القائمة الرئيسية

الصفحات

رواية أمل ويوسف كاملة بقلم الكاتبة المجهولة

 رواية يوسف وأمل كاملة بقلم الكاتبة المجهولة

رواية أمل ويوسف كاملة بقلم الكاتبة المجهولة

رواية أمل ويوسف الفصل الأول

.. تعالي ياامل عايزك ف موضوع
..نعم يابابا
.. بصي ياحبيبتي يوسف ابن عمك رجع من امريكا وهو بصراحة طالب ايدك وانا موافق انتي ايه رايك
... انا اسفة يابابا بس انا مش موافقة
.. ليه بس ياحبيببتي يوسف شاب كويس ومتعلم ودارس بره وقريب اوي حيكون عنده شركته الخاصة
... يابابا مش موضوع متعلم او لا بس انا مش حابة ارتبط دلوقتي
.. يعني عايزة تحرجيني مع اخويا ياامل دا يرضيكي
... عمري ماارضي ان ابويا يتحرج قصاد حد انت عارف غلاوتك عندي قد ايه وعارف ان مليش غيرك بعد ما ماما اتوفت الله يرحمها
.. ماهو عشان عارف غلاوتي عندك وانك عمرك ماتحرجيني مع حد بطلب منك تقدي معاه يمكن تتفاهمو انتي اغلي حد ف حياتي ياامل امك قبل ماتموت وصتني عليكي وانا عايز افرح بيكي واطمن عليكي قبل مااموت
... بعد الشر عليك يابابا متقولش كدا تاني حاضر هقعد مع يوسف عشان خاطرك انت بس
.. ربنا يخليكي ليا ياحبيبتي وافرح بيكي
 دخلت اوضتي واترميت ع السرير وعيطت كتير اوي يوسف ذكريات الماضي بتدور ف دماغي يوسف حب عمري جاي يتقدملي بعد ماكسرني زمان افتكرت اليوم اللي كسرني فيه وهدني بكل تفاصيله كانه حصل امبارح
باااااااك
....بدموع  يوسف انت حتسافر وتسيبني
.. انا اسف ياامل بس انا لازم اسافر اكمل دراستي ف امريكا عشان ابني نفسي
.... انا بحبك متسبنيش مقدرش اعيش من غيرك
..بتحبيني ! انت لسه صغيرة ع الكلام دا ودا اكيد مشاعر مراهقة مش حب انتي اختي الصغيرة ياامل
.. بعياط لا يايوسف انا بحبك والله وانا مش صغيرة وعارفة يعني ايه حب دي مش مشاعر مراهقة يوسف متسبنيش
... انتي اكيد اتجننتي انتي لسه طفلة شيلي التخاريف دي من دماغك واهتمي بدراستك وبس
... مسحت دموعي  تمام يايوسف سافر وعيش حياتك انت صح دا كله تخاريف مع السلامة يا... ياابيه يوسف
ف الوقت دا يوسف كان عنده ٢٢ سنة وانا كنت ١٧ سنة هو راح امريكا يكمل تعليمه وانا وعدت نفسي اني ههتم بدراستي وانساه بدات اذاكر جامد واتعب لحد ما ٣ ثانوي عدت وجبت مجموع دخلني طب بشري كان حلم مامتي انها تشوفني دكتور بس توفت وانا عندي ١٠ سنين دخلت الكلية واختمرت وبدات التزم واتقرب من ربنا وادعي كتير ان انسي يوسف وحبه يطلع من قلبي بس محصلش كل يوم كان حبه بيزيد ف قلبي اكتر كان بالنسبالي كل حاجة ازاي هنساه بالسهولة دي دلوقتي بعد ٧ سنين جاي يتقدملي بعد ماكسرني وخلي ثقتي ف نفسي تنعدم 
باااااك
فوقت من زكرياتي ع باب اوضتي اللي كان بيخبط
مسحت دموعي بسرعة ... ادخل 
... عروستي القمر هتتجوزي وتنسينا بقاا
... ياختي اتنيلي مين قالك اني مواقفة اصلا
.. وايه اللي يخلكي مش مواقفة مش دا يوسف حب عمرك
... كان كان حب عمري دلوقتي اخويا الكبير وبس
... انتي كدابة ع فكرة ولسه بتحبيه
... لا مبحبوش احبه بامارة ايه عملي ايه خلاني احبه دا كسرني وخلاني معدومة الكرامة وسابني لوحدي وهو عارف قد ايه كنت متعلقة بيه
... طب اهدي اومال موافقة من الاول تقابليه ليه
.. عشان بابا لاني بحبه ومقدرش ارفضله طلب ومقدرش اصغره قدام اخوه
.... ماشي ياستي قومي بقا اجزي عمو قالي ان العريس جاي ف الليل
... اجهز ايه انتي شايفاني مواقفة عليه اووي انا هلبس اي حاجة من عندي وخلاص
... براحتك انا عارفاكيدماغك ناشفة ومش هتسمعي الكلام
في الليل عمي جه هو ومرات عمي و.. وابيه يوسف طبعا ريم كانت معايا طول اليوم مافرقتنيش انا اصلا مليش صحاب غيرها اتعرفت عليها ف الكليه وبقت اقرب حد ليا
لبست دريس بيبي بلو ضيق من فوق وواسسع من اول الصدر وخمار منقوش بورود لون الدريس ريم حاولت تقنعني اني احط ميك اب ولو خفيف بس رفضت طبعا انا اصلا مش موافقة  بعد شوية بابا نادي عليا دخلت وحطيت العصير ع الترابيزة كل دا ووشي ف الارض مفكرتش اشوفه او ابصله اكيد اتغير دول سبع سنين كاملين فوقت من سرحاني ع صوت عمي
.. طيب نسيب العرسان مع بعض شوية يامحمد ياخويا
.... طبعا ياسعيد ودي محتاجة كلام
خرجو وسابونا مع بعض فضلنا ساكتين شويه لحد..
... ازيك ياامل........ 
      يتبع

