القائمة الرئيسية

الصفحات

رواية هروب ما بعد اغتصاب الحلقة الثانية والثلاثون 32 بقلم ميرو أحمد

 رواية هروب ما بعد اغتصاب الحلقة الثانية والثلاثون 32 بقلم ميرو أحمد

رواية هروب ما بعد اغتصاب الجزء الثاني والثلاثون 

رواية هروب ما بعد اغتصاب الحلقة الثانية والثلاثون 32 بقلم ميرو أحمد


رواية هروب ما بعد اغتصاب البارت الثاني والثلاثون 

فتحت الدرج القيت شريط احبوب كانو ناقص من 4 حبات علي طول عصبت ويعني واخدتهم صح الدكتوره ماتكدبش عليا ريناد والشيطان لعب في عقلي يعني قصجا تبي اتنزل البيبي 😡😡😡رفعتهم ونزلت نجري من الدروج مانشوفش في شي قدامي الي نعرفه انه انا وريناد خلاص 😡
نزلت جاي طالع بس طاحت في وذني كلمه جلال وسمعت صوت وقفت وقعدت نمشي اتجاها الصوت وننصدم بكلامها 😡😠😱😱

روان اتهدرز

روان : تي انا عشانه تعاونت امع جلال وساعدته يخطف ريناد مره وهربته من المستشفى والمره التانيه علي اساس يخطفها في عرس علي ما صارش الكلب ابصر شن صار فيه
تي عشانه انا سحرتهم سحر ومافيش فايده واخرها قتلت طفلهم الي فرحانين بيه وعطيت ريناد الحبوب الي جبتيهم ليا والحمدلله اجهضت زي مانبي تمنيت ماتت امع حملها وتفكيت منها

صاحبتها ضحكت: ومن الحب ماقتل بالله عليك توا متاكده انه بينفصلو

روان ابتسمت: اكيد بينفصلو لانه انا سرقت مفتاح الشقه وحطيت شريت الحبوب في دارهم اكيد بيشوفهم مسعود بيعصب ويقلب الدنيا علي ريناد وتخرب بينهم واكيد هو يعرف انه سبب الاجهاض انه ريناد واخده الحبوب اكيد بيفور دمه وايطلقها عشان قتلت طفله وهكي خششت قول في الملعب توا الكوره عند مسعود بعد ايروح بيقلب ام الدنيا علي ريناد 😂😂😂😂😂 ياناري عليها يامن مصايب بيطيحو علي راسها 😂😂😂

صاحبتها: حييي علي ام الخبث الي عندك 😂😂 وربي اتخوفي يابنت الواحد ايخاف يقعد عدوك

روان ضحكت:ههههه انا بعد انحب حاجه يا اتكون ليا يا ماتكون غيري 😈😂

صاحبتها:هدا اسمه مرض مش حب 😂😂😂

مسعود انصدم فيها يعني هي الي هربت جلال وهي الي ساعدت جلال يخطف ريناد وهي الي سحرتنا وهي الي بسببها خسرت بنتي الي كنت فرحان بيها قبل حتي لا اتجي
😡😡😡 معاش شفت شي قدامي مشيت شديتها من شعرها

روان انخلعت 😨: مسعود اطلق شعري كنك

مسعود عطاها كف باقوه ماعنده لين روان من قوة الكف طاحت الارض
روان حاطه ايديها علي وجها وعرفت انه مسعود سمع مكالمتها 😨😨

مسعود طبس عليها ومسكها من شعرها: انا ياكلبه اديري فيا هكي يا &%%% وزادها كف تاني

روان قعدت تبكي واتعيط: بعد عني مادرتش شي انا

مسعود بعصبيه 😡😡:مادرتي شي ياكلبه يا فاجره ياكلبه جلال يا فاسده وربي انوريك ام العب توا
طاح فيها عطاها طريحه نباش القبور 😡😡😡 وهي اتعيط ومسكها من رقبتها يخنق فيها

خشو خوالي يجرو من برا يسمعو في الصوت والصبايا طلعو من صوت اعياط روان

خالي مصدوم:شن ادير انت انجنيت بعد عنها

مؤيد وعليوه قعدو ايدفو في مسعود وبعدوه عن روان
تهاني اضبطت بنتها: حسبي الله فيك كنك امع بنتي

مسعود بعصبيه: بنتك وحده فاسده و&&%% خلوني نقتلها احسن

خالي محمد عصب :احترم نفسك شن اتقول هدي بنت خالتك

مسعود 😡:مايشرفنيش وحده ساقطه زيها اتكون بنت خالتي تي متبري منها ليوم الدين وديني مانعبد كان انحق وجها تاني وربي الا دابحها

عميمه مخلوعه: كنك شن في مسعود ليش ضارب البنت

مسعود نفض ايدينه من مؤيد: الكلبه هذي هيا عاطيه ريناد احبوب اجهاض عشان اتنزل الحمل و راكبه لشقتي وحاطه الحبوب عشان انا انشوفهم وانطلق ريناد وطلع من جيبه الشريط ايوري فيه ليهم

روان تبكي ونكرت كل شي: كداب كان مرتك هي الي نزلت الحمل بروحها اتجي اتحطها عليا 😭😭😭

امال كنها ادكرت حاجه: اي صح امس روان جابت عصير لي ريناد ابروحها غيرنا نحنا وريناد ماطولتش طول تعبت ونزفت

اسيل: اي صح كلامها بالعلامه عطيتي البنات كلهم وهي خليتها الاخيره

روان :اصلا انتم تكدبو اكيد بتوقفو بصفها هي

عميمه مصدومه: صح يا بنات الكلام

اسيل و ساره ومسره: اي صح

مسعود 😡: اهو دليل بالك بتنكري وكيف درتي السحر وحطيتيه في شقتنا ولا انك ساعدتي جلال يخطف ريناد المره الاولى ولا الكلبه امهربته متعاونه امع تاني وتبي يخطفها تاني علي عرس اعليوه بس ربي ستر وجلال مات في نفس الليله الي تبيه يخطف ريناد تي انتي تبي تربايه من جديد يا &%%%ئ

العيله كلها انصدمت 😱😱😱😱

خالي محمد مصدوم: واعي الي تحكي فيه يا مسعود

مسعود بعصبيه: تي سمعتها بوذني تحكي لي صاحبتها ولا مش عارف منو تي حتي السحر هي الي امدايرته 😡

عميمه مصدومه: وعليش هدا كله

روان تبكي وماسكه راسها : والله يكدب يا اخويله انا من وين بنعرف جلال

مسعود تعصب: تي بري يا &%%%%

عليوه حط ايده علي فم مسعود ايسكت فيه

عليوه: تي اسكت ازح ماتسب

مسعود بعصبيه 😡:خلوني عليها بنت ال&&&&& انوريها طريق ربي كيف
تي كنت بنخسر ريناد بسسبها عطيتها احبوب اشوي وقتلوها لو ما لحقتها تي هدي موتها اشرف من عيشتها الفاسده

