رواية هروب ما بعد اغتصاب الحلقة السابعة والعشرون 27 بقلم ميرو أحمد
رواية هروب ما بعد اغتصاب البارت السابع والعشرون
 |
| رواية هروب ما بعد اغتصاب الحلقة السابعة والعشرون 27 بقلم ميرو أحمد |
رواية هروب ما بعد اغتصاب الجزء السابع والعشرين
جلال عطا سليم الفلوس
سليم طلع وركب في سيارته
سليم: شنو ياطيري حصلتلي الي نبيه
الولد: اي بس ايكلف
:سليم:ما ايهمك شي غيرك جيبه بس
الولد: تم بكرا ايكون عندك
سليم:تمام اسمع نبيه علي كيف كيفك حقك يوصلك بعدها كامل
الولد: تم ادلل ياغالي بس ماقتلي شن بدير بيها
سليم ضحك: والله ناوي علي حاجه انديرها وبعدها نحرق امها ليبيا معاش راجعلها
الولد ضحك:وين ياطير
سيلم بضيق: والله بنهج اكرهت كل شي هنا
الولد:مش مستاهل ياطيب انفخ واجبد وانسا كل شي
سيلم ضحك:هانيه يابرو
الولد : تمام نتلاقو
سليم صكر من صاحبه ومشا لبيت جده ايشوفهم وعطاهم الفلوس الي خداهم من جلال وهدرز عليهم
سليم: جدي انا مرات امسافر في اليومين هدين
جد سليم: وين
سليم: في ابلاد الله واسعه انا ليبيا اكرهتا معاش عندي فيها مكان
جد سليم: واحني لمن امخلينا
سليم 💔: لربي كريم يا جدي وانا انجيكم مش امخليكم غير عندي كم موضوع وبنريح راسي اشويا
جد سليم: ربي يهديك اوليدي كان قعدت هنا شن بيصير
سليم: هدا هو اتوصي علي شي
جد سليم: سلامتك بس
سليم وقف باس راس جده وطلع
.
.
.
.
.
.
.
.
.
.
وصلنا انا ومسعود سلمنا علي الكل بس كانو لايمين علينا عشان ما اتصلنا بيهم ولا طمناهم عنا
عميمه: هكي اديرو فينا تشغلو بالنا
انا تحشمت: والله يا عميمه مش قصدنا ما نتصلو بس مسعود سكر راسه قال ماتتصلي علي ما نقيت علي راسه هو قال لا
مسعود:عادي كنكم هو اسبوع طلعنا انغيرو جو ماصرش شي اهو احني قدامك ومافي داعي اتكبروها
امال تبي اتغير الموضوع لانه اعميمه علقت ع موضوع ما اتصلناش وقصه
امال : اي صح باهي شنجوكم
انا ماسكه يزن في حضني انلعب فيه: تمام الحمدلله
امال: تعرفي بدا شيطان الفرخ ودوبه يحكي ما تفهمش منه شي 😂😂
انا 😂 :صح خالتو وليت شيطان
يزن يضحك اعيونه ماتبشرش بالخير بكل 😂😂
انا ضحكت عليه: حييي ع السم باين في اعيونه
يزن ابتسم:هبي
انا بسته 😍😍❤️: نعليا منك عسل
امال ضحكت: ايلسن فيك بس
انا 😍: يزوني اتحبني انا ولا ماما
يزن بحت فيا وبحت في امال
يزن: هب بابا
انا: خزي يا امعفن
امال ضحكت: مجرم هل فرخ
اسيل:هههه ماهو اوحل فيكم ماعرف من يختار
انا قعدت انعض فيه ويزن يضحك بصوت عالي 😂
انا:باهي هكي اتبيعني يا كلب
يزن 😂😂: لا انهبك
انا ضحكت: لالا مانبيه حبك يامصلحه