رواية أمل ويوسف الفصل الثاني 

... ازيك ياأمل
رفعت راسي بهدؤ لأول مرة بعد سبع سنين اشوف وشه يااه اتغير اوي دقنه طلعت وبقاله عضلات وحاجة قمر اوي يعني دقيقة ورجعت لزكرياتي وهو بيرفضني مش قادرة انسي   فوقت من تفكيره ع صوته
... ايه يابنتي روحتي فين! 
.. هاا انا كويسة الحمد لله
سكتنا مرة تانيه وانا جوايا الف سؤال مقدرتش افضل ساكتة اكتر من كده اتكلمت بهدؤ
.. ايه اللي جابك يايو... احم ياابيه يوسف
ضحك... ابيه ايه ياامل احنا هنتجوز قريب ان شاء الله
... ايه اللي جابك!
...يعني انتي مش عارفة انا جاي ليه طيب ياستي انا ليا امانة عند عمي وجاي اخدها.. احم انا جاي اطلب ايدك
... طلبك مرفوض يايوسف انا مش موافقة
اتصدم شويه...ممكن اعرف ايه اللي يخليكي ترفضي
... انا اسفة يايوسف بس انا مش حابة اتكلم
... امل في حد في حياتك انتي بتحبي حد
اتعصبت... ايه اللي بتقوله دا انت ازاي تفكر فيا كدا
... انا اسف بس دا وارد يحصل الحب مش غلط
... ايه اللي غير نظرتك للحب.. بسخرية.. هو مكانش تخاريف
... امل انتي ب....
اهلنا دخلو.... هاه ياولاد اتفقتو
رد بسرعة....بصراحة ياعمي انا موافق باقي بس نعرف رأي  امل
....طيب يامحمد هنمشي احنا خدو وقتكو لحد ما العروسة تقرر تبقا تكلمني
... ماانتو قاعدين ياجماعة لدسه بدري
.. لا ياحبيبي يادوب يلا سلام عليكم
مشيو وبعدهم ريم سلمت عليا وروحتهيا كمان بصيت لبابا لقيت عيونه بتلمع من الفرحة ومبتسم ابتسمتله بخفة ودخلت اوضتي غيرت وطلعت احضر عشاا بعد مااكلنا قعدنا لميت الاطباق وعملت كوبيتين شاي وقعدنا انا وبابا ف البلكونة زي عادتنا
... هاا ياحبيببتي ايه رايك ف يوسف
لقيت فرحة وحب في عيونه لا توصف وكلها رجاء اني اقبل الموقف كان صعب عليا اني اشوفه فرحان كدا وبكلمة وحدة دا كله يتهد شافني ساكتة اتكلم هو بهدؤ
...بصي ياامل انتي قبل ماتكوني بنتي انتي اختي وصحبتي انا عارف ان صعب عليكي تفارقيني وانا والله مضايق جدا من الفكرة دي بس انا عارف ان دا الافضل ليكي لولا اني متاكد ان يوسف شاب كويس وهيحافظ عليكي مكنتش هقبل ابدا ف النهاية القرار ليكي فكري كويس بس حاولي متصغرنيش قدام اخويا
بابا خلص كلامه وباسني من راسي ودخل ينام كلامه فرق معايا جدا هو اغلي حد في حياتي وانا هعمل اي حاجة عشان افرحه حتي لو علي حساب سعادتي
دخلت صليت قيام الليل وقرات وردي وصليت استخارة حسيت اني مرتاحة شوية
تاني يوم صحيت بدري جهزت فطار وصحيت بابا وقعدنا ناكل
....بابا انا موافقة اتجوز يوسف
 عيط من الفرحة وخدني ف حضنه... بجد ياامل بجد ياحبيبتي انتي موافقة