تهاني اتشوفله بحقد مارضت الكلام في بنتها: بنتي اشرف منك انت واشرف من هل ريناد الي لحست عقلك الي شرفها طايح ومغتصبه كما سلمت نفسها بروحها ليه وهي من جت مطلوقه علي حل شعرها

مسعود 😡😡:لعنننننن تي ضمي فمك ريناد اشرف منك ومن بنتك يا&&% اقسم بالله كان ماتسكري خارب امتاعك توا انجي انكسره ليك وانلحقك علي بنتك 😡😡😡

العيله كلها مصدومه يسمعو وعلامات الصدمه علي اوجهن ومش فاهمين شي

خالي محمد تكلم بعصبيه: تهاني لمي بنتك واطلعي من بيتي معاش ليك خشه فيه وتنسي انه عندك اخت لانعرفوك ولا تعرفينا انتي تتكلمي علي شرف بنت يتيمه وربي ياخد الحق فيك وفي الي ظلموها وحسبي الله ونعم الوكيل فيك وفي بنتك اطعلو من بيتي

عميمه 😢: حسبي الله ونعم الوكيل ليش اتخربو حياة ولدي
تي انا اختك في شنو ضريتك بس لين اديرو في ولد هكي

تهاني بحقد: طول عمرك رافعه خشمك عليا ديما كل شي سمح عليه القيمه تاخديه انتي من نحنا اصغار وانتي تكرهيني

عميمه تبكي: انا رفعه خشمي علي اختي 💔💔 اصلا انا من اليوم هدا معاش عندي اخت عندي خو واحد الي هو جمال حسبي الله فيكم شن ذنب طفل ماجاش علي الدينا تقتلوه ربي ينتقم منكم ويحرمكم من الفرحه فحياتكم

تهاني: ولا انا عندي اخت مايشرفني اتكوني اختي

مسعود 😡: تي نحنا مايشرفنا ناس حقيره اتكون من دمنا
تي يقطع الدم الي جمعنا حسبي الله ونعم الوكيل فيك وفي الكلبه بنتك ولدي الي قتلتوه في رقبتكم ياكلاب 😡😡😡

مؤيد:خلاص مسعود اسكت عليوه طلعه برا ولا ديرله حل

مسعود: تي مزال احسابي ماكملش امعاها تحسابي بنسكت هكي هي فضيحه فضحيه ولد العميد الكليه الي تطلعي امعاه ياكلبه و لا صاحب المحل ولا ولد فتحي تي تبي انعدلك كم كلب ماشيه امعاه يا &%%% تي مش بعيده راك*&&%%ئ
عليوه سكر فم مسعود ايدف فيه وايطلع فيه برا

اما روان مصدوم وتبكي كل شي انقلب ضددها وفوقها مسعود يعلم بالمفرخه الي اتكلم فيهم 😭😭💔💔💔
اما تهاني ماعرفتش كيف ادافع عن بنتها

الباقي واقف ومصدومين من كلام مسعود والي روان تبكي مادفعت عن روحها يعني صح كلامه 😱

خالي محمد: مؤيد ارفعهم وصلهم لبيتهم وانتم الي صار هنا مانبيش مخلوق يعلم بيه
وخش لي مربوعته مصدوم كيف قدرو ايديرو في بنت يتيمه هكي تي كان ما مسعود امعاها الله يعلم شن صاير فيها توا معقوله في ناس هكي بس كان احسن قرار هو اني زوجت ريناد لمسعود ربي ايصبرها هل المسكينه

امال بحقد: 💦💦💦 عليكم حسبي الله ونعم الوكيل فيكم والي درتوه في اختي ايرد عليكم وان شاءالله نيتها تغلبكم ربي ياخد الحق منكم

عميمه: خلاص امال خشي انتي والبنات داخل وانت يا اوليدي دير الي قاله ليك بوك وصلهم لي الجنهم ترفعهم حسبي الله فيكم وخشت
لحقوها البنات

رندا قعدت اتساعد في روان عشان اتصبي وتهاني تبكي علي بنتها خشت رندا داخل وجابت عباياتهم ولبسوهم وطلعو امع مؤيد وصلهم قبل ماينزلو

مؤيد: ياريت معاش اتقربو جيهتنا ولا اتقربو من مسعود لانه المره الاولى مد يده المره التانيه مانضمنلك بنتك اتكون عايشه امبدري لو ماحقنا عليها ره قتلها لانه بنتك غلطت بعد حاولت تاذى مسعود تي الحب مش بالغصب افهمي يا مريضه انتي و ادعي لربك انه مسعود يهداء اشوي وما ايخرب الدنيا علي راسك انتي وبنتك لانكم قربو حاجه غاليه علي مسعود 🔥 وانتم تحملو ما ايجيكم منه لانكم غلطانين والغلط ركبكم ركب واتهمتو شرف مرته مش لعبه هو اعزق الكلام كيف ماتبي وتحملو العواقب لانه الي شفته قبل اشويا من مسعود خويا ويستر الله في الباقي

تهاني: نصائحك خليهم لنفسك وخوك يقرب بنتي تاني يتفاهم امعا تريسها

مؤيد ضحك: كان عندها تريس ره مش مطلوقه بلا تربايه واتخشش روحها في حياة الناس واتهرب في المجارم تي ماتخافي بنت تمسكها الشرطه بتهمته تهريب مجرم تي مافي بنت ناس ادير هكي حتي الاجانب مادروها تي انزلو من السياره غميتوها عليا

نزلو كلهم روان وجها الكلام وحطلت خبطه قويه علي راسها وكانها فاقت من الي دير فيه وكلام مؤيد زاد خوفها هي وتهاني

مؤيد بعد نزلو منه مشا طول
.
.
.
.
.
.
.
عليوه: تي اهدا ياراجل كنك انفجرت هكي

مسعود: تي نبهتني عليها امال قتلي هيا بس انا كدبتها قتلها مستحيل اديرها حتي كان تكره ريناد مستحيل تعرف جلال تي كانت اتساعد في الكلب عشان يخطف ريناد

عليوه: اهدا مش كل شي ينحل بالعيط والسب

مسعود وقف: تي توا ماشي هلها ايلموها كان مايقدرو عليها نقتلها نفتك منها تي خربت اجمل فرحه بحياتي تي كنت فرحان بالعيل وخلتني انشك بي ريناد تي كان ما اسمعتها ره ابصر شن لبزت امعا ريناد وخربت كل شي وهي بريئه مسكينه وحالتها حاله اتنوض وترقد علي المهدئ والمنوم وتبكي دمعتها ماجفت من عينها تي وربي تدفع ثمن كل دمعه نزلت منها

عليوه: هديلي روحك اشوي وفي النهايه بنت خالتك هذي والحمدلله مرتك بخير توا ربي يعطيكم زي ماعطاكم قبل وانتم مزلتو عرسان حتي سنه ماسكرتو تلحقو ع الصغار وهدي بنت خالتك شن بدير فيها ترضا الناس تحكي اتقول ولد خالتها كادب عليها وامشوه سمعتها وامدمرلها حياتها اكيد كلهم بيفهمو غلط مايعرفو الحقيقيه شنو

