القائمة الرئيسية

الصفحات

رواية هروب ما بعد اغتصاب الحلقة الثلاثون 30 بقلم ميرو أحمد

 رواية هروب ما بعد اغتصاب الحلقة الثلاثون 30 بقلم ميرو أحمد

رواية هروب ما بعد اغتصاب الجزء الثلاثون 

رواية هروب ما بعد اغتصاب الحلقة الثلاثون 30 بقلم ميرو أحمد


رواية هروب ما بعد اغتصاب البارت الثلاثين 

الــكــاتـــبــه مـــيـــــروووو احـــمــــد ✍️

روحو الناس وقعدت العيله بس
خشو خوالي ومسعود ومؤيد ايهدرزو

اسيل اتهدرز جنبي :اليوم ضرتك ماجت

انا مش فاهمه شي : شن تقصدي ضرت شنو 😨

اسيل ضحكت: قصدي ماشفتيش الجو رايق وحلو واقنين من غير الكائنات البشعه 😂

انا ضحكت: قصدك روان

اسيل: اي ماركزتي انها ماجت اليوم

انا: اي احسن والله افتكينا منها بس من وين لوين ولت ضرتي ياماما انا ماتجيش عليا ضره لاهي ولا مية وحده غيرها

اسيل ضحكت: عليك تقه النم فيك اقسميلي 😂😂😂

انا 😂😂:لا تقه لاشي بس نعرف مسعود مستحيل ياخد عليا كان شنو

اسيل 😂:ياهبله في واجد قبلك قالوها مستحيل ياخد عليا مش عارف شنو في الاخير خدا عليهم

انا 😏:يابنتي ماتنرفزيني راجلي ونعرفه كنك تبي ادخلي الوسواس بينا قتلك مايدرهاش

اسيل: بس كلهم الرجاله زي بعضهم

سناء ضحكت: كنك اتعبي فيها علي راجلها

انا: شفتي سينو

اسيل ضحكت: 😂😂😂 والله انبصر ياهمي

انا 😒: ماتكلميني

عميمه: اي صح مادم كلكم ملتمين امع بعضكم في موضوع نبي انقوله ليكم

خالي محمد:خير ان شاءالله شن في

اعليوه: موضوع شنو

انا عرفتها بتحكي علي موضوع ايـه دورتها بعيوني ما القيتها امعايا

مسعود: شنو يا امي الموضوع هدا

عميمه ابتسمت: امس في مراه جت خطبت ايـه

خالي محمد: من المراه ومن وين هم ولعيت من

عميمه: لعيت &&& الولد اسمه احمد منصور الفلاني يخدم بيته كامل ويشتغل

اعليوه ركز في الاسم: هذا الولد صاحبي

خالي محمد: تعرفه

اعليوه: اي صاحبي الي مره حكيتلك عليه وقلت تعرف باته منصور

خالي محمد ادكره: اها نفسه الولد الي مره قتلي القيته مضروب

مسعود: كيف تعرفه يا اعليوه

اعليوه: اي احمد خو احميده تي طول عرسي كانو وقفين امعايا

مسعود ايحاول يدكره: الله مش مدكره ماركزت في اصحابك

عميمه: شنو ياعليوه الولد اكويس ولالا

اعليوه: والله ماشاءالله عليه اكويس وسمعته اكويسه ولد ناس

مسعود: شن يشتغل هوا

اعليوه: عنده هو وخوه محل هواتف وضعهم المادي اكويس وحالتهم متريحه وبيت ملك جنب هله

خالي محمد: انا نعرف بوه بس الولد مانعرفاش

مؤيد: انا زبطه الي نفسه مشا امعانا يوم السياق الي اعيونه عسليه لبس بيج ركب امعايا قالي اسمي احمد

