القائمة الرئيسية

الصفحات

رواية من حفر حفرة لأخيه وقع فيها الفصل الخامس 5 بقلم آية علي

 رواية من حفر حفرة لأخيه وقع فيها الفصل الخامس 5 بقلم آية علي

رواية من حفر حفرة لأخيه وقع فيها الجزء الخامس 

رواية من حفر حفرة لأخيه وقع فيها الفصل الخامس 5 بقلم آية علي


رواية من حفر حفرة لأخيه وقع فيها البارت الخامس 



من حفر حفرة لأخيه وقع فيها

الحلقة الخامسة

محمود اتفاجئ بهنامغمي عليها وواقعة في الأرض حالتها شكلها صعبة وكمان منظرها صعب اوي عليه وهي كده ضعيفة ومهزومة وماتتحملش أي شئ قام بلهفة عليها هنا وشالها عالسرير وبدأ يفوق فيها بس مش بتسجيب ليه مرة يرش عليها كوباية ماية ساقعة مرة يخليها تشم بيرفيوم بس مافيش فايدة أكتر من ساعة مش عارف مابقاش عارف يعمل ايه ومحتار ويقول ياهنا حرام عليكي اللي بيحصل هتموتي نفسك هعمل دلوقتي ايه ياااربي هخدك المستشفي إزاي ده احنا لسه الفجر وكمان لوصبرت عليكي في حالتك دي ممكن يحصلك مضاعفات وتبقي كارثة طبعا هنا كل ده فاقدة وعيها ومحمود عمال يحاول معاها وجاب قياس الضغط يقيس ليها ضغطها لقاه واطي نهائي هي أصلا في اليومين اللي فاتوا دول كانت مش بتأكل كويس وهالكة نفسها دروس ومدرسة ومذاكرة وزعلها ده كمان سبب ليها التعب ضغط وزعل وحاجات كتيييير محمود ياخبر أرزق ده أنتي ضغطك وحش يظهر عندك إنهيار عصبي أنا مش هسكت علي كده انا هأخدك عالمستشفي واللي يحصل يحصل أحسن ماتموتي مننا قام شالها واخدها إلي أقرب مستشفي خايف عليها وكمان أحسن أمه تصحي فجأة ماتلاقيش حد فيهم تقلق دخل الطؤاري لقي ممرضين ماشيين يجروا بحالات حوادث قالهم لو سمحت أختي تعبانة خدوها علي سرير والدكتور دخل محمود في نفسه الحمدلله فيه دكتور اهو والمستشفي شغالة علشان حالات الحوادث اللي داخلة دي يعني هلاقي دكاترة يشوفوا هنا الدكتور مالها قاله وقعت مغمي عليها من ساعتين بنحاول نفوق فيها مش بتفوق ضغطها واطي اوي وعندها إنهيار عصبي الحقها بسرعة يادكتور

الدكتور اهدي بس ماتقلقش وكشف علي هنا لقا كلام محمود صحيح إنهيار عصبي حاد وضغطها واطي قالوا هي فعلا حالتها صعبةوعلقلها محاليل واداها حقنة مهدئة عمل كل اللازم معاها وقالوا هتبقي كويسة بس تتجحز يومين عندنا علي مانطمئن عليها أكتر محمود تحت امرك يادكتور آسف عطلتك عالحالات الصعبة اللي كانت داخلة الدكتور ولايهمك الدكاترة كلهم موجودين وتخصصهم اعلي من تخصصي حظك انت وأختك النهاردة لو ماكانشي فيه دكاترة كان صعب يسيبوا حالات الحوادث الطارئة ياما كنت هتبهدل بيها ياما كنت هتسيبها علي مايخلصوا الحوادث وكانت حالتها مش هتتحمل الإنتظار محمود الحمدلله الف شكر يادكتور

الدكتور ده واجبنا يابني ربنا يشفيها تعالي بره عاوزك محمود حاضر تؤمرني الدكتور سأله

أنت عرفت إزاي حالتها الصحية بالظبط كده قالوا اولا كانت بقالها كام يومين مش بتهتم بأكلها هي ثانوية عامة دروس ومذاكرة كتييير كانت بتكون مستعجلة ثانيا حصل خلاف في البيت وكانت زعلانة ومنهارة جدا فترة طويلة فطبعا ضغط كبير وقلة أكل وزعل في وقت واحد سببوا ليها الانهيار ده