بابا بيعيط دا كله عشان وافقت ياااه قد ايه كنت غبية كنت هرفض كنت هكسر فرحته
بابا اتصل بعمي وبلغه قراري وعمي ومراته فرحو جدا وحددو معاد الخطوبة واتخطبنا بعدها باسبوع فضلنا شهرين مخطوبين علاقتي مع يوسف كانت سطحية كنت بعامله برسمية كبيرة نادرا ما نخرج سوا الكلام مابينا قليل جدا مش قادرة انسي اذيته ليا دا حتي مفكرش يعتذر ع اللي عمله زمان في فترة الخطوبة اكتشفت فيه حاجات جديدة طموح جدا وبيشتغل ليل نهار عشان يبني نفسه ويعمل شركته الخاصة كان بعيد عن ربنا ودا شئ ضايقني جدا
حددنا معاد الفرح وكتب الكتاب كنت من جوايا فرحانة بس كالعادة زكارياتي هيا اللي ماثرة علي عقلي
... بارك الله لكما وبارك عليكما وجمع بينكما في خير.....
استنيت اليوم دا من وانا صغيرة بس مش بالطريقة دي
حضنت بابا جامد وعيطت كتير مش متقبلة فكرة اني هبعد عنه هو كل حاجة ف حياتي.
خلص الفرح وودعت بابا وسلمت ع اهله وروحنا بيتنا
اول ما دخلت واتقفل علينا بابا واحد قلبي اتقبض حاسة ان في حاجة مش مظبوطة
... ادخلي ياامل الاوضة دي فيها هدومك غيري فستانك
دخلت من غير كلام غيرت الفستان ولبست اسدال الصلاة وطلعت لقيته قاعد علي الكنبة وراسه بين ايديه استغربت في الاول بس محطتش ف بالي
... احم القبلة ناحية ايه
رفع راسه.... انتي هتصلي ايه!
... قيام الليل..
... بس دا مش فرض
.... مش لازم يكون فرض عشان اصليه
... تعرف انا كنت بقول زيك كدا بس سمعت الشيخ محمد حسن يعقوب بيقول "القيام! مستحيل ربنا يرزق القيام لمسلم الا لما يكون بيحبه".. جملة الشيخ حازم شومان "كذب من ادعي محبة الله حتي اذا جن عليه الليل نام وتركه"
في عبارة بتقول "وبيوت قائمين الليل تترآي للملائكة مكا تترآي النجوم في السماء الينا"
.... للدرجادي طلع قيام الليل مهم دا انا كنت بصلي الخمس فروض بالعافية
.... ايوا مهم جدا دا يعتبر فرض سادس لو انتظمت عليه هتشوف معجزات
.... ممكن تستنيني اقوم اغير ونصلي سوا
.... طبعا يلا انا مستنياك
حسيت بفرحة ف عيونه انا كمان فرحت اني اقنعته يعمل حاجة كويسة غير هدومه وطلع وامم بيا وصوته كان جميل مع انه حافظ قصار السور بس ان شاء الله نختم القران مع بعض خلصنا صلاة وقعدت اعلمه ازاي يقول ازكار اعرفه حاجات اكتر عن الصلاة واكلمه عن ربنا
بعد ماخلصنا كنت هدخل انام بس لقيته نده عليا
... امل ممكن نتكلم
فكرته هيعتزر ويقول ان اللي حصل زمان كان غصب عنه بس حصل عكس اللي متوقعاه وياريته مااتكلم
.. اتفضل
.... امل انا.. انا مبحبكيش........
....... يتبع.......

