رواية صفقة على مطلقة الجزء الحادي عشر 11 بقلم كوكي سامح
رواية صفقة على مطلقة البارت الحادي عشر
 |
| رواية صفقة على مطلقة الجزء الحادي عشر 11 بقلم كوكي سامح |
رواية صفقة على مطلقة الفصل الحادي عشر
زاهر.. بقولك ايه متعصبنيش من الاخر كده انتى
مش هتكونى لغيررى يا بنت الناس
زهره.. وانا مش عاوزاك واتفضل اطلع بره..
فى ڤيلا منسى..
كاميليا دخلت وكانت بكامل اناقتها
منسى قام من مكانه وقال :
اتفضلى مين حضرتك ويارب يكون خير!
كاميليا قعدت على الكرسى وكانت مرتبكه وقالت :
كل خير يا منسى بيه احب اعرفك بنفسى
انا كاميليا بشتغل فى شركه رجاء وعادل
اكبر منافسين ليك فى السوق
وكنت حابه اتكلم مع حضرتك فى موضوع
يخص شركتك اللى ممكن تطير فى اى لحظه
رد عليها وضحك بسخريه وقال :
انا شركتى تضيع يبقى انتى متعرفيش
منسى ووضعه فى السوق
وابتدى وشه يتغير وقال بكل فخرر وتكبر
انا منسى حوووووووت السوق كله
واللى يقرب منى أكله بسنانى أكل!!
وقرب منها ومسك ايد الكرسى بغيظ
انا مليش عزيز ولا غالى واللى يقف فى طريقى
انسفه من على وش الأرض فاهمه
كاميليا خافت من ريأكشن وشه وطريقه كلامه
وارتبكت اوووى وحاولت تبين انها متماسكه
وقالت : منسى بيه الظاهر كده الجلاله خدت
حضرتك ومسألتنيش اشرب ايه ومسكت ايده!
رد وقال : ازاى يا مدام ثوانى تحبى تشربى ايه
كاميليا قالت بصوت واطى : انسه انا لسه انسه!
رد وقااال : المهم تشربي ايه؟
.. قهوووه وياريت تكون ساده
منسى قال للشغاله تعمل اتنين قهوه
كاميليا بتكلم نفسهاااا
ياااه كل دى ڤيلا انا حاسه انها قد الشارع بتاعنا
ده احنا مش عايشين فى الدنيا دى خالص
منسى واللى زيه هما دول بس اللى شافوا
الدنيا وحلاوتها من فلوس وأكل وشرب وعربيات
إنما أنا واللى زيى ملناش مكان فيها
منسى.. اتفضلى يا انسه كملى كلامك
ممكن اعرف حضرتك عاوزانى بخصوص ايه؟
كاميليا بصت شمال ويمين وقالت :
يا ترى يا منسى بيه احنا لوحدنا
منسى.. زى ما حضرتك شايفه مفيش حد معانا!
ممكن ندخل المكتب لو تحبى
كاميليا.. لا لا انا بس بطمن
لأن الكلام اللى انا وحضرتك هنتكلم فيه دلوقتى
كلام خطير جدا ومش هينفع حد غيرك يعرفه
منسى.. ما تتكلمى على طول مالك كل كلامك
الغاز ومش فاهم منه حاجه؟؟!
كاميليا قربت منه وقالت وهى بتوشوشه
اوعدنى ان محدش يعرف بأى كلمه هقولها
رد بعصبيه وقال : يا ستى ما تتكلمى وخلصينى
وبعدين تقصدى مين اللى مش عاوزاه يعرف
كاميليا.. عادل بيه.
منسى : حاضر مش هيعرف حاجه اتفضلى
انا بسمعك
كاميليا.. فى عقربه عندك فى الشركه اسمها زهره
كانت شغاله معانا فى شركه عادل هى زميلتى
كانت كول سنتر
منسى قام وقف ومذهول من كلامها
كاميليا.. اقعد يا بيه لسه التقيل جاى
منسى.. انتى تعرفى زهرره منين؟
كاميليا.. ما بقول لحضرتك كانت شغاله معايا
كول سنتر فى شركه عادل ورجاء
المهم بقى ان عادل طلب منها تسرق من شركتك
أوراق الصفقه الجديده كلها وتنقل كل اخبار
الشركه لشركتنا عصفوره يعنى
منسى.. معقول!؟
كاميليا.. وكمان طلب منها لما تسرق الورق
توديك فى داهيه
منسى.. وانتى عرفتى الكلام ده منين؟!
