القائمة الرئيسية

الصفحات

رواية حور الرعد الفصل السابع 7 بقلم رؤى محمد

 رواية حور الرعد الفصل السابع 7 بقلم رؤى محمد

رواية حور الرعد الجزء السابع 

رواية حور الرعد الفصل السابع 7 بقلم رؤى محمد


رواية حور الرعد البارت السابع

{حور الرعد}

الفصل السابع

ابقوا قولولى رأيكم فى الغلاف الجديد و بشكر الاستاذة هالة سيد جدا على الغلاف الجميل دة

معلش طولت عليكوا فى النشر و الله اسفة بس طولتلكوا البارت و الله على قد ما اقدر يلا استمتعوا
___________________________

عند رعد

كان نايم و حلم بنور...نور دى هنعرف هى مين بعدين و علاقتها ايه برعد

نور: رعد يا حبيبى انت بتحب حور اتجوزها و خلف و عيش حياتك يارعد ماتوقفهاش علشانى انا و نورا

رعد: مستحيل يا نور اتجوز من بعدك و مستحيل انساكى انتِ و نورا

نور: فات الاوان يا رعد و لازم امشى دلوقتى و افتكر انا قولتلك اتجوز حور يا رعد حور بتحبك و لو انت بتحبنى بجد يا رعد نفذ اللى قولتلك عليه

رعد: نور استنى يا نور يانووووور

و فجاة صحى رعد من نومه بسرعة و كان بينهج

و جده دخل عليه

الزينى: رعد يابنى مالك يا حبيبى

رعد: تعبان يا جدو تعبان نور جاتلى فى الحلم تانى و المرة دى قالتلى اتجوز حور

الزينى باستغراب: حور..حور مين..اه مش دى حور صاحبة سما

رعد: ايه صاحبة سما

الزينى: اه يابنى حور المحمدى اخت الظابط ياسين المحمدى..سما بتحكيلى كل حاجة يا رعد...و فى حاجة تانية يا رعد يابنى

رعد: ايه خى يا جدى

الزينى: ياسين دة كان عامل حادثة يابنى من اسبوعين تقريبا و سما كانت بتروحله بعد الجامعة تطمن عليه و دة اللى اثبتلى انها بتحبه

رعد: ايه ياسين عمل حادثة

الزينى: اه يابنى انت تعرفه

رعد: اه يا بابا دة زميلى فى الشغل...لحظة كان من اسبوعين و افتكر لما سما كانت راجعة متاخر مع البنات و قال سما ليه خبت عليا كل دة و ليه ما قالتليش انها راحت المستشفى عشان ياسين و كدبت عليا

الزينى بجدية: سما بتخاف يارعد و انت طول النهار برة حتى فين وفين لما بتسال عليها انما هى بتيجى تسالنى عليك و تطمن عليك و كانت تفضل سهرانة لحد ما انت ترجع بليل و اقولها تنام عشان الجامعة ترفض و تفضل مستنياك بس هى بتخاف منك... علشان كدة بتحكيلى انا كل حاجة يعنى هى ماغلطتش

رعد دمع و قال: كل دة و على قد ما هى بتخاف منى بتخاف عليا و لاول مرة يعيط من بعد وفاة نور و نورا و انفجر فى العياط فى حضن جده

الزينى طبطب عليه: معلش يابنى استحمل و ربك هيفرجها انا عارف ان المسئولية كبيرة عليك بس انشاء الله ربنا هيعوضك

رعد: يااه يا جدى انا كنت قاسى اوى كدة مع سما اكيد ما بتحبنيش اكيد بتكرهنى

سما كانت واقفة ورا الباب و سامعة كل حاجة و كانت بتعيط و اول ما سمعت رعد بيقول كدة فتحت الباب و دخلت على طول

سما بعياط شديد: لا يارعد مستحيل اكرهك ازاى تقول كدة فى اخت تكره اخوها ما اسمعكش تقول كدة تانى ابدا نهائى

رعد فتحلها حضنه و هى جريت عليه و قعدت تعيط و قالتله: سامحنى يا رعد حقك عليا و انا اللى غلطانة انى ما قولت...

