القائمة الرئيسية

الصفحات

رواية هروب ما بعد اغتصاب الحلقة الثامنة والعشرون 28 بقلم ميرو أحمد

رواية هروب ما بعد اغتصاب الحلقة الثامنة والعشرون 28 بقلم ميرو أحمد

رواية هروب ما بعد اغتصاب الجزء الثامن والعشرون 

رواية هروب ما بعد اغتصاب الحلقة الثامنة والعشرون 28 بقلم ميرو أحمد


رواية هروب ما بعد اغتصاب البارت الثامن و العشرين 

مر الوقت كله جو ايهبل  كنت طول الوقت انفكر في هدية مسعود شن هيا الفضول قتلني بنعرف شنو الهديه ولا ايبصر امعايا  قبل المغرب رقيت بندير سبلتي بنغير احويجي وانشوف شنو الهديه 😂😂😂😂 

فتحت الباب الشقه وخشيت

انا كان هدو بكل فتت لي الصاله كانت فاضيه خشيت الدار كانت ظلام فتحت الضي كانو في ثلاته بوكسات امغلفات واحد كان قفطان لونه حني كبير زي الفيلو 😍واحد فيه بدله الكبيره

والثالث كان امغلف كله انا فتحت فهمي نفرج عليه 😍😍😍 

حسيت بي ايدين لفو عليا ونفسه علي ارقبتي ويتكلم بصوت هادي

مسعود: عجبوك حبيبتي

انا لفيت عليه بفرحه😍😍 بسته 😘🔥: نجك لي ايهبلو حبيبي 

مسعود: امممم ماشفتي الهديه الثالثه

انا ابتسمت: مادمها منك اكيد اتهبل شكرا حبيبي  لفيت انشوف البدله الكيبره " التصديره" تعرف قداش خاطري نلبسها  امس كنت نحكي عليها لي البنات انه مادرتش عرس ولا خديتها 😍😍❤️ 

مسعود حضني 😍: مايقعدش شي بخاطرك مدام انا حي الي تبيها انديرها ليك والله كان خاطري درتلك عرس كبير زي ما تحلمي بس احني حينا في ضرف صعب 

انا ابتسمت: ربي ايطولي فعمرك حبيبي اتعيش واتجيبلي ياغالي  مش مهم العرس المهم انت جنبي وحبك ليا وحنانك عليا يكفي ايعوضني ع الدنيا كلها ❤️ 

مسعود 😍: وعمرك غاليتي ربي ايقدرني انخلي هل الفرحه هدي الي في اعيونك طول العمر

انا رفعت رجليا بمستواه وبسته بوسه طويله وهاديه تكفي اتشعل نيران موجوده فس اقلوب زوز عشاق 🔥😘😍 بعد عنه وخليت  وجهي علي وجه ونحكي امغمه اعيوني 🤤❤️

انا:   الا تعلم ياااا انت بانك ❤️انت الذي بين القلب والروح سرا ❤️وبين العين والجفن حلم ❤️وبين النبضۃ والنبضۃ حياۃ❤انحبك يا حياتي ❤️ 

مسعود ايشوف لعيوني بحب 🤤😍: نعليا شنو الرومانسيه الي نزلت عليك اليوم كلام رومانسي وبوسات مش ناويه علي خير بكل

انا 😍:انحبك ونبي انعبر علي حبي ليك 

مسعود ابتسم ايشوفلي ونحا العبايه وشاحي 😍: نعليا شن العسل 😍🔥🔥 والله حرام عليك كنتي بتحرميني من شوفتك 😂😂 لكن الهديه جاباتك ليا ياحلوه

انا ضحكت: هههههه لانه عارفه روحي لو رقيت بنحصل فيك

مسعود ضحك: 😍😍 وتوا حصلتي فيا ماعندك وين تهربي

انا لفيت ايديا عليه: ههههه واحلا حصله

مسعود ضحك: لا رسمي فيك شي اليوم

انا ضربته بايدي علي صدره: باررد

وبعدت عنه ورفعت البوكس الثالث الي امغلف 

انا: شنو فيه

مسعود بخبث: افتحيه وشوفيه

انا قعد نفتح فيه: به تعال ساعدني 

مسعود وقف جنبي: تؤتؤ افتحيه ابروحك

انا فتحته:خلاص مانبيهاش مساعدتك 😒 

نحيت الغلاف منه كانو مجموعة ارواب ❤️

انا 😳:توا من جدك شاريهم

مسعود: والله عجبني واحد تخيلته عليك جيت بناخد شفت التانيات خديتهم كلهم امع بعض ❤️  

