القائمة الرئيسية

الصفحات

رواية وخضعت للحب الفصل التاسع عشر 19 بقلم أروى الشرقاوي

 رواية وخضعت للحب الفصل التاسع عشر 19 بقلم أروى الشرقاوي

رواية وخضعت للحب الجزء التاسع عشر

رواية وخضعت للحب الفصل التاسع عشر 19 بقلم أروى الشرقاوي


رواية وخضعت للحب البارت التاسع عشر

وخضعت للحب
الفصل التاسع عشر
بقلم.....اروى الشرقاوى
فاقت من نومها لم تجده بجانبها بحثت عنه فى الغرفه لم تجده ايقنت وقتها أنه رحل ذهبت ألى الحمام توضأت وصلت فرضها وخرجت من الغرفه وجدت روان منشغله ببعض الأوراق
عائشه :صباح الخير
روان بإنتباه:صباح الفل ياعروسه
عائشه :فين حسام
روان :راح شغله من بدرى وعنده محاضرات فى الجامعه يومه مشغول وبعدين تعالى هنا مش ده جوزك إشغليه بيكى ياختى مش فضيالكم
عائشه :مهو ان كنت نايمه
روان :هو قالى اقولك إنه هيتأخر وممكن تتقابلو فى الجامعه مش هو الدكتور بتاعك
عائشه :يالهوى نسيت الجامعه
روان :عائشه لسه بدرى الفطار عندك إفطرى الأول فين اهلك
عائشه :اهلى ماصدقو إنى مشيت محدش عايزنى فى الدنيا ديه حتى حسام صعبت عليه وقال يتجوزنى
روان:هو الجواز بقى كده يارب حد اصعب عليه ويتنيل يتجوزنى
عائشه بضحك :حسام عارف عنى كل حاجه
وقصت عليها حكايتها عدا الجزء الخاص بوالدتها
روان :فين مامتك
عائشه بحزن :عايشه
روان بتعجب :عايشه ومسألتش عليكى
عائشه بحزن :اه متجوزه ورمتنى لمرات أبويا وعملو فيا ألى حكتلك عليه
روان :متظلميهاش ياعائشه جربتى تقعدى معاها وتكلميها
عائشه: جربت تكلمنى كتير بس انا رفضت
مش قادره أنسى
روان :تنسى إيه بالظبط
عائشه :مش فاهمه
روان :يعنى ألى باباكى بيعملو فيكى هو ومراته عقلك حلله أن مامتك سببه يعنى لو مكنتش إتطلقت كنت هتعيشى حياه تانيه
وفى حب اسرى بس ليه دايما المجتمع بيحمل الست سبب فشل العلاقه ليه السبب مش من الراجل يعنى لو والدك كان شخص كويس كان على الأقل عامل بنته كويس ليه الست لازم تستحمل طبع راجل متسلط جشع علشان الأطفال مع إن الاطفال إلى بيعيشو فى مشاكل أسريه بيبقو اطفال غير مؤهلين نفسين إنما لو الزوجين إختلفو لأسباب ما ومفيش قدره على انهم يعيشو مع بعض الأنفصال بيبقى فى الوقت ده أفضل والأطفال يعيشو مع طرف فيهم وحياتهم بتبقى افضل أنما الواضح من كلامك إن مرات ابوكى أنسانه مش كويسه حاولى تقعدى مع مامتك تفهمى منها
عائشه بتفكير :كلامك جميل بس انتى فهمتى كل ده إزاى
روان :أنا دكتوره نفسيه ياحبيبتى
عائشه :خلاص بس توعدينى تيجى معايا وأنا رايحه أقابلها لأنى مش هعرف أقابلها لوحدى
روان :أوعدك إنتى مش عندك جامعه أتأخرتى
فرت عائشه من أمامها مسرعه
