القائمة الرئيسية

الصفحات

رواية وأصبحت اسيرته الفصل التاسع 9 بقلم سمسم

 رواية وأصبحت اسيرته الفصل التاسع 9 بقلم سمسم

رواية وأصبحت اسيرته الجزء التاسع 

رواية وأصبحت اسيرته الفصل التاسع 9 بقلم سمسم


رواية وأصبحت اسيرته البارت التاسع 


((أصبحت أسيرته))
الجزء التاسع
.........
فى المنزل
تالين......ماما هو چواد متصلش بيكى النهاردة
كريمة.....لاء والله يا حبيبتى كنت لسه هسالك
تالين.....غريبة دى مش عوايده دا كان كل يوم يتصل بينا انا خايفة ليكون حصل حاجة
كريمة.....ان شاء الله خير جايز يكون الشغل عطله
ديما......جايز الله اعلم فى ايه
تالين......تقصدى ايه يا ست ديما
ديما.....ولا حاجة هو انا قولت حاجة
تالين.....اللهم طولك يا روح اما اروح اذاكر احسن
كريمة..... ماشى يا حبيبتى ربنا يوفقك
تالين.....تسلمى يا ماما عن اذنك
ديما .....بالتوفيق يا تالين
تالين بصوت منخفض......كاتك نيلة تاخدك على تقل دمك
كانت تالين تشعر بالقلق على زوجها فهى لم تسمع صوته منذ اخر مكالمة بينهم فخشيت ان يكون اصابه مكروه
تالين.....يارب يرجعلى بالسلامة واحميه واحفظهولى يارب
..........
فى الجامعة
سمر.......هانت كلها مادة ونخلص من ام الكلية دى بقى
تالين..... صحيح والله الواحد حاسس ان الايام واقفة
سمر.....انتى حاسة بيها كده يا مزة علشان جوزك مسافر
تالين.....اتلمى يا بت هو خطيبك مش ناوى يرجع هو كمان ويخلصنى منك
سمر ......اخص عليكى عايزة تخلصى منى
تالين......هو انا اقدر يا حبيبتى
سمر.....تسلميلى يا قمر
.........
فى منزل والد تالين
جلال......حبيبة بابا اخبارك ايه
تالين.....الحمد لله يا حبيبى تمام
زينب......امتحاناتك خلصت ولا لسه
تالين.....خلاص فاضل مادة واحدة واخلص
جلال.....على خير يا حبيبتى
تالين.....تسلملى يا بابا
بسام.....منور يا قمر
تالين.....دا نورك يا حبيبى خلصت ولا لسه
بسام.....لاء لسه فاضل مادتين بحالهم
تالين.....ههههه انت قدها
بسام.....ايوة انت اقوى من الامتحانات
تالين.....اخويا العسل ابو دم خفيف
زينب.....لسه مفيش اخبار تفرحنا يا تالين
تالين بكسوف.....ربنا يسهل يا ماما
جلال.....متكسفيهاش يا زينب
زينب.....عايزة افرح باولادها يا جلال
تالين.....كله باوانه يا ماما
بسام.....دول ولادك يا تالين هعلمهم الفساد على أصوله
تالين.....ابقى اعملها كده وشوف هيحصلك ايه
لال.....هو بيحب بهزر معاكى يا حبيبتى
تالين لا تتمنى سوى أن تصبح ام لاولاد من چواد حبيبها ومعشوقها
......
فى المنزل
استبد بها القلق على تاخير زوجها فى الاتصال بها فكم اشتاقت الى سماع صوته واثناء تفكيرها به رن هاتفها ولم يكن المتصل سوى خاطف قلبها فردت عليه بلهفة وشوق
تالين.....حبيبى
چواد......وحشتينى يا روحى
تالين.... كده يا چواد تتاخر عليا فى إلاتصال
چواد بندم...... سامحينى يا اعز الناس
تالين.....فى حاجة يا حبيبى
چواد....ابدا يا عمرى بتسألى ليه
تالين......حاسة فى رنة صوتك بحزن
چواد.....لا يا حبيبتى مفيش حاجة
تالين.....طيب بس متتأخرش عليا تانى
چواد.....خلاص يا روحى انا قربت ارجع يا اعز ماليا فى الدنيا
تالين......ترجع بالسلامة وانا خلاص قربت اخلص امتحانات
چواد.....بالتوفيق يا قلبى
تالين.....تسلملى يا حبيبى
...........
فى الجامعة
تالين......ياااااه اخيرا الواحد خلص امتحانات وكلية
سمر.....اه احساس لذيذ ومنعش
تالين.....طب تعالى معايا علشان عايزة اشترى شوية حاجات علشان چواد خلاص قرب يرجع
سمر.....حاجات ايه يا لئيمة
تالين......بس يا بت اياكى تفهمينى صح واوعى الفار يلعب فى حجرك
سمر......هههههه ماشى يلا بينا بس هتعزمينى على الغدا
تالين..... ماشى يا طفسة يلا بينا
تجولت تالين وسمر فى العديد من المحلات لاختيار ما يناسب ذوق تالين
سمر.....كفاية يا تالين مش قادرة امشى
تالين....خلاص يا سيتى خلصنا تعالى نأكل
سمر....يلا احسن كلاب بطنى بتهوهو
تالين.....ماشى يلا بينا
..........
عادت تالين الى المنزل وهى سعيدة فقريبا سيحضر زوجها
ديما.....ايه الشنط دى كلها
تالين..... بتسألى ليه يعنى
ديما....اصل مش عوايدك تشترى حاجات كتير كده
