نوفيلا يوميات اتنين مجانين الحلقة الثانية 2 بقلم حبيبة محمد

 نوفيلا يوميات اتنين مجانين الحلقة الثانية 2 بقلم حبيبة محمد

نوفيلا يوميات اتنين مجانين الجزء الثاني 

نوفيلا يوميات اتنين مجانين الحلقة الثانية 2 بقلم حبيبة محمد

نوفيلا يوميات اتنين مجانين البارت الثاني 

نوفيلا 💙

يوميات اتنين مجانين💙

(محمد، ريم)

الحلقة الثانية💙

(الكوره) 💙

********************

:محمد هو لو نموسه قرصتني وراحت اتجوزت وخلفت عيال والدم بتاعي في جسمها دول هيكونوا عيالي ولا عيال النموسه إلى اتجوزتها؟

:نامي يا ريم نامي ربنا يهديكي يا يهدك

:طب هو أول واحد كان بيحلق مين اللي كان بيحلقله؟!

:يارب صبرني نامي يا بنتي وسيبك من اسئله نص الليل دي

:محمد هو لو انا اتجوزت ابوك وانت اتجوزت امي انت هتقولي ايه وانا هقولك اية؟!

:يا بنتي عندي شغل بكره اتهدي بقى

:محمد....

:واللهي لو ما نمتي لأقتلك واخلص البشريه منك ومن شرك فاهمه

:تقتل مين يا عنيا لاااا فوق ده انا اقتلك واقطعك واحطك في أكياس واعينك في الفريزر وكل يوم اطلع حته منك اطبخها واكلها فوق لأفوقك يا عم المنبه

:اااااييييه متجوز جزار

:لا متجوز ريم قهقهقهقه

:يلعن ابو دي ضحكه يا شيخه

:عارف يا محمد

:امممممممم

:انا قرأت معلومه جديده من على الفيس انهارده اقولهالك

:ايه قولي وانجزي عشان انام

:تعرف ان..........

:أن ااااييييه؟!

:تعرف ان العصفور بيطير وههههه وهههههه

:انا عملت ايه ياربي في حيااتي يا بركه دعاكي يا اما

:انت بتلطم يا محمد ليه؟!

:بلطم على بختي المايل

:ولما هو مايل ما تعدله وهههههه وهههههه

:حد قالك قبل كده انك رخمه

:اه ماما وبابا قالوها كتيرر

:هو انتي جايه من كوكب الأرض زينا كده يا ريم

:امال جايه من زحل يا عينيا

:ريم نامي ربنا يا يهديكي يا ياخدك

:ومش ياخدك انت ليه اشمعنا انا لا فوق ده في عدل بين المرأه والرجل الا صحيح يا محمد

:اتخمددددي عاااايز انام عندي شغل بكره

:طيب الله متزعقش هنام

.............................................................................

:محمد

:امممممم

:محمد

:اااااااييييه

:في خيال بيبص عليا هناك

:بيتهيقلك

:طب شغل النور

:..............

:عاااااااااا عفرررريت

قام مفزوع بيبص حواليه ومره واحده شغل النور وبص على ريم اللي استخبت تحت البطانيه مسح على وشه بغيظ منها ومن عمايلها بس الحب بقى

:هو انتي بتتفنني بطريقه تصحيني بيها؟!

:ععاااااا والله كان عفريت وعيونه حمرا وبيبص عليا وبيبرقلي كأني قاتله ليه قتيل

:يا بنتي واللهي ما فيه حاجه نامي يلاااااا

:طب بص خدني في حضنك وهنام ومش هتسمع صوتي

نام تاني وشدها لحضنه وهيا غمضة عينيها وهو فضل يبص عليها وهيا نايمه زي الأطفال ويبتسم على عمايلها بالرغم من أنها هتجننه وهتجيب أجله بس على قلبه زي العسل

...............................................................................

واقف قدام المرايا بيعدل بدلة الشغل بتاعته لقاها داخله وبوزها قدامها مترين قعدت على السرير وبتبص عليه وعينيها بطلع شرار

:ايه بتفكري هتموتني بالسكينه ولا المقص؟!

:انت بتخوني يا محمد صح؟!

:ريم حبيبتي انتي كرهتيني في صنف الحريم كله

:قصدك انك بتكرهني؟!

:لا يا روحي انتي حاله خاصه

:انت مش بتخوني ليه طيب زي الرجاله؟!.

:عشان دول مش رجاله

:يعين انت اللي راجل؟!

:ريممممممم

:متاخدش بكلامي انا عيله هتعمل عقلك بعقل عيله هتمد ايدك على نسوان؟!

:ما هو اللي مصبرني عليكي انك عيله

:انت بتغلط فيا؟!

:هو انتي مش لسه قايله كده من شويه؟!

:انا اقول اه إنما أنت لا

:اللهم طولك يا روح

:انت بتدعي عليا اكمني مكسوره الجناح وطيبه بس انا ماشيه

:انتي طيبه انتي؟!! واللهي هتخشي جهنم بكذبك

:وانت معايا اكيد يا ابو العيال

:ربنا ياخدك

:ربنا يهديك

:حسبي الله ونعم الوكيل

:طلع البدر علينا

..................................................................................