.. .......... ..... ............. ....
فى مكتبها كانت تفكر فيما ستفعله حتما ستجعل هذا العدو يندم على تحديها والوقوف امامها من هو ليقف فى وجهها هذه الميرال يخشاها الجميع يتجرا هذا الشخص على تحديها ومحاولة تحطيم عائلتها يبدو ان عقله صار بيه شئ
قامت بالأتصال بأحدهم
عمار :بنت حلال كنت هكلمك
ميرال :اخلص ياعمار عملت أيه
عمار :عملت المطلوب كله ياميرال تلميذك ياكبيره
ميرال :مش عايزه غلطه ياعمار أرجوك مش هسمح بكل ألى عملته يروح على الأرض
عمار:متقلقيش الشحنه وصلت خلاص وضاحى راح يستلمها بإسمه
ميرال:كده تمام بلغت البوليس
عمار :حصل اتصلت بالبوليس وعرفتهم لعب ضاحى فى الشحنه
ميرال :وانا هخلص من الكلب ألى هنا وراه علطول
عمار :اهوه الى عندك ده مكنش فى دماغ حد الكلب ده
ميرال :كشف نفسه المهم دلوقتى هقفل معاك علشان ابلغ البوليس
وقامت ميرال بإبلاغ الشرطه عن أحدهم
جلست تنتظر وصول الشرطه لتكمل مابداته ولتعطى هذا الشخص درس لن ينساه
دخلت الشرطه شركة ميرال وصارت حالة فزع لدى الجميع واخذو يتسألون ماذا تفعل الشرطه هنا
دخلت الشرطه مكتب احمد تفاجأ من وجودهم وتعجب
احمد بتعجب :حضرتكم بتعملو ايه هنا
الضابط :جاين ناخدك ياله معانا من غير كلام
احمد:انا ليه
الضابط:حضرتك متبلغ عنك اختلست من الشركه مبلغ تلاته مليون جنيه مصرى
احمد بصدمه :أنا لا اسألو ميرال هانم انا عمرى ماعمل كده
اتت ميرال وهى تمثل الحزن :لا عملت ياأستاذ احمد انا زعلانه بجد ليه عملت كده فيا جيت طلبت فلوس وانا حوشتها عنك ليه تسرقنى
احمد بصدمه:انا معملتش كده
احمد وهو يتذكر :اه مش الفلوس ديه الى ادهم الشاذلى خدها الشرط الجزائى بتاع عقد فض الشراكه
ميرال بتعجب :فض شراكه ليه انا عمرى مافكرت اعمل كده
احمد بصدمه :نعم ادهم واخد الفلوس قدامى ممكن نراجع الكاميرات ونشوف
ادهم وهو خارج من الشركه
وبالفعل ذهبو ولم يجدو شى فى الكاميرات
تعجب أحمد من كل هذا ومن فعل ذلك به
أخذوه الى قسم الشرطه وذهبت بعده ميرال مباشره
وصلو جميعا قسم الشرطه
الضابط :إنتا ليه مصر على ان كل ده حصل مع ان مفيش اوراق تثبت صحت كلامك
أحمد لنفسه:لعبتيها صح يابنت الجمال ودخلتى البوص السجن بس متعرفيش ورايا رجاله تاكل الزلط اكيد ضاحى مش هيسكت
فى نفس الوقت على الجانب الأخر
وصلت الشحنه المينا واستعد ضاحى لكى يتسلمها ولكنه فوجئ بأفراد الشرطه يقومون بتفتشيها والكشف على ماتحمله وكانت المفاجأه ان هذه الشحنه تحتوى على الاطعمه الفاسده التى لاتصلح لاكل البشر قامت الشرطه بألقاء القبض على ضاحى وقامو بتفتيش المخازن التى يملكها ضاحى ووجدو هيروين بكميات كبيره

