القائمة الرئيسية

الصفحات

رواية وخضعت للحب الفصل الثاني والعشرون 22 بقلم أروى الشرقاوي

 رواية وخضعت للحب الفصل الثاني والعشرون 22 بقلم أروى الشرقاوي

رواية وخضعت للحب الجزء الثاني والعشرون 

رواية وخضعت للحب الفصل الثاني والعشرون 22 بقلم أروى الشرقاوي


رواية وخضعت للحب البارت الثاني والعشرين 


بقلم ...أروى الشرقاوى

مرت ايام على هذه الاحداث دون ذكر احداث مهمه

تحسنت صحة ادهم فى هذه الايام وخرج من المستشفى وميرال لاتفارقه

اما اميره عاشت فى قصر الجمال واحبتهم بشده وحمدت ربها على انه رزقها زوج مثل معاذ يحبها وكذالك عائلته

اما ادم وشادى يجدون صعوبه فى التعامل مع بيسان ورفيف فمزاحهم ومؤامرتهم لايتوقعها احد

أما عند عائشه اصبحت علاقتها كلها حب مع حسام ولكنها مازلت لم تسمح له بالإقتراب منها

اما عمار وروان عادو لبعضهم وتقدم لها عمار وتمت خطبتهم وتحدد الزواج

بعد شهر

اما مليكه وياسين فقد تزوجو وإنتقلت للعيش فى فيلا توفيق الشاذلى هى وإبنتها

اما توفيق اصبح يقضى معظم وقته مع الجميله غسق

اما اسماء فهى على وضعها تنام طول الليل والنهار ولا تسمح لمازن بجلب خادمه تساعده

اما حسن واحمد حكم عليهم بالأعدام لأفعالهم وماسببوه من اذى للجميع ولهذا الوقت لم ينفذ هذا الحكم يتبقى يوما

............ ..............

فى قصر الجمال كانو يجلسون بفرحه لإنهاء جميع مشاكلهم كانت تنظر أليهم بحب لماذا لم تحزن على والدها لماذا نست كل شئ وهى وسط هذه العائله

شادى :لا كده كتير انا عايز اتجوز ياناس

ادم :ومين سمعك ياشادى انا زهقت والله وبصراحه عايز ارجع لندن تانى

رفيف :ترجع فين ياأمور

ادم :لندن ياقلب الأمور شغلى هناك يارفيف

رفيف :وبالنسبه ليا ايه ماليش رأى وبعدين انا هبدا إمتحانات دلوقتى إصبر ياشبح على أما اخلص

ادم :رفيف حبيبتى إنتى بقيتى كده إمته مش كنتى رقيقه وكده

بيسان :رقيقه دى رقيقه دى صاحبة اسماء الجيار ياجدع

اميره :والله البت مؤه وحشتنى واطيه مكلمتناش من زمان

وانا اقول شرقانه ليه جايبن فى سيرتى عالم أندال ....هكذا قالت اسماء

واكملت :وحشتونى وحشتونى وحشتونى

البنات بشكل كوميدى

رفيف :اهلا اهلا اهلا اهلا بأعز الحبايب

بيسان :اهلا اهلا اهلا بالقمر إلى غايب

اميره:خش فى لحمك يافواز

شادى :ربنا يعوض علينا

مازن مسك اسماء من قفاها :حرررام البنات اتهبلو على إيدك

اسماء بإستنكار :بنات مين دول كان عندهم إستعداد للهبل غير طبيعى

رفيف :تلميذتك ياشبح

بيسان :وانا تليميذة تليمذتك ياكبيره

ميرال للشباب :استلمو بقا أسماء وصلت يعنى المقالب هتبقى مضاعفه

أسماء :ميرو أحبيبت قلبى والله بحبك لله فى لله من غير أى حاجه

ميرال :من القلب للقلب ياسوسو

ادم بتعجب:غريبه دى هى ميرال بتكلمها ليه كده

مازن بضحك :الوحيده إلى بتكلم ميرال بالشكل ده هى أسماء مراتى

شادى بصوت منخفض :مراتك ماشاء الله تقولش عدوى إنتشرت فى بنات العيله

اسماء :بالنسبه للاخ شادى سمعاك علفكره تقوليش ياميرال ياختى البنات دول كانو ملايكه

