رواية هروب ما بعد اغتصاب الحلقة الرابعة عشر 14 بقلم ميرو أحمد
رواية هروب ما بعد اغتصاب الجزء الرابع عشر
 |
| رواية هروب ما بعد اغتصاب الحلقة الرابعة عشر 14 بقلم ميرو أحمد |
رواية هروب ما بعد اغتصاب الفصل الرابع عشر
روح احمد لبيتهم فتح الباب وكان عنده نسخه وخش داخل وانصدم يسمع في صوت اعياط خش يجري لي مصدر الصوت وين لعند اوصل لدار امه انفجع بخوه الي ايحاول ايشيل في امه وخواته يبكو ايساعدو فيه
احمد بخوف: شن في كنها امي
محمد : مانعرفش جيت القيتها طايحه والبنات يبكو تعال ساعدني بسرعه
موده تبكي: والله قبل اشويا كانت اكويسه
احمد قدم ايساعد في محمد رفعو امهم
والبنات يبكو وراهم.
محمد:سيارتك برا
احمد مفجوع علي امه وخايف انه يفقدها وهي مزال ماسماحته وزعلانه منه: ءءاءء لالا عند سيف روح بيها
محمد: ارفع المفتاح سيارتي بسرعه ولعها
احمد: تعالي شدي امعا انولع السياره
جت موده مكان احمد طلعو هي ومحمد رافعين "مريم" ام احمد
سبقهم احمد ولع السياره وساعد خوه ركبو امه في السياره ركبو وطارو بيها لي اقرب مستشفى وهم خايفين يفقدو امهم مش عارفين شن صارلها 💔💔💔
اما موده قعدت في البيت تبكي وتدعي لي امها 💔💔
وصلو احمد ومحمد لي المستشفى خششو امهم لغرفة الطورائ كان في دكتور وامعا ممرضه رفعوها منهم وخلوهم برا ايراجو وخايفين لانه اول مره تيشوفو امهم هكي 💔💔 بعد نص ساعه طلع الدكتور
محمد:شن صار امي اكويسه يادكتور
الدكتور: الحمدلله توا احسن لو تاخرتو اشوي كانت خشت في غيبوبة سكر
احمد انصدم : كيف بس امي ماعندهاش سكر
الدكتور: والله حاله الحاجه تعبانه اشوي توا درنالها تحاليل بعد ساعه يطلعو
محمد: ممكن يادكتور تشرحلي اكثر عن وضع امي وكيف غيبوبة سكر
الدكتور: والله واضح الحاجه عندها السكر ومش دايره بالها علي روحها وحتي من المشاكل االعائلية والتعب وقلة التغديه واجد تأثر علي صحتها لازم اديرو بالكم عليها لازم تبعدوها عن النقاشات والمشاكل والزعل و اتوفرولها الراحه توا مانبي انقولو شي لين يطلعو التحاليل ونتاكدو الحمدلله علي سلامتها
احمد مصدوم وموجوع علي حالة امه الي وصلتها من وراء هوا
محمد بحزن : الله ايسلمك نقدرو انشوفها
الدكتور: اي بس اشوي ينقلوها لي غرفتها لانها اليوم بتقعد تحت المراقبه
محمد:تمام
مشاء الدكتور وخلاهم الاتنين ايشوفو في بعضهم واعيونهم فيهم نفس الخوف نفس الحزن نفس الالم
محمد مسح الدمعه بكف يده جفن عينه مايبهاش تنزل 💔 قدم وحضن احمد وضمه بقوه
.
.
.
.