رعد: بس بس يا حبيبتى اهدى خلاص حقك عليا انا انا اللى ما كنتش واخد بالى منك و الشغل هو اللى واخدنى منكوا معلش و انا هقدم استقالتى و هقعد معاكى ياستى على طول

سما بسرعة: لا يا رعد مستحيل تسيب شغلك و حياتى عندك

رعد: خلاص يا ستى علشان خاطرك انتِ بس

سما: احم هو انت بتحب حور يا رعد

رعد بص لجده و بعد كدة بصلها بصدمة و دهشة و قالها: انت عرفتى منين كنتى بتلمعى اوكر يا بت

سما: ههههههه شوفت يا جدى وقعته فى الكلام ازاى و اديه قال بنفسه

الزينى: انا عارف يا سما من الاول ان رعد بيحبها

رعد: حتى انت كمان يا جدى للدرجادى باين عليا

سما: دا انت يا عينى عليك هتموت و تشوفها

رعد: طب اسكتى يا بتاعة ياسين و مسكها من قفاها بطريقة مضحكة و قالها: بقى انت يا مفعوصة يا صغيرة بتحبى ياسين

سما: ليه كدة يا جدى قولتله هيمسكها عليا ذلة شوفت و برستيجى ضاع...بس ايه رايك يا رعود

الزينى كان بيضحك على منظرهم

رعد: رأيي فى ايه

سما: فى شغل الروايات اللى عايشينه دة ههههه

رعد زقها و قالها: يلا يا بت من هنا

سما: خلاص ما تزوقش...صحيح انت عرفت حور منين و غمزتله

رعد: ا حور عملت حادثة و...

سما قاطعته و قالت: اا ايه ح حور مال..و اغمى عليها
___________________________

عند ريم و مازن حوار دار بينهم

ريم كانت نازلة

مازن: اا ريم

ريم: ايوة يا مازن

مازن: معلش بس عايزك

ريم قربت منو: ايوة يا مازن

مازن: اا بصراحة كدة ا اان

ريم: ايه يابنى علقت ولا ايه

مازن: انا بحبك

ريم بصدمة و دهشة و دموع تجمعت فى عينها: ايه اللى بتقوله دة يا مازن

مازن: ايه فى ايه ايوة بحبك يا ريم.... بحبك من و احنا صغيرين من و انت طفلة بضفاير كدة

ريم بدموع: اا انا اسفة يا مازن ااانا بحبك زى اخويا مش اكتر عن اذنك

مازن بدموع فى عينه: استنى يا ريم انت بتهزرى صح... ليه كدة.. ليه ماقولتيش من الاول ليه سيبتينى عايش على امل انك بتحبينى زي ما انا بحبك... بس خلاص ياريم طالاما انت شايفانى زى اخوكى انت من النهاردةِ بنت عمى و بس زيك زى مليكة

ريم: مازن اا انا انا اسفة و الله م...

مازن: خلاص يا ريم ما حصلش حاجة و الكلام انتهى
و سابها و مشى

ريم قعدت على الارض تعيط و قالت: سامحنى يا مازن مش عايزة اظلمك معايا ا انا اسفة يا حبيبى و الله اسفة مش بايدى بس هتفضل فى قلبى على طول
و قامت غسلت وشها و دخلت اوضتها و ماراحتش الجامعة

توقعاتكم ليه ريم قالت كدة لمازن و هى طلعت بتحبه يا ترى ايه السررر خليها مفاجاة
___________________________

عند ياسين

الدكتور: حور اخت حضرتك عايشة مش ميتة

ياسين بعدم تصديق: انت بتقول ايه يا دكتور انت عارف انت بتقول ايه

الدكتور: اه انا عارف بقول ايه.. من كام يوم وصلتلنا حادثة بنت كانت شكلها عروسة يوم فرحها كانت لسة بالفستان و لحسن حظها ان هى عاشت باعجوبة بعد ما عملنالها نقل دم.. بس للاسف البنت دى فقدت الذاكرة نهائى بس تقدر ترجعلها فى حالة ان هى تفتكر حاجة من الماضى او تشوف شخص هى عارفاه كويس زى حضرتك او والدها لو عايش ممكن لو شافت حد فيكم ترجعلها جزء من الذاكرة و بعد كدة بترجع بالتدريج