اعليوه: اي هوا

طبعا احني كلنا ساكتين نسمعو في الرجاله

مسعود:توا انزيد نسل عليه الولد

اعليوه: انا ننصحكم الولد نعرفه راجل بكلمته اعطوه ايـه واعيونكم امغمضه ومتهانين لانه احمد راجل و عز التريس مش حايقصر امعاها

خالي محمد: هم عيلتهم ماشاءالله عليهم ناس اكويسه واخلاق ومعروفين في المنطقه

اعليوه: خلاص توكل واعطيهم وان شاء الله ماتندمش الراجل مافيه ولا عيب

خالي محمد:ان شاءالله بس اهم شي موافقة بنتي لو مش راضيه مش امزوجها

مسعود: مادام الولد صاحب اعليوه ويعرفه خلاص نعطوهم

مؤيد: توا انتم سالتو البنت وخديتو موافقتها اتوافقو طول

عميمه: توا نحكي امعاها انا

اعليوه وقف: المهم ماتحشموني امعا والله وترفضو

خالي: خليه الموضوع بعدين لين نعرفو راي البنت وبعدها نحكو فيه

اعليوه: تمام كان تبي توا انزيد نسالك عليه 😂😂

خالي: لا تسال لا شي نعرف عيلتهم ان شاءالله لو في نصيب يقسم بينهم الموضوع يبي وقت لانه زواج مش لعب

اعليوه: تمام هيا سناء

عميمه: خليكم هدرزو

اعليوه: مره تانيه

خالي محمد:الصبح مر عليا نبيك

اعليوه: تمام هيا تصبحو علي خير

كلنا: انتم من اهل الخير

طلعو اعليوه وسناء

خالي محمد:وين ايـه

عميمه: امع امال وساره في المطبخ

خالي محمد: خلاص انتي شاوريها البنت

عميمه: ان شاءالله

قعدو ايهدرزو اشويا جا خالي جمال روحو اسيل وساره ومسره وامهم سعاد قعدت امال بس
مؤيد كان ايهدرز علي مسعود في الشغل وخالي يحضر في النشره وعميمه تحكيله ع العرس

انا رفعت تليفوني بعتت لمسعود: نبي انروح انعست هيا

مسعود كان ايهدرز قراء الرساله وقف: تمام بكرا نفاهمو في البيعه وانت مادير شي في راسك لين اتخبرني

مؤيد: تمام

مسعود: هيا ريناد تصبحو علي خير

خالي وعميمه: انتم من اهل الخير

طلعنا انا ومسعود وصلنا الشقه انا طول نحيت الذهب وقعد مسعو ايساعد فيا لين كملت وطلعته كله

انا بتعب :ووووه عليا متتت وانا لبسته

مسعود ضحك: مابعدك متحمله هدا كله علي راسك

انا: لالا معاش لبسته مره تانيه التوبه ياربي قريب متت

مسعود: بس خايل عليك وطالعه سمحه فيه

انا ابتسمت بتقه: اكيد اي شي نلبسه بيطلع حلو عليا

مسعود 😂😂: ماشاءالله واتقه كل شي عليك حلو

انا ضحكت وطلعت روب: اي واتقه لاني انشوف في روحي في اعيونك شن تحكي بعد اتشوفني ولمعة اعيونك ايقولو انه انا اجمل انسانه في عيونك ❤️

مسعود 😍: نعليا حللتي حتي اعيوني تعالي شوفي قلبي كنه بعد ايكون قريب منك ايهبلني ❤️🤤

انا 😂: 😂😂 لالا قلبك هدا خليه ابروحه

مسعود: ره حبيبي طيارتنا يوم الاتنين لتركيا

انا 🥺:بجد يعني ضروري منها مشيتنا

مسعود: اي حبيبتي لازم نمشي اليومين هادو لانه في نقص واجد في المزانيه لو ما لحقت الشركه احتمال تفلس ماتنسي نص الفلوس الي في البنك بنسحبهم عشان وصية بوك والجامع ضروري الشركه اترد زي قبل