كامل :سوسو مسلمتيش على عمك كامل

أسماء:يالهوى ياناس ينفع كده منكم تخلونى أنسى الكبير ولا تزعل احلى سلام لعم الكوكب كله

وسلمت عليه اسماء

فى هذا الوقت دخلت عائلة عصام الجيار

عمار بصوت عالى :مازن وحشتنى

حضنه مازن بشده وكذالك عمار

اسماء جلست على الكرسى بأستنكار:بالنسبه ليك ياعصام ياخويا هتسلم عليا ولا هتحلقلى زى إبنك

عمار:هبله مالك بإبنه انا مش عارف مازن عمل إيه فى حياته علشان يتجوزك إنتى

اسماء:عااااا هقتله سيبونى عليه

عمار وهو بيجرى منها :مستحمله أزاى ديه

مازن :مستحمل مين هو انا سبت لندن من شويه إستنى يامجنونه ناسيه إنك حامل

كانت صدمه وفرحه للجميع

أسماء وهى بتخبط على راسها :احييه بجد

دنا نسيت اسندونى معلش ياحزومبل يابنى نسيت

ميرال بإستنكار :حزومبل مين

اسماء :ابنى بذمتك مش إسم حلو

عصام :انا قولت اجوزها تعقل إتهبلت أكتر

صفيه :عليه العوض ومنه العوض

مازن :ياجماعه دى تفشط مارلين فى تلات

ساعات

الجميع بتعجب :مارلين مين

مازن بقلة حيله :واحده كنت جيبها تساعدها ولحد دلوقتى معرفتش عملت فيها إيه

اميره :عملتى فيها إيه

ذهبت اسماء بإتجاه اغراضها وأخرجت شنطه

ميرال :شنطة إيه ديه

اسماء :دى شنطة الأنقاذ يعنى لو حد مضايقنى بطلعله ألى هنا وهو ونصيبه بقا

شادى :طب عملتى إيه فى مارلين نفسى اعرف

اخرجت اسماء السرنقوس والصراصير صرخت الفتيات بشده

ادم :يالهوى حطيتلها ده

اسماء :عيال خرعه امال تلامذيتى إزاى

دول بلاستيك مش حقيقه

شادى :لو سمحتى يااسماء إنتى بتعملى كده فى مين

اسماء :إلى بيضيقنى

شادى :انا كده عرفت مازن مكمل معاكى إزاى واكمل بصوت منخفض جباره

ميرال:نتكلم جد بقا

الجميع بإنتباه :فيه إيه

كامل :عايزين نعيش كلنا فى مكان واحد

عصام :بمعنى

ميرال:يعنى حضرتك تجيب طنط صفيه وعمار وتيجو هنا القصر هنعيش كلنا هنا ولو وافقت نضم الشركات لان قوتنا فى وحدتنا

صفيه :لا

ميرال بتعجب :ليه

صفيه :انا مش هستحمل اقعد مع اسماء وصديقاتها

ضحك الجميع

اسماء :حبيبتى ياصفصف متقلقيش ياحبيبتى لقيت حد غيرك نعمل فيه المقالب خير ربنا كتير

كامل :قولت إيه ياعصام

عصام :موافق طبعا رايك ياعمار

عمار :موافق طبعا بس ربنا يستر ومقتلش اسماء

اسماء :مازن هو انا مش مراتك مترد ياخويا عليهم

مازن :بصراحه هرد اقول أيه ياريت عمار يقتلك وأرتاح

ضحك الجميع عليهم وكانت السعاده تغمرهم جميعا

............... ..............

