رواية صفقة على مطلقة الجزء الخامس 5 بقلم كوكي سامح
رواية صفقة على مطلقة الفصل الخامس
 |
| رواية صفقة على مطلقة الجزء الخامس 5 بقلم كوكي سامح |
رواية صفقة على مطلقة الحلقة الخامسة
زهره بتتخنق وجريت على المطبخ بسرررعه
تشوف محبس الغاز شافت امها مرميه على الأرض ومخنوقه
خرجت جرى على البلكونه تصرخ وتقول الحقوناااا
الحقونااااا احنا بنموت من الغاز
وفى ثوانى كانوا اهل المنطقه فى الشقه
ودخلوا قفلوا المحبس وخدوا زهره بره الشقه
وهى على صرخه واحده امى واخواتى
ومش عاوزه تخرج رغم أنها مخنوقه ومحتاجه هواء
وشدوها بره الشقه وفصلوا الحى من الميت
وكل جيران زهره واقفين معاها ومستغربين
ايه اللى حصل؟! وهى قاعده على السلم بتندب
وتلطم وتقول بس اخواتى عايشين وماما صح
رد واحد من الجيران وقال
خلاص يا زهره انتى لسه ليكى عمر إنما
هما قضاء الله ونفذ
زهره منهاره وبتقول.. لا لا لا ابوس ايدك
انقذ امى او اختى انا شوفت فيهم الروح
ماما كانت بتتنفس لا لا اختى كانت بتتنفس
وافتكرت موقف مع امها لما كانت عاوزه فلوس
وقالت: تغور الفلوس يما الدنيا من غيركم وحشه
اوى اوى وبقت تضرب بكف ايدها على رجليها
اعمل ايه دلوقت انا حاسه انى عاوزه اموت
وقامت تجرى على الشقه بس الجيران مسكوها
وبعد ساعه كانت الإسعاف وصلت وتم معاينه
الشقه وبعد المعاينه كانت النتيجه ان الغاز كان
متسرب والضحايا ماتوا اثر الاختناق ولا توجد
جريمة وخرجوا اخوات زهره ومامتها والمفجأه ان
الاب كان نايم فى اوضته ومات مخنوق
وخرجوا جمعيا على عربه الإسعاف جثث
هامده
ولما زهره شافتهم جثث اغمى عليها وفقدت الوعى تماماً
فى منزل زاهر...
زاهر كان وصل البيت وقاعد بياكل وفجأه
حس بنغزه فى قلبه وقال :
ايه ده هو فى ايه انا حاسس بنغزه جامده
قلبى وجعنى زهره زهره
وافتكرها وهى معاه وجمبه وقعد يكلم نفسه
انا حاسس ان زهره فيها حاجه مش عارف ليه
يارب خير استرها يارب
انا عارف النغزه دى كويس حستها يوم ما ماما
ماتت 😭 ومن يومها وانا لوحدى
وانا ما صدقت الاقى زهره
ومسك الفون واتصل ب زهره
ولا توجد اى استجابه وقفل واتصل تانى
حوالى 10 مرااات وبعت واتس وبرضه
لا توجد اى استجابه وقال حتى الكلام لسه
متشافش
القلق سيطر عليه لدرجه انه جسمه تلج من خوفه
على زهره
وقام ولبس وخد عربيته وطيران على بيتها
ولما وصل شاف الشارع شكله غير طبيعى
ناس متجمعه عند منزل زهره والكل لابس اسود
وحاله من الحزن تعم على المكان بأكمله!
قرب منهم وسأل شخص كان واقف
.. لو سمحت هو فى ايه بالظبط؟
.. فى مصيبه يا استاذ شايف البيت ده
كلهم ماتوا بالغاز مخنوقين يا عينى عليهم
والله كان يوم اسود يوم اخترعوه من ساعتها
وكل يوم والتانى نسمع عنه بلاوى
زاهر اتخض ووشه اصفر وقال زهره زهره
.. هى الوحيده إللى عاشت مكتوبلها عمر جديد
على الدنيا بس يا عينى عليها فى دنيا تانيه
لا حول ولا قوة الا بالله ربنا يصبرها
.. ممكن اعرف هى زهره فين دلوقت؟
الراجل شاور على بيت قصاده وقاله انها موجوده
فيه عند جيرانهم وغايبه عن الوعى
زاهر جرى على البيت وخبط على الشقه
فى الدور الأول ولما سأل بنت فتحت وقالت
زهره فوق مش هنا
طلع السلم جرى وكان باب الشقه مفتوح
وكانت كميه ستات قاعده لابسة اسود وبتعيط
على أهل زهره وقاعدين يتكلموا فى الموضوع
الغاز وازاى ماتوا وان زهره ليها عمر جديد
على الدنيا
دخل زاهر وسأل ست موجوده وقال فين زهره
ولما سألته هو مين رد وقال انه من قرايبها
ولما عرف الخبر حب يكون موجود مع زهره
والست قالت إن زهره فى حاله إغماء
طلب منها يشوفها وفعلا
دخل عليها وكانت نايمه فى دنيا تانيه
قرب منها ومسك ايدها وخدها فى حضنه
وابتدى يتكلم معاها
زهره يا حبيبتى فوقى انا زاهر
متخافيش انا جمبك وفى ضهرك مش هسيبك
قومى يا زهره
وهى كأنها جثه هامده ومش حاسه بحاجه
وقال للست جارتها
مفيش دكتور قريب من هنا
رددت عليه وقالت : احنا حاولنا نفوقها ببرفان
