رواية هروب ما بعد اغتصاب الحلقة الحادية والثلاثون 31 بقلم ميرو أحمد
رواية هروب ما بعد اغتصاب الجزء الحادي والثلاثون
 |
| رواية هروب ما بعد اغتصاب الحلقة الحادية والثلاثون 31 بقلم ميرو أحمد |
رواية هروب ما بعد اغتصاب البارت الواحد والثلاثون
جانا مؤيد من المطار روح بينا سلمنا ع الكل ومسعود قالهم ع الحمل الكل افرح وايباركلنا عميمه بطير من الفرحه وخالي حتى هوا لانه اول حفيد او حفيده ليهم 😍😍❤️ جت امال اختي وتغدينا كلنا وسط ضحك وهدرزه كنا امرايفيها من 3 اشهوره علي جو العيله
بعد الغداء ايـه اتغسل في الماعين وانا وامال انهدرزو عليها لانه حلفتلنا ما انديرو شي
ايـه بتبكي: بالله عليكم توا انا عروسه فرحي اسبوع الجاي حاطيني نغسل
انا ضحكت: قوليه لي عميمه هي الي حلفت
امال:خلاص هانت ايامات وتمشي لي مادي حبيبك توا ايريحك هو
ايـه: اسكتي انتي التانيه والله كان مش الي في بطنك انتي وياها راه مالمست حاجه يا غيبتك يا اسيل
انا : قصدك معاش اتجيكم
ايـه:اتجي بس ماهو زي قبل اتبات عندنا واخده راحتها حتي في عرسي ما بتبات
انا بعلامة استفاهم: ليش
ايـه:عشان احني خطبنها وعيب اتبات في بيت خطيبها و راجلها مش عارفه عادات هك
انا: اها اي صح يبقا اعيون الناس عليها واجد
امال: تعرفي ايـه خاطري في اكنافه 🤤🤤
ايـه: اهوني وليد امشيله توا ايجبيلك
امال 🥰: لالا خاطري في اكنافه الي اديري فيها انتي
ايـه ضحكت: واللهي ماصارت باهي اكنافتي مش طيبه
امال تضحك: مادخلنيش كان مش طيبه و محروقه وشينه المهم منك
ايـه 🥺😢: عليك مصيبه اطلعي انتي ولدك الي تشرطو قبل مانقتلكم الزوز
امال ضحك: والله نطلق عليك يزن كان مادرتيها ليا يلعب في ادبشك ايخربه
ايـه: 😂😂😂 خلاص توا انديرها الا ادبشي بعدي عنه ولدك الله ايربحك
انا كنت حاسه بتعب: انا بنمشي ناخد دوايا نتريح اشويا اسمحولي
ايـه: بري حبيبتي تريحي واضح من وجهك تعب السفر والحمل
امال: شكله الوحم بيبدا فيك
انا 😊:اي شكله باهي توا نزل العصر انهدرز عليكم
امال:اي علي ما ايـه طيبت الكنافه انكسدو عليها لانه بعد المغرب امروحه انا
ايـه: مصح وجهك باهي تبيني توا انديرها
انا :😂😂😂 حرام والله جت بخاطرها مرات اتجي في البيبي
ايـه:شنو انا امه ولا باته 😂😂
امال حرجت: معاش نبيها منك وطلعت
انا: حرام زعلت
ايـه: ههههه هدي تزعل ماضني توا اتشم ريحتها تالقيها فوق راسي
انا:😂😂😂 زعما
ايـه: خلاص انتي تريحي توا
انا: تمام وطلعت القيت عميمه وخالي محمد وامال ايهدرزو ويزن عند خالي يلعب بيه
انا: عميمه وين عليوه وماشفتاش
عميمه: اليوم متغدي عند انسباته عازمينه
انا:اها
هدرزت اشويا امعاهم ورقيت الشقه القيت مسعود راقد
خديت دوايا وغيرت خشيت جنبه
مسعود ناض لف ايده عليا :امتى جيتي عيوني
انا بنعس:توا
مسعود: خديتي دواك
انا: اي
مسعود: شن اتحسي توا
انا: نعسانه نبي نرقد بس
مسعود ابتسم: شكلك بتكملها نوم بس فترة حملك
انا ضحكت: مش احسن ما انكد عليك
مسعود: لالا نكدي عليا راضي احسن من النوم
انا بنعاس: باهي توا ارقد وانت ساكت
مسعود: مش راقد نبي انهدرز عليك انتي وبنتي
انا 😂: واحني نبو نرقدو لو ماتبي اطلع برا
مسعود ضحك: حلوه اتلزيني من داري نوضي مافيش نوم
انا بصوت مرخي: نبي نرقد بالله عليك خليني نرقد واعيه من الفجر ره
مسعود باس راسي: ارقدي خلاص ❤️
انا: حبيبي
مسعود: ياقلبه
انا: ديري زي كل مره بعد تلعب بشعري ❤️
مسعود: حاضر ياعمري
مسعود قعد يلعب بشعري لين رقدت ورجع رقد هوا ❤️❤️❤️
.
