القائمة الرئيسية

الصفحات

رواية حمل مرعب الحلقة الثامنة 8 بقلم مصطفى مجدي

 رواية حمل مرعب الحلقة الثامنة 8 بقلم مصطفى مجدي

رواية حمل مرعب الجزء الثامن 

رواية حمل مرعب الحلقة الثامنة 8 بقلم مصطفى مجدي


رواية حمل مرعب البارت الثامن

اول ماعينى وقعت على القصر سرحت واتخضيت ووقفت بحاول افتكر هو القصر ده ولا واحد شبهه ، سألت واحد فاتح محل الناحية التانية من القصر وقولتله :

= هو فيه قصر تانى غير ده قريب ؟!

طبعًا الراجل اكدلى ان مفيش غيره فى المنطقة دى كلها ، ورغم انى متأكده ان هو لكن كدبت عينيا ، القصر كان عبارة عن مكان مهجور جدًا من سنين ، وتقريبًا محدش بيدخله ، سلمى اول ماشافته مصدقتنيش وقعدت احلفلها ان هو ده القصر وان الراجل جابنى هنا وانى كنت الفترة اللى فاتت كلها موجودة فيه ، لكن برضو مصدقتش ومقدرتش اقولها على السر انى حامل فى طفل من العالم السفلى والحاجات اللى حصلت مع صاحب الكباريه والمواقف اللى حصلتلى المرة اللى فاتت.

حاولت ادخل القصر واكدلها اللى بقولهولها لكن هي منعتنى ومرضيتش تدخل ومشيت من المنطقة ، وانا عقلى عمال يودى ويجيب وقررت انى اروح لدكتور نسا يكشف عليه واشوف هيقولى ايه.

روحت مع سلمى فى السكن اللى كنا واخدينه والعملية كانت لسه مأثرة عليا ومدوخانى ومكنتش قادرة امشى واتعامل بشكل طبيعى ، سلمى ضغطت عليا انى ارتاح كام يوم لحد ماافوق وبعد كده ابقى انزل الكباريه واعمل اللى عايزاه ، فعلا ريحت 3 ايام وقبل مااروح الكباريه جبت اختبار حمل من الصيدلية وعملته ولقيته سلبي ، فاصريت انى اروح لدكتور نسا واكشف واعمل سونار واتاكد فى حمل ولا لأ ، انا مبقتش اصدق اى حاجة ، فعلا كشف عليا وعملت سونار واتاكدت ان انا مش حامل ، وطبعًا قعدت اسأل نفسي ، كل اللى حصل معايا ده كان ايه ؟! الانسان ممكن يتهيأله لحظات ساعات يوم لكن يتهيأله ايام دى حاجة جديدة عليا.

روحت الكباريه وكل تركيزى انى اشوف ماركوس وافهم منه اللى حصل ، وليه قعدنى فى قصر مهجور ، وللاسف برضو مكنش موجود ، كلمت المديرين والناس القريبين منه علشان يدونى اى حاجة اوصله بيه لكن كله رفض وقررت انى اطلع مكتبه من وراهم واحاول اوصل لاى رقم او عنوان يوصلنى ليه ، خاصة بعد مااكدولى انه مش هيجي قبل كام يوم .

فى نص الليل والناس بدأت تسكر ومتكونش فى وعيها ، وعدت واحد من البودي جارد انى هعمل معاه علاقة مقابل انه يدخلنى مكتبه علشان اشوف اى وسيلة او عنوان لصاحب الكباريه ، وفعلا دخلت ، قعدت ادور فى الادراج وفى الدولاب بتاعه لحد ماوصلت لحاجة عاملة زى مسجل الصوت ، شغلته وسمعت راجل صوته غريب جدًا باعت رساله لصاحب الكباريه وبيقوله فيها

= حلم حياتك قرب اوى والتابوب بقى فى مكانه وناقص اللى هيفتحه ، لازم تعمل اللى اتفقنا عليه لان مفيش اى مجال للاخطاء ، اى حاجة هتتعمل غلط حياتك هتكون التمن ، انك تجيب روح وتخليها معاك دى حاجة مش هينة ، والبنت اللى قولتلى عليها لازم تكون يوم 10 قصاد التابوت علشان روحها تتبدل ونقدر نعزم على ابن الشيطان وتوصل للى انت عايزه

رميت التسجيل اللى انا سمعته وفهمت الراجل ده جابنى ليه وعايز ايه ، وكان ناقص اعرف بس مين الروح اللى هو عايز يخرجها وطبعًا مكان التابوب ، واللى انا توقعته ان هيكون فى القصر ، وحاولت اعرف بطريقة غير مباشرة من سلمى ، مين اقرب واحد للراجل ده ومات ، واتصدمت صدمة قوية لما عرفت واتاكدت بعدها ان انا اللى عليا العين فعلا...
يتبع .. 

لقراءة الحلقة التاسعة : اضغط هنا 

لا تنسى كتابة تعليق ليصلك اشعار بالحلقات الجديدة.

reaction:

تعليقات