رواية صفقة على مطلقة الجزء الثالث 3 بقلم كوكي سامح
رواية صفقة على مطلقة البارت الثالث
 |
| رواية صفقة على مطلقة الجزء الثالث 3 بقلم كوكي سامح |
رواية صفقة على مطلقة الحلقة الثالثة
فستان زهره شبك فى الكرسى
ولما بصت وراها وكانت مرعوبه وشافت مصيبه
ست واقفه وماسكه فى ايدها سكينه وبتضرب
بيها المنسى
منسى ماسك فى فستانها لحد ما اتقطع
زهره مش معاه عينها على الست وقالت
.. يا نهار اسود دى هتموتك وبقت تصرخ
منسى قال انتى بتقولى ايه؟
زهره.. بص وراك بسرررعه
الست رفعت السكينه ولسه هتضربه
هو بص وراه مشيت ناحيه المطبخ واختفت
المنسى.. انتى مجنونه بقولك تعالى يا زهره
ومسكها وحضنها وهى بتقاوم بشده
الباب الڤيلا اتفتح وكان زاهر
دخل يجرى وسلك زهره من ايده وشدها وراه
المنسى قال بكل عصبية
.. ايه اللى جابك مش قولتلك أمشى
.. الحمد لله انى جيت فى الوقت المناسب
حرام عليك البنت غلبانه ليه بس كده؟
ما تشوف واحده من اللى هما كده كانت هتنفعك
إنما اظن زهرة مش بتاعه الكلام ده
زهره بتترعش وجسمها بيتنفض
انا كنت جايه الحفله ومعرفش والله انه هيعمل كده
زاهر مسك ايدها وحس بنبضها وقال
.. متخافيش انا معاكى ودى غلطه مش هتتكرر
المنسى.. نعم يا روح امك انت هتعمل فيها
راجل عليه يا زاهر ده لحم كتافك من خيرى
انا اللى مربيك بعد ما اخويا مات
وخليتك راجل زى الشحط
زاهر.. عمى انا عارف كل ده بس ارجوك بلاش زهره بجد البنت غلبانه
زهره بتمسك ايده اوووى وحاسه بالأمان معاه
المنسى رجع على البار وشرب كاس خمرا
وقال اتفضلوا انتوا الاتنين امشوا من هنا
يلا بره بره بره
زاهر.. حاضر يا عمى وقرب منه وقال بلاش
تشرب علشان الكبد عندك مش مستحمل
ورحمه ولاء يا عمى
المنسى عينه رغرغت وقال
بقولك بره دلوقتى وقعد يبكى
زهره خرجت مع زاهر ومستخبيه وراه
وماسكه ايده اوووى
زاهر شاف جسمها عريان والفستان مقطوع
قلع الچاكت وحطه على جسمها
زهره.. شكرا بس انا حاسه انى تعبانه وجسمى
مش حاسه بيه من الخضه والخوف
زاهر.. الحمد لله انها جت لحد كده
زهره.. بجد انا مش عارفه اشكرك ازاى
بجد انت نقذتنى
وهما الاتنين ماشين فى الجنينه زهره شافت نفس الست
وقالت: الحق يا استاذ زاهر شايف اللى انا شيفاه
رد وقال : شايفه ايه!؟ الجنينه فاضيه يا زهره
زهره بتترعش وقالت : جوه الڤيلا ومنسى
بيتهجم عليه شوفت واحده ست ماسكه سكينه وكانت هتضربه بيها
بس اختفت ودلوقتى شوفتها
فى الجنينه بس كانت بتضحك ومش معاها سكينه
.. يا حبيبتى دى تهيأت لان مفيش حد والجنينه فاضيه
.. حبيبتك؟!
.. اسف طلعت غصب عنى بجد بعتذر
.. ولا يهمك بالعكس الكلمه دى حلوه اوى
بس عمرررى ما حسيتها
.. انتى اطلقتى ليه يا زهره
زهره سكتت ومش بترد
زاهر فتح باب العربيه وقفل بوابه الڤيلا
وبعد ما زهره ركبت قعد وماسك الدركسيون
.. انا سألتك اطلقتى ليه يا زهره
.. انا انا انا؟؟.....