ثالثا أنا دكتور بس لسه مبتدأ بدرس في كلية الطب البشري وفي سنة رابعة السنة دي وقيست ليها ضغطها لقيته واطي الدكتور بقي معجب بمحمود وذكائه ودماغه النضيفة قاله الله ينور عليك ربنا يزيدك من علمه ماشي يابني اسيبك أنا وأشوف شغلي محمود فضل جنبها وهنا لسه تحت أثر المهدأ اللي الدكتور ادهولها وفجأة فتحت عينيها وقالت بصوت تعبان محمود رد عليها ألف حمدالله علي سلامتك ياقلبي كده يابت تخضيني عليكي قالتلو أنا فين قالها أنتي في المستشفي استغربت وخافت وقالتلوا طب بابا وماما فين قالها ماما في البيت ماتعرفش حاجة وابوكي في الجامع بس النهار يطلع وأعرفهم بالراحة لانك محجوزة في المستشفي يومين أنتي حالتك صعبة اوي شوفتي عملتي ايه في نفسك كنتي هتروحي فيها لولا العبدلله أنا ياست هنا ردت عليه حبيبي ربنا ما يحرمني منك بس المدرسة والدروس ده أنا عليا إمتحانات شهر ومذاكرة كتييير مهمة قالها ماتقلقيش هروح أقول للمدرسين وهجبلك اللي هيفوتك بس انتي قومي بالسلامة كده واجمدي وفضلوا يتكلموا مع بعض لحد النهار ماطلع والشمس طلعت 🌻🌻🌻🌻🌻🌻

هبة وهدي راحو المدرسة بس مالقوش هنا استغربوا اول مرة تغيب حاولوا يكلموها بس فونها غير متاح زاد قلقهم اكتر خلصوا يومهم الدراسي وهدي قالت لهبة لازم نروحلها نشوفها قالتلها طب بعدين ورايا مشوار هدي خير مشوار ايه برده الزفت أسامه ده قالتلها ماتقوليش عليه زفت ده حبيبي ونور عيني قالتلها ياهبة فوقي لنفسك أنتي لسه ناوية عاللي في دماغك هنا ماعملتش فينا حاجة وحشة بالعكس ده بتخاف علينا وبتحبنا اكتر من نفسنا واحنا نقدر نكون زيها ونتعلم منها هبة خبر ايه يابت أنتي مش كنتي معايا من الأول وموافقة عاللي هنعمله معاها قالتلها ياما بنصحك وأنتي مش راضية وبعدين أنا ماعملتش حاجة زعقئت فيها هبة ايه ده هي هنا صاحبة عمرك ولاأنا هدي أنتم الاتنين صحاب عمري وأنا خائفة عليكي بلاش نضيع وندمر حبنا وصحوبيتنا بسبب غيرة عامية مالهاش أي لأزمة احنا نقدر نغير من نفسنا للأحسن هبة ياسلام ياست الفليسوفة عموما مش عاجبك خليكي براحتك أنا زي ماأنا عند دماغي وهكمل في خطتي وأسامه حبيبي معايا وبيساعدني كل ده وهي متعصبة عليها وهدي ساكتة وبتقولها فكري علشان خاطري هترجعي تندمي قالتلها أنا غلطانة إني اعتبرتك واحدة صاحبة ليا وامنتك علي سري كله أنتي لاصاحبتي ولاأعرفك وزقتها ومشيت هدي كانت هتقع قالت أه ولحقئت نفسها وسرحت