انا 😢:تمام بنطولو صح

مسعود:علي حسب مش واجد

انا: ان شاءالله خير
خشيت الحمام دوشت ولبست وطلعت
القيت مسعود رقد علي السرير ويخدم ع لابتوب
وقفت علي المرايا دهنت جسمي بالمرطب وبخيت عطري
نحيت المنشف من اشعري جففته كملت

مسعود سكر لابتوب وحطه علي جنب وفتحلي ايديه 😍
انا خشيت في حضنه وحطيت راسي علي صدره

مسعود يلعب بشعري: كنك حبيبي جوك مش حلو اليوم

انا :شي غير تعبانه بس يوم طويل ومتعب بكل

مسعود ابتسم: سلامت حبيبي من التعب فيا ولا فيك

انا : مسعود انت اتحبني

مسعود ضحك: سؤال عبيط زيك ترا بحتي في اعيوني

انا رفعت راسي جت عيني في عينه
مسعود: شن اتشوفي فيا انا لو مانحبك ره مش قاعد امعاك توا ولا خليتك فحضني ولا مسيتك ريناد انا حبيتك بعيوبك قبل مميزات انا عشان انحبك نسيت شن صار امعاك وتقبلتك كيف ماانتي لاني حبيتك والي ايحب يقدر ايضحي باي شي علي شان الشخص الي ايحبه وانا ضحيت بهلبا حاجات علي خاطرك بس وهدا كله ومزال تسالي فيا اتحبني 😂

انا ابتسمت: توعدني اتحبني طول عمرك ما اتبدلني وبوحده تانيه ولا قلبك اتخشه مره غيري ولا اتخوني

مسعود ضحك: بالله من لعب بعقلك

انا 😂: مافيش حد لعب بعقلي بس نبي نعرف قداش اتحبني

مسعود قلبني وجيت تحته: تبي تعرفي قداش انحبك

انا ابتسم: اي

مسعود 😍:بس انا مانعرفش نتكلم نعرف انعبر بس 🤤🔥 تعبير يعجبك اكيد

انا ضحكت 😍:اممممم شن هوا تعبيرك

مسعود 😍: تبي تعرفيه

انا هزيت راسي 😍

مسعود نزل عليا باسني 😘😘😘🔥🔥🔥

الباقي مش شورنا
.
.
.
.
.
.
.
.
مؤيد: بوي نبيك في موضوع

خالي محمد نقص صوت التلفزيون: شن امداير من مصيبه

مؤيد: توا يعني لو قتلك نبيك في موضوع يعني داير مصيبه

عميمه: شن في ياولدي

مؤيد متوتر: انا نبي نتزوج من لاخير

خالي ضحك: انا عرفتك من امبدري كيف خاش في بعضك في دوه وراك

مؤيد 😂: يعني امركز عليا ياحاج

عميمه: انت عندك بنت في بالك ولا نخطبلك من عندي

مؤيد: اي يا امي في بنت عاجبتني ونبي نخطبها

عميمه زعلت كانت تبي تخطبله اسيل سكتت 💔

خالي محمد: من وين البنت الي تبيها

مؤيد ابتسم: هي البنت نعرفوها عز المعرفه انا نبي اسيل بنت خالي جمال

عميمه فرحت 😍😍: يعني تبي اسوله

مؤيد: اي البنت ماشاءالله عجبتني واكويسه ومنها متعوده عليكم مش حا انواجه مشاكل ولا شي

خالي محمد: حتي نحنا كنا بنخطبوها ليك كلمت امك قبل العرس تخطبها ليك بس شكلها نست

مؤيد افرح: بجديات 😍😍 يعني اموافقين

عميمه: اي بوك اموافق من يومها غير انا شغلني عرس اعليوه لهيت فيه

خالي محمد: خلاص توا السبوع الجاي نمشو نخطبوها ليك بس العرس مزال لين انشوفك عاقل و اتفوت اطياشك هدا