فى فيلا توفيق الشاذلى

كانت تجلس فى غرفتها مع زوجها وتتمنى ان تددوم السعاده فى حياتها

لاحظ شرودها

ياسين :مالك يامليكه سرحانه فى أيه

مليكه:فرحانه بالسعاده ألى انا فيها انا وإنتا وغسق فى مكان واحد

ياسين :عارف أنك تعبتى كتير فى حياتك بس اوعدك عمرى ماهزعلك ابدا

مليكه :بالرغم من وجعى بس كنت حاسه أن فى يوم هتيجى وتعوضنى كل ده بحبك ياياسين

ياسين :قلب ياسين وحياته كلها

مليكه :ياله ننزل زمان غسق معذبه عمى

ياسين :ننزل تحت فين يامليكه

مليكه :تحت ياياسين إنتا فقدت الذاكره ولا أيه

ياسين :هى روان قالتلك هتبقى طبيعيه إمته

مليكه بتفهم :ياسين ألى حصل زمان اثر عليا نفسيا وانا تعبت منه كتير ياياسين انا كنت دايما بقوم من النوم مفزوعه كنت دايما بحلم أنى فى وسط غايه وفى شخص بيمسك أيدى وفجأه تهجم وحوش والشخص ده يسيب أيدى كنت كل يوم بحلم بنفس الكابوس حتى بعد مارجعت كنت بحلم بيه لسه من يومين بس قدر الشخص ده ينقذنى عارف الشخص ده مين

ياسين :مين

مليكه بدموع :ميرال هى الشخص ده ياياسين انا بخاف وخايفه من العلاقه بس وجودك جنبى هيطمنى خلينى أحس بالامان واطمن ومخافش من بكره وأنا معاك

ياسين باس إيديها :اوعدك هبقى امانك فى الدنيا ومش هسمح لحد يإذيكى يامليكه

ويعد ذلك قام بإحتضانها خجلت مليكه وبعد ذلك أخرجت نفسها بكل هدوء

مليكه :طب ياله ننزل تحت

ياسين بهزار :بكره تندم ياجميل

مليكه:لا مش هندم ياخويا

ياسين :اهوه ده إلى انا كنت عامل حسابه الناس تسمعنا منظرى هيبقى وحش

ضحكت مليكه ونزلو ألى الاسفل

كان يلعب مع مليكه وكان يجلس معهم ايضا ادهم

مليكه :غسق غلبتك طبعا ياعمى

توفيق :دى غسق دى احلى بنوته شوفتها فى الكون كله حبيبت جدو

غسق:غسق شاطره ومش بتتعب حد يامامى

ادهم :غسق قمر وبتحب ادهم اكتر واحد صح

غسق :لا بحب مامى ميرال اكتر حد فى الدنيا

ادهم :لا انا بحب ميرال أكتر منك

غسق :خليت حلو كده وأسكت ميرال حبيبتى انا

ادهم :بلطجه ببلطجه بقا ميرال بتاعتى انا بس

ياسين:يكملك بعقلك ياادهم


توفيق :ربنا يفرحكو ياولاد

................ ............. ......