مسعود: ماتهمني لا هي ولا عيلتها ولا الناس شن تحكي الي نفهمه روان ضرتني انا وريناد وتحمل الي ايجيها مني

عليوه ايحاول ايوسع باله امعا:شن بدير مثلا

مسعود:مادخلكش شن بندير خطاني انت التاني نبي نقعد ابروحي

عليوه تنهد: ربي يهديك رد بالك ادير شي تندم عليه

مسعود ماشي شور سيارته: ماعندي عليش نندم

عليوه: استغفرالله علي العظيم توا انت امشي لي مرتك والباقي فوته

مسعود ماعدل عليه ولع سيارته ووطار بيها 😡😡
نزل علي محل ولد صاحبه يعرفه قعد ربع ساعه فيه وطلع

وقف علي حوش عم روان وبالصدفه كانو وليد خو روان وبوها امع عمهم واصغارهم

مسعود خش لا سلام لاشي خش حكا كل شي دراته روان في ريناد بالتفصيل وايسب وايهدد فيهم وحكالهم كل شي يعرفه علي روان وحدفلهن اصور روان وفضايحها

مسعود بعصبيه: انا كنت ساكت وساتر عليها بس الي دراته في مرته ماتستحق الستره لي كلبه زيها وماعندها من ايلمها من الشارع واقسم بالله انا كان انحق بنتكم قدامي ما تقرو الفاتحه الا علي روحها &%$$

وطلع خلاهم مصدومين كلهم في كلام مسعود بوها ما تحملش الكلام في بنته جاته جلطه ورفعو المستشفى
اولاد عمها وخوها يتحززو يقتلوها بس عمها ماسكهم
وران بعد سمعت بي بوها ماتحملتش انهارت تبكي وتلعن في روحها وسكرت علي روحها الدار وخايفه من خوها اولاد عمها يقتلوها

بعد نص ساعه البيت انقلب اعياط وابكا و طلعت روان تجري وخايفه وترجف

روان: كنكم اتعيطو شن في

رندا تبكي : كله بسببك بوي ماات بسببك انتي يا حقيره

روان انصدمت: شششن شن اتقولي

تهاني: يانعليا تعوزت في راجلي الله لاايسامحك يا مسعود ولد مبروكه

روان 😭😭: انا السبب 😭💔

رندا تبكي وضرت روان كف: كله من تحت راسك يا حقيره فقدت بوي من وراء افعالك 😭😭💔💔

سرعان ما انتشر الخبر والبيت تعبا ناس اتجي اتعزي 💔
وليد و اولاد عم روان يتحززو عليها بس عشان الناس اتجي اتعزي ماقدرو ايديرو شي

.
.
.
.
.
.
.
.
.

مسعود بعد طلع منهم مشا لي المستشفى وخش لغرفتي كنت كيف نايضه

مسعود ابتسم: نضتي حبيبتي ان شاء الله ما تاخرت عليك

انا بصوت مرخي: لالا توا كيف فقت انا وين كنت انت

مسعود قعمز جنبي ومسك ايدي: مشيت جبت افلوس لي المستشفى امتاع عملية التنضيف الي دروها ليك امس ماقدرت نطلع وانخليك

انا بحزن 😢💔: يعني خلاص 😭💔

مسعود ضغط علي ايدي: حبيبي ماتزعليش روحك ربي ايعوضنا خير توا تحملي تاني واتجبيلي البنوته حلوه زيك

انا 😭💔:مش بي ايدي والله 💔😭😭 والله بنموت ماقدرتش نحميه ولا انحافظ عليه ماننفعش انكون ام انا 😭😭😭😭

مسعود مسح ادموعي بي ايده: وربي احلا ام ❤️ كل شي قضاء وقدر والي دار العمله هدي خدا حقه

انا 😨:كيف

مسعود باس يدي ❤️: وراسك خديت حق ولدي وحقك بالزايد

انا مش فاهمه شي: علي شنو تحكي حق شنو وكيف يعني حق ولدي

مسعود ايحاول يضبط اعصابه: روان الكلبه هي الي عاطيتك احبوب اجهاض عشان ينزل البيبي 💔

انا انصدمت 😨😨: شنووو

مسعود: بدا يحكيلي كل شي من لمه روح لي الشقه وكفي لقي الحبوب والمكالمه وكل شي صار وحكالي انها هربت جلال وهي الي ساعدته يخطفني وحكالي انه جلال مات من فتره ليه اكثر من 3 اشهور

انا انهرت نبكي 😭:به شن دايرتلها انا ليش تبي ادمر حياتي 😭😭😭😭💔 معقوله هي السبب في خطفتي

مسعود مسحلي ادموعي: لانها غايره منك ياقلبي وهي بتموت علي العيشه الي انتي عايشتها هي احلامها كلها تقعد في مكانك انتي الي قدرتي توصلي لقلبي قبلها ❤️

انا نبكي:😭😭 مش لدرجة تقتل روح بريئه مالحقت نفرح بيها

مسعود حضني وقعد يمسح في ايده علي ضهري ايحاول ايهديني: حبيبي انتي مؤمنه بالله وهكي ربي كاتب عليا ممكن مرات اتجيبه يطلع مشوه ولا قدر الله ايصيرلك شي وانتي اتجيبي فيه ولا يطلع ولد معصي ربي كل شي كتوب من ربي مالينا فيه نصيب ربي ايعوضنا باحسن منه المهم صحتك اكويسه تسوا الدينا كلها عندي ❤️

انا كان كلام مسعود زي البلسم ليا سكتت

مسعود ابتسم: هكي يا شينه نبيك ديما اعرفي الي اختاره ربي لينا هوا الصح وخليك مؤمنه انه ماكسرك الا في فرحه كبيره يجبر كسرتك وايعوضك خليك قويه ديما

انا ابتسمت: انت العوض الي ربي بعته ليا ايعوضني عن كل اجروحي انت زي البلسم لروحي ودواها كلامك وحنانك وطيبتك وكل شي وانت الامان بالنسبه ليا انت السند الدي لايميل ربي ايخليك ولا يحرمني منك

مسعود: ولا يحرمني منك يا حياتي كلها انا مانقدرش انشوفك ضعيفه هكي ولا حد يجرحك ما انتحمل فيك دقة الشوكه
هيا نوضي صحي ورجعيلي ضحكتي حلوه نبي انشوفها وقرصني من خشمي 😂😂 والعمر قدامك توا اتجيبلي 10 افروخ لين تتعبي وانتي اتجيبي

انا ابتسمت وخليت راسي علي كتف مسعود: هههه حتي 20 عادي

مسعود ضحك : ماشاءالله من بيربيهم هدوم 😂

انا: مش انت تبيهم ربيهم انت

مسعود ضحك عليا: توا انربوهم جميع ياخوفي انجيبوهم وايزونا من البيت

انا:لالا اعويلتي بيجو زي بوهم

مسعود:ههههه امالا اتشوفي شي عمرك ماشفته كان زي بوهم بتتعبي في تربايتهم 😂😂😂 شواطين بيجو