مؤيد: كيف ماتبو انتم المهم تخطبوها ليا ❤️😍

خالي محمد: بكرا انكلم جمال في الموضوع اكيد ما بيرفضنا

مؤيد من الفرحه باس راس بوه وامه 😍😘 :احلا اتنين في الدنيا والله لا ايغيبكم يا الغوالي

عميمه ضحكت: ههههه اشي اشي هدا كله دايرته اسيل فيك

مؤيد ضحك وحك راسه متحشم من بوه: تبو شي بنمشي نرقد

خالي ضحك عليه: ههههه لا مانبو شي

مؤيد رقا لداره فرحان اتصل بي اسيل وحكالها كل شي 😍❤️
الاتنين كانو مش عاطين فرحتهم لحد

نفس الشي ايـه واحمد الي مستمره مكالمتهم بالساعات ايعبرو عن حبهم لبعض عن اول خطوه دارها لمستقبلهم ❤️❤️

امال قبل امغرب اتصلت بي عربها وكلمت سلفها ايجبلها يزن
وجابها ليها وكانت امرايفتله تلعب امع واتهدرز عليه واتصلت بي وليد مكالمة فيديو قعدو هم الاتنين ايهدرزو ويزن اينابش في بوه من التليفون يبيه ❤️

وليد: تعرفو رايفت عليكم انتم لاتنين واجد 😍

امال ❤️:يزونه قول لبابا حتي نحنا رايفنا عليك

يزن: رفنا اليك بابا

وليد: 😍 نجك ليا اوليدي السمح رايفت لبوك

يزن 😢:اه بابا هال بيتنا ""تعال لبيتنا ""

وليد ابستم: حاضر حبيبي يومين انروح

يزن ضحك:هيييييي بابا روح

امال ضحكت: باهي اسكت خليني انكلم بابا يعني صح يومين وبتروح

وليد: اي اليوم حجزت التدكره مالقيت غير بعد يومين

امال ابتسمت:عادي نصبرو يومين 😍

وليد: 😂 والله رايفتلك بكل حبيبي

امال: حتي انا 🥺🥺 غير روح بس معاش امخليتك اتسافر

وليد:😂😂😂 رقدي الفرخ هذا وخلينا انهدرزو براحتنا

امال ضحكت: تي مايرقدش شيطان الفرخ

وليد: يابابا بري ارقد 😂

امال: خليني انرقده ونرجع نتصل بيك

وليد: تمام

امال سكرت المكالمه ويزن قعد يبكي يبي باته مابش يرقد رجعت اتصلت بي وليد

وليد: مسرع ما رقد

امال ضحكت: اما رقد شوفه ها
امال دارت التليفون علي يزن كان يبكي وجه احمر

وليد: كنه يبكي

امال: يبيك انت يبكي عشان سكرت منك

وليد: ازي يابابا شن هل اخنانين هذين راجل انت تبكي

يزن يبكي 😭: ابي بابا

وليدضحك: ياروحي انت معاش تبكي

يزن 😭😢: ماما ماهبها سريره

وليد وامال ضحكو عليه وقعدو ايهدرزو لين رقدو الثلاثه ع المكالمه ❤️❤️❤️

.
.
.
.
.
.
.
.
مرو يومين مافيش اي احداث
خالي محمد ومسعود زادو سالو علي احمد والناس كلها تشكر فيه وخالي سال ايـه لو اموفقه او لا هي وافقت وعميمه اتصلت بي مريم ام احمد وقتلهم اموافقين وانهم يتفضلو يوم الخميس
خالي محمد اتصل بخالي جمال وطلب اسيل لي مؤيد وجمال قاله تفضلو البنت بنتكم وافق طول وعميمه اتصل باي سعاد عشان اتحدد موعد ايجو يطلبو اسيل رسمي