انا 😍: شكرا حبيبي  

مسعود رفع واحد منهن: تي ناررر هدا🔥🔥🔥 يطلع عليك يقتل 😍🔥 

انا ضحكت وخديته من ايده وحطيته ع جنب: صاييع بكل

مسعود مسكني خصري وقربي ليه: والله صايع امع حلالي عندك مانع

انا ضحكت 😂:اي عندي

مسعود 🤨: ماسمعتش شن قلتي

انا ابستمت وانرمش في اعيوني : قلت انحبك ❤️

مسعود بانسي ❤️ونزل علي ارقبتي 🔥😘:انموت فيك ❤️🤤 

انا 😍: حبيبي

مسعود هايم 🤤🔥: عيونه

انا:كيف عرفت خاطري فيها البدله وحتي القفطان

مسعود 🤤: مايصعبش عليا نعرف شن في خاطر مرتي  

انا ☺️:  ربي مايحرمني منك حبيبي غلايا 😍❤️❤️ 

مسعود رقدني ع السرير وجاء فوقي 🔥🔥🔥❤️

.

.

.

.

.

.

.

.

.

.

.

امال كانت اتهدرز هي واعميمه وكان صوت المغاني عالي والبنات يرقصو  

كانت امع اتهدرزو علي موضوع جلال 

عميمه شهقت: سرطان 😱😱

امال: اي عندها السرطان سالمه في المراحل الاخيره

عميمه: من خبرك انتي

امال: مسعود قالي

عميمه زعلت عليها:ربي يشفيها ياناري عليها 

امال: مسكينه حتي انا وجعتني قال منتشر المرض واجد في جسمها

عميمه: ربي يشفيها وايعفيها والله هل مرض عدو ربي ايسلمنا منه

امال: ان شاءالله

عميمه: وين ولدك انتي

امال: جاء سلفي رفعه عندهم عمتي تبيه امرايفتله منه يقعد الايام هدي عندهم لين اتم حوسة العرس ناخد راحتي مافي شي ايقيدني  

عميمه:ليش كان خليته يتونس هنا وايغيرلنا جونا

امال: لالا مافي حد فاضيله انخاف انخليه ابروحه انخاف انخليه ابروحه اطيح عليه حاجه ولا ايصيرله شي فكني هكي احسن حتي بالي متريح امع جداه

عميمه: الي ايريحك يا بنتي  

امال: عمتي من المراه هديك كاني شايفتها

عميمه:  هذي جارتنا زمان ام سالم الي مره رفعتك امعايا علي عرس ولدها قبل ماتتزوجي

امال:اها والله قلت شايفتها بس ماعرفتها

وكملو ايهدرزو ويقرمو

بس من حسن حظ روان كانت تسمع فيهم وعازقه وذنها عليهم  

دقايق ناضت من وراهم وطلع برا في الجنان عشان صوت الاغاني  

اتصلت بجلال  

جلال: هلا بالحلو 

روان: عرفت وين امك

جلال عدل تقعميزته: وين

روان: امك مريضه في المستشفى

جلال :شنو في اي مستشفى

روان بحزن: امك مريضه وعندها السرطان قالو منتشر في جسمها واجد  والمرض مطور المراحل الاخيره 💔 

جلال انصدم 😨😨:شن اتقولي انتي متاكده

روان 💔:والله زي ماقتلك باهي مسعود هوا الي قال لي امال علي امك يعني الكلام صح

جلال بصدمه حس كل جسمه اجمد 😱😨💔 مادرش حسبه انا امه ممكن اتفارقه بالمرض زي هدا

جلال بحزن: وين هي توا

روان: مانعرفش اكيد في المستشفى ولا وين

جلال 😢:ماتقدريش تعرفيلي مكانها ضروري

روان: مانقدرش هكي بيشكو فيا وانساعد فيك

جلال: انا بنمشي اندورها

روان: لو مشت بتشدك الشرطه

جلال : يعني انتي متاكده امي هي الي مريضه مرات يحكو علي حد تاني

روان: والله هي

روان شافت مؤيد خاش خافت: باي بنسكر  

جلال:تمام تعرفي اي كلميني

روان: تمام وسكرت

مؤيد وصل فيها: شن اديري ابروحك

روان توترت: كنت انكلم في صاحبتي داخل دوشه واغاني

مؤيد ماعدل عليها: باهي كلمي ايه اديرلنا قهوه وامعاها حلويات

روان: تمام

مؤيد: قوليها انراجي فيها هنا

روان: تمام وخشت داخل

روان: ايـه قلك مؤيد ديرلي قهوه امعا شباب برا ويبو حلويات  

اسيل قرنت حواجبها: وانتي وين شفتيه مؤيد

روان ضحكت: حلوه حتي هذي وين شفتيه يعني وين بنشوفه يعني برا اهوني قاعد ايرجي في القهوه وفاتت عنها