يزن كشر :تفو هب ماما
انا 😳😂 ضربته: خزي امعفن تعالي شديه الكلب
مسعود: ترا عطيه ليا
امال: قتلك شيطان بكل هبلني امعا وحركي واجد
عميمه: عسل تعودت عليه حتي انتي يا رنوده لحلحي روحك نبو حفيد اينور عيلتنا
انا تحشمت : ان شاء الله
امال: مزالو عرسان عمتي خليهم يفرحو بحياتهم لحقين ع لصغار❤️
انا شفت مسعود امنزل راسه علي اساس متحشم ايلعب في يزن 😂😂😂
اسيل: عمتي تهاني شكلها مزال واخده علي خاطرها منا
عميمه:اتصلت بيها امس و راضيتها قالت بتجي اليوم هي والبنات
ايـه:المهم ايفوكنا من شرهم
امال: ربي يهديهم هم يبو المشاكل
انا: كنكم شن صاير
عميمه: روان واسيل تعاركو وتهاني زعلت علي خاطر انا وقفت امع اسيل و دافعت عنها وخليت بنتها
انا:اها والله سامحيني يا اعميمه ماتزعليش مني بس روان بنت اختك قليله ادب واتحب المشاكل انا ديما تحدفلي في الدوه بس انا انفوت فيها علي شانك انتي بس هي مش محترمه نفسها بكل
عميمه : سلم شانك وايعلي مقدارك يا بنتي الطف ليش بنزعل لانه كلامك صح وحتي انا مش عاجبني تصرفاتها امعاك بس كل واحد يتعامل باصله وتربيه وانتي طنشيها
انا: اصلا فايتتها ما اتهمني
مسعود: حتي في العرس ماتقربي منها ولا اتعدلي عليها
انا: تمام
ايــه: شنو اسيل البنات جايات اليوم بيباتو صح
اسيل: اي
انا: جهزتو كل شي
عميمه: اي الحمدلله كل شي كملنا
انا: ماشاءالله ربي ايهنيه يارب
عميمه: ان شاء الله
مسعود عطا يزن لي امال
مسعود:وين مؤيد ما شفتاش
عميمه: مشا لشغل
مسعود: غريبه فترته مسائيه هوا
عميمه: مانعرفش الولد يطلع الصبح ويرجع الليل
مسعود وقف : اها انا ماشي اانشوف اعليوه
طلع مسعود
امال: محلوه يا ريناد
ايـه: اي صح وجها امورد وزايده سماحه
انا ضحكت: والله عادي شكلي
عميمه: بلكلي حامل
انا تحشمت: لالا مش حامل
عميمه:شن عرفك مش حامل
امال: عمتي اكيد تعرف روحها
ايـه: انشوف الغداء
امال:خلي انشوفه انا خليك
انا:صح امال امتى امروح راجلك
امال: بعد اسبوعين قالي
انا: امطول
امال: اي قالوه يقعد لين يلقو بديل عشان يلغو العقد قبل السنه
انا: اها والله احسن قرار بلادك بلادك
امال وقفت: اي والله
ومشت مطبخ
قعدت انهدرز امع البنات ويحكولي شن دارو لي الفرح
طاب الغداء حطو مقعدين لي الرجاله والصبايا تغدينا
ولمينا الحوسه
مسعود رقا لي الشقه عشان يرقد
انا قعدت انهدرز امع البنت حكتلي ايـه ع التطورات الي صارت بينها بين احمد واسيل حتي هي
امع العشيه جت ام اسيل وخواتها و جت حتي تهاني وروان واختها رنده
قعدنا انهدرزو طبقنا المناديل وجهزنا الحلويات عشان ايكون كل شي واتي