مانحكيلكم علي العشاق قداش فرحاننين
ايـه واحمد 😍❤️ اسيل ومؤيد
الاربعه كانو بيطيرو من الفرحه ❤️❤️😍❤️

امال تاني يوم كلمت مؤيد رفعها لي المختبر ودارت تحليل وطلعت حامل 😍❤️ فرحت واجد والعيله كلها فرحتها بعدها بيوم روح وليد حكتله انها حامل وليد بيطير من الفرحه ❤️

طبعا طلغت نتيجه الطب الشرعي وطلع جلال ميت من جرعه كبير بامخدرات واصلا جسمه كان ضعيف وصحته ضعيفه
جسمه ماقدرش ايقاوم مات بعد دقايق من طلعت سليم

انا ومسعود مافيش شي جديد حياتنا ماشيه عاديه زي ماهي

كان اليوم موعد طيارتنا سافرنا انا مسعود لتركيا كان خاطري نحضر خطبة ايـه واسيل بس الله غالب ربي ايهنيهم ❤️

وصلنا لتركيا كان مسعود امأجر شقه اقريبه من الشركه
اول يوم خدينا نووم لين اليل من التعب الليل طلعنا تعشينا ورجعنا الشقه

تاني يوم طلع مسعود الصبح بدري علي الشركه روح قريب العصر كانت تعاب بكل من الشغل رقد طول

مشو الايام والاسابيع نفس القصه مسعود يطلع الصبح ايروح قبل العصر يرقد اينوض الليل ايكسد ايهدرز امعايا يا نطلعو
كان اغلب وقته في الشغل

اما بالنسبه في ليبيا

الخميس جو ام احمد وخواته ومنصور اب احمد وخوته ونسيبهم
كملو في ايـه ودفعو فيها وتعارفو العائلات علي بعض
وام احمد حبت ايـه واجد وندمت انها رفضتها في البدايه بس حمدت ربها انها قدرت اترجع كل شي زي قبل وشافت في اعيون ولدها كيف فرحان
تحدد فرح ايـه بعد ثلاته اشهور نفس موعد عرسه الاول
كان بي ايقرب الموعد بس ايـه قتله نبي وقت مش واتيه
فا اطر ايديره بعد ثلاثه اشهور

وبعدها بي اسبوع مشو عيت خالي طلبو اسيل رسمي ❤️ 😍❤️
.
.
.

طبعات تهاني و روان بيموتو من الغيره
تهاني غايره ليش مؤيد ما خدا وحده من بناتها ونفس الوقت كيف ايـه الي اصغر من بناتها تنخطب قلبهم
.
.
.

روان كانت بتموت من الغيره كيف انا ومسعود امسافرين في تركيا وهي مش قادره توصل فينا ومن جيهه اخططها كلهم فشلو لا السحر جاب نتيجيه ولا جلال دار راي مش قادر اتعيش مرتاحه لين اتخرب حياتهم
.
.
.
.
.

ايـه واحمد حبهم بعد كل هل المصاعب انهم كانو فاقدين الامل انه ايكونو لبعض بس سبحان الله علي النصيب وكانه سيف وبعملته الي دارها قربهم من بعض مش قربهم بس هو كان السبب انهم امع بعضهم توا حبهم بينتهي بالزواج ❤️ وايحققو احلامهم امع بعض ❤️ وتطلع ايـه كل يوم لي السوق تاخد في بتاتها مره مره تمشي امعا اسيل ومره امال ومره ابروحها لين كملت
.
.
.
.

اسيل و مؤيد برغم انه حبهم كان من فتره قصيره الا كان قوي وكانه حب اسنين وتمسكهم في بعض حبهم ومشاكلهم كل شي كان ليه مكانه خاصه في اقلوبهم والسان اسيل الي ايزيد في اهبال مؤيد 😂
.
.
.
.
.

