القائمة الرئيسية

الصفحات

رواية هروب ما بعد اغتصاب الحلقة السادسة والعشرون 26 بقلم ميرو أحمد

 رواية هروب ما بعد اغتصاب الحلقة السادسة والعشرون 26 بقلم ميرو أحمد

رواية هروب ما بعد اغتصاب الجزء السادس 

رواية هروب ما بعد اغتصاب الحلقة السادسة والعشرون 26 بقلم ميرو أحمد


رواية هروب ما بعد اغتصاب البارت السادس

عندي انا ومسعود تغدينا روحنا للفندق
اول ما خشينا الفندق جت رساله لتليفون مسعود قراها

مسعود 😤: حبيبتي ارقي لي الغرفه توا انجيك انا

انا التفت عليه: كنك حبيبي

مسعود 😡:مافي شي عندي مكالمه ضروريه من الشغل انتي امشي لي الغرفه توا نلحقك

انا استغربت فيه وجه كيف انقلب بسرعه: باهي ماطولش حبيبي

مسعود:دقائق بس وجايك عيوني بري نضمي جوك

انا 🤨:به
خليته ومشيت ركبت في الاصانصير وطلعت للغرفه فتحتها ومستغربه حركات مسعود من قبل ما نسافرو شن فيه هل القصه متعلقه في المراه الي هربت ولا كيف
دوشت ولبست روب ودهنت جسمي بالمرطب وجففت شعري وبخيت عطري حسيه طول قعدت نتفرج علي اصورنا الفيديو الي صوره مسعود ❤️ كنت نحظر في الفيديو مبتسمه 😍
"" شيء جميل ان تكون قريب من شخص محتفظ بك
لا يبتسم لغيرك ولا يعطي ربع مكانك لأي شخص أخر،🎵❤""

عند مسعود قرا الرساله من حسن

"" الرقم طلع وهمي والممرض طلع هوا ورا تهريب جلال بس مزال ماعرفنا شي عليه بعد تفضا كلمني نشرحلك كل شي ""

مسعود اتصل بي حسن

مسعود: كيف الرقم وهمي فهمني

حسن: الشفره مش باسمه بواحد شيباني حتي مشينا لمكان الي فيه اشارة الشفره طلعت عند شيباني نفس الاسم دورنا في بيته ممكن ايكون جلال قاعد امعا بس طلع هو مرته وحفيدته فتشنا تليفونه مكان فاتح النت ولا انبعت الرساله من تليفونه هو لا بيله ماينفتحش فيه فايبر ولا نت

مسعود امعصب: كيف نفس الرقم الي بعتلي منه

حسن: والله مش عارف سالنا الراجل عليه تليفونه قال مافيش حد قربه حتي انرقبو في المنطقه اي يسكن فيها بس انت مايغباك جلال ايديرها اي حاجه

مسعود : تي شنو كيف جت امس في اليل وصلت الرساله يعني هو قاعد عندهم

حسن:والله فتشنا البيت كله قتلك مش قاعد

مسعود عصب: كيف جت هدي والممرض شن قصته

حسن: طلع هوا الي امساعد جلال وبدا يحكليه كل شي

مسعود: سيوره طايح في ايدي

حسن: ماعنده وين يهرب

مسعود: الشيباني هدا نبيك انت اتراقبه اكويس

حسن: حطينا كم واحد ايراقب فيه

مسعود:انا سبوع و امروح علي عرس عمي مانقدرش انخليه ابروحه

حسن: تمام بس لو اتاجلها مرواحتك لين انشدو جلال

مسعود: لا وين عمي مانقدر انخليه ابروحه

حسن: تمام تبي شي توا

مسعود: لا
وسكر

مسعود امعصب كيف يقدر يهرب بسهوله هذي ويلعب يلعب باعصابهم المشكله مش امخلي ولا دليل وراه ممكن يستخدموه ضدده

.
.
.
.
.
.
.

