القائمة الرئيسية

الصفحات

رواية صفقة على مطلقة الجزء التاسع 9 بقلم كوكي سامح

 رواية صفقة على مطلقة الجزء التاسع 9 بقلم كوكي سامح

رواية صفقة على مطلقة البارت التاسع 

رواية صفقة على مطلقة الجزء التاسع 9 بقلم كوكي سامح


رواية صفقة على مطلقة الحلقة التاسعة


احمد.. بحبك يا زهره خلاص يا حبببتى
ماما عاوزه تشوفك ووافقت على جوازنا
زاهر.. يا خاينه وفى شقتى كمان...
دخل وهو مذهووول ومسك زهره من ايدها وزقها  
ووقعت على الأرض وكانت مستغربه من فعله 
.. وقالت انت فهمت غلط والله العظيم يا زاهر 
ده جاى بيعزينى 
.. يعزيكى ولا بيحضنك يا هانم وبيقولك هنتجوز 
.. انت فهمت غلط وياريت بلاش تقول كلام 
تندم عليه بعد كده 
.. اندم على ايه انتى واحده خاينه بس المفروض
يا زهره هانم لما تحبى تعملى كده يكون بره بيتى
احمد.. مش تسلم الأول يا استاذ زاهر
انا اول مره ازورك فى بيتك ولا انت متعرفش الأصول 
زاهر قرب منه وهو متعصب وقال : 
الأصول ده انت اللى متعرفهاش لما تتدخل بيتى 
فى غيابى دى مش اصول ابدا 
بس انا ناسى انت تربيه رجاء ههههههههههه
.. زاهر انا بقولك اهو اوعااا تغلط فى امى 
انت فاهم والا اعرفك شغلك كويس
.. ههههههههه هتعمل ايه يا تربيه ست 
يا جدع روح استرجل ومسكوا فى بعض وطرده 
بره الشقه 
احمد اللى على لسانه انا هوريك تربيه الست 
هيعمل فيك ايه؟ 
ونزل من العماره 
هدير شافته وقالت : الخطه ماشيه تمام بس 
ايه ده فين البنت اللى كانت فى الشقه 
دى اللى تهمنى اصلا مش هو 
المهم عندى الحيه تخرج من الشقه 
زهره.. والله يا زاهر انا مظلومه احمد ده مفيش
حاجه بينى وما بينه انا عمرى فى حياتى 
ما استرجلته زى ما انت قولت بالظبط 
.. انا شوفت بعينى يا زهره 
.. لا لا لا اوعااا تقول انك مصدق انى خاينه 
انت اكتر واحد عارف اللى انا فيه 
.. للأسف كنت فاكرك ملاك
إنما أنت ست زى اى ست خاينه وبتخون 
الراجل اللى فتح لها بيته
زهره منهاره وفجأه ظهرت لها الست 
اتخضت منها وبعدت عن زاهر 
وقالت فى سرها هى مالها الست دى المره دى 
بتعيط وبتشاور على باب الشقه والظاهر كده 
تقصد انى اخرج من الشقه 
زهره.. انا ماشيه بس هتندم يا زاهر 
وخدت الفون ونزلت وهى منهاره 
هدير.. اشطا هو ده الكلام ولا بلاش 
الحيه غارت وانا لازم اكون مرات زاهر فى اققرب
وقت انا بنت عمه وأولى بيه وبحبه ومليش
غيره 
زاهر قعد على كرسى الصالون وبيبكى 
من خيانه زهره وبيكلم نفسه 
معقول تعمل فيه كده دى الانسانه الوحيده 
اللى حبتها 
زهره واقفه فى الشارع منهاره ومش عارفه 
تروح فين وقالت :
خلاص مفيش مفر هرجع الشقه بتاعتنا 
وفعلا خدت تاكسى لحد البيت ولما وصلت 
وطلعت الشقه نسيت انها مش معاها مفتاح 
بس افتكرت انها كانت بتسيب نسخه فى الجذامه
اللى قدام باب الشقه وفعلا لقيت المفتاح 
وفتحت الشقه ودخلت وقفلت الباب 
وراها ولما دخلت بصت على المطبخ وقالت 
ماما جوه بتعمل العشا ليه ولأخواتى 
وبابا نايم فى اوضتهم كالعاده 
وانا ادخل المطبخ عليها واقولها ايه 
الأكل ده مش عجبنى انا عاوزه أكل تانى واتنك 
عليها. 
تقولى على قدنا يا زهره 
كانت تطلب منى فلوس 
كنت اديها وانا مضايقه ولما اختى تطلب حاجه 
كنت بزهق من طلباتهم 
وقعدت على الارض وفضلت تضرب وشها 
بالكف وتقول : ياريتها دامت 
ولا يوم من يومكم وحشتينى يا امى 😥 
وحشتنى يا ابويا وحشتينى يا اختى وحشتنى 
يا اخويا وحشتونى كلكم يا عزوتى واهلى 
وسندى وحشتونى والله العظيم وحشتونى
انا مليش حد غيركم صبرنى يارب 🙏 
والدموع نازله من عينها زى المطر 
وكتفت ايدها ونامت على نفسها 
زاهر نزل من الشقه وركب مع هدير 
هدير.. مالك فيك ايه 
زاهر.. مفيش انا بس مضايق شويه 
المهم انتى كويسه دلوقتى 
.. ايوه الحمد لله ياريت توصلنى الڤيلا 
.. حاضر حاضر 
هدير مسكت ايده 
بس زاهر مش حاسس بيها وبيفكر فى زهره 
وقال فى سره 
ليه عملتى فيه كده يا زهره ده انا محبتش
غيرك ولا هحب 
وطلع بالعربيه على الڤيلا...