رواية أمل ويوسف الفصل الثالث

... امل انا.....انا مبحبكيش
... ان.. انت بتقول ايه!
... امل انا اسف والله بس دا مش بايدي
بزعيق...ايه اللي بتقوله دا.. انت مستوعب الكلام اللي بتقوله ولما مبتحبنيش اتجوزتني لييه هاااه... اتكلم
... امل اهدي ارجوكي انا هفهمك كل حاجة
قعدني وانا كنت منهارة حرفيا تاني مرة يعمل فيا كده ولما هو مبيحبنيش اتجوزني ليه علقني بيه تاني ليه
... من سبع سنين لما جيتي واعترفتيلي بحبك ف الوقت دا كنت بحب بسنت اللي كانت معايا في الثانوية انا كنت بحبك ياامل بس زي اختي مش اكتر روحت اعترفت بحبي لبسنت وقولت لبسنت اني هسافر اكمل تعليمي برا وابني نفسي قالت انها مستعدة تستناني لحد مااكون نفسي بعد ماسافرت كنت بكلمها علي طول لحد مافي يوم عرفت ان جالها عريس هيا قالت ان باباها غاصبها كلامنا اتقطع وبعد كام شهر عرفت انها اتجوزت زعلت جدا بس اهتميت بشغلي عشان اثبت لابوها ان انا الاحسن من كام شهر عرفت انها اطلقت قررت انزل مصر واتقدملها بس اهلي كانو رافضينها وكانو عايزنك انتي تكوني مراتي بابا قال اني مش هتجوز غيرك وان دا محصلش هيتبري مني...
بدموع محبوسة..... ايوا انت دلوقتي ازاي هتعيش معايا وانت قلبك مع واحدة تانية
اتنهد...احنا هنعيش مع بعض لمدة سنة وبعدين حنقول اننا حولنا بس مش متفاهمين ونطلق وانا حتقدم لبسنت ساعتها ابويا مش هيقدر يرفض 
... وانا اروح فين... انت ايه مبتحسش عملتني لعبة ف ايدك تتجوزني وقت ماتحب وترميني لما تزهق مني ليه تلعب بمشاعري
.. امل اهدي انا كنت مضطر اعمل كدا ارجوكي ساعديني محدش لازم يعرف حاجة
بسخرية... متخافش يايوسف مش انا اللي اطلع اسرار بيتي برة وبعدين انا هعمل كدا عشان بابا مش عشانك
سبته ودخلت اوضتي وقفلت علي نفسي عيطت كتير اوي لتاني مرة يجرحني ويكسرني دا حتي مكلفش نفسه واعتذر عن اللي عمله زمان كنت بدات اسامحه واعامله طبيعي يااه لو كان بيحبني كنت اديته حب كبير اوي وعملتله كل اللي يتمناه كنا هناخد بايد بعض للجنة وقربته من ربنا نمت وانا مكسورة لاول مرة اتمني اني انام ومش اصحي تاني استغفرت ربنا كتير ونمت
الصبح بابا الاوضة خبط
.... امل امل اصحي اهلنا واقفين ع الباب
قومت وفتحت بابا الاوضة كان مغير ولابس لبس بيتي
... صباح الخير
... صباح النور
.... اهلنا برا غيري هدومك واطلعي وانا هفتح ليهم
... تمام
.... امل ممكن اطلب منك طلب
.... متخفش يا يوسف قولتلك امبارح مش انا اللي اطلع اسرار بيتي برا
... شكرا
دخلت خدت دش سريع ولبست عباية بيتي ولفيت الطرحة وطلعت اسلم عليهم
اول ماشوفت بابا اترميت في حضنه وعيطت جامد بابا اتخض من منظري ويوسف بدا يقلق
... امل مالك ياحبيبتي بتعيطي ليه!
 مسحت دموعي... مفيش يابابا بس انت وحشتني اوي وانا مش متعودة اقعد من غيرك
... ياحبيبتي انتي دلوقتي متجوزة وبعدين يوسف معاكي وهيعوضك عن وجودي
سلمت علي عمي ومرات عمي وقومت جبت عصير وقعدو شوية
... يوسف عامل معاكي ايه ياامولة اوعي يكون مزعلك
بصتله بحزن.... لا ياماما متخافيش يوسف يوسف بيعاملني حلو اوي
...ربنا يسعدكو ياحبيبتي واشوف ولادكو قريب
... ان شاء الله ياماما
....نسيب العرسان يرتاحو شوية بقا يلا مع السلامة ياامل
... افضلو شوية يابابا لسه بدري
.... لا ياحبيبتي مرة تانيه بقا
مشيو وانا دخلت احضر فطور ليوسف حطيت الاكل علي السفرة
...اتفضل الفطور جاهز
ابتسم وقعد علي السفرة... مش هتاكلي
...شكرا مش جعانة
كنت داخلة اوضتي تاني فجأة دوخت وسندت علي الحيطة ووقعت علي الارض محستش بحاجة بعدها.
... امل.... امل مالك.. فوقي امل....
..... يتبع...