بعد ساعه طلع تحاليل ام حمد وتاكدو انه عندها السكر زي ما قال الدكتور وعندها هبوط حاد في السكر. طبعا الخبر كان صعب علي محمد واحمد وموده 💔💔💔
مرت عليهم الليله من اصعب الليالي 💔💔
تاني يوم الصبح
اسيل نزلت تجري تحت وتبكي خبطت في مؤيد شايل في مق قهوه
مؤيد تعصب: عما في اعيونك ماتشوفي قدامك
اسيل تبكي : مؤيد ايـه مريضه وحرارتها مرتفعه
مؤيد متعصب ماركز فيها لانه القهوه انكبت علي يده انحرق :تي ماتشوفيش البلي الاحرف قدامك الزح يدي انحرق
اسيل: تي انقولك اختك مريضه وحرارتها مرتفعه. وانت اتقولي ايدي
مؤيد انخلع وحذف المق يده: شنو كنها ايه
اسيل: حرارتها مرتفعه
مؤيد فات اسيل ويجري لدار ايـه واسيل تجري وراء
طلعت اعميمه من المطبخ وتسمع الهرجه لحقتهم مش فاهمه شي
مؤيد خش لدار ايـه بسرعه وحط ايده علي جبينها ناررر كانت حرارتها مرتفعه وجسمها عرقان وجها احمر من السخونه
مؤيد : ايـه تسمعي فيا شن اتحسي
اسيل تبكي : من الفجر حرارتها ارتفعت خفت نفجعكم في الليل درتلها كمدات انخفضت اشوي بس توا ارتفعت اكثر
مؤيد يرفع في ايـه: وكنك مانوضتينا
خشت اعميمه مبروكه
اعميمه:بسم لله كنكم شن صاير
اسيل 😢:ايه حرارتها مرتفعه
اعميمه انخلت:يا نعلي بنتي 😢😭
مؤيد:اعطيني انلفها علي راسها بسرعه البنت زي النار
اسيل جابت المصليه اول حاجه قابتلها قعدت اتلبس فيها وايديها يرجفو خداها منها مؤيد لبسها و رفعها في حضنه هي مرخيه مش واعيه 💔ونزل بيها
اعميمه تبكي : يانعلي كنت حاسه والله من امس مش عاجبني شكلها 😭😭😭
اسيل تبكي 😭 نزلو لحقو مؤيد
اعميمه 😭: استنا يا اوليدي نمشي امعاك 😭
مؤيد: شوفي مسعود ولا باتي مانقدرش انراجيك
اعميمه: الله ايربحك ارفعني امعاك قلبي نار عليها 😭😭😭
مؤيد نازل بسرعه : باهي اطلعي بسرعه علي ما ركبتها في السياره
اعميمه خشت بسرعه تلبس في عبايتها وتبكي 😭😭💔
اسيل امصبيه وتبكي وتشبح في مؤيد كيف طالع بي ايـه 😭😭😭
طلعت اعميمه تجري : وينه
اسيل: طلع بيها لي السياره قالك الحقيني بسرعه
اعميمه : امشي لعيت مسعود فيقيهم وخلي ريناد تنزل تقعد امعاك ولا خليك امعاها
اسيل 😢😢:به
طلعت اعميمه لي مؤيد ومشو بسرعه للمستشفى
اسيل بعد طلعو اعميمه ومؤيد رقت فوق لشقتنا وخبطت ع الباب فتحلها الباب مسعود
مسعود : اهلين اسيل
اسيل 😢:ريناد فايقه
مسعود:لالا ليش شن تبيها
اسيل : خالتي قاتلي كلميها تنزل تقعد امعاك لانها رفعو ايـه مريضه لي المستشفي هي ومؤيد وبوك مش قاعد
مسعود : كنها ايـه
اسيل: حرارتها مرتفعه
مسعود: خشي داخل توا انكلمها ليك
اسيل خشت
مسعود سكر الباب وخش بسرعه وخلا اسيل وراء
خش الدار رفع تليفونه واتصل بي مؤيد وحط التليفون علي وذنه وقعد ايطلع ملابسه
مسعود: في اما مستشفى انتم
مؤيد :مستشفى &&&&
مسعود: تمام شن صار امعاكم
مؤيد: توا كيف اوصلنا المستشفى سكر مش فاضي لي اسئالتك مش وقتها بكل
مسعود: سكر وقعد يلبس بسرعه مستعجل
فتحت اعيوني وكان راسي تقيل ويوجع فيا نشبح في مسعود يلبس بسرعه وطالع يجري