.. مالك لو مش عاوزه تقولى خلاص
.. بعدين نتكلم فى الموضوع ده علشان
لما بفتكر بضايق وانا اعصابى مش مستحمله حاجه دلوقتى
.. اوك انا بس كان نفسى نتعرف على بعض اكتر
وطلع بالعربية.....
زهره.. هى الساعه كام دلوقتى؟
زاهر.. الساعه 8 ونص
زهره.. ماشى
زاهر.. لسه بدرى على فكره
زهره.. ايوه بس انا كان عندى ميعاد والفستان
اتقطع خالص وبعدين ممكن مروحش الميعاد
عادى بس اروح ازاى بالمنظر ده؟
زاهر.. يا ستى مش مشكله انا هاخدك على اققرب
محل ملابس واشترى ليكى احلى فستان بس
كده
زهره.. ربنا يخليك انا فعلا مش عارفه اشكرك ازاى
بس فى سؤال هى مين ولاء دى!؟
علشان لما منسى بيه سمع اسمها اتغير وبكى
من الواضح كده انها حد عزيز عليه
زاهر.. ولاء دى يا ستى بنته الكبيره
وكانت خطيبتى ومن يوم ما ماتت والكل متأثر
بموتها
زهره.. هى ماتت
زاهر.. ايوه فى حادثه كبيره وعمى من يومها
وهو اتغير بس للأسف للأوحش
زهره.. ممكن تحكيلى الموضوع بالظبط
زاهر.. يا بنتى متشغليش نفسك دى الحادثه بقالها سنين
بس عمى مش قادر ينساها لانه كان متعلق بيها اوى
وبصراحه موتها كان صدمه للكل
زهره.. اممم الله يرحمها
زاهر وقف بالعربيه قدام عماره وركن
زهره.. ايه ده انت وقفت ليه هو احنا فين؟!
زاهر.. دى العمارة اللى انا ساكن فيها
انا ساكن فى الدور الثامن وفيها اسانسير متخافيش
زهره.. ومين قالك انى هطلع معاك!
زاهر.. يا ستى فوق هنقعد ونتكلم براحتنا
وكمان فى فساتين ولبس اختى قبل ما تتجوز
اهو تغيرى الفستان ده وتريحى أعصابك شويه
وبردوا لو مش عاوزه خلاص مفيش مشاكل
زهره.. مش انت قولت انك تعرف محل ملابس
اشترى فستان منه وخلاص
زاهر.. انا قولت نقعد براحتنا والاختيار ليكى
زهره متنحه وساكته
زاهر.. شكلك بيقول انك رافضه اوك
وطلع بالعربيه وزهره قالت خلاص انا موافقة
ورجع وركن وخدها وطلعوه الشقه ولما دخلوا
زهره قالت غريبه هو انت سايب انوار الشقه
كلها مفتوحه؟!
زاهر.. اصل بخاف من الضلمه تتخيلى
زهره دخلت وقعدت وقالت
انا كمان كنت بخاف من الضلمه وانا صغيره
انا حاسه انى بردانه اوووى يا زاهر
زاهر قرب منها وقعد جمبها ومسك ايدها
وابتدى يدفيها وقال لها
بس الجو حلو وعموما انا هقوم اعملك حاجه دافيه
وقام وهو بيتكلم ودخل المطبخ
زهره بتكلم نفسها وبتقول:
شكله حنين وانا عمررى ما حسيت بحنيه زى دى
طول عمرى حاسه بالذل والقهر والفقر
وبعد دقايق زاهر خرج من المطبخ ومعاه اتنين نعناع
وقعد جمب زهره وقرب منها وبص فى عينها
وهى عينها فى عينه وبيقربوا من بعض
وشفايفه قصاد شفايفها
فون زهره رن وكان عادل
زهره اتنفضت وكنسلت وقالت
انا اتخضيت
زاهر.. طيب كنتى ردى
زهره.. دى ماما اكيد كانت عاوزه تطمن عليه
زاهر.. طيب اتصلى طمنيها؟
زهره قالت فى سرها انا لازم امثل انى بكلم ماما
علشان مكانش مصدر شك
ومسكت الفون واتصلت وكان مغلق
وحطته جمبها وقالت : ياااه شكل الفون فصل من
ماما شحن اتصلت كان مغلق
زاهر.. شويه وكلميها
زهره.. انا حاسه انى بقيت كويسه
ممكن الفستان
زاهر قام ووقف وشاور على اوضه النوووم
وقال : شايفه الاوضه اللى هناك دى
حضرتك هتتدخلى تفتحى الدولاب وتشوفى
اللى يعجبك وتلبسيه وتخرجى وانا قاعد مستنى
اهو.....