فى قسم الشرطه
ميرال:لو سمحت ممكن اتكلم معاه شويه يمكن يقولى مكان الفلوس وأتنازل عن القضيه إبن عمى خاطب بنت عمه
وبالفعل خرج الظابط وتركها معه
احمد بغيظ :عملتي معايا ليه كده
ميرال:أخص عليك المفروض انا الى أسأل السؤال ده مش أنتا ولا ايه يابوص
احمد بتلبك:بوص بوص مين
ميرال :البوص عيب عليك هو فى حاجه بتخفى على ميرال
احمد :وعرفتى امته
ميرال :للأسف عرفت متأخر
احمد بضحك :للأسف مش هتعرفى تثبتى عليا حاجه وقضية الأختلاس هطلع منها بكل سهوله
ميرال بخبث :ليه مش هعرف أثبت عليك حاجه
احمد :كل حاجه بأسم ضاحى يعنى انا بره الليله كلها
ميرال :والشحنات بتاعتك الاطعمه الفاسده مش تبعك
احمد :تبعى طبعا بس اثبتى بقا إنها بتاعتى
ميرال :والمخدرات إلى كانت فى المخازن عندى
احمد:دى كمان عرفتيها
ميرال :طبعا ده غير المشاكل بتاعت عيلتى والمافيا ألى انتا بتتعامل معاه وتحريضك على قتل ياسين الشاذلى وقتل ساندى الرواى
احمد بصدمه :عرفتى كل ده إمته
ميرال :دى شغلتى بقا بس إيه رايك سبتك تلعب براحتك وانا فى مكانى
احمد :ضاحى هيطلعنى من هنا
ميرال بضحك :للأسف ضاحى محتاج حد يطلعه من هنا هو يوه نست اقولك شحنة الاطعمه الفاسده أتمسكت فى المينا وضاحى موجود مع الشرطه دلوقتى والمخدرات إلى كانت فى المخازن عندى سبحان الله بقت عند ضاحى فى المخازن بتاعته ياحرام بس يستاهل الصراحه
احمد :شيطانه
ميرال :الشيطان الى بيدمر الناس علشان الفلوس
احمد :انا بكرهكم كلكم بكره عمك وتوفيق وعصام وكل ده علشان أشوفهم قدامى بيتدمرو
ميرال :لا عشت ولا كنت لما تدمرهم وأنا موجوده عملو ليك أيه للكره ده
احمد :كانو السبب فى موت بابا زمان خسروه كل فلوسه
ميرال بوجع :والدك إلى موت اهلى عمك معملش معاه حاجه هو ألى كانت سمعته وحشه علشان كده الناس بطلت تتعامل معاه انا سألت عمى وعرفت كل الحقيقه منه
أحمد:بابا لايمكن يعمل كده كدابه
فى هذا الوقت دخل عمه حسن :ميرال مش كدابه فعلا والدك عمل كده الله يرحمه
وإنتا زيه ليه يابنى كل ده
احمد :عايزنى أشتغل موظف ومرتبى يدوبك يعيشنى انا وبنتى
حسن :يعنى دلوقتى إنتا كويس
احمد :كويس وهطلع من هنا قريب
دخل الضابط فى هذا الوقت :ده كان قبل ماتعترف بنفسك وضاحى يعترف عليك
تفاجأ احمد من الذى قاله هذا الضابط وبعدها اخذوه وألقوه فى السجن
اخذت ميرال حسن وذهبت الى القصر وكان الجميع فى أنتظارها
حسن :ميرال يابنتى أبن اخويا غلط فى حقكم كلكم والأعتذار لوحده مش هينفع