سليم ضحك وسكر التليفون: تي المداهمه في بيت جدي ياراجل يحسابوك غادي

جلال ضحك بخبث: تي يحسابو ساهل يقدر يعرفو مكاني

سليم ايدخن:والله فكره مسكين جدي

جلال:لا مسكين لاشي ماصار شي وانت خديت حقك

سليم ضحك: مش هكي هو صاحب سكر اكيد رعش من الشرطه امداهمه البيت

جلال: باهي نبي رقم تاني ضروري نفتح منه نت

سليم: والله انا ماعندي ما انديرلك جدي توا مشبوه فيه وقال حطو حتي مراقبه في الشارع والشرطه كل دقيقه طالعه وخاشه

جلال: باهي كيف الحل رقم جدك معاش ينفع خلاص لاني فتحت منه الفايبر

""" عارفتكم كلكم مستغربين في جلال كيف بعت لي مسعود رساله هوا في مصر خلي انقوللكم كيف ""

جلال طلب من سليم صديق روان انه يبي رقم يفتح منه النت انه ما ايكون ليه لانه عارف الشرطه ادور فيه وسليم اقترح عليه رقم جده وقاله نقدر نفتحلك منه نت بس انت تتحمل المسؤليه لو صارلهم شي جلال واقف وسليم فتحله الفايبر برقم جده ورجع لشقه وعطاه الهاتف وجلال عطا افلوس لي سليم يعني جلال كان امخطط لكل شي انه مايقدرش حد يوصل فيه وبسكنة امع سليم لقا نقطة ضعف علي روان ومسكها عليها وهكي جلال بعت لي الرساله لي مسعود عشان يستفزه فيها وبعدها حذفه وحاليا يبي رقم تاني عشان ايزيد يستفزه كان ايفكر في حاجه ليش مسعود رقمه مقفل 🤔🤔

سليم: لو تسمع مني فوت توا خلي الاوضع تتريح اليومين هادو ما ادير اي حركه ممكن اتجي علي راسك

جلال: نبي انهدده ولد الكلب عشان ايروح

سليم: خلي الامور تمشي زي ماهيا طبيعيه لين هم ايفكرو انك نسيتهم واخطفها علي غفله

جلال: حتي هوا راي حتي صحتي توا مش اكويسه

سليم: اي

جلال: بس نبيك في خدمه اسلومه

سليم: شن هيا

جلال:باتي بعتلي افلوس امع واحد نبيك تمشي تستلمهم

سليم بخبث: كم المبلغ

جلال: 20 الف الي بنسافر بيهم امع الي عندي

سليم 😍: تمام توا نستلمهم امتى

جلال: اليومين هذين

سليم:تمام انا طالع انشوف الشباب وانت ماتفتحش لي اي حد

جلال: تمام
طلع سليم وجلال قعد ايفكر

.
.
.
.
.

مسعود هدا اشويا وبعدين فكر انه لازم يعرف من الي ينقل في اخباره لي جلال علي طول من غير تفكير اتصل بي امال

امال كانت اتوتي في شنطة السفر لي وليد راجلها امسافر علي خاطر ينهي العقد الي بينه وبين الشركه وايبع الشقه امتاعهم الي في امريكا وايرتب اموره وايروح
لانه السكنان امال قتله مش حا اسافر معاش نبي انعيش في الغربه قعدت اتزن عليه لين واقف وكانت بكرا سفرته
لقت اتصل دولي استغربت من متصل بيها ماردتش

مسعود عاود اتصل تاني حتي هو ماردت واتصل مره الثالثة ردت فيها

امال ردت: الو

مسعود: كنك ماتردي

امال: من انت

مسعود:مسعود ياهمي

امال بعدتت التليفون اتشوف في الرقم: امتى سافرت انت استغربت رقم الدولي الي يتصل بيا

مسعود : امس سافرت

امال: وليش ماعنديش علم انا

مسعود: والله جت سفره سريعه امولي

امال: وين ريناد سافرت امعاك ولالا

مسعود: اي امعايا سافرنا لمصر

امال :الله الله انا اخر من يعلم علي اساس بكرا جايتكم وليد امسافر

مسعود: مافيش حد يعلم انا نحنا في مصر غيرك

امال: كيف

مسعود: توا انفهمك كل شي بس ياريت يقعد الكلام بينا ما نبي اي مخلوق يعلم بيه

امال خافت: شن في

مسعود: قعد يحكيلها كل شي لين قصة الممرض

امال بحقد: عطيه قطعيه هل الجلال ان شاء الله اتجيه مووت ما يلقا حتي الشهاده الحقير