طول الوقت روان اعيونها عليا
امال:اسمعي يا ريناد بكرا ماشين لمزين نبرمو علي ارواحنا تمشي امعانا
انا: ان شاء الله
عميمه: ديري احسابك بتحني ره بكرا عاد حتي في عرسك ماحنيتي وهدا اول عرس اتخشيله
انا تحشمت: حاضر بس نبيها صبغه
عميمه: الي هي المهم حنه في ايديك ورجليك
انا: ان شاءالله
امال:حتي انا خاطري فيها امتاع الصبغه شكلي بندير امعاك
ايـه: حتي انا بنحني صبغه
اسيل ضحكت: شنو يعني كلكم بديرو صبغه ضموني امعاكم عيت صباغي😂😂😂😂
روان بستفزاز: اعععع مانحبها الصبغه محلا الحنه وصنتها 😍😍❤️ نعليا اتهبل بدات لو صبغت حلوه
ساره: والله روان عندها حق الحنه مافيش احلا منها
اسيل برود: باهي ماطلبنا رايكم انتم الاتنين رايكم خلوه لنفسكم
روان: مانبيش انرد عليك عشان وعدت ماما مانجيش شورك بس شكلك ادوري في المشاكل
اسيل تستفز فيها: والله فيك الخير كان سكتي
عميمه ماتبي المشكله تبي تليهن عن بعض 😂😂😂
عميمه: اسيل ترا شوفي مؤيد لو فاق نبي نبعته لي لمحل
اسيل 😳 : اها خلي ايـه اتنوضه
عميمه غمزت لي اسيل : سلم ابنيتي نوضي انتي
اسيل فهمت انه اعميمه تبي تنهي نقاشها هي وران الي بينتهي بعركه بكلمه بكلمه يكبر وخطرت علي بالها فكره
اسيل وقفت : تمام
ايـه غمزت لي اسيل وعضت فمها 😉😉
مشت اسيل ماعدلتش عليها ومن داخل تضحك
انا كنت جنب ايـه نغزتني من جنبي
انا:كنك ياهمي وجعتيني
ايـه 😂: نعليا هذي عدت لموت برجليها الاتنين متعاركين مش طايقين بعض توا نسمعو انفجار قوي يستر الله ما انريحو فيها حتي احني ضحايا 😂😂😂
انا ماسكه ضحكتي:عن جد ضحايا 😂 ادعي مايديرش فيها حاجه غلط خوك الصايع 😂😂
ايـه ضحكت: لالا مش حا ايديرلها شي 😂 بس متاكده بيتعاركو من جديد
انا: شن الي اماكدلك 😂😂
ايـه بخبث: ماهو قبل انتي اتخشي علي مسعود في داره مادرلكش شي 😂😂😂 خوتي ياخدو في احتياطاتكم ان كيدكم عظيم 😂
انا: خزي ياتافهه اشح شن اتفكر والله كنا انهدرزو عادي انتي عقلك خارب
ايـه ضحكت: اسملا علي عقلي ياحنه نسكت احسن ما انطلع فضايح
انا ضحكت :اسكتي يعطيك حبه في السانك 😂
ايـه: خلينا خبايب خير 😂😂😂
روان بفضول: شن اتوشوشو انتم لاتنين تضحكو ضحكونا امعاكم
انا 😒:خصوصيات بينا 😏😏
روان 😤: اها
امال:انتبهو هدي عازقه وذنها امعاكم
ايـه:حتي انا حسيت
انا:المهم فوتينا منها قولولي هدي بتبات هنا
ايـه: هـي لصقه ولقت سبله توا اتعسل لين بعد العرس
انا: حاله وربي 😒
قعدت انهدرزو انا وامال وايـه وساره كل مره اتشاركنا
وعميمه امع سعاد وتهني ابهدرزو اما روان ساكته تتفرج
.
.
.
.
.
.
.