اسيل مصدومه من وقاحتها: حقيره وربي

ايـه: تحرق في اعصابك هذي تعرفيها خلي نمشي اندريرله قهوه نعطيها ليه

اسيل: ريحي اعضامك انتي التانيه توا انديرها انا

ايـه ضحكت: هههههه ابرمي علي شكلك باهي عدلي شعرك اكويس 

اسيل سقمت شعرها: هكي اكويس

ايـه: اي اتهبلي  

اسيل:  وجهي

ايـه: عسل وربي خلاص امشي

اسيل :اي صح وين ريناد

ايـه ضحكت: غابيه فيها شفتها ركبت فوق ومسعود ركب بعدها

اسيل 😍: نعليا غير امتى انا ومؤيد

ايـه ضحكت: امشي يافانص احني مزلنا حتي ما خطبناك من قالك بنخدوك لي مؤيد ديري القهو خيرلك 😂😂😂 

اسيل ضحكت: بتجي تخطبيني رجلك علي راسك 😂 اصلا مؤيد مايقدرش ياخد غيري 😌😌 

ايـه تضحك: اسملا علي اوخي مضروب علي راسه وبياخد ازعاج والسانها اطول من طريق المطار والله معذرو خويا اكيد امدايرتله حاجه 😂😂😂 

اسيل: شن امدايرتله مثلا 😒😒😒 حتي الي ايهدرز امعاك نمشي انشوف الحب احسن من وجهك النكد

ايـه: امشي ياحنه وانتي منكلبه عليا

اسيل مش عنها : انبحي باهي  

ايـه ضحكت عليها ومشت جنب البنات ايهدرزو

اسيل دارت القهوه ودارت تشكيلة الحلويات حلوه رفعتهن طلعت بيهن  لقيت مؤيد امصبي واعيونه في التليفون  مؤيد اول ماطلعت اسيل رفع اعيونه ابتسم بعد شافها

اسيل مدتله القهوه

مؤيد 😍: شنو الحلو جايب حلو مايصيرش هكي

اسيل ابتسمت 😍:اممم شنجوك حبيبي

مؤيد 😍: بعد شفت العيون السامح اكيد في احسن حال

اسيل: دوم ان شاءالله

مؤيد 😍:امين وانتي شنجوك يا مكاره من بعد البوسه هربتي وحتي ما اتردي عليا انهون عليك قعدت عالق يومين من غير ما انكملك

اسيل ☺️: ماهو قعدت عالق اسبوع وما كلمتني ماصارك شي

😏😏

مؤيد: ماهو كنت رقيتلي منك معاش نبيك اتسلمي علي حد حتي مسعود خويا من بعيد لبعيد وخلطه امع عويل خالك مانبيها

اسيل ضحكت رفعت طرف مقروضه ودخلتها في فم مؤيد: حاضر يا غيور

مؤيد ايتسم وكلاها: تسلملي اليد الحلوه وصاحبها 😍❤️  عقبال ماناكلك انتي ❤️🤤

اسيل : تافه ضروري ما ادخل صياعتك في كل شي

مؤيد ضحك: اكيد في كل شي 😂😂😂 

اسيل 😂😂: خلاص امشي قهوتك بردت

مؤيد: مافيش وحده هكي ولا هكي

اسيل 😂: في قهوه ساخنه اتجي علي وجهك تبيها

مؤيد ضحك: نعليا لو من يدك راضي بيها  

اسيل ضحكت: وانا ماتهونش عليا القهوه تاعبه فيها تمشي علي ع الفاضي  

مؤيد رفع حاجبه: القهوه

اسيل ماسكه ضحكتها: اي

مؤيد:  ايبانلك عليها يا اسيل 😉 وطلع  قريب يوصل الباب

اسيل نادت عليه :مؤيد

مؤيد: ها

اسيل ابتسمت ودارت قلب بي ايدها: انحبك وماتهون عليا مانتحمل فيك دقة الشوكه ❤️ 

مؤيد ابتسم وعض علي فمه: اخخخخ مخبث دمك يافرخه كارثه انتي شنو بعد نبعد عنك تطلع الرومانسيه  

اسيل ضحكت: اي علي خاطر انت مجنون واهبل علي قول عميمه 😂😂

مؤيد: باهي توا انوريك اهبل والمجنون شن ايدير فيك  

اسيل: ايدك وماتعطي 😂😂😂 

مؤيد يضحك:انجيك يافرخه دوري من ايحزك مني

اسيل هربت تجري خشت داخل

مؤيد ابتسم ايشوفها هو فرحان من خيار قلبه بعد اختار اسيل تسكن فيه ويتمرد حبها في قلبه والي زاد اهباله انه اسيل طول السانها وكلامها وحركاتها كل شي ايهبلو فيه وايحب اينابشها عشان اطول السانها عليه لانه حبها بعيوبها قبل مميزاتها ❤️ ❤️ طلع الي الشباب برا

.

.

.

.

.

.

.

.

.