رواية أمل ويوسف الفصل الرابع

... امل فوقي... مالك..
يوسف شالها ودخل الاوضة حطها ع السرير بخفة وجاب ازازة برفان رش علي قميصه وقربه من انفها وجاب كوباية ماية وبدا يمسح وشها لحد مافاقت
بتعب.... ااه... هو ايه اللي حصل
... الحمد لله انك فوقتي انتي كويسة
... اه بس دايخة شوية
... طبعا ماهو من قلة الاكل انتي ماكلتيش حاجة من امبارح
... مكنتش جعانة
... شش خلاص ولا كلمة انا هقوم اجبلك حاجة تاكليها
قام قبل مااقول اي كلمة ياريته كان بيهتم بيا عشان بيحبني لكن هو دلوقتي بيهتم بيا لانه حاسس ان دا واجبه
.... يلا افتحي بقك هاكلك
. مفيش داعي انا هاكل لوحدي
... يلا. من غير كلام كتير
قعد ياكلني وانا من جوايا طايرة من الفرحة معقول ف السنة دي يقدر يحبني ياريت 
... انت اكلت
... اه اه كلت يلا كملي اكلك انتي
.. انت كداب علي فكرة عشان لما انا دوخت ووقعت كنت كنت لسه مابداتش اكل يلا كل معايا
... كلي انتي انتي تعبانة انا هاكل بعدين
... لو مكلتش معايا مش هاكل
... انتي ازاي كدا
... كدا اللي هو ايه
... يعني بعد كل اللي عملته وبعمله معاكي بتتعاملي معايا كويس
اتوترت... كل الموضوع اننا هنعيش مع بعض سنة كاملة اكيد مش هنقضيها خناق
خلصنا اكل وهو شال الصنية ودخلها المطبخ وقعد علي الااب توب يشتغل ووصاني مقومش من السرير ولا اعمل اي مجهود وطلب الغدا من برا واكلنا
قضينا باقي اليوم ف هدؤ في الليل قومت عملت لنفسي كوباية قهوة ولبست اسدالي واخدت روايتي وطلعت قعدت البلكونة
رواية احببتها في انتقامي بحب الرواية دي جدا فيها مقطتفات دينيه ومفيدة ياااه لو يوسف كان بيعشقني زي ماادم بيعشق يارا كانت حياتنا دلوقتي هتكون مختلفة
.. عند يوسف قاعد بيشتغل بس مش مركز خالص
... يوووه دي رابع مرة اراجع الملف ومفهمش حاجة بفكر فيها ليه دلوقتي كنت قلقان عليها ليه لما وقعت اوووف انا اقوم اشملي شوية هواا واهدا كدا وارجع اكمل شغل
كنت مندمجة مع الرواية وبشرب قهوتي
... ممكن اقعد معاكي
... اتفضل
... ريحة القهو جميلة
... شكرا اعملك واحدة
.... لا انا هاخد الشوية دول بتقري ايه بقا
... رواية
... بتحبي الروايات
.... جدا بس اللي منها مغزي وفيها مقتطفات دينية
.... امل انتي... انتي لسه بتحبيني
اتوترت وحبست دموعي دا حتي مش شايف حبي ليه
.... لا يايوسف دي كانت فترة مراهقة وعدت
مش عارف ليه زعلت من جوايا من كلامها..... تمام
قعدنا طول الليل نتكلم لحد ما الوقت اتاخر قومنا صلينا القيام والحمد لله خليت يوسف ينتظم عليه خلصنا وكل واحد راح اوضته ينام فضلت افكر ف كلامه معقول شاكك اذا كنت لسه بحبه ولا لا نفسي حبه يطلع من قلبي بقا عشان ارتاح بس مش قادرة اكرهه
... يوووه بطل تفكير فيها بقا انت بتحب بسنت وبس بتفكر فيها ليه كنت قلقان عليها ليه
تاني يوم صحيت وصحيت يوسف ولبس عشان ينزل الشركة لان كان في شغل كتير لازم يتم وهيا لسه ف اولها فطرنا وبعدين الباب خبط لفيت الطرحة وروحت افتح
... امولة 
حضنتها... اسماااء عاملة ايه وحشتيني 
....وانتي كمان مبرووووك ياحبيبتي
.. الله يبارك فيكي ياسيموو عقبالك
.... مخلاص قربت اوووي
.... ازيك يااسماء عاملة ايه
.... الحمد لله مبروك يايوسف
.... الله يبارك فيكي عقبالك
.... ايوا منا جاية عشان عقبالي دي
.... ازاي ياختي
.... فرحي الخميس الجاي ولازم تحضرو
... مبروووك ياقلبي
.... مبروك يااسماء واكيد هنحضر منقدرش نفوت فرح اختنا
.... الله يبارك فيكو يلا استاذن انا
... ماانتي قاعدة يابنتي
... لا عشان لسه قدامي تحضيرات كتير مع السلامة
... الله يسلمك
اسماء تبقا بنت عمنا انا ويوسف انا وهيا صحاب اوي وكمان يوسف بيعتبرها اخته زي مابيعتبرني اخته كدا
عدا اسبوع وانا ويوسف علاقتنا زي ماهيا قدرت اقنعه يحفظ معايا قران كان بيبقا مشغول كتير بسبب الشركة وانها لسه ف الاول ومحتاجة مجهود اتعودت علي وجوده اني اقوم الصبح اعمله كوباية القهوة بايدي اللي بقت بالنسباله ادمان وريحتها اللي بتصحيه كل يوم
... يلا ياامل دا كله بتلبسي هنتاخر علي الفرح
... حاضر خلصت اهو
اول ماطلعت لقيته بحلق فيا اتوترت
... ايه فيا حاجة غلط
... انتي ازاي جميلة كدا
بكسوف.... شكرا... احم يلا
... اه اه يلا
روحنا الفرح وكان جميل اوي قابلت كل قرايبي ويوسف قابل صحابه القدام لان اسماء من سن يوسف قعت مع مرات عمي وبقيت العيلة ويوسف قعد مع الرجالة برا في جنينة القاعة
..... اه معلش انا اسف
.... لا عادي.... ايه دا يوسف....
..... بسنت!!
    ...... يتبع......