مسعود: المهم انتي قلتي وليد امسافر صح

امال: اي

مسعود: بتمشي لبيتنا ولا بيت بوك

امال: ماشيه لبيتكم بنقعد فيه بنساعد امك ماعو الفرح الاسبوع الجاي مش حا نلحقو

مسعود: تمام المهم نبيك تفرفيلي من غير اهلي يعرفو اني سافرت للبيضاء ولي من حكو ومن ايخش لبيت ويطلع

امال:تمام بس كاني شكيت في حد انا

مسعود: من

امال: روان ماغيرها

مسعود بحيره: لالا ما اعتقدش شن بيعرفها بجلال هي ولا مره شافاته

امال:مافي حد غيرها يكرهكم وبعدين انت ركز فيها يومها بعد مرضت ايـه ريناد قعدت امع روان ابروحهم وكيف روان ما حسيت با الفازه الي كسرتها ريناد بعد بيخطفها جلال وبعد جيت انا قتلها كنها الفازه مكسوره قتلي انا كسرتها بالغلط
يعني واضحه كيف كذبت

مسعود ايفكر: قتلك مستحيل اديرها حتي لو كانت اتحبني وتبي اتفرق بينا وتكره ريناد بس ما اعتقد انه تتواصل امع جلال

امال: واللهي مافي غيرها هي

مسعود: وشن الدليل الي ايقول روان هي الي امخططه امعا بعقل فكري فيها يا امال روان وين تعرف جلال كان هي ما شفاته طول عمرها ولا تعرفه اصلا

امال: توا اتشوف كان ما طلعت هيا

مسعود: لو طلعت هيا احسابها كبير امعايا المهم انتي خليك فاطنه لكل شي حتي لي العرس ما انوصيك احني بعد اسبوع امروحين

امال: تمام رد بالك عليها يا مسعود

مسعود: ماتوصي ريناد في اعيوني

امال: مسعود شن الوضع بينكم مزلت ظالمها وما سمحتها علي قصة

مسعود: الموضوع هدا انتهى من زمان تنقشنا فيه انا وريناد وحليناه والحمدلله

امال: ربي يحفظكم لبعض ويبعد عنكم اولاد الحرام
والله شفت ريناد قداش اتحبك ❤️

مسعود ابتسم:وحتي انا انحبها ❤️

امال ضحكت: بري قولها ليها هي يلي ما اتحشم اتقول 😂😂😂 انا نخليني انكمل باقي ضمي

مسعود: ههههههه تم بوسيلي يزونه 😍 استاحشته الفرخ

امال ضحكت: حاضر عقبال انشوفه عندك انت و رنوده

مسعود 😍❤️: ان شاءالله ❤️

امال: يعني توا ممنوع انكلم ريناد

مسعود:اي ممنوع 😂

امال: باهي وجهك يا مصلحه 😂😂

مسعود: سلميلي علي وليد

امال:يوصل سلام

مسعود:سلام
وسكر

وطلع لي الغرفه وخبط ع الباب
انا فتحتله

مسعود: طولت عليك

انا: واجد بكل قتلي دقايق وانت ليك قريب ساعه

مسعود خش وصكر الباب: اسف حبيبتي غير حليت المشكله الي صارت الصبح

انا ابتسمت: يعني حليتها خلاص

مسعود:اي

انا بفرحه: باهي اكويس والله حسيت بيك مضايق عشانه بس توا معاش في شي ايضايقك

مسعود ابتسم ايشوفلو 😍: شنو الحلو هدا تبي نرتكب فيك جريمه انا

انا ضحكت ولفيت ايديا علي رقبته 😍: مانهونش عارفه روحي

مسعود ايشوفلي بحب 😍🤤:به ليش اتعذبي فيا لو ما اتهوني🔥🔥

انا ☺️:مادرتش شي انا

مسعود باسني علي فمي كانت بوسه طويله وهاديه مليانه شوق وارياف ❤️🔥😘: نعليا اتهبلي ياطشه🤤😍

انا 😍❤️

مسعود ابتسم ايشوف في اعيوني: امرايفلك واجد يا طشه 😍 ورجع باسني وانا بادلته البوسه لاني ابروحي كنت امرايفه عليه ❤️🔥🔥❤️