انا لحقته : بسم الله كنك تجري شن صاير
مسعود: ايـه تعبت علي هلي ورفعوها
انا انخلعت: اسملا عليها خيرها
مسعود رفع مفتاح السياره وتليفونه: مانعرفش اي صح اسيل قاعده داخل شوفيها انا ماشي لي المستشفى انزلو لبيت هلي
انا مش مستوعبه شي و راسي ايسطر فيا : به طمنا عليها بعد توصل كلمني
مسعود :تمام وطلع
انا خشيت الصاله القيت اسيل امقعمزه وتمسح في ادموعها
انا :اسوله كنها ايه
اسيل: حرارتها مرتفعه وامس طول الليل اتهلوس باسم احمد وامع الفجر انخفظت حرارتها غفيت نضت القيتها تغلي زي النار وقعدت تحكيلي
انا 💔: ياروحي عليها والله حسيت عليها كيف اتحبه مسكينه ماعندهاش حظ في الحب
اسيل بحزن:اي ايـه متعلقه واجد في احمد واتحبه لانه هو كان اول حب ليه
انا 😢: ربي ايرجعهم لي بعض ويجمعهم علي قد الحب الي بينهم
اسيل : ان شاءالله كل شي نصيب
انا 😢💔:النصيب الي فرقهم والنصيب يقدر يجمع بينهم
اسيل : وربي حرام مش عارفه ليش الامهات شن ايحسو بعد يغصبو اولادهم علي بنت هم ما يبوهاش ليش بس ادمرو في حياة ثلاته اشخاص امعاهم اولهم ولدها ومرته والبنت الي ايحبها والله حرام
انا : الله غالب هدي عقلية اغلب الامهات ولدي ما ياخد الا البنت الي انا نختارها ليه
اسيل: استغفر الله ربي يهدى النفوس هيا ننزلو
انا: تمام دقايق انغير بس
اسيل:تمام ماطوليش
انا خشيت الدار غيرت علي السريع وضميت الدار ورفعت ملابس مسعود الي مرميه ع الارض والي في الحمام حطيتهم في الغساله وطلت لي اسيل
انا:طولت عليك
اسيل:لالا
انا:سامحيني ماضيفتك حاجه
اسيل: عادي حبيبتي مش برانيه انا اصلا ماعنديش نيه
توا حكيت امع ماما والبنات قالو بيجيو
انا: خلاص ننزلو تحت مادم اهلك بيجو
اسيل: اي
نزلنا لبيت خالي
عنده ايـه في المستشفى اعطوها ابره ونزلت حرارتها وقالهم الدكتور حالتها اكويسه وصحتها تعبانه وتحتاج لتغديه اكثر وجسمها ضعيف من قلة التغديه
وصفلها ادويه وقال اتكمل ادويتها اتروحو بيها لو رجعت ارتفعت حرارتها ايجبوها لعندهم
(نبي انسرع في الاحداث لانه مافيش شي مهم صار ونختصرهن)
عند احمد الصبح مر الدكتور تلي امه ودارلها خروج بس نبهم يبعدوها عن التوتر والقلق واي نقاش حاد او مشكله وينتبهو علي صحتها
جو اهل اسيل امها وامعاها ساره واكيد مافيها شك روان جت امع امها تهاني ورندا
طيبت انا والبنات الغداء مانحكيلكم علي تصنع روان وعزق الكلام ماتخدمش واقفه تتامر بس
اسيل تعصبت منها :تعالي ديريه انتي وخلاص
روان بدلع : انخاف يخرب المانكير امتاعي 🤓
اسيل تاففت بملل: امال ضمي فمك ماتكلميني ماهو عاجبك تعالي ديريه انتي
روان :ماهو امبطن يبي قلي وانخاف ايدي تنحرق من الزيت اعطيني السلطه توا انديرها
انا 😏😏: مرات يخرب مانكيرك منها 😂😂😂
روان كشخت: وانتي من كلمك
انا شفتلها من فوق لحت 😒😒ماعدلتش عليها كملت البيتزا وحطيتها
ساره: روانو اطلعي شوفي امك وامي بالك يبو حاجه
روان رن تليفونها:تمام وطلعت