عند عائشه وحسام فى شقتهم كانت تتخانق معه بسبب معاكسات الفتيات فى الجامعه

عائشه بزعيق :وحضرتك كنت مبسوط بالمعاكسات بتاعت البنات صح

حسام بنفاذ صبر :هفرح بالمعاكسات ليه من قبل كده حرجتها وقولتلها إنك مراتى

عائشه :يبقى لازم اضربها بكره فى الجامعه علشان تتلم

حسام بمكر :ليه كل ده

عائشه :علشان جوزى

حسام:إيه يعنى جوزك

عائشه :بص بقا أنتا جوزى ومش هسمح لاى واحده بإنها تقرب منك ماشى وافهم إلى تفهمه

جذبها حسام من ذراعها:افهم ايه

تلبكت عائشه من قربه لها :حسام سيب إيدى

حسام :قوليها تانى

عائشه :سيب إيدى

حسام بنفى :لا حسام اول مره احس إن أسمى حلو كده

ترك حسام يدها وظل يقترب منها حتى ألتصقت بالحائط تلبكت بشده :إبعد عنى

حسام بتوهان :بجبك

عائشه ببلاهه :ها

حسام بغمز :بحبك

عائشه بحب وتوهان وهى تنظر فى عينيه :بجد ياحسام بتحبنى وانا كمان بحبك

أقترب منها حسام بشده وألتقت أعينهم وذهبو ألى عالم خاص بالعشاق وأصبحت زوجته

............ ............ .....

فى قصر الجمال كانت نائمه فشعرت بالجوع

اسماء لنفسها :يادى النيله انا جوعت وهلاقى اكل دلوقتى فى البيت ده الأحسن انزل المطبخ اقلب فيه براحتى

وبالفعل نزلت أسماء واخذت تخرج الأشياء من الثلاجه

وجلست لتأكل

اسماء لنفسها :الله على الأكل فى الوقت ده مزاج من غير ماحد ياكل معانا ويقرفنا

رفيف بضحك :إلى ياكل لوحدوه يزور

اسماء :تعالى كلى ياختى

بيسان :لوحدكم ياأدندال

اسماء:أحييه بجد كلكم جيتو تاكلو

أميره:أستنو خدونى معاكم انا جعانه انا كمان

جلسو يأكلون الطعام ويتجاذبون الاحاديث

فى هذا الوقت تجمع الشباب ونزلو ألى الأسفل ليرو من أين يأتى هذا الصوت

صارو بإتجاه الصوت وصلو ألى المطبخ

شادى بصدمه :حفلة اكل مش تعزمونا يابنات

مازن :إيه إلى أنتو عملينو ده

اسماء :بناكل ياجدع

أدم :وفى حد بياكل فى الوقت ده

اسماء :حامل ولازم أتغذى ياعمونا

معاذ :وبالنسبه للبقية البنات

رفيف :صحبتنا وبنساعدها

اميره وهى تاكل :احلى مساعده دى ولا إيه

بيسان :بت يااسماء احدفى اللانشون من عندك

شادى :يانهار ياجدع إجرى ليكلونا

اسماء :متخلوش حاجه تعطلكو يابنات ركزو

ضحك الشباب عليهم

.............. ................

فى اليوم التالى فى قصر الجمال

اتى شخص لمقابلتهم اخبرهم الحارس بذالك وسمحو له بالدخول

الشخص:انا الدكتور مصطفى عز

ميرال :تشرفنا بحضرتك

مصطفى :فى حاجه حصلت زمان وكنت خايف اجى اقولها بس لما الشخص ده إتمسك جيت أبرى ذمتى

ميرال :تقصد حسن

حزنت اميره لان ماضى والدها يلاحقها فى كل مكان

مصطفى :اه زمان حصلت حاجه ولازم أحكيها وحسن كان مهددنى بقتل عيلتى

فلاش باك

بعد ما قتل زوجها وخطفها وإكتشف حملها كان يريد الزواج منها كان يريد إجهاض الطفل الذى يسكن أحشائها ولكن هذا الطبيب اقر بين نفسه ان لايسمح بقتل هذا الطفل

مصطفى :للأسف الجنين بقى فى الشهر الرابع معدش ينفع

حسن بزعيق :حاول يادكتور

مصطفى :للأسف معدش ينفع

باك

كامل :وليه بتحكى لينا كل ده

مصطفى :الطفل ده حسن كتبه بإسمه كانت بنت

ميرال :مش فاهمه

مصطفى :يعنى والدة حضرتك إلى بحكى عنها ووالدتها البنت وحسن كتبها بإسمه وبعد فتره مامتك ماتت والبنت فضلت مع حسن

اميره :إوعى تقول أن انا البنت ديه

يُتبع ..

reaction:

تعليقات