وبعد مرور اسبوعين وكانت مرات منسى ادفنت
وأيام العزاء خلصت
زاهر تعبان ومجروح من زهره واللى عملته فيه 
وكل ده ميعرفش ان الخطه مدبره من هدير 
فى شركه رجاء وعادل.. 
الغريبه وعرف انها نزلت شغل فى الشركه 
ومش بترد عليه لما بيتصل بيها؟! 
فى مكتب السكرتاريه 
كاميليا دخلت وقالت يا بنات انتوا متعرفوش
ان زهره كل عيلتها ماتوا بسبب الغاز من اسبوعين واكتر 
وفاء وفريده.. معقول لا حول ولا قوة الا بالله
لازم نروح لها
كاميليا.. اه طبعا ما انا لما عرفت من أحمد
بيه قولت مش هينفع اروح لوحدى
لازم انتم كمان تعملوا الواجب معايا
دى بردوا كانت زميلتنا وياما اكلنا عيش
وملح مع بعض
وفاء.. مالك يا فريده انتى بتعيطى
فريده.. زهره صعبانه عليه إذا كان انا من بعد
وفاه ماما من 3 سنين ومش قادره انساها
ولحد دلوقتى متأثرة بموتها
اومال زهره هتعمل ايه دوول أهلها كلهم ماتوا
يا عينى
كاميليا.. زهره جامده ومفيش واحده فينا
زيها وفى شطرتها دى وقعت احمد فى ثانيه
وفاء.. يا شيخه اتقى الله هو اللى بيحبها
بصراحه عمرها ما بصتله ولا عبرته
وخلى بالك لو هى زى ما بتقولى كانت على
الاققل وقعت عادل بيه مش احمد الأهبل
كاميليا.. يا حبيبتى دى ناصحه عادل ده صوره
يدوب مجرد شريك بالربع إنما احمد صاحب المال
كله انتوا بس اللى عبط
فريده.. حرام عليكى يا كاميليا زهره غلبانه بجد
كاميليا.. طيب انا عاوزه اققولكم حاجة بس سر
فريد وفاء.. خير قولى ؟؟
كاميليا.. احلفوا الأول
وفاء.. والله سر محدش هيعرفه
فريده.. ورحمة ماما وغلاوتها مش هقول
كاميليا قربت منهم ووطت صوتها وقالت :
ست زهره اللى بتقولوا عليها غلبانه طلعت حربايه
وفاء.. حربايه لا حول ولا قوة الا بالله
كاميليا.. اسمعوا كلامى الأول لحد يسمعنا
الحيطان ليها ودان
فريده.. قولى حربايه ليه؟
كاميليا.. فاكرين اليوم اللى عادل بيه طلبها
فى المكتب عنده
انا خرجت وراها واتسنطت على الباب 
عارفين طلب منها ايه 
فريده.. طلب ايه يا استاذه 
كاميليا.. طلب منها تقدم فى شركه 
منسى وتبقى سكرتيره هناك 
وفاء.. وايه يعنى وفيها ايه 
كاميليا.. بقولك تتجسس وتسرق ورق 
الصفقه الجديده واتفق معاها انها هيكتب لها 
شيك بمبلغ كبير 
وكمان ادها 100 الف جنيه علشان تشبرق نفسها 
بيهم.. 
يعنى الست زهره بتشتغل عصفوره لشركتنا
وكمان حراميه هتسرق ورق الصفقه
وطبعا ده كله مقابل فلوس بس
دى حلوه واكيد هتعجب منسى وتلاقيها
كمان ظبطت معاه ومع غيره
وفاء قربت منها وضربتها على بوقها وقالت
اخرسى دى اعراض اتقى الله يا شيخه
كاميليا اتحرجت وقالت فى سرها
انا ممكن اقول لمنسى واخد فلوس واعرفه
ان سكرتيرته عصفوره بتنقل الاخبار لشركتنا
وبطلع الاخبار لأكبر منافس لى فى السوق
عادل وده مش اكبر منافس وبس دوول
تقريبا اعداء
ساعتها بقى منسى مش هينسى الجميل ده
ويمكن يشغلنى مكانها
وفاء.. انتى بتكلمى نفسك يا ناصحه
كاميليا.. اكيد علشان انا بقولكم واقع وانتم
مش مصدقين
زهره مش سهله زى ما انتوا متخيلين يا بنات
وفاء.. فكك من سيرتها احنا لازم نعزيها ونعمل 
الواجب وياريت تشيلى الكلام ده من دماغك يا كاميليا 
كاميليا.. حاااضر يا ابله وفاء هههه
فى ڤيلا منسى..
منسى فاتح الفون وبيتكلم فيديو كووول 
ولما دخل عليه زاهر قاله وهو ملهوف 
يا عمى فى ورق لازم تمضيه ضرورى 
الورق ده معطل الشغل كله 
منسى.. انا معايا تليفون دلوقتى بعدين 
زاهر قعد وبيراجع الورق 
هدير.. زاهر وحشتنى اووووى 
زاهر.. وانتى كمان اخبارك ايه دلوقتى 
والقلب كويس
هدير.. القلب تعبان طول ما انت بعيد 
بس زاهر انتبه لمكالمه منسى
وقام من مكانه وقرب منه وشاف زهره هى 
اللى فى مكالمه الفيديو 
اتجنن لما شافها وقلبه دق وكانت نبضات وجع 
وغيره 
منسى قفل وكان مبسوط وقال : 
زاهر اعملى 2000 كارت دعوووه واكتر 
زاهر.. دعوه ايه وبعدين 2000 ليه ده كتير 
منسى.. دعاوى فرح يا عبيط عاوز الكل يعرف 
ان عمك خلاص هيتجوز 
والعروسه زهره......
يتبع..... 

لقراءة الفصل العاشر : اضغط هنا 

reaction:

تعليقات