قامت من مكانها ودخلت اوضه النوم وقفلت الباب وراها
وبقت تبص فى كل ركن فيها وتقول ياااه
الاوضه جميله اوى وبصت على التسريحه وقربت منها وقالت
غريبه الاوضه بتاعت ست مش راجل لان
التسريحه كلها ميك اب ومكواه وسيشوار
وكمان برنس حريمى وروچ
انا هبله بجد ما هو قالى دى حاجة اختى قبل الجواز
وفجأه حست بضربات قلبها سرعت
وقالت.. يا زاهر يا زاهر الحقنى ووقعت على السرير
زاهر دخل جرى ولقاها مرميه على السرير
قعد جمبها وشافها بتتنفض ووشها اصفر
زهره.. انا حاسه انى تعبانه اوى وقلبى بيدق جامد
زاهر حط ايده على قلبها وبص فى عينها
وقرب منها اكتر وقال ده خوف يا حبيبتى
.. حبيبتك يا زاهر
.. اسف
.. عارف قد ايه الكلمه دى بتحسسنى بالأمان
بس بخاف منها
.. ليه ده أجمل إحساس
.. بس لما يكون من القلب يا زاهر
.. ومين قالك انه مش من القلب
انا حبيتك فى احلامى يا زهرة تحبى تعرفى
حلمت بيكى بأيه
زهره نامت على السرير وهو جمبها وماسك ايدها وقال
اقول حلمت بأيه..
زهره قربت منه وقالت
قول حلمت بأيه انا عاوزه اعرف
زاهر ابتدى يحكى وقال
انا حلمت انى واقف فى بيت كبير بس غريب
اول مره اشوفه وكنت تايهه ومش عارف انا فين
وفجأه لقيت بنت صغيرة طفله خدت ايدى
وفضلت ماشيه جمبى لحد ما وصلت هنا الشقه
وببص لقيتها مش جمبى واختفت دخلت ايدى فى جيبى
علشان افتح بالمفتاح مكانش معايا
وفجأه الباب اتفتح وكانت الشقه ضلمه وده غير
العاده لأنى بسيب النور مفتوح دايما
ودخلت وقفلت الباب وعينى جت على الاوضه دى
وكانت الوحيده إللى منوره وانا استغربت
اشمعنى الاوضه دى بس ما الشقه كلها ضلمه
مشيت وانا بتسحب وسمعت صوت بنت بتغنى
الأول خوفت بس من شده جمال صوتها قربت
وفتحت الباب شوفتك قدامى يا زهره
زهره.. انا
زاهر قرب منها والاتنين فى قمه الرومانسيه
وقال.. ايوة انتى وكنتى جميله اوى وعينك حلوه
ولقيتك بطلتى غنا وبتضحكى بس ضحكه
عجبتنى كانت كلها حنيه وحب
عارفه انتى كنتى لابسه ايه
زهره.. كنت لابسه ايه؟
زاهر.. كنتى لابسه بيبى دول اسود وكان حلو
عليكى اوى وقرب منها وابتدى يحضنها
وزهره عينيها كلها دموع وحب
ولمس جسمها وحس قد هى رقيقه وهى فى
حضنه......
يتبع..
لقراءة الحلقة الرابعة : اضغط هنا
بكتابتك لتعليق فأنت ستحصل على اشعار بالحلقات الجديدة من الرواية.