انا :شن هل المخلوقه هذي درهتلي كبدي
ساره: ههههههه يا ما جايك منها الحقيره ردي بالك منها راك خديتي الكنز وحبيبها منها هههههه كبدها دم عليك😂😂😂😂
انا ضحكت :عنجد حبيبها تي امتى وله حبيبها مريضه البنت هذي ولا شنو خلاص الراجل تزوج شن هل المصيبه وبعدين مسعود حبيبي انا وبس والنجوم السماء اقربلها ❤️
اسيل:اقوووه عليهم 😂😂😂
ساره: هههههههه اسيل تدكري يوم الي مشينا زرده وخربتها علينا روان 😂
اسيل:اي
انا:خيرا
ساره:بعد راجل عمتي كلم مسعود و ريناد امشو امع بعض
اسيل بفضول: كملي
انا :وبعدا
ساره: طبعا لحقتكم وين مشيتو المهم شفتكم تحكو عادي خلاص جيت بنمشي شفت عمي محمد مشاء وخلاكم كنت بنلف بس شدني الفضول ليش ما مشيو امع عمي قعدتو وافقين المهم انشوف فيكم قعدتو دقايق اتهدرزو بعدها مسعود عطاك الكيس الي فيه الشكلاطه الي وزعتيه علينا
انا شهقت: قصدك كنتي اتراقبي فينا
اسيل ضحكت: حي عليك هدي محقق كونان ضروري تعرف البيضه من باضها 😂😂😂😂 ديما حاشره روحها في حياة الناس 😂😂😂
انا 😂😂: 😂😂 حياتي شن فيها لعند اتراقبني
سارة ضحكت بخبث:فيها رومانسيه وبوسات يانعليا طيحتي ولد عمتي في نفس اليوم 😍😍😍❤️ غير عطينا السر بس
انا ضحكت:😂😂 للاسف هذا سري خاص بيا نستخدمه امع مسعود بس ❤️😍
اسيل: غير بشويا فهموني بس بوسات شنو ورمانسيه شن 😂😂😂
ساره: والله هل الاخت الي قدامك مش ساهله بكل طيحت ولد عمتي بوسه بس 😂😂😂
انا 😍: خزي ياتافه
اسيل 😂: باهي غير قوليلي شن دارو بس
ساره: هدا ياحنه باست ولد عمتك9 المسكين قعد امتنح واقف في مكانه من الصدمه 😂😂 ولا بعد وصلها لي الشالي باساته تاني الولد طاح بكل معاش ايشوف قدامه 😂😂😂
اسيل تضحك: كنت نحسابك هاديه طلعتي شيطانه 😂😂😂
انا:والله انتم عقلكم امسوس كنا انهدرزو عادي اما من بوساتي كلهم عفويات
ساره تضحك: عفويات صار قلتي
انا:😂😂 كملي الي في يدك احسن
درنا الغداء كسكي بالبصله وامبطن وبيتزا و بوريك وامعا نوعين اسلاطه
كملنا كل شي ودرنا نوع حلو لي العشيه اتصلت بمسعود سالته امتى امروحين قالي في الطريق قريب نوصلو سكرت منه القيت روان اعيونها امعايا وامركزه اكثر مني في المكالمه
روان:شن قالك مسعود
انا 😒: في الطريق
روان بخبث ❤️:اها خلي نمشي انسقم روحي اكيد مكياجي اخرب مش زي ناس ضاربه الحزن لعند ايطيح علي راسها 😏
انا انصدمت من جرئتها وقدام امها وخالتها ماتتحشمش
انا :شن قصدك
روان صبت وفي ايدها شنطتها:تعرفي شن قصدي اكويس
انا جيت بنرد عليها مسكتني اسيل من ايدي
اسيل: رنوده فوتيها ادور في المشاكل
انا بعصبيه: والله محترمتها عشان اعميمه بس
روان ضحكت وخشت لحمام زادت عطرها وعدلت مكياجها ودكنت الروج وطلعت
احني ماعدلنا عليها قعدنا انهدرزو طناشناها
اشويا وصلو جينا انسلمو عليهم
اعميمه:مرحبتين بيكم نورتو
سعاد "ام ساره واسيل":منور بهله الحمدلله علي سلامتها
اعميمه:الله ايسلمك
تهاني: الحمدلله علي سلامتها ابريكه لاباس عليها
اعميمه: سلمك ماتشوفي باس حبيبتي