رواية أمل ويوسف الفصل الخامس 

... ااه...انا اسف..
... عادي محصلش حاجة... يوسف !
....بسنت!! ...ازيك عاملة ايه
... كويسة.. اخبارك !
... الحمد لله تمام... انت ايه اللي جابك الفرح
... ايه يابني انت ناسي ان اسماء نفس دفعتي ولا ايه
... اه.. اه معلش نسيت
... ولا يهمك
.... بسنت ممكن اتكلم معاكي شويه
... طبعا تعالي نقعد علي هنا
... تمام
....... عند امل في القاعة....
...امل ياحبيبتي دي تبقا هدي بنت عمي ودي ياهدي امل مرات يوسف ابني
حضنتني.... عرفتي تنقي ياجميلة البنت قمر ماشاء الله
..... تسلمي ياطنط
.... مبروك ياحبيبتي اومال فين يوسف عشان اباركله هو كمان
.... الله يبارك فيكي هو بره مع الشباب صحابه
... اطلعي ياامل خليه يجي معلش عشان عمتك هدي ماشيه دلوقتي
... حاضر ياماما
طلعت الجنينة فضلت ادور علي يوسف لحد مالمحته قاعد هو وبسنت بيتكلمو وماسك ايدها وبيضحكو سواا  قلبي وجعني اوي مقدرتش استحمل دخلت القاعة وانا حابسه دموعي بصعوبة روحت عند الترابيزة اللي كنا قاعدين عليها واخدت شنطتي
.... ايه ياامل اومال فين يوسف مجاش معاكي ليه
.... هو برة ياماما عن ازنك انا لازم امشي
.... فيه ايه ياحبيبتي انتو اتخانقتو طب هو زعلك في حاجة
.... لا ياماما انا تعبانة شوية بس وعايزة اروح عن ازنك
طلعت برة القاعة بسرعة وسمحت لدموعي تنزل لو مكنتش عيطت كنت متت
....... عند يوسف وبسنت.......
.... بجد يابسنت يعني انتي موافقة
بخبث.... طبعا يايوسف انا لسه بحبك ومستعدة استناك عمري كله
.... انا بجد مبسوط اوي شكرا يابسنت
ابتسمت بخبث وسرحت في حاجة وتعابير وشها كلها شر
يوسف دخل القاعة وراح عند مامته
... اومال امل فين ياماما
بضيق.... يعني زعلتها ومش عارف راحت فين وكمان سيبتها تمشي لوحدها
.... انت بتقولي ايه ياماما انا مش فاهم حاجة
... امل يااستاذ بعتها تناديك عشان تسلم علي عمتك هدي ولما رجعت عانت عيونها مليانة دموع وقالت انها تعبانة وهتروح
...ازاي تمشي لوحدها من غير ماتقولي
.... هو دا كل اللي هامك اسمع يايوسف كله الا امل امل دي بنتي واغلي عندي منك كمان اياك تفكر تزعلها
.... عارف ياماما انك بتحبيها بس والله مااعرف هيا مالها ولا شوفتها من اول ماجينا.
.... هيا روحت يايوسف روحلها وشوفها زعلانة من ايه والا هيكون لينا كلام تاني
طلعت من القاعة وانا مش فاهم حاجة هيا مشيت ليه طب يمكن حد قالها حاجة زعلتها معقول تكون شافتني انا وبسنت مع بعض لا يارب انا لازم اتكلم معاها وافهمها كل حاجة
مش عارف انا مضايق ليه مع اني المفروض افرح لان بسنت طلعت لسه بتحبني بس امل ماما بتقول انها كانت معيطة ياااربي دماغي هتنفجر من التفكير
....... عند امل......
ماسكة صورة مامتعا وبتعيط
..... وحشتيني اووي ياماما سبتيني ليه انا محتجالك اوي محتاجة اترمي في حضنك انا تعبانة اوي ياماما يارب خدني عند امي بقا يارب انا تعبانة اوي
استغفرت ربنا من كلامي وقومت اتوضيت ولبست اسدالي وصليت وانا بصلي عيطت كتير اوي وشكيت لربنا همي بس مدعتش علي يوسف ابدا مقدرش ادعي عليه لو هو اتاذي انا اللي هتعب
خلصت صلاة ومسكت المصحف وبدات اقرأ قران وانا بعيط
.....
سوقت عربيتي باقصي سرعة وكل الي ف دماغي بتخيلها وهيا بتعيط قلبي بيوجعني اكتر دموعها بتحرق قلبي
وصلت البيتكان هادي والنور مطفي ومفيش حركة ولا نفس قربت من اوضتها وسمعتها وهيا بتقرا قران صوتها جميل اوي بس صوتها مخنوق بالعياط شكلها بتعيط وهيا بتقرا
         { ولقد نعلم انك يضيقُ صدرك بما يقولون * فسبح بحمد ربك وكن من الساجدين * واعبد ربك حتي يأتيك اليقين}.
... مقدرتش استحمل اسمع صوتها مخنوق اكتر من كدا فتحت الباب بسرعة وجريت عليها وضميتها جامد وبدات امشي ايدي علي شعرها بحنان
كنت محتاجة الحضن دا اوي اترميت في حضنه ومسكت ف قميصه جامد وفضلت اعيط وارتجف وهو بيهديني حتي لو هو سبب زعلي هيفضل اماني وملجئ الوحيد
... امل اهدي ياحبيبتي وقوليلي مالك
.... ليه يايوسف.. ليه تجرحني طب حتي اعمل حساب لمشاعري احترمني اني لسه علي زمتك
.... انتي فاهمه غلط
بزعيق... لا مش فاهمة غلط لما اشوف جوزي مع وحدة تانية وماسك ايديها وبيضحكو وحتي هو مش عامل حساب اني ع زمته ابقا مش فاهمة غلط ابدا...
...امل لتاني مرة هسالك انتي لسه بتحبيني!
بعياط وصوت عاليانت ايه مبتحسش بعد دا كله وشاكك ان كنت لسه بحبك او لا انا عمري مانسيتك عشان انسي حبي ليك كنت مستعدة اعمل اي حاجة تتمناها مقابل اني اسمع منك كلمة حلو وانت في المقابل عملت ايه جرحتني وكسرتني بدل المرة الف ومع ذلك باجي ع نفسي وبقول هيتغير بس انت عمرك ماتتغير يايوسف
انت اناني ومبتحبش غير نفسك ابعد عني انا بكرهك حرام عليك بكرهااااك........
اخر حاجة شوفتها اني وقعت بين ايده ومش قادرة اتنفس وهو كان قلقان جدا وبيحاول يفوقني
بس انا كنت اخترت طريقي ياريت دي تكون النهاية واروح عند ربنا
امل.. امل قومي والنبي انا اسف ابوس ايدك قومي... متسبنيش والنبي... اماااااااال
   .......... يتبع......