.
.
.
.
.
عميمه اتصلت بتهاني وحكتلها انه نحنا رجعنا وعلي الحمل وقتلهم تعالو هدرزو الليل امدايرين اشويات وجو
تهاني قتلها تمام توا انجي
نفس الشي اتصلت عميمه بسعاد قتلها تعالي انتي والبنات وحكتلهم كل شي وسعاد فرحت قعدت اتباركلها هدرزو اشويا وسكرت
ايـه قعدت اطيب في الكنافه 😂😂 زي ماقالت دقائق ولقت امال فوق راسها 😂😂😂
.
.
.
.
.
((زي ماتعرفو في الحلقه الي فاتت كيف تهاني حكت لي روان مافيش داعي انعاود) )
روان: مش انا ننسا بسرعه اتشوفو شن اندير فيكم كان ماقلبت حياتكم مايسماش اسمي روان
رفعت تليفونها واتصلت بصاحبتها
روان: زيزو نبيك في خدمه
صاحبتها: اعيوني ليك
روان: نجك ليا يافزعه نبيك تمشي لي الصيدله اتجيبلي اي دواء ايطيح الحمل
صاحبتها: تمام قصدك تبي حبوب اجهاض
روان:اي هم نبيهم ضروري
صاحبتها: لمنو تبيهم يامصيبه شن دايره من عمله
روان ضحكت: مش ليا انا هههههههه افهمتي غلط
صاحبتها: لمنو به
روان: لي مرت مسعود
صاحبتها: قصدك مرته حامل
روان:اي انتي انطيح حملها بااي شي كان ايكلفني عمري المهم انخرب حياتهم
صاحبتها: ما اقواك 😍😍 هكي الحب المجنون ايدير
روان: بس معاش انحبه انا نكره المهم توا بتساعديني
صاحبتها: تمام انجيبه ليك غير اصبري عليا يومين عشان سيارتي في الورشه خاربه
روان: تمام
وقعدو ايهدرزو
.
.
.
.
.
.
.
.
.
في العشيه نزلت انا ومسعود ايـه جابت الكنافه امع نسكافى
و جت سعاد واسيل وساره كانت اجواء عائليه وحلوه تهاني اتصلت قالت ما بتجي ومسعود يحكي لي خالي ومؤيد علي الشركه وشن دار فيها
امع المغرب طلع مسعود لي الجزار وخدا سقيطه وخضره ومشروب
مؤيد ولع الشوايا قعد يشوي هو مسعود ونحنا درنا السلايط
خش عليوه من الباب هو سناء
عليوه بفرحه: ماشاءالله عرب تركيا روحو
وسلم علي مسعود
عليوه: حمدلله علي السلامه امتى روحتو
مسعود: الله ايسلمك
مؤيد: وين قاعد انت روحو من الصبح
عليوه سلم عليا: وين رايفنا عليك ياطشه امخليه مكانك
انا ضحكت:هههههه مانحساب روحي غاليه هكي
مؤيد ينفخ في الفحم: والله يضحك عليك تي من الزوج ماشفنا غير السلام عليكم صباح الخير وبس يكدب بكل ولا مره سال عليك
عليوه ضحك: يا ياكلب اسال مسعود ديما انهدرز امعا
مسعود: فوتك منه هدا من الصبح ايدور في حد يلبسه
مؤيد 😒😒: شنجو اسنيوه
سناء: الحمدلله وانتم وين اليوم شويات وجو
عميمه: والله مسعود عازمنا علي الشويات
عليوه: وين شن المناسبه
مؤيد: بتصير جد للمره التانيه يا جدو علي 😂😂
عليوه ضحك: تي خلوني نبدا اب بعدها جد لي افروخكم
مسعود ضحك 😂😂: 😂😂😂 شن بنديرولك يعني
عليوه: الف مبروك ربي اينوضها بالسلامه
مسعود: الله ايبارك فيك وعقبالك جدو
عليوه ضحك: فكوني من المعيله جد شنو ما ساد درتوني عمكم توا بديرني جد لي افروخك واجد هكي
مسعود ضحك 😂😂😂
خالي محمد: شنو بتصغر روحك يعني
عليوه: تي ما سكرت 31 سنه بنبدا جد 😂😂😂
كلنا ضحكنا عليهم وفات الوقت كله تشفيط وضحك
مؤيد بعت رساله لي اسيل خليك في المطبخ ماتطلعي نبيك