وهى مش حاسه بحاجه نزلت سألت الصيدليه
قال شويه وهتفوق هى بس مصدومه
زاهر استغرب من كلامها
وقال.. دى لو فضلت كده ممكن يجرالها حاجه
وتتدخل فى حاله اكتئاب عموما انا اعرف دكتور
كويس والعربيه معايا تحت وقام وشالها
الست مستغربه وقالت لا مينفعش تاخدها
ومسكت ايده وابتدت تصرخ وتقول
الحقوا واحد غريب عاوز ياخد زهره
وهو مش سامع وشايل زهره ونازل ومحدش
قادر عليه وقابل فى وشه وديع جار زهره
وقاله مش انت جارها وانا شوفتك النهارده
رد وقال ايوه انت كنت واقف معاها على أول الشارع
زاهر رد وقاله انا بقى قريبها ممكن تساعدنى
وتيجى معايا ناخد زهره على اققرب دكتور
وفعلا وديع راح معاه وزاهر شايلها على ايده
وهى فى دنيا تانيه وركب العربيه وراح عند
دكتور صاحبه ولما شاف زهره وكشف عليها
قال إنها واخده صدمه واداها حقنه وركب لها
محاليل وبعد مرور ساعه ابتدت تفوق
وزاهر جمبها وجارها واقف بره مستنى انها
تفوق
واول لما فتحت عينيها شافت زاهر
وقامت وقالت ماما بابا اخواتى
زاهر عينه دمعت وحاسس بصدمتها
فى فقدان اعز ما ليها الاهل الضهر والسند
أصعب حاجه هو فراق الاحباب
زهره.. انا بقيت لوحدى يا زاهر ومليش حد
انا كنت بشتغل علشانهم هما كان نفسى ياكلوا
لقمه كويسه يلبسوا يعيشوا زى الناس ما هى عايشه كويس
خلاص انا بقيت وحيده
زاهر مسك ايدها وخدها فى حضنه وقال :
حبيبتى انا جمبك ومش هسيبك اهدى انا
مش قادر اشوفك كده خالص
رددت وقالت وهى منهاره ومش مصدقه نفسها
دووول كانوا كويسين عارف عارف ماما
قبل ما أمشى كانت عاوزه فلوس
علشان مكانش معاها فلوس فى البيت
علشان ناكل واخواتى ياكلوا
تخيل انا شوفت الفلوس على رخامه المطبخ
حبيبتى مخددتش حاجه من الدنيا
الدنيا دى بجد وحشه اوى بتفرق الاحباب دايما
زاهر.. حبيبتى ارجوكى اهدى شويه
زهره مسكت ايده وبتعيط وقالت :
يا ترى كانوا حاسين بأيه؟
مخنوقين ومش قادرين ياخدوا نفاسهم
ولا ماتوا كده على طول
وقامت وحاولت تقوم من السرير وقالت
انا لازم اموت زيهم واحس نفس احساسهم
رد زاهر وقال انا لوحدى زيك بالظبط وعايش اهو!
صدقينى الموت الحاجه الوحيده إللى بتكون
كبيره وبعد كده تفضل تصغر لحد ما بتكون ذكرى
زهره شارده وبتعيط وقالت :
بس انا عارفه ان ربنا حنين اوى واكيد خفف
عنهم وابتدت تستوعب موتهم
وحضنت زاهر وقعدت تبكى وهو عينه
كلها دموع وحزين عليها
وديع جار زهره عرف انها فاقت ودخل يطمن
وزاهر طلب منه أنه يروح لأنها تعبانه
بس وديع كان لى رأي تانى وقال :
ازاى اسيبها دى بنت منطقتى وفى مقام اختى
وبعدين حضرتك بتقول انك قريبها وانا اول مره
اشوفك وشكلك كده مش زيهم خالص
انت منظر تانى يا استاذ هيئه وعربيه
ممكن تقولى حضرتك مين؟
رددت زهره وقالت : شكرا يا وديع ياريت تسمع
كلامه وتمشى انا بقيت كويسه دلوقتى
وديع رد وهو متعصب ومحروج من كلامها
.. ماشى يا زهره انا همشى
وبص ل زاهر وقال إن شاء الله بكره الدفنه
ياريت تكونوا موجودين
رددت زهره والدموع فى عينها خلاص يا وديع
انا عارفه ان أهلى كلهم ماتوا وبقيت لوحدى
وديع.. بس الاوصول بتقول انك تكونى فى شقتك
دلوقتى تاخدى عزاهم على الاققل
زاهر.. انت بتقول ايه يا استاذ مينفعش تروح
تقعد فى الشقه الفتره دى
وديع بص ل زهره وقال
اومال هتقعد فين؟!
زهره.. أمشى يا وديع واشوفك بكره فى الدفنه
وديع مشى وهو بيضرب كف على كف ومضايق
منها ومتعصب
فى ڤيلا رجاء..
عادل قاعد فى اوضته وفاتح الاب
والفون رن ولما رد كان راجل من رجالت اسمه صابر وقال:
عادل بيه العمليه خلصت خلاص
وكله اتنفذ زى ما حضرتك قولت بالظبط
عادل.. الورق كله معاك والست اتأكدت انها ماتت
صابر.. ايوه يا بيه معايا والست ماتت وشبعت موت
عادل قفل معاه وقال التانيه يا منسى
خلاص مراتك ماتت وارتحت منها اللى الكل عامل ليها
حساب وواقفه فى ضهرك ابقى ورينى
بقى هتعيش من غير مراتك ازاى.....
يتبع..
- لقراءة الفصل السادس : اضغط هنا