شن تبو في فيهم تعالو انشوفو الباقي شن صاير فيهم

.
.
.
.
.
مؤيد روح قبل المغرب عشان يرفع ايـه لي السوق

مؤيد: تي هيا كان بتمشو اقسم بالله انفوتكم كان ماتتطلعو

ايـه نازله من الدروج:اهو طلعنا كنك اتعيط

مؤيد: وين المنجوه الي امعاك

ايـه: اهي ورايا

اسيل نزلت: من المنجوه

مؤيد ضحك: ايـه

اسيل رفعت حاجبها: بلاش كذب

مؤيد: استغفرالله قلنا ايـه كنك يابنت اليوم

ايـه ضحكت: رقع رقع ياخوي 😂😂😂

مؤيد ضحك: هيا اطلعو ماهو كله بسببك انتي

اسيل: هي شن دخلها لو السانك خارب 😂 تي قال بقصلي السانك لا يا بابا انا شكلي بنقص السانك

ايـه: حي حي مؤيد ربي ايعينك عليها شكلي 😂😂😂😂

اسيل: انتي ضمي فمك احسن

مؤيد ضحك: ههههه اسكتي خير ماتنقلب عليك حتي انتي

ايـه: هي تقدر اصلا

اسيل 🤨: باهي بتمشو انتم ولا نقعد انريح روحي

مؤيد: ليا ساعه انعيط اطلعو اطلعو انتم الي عطلتو

عميمه نزلت من فوق : طالعين

ايـه:اي

عميمه: ماطولش البلاد خاربه

مؤيد: ان شاء الله

وطلعو ركبو في السياره وطلعو

مؤيد: من توا لف واجد مانبي عندكم محل تبوه ننزله تاخدو انروحو اما تدهوير فكونا منه

ايـه: تمام ارفعنا لمحلات فينيسيا

مؤيد: تي شارع فينيسيا زحمه بكل

ايـه: مادخلناش نبوهن هن

مؤيد: عليك قصه هي

اسيل: به شغلنا اغاني

مؤيد ابتسم وشافها في المرايا: من اعيوني يا اعيوني
حط اغنيه لسيف نبيل عشق موت

عشق موت اموتن بيك يالغالي
غير انته النفس مالي
عشقك ياقمر عالي عشق موت
ولا صوت بعدك يحلى واسمعله
واحبه وعيني تدمع له
ازعل منه وارجع له ولا صوت

وتمنيت يرجع وكتي بيه واترك نارك
حتى مرة الخ حبيبي اختارك
وكون اشدك بيه روح بروح
فراقك بس قهر وجروح
واحبك واحنا متراضين ومن نتعارك
تخيل انت قبالي وشتاقيت
حجر شوفتك حسيت
كون اسكن بجسمك بيت وما نتفارق

اسيل ابتسمت وتسمع في الاغنيه بحب واتشوفله كيف ايسوق ❤️❤️

عشق موت اموتن بيك يالغالي
غير انت النفس مالي
اعشقك ياقمر عالي عشق موت

ماتنساك روحي لو يموتوها
هم وحسره يملوها
شما رادو ينسوها ماتنساك
اني وياك ملاك المايفارقني
اعشقه وهوه يعشقني
غرامه وحبه غرقني
ماتنباس شفتي ماتوصلها شفة ثاني
حتى تشوف شقد احبك اني
ماعايف غرامك لو لحظات
قلبي بيوم حبك مات
مالي عيشه لا هيهات اذا تنساني !
هنيالك عليه بدمي مشيت
غيرك عمري ماحبيت
اموت بحضنك تمنيت ومانتفارق

عشق موت اموتن بيك يالغالي
غير انت النفس مالي
اعشقك ياقمر عالي عشق موت

.
.
.
.

مريم متحشمه: والله ياصفاء احمد هوا يب قاطعتها ماخلتها اتكمل

صفاء:كيف يامريم توا اتجي اتقولي مافيش نصيب بينهم بنفسخ الخطبه شني هي لعب اعيال البنت حتي طلعت اتبتت

مريم بحزن: والله الولد ماعنده خاطر في الزيزه كلها قال مانبي نظلم بنت الناس امعايا

صفاء التعيط واتلعلع: والله بنتي الف واحد متمنها غير كان مش انتي شديتي فيها ره توا امزوجتها لسيد سيد ولدك الي ماينفعش