اسيل بعتتله: باهي بسرعه قبل ما ايجي حد
مؤيد قرائها طار من الفرحه
مؤيد :مسعود انتبه عليه اشويا وانجي
مسعود: وين ماشي
مؤيد :لي الحمام تبي تمشي امعايا
مشا بسرعه
مسعود: كنه هدا فيش ايحس
عليوه ضحك: بحت شوف حبيبت القلب قاعده ولالا
مسعود: قصدك اسيل
عليوه:اي
مسعود شاف وين ما امقعمزات الصبايا: مش قاعده 😂😂😂حييي قصدك ماشي ايشوفها
عليوه: 😂😂😂 اي باهي الي افهمت ماتشوف فيه من الصبح خاش بعضه 😂😂
مسعود ضحك:باهي ليش ما ايطلع حتي هو عرسه مره وحده
عليوه:بوك رافض انه ايطلع الفرح توا بعدين حتي شقته مش كامله يبيلها خدمه واجد
مسعود:الشقه ساهله ايكلمها بسرعه بس ليش باتي رافض
عليوه:مانعرفش اهو بوك قدامك اساله
مسعود: لالا توا انكلمه ابروحنا احسن
عليوه:اي هل المنكلب خليه يتزوج وايريحنا من اطياشه
مسعود: فوتنا منه توا شن جو الزواج امعاك😉
عليوه ضحك: نفس جوك يا كلب شن تبي في جوي 😂😂😂😂
مسعود ضحك: هههه فاهمنا غلط يا شيخ قصدي متريح امعاها ولا شنو
عليوه: اكيد متريح واخر راحه ❤️
مسعود:ربي ايهنيكم ويسعدكم
عليوه: وانت شن جوك امع ريناد 😏😏😏
مسعود ابتسم: شن اتشوف توا ❤️😍
عليوه: شن بنشوف 😂😂😂 قول مانفهمش جو تحليل احكيلي
مسعود ضحك عليه 😂: 😂😂
عليوه:غير تكلم يامصيبه واضح من قبل ما تتزجو اتحبها من اول ما جت لحضت عليك انا
مسعود: تي مش انحبها بس نعشقها عشق ❤️ مانتخيلش حياتي من غيرها ❤️ بدت ريناد تجري في دمي حبيتها ❤️ كل يوم نشكر ربي علي نعمته الي انعمها عليا واعطني ريناد والحمدلله تعرف امس كان اجمل يوم في حياتي هو عرفت انه بنكون فيه اب شعور حلو ❤️ وربي يعطيه لك
عليوه: ربي يحفظكم بعض واينوض ريناد بالسلامه وانشوفو فرخ مسعود 😂😂😂
مسعود: شنو هدي فرخ غير خليه ايجي بس 😂😂😂
عليوه: حي عليك انحرق الحم وانت اتعبر عن الحب
مسعود ضحك وقعد ايطلع في الحم
.
.
.
.
.
.
.
مؤيد خش لي المطبخ القي اسيل واقفه اتحط في اسلاطه
مؤيد: بس بس
اسيل لفت وجها: مؤيد
مؤيد:اي حبيبتي
اسيل غسلت ايدينها: شن الي تبيني فيه
مؤيد 😍:امرايف عليك يافرخه معقوله ليا شهر ما شفتك
اسيل: والله شن بندير حبيبي قتلك بابا بدا امركز امعايا واجد بدات في المشيه لبيتكم
مؤيد: وكنه خالي يحرم فيا منك
اسيل: باهي شنجوك انت
مؤيد وقف جنبها: والله تمام بعد شفتك
اسيل 🥺:رايفتلك واجد كنك وليت معاش تتصل واجد
مؤيد مسك يدها وباسها: حبيبتي والله كنت مشغول واجد والشغل واخد وقتي كله وانطلع في ايـه لي السوق تشري واليل انروح تاعب طول نرقد
اسيل: بس هكي تهملني مش متعوده علي بعدك
مؤيد 😍: ماهملتك حبي والله نشتغل علي خاطر مستقبلنا نبي انجمع مبلغ اكويس نبدا في الشقه انكملها وانحاول نقنع باتي علي العرس
اسيل ابتسمت: يعني بتحدد عرسنا
مؤيد: اي لانه معاش عندي صبر نبيك جنبي ديما ❤️
اسيل بفرحه بساته علي خده: انحبك
ورفعت الطاسه الي فيها السلاطه وطلعت تجري
مؤيد ابتسم وحط ايده علي خده 🤤😍: اخخخخ يا ام السان كان انحصل عليك اديري مصيبه وتهربي 😂😂😂
بعدها طلع لي الشباب
.
.
.
.
.
.