فلاش بااااااااااااك



هبة كانت بتحكي لهدي علي كل حاجة أكتر من هنا لان هدي شبهها لبس وميكيب وحب بس علي خفيف يعني بنت فرفوشة وحلوة بس عارفة الصح من الغلط ومتفاهمة وجدعة وعندها وفاء وإخلاص لأعز الناس ليها غير هبة خالص تدوس علي أي حد علشان نفسها حتي لو أقرب الناس ليها وكانوا بيغيروا من هنا بس هدي عادي لكن من زن هبة عليها كانت بتحاول تكرهها فيها بأي طريقة وتوقع بينهم فاتفقوا عليها فهدي كانت تقولها بلاش احنا اه نغير منها بس نتعلم منها مش نأذيها هي مااذتناش ياهبة حرام علينا احنا زينا زيها وممكن اللي نعمله فيها يتعمل فينا بلاش اعقلي وارجعي عن اللي في دماغك هبة رفضت وهددت هدي إنها تروح لحازم وتدمر علاقتهم ببعض بأي وسيلة حتي لو تكدب عليه المهم هدي تكون معاها في الموضوع ماتبقاش لوحدها هدي سمعت كلامها اول مرة يوم ماسابوا هنا تروح لوحدها بس بقت خايفة وتقول ياااارب استرها والنبي أنا مش عاوزة اكون في الموضوع بس اعمل ايه فاقت من شرودها علي رنة فونها وكان حازم ردت عليه حبيبي عامل ايه قالها الحمدلله أنتي مال صوتك قالتلوا متضايقة شوية ياحازم قالها خير ياقلبي قالتلوا مافيش زعلانة أنا وهبة شوية طبعا هي ماتقدرشي تحكي أسرار صاحبتها مهما كان حازم طب ياقلبي هدي نفسك كده ماتزعليش ماأقدرش علي زعلك ياجميل هدي ياوأد يابكاش حازم قلب الوأد تصدقي طالعة منك عسل أووووي هدي وياترا عسل أسود ولاأبيض حازم كل العسل اللي في الدنيا هدي طب هقفل بقي دلوقتي هروح وابقي اكلمك وقفلت ومشيت كملت طريقها للبيت وقالت ربنا يهديكي ياهبة 🤲🤲🤲🤲🤲🤲🤲🤲🤲🤲🤲🤲

هبة راحت لأسامه وقعدوا واتكلموا مع بعض كتييير وأسامه قالها لسه ماشين أنا وأنتي في الخطة قالتلوا أه بس هنا ماجاتش النهاردة أسامه في نفسه ليه بس كان نفسي أشوفها من بعيد لبعيد سألها قالها ليه قالتلوا أنا عارفة طول النهار نرن عليها غير متاح هبقي اروحلها أشوفها أسامه اوكيه وبقي بأي طريقة عاوز يشغل هبة ويأخد فونها قالها الساعة بقت كام طلعت فونها لسه بدري الساعة 2 مستعجل عاوز تمشي قالها لا بسأل عادي ماشي ماشي حطي فونك وتعالي نقف شوية في الجو الحلو ده نشرب حاجة كده قالتلوا اوكيه عاوزة عصير فراولة قالها تيجي اجبلك ولاتروحي أنتي أنا بجيب علي طول جيبي أنتي مرة يابت قالتلوا عيوني ياقلبي اداها الفلوس وراحت وسابت فونها عالترابيزة اخده بسرعة وطلع من عليه رقم هنا متسجل باسم هنا عبد الفتاح زي ماهو عارف الاسم وواتسها لكن بروفايلها معرفش بس معاه الرقم والواتس وهيدخل بالرقم يبحث عن البروفايل سهل يعني وهو بيشوف الفون لقا أرقام ورسائل شباب كتييير حب وغرام بس عادي ماهموش اهو بيتسلي زيو زيهم واستحقرها واستقل بيها أكتر ولولا موضوع هنا كان سابها بس محتاجها الخيط اللي يقدر يوصل بيه لهنا اخد الرقم وسجله علي فونه وحط الفون مكانه كأن لم يحدث شئ جت هبة وشربوا العصير وقضوا وقت حلو يتمشوا ويضحكو ويهزروا وكل ده أسامه متخيل هبة هنا بس محاذر لايغلط بعفوية ويناديها باسمها وتشك فيه ومشيوا بعد ماقضوا وقت فسحة ومشي وفرحة بس للأسف فرحة مزيفة من غباء بنت وطيشها واستهتارها

😐😐😐😐😐😐😐😐😐😐😐😐😐

في بيت الحاج عبد الفتاح وصل بيته الصبح والحاجة فاطمة بتجهز الفطار وراحت تصحي ولادها ماحدش موجود استغربت راحو المدرسة بدري كده قبل مايفطروا بس برده هي قلقانة ام ياجماعة وقلبها بيحس بالحاجة برده بقت تقول يااارب جيب العوائب سليمة وبقت تقول حبيبتي يابنتي ربنا يسترها عليكي الحاج عبد الفتاح ياأم محمود خلاص انا هرفض العريس ونقوله إن البنت عاوزة تكمل دراستها وهي ونصيبها بقي أم محمود مع إني كنت هموت من الفرحة ونفسي أشوفها عروسة بس برده مستقبلها ياحاج وأنا ماأقدرش أشوفها زعلانة أو مجبورة علي شئ ونحرمها من حاجة بتحبها احنا طول عمرنا مدلعينها في كل حاجه وعمرنا ماظلمناها هنيجي في مصيرها ونظلمها خلاص ياحاج اتكل عالله وارفض الحاج حاضر اتكلنا عليك يااااااااارب 🤲🤲🤲🤲🤲🤲🤲🤲🤲🤲🤲🤲🤲🤲