وليد وامال حياتهم حلوه مليانه حب 😍❤️ والفصعون يزن بدا السانه اطول من السان اسيل 😂😂😂 وامال كان حملها صعب وتكره الاكل كانت ماتكلش بكل الي تاكلها اترجعها طول 💔 الوحم امتعبها
.
.
.
.
.
.
بعد مرور ثلاثه اشهور

كان موعد طيارتنا بعد يوم واخيرا مسعود كمل الشغل رتب امور الشركه ورفع قضية علي المدير الاول هدا علاش طولت سفرتنا والمدير مابش يعترف انه هوا الي سرق الفلوس برغم كل الادله انه هوا الي سارق كان ليبي عايش في تركيا قعد شهر بعدها اعترف غير مسعود كل الموظفين الي في الشركه بي ناس اكثر تقه حط واحد يعرفه هو المدير الشركه عشان يتواصل امعا ديما

مسعود خش الشقه وفي ايده وجبات اكل
مسعود:حبيبي وينك

انا: في الدار

مسعود حط الاكياس علي الطاوله وخش داخل
مسعود: شنو كملتي الشناطي حيي ماتقوليش راقده من وقت ماخليتك

انا بتعب: والله ماعنديش جهد انضمهم درت نصهم بس

مسعود قعمز جنبي: كنك حبيبتي اتحسي بحاجه

انا 🥺:شكلي بنمرض حاسه جسمي كله فاشل مش قادره نتحرك

مسعود يلمس في جبهتي: وجهك اصفر بس حراره مافيش
قتلك امس ما اتكتري من الجلاطي وانتي كملتي قريب 5 ابروحك اهو توا امرضتي

انا 🥺: والله قتلك خاطري فيه شن بندير

مسعود رفع راسي وقعمز وخلا راسي علي رجله: باهي شن حاسه حبيبي نرفعك لمستشفي

انا رفعت راسي: لالا ارهاق وتعب بس

مسعود: به نوضي ناكلو جبت امعايا اكل كولي عشان اتصحصحي

انا 🥺:ماعنديش نيه ولا خاطري انصبي نبي رقد

مسعود طبس ورفعني في حضنه: مش برايك بتاكلي ياطشه لو ماتبيش اتصبي نرفعك شن المشكله 😂😂

انا ضحكت: والله ماعنديش نيه حبيبي

مسعود: بتاكلي غصبن عنك وانتي ساكته ولا بكرا مافيش مرواح بكل

انا 🥺: ماعنديش نيه كنك ماتبي تفهم

مسعود قعمز ع الكرسي وخلاني في حضنه : توا تاكلي زي بنت الطيبه ماتشوفي وجهك كيف رايح املاحظ عليك الايام لاخيره ماتكليش اكويس شدتها نوم بس
انا ساكته فوق من نفس ماعندي نيه بكل حتي اني انتكلم

قعد يفتح في الكيس كان جايب هامبرجر و كباب
انا اول مافتح الكيس فاحت عليا صنته كبدي رقت عليا نضت بسرعه نجري لي الحمام انرجع حشاكم مسعود لحقني يجري وخايف عليا

مسعود بخوف: ريناد انتي اكويسه كنك شن اتحسي

انا بعد فرغت كل شي في بطني غسلت وجهي بتعب: كبدي بس حاسه بدوخه في راسي

مسعود خاف عليا مسكني: حبيبي مايصرش هكي نمشو لمستشفى

انا دفيته:نبي نرقد بس مش ماشيه

مسعود مسكني من يدي يمشي بيا لدار: نمشو لمستشفى بعدها ارقدي كيف ماتبي

انا 🥺😢: والله ماعنديش جهد بكل خليني نرقد

مسعود قعمزني ع السرير وفتح الدولاب وطلع بالطو طويل لتحت الركبه اول وشاح قابله طلعه
انا كنت لبسه سروال سترتش وعليه بلوزه نص كم ورديه
لبسني مسعود البالطو وسكره ولف الوشاح
مسعود: هيا نوضي و مسكني من ايدي وطلع لبسني السبيدرو وطلعنا كان واخد سياره