تعشينا الاجواء ولا اروع روحو الكل اسيل وامال وسعاد وساره
بعدها خش خالي وعميمه عشان يرقدو وعليوه سناء روحو لبيتهم
ضميت الحوسه امع ايـه ورقيت الشقه
القيت مسعود دوبه طالع من الحمام امدوش
انا: صحه حبيبي
مسعود: سلمك والله ماتحملت ريحة الدخان علقت فيا
انا: ههههههه ماحد قالك اعزم واشوي
مسعود: 😂😂 والله فرحان بنتي انتي مالك
انا:من قالك بنت مرات ولد
مسعود ابتسم ونزل المشف الي في راسه: الي هو راضي بيه المهم انتي امهم ❤️😍
انا 😍:نعليا 😍❤️ والله فرحانه بكل واخيرا بنبد ام ❤️
مسعود حضني وحط يداه علي بطني: واحلا ام في الدنيا
انا ابتسمت 😍: نجك ليا يابابا
مسعود 😍🤤:ربي يحميكم ليا انت الاتنين
انا ابتسمت: شفت امك و بوك كيف فرحانين
مسعود باسني 🤤😘:خليني من امي و بوي خليني فيك انتي حبيبي مرايف عليك 🤤🤤❤️
انا ضحكت 😂: مافيش احلم نبي نرقد
مسعود ضحك وطيحني ع السرير وجاء فوقي: انشوفو من الي يحلم 😂😂
انا 😂😂: والله خلاص 😂😂😂
مسعود ابتسم ايشوف لعيوني: تعرفي قداش نضعف قدام هل العيون ولا ضحكتك الي تسحر فيا ولا كلامك الي ايخدر فيا عن شنو لشنو بنحكي 🤤😍🤤
انا ابتسمت علي كلامه 😍:😍😍 وانا انحبك زي ما انت بي اهبالك بحنيتك بعصبيتك و برومانسيتك ❤️❤️
مسعود باسني 😘🤤:نموووت فيك طشتي 🔥🔥🔥🔥
.
.
.
.
.
.
.
.
.
.
.
.
مرو يومين مافيش احداث بكل انوتو لي عرس ايـه اجواء عاديه وانتم تعرفو ترتيبات وعادات الاعراس عندنا
وخشينا في في اسبوع العرس وزحمته وغلفنا بتات ايـه
اليوم كان يوم السياق
الصبح جو الطبخات قعدو ايطيبو واقفه علي راسهم عميمه وسعاد
واحني طيبنا الموالح في الليل والصبح سخناهم وتينا السفر
جو الرجاله جابو السياق ❤️ وغديناهم بعدها روحو الرجاله
طلعنا انشوفو في السياق ماشاء الله كان حلو والبنات ايصورو
جت اسيل رافعه الدربوكه
البنات :يا تفاحه فوق سواني موش اخساره فالبراني😌
نقنها ياعين مضره💜. . طلعتها من العيله برا💜
لابسين الكاط الخايل .. خاشيين لكل قبايل
نحنا في العناد حشيشه . نزالين الصقر ابريشه
كملو البنات شووط شتاوي وبعدها خششو السياق داخل
كل وحده مشت اتوتي روحها
انا كلمت مزين وجت دراتلي انا مكياج هادي وخفيف امع تسريحه بسيطه وبعدها البنات وسناء وامال
الي اتكمل تمشي تلبس طول
انا رقيت لشقتي كنت شاريه دبشي من تركيا لبست افارول اسود كانت تسريحتي شعري كله مرفوع فوق وخصلتين نزلات حبيت نلبس بسيط
كملت لبسي لبست عباتي نزلت تحت القيت البنات مزال ما كملو حطيت شنطتي وتليفوني جنب سناء ومشت لي عميمه
كانت واقفه علي الشباب ايطلعو في بتات ايـه
انا: شنو كملو عميمه
عميمه: اي كلميهم قوليلهم هيا قالولكم
انا: تمام مزال ما كملو البنات
عميمه: مانوصيك عينك علي الحاجات وانتبهي اكويس مرات فرخه اتحط حاجه لي البنت شفتي انتي شن القينا في شقتك الدنيا اتخوف يابتني خليك فاطنه لكل شي بدات دار النوم واشرفي ع البنات ماتخليش وحده اتخش انمعاكن
انا: حاضر عميمه
عميمه: يحضرلك الخير يارب وانتبهي علي روحك ما اتشيلي تقيل خلي البنات يرفعو
انا ابتسمت: حاضر
خشت لي البنات القيت روان جنب شنطتي بعد خشيت بعدت عنها ماركزت واجد قتلهم هيا قالو لبسو عباياتهم
وطلعنا
كانو خمسه سيارات والكنتر الي رافعه دبش ايـه
انا واسيل ومسره امع مسعود
امال امع وليد
ساره و روان ورندا امع مؤيد
سناء و تهاني امع اعليوه
مشينا لبيت ايـه واحمد كان جنب هله
طول الطريق مسعود ايوصي فيا ما نرفع حاجه تقيله وايوصي البنات عليا وهن يضحكن
وصلنا كان البيت كبير ماشاءالله ايهبل فرشنا ورتبنا كل شي
وجابو اهل احمد اضيافه بعدها روحنا