عند اسيل وصلت لدار مؤيد وقلبها يرجف وخايفه وفي نفس الوقت امرايفه عليه ما شفاته طول السبوع فتحت الباب كان مش مقفول خشت كانت الدار ظلام وريحة عطره امعبيه الدار كلها حست ضربات قلبها زادو ❤️ماعرفتش مكان البريزه والدار مافيهاش ولا ضي ظلام اسود قعدت اتسلمس في الحيط ماحصلت البريزة الضي 😂😂 خبطت في رجلها في حاشية السيرير وتطلقها عيطه وتنقز علي رجل وحده ووووهب اطيح علي مؤيد الي كان راقد في سلام قبل ما طيح عليه 😂😂😂😂😂😂
اسيل تبكي ادموعها علي خدها
مؤيد انخلع😱:تي من انتي😳😳😳
اسيل تبكي لانه رجلها اتسطر فيها من الألم
مؤيد: سلاما قولا من رب الرحيم جني ولا شنو
اسيل تبكي ونحت من فوقه: تي رجلي ياسامط
مؤيد مصدوم: اسيل
اسيل خنقتها العبره :اها اسيل
مؤيد مد يده و رفع تليفونه ولع الفلاش: كنك تبكي
اسيل تبكي:توا في حد طبيعي يرقد في هل الظلام
مؤيد:اها اي شن جابك هنا
اسيل ماسكه رجلها:جيت بنفيقك اعميمه دزتني
مؤيد ضحك: هكي الناس ايفيقو نحساب البيت انهد عليا
اسيل: بارد الحق فيا جايا انوض فيك ولع الضي
مؤيد: نوضي ولعيه اابروحك
اسيل تتكلم وخانقتها العبره: مش مستغنيه علي رجلي التانيه
مؤيد ضحك عليها وناض ولع الضي
مؤيد جاها: ترا انشوفها ومسك رجلها كانت الخبطه جايه في ضفر رجلها انسكر ونازل دم
مؤيد 💔: ضفرك انكسر 💔
اسيل تمسح في ادموعها : مؤيد
مؤيد رفع راسه: نعم
اسيل نزلو ادموعها تاني: رايفتلك حبيبي 😭💔
مؤيد قلبه رجف توتر : مش وقته خلي انلفلك صبعك
مشاء جاب من الحمام كان في علبة اساعافات قعد ايدويلها في صبعها ولفه ليها
اسيل تبكي: كنك ماتحكيش امعايا والله ماغلطت انت الي قعدت اتهزب
مؤيد: قتلك مش وقته الكلام
اسيل 😢: لي امتى باهي الحال هدأ كنك اتعاقب في
مؤيد: صح قلتي انا ولد خالك سواء يعني تحملي انتي قتلي انا ولد عمتك بس
اسيل: مش قصدي والله انحبك
مؤيد ساكت ايشوفلها
اسيل تبكي : احكي اي شي كنك ساكت مؤيد
مؤيد مد ايديه مسح ادموعها باسها علي شفايفها بخفه 😘😘🔥
اسيل انصدمت : مؤيد
مؤيد حط صبعه علي فمها وسكتها: اشششش مانبي نسمع شي طيري من وجهي توا بسرعه
اسيل مزلت مصدومه:مؤيد شن درت
مؤيد ابتسم ايشوفلها بطريقه حلوه واعيونه يلمعو: طيري من قدامي لانه مش ضامن روحي
اسيل 😨😨:بس
مؤيد باسها علي فمها بالقوه 😘😍🤤🔥 : قتلك اطلعي غزالتي احسن
اسيل خافت ومصدومه في مؤيد كيف قرب منها وباسها 😳😨
وقفت بسرعه تعرج علي رجلها وتمشي بسرعه وخايفه لانها ماتبيش اتصير بينها وبين مؤيد لقطات هذين 😂
قبل ما تطلع اسيل مؤيد قالها
مؤيد 😍:اسيل
اسيل زمطت ريقها بين خايفه وبين شعور حلو طاغي علي قلبها ❤️🔥
اسيل لفت :نعم
مؤيد امتنح فيها 😍🤤: احلا بوسه وربي عسل 😍😍🔥 انحبك يافرختي ام السان باذن الله امشقلبك اقريب غير انرتب اموري بنطلع الفرح طول لا بتات لا عمك يحزونو تعاليلي حتي في التوته هذي مانبي شي نعرف كيف نتصرف امعاك 🤤🔥
اسيل تحشمت 😳: خزي ياصايع انت كان حقيت وجهي تاني ماتتحشم علي وجهك
مؤيد: ههههههه شن بنديرلك مثلا فرصه انراجي فيها من امتى وجت في يدي وانتي الي جيتيني
اسيل: وربي باررد
وطلعت عنه وقلبها داير طبل من داخل 😍❤️
اسيل ضحكت: وحتي انت بارد انحبك ❤️
😂😂😂😂 نست رجلها نزلت تحت 😂😂
مؤيد مبتسم وحاط ايده علي لحيته: عن شكلها طيرت نومي وعقلي امعاها 😍😍 ابتسم بعد ادكر البوسه ❤️❤️
.
.
.
.
.
.
.
.
.
