القائمة الرئيسية

الصفحات

نوفيلا يوميات اتنين مجانين كاملة بقلم حبيبة محمد

 نوفيلا يوميات اتنين مجانين كاملة بقلم حبيبة محمد

 

نوفيلا يوميات اتنين مجانين كاملة بقلم حبيبة محمد

رواية يوميات اتنين مجانين الفصل الأول 


نوفيلا💙

يوميات اتنين مجانين💙

"محمد وريم"

الحلقه الأولى

(حريقه)
****************

:بت يا ريمممممممم انتي يا زفتتتتته

نطت من على السرير وهيا بتلف حواليها زي المجنونه لحد ما لقيته واقف فوق رأسها فضلت تفرك في عينيها نص ساعه وبعدين بصتله.

:حد يصحى حد من النوم كده يا حمار ص٩تني من احلي نومه

:انتي بتشتميني انا يا ريم ؟

:وهو في حد في الاوضه غيرك يا حمار

:تاني

:اوه سوري عايز من امي ايه على الصبح ؟

:كان في شرب اسود في الدرج راح فين؟

:الله وهو انا اللي بلبسه ولا انت

:صبرني يارب ريم حبيبتي فكرييني كده انا اتجوزتك ليه؟

:الله وانا مالي هو انا كنت قولتك والنبي والنبي تعالي اتجوزني ما انت اللي اتجوزيني ولا كنت شايفني بايره ده انا كنت اشاور بصباع رجلي الصغير هاتك عرسان نقاشين، خياطين، رسامين، طيارين بس وقعت فيك في الآخر

:اصطبحنا واصطبح الملك لله ولا اله الا الله

:ايه لازم تعلن اسلامك دلوقتي

:هو انا كنت كافر اساسا

:الله وانا مالي هدخل في خصوصياتك ليه يلا يا عم هنرش مايه

:اترش في وشك يا بعيده مايه نار

:انت بتدعي عليا بسسس انا ألم هدومي اروح لأمي لا تقولي شرابي فين ولا جزمتي فين

:وعلى ايه اتهدي سيبهالك مخضره

:هيا ايه؟!

:هيا ايه ايه!؟

:اللي سيبهالي مخضره

:تصدقي وتؤمني بالله

:ما انا مؤمنه اصلا

:انا واحد حمار اني اتجوزت حماره زيك

:الله وهو الحمار مش بيتجوز اللي من نفس فصيلته ولا انا اللي معلوماتي على قدي؟

:اللهم لا اسئلك رد القضاء ولكن اسئلك اللطف فيه

لف وشه ولسه هيمشي هوب راحت ناطه فوق ظهره حاول ينزلها بس معرفش مسك نفسه بالعافيه انه يضربها

:انزلي يا بنتي هتأخر على الشغل

:يعني الشغل أهم مني؟!

:انتي عارفه الجزمه بتاعتي

:اه

:أهم منك انتي شخصيا

:طب كده واللهي ما هنزل يا محمد

:انزلي يا ريم الله يهديكي

:انت بتدعي عليا؟!

:لا يا حبيبتي بدعيلك

:انت بتاكل بعقلي حلاوه انا بتثبتني ؟!

:يا مثبت العقل والدين انزلي يا بنتي

:انا مش عجباك هل انا مش عجباك ؟!

:يا ماما انزلي هطرد من الشغل

:تاني بتفضل الشغل عليا؟!

:هو انا ابتليت بيكي خلاااااااص

:محمد

:يا نعممم

:انت بتتعصب على امي ليه دلوقتي

:يعني لو واحد غيري متجوزك مش كان زمانه انتحر

:يعني ايه ينتحر

:يعني يموت نفسه

:ويموت نفسه ليه هو اهبل؟!

:اه اهبل انزلي بقى

:انت بتقول عليا هبله يا محمد

:ظهري هيقف يا بنتي

:ما يقف امال هيقعد قهقهقهه وقهههههه

:يارب صبرني يارب

:متدعيش على نفسك تكون صبار يا روحي

:جك شكه في روحك يا بعيده

:ما تتشك انت يا محمد اشمعنا انا

واخيرا وبعد مشاغبه نزلت من على ظهره وفضلت تنط على السرير وهو واقف يتفرج عليها ويضرب ايد علي التانيه كان ايه اللي وقعه فيها اهو ده بقى اللى بيسميه الحب وبهدلته

:مش عاجبك

:وهو انا اتكلمت

:وانت متكلمتش ليه؟! هااااا

:انا ماشي

:ماشي ولا قاعد قهقهقهقه

:يخربيت ظرفك يا شيخه يارب لا اعترض

:وتعترض على ايه بقى ان شاءالله ده انت بتستحمي في الأسبوع مره يا مقشف يا معفن يا.....