انا ماكان عندي جهد نتكلم ولا ناقشه سكتت ومشت امعا

وصلنا المستشفى وحجز مسعود عن الدكتوره بعد نص ساعه خشينا
قعد مسعود ايهدرز امع الدكتور بالتركي انا مش امركزه امعاهم ولا نفهم في اللغه التركيه ساكته وانشوفلهم جت الممرضه وسحبت مني دم
طلعت انا ومسعود وقعمزنا علي الكراسي الانتظار

مسعود: قالت اشويا وانردو علي ربع ساعه

انا: باهي نبي انروح

مسعود :نصبرو حبيبي انشوفو التحاليل وشن اتقول الدكتوره وانروحو

انا تكيت راسي عليه: باهي شن حكيت امعاها انت شفتك تبتسم

مسعود ابتسم لانه الدكتوره قتله المدام احتمال حامل توا نتاكدو من النتائج التحاليل

مسعود:شي كنت انخبر فيها اعرض المرض

انا: اها

مسعود:حبيبي انتي امتى اخر مره امرضتي فيها وجاتك ....

انا قعدت انفكر: اخر مره بعد مشينا المصر

مسعود ابتسم: اها

انا رفعت راسي: كنك تسال

مسعود:لا شي بس هكي

انا: نبي اميه حبيبي

مسعود: حاضر
جابلي مسعود اميه وخشينا علي الدكتوره مره تاني
نفس الشي قعدو ايهدرزو والاتنين يضحكو

طبعا بنكتبلكم بالليبي كلامهم

الدكتوره : الف مبروك المدام حامل

مسعود افرح 😍:الله ايبارك فيك 😍

الدكتوره: ممكن نطمن علي صحة الطفل اكثر نعمل صورة ايكو للمدام ونعرف الطفل كم عمره

مسعود بفرحه: تمام

انا كنت انحاول نفهم كلامهم الي افهمته هامل

الدكتوره جت وقفت فوق راسي : ايمكنك المجئ معي

انا مش فاهمه شي: شن اتقول يامسعود مش فاهمه شي ره

مسعود :قتلك امشي امعايا بتفصحك

انا وقفت: به شن قالت امبدري

مسعود: توا تفهمي ابروحك

الدكتوره: هيا لندهب

مسعود: ايمكنني المجئ معكم

الدكتوره: بالتاكيد استاذ

كان في باب في حجرتها فتحاته وخشينا وراها وكانت في حجره صغيره فيها سرير وجهاز انا لمعو اعيوني بعد شفته عرفته لفيت علي مسعود 😍

انا: مسعود قولي شنو في

مسعود ابتسم: امشي قعمزي توا تعرفي شنو

انا 😍: يعني حامل صح

مسعود ابتسم: 😍 اي ياقلبي الف مبروك علينا

انا مش امصدقه علي طول حضنت مسعود فرحانه

مسعود 😍: خلاص حبيبي عيب قدام الدكتوره

الدكتوره اتشوف فينا وضحكت وقعدت اتوالع في الجهاز

انا وخرت: تي عادي عندهم مش امصدقه حبيبي بجد انا توا حامل
مسعود: ههههه اي امشي قعمزي بنشوفو صحة البيبي

انا بفرحه قعمزت علي السرير ومسعود امصبي جنبي

الدكتوره اشرتلي اني نفتح البالطو

مسعود:حبيبي قتلك ارفعي دبشك

انا فتحت البالطو ورفعت التشرت فوق

الدكتوره انصدمت في بطني لمه شافت اثار الحرق
عرفاته اثر قديم دارتلي جل وحط الجهاز وقعدت اتمشي فيه علي بطني وطلعت صوره في الكبيوتر
انا ومسعود اعيونا اقلوب اقلوب انشوفو في الشاشه

