رواية حمل مرعب الحلقة العاشرة والأخيرة 10 بقلم مصطفى مجدي

 رواية حمل مرعب الحلقة العاشرة والأخيرة 10 بقلم مصطفى مجدي

رواية حمل مرعب الجزء العاشر والأخير 

رواية حمل مرعب البارت العاشر

رواية حمل مرعب الحلقة العاشرة والأخيرة 10 بقلم مصطفى مجدي


رواية حمل مرعب الفصل العاشر

خرج ماركوس الساعة عشرة بليل ومشيت وراه لحد ماوصل المقابر ووقف قصاد قبر مراته ولقيته بيعمل حاجة غريبة جدًا ، طلع من جيبه عروسه شبهها جدًا وقعد يلمس على شعرها ، وبعد كده طلع ابره وبدأ يخرم فى بطنها وفى راسها وقعد يصوت ، معرفش هو كان عمال يعمل كده ليه ، لكن منظره كان مرعب ومخيف .

قعد يحفر فى الارض وحط العروسة ودفنها ، اول مادفنها حسيت بنغزة جامدة اوى فى قلبي وفى بطنى ، وكنت عايزة اصرخ لكن مسكت نفسي بالعافية وفضلت مراقباه بعيني

نام على الارض وقعد يلحس التراب بلسانه ووقت ماكان بيعمل كده جسمى كان عمال يعرق وبدأت ادوخ ونفسي يقل وحسيت ان الدنيا بتدور حواليا وفقدت الوعي على طول .

فتحت عيني لقيت نفسي قاعدة فى القصر على نفس الترابيزة اللى قاعدين عليها الشياطين وعمالين ياكلوا الاكل بتاعهم اللى من نار ، لكن المرة دى مكنوش لوحدهم ، كان جنبهم تابوت مفتوح وعليه شاشة سودا ، بصيت على الشياطين لكن برضو مدونيش اهتمام وفضلوا ياكلوا وجلدهم عمال يسيح ووشهم اسود فحمة ، قومت من على الكرسي وقربت للتابوت وشيلت الشاشة السودا اللى عليه ، لقيتها جثة مراته لكن متفحمة وريحتها وحشة جدًا اول ماشمتها قعدت ارجع ، اول مااتلفت لقيت ماركوس واقف ومعاه راجل غريب واتنين تانيين.

شاورلهم بايده ، مسكونى جامد وكتفونى من ايدى ومن رجلى وخرجوا بره جابوا شيزلونج وحطونى عليه وربطونى كويس ، حاولت اصرخ لكن مفيش فايدة ، قعدت اتوسل لماركوس انه يسيبنى لكن هو كان عامل زى الانسان الالى اللى جاى يعمل مهمة محددة ولازم ينهيها.

بدأ الراجل اللى معاه يقول تعويذة ، كل ماكان بيتكلم ، كانت بطنى بتكبر وسائل اسود بينزل مني من تحت ، حسيت بصوت زى مايكون برق ورعد مكنتش متحملاه ، الالم بيزيد فى بطنى ، اول مرة احس بألم الولادة وانا لسه مش حامل ، شوفت ايد الشيطان اللى فى بطنى وهي بتخرج من تحت ، ضوافره كبيرة جدًا ومدببة وايده سودا وفيها عروق زرقا ، قعد يمسك فى جلد رجلى اتقطع كله ، مع كل حركة كنت بصوت وبصرخ ، التابوب بدأ يتهز وروحى حسيتها بتروح مني.

بدأ وش البنت اللى فى التابوت يتجمع اللحم بتاعه ولحم رجلي بدأ يتسلخ وكأنهم بياخدوا جزء جزء مني وبينقلوه هناك ، اول ماملامحها ظهرت ، ماركوس وشه اتغير وغضب جدًا وزق الراجل اللى بيقول التعويذة وقاله

= مش دى ، دى مش جثتها ، انت جبت جثة غلط ، اوقف كل حاجة بسرعة وهات الجثة بتاعتها

الراجل اتخض من اللى قاله ماركوس ووقف التعويذة وقاله:

.. مينفعش نوقف اى حاجة فى خطر علينا ، ومش هينفع اروح اجيب جثتها دلوقتى

ماركوس زق الراجل ووقعه على الارض وقعد يهدى ماركوس ويحاول يفهمه لكن هو كان رافض تمامًا اى تفاهم ، وهما بيتخانقوا التابوت فضل يتهز ويتحرك بشكل جامد وبدأت ايد الشيطان تدخل جوايا تانى ، لكن جلد رجلي مرجعش زى الاول .

الالم اللى فى بطنى راح وبدأت ارجع للوعي بتاعى والتابوت سكت فجأة ، لكن بعد ثوانى بدأت الارض تتهز من تحتنا جامد ، من الحركة الشديدة الرباط بتاع ايدى اتفك ، فكيت رجلى بسرعة ومقدرتش طبعًا اقف على رجلى الشمال لانها عمالة تنزف دم واتسندت على رجل واحدة لكن مع الهزة الشديدة للارض وقعت وقعدت ازحف على بطنى لحد ماخرجت من باب الاوضة ، كل الشياطين اللى فى الاوضة اتجمعوا على ماركوس واللى معاه وسمعت صراخهم بعد ماخرجت من الاوضة بثوانى قليلة ، قعدت ازحف على بطنى لحد مافتحت باب القصر ويادوب وصلت لاول الطريق وفقدت الوعى.

اول مافوقت لقيت نفسي فى نفس المستشفى اللى عملت فيها العملية وكانت جنبي سلمى وعرفت انى دخلت فى غيبوبة كام يوم ، وعملت عملية بتر لرجلى ، وحكيت لسلمى على كل حاجة حصلت ، طبعًا حاولت تهدينى بالكلام وطلعت جرنان من شنطتها ومكتوب فيه انه تم العثور على جثث لاربع رجال بقصر مهجور مع علامات غير طبيعية على وشوشهم

اتاكدت ان ماركوس مات هو واللى معاه وبعد كام يوم خرجت فى المستشفى ، بس مش عارفة ليه بطنى وجعانى اوى ومش عايزة تخف.

تمت.

تعليقات



حجم الخط
+
16
-
تباعد السطور
+
2
-