انا : امتى نطلع من هنا

مسعود: بكرا

خشت الممرضه جايبه الاكل

مسعود بعد عني اشويا

الممرضه انحرجت: المدام من امس مش واكله حاجه

مسعود وقف خداه منها: تمام توا انا انوكلها شكرا

الممرضه: ولو هدا واجبي وطلعت

مسعود قعمز جنبي

انا:بعده عني ماعندي نيه فيه بكل

مسعود: باهي عشان خاطري انا كولي

انا 😢:والله ماعندي نيه نيتي مسدوده حبيبي توا كان جعت انقولك نبي

مسعود: توا يعني ماعنديش خاطر عندك

انا بحزن: والله مش هكي باهي توا ناكل عشانك

مسعود: ايوا وقعد ايوكل فيا

انا: باهي انت كليت حاجه

مسعود ادكر انه ماكلا شي من وقت طحت عليه حتي الميه ماشربهاش ابتسم: اي كليت

انا شبحت لوجها:كداب مش واكل شي

مسعود ضحك: توا راجل كيفي بلحيته اتقوليه كداب

انا وكلته: لانك تكدب عليا ماكليت حاجه لاني نعرفك

مسعود ابتسم قعد ياكل

انا: العيله كلها تعرف شن صار

مسعود:اي

انا :حسبي الله ونعم الوكيل فيها

مسعود قعد ايوكل فيا وانا انوكل فيه
جت الممرضه وعطتني دوايا وكان فيه نسبة منوم رقدت

مسعود امقعمز يتفرج عليا كيف راضح علي وجهي الحزن والزعل تنهد بتعب وطلع تليفونه الي كان ايرن
طلع برا

عليوه: عاجبك الي درته

مسعود برود: درت الي مفروض انديره من قبل

عليوه:وهكي ادير

مسعود: الي درته حكيت هلها كل شي

عليوه: تعرف راجل خالتك مات بجلطه من كلامك الي صبيته ليه والبنت هلها يتحززو عليها

مسعود :وحتي انا ولد الي مات لو عرفو ايربوها من الاول ره ماصرش هكي والله يرحمها بوها مسكين مايستاهلش ياريت الكلبه هي الي ماتت

عليوه عصب: استغفرالله علي العظيم شن صارلك انت انقوله انت السبب ايقولي الله يرحمه

مسعود: لا السبب بنته الي ماعرفش ايربيها صح انا مادخلني فيهم اخر همي هم تبي شي انت ولا متصل بتحرق اعصابي بس

عليوه تنهد: غلط الي درته يامسعود ربي امر بالستره استرو من في الارض يستركم من في السماء

مسعود: انا سترت علي واجد وهي تمادت كان لازم انوقفها عن حدها لانها قاعده اضر في اغلى انسان عندي كان لازم اندير هكي

عليوه: لاحوله ولا قوة الا بالله وين انت توا

مسعود:في المستشفى

عليوه:تمام توا انجي انكسد امعاك بالمره انشوف ريناد

مسعود:تمام خلي امال ولا امي اتحطلك اغيار لي ريناد
انا طلعت بسرعه نسيت علي شنو جاي

عليوه: تمام وسكر
كلم امال عطاته اغيار ليا وعميمه دزت عشاء امع عليوه

جا عليوه هدرز علي مسعود اشويا استنا ريناد اتفيق بس ما فاقت روح
.
.
.
.
.
.
.
.
عند ايـه واحمد ❤️
ايـه كانت رقده في حضن احمد ❤️

احمد ❤️: واخيرا ربي جمعني بيك 😍😍

ايـه ابتسمت: كيف..ااخبرك ..عن.اابتساامة..قلبي
حين .. اااأسمع صوتك ❤❤

احمد ضحك: اححييي هلبا عليا راه قاعده فحضني وكلام رومانسي تبيني انموت اليوم ولا كيف

ايـه ضحكت: بعيد السو عنك حبيبي

احمد 😍:تسلملي الضحكه السمحه وصاحب الضحكه 😍 تي مش امصدق اعيوني بكل 😍❤️

ايـه ابتسمت: ولا انا كانه حلم مانبيش انفيق منه ❤️

احمد ضحك وجا فوقها: تبي انكمل الحلم حقيقيه ❤️😍

ايـه ضحكت و ادف في بي ايديها: بعد نبي انهدرز عليك بس

احمد قعمز يضحك عليها 😂😂:توا متزوجك عشان اتهدرزي عليا بس وانفوتو المهم 😂😂😂

ايـه اخدودها احمرو: احمدد

احمد ضحك : توا حبيبي خايفه مني معقوله

ايـه: لالا مش هكي

احمد ابتسم ومد يده ايحرك فيها علي خدها: لاهكي ليش من شنو خايفي لو تبي اناجلها عادي حبيبتي راحتك عندي اهم من اي شي

ايـه تحشمت: لالا مش قصدي هكي حبيبي

احمد ابتسم: تبيبني ولالا

ايـه ابتسمت وهزت راسها بمعنى اي

احمد باسها بوسه هاديه وطويله مليانه مشاعر شوق والف كلمه 🔥🔥😘🔥😍 انفاسهم اختلطت امع بعضهم 🔥 كانو في عالم خاص بيهم احمد وايـه فقط ❤️ وعاشو احلا واجمل لليله فعمرهم زي اي اتنين ايحبو بعض وكان نتيجة الحب زواج ❤️❤️🔥
.
.
.
.
.
.
.
.
.
.
.
وعيت في اليل القيت مسعود جنبي اول ما نضت انخلع ناض

مسعود بخوف: كنك اتحسي بشي

انا: لالا نبي الحمام بس

مسعود جا وقف جنبي: تعالي انساعدك

انا مسكت فيه: سامحني حبيبي بنتعبك امعايا

مسعود سندني عليه: تعبك راحه ليا ادللي بس

انا: ربي يحفظك ليا حنوني

مسعود: نجك لي امبدري جبت اغيار تبي اتغيري

انا: اي والله كنت بنسالك

مسعود خششني الحمام وطلع جابلي الكيس كانت حاطيلي توته قطنيه واسعه يعني شتويه ساعدني مسعود لبست ومشطلي شعري ورجعت لي سريري ومسعود قعمز علي الكرسي

انا: حبيبي تعال ارقد جنبي ماترقدش ع الكرسي تعب عليك

مسعود: لالا عادي متريح انتي ارقدي اكويس

انا: انا نبيك جنبي ولا اتوا انجي انقعز في كثرك ونرقد امعاك

مسعود ضحك وقف سكر الباب وجاء: لالا اهو جيتك غير فكينا ماتنابشي مزلتي مريضه

انا مسكت في يده وسعت علي جنب رقد مسعود وانا رقدت حطيت راسي علي صدره علي طول نزل دمعتي ادكرت قبل ايامات كيف كنت فرحانه لمه انخش في حضنه وانهدرزو ع البيبي خنقتني العبره

مسعود حس بيا بنبكي 💔لف ايديده عليا: هيا ارقدي حياتي

انا هزيت راسي وماسكه عبرتي 💔😢😢

مسعود حس بيا بنبكي خلاني علي راحتي ماتكلم لانه حتي هو وجعه البيبي صح بصغره كم شهر بس ومالينا واجد نعرفو الا كان فرحة كبير بحياتنا بينيا علي احلامنا بس بسرعه ما تلاشت الفرحه وخلت اوجهنا حزينه بعد ماكنت فرحانه
مسعود كان مجروح نفس جرحي واكثر وزعلان زيني ومضايق بس هو ايحاول ايكون قوي قدامي عشان انا ما ننهار عارفها صدمه كبير عليا

الاتنين قعدو نايضين للفجر مارقدوش بكل 💔💔😢😢 الحلم الصغير الي كانو ايراجو فيه مشا في لمح البصر ماتقولوش الحمل صغير و دوبها في الشهور الاولي مهما كان هدي قطعه منهم اول فرحه ليهم انسكرو فيهم ربي ايعوضهم بخير ❤️
.