اسيل جت
ايـه ركزت في اسيل وقتلي: ما قتلك بيصير انفجار 😂 شوفي رجلها ركزي في وجها
انا ضحكت : يعطيك الهنا كنك تمركزه امع البنت
ايـه:كنها صبعك
اسيل: خبطه في حاشية السرير
عميمه:اسملا عليك بسيطه حبيبتي
انا: وين عقلك
اسيل: تي الدار ظلام دامس بنعرف كيف راقد فيها
ايـه ضحك: مؤيد مايرقدش الا امظلم الدار كلها مايعرفش يرقد كان في حتي ضي بسيط 😂😂
انا ضحكت وغمزتلها: اكيد خلعتيه 😂
اسيل ارتبكت: اي
ايـه: اكيد قعدت اتعيط
اسيل ضحكت: هههههه يحسابني جن قعد ايقول سلام قولا من رب الرحيم وانا قاعده نبكي 😂😂😂
ايـه:مسكين اوخي حصل فجعه
روان ضحكت بشماته:سبحان الله النيه تخدم 😉
اسيل: شن قصدك انتي
سعاد ام اسيل: شنو صبعك توا
اسيل: لالا الحمدلله غير ايسطر فيا من الوجع
عميمه:عوينه وطار كاز نحساب ايصير فيك هكي ره مادزيتك دزيت ايـه
اسيل في خاطرها ياما صار 😍😍😍
ايـه: وكنها ايـه حتي هي بشر واتحسن زيكم 😂😂😂
عميمه: ههههههه والله خديت ذنب البنت كانت ره ماوجعني خاطري بكل
ايـه 😂😂: توا اسيل خدت الغلا وانتي حذفتيني في الساس
اسيل ضحكت: حسد ياناس
نزل مؤيد من فوق
مؤيد اعيونه علي اسيل: السلام عليكم
الكل: وعليكم السلام
عميمه: كنك طولت في النومه ولا انسيتني
مؤيد:لاوالله ما انسيتك توا نمشي راحت عليا نومه
عميمه: تبي انحطلك تاكل
مؤيد: لالا مانبي ريناد وين مسعود
انا: مانعرفش من بعد الغداء ماشفته رقا لي الشقه
مؤيد: به توا انشوفه
وطلع
...
.
.
.
.
.
درنا عشاء انا والبنات تعشو الكل بعد العشاء روحت روان هي وامها واختها رندا باتت كانت مستعجلا تبي اتروح
روحت ام اسيل قعدو البنات ساره ومسره
كسدنا نحنا البنات انهدرزو كل وحده تحكي شن بتلبس موضوع يجبد موضوع الجو كان حلو
انا وقفت: انا اسمحولي خلاص تالفه من التعب اعيوني بيتسكرو
امال: امشي تريحي حبيتي مابعدك جايه من طريق سفر قاعده من الصبح امعانا ماتريحتي
اسيل: هدرزي ياخيه مزال بدري السهره في اولها
امال ضحكت: لا اولها لا اخرها ارقدي ماصدقت يزن رقد خليني نرقد لانه نوعا الصبح بدرب مش زيك لا وراك ضنا لا راجل
اسيل ضحكت: من قالك ماعندي راجل ياحنه
امال ضحكت: ماتخليني انادي مؤيد ايكرك من هنا
ايـه ضحك: بعدك ايراجي فيها 😂😂😂
انا حاسه بتعب مش امركزه امعاهم: باهي تصبحو علي خير
البنات: انتي من اهل الخير
طلعت من جنبهم خليهم ايهدرزو
اوصلت الشقه فتحلي مسعود
مسعود برفعت حاجب: كنك رقدتي تحت عليش تحت
انا: تكنت بنرقد تحت بعدها ادكرت مانعرفش نرقد الا فحضنك
مسعود ضحك : خشي ماتقوليش عندي راجل نطمن عليه
انا خشيت طول لي الدار كنت تعبانه مانشوفش شي قدامي
مسعود لحقني: كنك ريناد
انا طحت علي السرير: نبي نرقد نعسانه
مسعود ضحك: توا كنتي تحت مافيك شي
انا فتحت اعيوني: صح حبيبي البنات بكرا بيمشو لمزينهت نبي نمشي امعاهن نبي افلوس وحتي نبي انحني دير احسابك
مسعود : تالقيهم في الدولاب خودي منهم
انا قعمزت: ماعنديش نيه حتي انغير
مسعود خاف عليا وجا حط ايده علي جبهتي ماكانت فيه حراره
مسعود: شكلك بتمرضي بس مافيش حراره
انا: لالا تعب السفر وفايقه بدري وخدمه وتعب بس
مسعود : باهي ارقدي تريحي حبيبتي
انا وقفت: انغير في حاجه مريحه
مسعود رقد علي السرير: ناقصك شي تاني
انا طلعت بيجامه شورت قصير وامعا كت لبستهم
انا: لالا
مسعود:ينقصك شي كلميني
انا خشيت جنبه: حاضر ❤️
مسعود ضحك: كنك مرخيه اليوم
انا رفعت راسي بسته علي خده: تصبح ع خير
مسعود ابتسم وباس راسي: وانتي من اهله ياطشتي
انا اول ماغمضت اعيوني رقدت مسعود طول فايق وبعدها رقد
.