مريم 😳:انا ولدي ما ينفعش يا صفاء

صفاء بحقد وجعتها اختها كيف تفسخ الخطبه: اي ما ينفعش ابصر شن داير امع المفرخ الحشيش وضاربيه مش بعيد يطلع زيهم

مريم مصدومه فيها: والله باهي الي ولدي هو الي رفض هل الزواج يقطع الساني ورجلي الي جيتك وخطبت بنتك وكسر قلب ولدي الي من البدايه مايبي الزواج نستاهلها انا كان سمعت كلام ولدي ره مشيت خطبتلها الي احلا منك بنتك وبنت عالم وناس وليهم مكانتهم في بنغازي ما درتلك انتي قيمه وقدر وديتك بولدي طلعتي ماينفع فيك الخير بكل

صفاء: اقطع ودك كان هل الود امعفن زيك زي ولدك والله انا بنتي اانزوجها لي احسن من احمد هدا الي رافعه بيه خشمك

مريم مصدومه من كلام اختها وقحاتها

موده ادافع عن امها وخوها : والله قال دير الخير وكبه في البحر وانتي قاعده في نص بيتنا وتغلطي فينا امشي في ستين اجنهم منك لي بنتك شنو الزواج بالغصب هو اطلعي من بيتنا و زوجيها لبنتك كان لي رئيس دوله ما اتهمنا اكناسها وعزقنها مانبو منكم شي سلم اخويله الباب ايطلع جمل وامي واحمد خط احمر

صفاء انصدمت : شن هل الوقحاء هكي تربايتك يامريم شن بيطلع منك انتي هيا يا بناتي نوضو مانقعدوش في مكان انهنا فيه

ختام خطيبه احمد كانت مصدومه وتبكي لانها كانت اتحب احمد من هيا اصغيره وكيف عركة امها وخلاتها 💔💔😭

صفاء شافت بنتها تبكي مسكتها من يدها وضربتها كف الكل مصدوم ايشوفله

صفاء: ان شاءالله ما تبكيلي علي هل الكلب الي مش راجل ياريته حتي مات بعد انضرب

الكل ايشوفلها بصدمه كانو قاعدات بنات صفاء ومسره اخت احمد وموده اما الباقي روحو مريم كانت قاصده بعد ايروحو الكل تفتحلها الموضوع بهدوء بس صفاء الله يهديها ماتعرف الهدوء

مريم كلام اختها هدلها حيلها 💔: صفاء لمي بناتك واطلعي من حوشي واعتبري اختك مريم ماتت معاش تجمعني بيك صله الي اتمنه لي ولدي الموت وتدعي عليه لاهي اختي ولا نعرفها حتي كان وحده من بناتي انتبره منها الله ايسامحك يا بنت امي 💔 اطلعي

صفاء مارضتها في روحها الزه قعدت اطلع في بناتها

صفاء:حسبي الله ونعم الوكيل فيكم هدا حد عشمنا فيكم 💔
وطلعت اتصلت براجلها جاء روح بيهم

اما مريم انهارت تبكي كانت عارفه بيصير هكي من البدايه

مسره:يا امي مفروض تفرحي انك افتكيتي منها والله احمد ما يستاهل هكي توا ياخد الي احسن منها ما تزعلي روحك

مريم تبكي: والله مش وجعتني هيا انا الي وجعني كسر خاطر ولدي وزعلته ودمرت حياته عشان نرضي اختي وناخد اختها

موده:قتلك من قبل ما تخطبيها بس الحمدلله ما صار منه وتزوجو

مريم تبكي: غير ايروحلي بسلامه والله ما نخطبله الا البنت الي يبيها 💔والله انا ماكنت نبي انخرب حياته نحسابه يتقبل الزواج عادي

مسره: توا خلاص كل شي انتهاء وتقدري اتصلحي كل شي خلي احمد ايروح ايشد صحته اكويس ونمشو نخطبوله البنت
الله لا اتربحهم رعشوني

مريم هزت راسها بحزن:ان شاء الله
.
.
.
.
.
.