.
.
.
.
.
.
.
.
مرت الليله بصدمه علي العيله بعد سمعو بي موتت اب روان زادو انصدمو صح وجعهم الراجل بس روان خلت الناس كلها تكرها

ومرت ابشع ليله علي روان وامها واختها وعيلتهم 💔

.
.
.
.
.
.
.
تاني يوم كان محضر ايـه
عميمه ماحبت تكسر خاطر بنتها وتلغلي المحضر وتو روحهم امع العشيه طلعو لبيت اهل احمد كانو امدايرين لي ايـه محضر حلو مش كبير هلبا بس كل شي حلو وراقي ولبست ايـه العربي ""البدله الكبيره "" طلعت اتهبل بيها خششها احمد
مشاء المحضر حلو روحو عيت خالي والبنات وايـه قعدت تتعرف علي خوات احمد وعيلتهم وبنات عمه وبنات خالته وعماته العيله كلها

.
.
.
.
.
..
.

.
.
.
انا امع المغرب درتلي الدكتوره خروج وقعدت اتوصي فيا نتبه لصحتي ولازم ما انخلي شي ايأثر علي نفسيتي

روحت قالي مسعود تقعدي في شقتنا احسن توا نهتم بيك انا رقينا طول لي الشقه وساعدني دوشت ولبست لبسه مستوره ورقدت علي الصالون الي في الصاله لانه عارفه بيجو عيت خالي كلهم ايسلمو عليا

وفعلا جو خالي وعليوه ومؤيد والبنات وعميمه سلمو عليا وهدرزو شويا والبنات يحكولي علي حفله ايـه والمحضر
بس مافتحو ولا موضوع شور روان بكل
نزلو الكل ورقدت انا

مشو الايام نفس بعضها مافيش جديد ولا احداث جديده انا نفسيتي تتعب واجد من بعد الي صار كان بالنسبه ليا صدمه 💔 حاولت نتعايش وننساء وترجع حياتي الطبيعيه بس كذب لو انقولكم نسيت ولا رجعت حياتي عاديه صح مسعود امعوضني عن كل شي بس بعد انحط راسي علي المخده ينفتحو كل الجروح 💔💔😢 مسعود حاول امعايا واجد انه ايطلعني من الجو الحزن الي انا فيه بس انا نكنت انساير فيه بس

باقي العيله مافي شي جديد عليها مؤيد واسيل زي ماكنو مؤيد حاول واجد في خالي يبي ايوافق ع العرس
بس خالي كان مش مقتنع بيه

وايـه واحمد عايشين في العسل ❤️ وحياتهم حلوه ومليانه سعاده ايـه بعد عرف الي صارلي زعلت واجد بس ما قدرت اتجيني لين اتسكر شهر واتجي ازياره زي عادات اهل احمد العروس ماتمشي لبيت اهلها لين اتسكر شهر وبعدها تمشي ازياره

امال حياتها زي ماهي ويزونه وليد عيله صغيره وحلوه ❤️❤️ مكتفين ببعض وايراجو البيبي الي بيجيهم

وعميمه مشت عزت تهاني بس هي لزتها عميمه وجعتها اختها وحالتها 💔 روحت تبكي وخالي حلفلها معاش تمشي لي الحوش الي انلزت منه عميمه كسرت خاطرها اختها ماتحملت حتي كان ضرتها وضرت ولدها بس هدي مووت وجعتها 💔💔

روان بعد فضت زحمة العزاء وليد نازل اتنوض علي طريحه وترقد علي طريحه امكرها عيشتها
.
.
.

.
.
تعالو نحكيلكم علي شخص ما حكيت عليه من فتره
سالمه ام جلال بدت تاخد في جرعات الكيماوي واتعالج بي الفلوس الي جابهم سليم في البدايه تعبت واجد من اول جرعه الكيماوي طاح شعرها كله وحواجبها و ارموشها
وضعفت هلبا كل ما تاخد جرعة اتزيد تتعب بس قعدت 4 اشهور تاخد في الكيماوي واخر جرعه تعبت فيها واجد وصحتها تراجعت وماااتت 💔 والسرطان انتصر علي جسدها وخدا صحتها وعمرها💔💔💔 سالمه قبل ما اتموت بس اسبوع كتبت رساله وعطتها لي الدكتور لو صارلها شي يرفع الرساله لي العنوان الي مكتوب عليها

.
.
.
.
بعد مرور شهر

اليوم كان ازيارة ايـه جت اسيل وخواتها وسعاد وامال من الصبح
احمد الصبح جاب ايـه وخضراء كاملهةو دبيحه ""سقيطه "" وامعاها ومشروب تورته وحلو ماخلاش حاجه ماجبها
وقعد في المربوعه امع خالي ومسعود ومؤيد وعليوه ايهدرزو

ونحنا طيبنا الغداء وموالح وسلايط
وحطينا لي الرجاله تغدو وحطينا لي اروحنا تغدينا وبعدها ضمينا الحوسه ع السريع عشان انهدرزو لينا هلبا علي المه امتاعنا

بعد الغداء روح احمد عميمه عطاته مقعد ايشله لهله لانه كنا امديرين الغداء بالزايد

كسدنا انهدرزو نحنا

اسيل: شن جو الزواج امعاك

ايـه: ايهبل بكل😍😍😍

انا ضحكت: مش غير ايهبل 😂😂😂😂

اسيل: تعالي جاي وين متغيره وسماحه هذي

ايـه ابتسمت: لاني حامل

اسيل شهقت: طاح سعدك من اول شهر تحملي 😂😂😂

انا افرحتها: الف مبروك حبيبتي

ايـه: الله ايبارك فيك يا عمري عقبالك يارب نفرح بيك

انا ابتسمت: ان شاءالله يارب

البنات قعدو ايباركولها خشت عميمه علينا

عميمه:علي شنو اتباركو

انا: ايوته حامل

عميمه فرحت قعدت اتزغرط واتباركلها وتضبط فيها

هدرزنا اشوي ونزلنا تحت درنا عصريه

وفات الوقت و روحت امال والبنات قعدت ايـه لانها بايته
انا قعدت امعاها لين قريب الواحد وبعدها رقيت لشقتي