.
.
.
.
.
.
.
البنات قعدو ايهدرزو
اسيل جتها رساله من مؤيد
مؤيد: نعليا عسلي فايق ولا رقد
اسيل: ياصامت كنك
مؤيد ضحك ورد عليها: انحصلو فرصه انكلمو غزالتي
اسيل: لا مافي للاسف بنرقد
مؤيد: والله كنت بنقولك ننزلو انهدرزو تحت بس بعد الي صار امبدري عرفت روحي نضعف طول مانتحملش مشكلتي 😂
اسيل: ولا تحلم بيها مره تانيه
مؤيد: مشكلتي مانقدرش انقاوم الحاجه الحلوه الي زيك نعليا انوثه كامله غير السان الله ايبارك
اسيل قرتها ابتسمت وحضنت التليفون ورقدت 😴😴
اما مؤيد قعد يبعت بعد ما رجت عرفها رقدت قعد ايخطط كيف بيحكي لي امه الموضوع 😂 مايحساب اهله امخططين من عندهم 😂
.
.
.
.
.
.
.
.
روان: هلا
جلال:اهلين
روان:قتلك ريناد روحت اليوم
جلال 😍😍: والله
روان: اي مش عارفه ليش ميتين فيها شن فيها مميز بس 😒😒
جلال: مادخلكش انتي وين توا
روان: في بيتنا
جلال:قصدك مابتي غادي
روان:لا كيف بنكلمك يعني
جلال:تمام اهم شي انتم روحو كنت فاقد الامل نحسابهم ما بيروحو وشكيت انهم امسافرين برا
روان: لالا مستحيل مسعود ايفوت عرس عمه قتلك
جلال: المهم انتي من بكرا تنزرعي غادي
روان: باهي والله مليت امتى نتفكا من ريناد
جلال 😍: اليومين هذين
روان: به انا بنرقد سلام
جلال: لا خليك ياحلوه مزلت ماكملنا
روان: ماعنديش ليك نيه بنرقد
جلال: صدقتي روحك
روان: تصبح ع خير وسكرت في وجهه ورقدت
((مرقد اهل الكهف يارب) )
.
.
.
.
.
.
.
تاني يوم فقت القيت مسعود راقد
خشيت دوشت توضيت صليت الصبح رتبت الشناطي رديتهم في مكانهم وطلعت لي مسعود لبسه وحددتها وحطيتها علي جنب ونظفت الشقه وبخرتها وتيت فطور مسعود اتصلت بيا ايـه قتلي هيا كان بتمشي وقت عشان اتكملنا بدري وبدلت ورفعت عبايتي والفلوس في ايدي وجيت انوض في مسعود
انا: حبيبي نازله انا تحت فطورك جاهز
مسعود: وين
انا:نزله لعند اهلك تحت بنمشي امع البنات المزين
مسعود: من بيرفعكم
انا: مؤيد المهم حبيبي فطورك واتي
مسعود قعمز ايحك في اعيونه يبي ايصحصح
مسعود: رفعتي الفلوس
انا: اي حبيبي وحددتلك لبسه
مسعود: تمام خلاص امشي
انا: بعدين انزل تغدا تحت مرات انطولو نحنا
مسعود:باهي يا ازعاج انزلي
ورد رقد تاني
انا ضحكت عليه ونزلت لي البنات صبحت عليهم هدرزنا اشوي امع الساعه 11مشينا المزينه كلنا خلينا عميمه امعاها رندا ومسره
.