انا امشبكه ايدي في ايد مسعود  وحاطه راسي علي صدره

انا ☺️: حبيبي انت خاطرك في بيبي  

مسعود يلعب بشعري: اكيد نبي بس توا خليني فاضيلك مانبي حد ايزاحمني عليك نبدا نداعك انا وياه عشانك انحصلوك بتهمليني وتلهي بيه

انا ضحكت: هههههههه من نهملك انا 😍 انت في اعيوني بعدين بيكون قطعه مني ومنك ❤️ بعدين مش حا انقصر امعاكم 

مسعود ابتسم: اكيد بتكوني احلى ام لي اصغاري ❤️ 

انا 😍 : تعرف بعد انشوف يزن ولد امال ايجي فاخاطري اكون عندي ولد ولا بنت منك ايغير حياتنا ويملاها سعاده

مسعود: 😍 نعليا انا نبي 10 اصغار منك 4بنات 6 اولاد

انا ضحكت: عشره لالا 4 بس

مسعود 😂: مش بكيفك كل سنه نبي ولد ولا بنت

انا 😂😂: شنو قالولك الاله انا 😂 

مسعود ضحك وقلبني وجا فوقي: هههه بتجيبهم وانتي ساكته وراضيه 😂😂😂 

انا ضحكت: حبيبي بعد نبي اندوش وننزل لي البنات اكيد الحنايه وصلت  

مسعود 😂😂: 😂😂😂 خوافه نوضي

انا ضحكت وبسته علي خده وطلعت من بين ايدينه هربت

مسعود ضحك:خوافه

انا ❤️: مش خوافه بس عيب المراه تستنا وانا نبي انحني علي خاطرك  ☺️ 

مسعود رقد علي السرير 😍: نعليا  طيري من وجهي ترقي اليل ترقدي هنا مافيش ابيات تحت😍😍 

انا : لالا مرات انطول بعدين بنهدرز امع البنات وعندنا خدمه بكرا الفاتحة وعزومة الصبايا العيشه والعشاء الشباب اليل نبو انكملو خدمتنا بدري بدري  

مسعود هزر راسه: شن دخلني فيهم ترقي اتباتي فوق

انا مارديت عليه خشيت الحمام دوشت ع السريع طلعت لبست بيجامه خفيفه علي خاطر بنحني جففت اشعري

مزال مسعود قاعد فمكانه

مسعود: اسمعي باتي تحت بس عشان العرس معاش تحلمي اتباتي 

انا افرحت : نجك ليا حبيبي

مسعود: بس خليك جنب البنات ماتقعدي ابروحك وافطني لروحك بعد ترقدي خشي في داري ارقدي فيها سكريها عليك وخلي وحده من البنات امعاك امال ولا ايـه 

انا استغربت فيه: كنك شن اتقول مسعود ره بيت اهلك مش غريب ولا اول مره انبات فيه

مسعود: عارف بس هكي ديري زي ما قتلك

انا لفيت شعري ودرته كوده فوق: به برغم مافهمتش ليش خايف عليا

مسعود كان مايبها تقعد ابروحها ولا بعيده عنه خايف انه جلال يقدر يخطفها مره تانيه 💔 

مسعود: لا خايف لا سو  

انا سكتت: باهي بناخد افلوس عشان الحنه

مسعود: خودي

انا: برغم مش هاين عليا نرقد بعيد عنك بس هيا مره بس عادي 😂😂 

مسعود: ماتخليني انغير كلامي

انا ضحكت ورفعت الفلوس: لالا  هيا انا نازله تبي شي

مسعود ضحك : نبيك انتي مافيهاش كيف تقعدي 

انا ضحكت: لا مافيش سادك

مسعود:غير زيدي فكري تاني

انا: لا

وجيت بطلع

مسعود: ردي ارفعي تليفونك نسيته

انا: ماعندي ما اندير غير بيريح مني ولاني مش حا نفضاله

مسعود: لالا ارفعيه امعاك مرات نتصل بيك خليه جنبك 

انا رفعته:باهي  

ونزلت لي البنات القيت الحنايه كيف وصلت  

.

.

.

.

.

مسعود دوش ولبس ونزل لي الشباب برا ايهدرز امعاهم وتعرفو علي احمد ومحمد  وايهدرزو وايشفطو علي بعض وعبدالله روح

.

.

.

.

.

.

بعد نزلت مكان في زحمه واجد جارات عميمه بس وباقي العيله  بدت فيا الحنايا قبل وطلبت منها نقشه حلوه هنديه  رسمتها وبعدها دارو البنات بعدي  كملنا بدري عشان الرسم خفيف ماياخد وقت مش نفس الحنه العاديه  

قسمنا الخدمه ودرنا امبطن وبيتزا و بوريك و كباب  ثلاثه انواع اسلاطه كنا حاجزين نوعين مالح امع الي درنا

كملنا قريب 4 ونص الفجر  رقدنا طول لانه ورانا يوم طويل

اتصل بيا مسعود كم مره القيت مكالمات فائته منه بعتله رساله

انه كنت نخدم امع البنات وتوا بنرقد ❤️  

.