نزلت ايـه فرحانه تسال
ايـه:صورتو كل شي
اسيل عطتها تليفونها: كل حاجه بتفصيل زي ما قلتي حتي فيديو
ايـه: نجك ليا احلا اسريوه عقبال انجيبوك كنه عندنا
البنات جابو الدربوكه
اسيل: دار هناك وفرشتيها العقبه العيل يلعب فيها 💃🏻
انا: حوش جديد وسمح ازواقه ان شاءالله اتعيشو فيه رفاقه
اسيل: شور عزيز دبشها عدا وان شاءالله مافيها رده 💃🏻
ساره: حوش العز الي رباك بقدرك لزينين عطاك💃🏻
انا: الغالي عابيلك عالراحه دايرلك حوش بمفتاحه 💃🏻
ايـه خشت في النص ترقص 😂
روان: هذا حد القدر امعاكم نوارة الحوش عطيناكم💃🏻
اسيل: ان شاءالله مبروكه يادار بعد الفرح اديري اصغار💃🏻
عميمه: ماجبنالك حاجه شينه من السوق العالي كسينه💃🏻
البنات: حي حي 👏👏👏 ما جبنالك حاجه شينه
من السوق العالي كسينه 👏👏👏👏
عميمه: يامبروك ع لعصرانه ضمامات حوشي واركانه
البنات: يامبروك ع لعصرانه 👏👏👏👏 ضمامات حوشي واركانه👏👏👏👏
عميمه 😢: اللي تفقدني وين نغيب 💔 اسعدها ياعالم بالغيب
ايـه ما تحملت اضبطت عميمه تبكي الاتنين قعدو يبكو
سعاد: حرام يا مبروكه اطلقي البنت
عميمه تمسح في ادموعها: ان شاءالله بهناتها 🥺 خلاص بنيتي
ايـه تبكي: مانبيش انخليكم 😢😭😭
عميمه: واحني قاعدين امتى ماتبي اتجينا
ايـه تبكي: بس مش زي قبل 😭😭😭💔
امال:خلاص فكونا من النكد وانتي وين اهبالك توا كنتي ترقصي وفرحانه باحمد بتمشي لحبيبك مش غريب
ايـه سكتت 💔💔: بس بنرايفلكم 💔😭
انا ضحكت: توا اتجينا امتى ماتبي
هدينا ايـه وسكتانها وغيرولها البنات جوها
حطينا العشاء تعشينا والبنات ايهدرزو
رن تليفوني كان مسعود طلعت من الدار رديت
انا :ايوا حبيبي
مسعود: خديتي دواك ما تنسيه زي امبدري تعالي خوديه وبعدها انزلي
انا :حييي انسيته بكل انت في الشقه
مسعود: اي
انا: تمام توا انجي ناخده بالمره انغير دبشي
خشيت لي الدار ورفعت عباتي وطلعت رقيت الشقه فتحت شنطتي مالقيتش المفتاح اتصلت بي مسعود رد طول
انا: افتحلي الباب شكلي ناسيه مفتاحي داخل
مسعود ضحك: انتي ديما ناسيه وامريحاته تي عطيتك تلاته نسخات كلهم ريحتهم قعدت نسختي بس
انا ضحكت:غير تعال فتح بس
مسعود: المره الجايه بنعلقه في رقبتك عشان ما تنسيه 😂😂😂
انا ضحكت: كني اهبلت 😂😂
مسعود فتح الباب: ماهو صح هبله
انا خشيت: ههههههه ماهو مني
مسعود: من من باهي
انا: منك انت 😂😂
مسعود ضحك عليا ومسكني من اكتوفي وايدف فيا لقدام دخلني لمطبخ وكان كبايه عصير طبيعي وحاط دوايا جنبه
مسعود:امسكي خوديهم معاش تنسي حبيبتي
انا خديتهم وشربت العصير: حاضر غير انت دكرني لانه زحمه العرس ننسا
مسعود خدا من يدي كباية العصير وحطها علي جنيب ولف ايديه علي رقبتي: اصلا امداير منبه بالموعد توا نضبطه ليك علي تليفونك معاش تنسي
انا 😍😍: شكلك فرحان اكثر مني بيه
مسعود 😍: في حد ما يفرح ايقولوله مرتك حامل بقطعه صغيره منك 😍
انا ابتسمت: ربي ايخليك لينا
مسعود حط يده علي بطني:شن جوها بنتي تعباتك اليوم مزال ماتحركت ازي كسوله يا بابا هيا نشطيلي روحك
انا ضحكت 😂: اما اتحرك انا في الشهر التاني ره مزال خمس اشهرو واتحرك في شهر السابع
مسعود ضحك: وانا شن عرفني اتحرك في شهر السابع انا
انا 😂: ههههههه
مسعود: اضحكي اضحكي توا اتجي بنتي انديرو حرب عليك 😂
انا 😒:كنكم بديرو حرب
مسعود: اتشوفي كيف بندلعها والي تبيها ناخدها ليها وانحبها وتبقا اغلى شي فحياتي وانتي تقدم موضتك
انا ضحكت: شن تحسابني بنغار من بنتي المهم انا وبنتي الي وخدين الحصه كلها فيك مافيش بنت مره اتشاركنا فيك غير انا والبنت الي بنجيبها ليك اما غير هكي تنسنا انا وبنتك والطريق قدامك مربوحه كان القيت حد ايحبك زينا 🔥