القيت مسعود امكسد ع لابتوب

انا ابتسمت:شنجو حبيبي

مسعود سكر الابتوب وابتسم: والله اخييي جوي من غيرك كسدت بكل

انا سلحت وشاحي: ماهو انت قعدت في البيت معاش طلعت 😂

مسعود: ماهو نص شغلي ع النت والمعرض استلمه مؤيد مره مره اندير عليه طله حصلت شركه اكويسها توا بنتم فيها بنشريها وبننقل الشغل فيها بدل ما انسافر ديما

انا: هههه ماتشرحلي لانه مش حانفهم فيه بكل الشغل

مسعود ضحك: عارف مش حاتفهمي زي كل مره

انا رفعت من التفاح الي كان في الصحن جنب بمسعود وكليها
انا: لاني مانحبهم امور الشغل

نضت من جنبه وخشيت لي الدار طلعت روب احمر كان جايبه ليا مسعود هديه وخشيت لحمام خديت دوش دافي ودهنت جسمي بالمرطب ولبس وطلعت
قعمزت قدام المرايا جفتت شعري خليته مطلوق وبخيت عطري ودرت روج خفيف علي خشت مسعود 😍😍😍

مسعود 😍😍: وين احمر حمروي املخبط اموري

انا ابتسمت وخليت شعري علي جنب وقفت

مسعود ايشوف فيا واعيونه بيطلعو 😍😍: وين اليوم مش ناويه علي خير يا احمر 🔥🔥🔥

انا ابتسمت وقدمت ولفيت ايديا علي رقبته: حسيت روحي هاملتك هلبا 🥺 وبعدين رايفتلك واجد ❤️

مسعود ابتسم :نعليا والله رايفتلك عرررم

انا بسته تحت فمه: مش اكثر مني 😍🤤

مسعود مسك ايديا ولفهم وراسا وقربتي ليه: مش هك يا شيطانه 😍😍😘

انا ضحكت: انحببببك 😍❤️

مسعود باسني علي فمي: وربي انا الي انحبك باهي 😍❤️🤤🤤🤤🔥
انا بدلعع: قداش اتحبني 😍

مسعود 🤤: فوق الحب حبين تي مافيش كلمه توصف حبي ليك
انا بتسمت: وحين يأتي احدهم لاجئآ اليك فأحسن احتوائه واكرم قلبه فما اتى اليك الا لانه يرى فيك الامان والاطمئنان ♥

مسعود ضحك: نعليا تعالي لي امانك ياحموري انتي 😍😍🔥🔥🔥🔥
.
.
.
.
.
.
.
.
توته توته تمت الحدوته 😂😂😂😂😂 انبصر ره 😂😂😂😂😂😂
.
.
.
.
.
.
بعد مرور سنتين

تعالو نختصرلكم شن صار في هل السنتين الكل كان عايش حياه طبيعيه من غير اي مشاكل ولا حقد ولا شر

.
.
.
.
.
نبدو بي ايـه واحمد
الاتنين حبو بعض حب حقيقي حب تخطا كل الصعاب حب علم الاتنين الصبر حب قوي لدرجه النصيب ماقدرش ايفرقهم صح في البدايه الاتنين كانو فاقدين الامل بس من بعد اول مكالمه بعد افراق غيرت كل شي وسيف الي ضرب احمد وكان سبب رئيسي فيه انه يجمعهم مع بعض
الاتنين حياتهم حلوه مليانه حب وايـه جابت بنت سمتها اريــج ❤️ سموها هم الاتنين وام احمد حبت ايـه واجد
كانت قبل ماتبيهاش بس بعد شافت ولد كيف متريح وفرحان رضت بالواقع وبدات ايـه اجتماعيه خشت في العيله طول
عميمه بدت ما ترضا فيها شي واي حد في العيله ايجي شور ايـه اترد عليه بدل الكلمه عشره لين الكل بدا ايغار منها وبلخص مرت محمد الي ازوج بعد عرس احمد ب 9 اشهور ازوج بعد ايـه جابت اريـج
اما ايـه واحمد حبهم زي قبل ماتغيرش بس زاد اكثر امع العشره والصغار ❤️❤️
((وان شاء الله نهاية اي اتنين ايحبو بعض زي ايـه واحمد وربي يجمع بيهم الي ايحب لازم ايحارب عشان محبوبه ❤️ ))
.
.
.
.
.
اسيل مؤيد
نعليا منهم محلاهم ومحلاه حبهم وعلاقتهم ❤️😍😍 مؤيد طلع فرحه قبل 4 اشهور بعد جهد واجهيد وافق خالي
والفرخ زاد انهبل بعد ازوج 😂😂😂😂😂 كان اتشوفو خالي كل يوم يدعي ياريتي ما زوجتك 😂😂 مؤيد ايرد عليه شنو الزواج حلال عليك وحرام عليا وخالي ايطيح فيه هزايب وهو يضحك وخلاص 😂😂
اما هوا واسيل امورهم لوز ايهبلو الاتنين بس ما يخلاش مشاكلهم و اسيل والسانها وماتقدش دقيقه يتراضو زي العويله الصغار وبعد دقيقه يتعاركو 😂😂 توا اسيل حامل في الشهر التاني ❤️ والي زايد اهبال مؤيد مش امهنيها كانورفعت تليفونها اديرلها الف قصه قتلك ماترفعيش حاجه وماديري 😂😂 امزودها الفرخ بس بحكاتهم هذين الا انهم ايهبلو واجمل كوبل امع بعضهم ❤️❤️😘
.
.
.
.
.
.
.
.

امال وليد
امال جابت بنوته سمتها نجاة علي ماما ويزن امحرفلها اياامها تريش وقتل يوميا وامال وليد وحلو فيهم الاتنين ومشاكلهم 😂😂😂 بدات نجاة جت طشه وماعندها السان وهاديه بس الشيطان يزن ما ييغباكم من الغيره كان لقاها راقده ايريشها من شعرها 😂😂
امال وليد في احترم بينهم ونفس الوقت حب ❤️ وعايشن هم الاربعا بسعاده ❤️❤️
.
.
.
.
.
.
روان من بعد موتت بوها عاشت في ذل من وليد ترقد واتنوض علي طريحه وقبل سنه تقدملها واحد ارمل علي طول وافقو عمها وليد و ازوجت صح زواجهم كان تقليدي بس كان في احترام بينهم وران تابت من بعد الي صارللها نست الماضي وحبت راجلها كان هو مش كبير في العمر ولا صغير متوسط حتي هو حبها وحياتهم حلوه في البدايه لين روان عمتها بدت اتنق علي موضوع الحمل عشان ليهم فتره طويله متزوجين روان دارت تحاليل للاسف طلعت عقيمه ماتجبيش فرصة الحمل 1% فقدت الامل واجد عرفت انه ربي عاقبها في ضنوتها وحرمها منهم بعد فتره كترت المشاكل امع راجلها ازوج عليها وهي رضت بالضره احسن من عيشه الي في بيت هلها امع وليد وايذلها بدت حياتها كل يوم مشاكل بين الضرات الي يسكنو في نفس البيت الي يفصلهم كل وحده جناح ابروحها