.
.
.
.
.
.
مسعود ناض امع ال 12 غير وفطر ونزل وسلم علي عميمه
وطلع ايشوف حسن كل اشويا يتصل بيا ويطمن ويبعتلي رسائل خايف عليا
.
.
.
.
.
طولنا نحنا في المزين وكلمنا مؤيد ايبجبلنا غداء من المطعم
امع الساعه 4 كملنا درنا حلوه وفتله وحواجب وامال صبغت شعرها انا قتلها اتقصلي طشه من اشعري واتساويه ليا
ولنا لي البيت امع 4 ونص القينا روان و تهاني جايات
عميمه :ماشاءالله امنورات
انا وامال: سلمك
اسيل: تعرفو بنمشي نرقد انحس في جسمي متكسر
انا:حتي انا ناخد دوش ساخن ونرقد
هدرزت اشويا امعاهم ورقيت فوق مالقيت مسعود خديت دوشت وطلعت صليت العصر ورقدت طول
وعيت امع اذن المغرب نضت صليت المغرب وغيرت نزلت
القيتهم امقعمزين ايهدرزو
ايـه: شفتي اسياق اعليوه جابوه قبل اشويا
انا: لا مشفته
سعاد: ماشاء الله لا قوة الا بالله ربي ايهنيه
عميمه: ان شاء الله يستاهل عليوه
انا: وين حاطينه السياق
ايـه: في المربوعه الخارجيه حطوه
انا: خلي نمشي انشوفه
ايـه: جايه امعاكم نبي انصوره
عميمه: فكينا من تصويرك انتي واتنزليه ع النت تعطي الرجل عين
ايـه: مش امنزلته
طلعت انا وايـه شفنا السياق كان مشاءالله كل شي موجود فيه وامغلفينه صورت ايـه ورجعنا داخل
ايـه: ماما كلمي مؤيد ايجبلنا منضومه خلينا انهيجو في العرس
عميمه: بكرا قال بيجيب
اسيل: يعني بكرا الرجاله بس يمشو
عميمه: اي احني لازم انوتو لضيافه امتاع الصبايا الي بيجو ايفرشو البيت "" قصدها علي يتفريش الشقه ""
روان: بس مش سمحه عروسته
عميمه: المهم هوا عاجبته
قعدو ايهدرزو
مر الوقت مافيش ولا جديد
قعدت سهرانه امعا البنات روحت قريب 2 القيت مسعود راقد خشيت رقدت بجنبه
.
.
.
.
.
.
سليم: وربي الا امنور حبيب
الولد: تسلم ياغالي
سليم: باقي احسابك يوصلك ياطيب
الولد: تمام اتوصي علي شي
سليم: سلامتك حبي
الولد ركب سيارته ومشا
سليم ماسك الكيس ايشوف فيه ابتسم وحطه في جيبه وركب سيارته و روح
.
.
.
.
.
.
روان كانت تتواصل امع جلال رسائل تحكيله عن كل شي وامركزه اكثر شي علي طلعات وخشات مسعود
.
.
.
.
مؤيد نفس امس يبعت اسيل ماردت عليه
اخر شي بعتتله امعايا البنات مانقدر انكلمك بعد اتم حوسته العرس انكلمك
وكملت باقي ضحكهن هي والبنات 😂 سهرو لين الفجر بعدها كل وحده اتجهت لمكان ترقد فيه
.
.
.
.
.