مسعود ضحك: لا كلام كبير بكل 😂😂 هو مانلقا احسن منكم طول حياتي 😍😍 هو نقدر انعيش منغيركم انا
انا 😂😂:ايوا هك
مسعود ضحك: شنو بتردي لي البنات
انا: اي نبي انغير ونرجع تحت
مسعود: وانا
انا: ههههه مادخلنيش فيك
مسعود 😂😂: به ايبانلك عليها
انا طلعت من بين ايدينه: 😂 توا اسمحلي يا راجلي السمح نبي نمشي
مسعود ضحك: امشي امشي اصلا الشقه محلاها منغيرك
انا طلعت من المطبخ: مش من قلبك الكلام 😂😂😂
مسعود ضحك ويمشي ورايا: هوا صح مش من قلبي بس العكس الشقه مشناها بلاك مانحب نقعد فيها لو ما فيها انتي
انا ضحكت وخشيت لي الدار: قول من البدايه هك ليش الكذب
مسعود رقد علي السرير: 😂😂 ماهو نبيك اتغيري رايك
انا طلعت بجامه: من قالك بنغيره راي 😂😂😂
مسعود: مافيهاش كيف اتغيري رايك
انا ضحكت: لا 😂
مسعود: تي شن فيها هدرزت البنات نفسها ما اتم مش احسن حضن راجلك
انا غيرت ولبست البجامه : 😂😂😂 خلاص مسعود كنك سكنت انت
مسعود: ههههه بس ما اتباتي تحت بعد اتمو هدرزتكم ان شاءالله الفجر اتجي ترقدي هنا
انا نمسح في الميك اب: به اصلا مش بايته المصيبه هذيك بايته
مسعود ضحك علي كلامي : ارفعي مفتاحي خليه امعاك لاني مش نازل
انا: تمام
كملت ونزلت تحت لي البنات قعدنا انهدرزو
طبعا حاجات الفاتحه كلها حاجزين فيها ماكان في خدمه واج د
مشاء الوقت كله هدرزه امع الساعه 3 رقيت لي الشقه القيت مسعود رقدت جنبه
.
.
.
.
نبي انسرعلكم في الاحداث لانه عاديه زي اي اجواء عرس ليبي مافيش الزايد ولا الناقص
تاني يوم كان يوم الفاتحه
لبست ايـه البودري طلعت خايل عليها ايهبل امع ملامحها الي واضح الفرحه في اعيونها الي بعد دقائق بتنكتب علي اسم حبيبها ❤️
كان البيت زحمه بكل صاحبات ايـه حتي هم
المهم قرو الفاتحه والبيت انقلب زغريت ❤️😍😍
ضيفنا الناس كان الجو حلو روحو الناس في اليل حنت ايـه
انا حنيت طشه ما خليتها طولت ونحيتها علي خاطر الحمل
.
.
.
.
.
.
.
تاني يوم كان يوم الحنه الكبيره وايـه امدايره سهرية بنات
لبست ايـه قفطان حني كبير امدايره مكياج تقيل وحلو
نزلت من الدروج زي الاميرات ولعو البنات الاغاني وجو
انا كنت واقفه امع اعميمه علي العشاء انهدرز عليها في المطبخ
خشت روان تجري من الباب المطبخ بعد شافتنا انغلعت
عميمه: اسملا كنك يابنتي
روان متوتره: لا شي غير كنت برا انهدرز علي صاحبتي اصقعت خشيت نجري
عميمه: اي والله الشتاء خلاص خش
روان: شنو يا اخويله في حاجه انساعدكم فيها
عميمه:لالا مافي شي برو هدرزو وغيرو جو امع البنات
طلعت انا و روان مش عارفه ليش قلبي مقبوض من الصبح مش عارفه مش متريحه حاسه بحاجه بتصير مش اكويسه
نعرف انا بعد قلبي يوجعني بتصير حاجه تعودبت من الشيطان
وقعمزت جنب ايـه والبنات
اشويه جو هل احمد امع الحنه حنت ام احمد ايـه في اقدامها وقعدن ايغنن عليها
مريم: مبروك الحنة فى قدامك والخير وراك وقدامك
البنات: مبروك الحنه في قدامك 👏👏👏 الخير وراك وقدامك
سعاد: مدي ايدك للحنة حني . ان شاء الله يا زينة اتهني
البنات:مدي ايدك للحنه حني 👏👏ان شاء الله يا زينه اتهني
انا: يا مبروك عليك الحنه. درتي حوش اتجينا منه
البنات: يامبروك عليك الحنه 👏👏👏👏 درتي حوش اتجينة منه
عميمه: بوها قال ايوته بنتي لولا القسمي لا ماهنتي
البنات: بوها قال ايوته بنتي 👏👏👏 لولا القسمي لا ماهنتي
ميس: كيف الصقر حايم وراها 👏👏👏 سكر راسه لين خداها 👏
البنات: حي حي 👏👏👏 كيف الصقر حايم وراها 👏👏👏 سكر راسه لين خداها
درنا شوط ساخن 👏🔥
حطينا العشاء وروحو هل احمد
كنا انهدرزو جابت روان سفرت عصير وحلويات عشان انكسدو انهدرزو وزعت علي الكل بعد وصلت فيا تم العصير