ياسين مش مصدق و دمع: ي يعنى حور اختى عايشة مش ميتة

الدكتور: اه

ياسين: تمام يا دكتور عن اذنك و جه يلف و يمشى بس رجع تانى

ياسين: لحظة يا دكتور امال مين خدها

الدكتور: فى واحد خبطها هو اللى جابها هنا و اخدها معاه و قال لحد ما يظهرلها اهل بس للاسف احنا ما نعرفش حاجة عن الاستاذ دة غير اسمه

ياسين بلهفة: اسمه ايه

الدكتور: لحظة اشوف اسمه فى الدفتر و ارجعلك

و وقت ما كان الدكتور بيشوف الاسم

ياسين حط ايده على شعره من ورا كدا بملل و لف بس اتفاجى ب....

يا ترى ياسين شاف ايه
___________________________

عند سما و رعد

اول ما سما اغمى عليها رعد قام جرى عليها و حطها على سريره و رش ريحة قرب من مناخيرها علشان تشمها و فاقت

سما بعياط: حور يا رعد ماتت و سابتنى ماتت اهه يا ربى

رعد ضربها بخفة: ماتت ايه يا بت يخربيتك فولتى على البنت

سما: اشمعنا بتقول عليها هى بنت و انا بت ها

رعد: سما بالله عليكى مش ناقصة استظراف بقولك حور عملت حادثة و انا اللى خبطها م....

سما: يا لهوى عليك يا رعد البنت غلبانة عملتلك ايه حر...

رعد: بس بس انت اتعديتى منها ولا ايه رغاية زيها مش بتدينى فرصة اتكلم

سما: بقى انا رغ...

رعد مسك بوقها قبل ما تكمل و قالها: ابوس ايدك اسكتى شوية خلينى اقول جملة على بعضها... بقولك انا خبطها من غير ما اقصد و اخدتها على المستشفى بس الخبطة اثرت جامد عليها خليتها تفقد الذاكرة بس فى حل انها ترجع ان هى لازم تشوف حد كانت تعرفه زيك او ياسين و انا اخدتها الفيلا عندى القديمة لغاية ما الذاكرة ترجعلها و ابقى اديها لياسين

سما بخبث و مرح: هتديها لياسين بردو ولا هتتجوزها

رعد: تصدقى ان انا غلطان يا جزمة و اوعى كدة علشان اروح اطمن على ياسين الكلب اللى ما قاليش على الحادثة دة و هنرجع على حور

سما: استنى و النبى هاجى معاك اشوف حور

رعد بخبث: عايزة تشوفى حور بردو ولا ياسين

سما بخجل و توتر: اا ياسين ايه ا اكيد عايزة اشوف حور

رعد: اه حوور تمام اجهزى يلا

سما: فوريرة

رعد: والله مجنونة زى حور بالظبط

الزينى كان قاعد بيضحك: ربنا يخليكم لبعض و سند لبعض دايما

رعد بابتسامة: ربنا يخليك لينا يا جدى يارب

الزينى: يلا اسيبك تجهز بقى

رعد: تمام يا جدى
___________________________

عند حور كانت قاعدة لوحديها و فجاة

حور: يالهوى انتَ مين و دخلت هنا ازاى

.... : لا لا كدة تزعلينى منك يا حور

حور: اا انت عارفنى

.... : و مين ما يعرفكيش

حور: اا انت مين و عايز ايه

.... : انا عمرو يا حور ايه مش فاكرانى

حور: اا ايه عمرو مين....
___________________________

كدة الفصل انتهى

معلش كان فى شوية حزن فى الفصل بس
مارضيتش اخليه كله حزن ف خليت فى لقطات مضحكة

خليكوا متحمسين للى جاى

يُتبع ..

لقراءة الفصل التالي : اضغط هنا 
reaction:

تعليقات

3 تعليقات
إرسال تعليق

إرسال تعليق