.

.

.

..

.

.

تاني يوم نضنا بدري نضفنا البيت  وفطرنا الناس الي بايته امعانا وجو الطبخات ايطيبو وركبو خيمه برا علي خاطر عزومة الصبايا  وتينا السفر والموالح والمشروب كل شي

قريب كملنا قريب 3ونص كل وحده مشت تجري علي عمرها

انا رقيت فوق خليت البنات حايسات ابروحهن مسعود كان مش قاعد علي خاطر الفاتحه

جبدت اشعري ودرت ميك اب تقيل اشويا ولبست قفطان  اسود خديته من مصر ضابط  من فوق فيه فتحه فوق الصدر مجسم علي الجسم لين تحت جاي زي ديل السمكه

لبست خراصي زرقون فضه و اطوال ودبلتي وساعة فضه و اسواره حتي هي فضه بخيت عطري ما لبست شي في ارقبتي عشان لوك القفطان

( 😂😂😂 مااعرفت نوصفه ليكم بس اكيد عرفتوه لاني فاشله في الوصف) 😂😂

لبست عباتي عليا ولفيت وشاحي ونزلت تحت

القيت البنات مزال ما كملو طلعت برمت ع الطبخات و البيت  

امع ساعه 5 بدو الناس اتجي لين زحمت لانه عميمه عزمت ناس واجد مشا الجو حلوه وقرو الفاتحه ضيفنا الناس وكلناهم  وانا عميمه كل مره ترفعني لوحده انسلم عليها  امع المغرب بدو الناس اتروح  كان العشاء الرجاله واتي  رقيت فوق بدلت لبست سروال جينز فيه تشريكات وعليه بلوزه بيضه قصيره عشان ناخد راحتي في الخدمه ونزلت 

قعدت انوتي امع البنات سخنا الموالح ورجعنا سرفرناهم من جديد حطينا العشاء وعشينا الرجاله والصبايا الي في البيت  

كانو في زوز صبايا يغسلو عميمه جابتهم ساعدونا واجد في المطبخ

فات الوقت كله قرمه وضحك وهدرزه

تاني يوم وعينا متاخرين عشان  كان يوم الحنه ماكان عندنا شي  مشا الوقت  

امع المغرب وتينا اروحنا  ومشينا لبيت هل سناء عميمه حنتها ضيفونا ورحنا  مافيش جديد نفسه نفس اي يوم حنه  

الشباب كانو امدايرين حفله لي عليوه دايريله جو

عندنا نحنا

امال: ليش ما اصدرتي امس  

عميمه: انا قتلها تصدر يوم المحضر امع سناء حتي رنوده عروس زيها

روان 😏: بس بايخه لقطه انها تصدر امع العروس هدا يوم ليها هيا مش اتغطي عليها وحده تانيه

انا اضيقت من كلامها

امال: وانتي شن دخلك

ايـه: عادي مش شرط اتكون العروس ابروحها حبيبتي بعدين ريناد حتي هي عروس  واحني امدايرين محضر كبير علي خاطر ريناد بس

روان ;باهي قلت كلمه اعلقتو فيا

امال: ماحد قالك تكلمي  

عميمه: كان بودي راه درتلهم عرس كبير غير جينا في الضيق  

انا ابتسمت انشوف في روان : عادي عميمه شن يفرق كله سوا المهم مسعود جنبي وامعايا يكفي حبه ليا وحنون مايخلي شي بخاطري  الباقي ما ايهمني 

عميمه: ربي يحفظكم لبعض ويبعد اعيون الحساد عنكم  ويعطيكم علي قيس نيتكم

ايـه وامال: امين

رزان اتمتم: عجب معاش في حشمه بكل 

اسيل تحدف في الدوه: اي صح في هلبا ناس ماتحشم علي وجها

ايـه ضحكت: صدقتي

انا ابتسمت انشوفلها بنضرات نصر 😏 

فات الوقت ودرنا عشاء تاني قريب 2😂😂😂

شادينها ضحك وهدرزه

.

.

.

.

.

.

.

جلال: تمام زي ما فهمتك بكرا نبعتلك رساله كلميها انها تطلع

روان: تمام بس انت افطن روحك

جلال:  لالا واخد احتياطاتي

روان: ايشوفك مسعود اتريح فيها انت

جلال: تي كنك خايفه انتي

روان : لاني بنريح في لو انكشفت هل المره

جلال:  لالا اطمني

روان: باهي بنسكر

جلال: شنو مسعود قاعد ولا لا

روان: لا  لكن اكيد ايروح

جلال: مش مهم المهم بكرا ركزيلي اكويس

روان: باهي وسكرت

وخشت داخل

خش سليم داخل

جلال: شنو عرفت شي علي امي

سليم: اي قاعده في مستشفى &&&& قبل يومين ضاربه كيماوي وتعبانه في العنايه وجسمها ضعيف ماتحملت الكيماوي  تعبت تبي علاج حتي الابره متبرعيلها بيها 