اميره بحزن :معاذ انتا مش مجبر تكمل معايا بعد كل ده
معاذ :ليه بتقولى كده أنتى ملكيش دعوه بكل ده انا مش هحاسبك على حاجات ملكيش ذنب فيها
ميرال:عم حسن إنتا من يوم شغلك فى الشركه معملتش حاجه وحشه تخلينى أحسبك على حاجات إنتا ملكش ذنب فيها وأنتى يااميره مينفعش تقولى كده
اميره:ألى احمد عمله يجبرنا نقول كده ياميرال
معاذ :الحب يقدر يتخطى كل ده
أميره بفرحه :حب
ميرال:ابوها واقف ياموكوس
ضحك الجميع على كلامها
............ ............... .........
فى الجامعه
رفيف :بت ياعائشه هتدخلى محاضرة جوزك
عائشه :اكيد طبعا يرضيكى يقولى فى البيت كنتى فين ياهانم ومحضرتيش المحاضره برستيجى ياأختاه
رفيف بضحك :والله مجانين أتجوزتو فى سواد الليل مجانين على حق
عائشه :طب ياله على المحاضره هطلق فى الصباحيه ياوليه
دخلو المحاضره وبعد فتره دخل حسام
البنات ركزو مع حسام جدااا وعائشه عايزه تولع فيهم وسمعت البنات ألى وراها بيتكلمو عليه
البنت:يالهوي الدكتور ده موز اخر حاجه
البنت التانيه :أنا سمعت أنه كان فى لندن
البنت :هى لندن بتحدف علينا موزز حلوه ليه كده
البنت التانيه:وحلاوته بقا مش متجوز
البنت :ده بجد يعنى أوقع
البنت التانيه :ياله ياقمر وقعى
عائشه بغيظ :لاسبينى عليها اقتلها بنت المبقعه
رفيف :أهدى ياوليه
عائشه :هديت إما نشوف أخرتها إيه
وبعد فتره انتهت المحاضره رحل الجميع عدا هؤلاء الفتيات ورفيف وعائشه
البنت :لو سمحت يادكتور انا مش فاهمه النقطه دى
عائشه:مهو حضرتك لو كونتى مركزه فى المحاضره كونتى فهمتى
البنت :عائشه محدش سمحلك تتكلمى
حسام :عائشه تتكلم براحتها
البنت :ليه
حسام :مراتى وتتكلم وقت ماتحب
تركتهم البنت ورحلت فرحت عائشه بشده وفرحت رفيف لصديقتها بشده
...................... ...............
كانت تجلس وتنظر للسماء صديقتها وتخبرها بأن حياتها اصبحت صافيه مثلها
دخل القصر وجدها شارده تنظر للقمر تحمحم فأنتبهت له وجدته ينظر لها (لماذا تنظرين للسماء وانتى صافيه مثلها وهذا القمر سيخجل من جمالك لان جمالك لايوجد مثله فى هذا الكون لايوجد سوى اميرتى قمر تنير حياتى أتمنى ان تعودى ألى وتظلى فى حياتى مثل هذا القمر فى السماء يفترقان ولكن لايستطيعو الأبتعاد )
قامت لتذهب
ادهم :ارجوكى ارجعيلى بحبك ياميرال حياتى من غيرك ملهاش معنى مليكه سامحت ياسين بعد ألى عمله فيها ليه مش عايزه تسامحينى
ميرال :انا مش مليكه
مليكه من خلفهم :مالها مليكه ياختى
ياسين :قمر ياناس
شادى :متتلم ياض مش مالين عينك ولا ايه
ادم:ياسين خف العسل شويه
رفيف :ياعينى عليكى يالوكه
مليكه:شوفتى ياسين وهو مسحول
ميرال :هو انتو متجمعين ليه مش مرتاحه
بيسان :أقولك انا ياميرال
ميرال :قولى يابيسان ياقمر
شادى بخوف :لا البت دى بتهزر ياله يابوسى ياحبيبتى علشان تنامى
بيسان :لا مش عايزه انام هقول لميرال
معاذ بتحذير :بيسان عندك مذاكره ياله شوفيها
ميرال:قولى يابيسان فيه ايه
رفيف بصوت واطى :إتفقتو على ميرال بخاطركم بقا
بيسان:الناس دى إتفقت عليكى وانا متفقتش معاهم عليكى
ميرال :اتفقو على ايه
بيسان :اتفقو أننا نتجمع هنا ونخليكى تسامحى ادهم
ميرال بفرحه داخليه ولكن ادهم فعل شى خاطى ولابد من دفع الثمن:وانا مش موافقه ارجعلك ياادهم عن إذنكم
بيسان بخوف :إستنى ياميرال خدينى معاكى هيقتلونى
شادى مسكها من قفاها :عن إذنكم ياجماعه بيسان محتاجه ظبط زوايه بس
معاذ :محتاج مساعده
بيسان :عيل واطى
ادم :شادى محتاج حاجه
بيسان :رفيف متحوشى أخوكى ياختى مش شيفاه هيعلقنى ياختى
مليكه :تستاهلى روقها ياشادى
اخذها ورحل وفى هذا الوقت أتى عمار
عمار:سلام عليكم
ياسين :عمار تعالى ياخويا القاعده ناقصه رخامتك
عمار :رخامتى صدق عيل غتت انا جاى لميرال
ادهم :إزيك ياعمار وحشتنى ياصاحبى
عمار حضنه وفرح انه رجع لصاحبه تانى
عمار :انا اسف ياادهم بس إنتا عارف انا كنت بحب ساندى قد إيه ياريتها كانت موجوده والكلب هو إلى وقعنا فى بعضنا وكانت الضحيه ساندى ميرال فين
رفيف :فوق
عمار :عن إذنكم
مليكه :عمار ساندى لسه عايشه
وقف مكانه بذهول وكذالك الجميع
عمار بذهول :عايشه
مليكه :ساندى مامتتش خافت منهم وعملت عملية تجميل موتها لعبه مش حقيقه
عمار بحزن :عايشه كل ده وسيبانى اتعذب يامليكه انا مش عايزها ومش عايز اعرفها عن أذنكم
تركهم وذهب الى ميرال حزن الجميع على حاله
حزن ادهم بشده لرفض ميرال مسامحته ولكن ميرال ليست بالمراه الضعيفه لمسامحته بكل سهوله ولكنها قويه وتحتاج لوقت طويل لمسامحته

يُتبع ..

reaction:

تعليقات