الدكتوره: اتودو سماع دقات قلب الطفل

مسعود 😍:اوك

الدكتوره فتحت الصوت انا اسمعت الصوت قلبي لرجف دمعو اعيوني 😢رفعت راسي القيت مسعود ايشوفلي نفس الشي
علي كل دقه قلبي ايدق الف مره 😍❤️ شعور مش قادره نوصفه ليكم يكفي انقول اجمل شي تسمعه فحياتك❤️❤️

((ربي يطعم كل شخص بالحضه هدي ولا يحرم اي بنت من شعور الامومه يارب والي ربي معطاها الشعور ان شاءالله ربي يرزقها وايفرح قلبها يارب ❤️))

الدكتوره طفت الصوت وسكرت الجهاز: الطفل في حاله وصحة ممتازه وعمر الطفل شهرين وثلاثه اسابيع

مسعود 😍😍: ايمكنني معرفة جنس البيبي

الدكتور: لا يمكنني معرفته الا بعد مايصبح عمر الطفل 4 الي 5 اشهر

مسعود: شكرا

الدكتور مسحتلي الجل انا قعمزت نزلت التشرت وفرحانه

انا: شن قالت الدكتوره

مسعود ايسكرلي في البالطو: قالت البيبي صحته اكويسه وممتازه بس مش معرف جنس البيبي عشان انتي في الشهور الاوله

ابتسمت:يعني البيبي اكويس

مسعود: اي بس تاكلي مره تانيه انتي مش ابروحك توا

ابتسمت: حاضر

طلعت الدكتوره وطلعنا بعدها
قعدت تنصح في مسعود علي اكل الصحي وعلي حالتي وصفتله فيتامينات ووطلعنا مش سايعتنا الفرحه 😍❤️

خداني مسعود علي مطعم وتغدينا كانت نفسيتي مفتوحه من الخبر الحلو بعدها روحنا جهز مسعود الشناطي هوا ضم كل شي وانا انهدرز عليه كل اشويا يسال فيا علي صحتي
انا رقدت خليته ايسكر في الشناطي

نضنا الفجر كانت طيارتنا مشينا المطار واستغرق وقت عشان الاجراءت بعدها ركبنا الطياره وروحنا الي ارض الوطن ابلادي ليبيا ❤️

جانا مؤيد من المطار روح بينا سلمنا ع الكل ومسعود قالهم ع الحمل
.
.
.
.
.
.
.
.
تهاني: ريناد حامل

روان شهقت 😨:اتبصري صح

تهاني: والله حامل توا كلمتني مبروكه خلاص احلامك بحح

روان بحقد: صح احلامي طارو بس مش امخليتهم يفرحو كيف ما انا احلامي ادمرو اندمر حياتهم وفرحتهم 😈

تهاني فاتت عنها: ماعندك ما اديري انتي كنتي فاتحه فمك لين خداته منك خلاص تنسيلي موضوعه مسعود
وطلعت من الدار

روان: مش انا ننسا بسرعه اتشوفو شن اندير فيكم كان ماقلبت حياتكم مايسماش اسمي روان
رفعت تليفونها واتصلت بصاحبتها

روان: زيزو نبيك في خدمه

صاحبتها: اعيوني ليك

روان: نجك ليا يافزعه نبيك .....................

صاحبتها: تمام

روان:.....................

.
.
.
.
.
.
.
مسعود فتح الشقه وخش بتعب واضح علي وجه الحزن 💔 خش لي الدار ورفع اوراق وافلوس فتح الدرج القي شريط احبوب كانو ناقص من 4 حبات علي طول عصب وبان علي وجه 😡😡😡رفعهم ونزل يجري من الدروج بعصبيه 😡

يُتبع ..


بكتابتك لتعليق على هذا المقال سيصلك اشعار بالحلقات الجديدة من الرواية.


reaction:

تعليقات