:بسسسسس ايه ياماما راديوا وفتحته غلط

:قصدك اني بتكلم كتير يا محمد

:ابو محمد يا شيخه أبوا اليوم اللي اتجوزتك فيه ابو اليوم اللي فكرت أنقذ البشريه فيه

.............................................................................

رجع من الشغل لقى كل أهالي العماره نازلين جرى فكر في حريقه ولا حاجه طلع جرى علي شقته لقى بابها مفتوح دخل لقاها مدخنه بشكل فظيع فضل ينده عليها ومن حيث لا يدري

:ااااااااامحمد

وهوب نطت على ظهره وقعوا هما الاتنين على الأرض

:ااااااه عاااااجل شعري باااااااظ

:اللله يخربيتك يا بعيده ايه اللي عملتيه في الشقه ده؟

:على فكره بيتي لما يتخرب بيتك انت كمان هيتخرب وبعدين مالها الشقه عملتها نيولوك جديد غير الألوان اللي كانت فيها دي

:ولعتي في الشقه يا ريم وتقوليلي بغير في نيولوك ؟!

:تؤ تؤ مش كده بص انا كنت راحه اعمل بيتزا من اللي انت بتحبها وركز هااا من اللي بتحبها وحطيتها في الفرن لقيت فلم للواد المز أحمد عز قعدت اسمعه بعدها لقيت فيلم لشاروخان قعدت اسمعه

:والبيتزا؟!!!

:استنى شميت ريحتها بتتحرق قومت بسرعه رميتها من الشباك ومش خدت بالي انها وقعت على غسايل الست ام عمر العقربه دي الي تحتنا

:ولعتي في الغسيل يا ريم يختاااااااااي؟!

:استنى قولت اقوم اعمل شاورما واعوض عن البيتزا اللي باظت رحت حطاها على النار ونسيتها دخلت المطبخ بالصدفه اه واللهي بالصدفه لقيت النار ماسكه في كل كل كل القماش وحريقه رحت جايبه هدومك وفضلت اطفي النار ما هو انا مش هطفي بهدومي اه

:هدومي؟!

:استنى قولت لازم لما تيجي تلاقي البيت نظيف عشان تنشرح كده لسه بقوم راسي خبطت في الحلل ووقعت كل حاجه حتى الزيت بتاع التموين وقع

:الله يخربيتك يا بعيده دي الشقه دي شقا عمري ده انا بقالي ٧ سنين بحوش في تمنها

:لا اسمع اخد أجهزتي الكهربائيه واروح لأبويا لا يقولي شقا عمري ولا شقا ظهري

:انت بتزليني؟!

:لا انا برسيك على الحوار

:ريم

:انا بفكر اشيل النجفه دي ابيعها ايه رقيك

:ريم

:ولا اقولك السفره دي تعالى نحطها في المطبخ

:ريممممممم

:ااااااه ريم ريم ريم انت بتنادي عليا من أوروبا

:قلبي

:ماله

:هيتشل

:وفيها ايه هتموت يعني

:لا

:يبقى خلاص مش مشكله يلا قوم نرتب الشقه

:يارب انا عارف اني عملت مصايب كتير بس كله الا دي

....................................

:عاااااايم في بحر الغدر شط النداااااااله مليان وقلوب مليها الشررررر

:انتي يا متخلفه عايز اركز ورايا شغل مدلدل

:الله وهو انا عملتلك حاجه انا بطبخ

:اااييييه بتعملي ايه؟!!!

قام وقف في ثواني وجرا على المطبخ بسرعه العداء

:عاااااا فيه ايه خضتني؟!!

:الشقه يا بنت اللي بتنام حافيه لسه الخدامه ماشيه وواخده ٥٠٠ ج عااارفه يعني ايه ٥٠٠ ج!!!

:٥٠٠ الجنيه دول كنت بشتري بيهم شيبسي يا معفن يا جلده

:ريمممم اطلعي بره بدل ويمين بالله ما هتعرفي هعمل فيكي ايه

:الله طيب طيب متزقش وعااااااايم في بحرررر الغدرررر شط الندالللله مليااااان

:بسسسسس

:واللهي هدخل ألم هدومي واروح عند امي

:بالسلامه

:بس برضه من الأدب اقعد في بيتي معززه مكرمه مشرفه

:ريم حياتي

:ايوا عايز ايه؟

:عارفه يوم ما اتجوزنا

:هههه يااااا ده كان حتت يوم اه ليه؟

:ينفع ارجع بالزمن وميحصلش

:محمد محمد محمد هو اغمى عليه ولا ايه انا هقوم انام بدل ما يقولوا زوجه تقتل زوجها لسبب مجهول

:واللهي شكلي انا اللي هقتلك

يُتبع ..

رواية يوميات اتنين مجانين الحلقة الثانية 


لقراءة البارت الثاني : أضغط هنا 
reaction:

تعليقات