في المستشفي عند محمود وهنا طبعا محمود ماراحش الجامعة هو كمان وقال لهنا أنا هروح البيت بقي اطمن الجماعة أنتي بقيتي كويسة اهوة واجمدي عن كده فاهمة وضربها علي كتفها بمشاكسة قالتلوا حبيبي بقي أغلي وأحن أخ في الدنيا ده جولاايه قلبي ياحودة ربنا ما يحرمني منك ابدا ياحبيبي محمود يابت أنتي أختي وبنتي وحبيبتي وقلبي ده أنا أكبر بأربع سنين ضحكت وقالتلوا اربع سنين مرة واحدة محسسني إنهم أربعين سنة قالها هفضل شايفك صغيرة مهما تكبري ومش هسيبك ابدا بس سيبيني اروح اطمن الجماعة عليكي ويجوا يشوفوكي عاوزة حاجة هنا سلامتك ياقلبي خلي بالك من نفسك يامحمود ضحك وقالها ماتخافيش ماحدش هيخطفني ولله هنا ضحكت هههههههههههههههههه محمود تدوووم ياقلبي ضحكتك الحلوة وخلي بالك أنتي من نفسك يلا سلام ⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦هنا صحيح نسيت أقوله يشحن فوني ويجيبه ليا ده زمان هبة وهدي شبعوا رن عليا لمايجوا بقي ولوإني هتعبه معايا كفاية تعبه امبارح بس معلش بقي الدكتور دخل اطمن عليها وشافها لقاها بتتحسن

محمود راح بلغ أبوه وأمه قلقوا علي طول بس هو طمنهم إن حالتها كويسة جم معاه ودخل يجيب ليها لبس ويجيب فونها والشاحن علشان تبقي تشحن موبيلها اليومين اللي هتقضيهم في المستشفي شوفوا حنية الأخ بقي من غير ماتقوله حتي عارف طلباتها وراحو لهنا كلهم أمها داخلة قلقانة بنتي حبيبتي⁦❤️⁩ مالك فيكي ايه هنا ماتقلقيش ياحبيبتي أنا كويسة أبوها معلشي يابنتي هنا ولايهمك يابابا أنا اللي أسفة فعلا قالها هقولك خبر هيخليكي تقومي تجري من مكانك هنا خير تاني أبوها أنا رفضت العريس وهسيبك تكملي تعليمك هنا بجد حبيبي يابابا ياأحن اب في الدنيا محمود مبسوطة بقي وعلي فكرة جبتلك حاجة تلبسيها اليومين دول وفونك كان فاصل والشاحن بتاعه اهوة هنا حبيبي ياحودة كنت فاكرة اقولك ونسيت قالها من غير ماتقولي وفضلوا يضحكوا ويهزروا وكل حاجة واليوم كان جميل ⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩اسامه روح بيته دخل بالرقم عالفيس يعمل بحث عن بروفايلها لقي اسمه أميرة بحجابي وبروفايلها كلو بوستات دينية ومحجبين إنما صورتها مش موجودة وحاجة جميلة مالهاش حل دخل الواتس لقاها حاطة صورتها شخصيةطبعا الواتس خاص مافيش عليه غير ارقام صحابها هبة وهدي ودول طبعا صحاب عمرها ومتربين مع بعض في بلد واحدة يعني ثقة وبنات تانية معاهم برده مدرسات ليها ورقم محمود اخوها طبعا فعلشان كده حاطة صورتها عادي مش في بالها شئ للخوانة نرجع بقي لأسامه وهو بيشوفها منتهي الجمال والرقة والبراءة والتدين ومحجبة ووشها منور بنور تدينها وإيمانها وخلاص قرر إنو يعمل أكونت مستعار زي اكونتها علشان تقبله عادي وعمل وبالفعل بعتلها أدد بس مافيش رد ولاقبول لسه وكل أما يشوف مايلقيش حاجة استغرب وقال ياترا فيه ايه ده هبة كانت بتقول فونها غير متاح وكمان ماجاتش أسامه القلق شاغله عاوز يعرف بأي طريقة مالها حبها بجد ⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩

نكمل الحلقة اللي جاية

الحلقة طويلة اكتر من اللازم عاوزة تشجيعكم ومتابعتكم ليا


يُتبع ..

لقراءة الفصل 6 : اضغط هنا 
reaction:

تعليقات