تاني يوم نضت بدري دوشت وصليت طلعت القفطان الي بنلبسه العشيه وبدلة مسعود علقتهم
ناض مسعود وخش لحمام
طلع مسعود لقاني انرتب في السرير
مسعود حضني من ورا: رايفتلك حبيبي كنك معاش افضيتيلي من جينا وترقي متاخر
انا لفيت عليه: والله حبيبي حتي انا رايفت بس كنت انعول امع البنات انساعد فيهم
مسعود ضحك: تي شن اتساعدي وانتم شدينها هدرزه لنصاص الليالي
انا : والله هذين هن الافراح هدرزه وضحك وخدمه
مسعود ركز في وجهي 😍😍: شن هل الحلوه هذي
انا: شن رايك
مسعود ابتسم: من غير ما نقول تعرفي راي
انا: ره قصيت شعري
مسعود انصدم: اتبصري
انا: والله قتلها اتقصلي منه واتساويه ليا
مسعود فكلي اشعري وقعد ايشوفله كانت لي نهايه ظهري بس انا قصيت من اشويا وساويته جاي طرف واحد
مسعود عاقد حواجبه: من قالك اتقصيه
انا: عشان التقصف قصيته اطرافه بس
مسعود : معاش اتقصيه تاني ولا تقربيه
انا:اصلا مش قصاته انا بس عشان التقصف بس
مسعود: كان ينحرق معاش اتقصيه
انا: هههههه باهي
مسعود: زيدي اضحكي ايبانلك اليوم غير مش فاضيلك توا بنشوف الشباب
انا : احسن راحه
مسعود: راحة عينك اتشوفي بعدين من المغرب ترقي طول لي الشقه
انا: يفتحلك ربي اليوم بنبات تحت جايه الحنايه
مسعود يلبس: ايصير خير المهم ارقي قبل المغرب نبيك
انا:مش جايه
مسعود:هدا اخر قرار
انا 😂:اي
مسعود: يعني ماتبيش الهديه الي جايبها
انا :لا مانبيش
مسعود بخبث : توا نعطيها لي ايـه ولا امال اقعدي انتي
بخ عطره وطلع
انا لحقته بفضول: شن الهديه
مسعود هز اكتوفه وضحك: مانعرفش ونزل تحت لي الشباب
.
.
.
.
.
.
انا قتلني الفضول بنعرف شنو الهديه نزلت البنات القيتهم حايسات وامعاهم جارتهم وصاحبات مبروكه كنا جايبن طبخات دارو الرز والموالح جاهزات حاجينهم تسخين بس
امع الساعه 12ونص طلعو الرجاله بالسياق وصحاب عليوه من ضمنهم ومحمد و عبدالله واحمد برغم مريض ومانعين عنه الحركه بس حب يوقف في فرح اعليوه
طول الطريق دايرين الشباب جو لبعضهم وصلو لبيت اهل العروس نزلو السايق وغدو الرجاله روحو
نحنا قبل ما يمشو مؤيد جاب منضومه ولعنا اغاني
وهيجو البنات يرقصو ماكن في زحمه واجد الاقارب والمعارف
امع الساعه 3 رقيت فوق غيرت لبست قفطان سكري اكمامه دنتيل قصير لفوق الركبه وضابط
درت ميك اب خفيف و روج وردي هادي ودرتت شعري رفعه فوق اشوي والباقي مفتوح بخيت عطري لبست اكسسوراتي
لبست عباتي وحطيت وشح علي راسي ونزلت كانت الساعه 4 ونص
القيت البنات لبسات والضيافه واتيه كل شي
امع ال 5 جو اهل سناء خواتها وهلها جابو دبش سناء فرشو البيت ورتبو كل شي وجو لعند ضيفانهم وهدرزنا عليهم بعدها روحو
البنات شداتها اهياجه رقص واغاني
مر الوقت كله جو ايهبل كنت طول الوقت انفكر في هدية مسعود شن هيا الفضول قتلني بنعرف شنو الهديه ولا ايبصر امعايا قبل المغرب رقيت بندير سبلتي بنغير احويجي وانشوف شنو الهديه 😂😂😂😂
فتحت الباب الشقه وخشيت
انا 😍:...............
.
.
.
.
.
.
روان: والله زي ماقتلك باهي
جلال 😱😱😱😱.
.
.
.
.
.
.
.
.
سليم شبح وراه وتكلم: ............
صكر باب الشقه وبعت رساله لشخص ورفع شنطه وطلع
- لقراءة الفصل التالي : اضغط هنا