رواية أمل ويوسف الفصل السادس 


... امل عشان خاطري اصحي انا اسف
يوسف شالها وركب العربية وساق باقصي سرعة علي اقرب مستشفي
.... دكتور بسرعة مراتي بتموت
الممرضين جريو عليه واخدوها منه حطوها ع الترولي والدكتور دخل يشوف حالتها
يوسف واقف برة بيفكر فيها وفي كلامها
.... معقول انا وحش للدرجاتي واذيتها اوي كدا كل دا شايلاه في قلبها وانا مش حاسس بيها يارب ياامل تفوقي وانا والله هعوضك عن كل حاجة بس فوقي بس
قلبه... زعلان عليها ليه حبيتها !!
عقله... احب مين دي اختي الصغيرة انا بحب بسنت وبس
قلبه.... بسنت اللي باعتك زمان ولا فرق معاها وبعدين انت عايز تقارن بسنت بأمل
عقله.... هيا مكانش ليها زنب ابوها اللي اجبرها تتجوز
قلبه.... كان ممكن ترفض
عقله... انت مش بتحب غيرها بسنت وبس
قلبه.... امل
عقله... بسنت
قلبه... لا امل
..... باااس كفايه كفاية تفكير مبقتش مستحمل
تلفونة رن.... الو
بدلع..... الو يا يوسف عامل ايه ياحياتي
... كويس معلش يابسنت مشغول... وقفل
..... بقا انا يايوسفتقفل في وشي والله لوريك بس يلا مضطرة استحمل لحد ما اخد منك اللي انا عايزاة
بعد نص ساعة الدكتور طلع
... طمني يادكتور هيا بقت كويسة صح
... هيا كان عندها انهيار عصبي حاد دا غير ان تنفسها مش مظبوط احنا دلوقتي ركبنا ليها اجهزة اكسجين تظبط النفس وهتكون كويسة ان شاء الله
... طب ممكن اشوفها
... تمام مفيش مشكلة
.... شكرا
دخلت لقيتها نايمة ووشها شاحب لونه ازرق ومهدودة بس لسه ملامحها بريئة زي الملاك مسكت ايديها
.... انا اسف غلطت في حقك كتير وجرحتك انتي عمرك ماكنتي ضعيفة كدا فين امل اللي علي طول بتتكلم عن الصبر وحكمة ربنا... قومي انتي وعدتيني اننا هنختم القرآن مع بعض وهتاخدي بايدي وتقربيني لربنا
... يو.. يوسف
... امل انتي فوقتي انتي كويسة استني هناديلك الدكتور
..... لا دا احنا بقينا عال اوي ونقدر نخرج كمان
... تمام يا دكتور شكرا
الدكتور طلع وانا بصيت علي يوسف كان في وشه سعادة غريبة ومبتسم
... الحمد لله علي سلامتك
... الله يسلمك
.... انا اسف
عيوني دمعت..... خلاص يايوسف اللي حصل حصل
... انا غلطت في حقك وازيتك كتير امل انا مش هقابل بسنت ولا اشوفها لحد مانتطلق
... دي حياتك يايوسف انت حر فيها
.... مسمحاني
.... مقدرش ازعل من حد لاني برضو لو غلطت في حق حد ححتاج انه يسامحني
.... انتي طيبة اوي ياامل
... يلا انا عايزة اروح
اتنهد... تمام هروح امضيلك علي ازن خروج وانادي الممرضة تخلعلك المحاليل والاجهزة دي
.. تمام
... كدة خلصنا الحمد الله علي سلامتة حضرتك
... الله يسلمك ياقمر
... علي فكرة جوزك بيحبك اووي
.... ايه عرفك
.... لما جابك هنا كان متوتر اوي وفضل يزعق ويصرخ فينا ولما دخلتي للدكتور يكشف عليكي كان واقف برة بيدعيلك ويعيط بجد يابختك بيه ربنا يخليكو لبعض