جلال: يعني بتموت

سليم: الاعمار بيد الله انت فوتك سفرتك والي قاعد اتخططه وارفع امك عالجها احسن ماتخسرها

جلال بعدم اهتمام: لالا وين انفوت الي سفرتي وامي هكي ولا هكي بتموت خلي نخطف البنت بكرا نهرب 

سليم انصدم : و امك 

جلال: ليها ربي انا افلوسي بنسافر بيهم انا ورينا يالله نلقا اناجر ولا ايسدوني يومين بعدين امي كلها يومين ولا ثلاته اتموت وتمشي لربي

سليم مصدوم في جلال مايحساب حقير لدرجه هدي ناض من جنبه

جلال صح وجعاته امه بس ماكان عنده مشاعر الحب الكافيه لي امه عشان يتخلا عن كل شي ويوقف امها ويسند  بساطه هذي تربايه ولد من صغره ع الانانيه والحقد ماكانش في بيت دافي وفيه حنان فاق علي الدنيا امه في مكان وباته في مكان

عاش مع جدته الي كان قلبها مليان حقد اكثر من سالمه تعلم منها الحقد والخبت وكرهاته في امه مكانش ايحبها بس لانه مصلحه في افلوس راجلها قعد امع امه  

سليم خش لداره شاف الكيس الي حاطه تحت داره وهو في باله خطه تانيه ممكن اتكون فيها مخاطره بس في هلبا ايجابيات

رقد هو ايفكر بينه وبين نفسه

.

.

.

.

.

.

.

.

.

.

.

.

امال: تعرفو شاكه روحي حامل بس مش متاكده

انا بفرحه: الله

امال:قتلك مش متاكده

ايـه: باهي ديري تحليل

امال: مش فاضيه عرس وزحمه خلي تمشي زحمة العرس اندير

انا:  به كيف عرفتي روحك حامل  

امال: لانه فات موعدها اكثر من اسبوعين

انا 😍: اكيد حامل  مبروك ياقلبي

امال: هههههه مازلت ما تاكدت وانتي اتباركي

انا: ههههه عادي

اسيل: باهي ديري اختبار حمل

امال: لالا فوتني منه مرات يعطيني ايجابه غلط هلبا ناس تشكي منه نبي اندير تحليل في المختبر بروحي

انا: اي صح

ايـه: خلي مؤيد يرفعلك يوم البست ولا الاحد امشي ديري تحليل

امال: ان شاءالله

انا: ان شاء الله يارب تطلعي حامل

امال: ان شاءالله عقبالك حتي انتي

انا: يارب يسمع منك

اسيل: تلحقي ع الصغار ياحنه مزلتي عروس عندك شهرين بس زيطي عيشي حياتك كيف ماتبي بعد اتجيبي اصغار  معاش اتلحقي حتي تهتمي بروحك  

انا: ههههه نفس كلام مسعود بس انا هكي خاطري نحمل

امال ضحكت:هههه معقوله امخليته ابروحه ليك يومين  اتباتي تحت وحتي اليوم بايته ههههههه 

انا ضحكت :عادي هو كله ثلاثه ايام بس بكرا ماعنديش مفر منه امع تهديداته خلاني اليومين هذين براحتي 😂😂 

امال: انا كان وليد مستحيل ايخليني غير توا امسافر

انا: اكيد امرايفه عليه

امال: امرايفه بكل مانحكيلك 🥺🥺 

اسيل ضحكت: انتو هي راعو مشاعرنا امعاكم احني عايشين في جفاف وانتم بتخشولنا في دوه غلط 😂😂 

ايـه:اي رانا محرومين 😂😂😂😂 

انا ضحكت :شفتي المكلوبات يا امال

امال ضحكت: اي بكل انحرفو

اسيل 😂: حرام شن ريتي منا

انا: ياما رينا 😂😂😂😂 

ايـه: ريناد بكرا بتمشي لمزين

انا: اي

ايـه: وانتي يا امال

امال: لالا بنحط ابروحي مانوتق في حد

اسيل: حتي انا بندير ابروحي

ايـه: انا مانعرفش ابروحي توا نمشي امع ريناد

انا: تمام بنسالكم روان وينها 

اسيل: مانعرفش بالك امع البنات

انا: نكرها البنت هذي مش ضايقه وجها بكل

اسيل: حتي انا

ايـه وامال: مافيش حد ايحبها كره جماعي

انا: عيني عينك حاطه عينها علي مسعود

ايـه: فوتي ما ادوري وحده مريضه 

انا: حتي انا فايتتها

امال: اسبوع الجاي بتسافرو بطولو صح

انا: مش عارفه مسعود قال في مشاكل في الشركه لين ايحلها وينضم الشغل ونروحو

امال: اها بتغيرو جو غادي يعتبر شهر عسل 😂😂😂 

قعدنا انهدرزو لين 4 ونص اتصل بيا مسعود طلعت من جنبهن

انا: ايوا

مسعود: رايفتلك ارقي فوق نبيك لشقتنا

انا: قصدك روحت صح تبي اتبات امع الشباب

مسعود: رايفتلك روحت عشانك حبيبي ليا يومين ماضقت النوم

انا ابتسم: اممممم ريفتلي واجد ولا اشويا

مسعود اتكا علي السرير وعدل رقدته: ووااااجد اكثر ما تتخيلي ❤️😍 انتي شكلك ما ريفتيلي 