كاميليا.. سمعته وهو بيتفق معاها
يا منسى بيه زهره محلتهاش اللضدا زى كده
عادل أداها 100 الف جنيه علشان تظبط نفسها
ولسه كمان لما تسرق ورق الصفقه
منسى.. انتى عارفه انى هتجوز زهررره
وكمان اشترينا الشبكه انا وهى
يعنى هى دلوقتى فى مقام مراتى
ولو اكتشفت انك بتكذبى هقتلك بإيدى
كاميليا تنحت وقالت : انا مش بكذب
بس بجد هتتجوز زهررره
منسى.. ايوه اول الشهر
كاميليا.. كان نفسى اقول لحضرتك مبروك
بس مش هينفع البت دى هتكون دمار ليك
ولشركتك
منسى طلع من جيبه فلوس وقال :
خودى دول ليكى يا انسه
كاميليا.. شكرا يا منسى بيه بس انا طمعانه
فى حاجة تانيه اشتغل عند حضرتك فى الشركه
منسى.. بعدين بعدين
كاميليا.. ارجوك انا طمعانه فى كرمك
منسى.. انتى تعرفى حاجه تانى عن زهره
كاميليا.. البت دى اول ما قدمت فى الشركه
قالت للكل انها مطلقه مع انها متجوزتش من الاساس
انا واتنين من أصحابنا اللى يعرف بس
ولما سألتها قالت ليه كده رددت وقالت
المطلقه ملهاش بخت ولا حد بيبصلها
وهى مش عاوزه تتجوز لأن محلتهاش حتى تتجهز
منسى.. خلاص اتفضلى انتى دلوقتى يا انسه
بس عاوز رقمك علشان ممكن اكلمك فى اى وقت
وبعد ما خد منها رقمها وكاميليا مشيت
قعد على الكرسى وكان زى المجنون
وقال : هوريكى يا زهره الكلب
انا منسى حته بت ملهاش لازمه تضحك عليه
ومسك الفون واتصل ب زاهر
بس مردش عليه!
فى شقه زهره..
زهره.. قولتلك اطلع بره يا زاهر
.. انا مش هطلع وانتى مش هتتجوزى عمى
سامعه انتى ملكى انا وبس
وقرب منها وخد من ايدها علبه الشبكه وقال:
.. انا هجبلك احسن منها
.. ارجوك الموضوع مش شبكه وفلوس
منسى قدرنى ويلا بقى من هنا
انا ورايا 100 حاجه اعملها مش فاضيه
يا اخى الله
.. انا ماشى يا زهره بس ياريت تحكمى عقلك
سلام
وبعد ما خرج وقفل الباب وراه
زهره قعدت مكانها على الكرسى والدموع
نزلت منها زى المطره
فون زهره رن وكان عادل
رددت عليه وهى قرفانه وقالت من غير حتى
ما يقول الوووووو
يا عادل بيه ياريت نخلص بقى انا خلاص
اتخطبت لمنسى وهنتجوز اول الشهر
واظن مش هينفع اعمل اللى اتفقنا عليه
وقفلت فى وشه
فى ڤيلا عادل..
عادل مسك الفون ورماه وقال :
يا بنت الكلب انا هوريكى
احمد.. حرام عليك بقى سيب زهره فى حالها
هتعمل فيها ايه تانى مش، كفايه قطعت عيشها
من الشركه
رجاء.. احمد انت بتكلم خالك وطى صوتك
واتكلم بأدب
احمد.. حاضر يا ماما بس خالى هو اللى عمل فينا
كده وضيع زهررره من ايدى
عن اذنكم انا طالع اوضتى
وفعلا احمد طلع وهو مضايق وزعلان
على ضياع زهره من ايده
ومسك الفون وكلم زهره واتأكد منها
انها هتتجوز اول الشهر من منسى
وقفل معاها ونزل المطبخ وهو مش قادر
يتنفس من الصدمه وخد سم فيران
وبعد مرور دقايق خرج وماسك بطنه
وقال انا بموت ياماما ووقع من طوله على الارض
رجاء انهارت وعادل خدوا على اققرب
مستشفى ودخل طورائ
رجاء واقفه منهاره وبتقول ل عادل
ابنى لو مات هتبقى انت السبب
.. هيبقى كويس يا حبيبتى بس ياريت تهدى
الدكتور خرج وقال : انا اسف البقاء لله
رجاء.. اوعى تقول كده يا دكتور انا ابنى
عايش لا لا ده انا مليش غيره
ودخلت على غرفه الطوارئ
وشافت احمد نايم جثه هامده مسلم أمره لله
رجاء قربت منه وحضنته وقعدت تعيط
وتقول : قوم يا حبيبى يا ابن عمرى
ده انا مليش غيرك يا ابنى
انا عارفه انك زعلان منى بس خلاص
انا موافقه وراضيه تجوز زهررره بس قوم
يا ابن عمرى
الدكتور دخل وقال : اتفضلى برة مش هينفع كده
رجاء.. انا ابنى كان كويس ومات فجأه
الدكتور.. ابن حضرتك شرب سم فيران وانتحر
وقال فى اخر أنفاسه انه هو شربه
يعنى ابن حضرتك غضب ربنا وانتحر
رجاء وقعت مغمى عليها
فى ڤيلا رجاااء..
