت حنتي ....غطوني وحطيت راسي ع المخده والابتسامه على وجهي
كنت نسحابه اخيرا الدنيا ضحكتلي خلاص !
اخيرا بنتفكا من كل شي اخي عشته في حياتي ورعد بيكون الامان ليا
مكنتش نسحابه ان الحوش يلي بنمشيله في قصص وحكايات ممكن توصلني لدرجة الجنون!!

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

ماريا:المخزن ضلاااام ...فتحت الضي وحاولت نفتح السياره كانت مسكره !
كيف بنرجع الذبله؟
كان في واحد من رواشن السياره مفتوح فتحه بسيطه
دخلت فيها الذبله لكن حصلت 🤦🏻‍♀️
حاولت وحاولت لين يأست
بس استمريت نحاول اندخلها لين قاطعني صوت
ارسولان:وزياده ع كل صفاتك خنابه؟

_________________________________

هبه؛بعدت شويه من المخزن ووقفت جيهة الخيول ❤️
تفرجت عليها وقربت منهم كان منضرهم يجنن
قربت من الحصان بس ضربني خبطه ع صدري وكان لابس حديده
حسيتها زي السم وكنت نبي مرايا نشوف بيها الخبطه !
لقيت سياره مدرسه رواشنها مسكرات ومضلمه وقفت ع الروشن وفتحت اول بطمتين من سوريتي نشوف
فجآه ينفتح الروشن
امير:متبيش تبطلي حركاتك الرخيصه هاذي ؟!....يتبع 

لقراءة الفصل التالي : اضغط هنا 
reaction:

تعليقات

7 تعليقات
إرسال تعليق

إرسال تعليق