.
.
.
.
.
.
.
.
سيف بعد ضرب احمد اختفاء فجاء وقعد اشهور مختفي وهله قعدو ايدورو فيه بس لقيوه محبوس لانه مسكوه امع اكبر تجار حشيش
.
.
...
.
.
.
.
..
.
سالمه بعد توفت بي اسبوع جاء الدكتور وعطا الرساله لي خالي محمد استلمها كلمني خالي محمد ونزلت خديت منه الرساله مستغربه رقيت لشقتي ومسعود كان جنبي ويقرا امعايا وقريت الرساله كانت مكتوب فيها (( السلام عليكم ورحمه الله وبركاته ريناد عارفه رسالتي بتوصلك بعد انا انموت ربي خدا حقك والي درته فيك كله رد في صحتي والله العظيم نادمه اشد اندم وماعنديش وجه انقولك سامحيني لاني عارفه الي درته فيك ماتقدري اتسامحيني عليه والله العظيم كنت معميه علي اعيوني سامحني علي كل اذى سببته ليك والله ربي عاقبني وخديت حقي اضعاف اضعاف مزال الاخيره والله العظيم تبت عرفت انه ربي موجود مهما انديرو ونغلطو بيعاقبنا علي غلطنا انا اغلطت فيك وفي امك ياريت اتسامحيني مانعرفش امك لو سامحتني او لا علي درته فيها انا كنت سبب في المشكله الي صارت بين بوك وامك قبل ما ايديرو الحادث انا حكيت لي بوك انه امك اتخون فيه بعد تمشي لحوش هلها وانا كنت بنت جيران جدك قبل امك قبل ما تزوج بوك كانت متزوجه قبل انا قعدت انعبي في راس بوك وانقوله انه انت بعد اتجيب في نجاة هنا تطلع امعا طليقها الاول يومها بالصدفة بوك جاي بيروح بي امك كان جدك الله يرحمه امكلم راجل امك الاول عشان يقنعه ايخلي امك اتشوف بنتها امال بس هو يرفض وبوك جاي من الشارع شبح طليق امك طلع من بيت جدك وراكب في سيارته ومشا و بوك ماتحملش فكرت امك اتخونه وقف ع الباب وقعد ايعرك في امك وايسب فيها بومها كنت نسمع فيهم من الجنان وصوتهم عالي اخر شي بوك خدا امك بالقوه من عيت جدك وطلع بيها وركب في سيارته وطار بيها في نص الطريق دارو حاذث لانه بوك كان امعصب مايشوف في الطريق اكويس وامك ماتت طول والباقي تعرفيه انتي ياريت اتسامحيني في الي درته فيك وفي امك والله عظيم كنت مغروره في الحياه غرتي وبعد ازوجت بوك حاولت نتقم من امك فيك لانه بوك كان ايحب امك واجد لدرجة ايلخبط بين اسمي واسمها والله الحياه غرتي بعد خططت ناخد املاك وخليت جلال يغتصبك عشان تتزوجه غصبن عنك لانه كنت عارفه الوصيه الفلوس مايتحركش فيهم ولا درهم الا بعد تتزوجي انتي عارفه انك مش حا اتسامحني بعد تعرفي انه انا سبب في موتت امك والله انا كلها يومين عندي في الحياه هدي مانعرفش بكرا انعيش او لا بس نبيك تعرفي انه خديت حقي في الدينا مزال عذابي في الاخره انتما انك اتسامحيني واتخففيي عني عقابي والله مش طالبه شي بس لا رزق ولا مال الا انك اتسامحيني يا ريناد عارفه توا حياتك اكويسه ومسعود امعوضك ربي يحفظكم لبعضكم بس ماتنسي انه انا كنت السبب في وصولك لي مسعود لولا الي درنا فيك ما اوصلتي في مسعود وتغيرت حياتك لولايا انا راه جلال خرب حياتك مره تانيه انا الي حكيت لي مسعود عن المكان الي خطفك في جلال ونقدك منه انتمنه انك اديري فيا معروف واتسامحيني شوفي حياتك كيف عايشه سعيده انتي توا طلبتك بالله عليك السماح يا ريناد السماح ياريناد سامحيني ابنيتي 💔 والله لو شفتي شكلي كيف يفجع وايخوف من المرض كلا جسمي كله والله بعد كل جرعه ناخدها انشوف الموت بعيوني وندكر كلمتك يومها بعد قلتيلي حسبي الله ونعم الوكيل فيك ياسالمه انشوف فيك يوم اهو جي اليوم الي ربي حقق دعوة مظلوم وخدا حقك طالبتك بالله خففي عليا حملي وسامحيني ياريناد) )

انا قريت الرساله وقعدت نبكي رساله ردتني لسنين فاتو درتني لطفوتي الي تعذبت فيها ردتني لي ابشع يوم في حياتي ردتني هلبا حاجات نسيتهم
بس صح كلامها لو مادارت هدا كله ماوصلت في مسعود صح كانت حاجه بشعه الا ربي عوضني في احن راجل واطيب راجل الي شاري ارضاي وراحتي ❤️ سامحت سالمه ودعيتها بالرحمه ودعيت لهلي بالرحمه وحضت مسعود نبكي 💔😭

مرو سنتين علي الرساله هدي

حياتي امع مسعود اجمل ماتتصورو كانت حنون هلبا امعايا ورمانسي ومجنون وديما ايحب ايغامر لدرجه عشقت اي شي ايجي منه سافرنا كم مره ع تركيا علي قصة الشغل ومشينا لماليزيا عشقي 😍❤️ قعدنا فيها شهر ورحنا بعد روحت عرفت روحي حامل 😍❤️ تعرفو مش نقدر نوصفلكم الفرحه الي عشناها بعد عرفت روحي حمال ولا مسعود طول فترت حملي كان مسعود كان جنبي ماسيني ولا لحظه همل شغله وكل شي وقعد امعايا ❤️😍 بعد 9 اشهور وجبنا بنت سميتها نور
توا نور عمرها سنه وانا حامل في الشهر التاني ❤️
مسعود منهبل عليها وحاله ماتنزل من يده بكل
😂😂
.
.
.
.
.
كنت انضم في المطبخ كملته وخشيت لي الدار القيت مسعود فاتح لابتوب ونور في حضنه

انا: هدي خدت مكاني حسيتها

مسعود ابتسم وامدلي يده تعالي وقعمزت جنبهم وفتح مسعود الفيديو

مسعود ضحك وفتح ايصور في فيديو: زعلت هل النكد

انا لفيت وجهي عليه: توا انا نكد 😳😡

مسعود ضحك ايصور: واحلا نكد فحياتي

انا 😒: يا بارد شن ادير

مسعود ضحك: فيديو يا انسه نكد والله انحبك يا اجمل شي في حياتي توا تزعلي علي خاطر قتلك مانبيش انصور