روان بضحكه صفرا: توا انجيبلك وانجيب لي روحي
انا: تمام
وقعد انهدرز علي اسيل جباتلي روان العصير الحق كنت عطشانه من كثر الشطيح الي درناه شربتها كلها دفعه وحده
وكملت هدرزتي امع اسيل ونحكليها علي جو تركيا
دقايق وحسيت بمغص في بطني وليه قويه ماتحملشت
رقيت طول لي الشقه
امال: كنها ريناد وجها انقلب
اسيل: كنا انهدرزو عادي بعدها حست بليه ومغص
امال خافت عليا: خلي نرقا انشوفها
اسيل: بنمشي امعاك نطمن عليها وجها خوفني الحق
طلعو امال واسيل لحقوني
روان ضحكت وفي سرها لحقو كان بتلحقو البيبي مشا فيها العقبه لي امه 😂😂 وشربت من عصيرها
انصدمو البنات في روان امقعمزه ابروحها وتضحك
عندي انا قوت عليا اليه حسيت بشي ينزل من رجليا القيته دم قريب اغمى عليا من الخلعه رفعت ايديني نرجف اتصلت بمسعود
انا نبكي ماسكه بطني: وينك انت
مسعود:برا امع الشباب شن في كنه صوتك
انا نبكي مش عارفه شن انقول : مسعود ننزف قاعده ليه قويه البيبي
مسعود انصدم: شن اتقولي
انا ضعطه علي السنوني من الالم: تعال لشقتنا بسرعه
مسعود انخلع ومصدوم مش فاهم كلام خش يجري وبيرقا من الدروج علي طلعت البنات من بيت خالي ورقيات لي الشقه
مسعود بخوف: كنها ريناد وينها
امال: مانعرفش رقت فوق تعبانه
مسعود: توا اتصلت بيا قالت 😱😱😱😱 ورقا من الدروج يرجي والبنات لحقوه مش فاهمات شي
لقيو الباب مفتوح مش امسكر خش يجري داخل والبنات وره
كنت امقعمز جنب السرير نبكي وماسه بطني ومنهاره والدم امعبي المكان
مسعود والبنات انصدمو 😨😨😨😨😱😱😱
انا اول ما شفت مسعود 😭😭😭😭:بنتنا يامسعود 😭😭😭
مسعود مفجوع في المنضر ومصدوم والبنات نفس الشي
مسعود رفعني بسرعه ولف وغيرلي والبنات ساعدوه لبسني العبايه ونزل يجري بيا وانا نبكي وخلاص 😭😭💔
البنت نزلو تحت حالتهم حاله يبكو وخبرو عميمه 💔 عميمه زعلت 💔😢 والبنات نفس الشي بس ماحكوش لي ايـه عشان ما اخربو فرحتها
.
.
.
.
.
.
وصل مسعود لمستشفى ونزل بيا خششني لدكتورة نساء طول من حسن حضي كانت في دكتوره ماسكه في اليل
خدوني من مسعود ودخلوني داخل
بعد نص ساعه طلعت الدكتوره
مسعود:طمنيني يا دكتوره شنو كنها مرتي تنزف
الدكتوره: للاسف المدام اجهضت واخده نسبه كبيره من حبوب تنزيل الحمل والحمدلله لحقتو فيها بدري لكان رحمها انفجر وحتي هي ممكن اتموت بس لحتقوها بدري والحمدلله علي سلامتها بس ياريت لو ماتبي الحمل عليش من البدايه تحمل شن ذنب الطفل ايصير فيه هكي ايموت قبل ما ايجي ع الدنيا سامحني ع التدخل بس الطفل الي مرتك نزالته في الالف النساء يتمنو يحملو واتجيهم فرصه نفس فعلا ما حد ايقدر النعمه الا الي فاقدها
مسعود مصدوم 💔: كيف حبوب شنو ليش تبي اتنزل البيبي لو مرتي ميته علي اليوم الي ايجي فيه
الدكتوره:توا تطلع النتائج اتشوف نسبة الحبوب وانا هدا شغلي ونعرفه اكويس و المدام صحتها تعبانه بتقعد عندنا الليله وبكرا لو تحسن حالها انديرلها خروج بعد يومين
ومشت خلت مسعود مصدوم من كلامها والي نزل زي الصاعقه عليه كيف خسر طفله وليش ريناد اطيح البيبي 💔💔 مصدوم اكثر في ريناد كيف ادير هكي 💔💔
اتصلت امال بي مسعود وحكالها انه انا اجهضت
امال بزعل: مزلتو اصغار ربي ايعوضكم خير ان شاءالله
مسعود بيتلكم طلعت الممرضه من حجره
الممرضه: مدام حضرتك فاقت
مسعود:تمام يا امال بعدين نحكي امعاك ما اتخبرو حد خليه بينا الموضوع
امال: بس امك واسيل يعرفو
مسعود: تمام لميه الموضوع بيكم مانبيش حد يعرف
امال:تمام وسكرت وحكت لي عميمه واسيل زعلو هلبا عليا
بس كان في وذن تسمع فيهم وفرحانه الي هي روان
.