انا ☺️: ههههه والله حتي انا ريفتلك 😍 

مسعود بخبث: لو صح ريفتيلي ره بعد قتلك روحت را جيتي

انا ضحكت: تي شفت الوقت متاخر وبعين اابنات فايقات وعيب انخليهم ونرقا 

مسعود: شن دخلني فيهم البنات انا علي اساس راقيه لحد غريب راجلك انا

انا ضحكت: وراجلي يقدر يصبر لبكرا اصلا نبي نرقد بكرا ورايا مزين وصاله 

مسعود:  باهي انمشيها ليك اليوم بس اتشوفي بكرا 

انا 😂😂: باهي نتلاقو بكرا يا زوجي العزير

مسعود: اسهوكي زين

انا: ههههه ره بكرا ترفعني لمزين راك تنسا

مسعود: لا مش ناسي الساعه 12 اتكوني واتيه

انا:  امعايا حتي ايـه بتمشي

مسعود: خلاص تم اسمعي بكرا ماتمشي امع حد تركبي امعايا

انا: حاضر

مسعود: وفي المرواح ماتتطلعي من الصاله لين انا انرن عليك ابروحي

انا: تمام حبيبي والله نعست

مسعود: باهي مافيش تصبيره بكل

انا ضحكت: لا مافيش خليك هك لين بكرا

مسعود: تي حرام عليك يومين ياضالمه

انا ضحكت: مش حرام 😂 به تصبح ع خير

مسعود: توا كان رقيتي مش احسن

انا: لا 😂😂😂 هيا باي

مسعود: اتشوفي عليها

انا:سلااام صكرت منه

وخشيت القيت البنات رقدات خشيت لفراشي رقدت

.

.

.

.

.

.

تاني يوم نضنا امع 9 فطرنا وضمينا الحوسه وفطرو الشباب

امع الساعه 11 كل وحده فضت لروحها  

امال تجبد لي اسيل شعرها:  بتلبسو هنا ولا في المزين

انا: لالا بنلبسو هنا

ايـه:اي

امال: يعني عجلو اروحكم عشان اتلحقو

انا: لالا مش امطولين

اسيل: الخرا هديك عدت لمزين صح

ايـه:اي مشت هي وخالتي ورندا اختها 

اسيل: هل الوجه البومه

انا ضحكت: كبدك عليها دم انتي

اسيل:اي

رن تليفون كان مسعود رديت عليه

مسعود:هيا اطلعو انا

انا: تمام 

انا: هيا ايوته مسعود برا 

ايـه: به

طلعنا انا وايـه لي مسعود ورفعنا لمزين كانو في اتنين قدامنا

قعدنا انرجو فيها لانه تخدم ابروحها ما امعاها مساعده 

امع الساعه 4 كملتي انا وايـه  جانا مسعود روح بينا

انا علي طول رقيت فوق عشان نلبس بسرعه  

فتحت الشقه وخشيت اول شي غسلت جسمي ودهنتة بالمرطب لبست القفطان الي جابه مسعود كان نضامه مكلي كبير ومنفوق من فوق علي شكل قلب في اسيوره طايحات علي جنب  بصعوبه قدرت انسكر سوستة القفطان  

لبسته طلع خيال عليا امع التسريحه والمكياج طالعه انهبل قعدت انلود بيه 😍❤️ 

مسعود 😍:ماشاءالله ماشاءالله صح توقعته عليك حلو بس مش لدرجه هذي 😍❤️🤤 

انا ابتسمت: شن رايك حبيبي

مسعود امتنح في شكلي 🤤😍: لو تبي راي انفوتو الصاله والعرس واعليوه كلهم خلينا هنا

انا ضحكت: 😂😂😂😂 لا خلاص مانبيش رايك

مسعود 😍:الله ايبارك طالعه اتهبلي اميرتي ❤️😍 

نعليا شن ايصبرني لي بعدين

انا ضحكت: ههههههه ايصبرك ربي

مسعود حط ايدا فوق راسي قعد يقرا عليا ويرقي فيا

انا مبتسمه انشوفله بحب 

مسعود ابتسم: حبيبي ارقي روحك قبل ما اتخشي

انا :حاضر

مسعود باس راسي: ربي يحفظك ليا غزالتي السمحه والله خايف ايطرشقوك عليا كان نعرف بيطلع عليك هكي ما خليك لبستيه