انا: اي

مسعود ابتسم وطلع وروحه في الفيديو: اسف ياقلبي ماكنش قصدي انزعلك

انا ماسكه ضحكتي: لا خلاص زعلتني وفات فيك

مسعود وقف جنبي يضحك: خلاص توا انراضوك غير طلعي الضحكه الي شادتها

انا ضحكت: مسعود يا بارد بعد عني مانبيش انصور

مسعود ابتسم وباسني علي خدي ❤️: وهكي سامحتني و لا اهو حصلتي فيديو حلو وبوسه فوقها

انا نضحك 😂: مانبيش بعد عني

مسعود ضحك: اقسم بالله انبوسك علي فمك كان ما اتقولي سامحتك وانحبك

انا ضحكت: شنو بالقوه انسامحك

مسعود : اي وانا عطيتك خيارين هيا

انا ضحكت 😂: استغفرالله سامحتك خلاص

مسعود : قولي انحبك يا مسعود

انا ضحكت وقعدت انشوفله 😍: انحبك ياقلبي ❤️

مسعود ابتسم 😍: وانموت فيك انا يلي امجنني

انا ضحكت: خلاص يامجنون طفى الفيديو

مسعود ضحك: اسمو انتم مانعرفش ولد ولا بنت ولا كم واحد بس الفيديو هدا صورته علي خاطر امكم النكد زعلت عشان ماصورناش ههههههه طبعا عارف هيبتي طاحت في جرت امكم واهبالها

انا ضحكت: ماتنكرش انك اهبل بروحه

مسعود ضحك: اقسم بالله يا اصغاري ما كنت هكي امكم من خشت لحياتي هبلتني تي اسالو حتي جدتكم مبروكه ولا جدكم محمد باهي قولوه بابا كيف كان قبل تي هيبه لكن امكم الله ايسامحها خلتني مجنون وراها

انا ابتسمت: بس اتحبها امهم

مسعود ابتسم وايشوفلي: مش انحبها بس نعشقها عشق ❤️ انحب كل تفاصيلها وكل كلامها حركاتها شكلها كل شي فيها ادمنته ادمان بدت امكم حبها يمشي في وريدي مانقدرش انعيش بلاها

انا 😍: نعليا اليوم اعترافات 😍😍

#تابع الحلقه الاخيره

انا 😍: نعليا اليوم اعترافات 😍😍 كنك اتهبل ره نتعود هكي توحل فيا

مسعود ابستم: عادي ماعنديش غيرك غاليه اندللها ❤️

انا انشوفله بحب: واجد عليا هكي حبيبي 😍❤️

مسعود 😍: هدا ما يجيش نقطه في حقك باذن الله كاني حي اتعيشي كل ايامك زها وفرح يا فرحة عمري شفتو يا اصغاري قداش انحب امكم

انا ابتسمت بفرحه: ربي ما يحرمني منك حبيبي ربي يحفظك ليا وايطولي في عمرك غلاي وحتي انا انحبك 😍❤️

مسعود صكر الفيديو يضحك: اعتقد سادهم هكي

كمل الفيديو والفرخه نور تضحك تلعب بي لابتوب و رجعت شغلت الفيديو
نور ضحكت :باب ماما

انا التفت لمسعود التفت عليها وتكلمنا في نفس الوقت

انا ومسعود: نور تكلمت ولا 😂😂

مسعود ضحك: نجك ليا بابا ترا عاوديها

نور اتمد في يدتها تبي تلمس الشاشه وتضحك: بابا ماما

انا بستها من خدها اليمين ومسعود باسها من خدها اليسار

مسعود ابتسم ومسك ايدي: إختـرتــكِ أنـــتِي ..مــن بيــنِ كـــل هــــؤلاء ..
اختــرتـــكِ أنــــتِي ولا أعرف لماذا.. فالقــلب يعــشق مــن يشــــاء ..
لسـتي الوحــــيده فـــي هـــذا الكـــون " لكـــنّكِ " بالنسبة لي استِــــثنـاء..
اقتربي مني أكثر وأسمعي دقات قلبي فكل قلوب الناس تدق تك... تك... إلا قلبي يدق بإسمك ،،
يآ حبي وعشقي الأزلي دعيني أذووب عشقآ في قلبك ودعيني أهمس بكل همسات فؤادك
وبكل خافقة من قلبك
ياعطر وجداني وكل الأمأني أحـبـــــــــــــــكِ أنتِي💔
ولا تسأليني لماذا••

انا ابتسمت: لو كل شي بلقلب 💙 بينحكى.....!!؟
ما كان الله خلق لمعة لعيون 💙💙

ضحكنا امع بعض وقلنا في نفس الوقت

انا ومسعود: انحبك ❤️

نفس الحضه نور وقفت الفيديو علي

مسعود ضحك: اقسم بالله يا اصغاري ما كنت هكي امكم من خشت لحياتي هبلتني تي اسالو حتي جدتكم مبروكه ولا جدكم محمد باهي قولوه بابا كيف كان قبل تي هيبه لكن امكم الله ايسامحها خلتني مجنون وراها

انا ابتسمت: بس اتحبها امهم

#النهايه

في هلبا قصص في الروايه عشنا امعاهم لحظه بالحظه اامعاهم عشنا فرحهم وعشنا حزنهم
الي قصتهم بدت من لحظه الي ريناد فكرت تهرب من الجحيم الي كانت امخططته سالمه وجلال بس ربي ايحب ريناد نقدها منهم وفكرت تهرب ولقت مسعود شفنا كل شي صار بالتفصيل من لحظه هروبها لين نهايتها مانبيش انقول نهايه لانه حب مسعود وريناد مافيش نهايه ريناد شخصيته كانت فيها جراءه امع برائه وهدا الي خلا مسعود ايحب ريناد بحركاتها العفويه امعا عشنا امعاهم كل شي وشفنا حبهم لبعض ديما خدو بمقوله ربي ما خدا منك حاجه الا بيعوضك عنها احسن واجمل
وربي عوض ريناد بسند كان ليها ديما شخص ايخاف ربي فيه وايحبها ❤️ ديما حبو الي ربي يعطيه ليكم لانه النصيب الي مكتوب من ربي يامحلا واجمل نصيب وخليكم ديما ايمانكم بربي قوي ❤️ واهم شي خلو اقلوبكم نضيفه وماتشيلوش حقد ع الناس ولا اتحاول ادمر حياه انسان لانه ربي ايرده ليك ((كما تودين تودان)) واعرف انه الي بديره بيرجعلك
شفتو نهاية جلال وروان وسالمه وتهاني و سيف ديما خلو طريقكم شور الحق خليكم مؤمين بربي ماتشركو بالله وابتعدو عن المنكرات الي حرمهم الله ورسوله ابتعدو عن اي شي يغضب ربي خلي اقلوبكم نظيفه وحلوه زي اسيل و ايـه وريناد وامال و حسن ومسعود ومؤيد واحمد وعليوه ماتشيلوش كره في اقلوبكم وسامحوني طولت عليكم
لو انركزو في كل سطر من بداية الحلقه تفهمو العبره من الروايه دمتم في رعايه الله مع تحياتي ميرو احمد

اقرأ ايضًا الرواية الجديدة للكاتبة أروى طاهر المسلاتي (رواية عائلات راقية بفسادها)
reaction:

تعليقات