تالين.....والله انا حرة واعمل اللى انا عيزاه يا ديما
ديما.....خلاص هدى اعصابك كده غلط على صحتك
تالين.....اوووف الصبر من عندك يارب
........
صعدت تالين الى غرفتها وقامت بفتح الاكياس التى تحملها واخذت تجرب ما قامت بشراؤه لاختيار اجملهم لكى ترتديه عندما يحضر زوجها
........
كريمة......هو چواد مقالش هيرجع امتى
تالين.....هو كان قايلى قرب يرجع بس مقليش على اليوم
كريمة.....يرجع بالسلامة ده وحشنى اوى
ديما.....ومين سمعك يا طنط
تالين فى سرها.....وحش يا كلك يا شيخة
ربنا يرجعه بالسلامة يارب
كريمة.....يارب يا حبيبتى
تالين.....ماما بعد اذنك انا هبات عند بابا بكرة
كريمة......ليه فى حاجة حصلت
تالين..... لاء بس ماما قالتلى بابا تعب شوية
كريمة.....الف سلامة عليه
تالين....الله يسلمك يا ماما
.........
فى منزل والد تالين
تالين.....بعد الشر عليك يا حبيبى
جلال.....تسلميلى يا حبيبة بابا
تالين..... مش قولتلك 100 مرة يا بابا متتعبش نفسك
زينب.....قوليله يا تالين علشان انا غلبت معاه
تالين.....كده مزعل زوزو يا بابا
جلال.....هو انا اقدر ازعلها دى حبيبة قلبى
تالين......احم احم نحن هنا ايه الرومانسية دى كلها
على فكرة انا هبات هنا النهاردة
زينب.....تنورى يا حبيبة قلبى
تالين.....تسلميلى يا زوزو
بسام.....يا هلا يا هلا تالين عندنا
تالين.....اه وقاعدة على قلبك النهاردة كمان
بسام....يا سلام دا البيت يزيده نور
تالين.....يالهوووى على الادب من امتى ده كله
بسام.....من هنا ورايح يا قمر
تالين.....انت عيان يا بسام انا مش متعودة على الادب ده كله
بسام.....هو لا كده عاجب ولا كده عاجب اولع فى نفسى يا ناس
تالين.....هههههه بعد الشر عليك
........
فى المنزل
تالين......تصبحى على خير يا ماما هطلع انام عايزة حاجة
كريمة.....سلامتك يا حبيبتى تصبحى على خير
تالين....وانتى من اهل الخير عن اذنك
كريمة..... اتفضلى يا حبيبتى
صعدت تالين الى غرفتها كانت تريد ان تنام ولكن النوم هرب من عينها بسبب تفكيرها بزوجها
فجلست امام الشباك وظلت تتأمل القمر وكأنها تخبره بما فى قلبها وكان الهواء يبعثر خصلات شعرها الحريرى فكانها لوحة مرسومة بدقة عالية وتأخر الوقت ولم تشعر به
ولكنها لم تنتبه للباب الذى انفتح للتو ودخل منه من تفكر به وظل يتأمل ملامحها الجميلة الذى اشتاق اليها اشد اشتياق
چواد......اللى واخد عقلك يتهنى بيه
سمعت صوته فهل ما سمعته حقيقة ام خيال هل حضر فعلا ام انها مجرد تخيلات من عقلها فنظرت إلى مصدر الصوت واتسعت عينها من الدهشة والفرح معا
فجرت عليه واحتضنته بشدة وتعلقت برقبته فاطبق عليها بيديه بشوق وشغف كانه يريد ان يجعلها ضلع اضافى من ضلوعه
تالين بفرحة عارمة......چواد حبيبى انت هنا بجد ولا انا اللى بحلم
چواد......لاء انا جيتلك يا عمرى وحشتينى اوى
تالين......انت اكتر انت مقولتش ليه انك جاى النهاردة
چواد.... حبيت اعملها لك مفاجأة
تالين....احلى مفاجأة فى حياتى
كانت نيران شوقه اليها تشتعل فى قلبه منذ ان تركها وهى لم تكن اقل منه فى اشتياقها اليه فحملها بين ذراعيه ليرتوى من رحيقها ويطفىء لهيب الشوق المستعر بداخله
چواد.....تعالى اصل انتى وحشتينى اوى يا عمرى
تالين .....مش اكتر منى يا حبيبي
.............
فى الصباح
استيقظت تالين وابتسامة على وجهها لرؤيته نائم بجوارها فقد كان مستغرقا فى النوم ولكن كان يبدو عليه الإرهاق ففضلت أن تتركه ينعم بنوم هادئ
كانت ملابسه مبعثرة على الأرض فقامت تالين بلمها واثناء حملها للجاكيت الخاص ببدلته شعرت بشىء فى جيب جاكته الداخلى ولم يكن ذلك سوى صورة
استغربت تالين من وجود صورة امرأة غريبة مع زوجها فكانت صورة لامرأة شديدة الجمال ومكتوب اهداء على ظهر الصورة اخذت تالين فى قراءته
تالين.....الى حبى الوحيد لذكرى ايام جميلة قضيناها معا وايام اجمل بانتظارنا اهداء سيلفيا
ومطبوع عليها شفاه بروج احمر
لم تستوعب تالين ما قراءته على الصورة
تالين بصدمة.......چواد كان بيخونى كان بيضحك عليا اكيد ده كابوس مزعج اكيد انا بحلم
وبعد نطقها هذا الكلام لم تشعر بنفسها وسقطت مغشيا عليها فاقدة الوعى

يُتبع ..

reaction:

تعليقات