بكسوف.... تسلمي ياحبيببتي
..... مش يلا ولا ايه ياست امل
... احم اه يلا
نزلت من علي السرير ومكنتش قادرة امشي بس بضغط علي نفسي
فجأة لقيت رجلي اترفعت من ع الارض
... انت بتعمل ايه يايوسف نزلني الناس بتبص علينا
... واحد وشايل مراته ايه فيها حاجة غلط دي
لحظة لحظة هو قال مراته الله علي جمال الكلمة دي قلبي هيطلع من مكانه من الفرحة
كنت مكسوفة من الناس اوي دفنت وشي في صدره
وهو ضحك علي كسوفي..... دخلني العربية وقعدني بالراحة وركب وساق بينا علي البيت
..... يوسف دا مش طريق البيت
.... طب ماانا عارف
... احنا رايحين علي فين
... خاطفك
ضحكت.... عادي هصوت واقول حرامي وخاطفني
... هقول مراتي في حد يخطف مراته
تاني الله يرضي عنك انا مش حمل كده هو انت ياتسكت خالص ياتتكلم كدا انا قلبي مش. مستحمل كل دا والله
..... وصلنا
.... دا مطعم!
.... معلومة جامدة بس احتفظي بيها لنفسك
بسخرية.... هه دمك خفيف
.... هنقضيها كلام بقا ولا ايه
نزلنا من العربية ودخلنا المطعم وهو ماسك ايدي وانا طايرة من الفرحة قعدنا وطلبنا الاكل واتكلمنا وضحكنا كتير ولما خلصنا هو حاسب وطلعنا ركبنا العربية
.... هااا موقف العربية ليه تاني
.... انت ليه اسألتك كتيرة
..... اسفين ياريس
..... ريس!! متجوز واحد صاحبي
.... لا ابن عمك هاهاهاييييي
...... انا نازل عشان مرارتي مش تفرقع
نزل وانا فضلت في العربية وعلي وشي ابتسامة بلهاء لحد مارجع
..... ايه كل الاكياس دي
.... دي تسالي لزوم القعد وكدة
... انت بتاكل الحجات دي زينا كدة
.... وهو انا يعني من المريخ
..... متتكلمش تاني قلشك رخم ع فكرة
.... ياسلام قاعد مع ابله فهيتا قوي ياعنيا
ضحكت علي شكله.. وبعدين ساق وروحنا البيت سندني لحد ما دخلنا
.... ادخلي خدي دوش و غيري هدومك وتعالي نتفرج علي فيلم
... تمام
دخلت وانا مبسوطة اوي ايه اليوم القمر دا يارب يايوسف تفضل كدا علي طول خدت دوش وغيرت لبست سلوبيت شتوي عليها تويتي ورفعت شعري لفوق في الاول كنت مكسوفة اطلع لانها اول مرة اقعد قدامة بالبيجامة بس دا جوزي طلعت و كان يوسف كمان غير وعمل نسكافية وجاب بطانية كبيرة وشغل فيلم رعب وحط التسالي علي الترابيزة
..... ههههه ايه دا مش قادر متجوز بنت اختي
.... ليه يعني شايفني عيلة
..... وانت مش شايفة انتي لابسة ايه ههههه
.... ايش فهمك انت في اللبس
قرب مني جامد.... قمر لو لبستي ايه
بكسوف.... احم يلا الفيلم هيخلص
.... اه اه يلا
قعدنا جنب بعض وطفينا النورواتغطينا بالبطانية وسمعنا الفيلم كان رعب لما تيجي حته بتخوف استخبي في يوسف واحضنه وهو يضحك عليا يااااه ياريت نفضل كدا علي طول
نمنا مكانا والتليفزيون مفتوح وحولينا الحجات وكان يوسف حاضني ومحسناش بنفسنا
.......... الصبح يوسف صحي علي صوت فونه
بنوم.... الوو
..... ازاي دا يحصل
... طيب طيب انا جاي حالا
قومت علي صوته كان متوتر اوي
.... فيه ايه يايوسف
........... يتبع............



لن تظهر باقي الفصول إلا بعد كتابة تعليق على هذا المقال.


reaction:

تعليقات

139 تعليقًا
إرسال تعليق
  1. جميله الروايه فين لقيتها

    ردحذف
  2. جميله الرواية فين باقى الروايه

    ردحذف
  3. جميله أين باقي الأجزاء

    ردحذف
  4. الردود
    1. جميلة جدا جدا فين باقي الرويه

      حذف
  5. روعة جدا واسلوبها حلو وجذاب

    ردحذف
  6. جميله اوي فين باقي الروايه

    ردحذف
  7. جميله جدا الباقي بليزز

    ردحذف
  8. رواية رائعة وين الجزء السابع من فظلك

    ردحذف
  9. جميلة جدا بس يلا كملو الجزء السابع

    ردحذف
  10. روايه يوسف وأمل جميله فين الباقى لو سمحت

    ردحذف
  11. جميلة جدا عاوزة بقيتها بسرعة🥺🥺

    ردحذف
  12. جميله ارجو التكمله

    ردحذف
  13. لا اله الا الله محمد رسول الله

    ردحذف
  14. جميله فين باقى الاجزاء

    ردحذف
  15. جميلة جداً فين الباقي

    ردحذف
  16. جميلة الرواية تحفة انا حبيتها ارجو التتمة ❤❤❤❤❤

    ردحذف
  17. فين باقي القصة دي تحفة ارجو التتمة

    ردحذف
  18. جميله الروايه ممكن باقى رواية أمل ويوسف

    ردحذف
  19. رواية قمة في الروعة

    ردحذف
  20. جميله الروايه بس ياريت اتكملوها

    ردحذف
  21. جميله الجزء اللي بعدو

    ردحذف
  22. جميله أوي كملتها 💜💜💜

    ردحذف
  23. جميله القصة ...كملوها بقه شوقتونا

    ردحذف
  24. جميلة جداً ارجوك تكملتها

    ردحذف
  25. جميله جداً فين باقيتها

    ردحذف

إرسال تعليق