على صووت القرأن رجاء بتبكى على فراق ابنها
الوحيد وفى حاله نفسيه سيئه
عادل قرب منها وقال :
حبيبتى احمد عدى على موته اسبوعين
حاولى تتماسكى علشان شغلنا
رجاء قامت وهى بتبكى ومسكته من رقبته
وهى بتخنقه وقالت :
انا هحزن على ابنى العمر كله
انت كل حاجه فلوس مفيش وراك غيرها
انت ايه... انت شيطان يا اخى
وابتدت تخنقه
انا هموتك زى ما موت ابنى منك لله
ودخل دكتور ومعاه اتنين ممرضين
من مستشفى الأمراض العقليه
وابتدوا يمسكوا ايد رجاء
وكانت مذهوله وقالت : اوعى ايدك
انت وهو انا مش مجنونه قولهم يا عادل
انا اختك رجاء انا مش مجنونه
عادل : شوفت يا دكتور حالتها كل يوم بتسيئ
وقرب منها ومسك ايدها وقال :
متخافيش يا حبيبتى انا جمبك وكل يوم هزورك
انا خوفت عليكى تموتى نفسك زى المرحوم 😒
خدوا رجاء وهى بتصرخ بكلمات مؤلمه
اشبع بالفلوس يا عادل وخد كل حاجه
انا خلاص ابنى راح ومليش حد غيره
يا ابن ابويا منك لله
ولما خرجت بره الڤيلا ابتدت تسكت
وركبت العربيه معاهم والغريب انها ساكته
ولما وصلوا المستشفى دخلوها غرفه
دكتوره بتقابل كل حاله
جديده بتوصل المستشفى وكانت عارفه
ان رجاء متوصى عليها
وطلبت منها تقعد
ورجاء قعدت وهى شارده وكأنها مش شايفه
قدامها..
والدكتوره ابتدت تتكلم معاها ورجاء ساكته
الدكتورة.. انا اعرف ان اسمك رجاء
رجاء.. انا عارفه انكم كلكم متفقين عليه
وانتى عارفه انى مش مجنونه بدليل
انك عرفتى اسمى
الدكتورة.. انا عرفته لما الممرضه نادت عليكى
رجاء رجعت شارده تانى وطلعت
تليفونها من جيبها
الدكتوره.. أيه ده حضرتك معاكى تليفون هاتيه
علشان مش هينفع
وجت تاخده
رجاء مسكت ايدها وقالت : اعتبرينى امك
التليفون ده عليه صور ابنى المرحوم
ده لسه شاب ومكانش ليه غيره
وابتدت نظرتها تتغير وقالت :
خاله قتله وممكن يقتلك انتى كمان
او يجننك زى ما عمل فيه كده
ومسكت الفون وفتحته على صور احمد
وقعدت تعيط وتقول يا طيب القلب روحت يا ابنى وفجأه اغمى عليها وراحت فى دنيا
تانيه خالص
فى ڤيلا منسى..
بالظبط اول يوم فى الشهر الجديد الساعه 4 بعد
العصر
جنينه الڤيلا كانت جاهزه قاعه أفراح
والكوشه منتظره العروس الملكه زهرررره
وفى وسط المدعوين
زاهر فونه رن وكانت زهره
وكلمته بكل غرور وقالت انا خلصت قول
لمنسى يتحرك انا عاوزه اطلع من الكوافير
هدير قاعده ومبسوطه
وقامت قعدت جمب زاهر ومسكت ايده
زاهر مسك الفون وكلم منسى وقاله
العروسه جاهزه وقفل معاه وقلبه بيتقطع
على حب عمررره
الساعه دقت 6 وزاهر ابتدى يقلق
العروسه وعمه اتأخروا...
زاهر مسك الفون بيتصل ب عمه منسى
منسى داخل يجرررى ويقول
زهرررره اتخطفت منى يا زاهر...
يتبع...
- لقراءة الفصل 12 : اضغط هنا