ايـه كانت سانده روحها علي مسعود وماسكه فيه
انا 😢سلمت عليها بالخد:الحمدلله علي السلامه حبيبتي ان شاءالله في عدوينك يارب
ايـه بصوت مرخي واضح مبحوح:الله ايسلمك حبيبتي
اسيل 😢: اعويناتي 😢 بعيد الشر عنك هكي اتخوفيني عليك ياكلبه
مؤيد ضحك: توا اتقوليلها اعويناتي بعدها كلبه كيف جت هذي ياجماعه فهموني 😂😂😂
الكل 😂😂😂😂😂
اسيل كشرت ف وجه: وانت شن دخلك بينا انقوللها كيف مانبي وبعدين مافيش حاجه اضحك بكل
مؤيد: غير بشويش بس
اسيل طنشاته: قوليلي شن اتحسي توا ياعمري
مؤيد:رسمي البنت صايرها شي بالك حتي رقت عليها الحراره 😂😂😂😂
مسعود :مؤؤيد
ايـه بتعب:شكله هذوم مش حايسكتو نبي انقعمز حسني اتعبت
مؤيد : سمعتي ياهانم
اسيل: استغفرالله العلى العظيم
اناضحكت: تعالي ايوته هنا قعمزي
قعمزو الكل ايهدرز
انا:وين خالي
مسعود:قاعد امع عمي علي في المربوعه
انا: اها
مؤيد حط ايده ع بطنه:راني بنموت من الجوع في جرت السنيوريتا ايـه وادرمتها رعشتنا من صبح ربي 😂😂😂
ايـه ابتسمت : ابروحك مرعوش من يوم اخلقت
مؤيد : وربي ماينفع فيك الخير باهي
مسعود ومؤيد طلعو لي المربوعه
قعدنا ابروحنا صبايا انهدرزو طول الوقت ايـه سرحانه ابروحها سخنا الغذاء وحطينا تتغذو بعد كملنا ضمينا الماعين خش مسعود من الباب المطبخ كنت انا وساره وروان ورندا في المطبخ
مسعود:ريناد عطيني مفتاح الشقه مفتاحي انسيته في البيت
انا :حاضر وطلت
طلعت لدار ايـه انجيب شنطتي طلعت منها المفتاح ونزلت
روان:شنجوك مسعود
مسعود يتجاهل في روان:الحمدلله
روان: ان شاءااله دوم
مسعود: :سلمك
طلعت اسيل من المطبخ رافعه سفرة الميه
مسعود متكي ع الطاوله وعاطي ضهره للباب ايراجي فيا
روان اشرت لي اختها رندا انه اتخليهم ابروحهم
وفعلا طلعت رندا وخلتهم ابروهم
انا نزلت من الدروج مريت جنب الصاله القيت سارخ اتأشرلي علي المطبح باصبعها مافهمتها فتت عنها وكملت طريقي في اتجاه المطبخ اسمعت 😨😨
روان بدلع: 😍😍استاحشتك حبيبي ليش تحرم فيا من شوفتك
مسعود:نعتبر روحي ما اسمتعه انا نبهتك يا روان مانبيش نغلط فيك
روان بدلع: به نبي نعرف ريناد شن بدير في موضوعها شن الحل لولو خليتها تتزوج جلال مش كان احسن
مسعود دمه يغلي من امبدري ساكتلها
مسعود: اقسم بالله كان نسمع اتعاودي كلمه ولا اتجيبي سيرة ريناد علي السانك والله ننسا انك بنت خالتي مش راحمك بكل
انا نسمع فيهم خنقتني العبره يعني هوا الي حكالها علي قصة اغتصابي 💔😢😢 خشيت بخطوات مهدوده مش مستوعبه انه مسعود فيه بينه وبين روان
خشيت عليهم اعطيت مسعود المفتاح مارفعت عيني فيه 💔💔💔طلعت بسرعه
مسعود استغرب كيف خشيت ومارفعت راسي
خدا المفتاح وطلع
قعدت روان في المطبخ ابروحها فرحانه. انها قدرت تخلق توتر بين مسعود وريناد
مر الوقت كان عقلي امشوش من الي اسمعته م افهمته :
:
في الليل
انا بعصبيه: انت ياخاين .،،،،،،،،،،
مسعود مصدوم 😡،،،،،،،،،،،،
جلال:،،،،،
،،،،: ،،،،،
#يتبع
- لقراءة الفصل الخامس عشر : اضغط هنا