.
.
.
.
خش مسعود انا فتحت اعيوني بتعب ونبكي
مسعود وقف فوق راسي ساكت
انا نبكي 😭😭: صح نزل البيبي
مسعود بحزن:اي 💔
انا انهرت قعدت نبكي 😭😭 مسعود ماتحمل منضري وحضني
انا نبكي 😭:والله كنت دايره بالي عليه وكنت انرجي في الحضه الي بيجي فيها ليش بس 😭😭💔
مسعود ساكت
انا 😭😭💔:والله كنت حاسه من الصبح قتلك قلبي يوجع
مسعود: اسس خلاص اهدي انتي
انا 😭😭:كيف نسكت وانا خسرت طفلي اول فرحه فحياتي
مسعود طلع كلم الممرضه عطتني مهدئ عشان نسكت
طلع مسعود بعد رقدت جاته الدكتوره
الدكتوره: طلعو التحاليل
مسعود:شنو
الدكتوره: زي ما قتلك واخده احبوب اجهاض تنزل الطفل
مسعود ساكت يدكر في منضري بعد كنت نبكي ع البيبي مستحيل اتكون هي الي تبي اتنزل البيبي تي انا شفت فرحتها بعيوني كيف فرحانه بالحمل كيف توا اتنزله
مشت الدكتور بعد مسعود ما رد عليها عرفاته مصدوم ومشت خلاته
اما مسعود قعد امقعمز قدم الباب مضايق بكل وزعلان مالحقش يفرح بيه ماليه واجد عرفو بالحمل
انا رقدت من المهدئ طول اليل بعد انوض نقعد نبكي الممرضه تعطيني منوم تاني
.
.
.
.
.
.
.
.
.
تاني يوم الي كان يوم الصاله البنات وتو كل شي وايـه مشت لمزين امع اسيل
عميمه وامال واضح عليهم الحزن والزعل بس ما قالوش لحد
كملو ترتيبات كل شي ومشو لي الصاله
اشويا بدو الناس اتجي وتعبت الصاله
وجت ايـه طالعه ماشاءالله اتهبل خششها خالي وطلع
مشا الجو عادي وحلو و روان واخده المنصه ترقص ماقعمزت بكل
ايـه اشرت علي امال
جتها امال
ايـه: وين ريناد كنها ماشفتها
امال: ريناد اتحس اشويا وتعبانه مسعود ماخلاها اتجي
ايـه انخلعت: كنها شن في
امال بحزن: وحم بادي فيها وخوك قاعدلها علي سبله قاللها ماتمشي وانتي مريضه
ايـه بحزن:والله حرام ماتحضر حفلتي 🥺
امال: عادي حبيبتي انتي انبسطي وافرحي اليوم فرحتك مااتزعلي روحك ضروف اكيد توا اتشوف الصور
ايـه: باهي اتصلي بيها نبي نطمن عليها
امال:والله كيف سكرت منها امعاها مسعود اكويسه رقدت
ايـه:اكيد اكويسه
امال: اي هيا اضحكي اشويا وايجيك احمد 😂😂😂
ايـه ابتسمت: شن شكلي
امال ابتسمتها: لاقوه الا بالله طالعه اتهبلي ربي ايهنيك ويسعدك يا قلبي
ايـه ابتسمت: نجك ليا ❤️
مشا الوقت وجا احمد صور امع ايـه وطلعو
بعدها قعدو الناس اتروح وروحو الكل
وعميمه حكت لي الكل انه انا رميت ""اجهضت"" زعلو كلهم
.
.
.
.
.
روح مسعود في اليل عشان ايجب اوراق وافلوس لي المستشفى وايجيبلي دبش نلبسه
مسعود فتح الشقه وخش بتعب واضح علي وجه الحزن 💔 خش لي الدار ورفع اوراق وافلوس فتح الدرج القي شريط احبوب كانو ناقص من 4 حبات علي طول عصب وبان علي وجه 😡😡😡رفعهم ونزل يجري من الدروج بعصبيه 😡
نزلت جي طالع بس طاح في وذنه كلمه وسمع صوت وقف
وقعد يمشي اتجاها الصوت وينصدم 😠😱😱 😡😡
.
.
.
.
.
انا 😱😱:.............
يُتبع ..
- لقراءة الفصل التالي : اضغط هنا
لا تنسى كتابة تعليق ليصلك اشعار بباقي حلقات الرواية.