انا: ههههه كنك حبيبي

مسعود: والله خايف عليك ياقلبي العين حق  

انا ابتسمت: نجك ليا ربي مايحرمني منك 😍❤️ 

مسعود: شنو كملتي

انا: اي اشويا نلبس الطقم بس

لبست طقمي وبخيت عطري

مسعود مبتسم ايشوفلي 😍😍 

انا التفتت عليه: كنك اتشوفلي هكي

مسعود: خليه بعدين ماينفعش كلام توا 😉🔥 

انا ضحكت ولبست عباتي ولفيت وشاحي

مسعود: البسي الخمار

انا: لالا ايغمني مانعرفش نمشي بيه والقفطان كبير وتقيل

مسعود: توا انساعدك انا البسيه

انا طلعته من الدولاب:  هيا ننزلو تاخرنا

مسعود: هيا البسيه

انا: توا بعد ننزلو من الدروج نلبسه

مسعود: تمام هيا  

انا رفعت شنطتي وتليفوني ونزلت انا ومسعود  بعد واصلت اخر درجات لبست الخمار وطلعنا كانو كلهم راكبين في السيارات  طلعت شاده في مسعود لين اوصلنا السياره وركبنا وطلعو السيارات وراء بعضهم كانت الصاله بعيده اشوي

طول الطريق الشباب ايمتعو بالسيارات و والعاب ناريه وضرب اسلاح 😍❤️ جو ايهبل    

وصلنا الصاله لقينا اهل العروس سابقينا سلمنا عليهم  قعمزنا

بدو الاغاني والمنشطه والبنات هايجات يرقصو امعاها  وجت سناء دخلها خوه

عميمه: ماشاء الله تبارك الرحمن ارقي روحك بنيتي  

انا: ان شاءالله

امال:ماشاءالله طالعه اتهبلي

انا: تسلمي حتي انتي اتهبلي

اسيل: رنوده هدا القفطان الي قلتي جابه مسعود

انا:اي

اسيل: ماشاءالله ذوق حلوه طالعه اتجنني بيه  

روان كشرت: عاديه هي كنكم تنفخو فيها بالكذب امتاع وواووو تهبلي وجو  

اسيل: الحسد ياناس 😂😂😂 

روان: مريضه انتي في شنو حاسدتها انا

انا سكتت انشوف فيها 

امال: روان فكينا من وجهك ومشاكل مش ناقصين بتنكدي عليا امشي لي طاوله تانيه ايواا من لاخير

روان صبت: علي اساس نبي وجهك انا اقعدو فيها ابروحكم و

مشت  

عميمه: معاش اتنابشوها هل المصيبه

اسيل: ماشفتي شن اتقول

عميمه: الله غالب خود الواحد علي قيس عقله

انا:صدقتي عميمه انا مش دايرتلها قيمه ونعرف روحي شنو صقع عليها مش انزل قيمتي ليها ونقعد نشابط انا وياها قدام الناس بس يكفي النار الي شايط في قلبه من الغيره واتمني تقعد مكاني بس صعب عليها هلبا 

            أصبر على كيد الحسود فإن صبرك قاتله ❤️

          ف النار تأكل من نفسها إن لم تجد ما تأكله👌

اسيل: العب مش ساهله طلعتي

عميمه ضحكت: اي والله

انا ضحكت:هههههههه مش ساكته بالساهل وانا عارفه بتموت من داخل

ايـه:ههههههه وربي الا خطيره

عميمه: ربي يبعدها عنكم ويكفيكم شرها

انا:امين

قعدنا انهدرزو مشينا سلمنا علي سناء وصورنا امعاها وخش اعليوه صور امعاها باركناله  صورنا امعا بعدها طلعو  

.

.

.

..

.

.

.

.

.

.

سليم ضحك: غير اسمع راي خود تكيفه علي كيفك وتنعنش اكثر عاد الخميس اليوم

جلال: تاخرت بنمشي بنخطفها قبل ما ايروحو هدي فرصتي

سليم: غير دقيقه خود انت مش خاسر ره

جلال ضحك: والله وانت قلتها وقعمز وقعد ....

سليم وقف مبتسم وطلع من جيبه...: ...........

بعد 10 دقايق طلع من الشقه وسكرها وصلت رساله في التليفون قراها ورد بعت ..................

وركب سيارته ومشا

.

.

.

.

.

.

.

.

.

انا كنت امقعمزه امع ايـه جت روان من بعيد

روان: .........

انا: .......

ايـه رن تليفونها  صبت

احمد: .........

ايـه 😱


يُتبع ..



لا تنسى كتابة تعليق ليصلك اشعار بالحلقات الجديدة من الرواية.

reaction:

تعليقات