رجع من الشغل فتح الباب براحه مستعد لأي مقلب من مقالبها الحمد لله مفيش حاجه هنا لسه هيتحرك لقى نفسه اتشقلب في الجو ووقع على الأرض

:حبيبي ايه اللي وقعك زي الجردل كده مين الوحش اللي عمل فيك كده ؟

:يا شيخه ادعي عليكي بأيه وانتي فيكي كل العبر

:كده يا محمد أهون عليك وانا مراتك حبيبتك

:ما هو اللي مخليني استحمل جنانك انك مراتي حبيبتي

:تسلم يا أبو العيال (ورملته بوسه في الهوا)

:ايدك معايا اقوم

:ليه اتشليت ولا اتشليت ما تقوم لوحدك

:يا بت خليكي رومانسيه معايا شويه

:متقوليش بت

:امال اقوم يا واد

:لا قولي يا طعمه

:ايه طعمه دي!!

:وه هو انا مقولتلكش

:لا واللهي محصليش الشرف

:انا غيرت اسمي من ريم لطعمه

:ما هو ده اللي كان ناقصني

:محمد

:يا نعمممم

:بجرب صوتي قهقهقهقه

:هتسيبيني مرمى على الأرض كده كتير

:لا طبعا متجيش ايدك معايا

َمسكت ايده وقفته راح ماسكها من شعرها

:بقى انا بتقولي عليا جردل

:فشر ده انت سيد الجرادل كلها سيبني يا باشا

:عارفه انا هعمل فيكي ايه

:ايه؟!

:شايفه البتاعه اللي هناك دي هعلقك عليها وهلزق بوقك ده عشان اسمع الماتش في هدوء

:بص واللهي هقعد ساكته ولا نفس هتسمعه

:متأكده

:متأكده هو انا عيله هرجع في كلام

................................................................................

:اووووف تسلل

:يعني ايه تسلل دي؟!

:يعني مجتش جول

:وهو ايه الجول ده؟!

:الكوره تدخل في المرمى ده

:طب وهيا مدخلتش ليه؟!

:لأن الغبي اللي واقف في خط ال١٨ المفروض كان هو اللي يستلمها

:١٨ ااايه

:ال..... وانتي مالك بتسألي انتي مش قولتلي هتسكتي

:الله بنمي معلوماتي

:معلومات؟! والله أشك أن عندك معلومات اصلا

:مسمحلكش

:بس بس....... ج. ج. جوووووووول

:ايه جابوا جول

:اه

:مين اللي جابه

:عماد متعب

:مش ده اللي بيلعب في ليفربول

:ليف... ريم اسكتي واللهي مراتي يدوب

:انا قايمه اعمل فشار

:اقعدي اياكي تخشى المطبخ

:واللهي يا ابو العيال ما هعمل حاجه

حس بغيابها وهو عارف غيابها ده بمعنى مصيبه هتحصل قام وقف براحه ودخل المطبخ لقاها قاعده قدام باب التلاجه ومطلعه علب ايسكريم وقاعده تاكل فيها ووشها متلحوس زي الأطفال

:مرارتي..... قلبي هممووووووووووت

:موت بعيد عني متقرفنيش انا باكل

:يا ريم انتي تخنتي ياماما

:انا رشيقه وهفضل طول عمري رشيقه

:اه رشيقه بنت خالتك قومي يا بت واقفلي التلاجه

:وانت ماااالك هو انا باكل من بوقك

:بوقك؟! هو انا متجوز رجب صاحبي

:وه انت متجوز عليا؟!

:انا بقول علي سبيل المثال

:سبيل المثال؟! الله يرحم جدك كان مفكر مروحه الخلاط بتجيب هوا

:مروحه الخلاط؟! انتي بتجيبي المصطلحات دي منين؟!

:مش هقولك عشان مش تروح تجيب زيهم

:يارب اني لا اسئلك رد القضاء ولكن اسئلك اللطف فيه ياااااارب

:يطلعلك دب وههه وهههههه

وهوب يقع محمد من طوله على الأرض وقفت وقربت منه وهيا بتبص عليه وفي أيديها عليه الايسكريم تحط معلقه كبيره في بوقها

:شكله مات يلااا مع السلامه وفر

وتدوس على بطنه وتطلع وهو يفتح عينه ويلطم في صمت

************************************************

:عاااااا نزلني يا محمد

:ابدااا هتفضلي متعلقه هنا كده لحد الصبح

:يهون عليك تسيبني متعلقه في نص الصاله كده!

:يهون عليا اه كسرتي الشاشه ااااااه منك ااااااه امال لو خلفتي هعمل ايه

:انا كنت بلعب بالكوره عادي هيا اللي خانتني وطلعت على الشاشه

:يعني مش انتي اللي شوطتيها؟

:تؤ تؤ هيا اللي خانتني

:تمام على كده بقى خليكي هنا للصبح باااي

:يا امحممممد...... امحمددددددد طب هات بطنيه طيب اي حاجه طيب يا ابوووو العياااال على كده انام بقى

يُتبع ..

• لقراةءة الفصل الثالث : اضغط هنا 

تعديل المقال