مؤيد وصل البنات وين يبو ونزل امعاهم خشو المحل
قعدو البنات ايلود ايشوفو
ايـه رفعت قفطان لونه سكري حلو وضابط لعند الخصر ومنفوخ وقصير وامطرز بالذهبي ونظام ملكي ايجنن

ايـه:شن رايك اسوله

اسيل:محلا ايهبل اكيد احلا عليك

ايـه: ناخده

اسيل:اي

ايـه:ووانتي ما عجبكش شي

اسيل: والله عندي انا جايه انساير فيك لانه دبشي كله واخدته

مؤيد كان يسمع فيهم: ترا فكيني من جو مانبي اختاري حتي انتي

اسيل تحشمت: والله عندي خديت

مؤيد: مانفهمش اختاري زيك زي ايـه كان هدا مش واخد لي ايـه

ايـه: اي فكينا من جو الحشمه وبعدين مؤيد بيبدا راجلك

اسيل: والله مش قصة حشمه ولاحاجه تانيه انا غير خديت الفتره الي فاتت قلت خير من الزحمه

مؤيد: ايـه امشي شوفي شن تبي تاني

ايـه فهمت انه يبو يحكو ابروحهم

مؤيد: اسولتي حبيبتي عارفك متحشمه ماتبيش تاخدي حاجه مش جايبه افلوس بس حبيبتي انا افلوسي افلوسك ياقلبي راه اعتريني راجلك لانه فتره بسيطه بس ونتزوجو وانا نخدم عشان نصرف عليك انتي لو مش عشانك انتي ره حتي الشغل ما اشتغلت

اسيل تحشمت ❤️: بس

مؤيد: لا بس ولا بسين سواء توا ولا بعدين انتي بتكوني ليا واعتبريها هديه بسيطه مني

اسيل ابتسمت: باهي شن انقول لي امي

مؤيد ضحك: ساهله قوليلها مؤيد خدا ليا وقالي بنجي نخطبك ونزوجك

اسيل ضحكت: بارد نحكي جد والله امي اديرلي مشكله

مؤيد: ماعليك منها تعالي نختارو

اسيل ابتسمت: ماغلطتش بعد اخترتك اتكون حبيبي ❤️

مؤيد: ههه تعالي نختارو بعد ما انا نغلط

اسيل ضحكت عليه ومشت امعا يختارو
اختارت اسيل قفطان احمر طويل من فوق ع شكل قلب وضابط ع الجسم وفيه فتحته من الفخده لعند تحت ❤️🔥 كان تحفه القفطان

مؤيد: نعليا ايهبل اححيي ❤️🔥اكيد ايجنن عليك ره ما دخلنيش بنشوفه عليك

اسيل تحشمت: لا

مؤيد ضحك: امشي قدامي ساهل توا نعرف نصرف وقتها

اسيل:كانك اقدرت

مؤيد: ووووه عليا منك انتي والسانك ما اتخليني اندير جريمه فيك

اسيل ضحكت 😂: ههههههه

ايـه بعد شفتهم يضحكو جت لي جيهتم

ايـه: محلاه ايهبل

اسيل: بجد ذوقي مش ذوق خوك البايخ

ايـه:حلو

مؤيد: كنه خوها مش عاجبك ولا كيف

اسيل ابتسمت: نجيه ليا اكيد عاجبني 😉❤️

مؤيد ضحك: هيا خلي انخلصو ونطلعو

اسيل وايـه عطو الفساتين لي مؤيد خلص عليهم وطلعو

مؤيد: شن تبو تاني

ايـه: نبي المحل هدا بناخد بيجامات ع السريع

مؤيد: باهي خشو علي ماحطيت الكياس في السياره

خشو اسيل وايـه

ايـه قعدت تختار في البجامات

معتصم: اسيل

اسيل سلمت عليه: اهلين

معتصم: وينك معاش شفناك بكل

اسيل: والله انشغالات الحياه وين البنات وخالي شن صحته شن اخبارهم انتم

معتصم: تمام بخير انتم معاش جيتو بكل من مرضت باتي

اسيل: الله غالب الحياه وانشغلات

معتصم: وين عمتي والبنات

اسيل: والله في البيت

معتصم: جايه امع من امالا

اسيل: جيت امع بنت عمتي عندنا عرس عمي علي سلف عمتي

معتصم: اها ربي ايدوم الفراح

معتصم: باهي اهم شي انت بخير

اسيل:الحمدالله

معتصم: تمام نستاذن انا ومشا

مؤيد كان مصدوم وامعصب يتفرج عليهم

جاء مسكها من يدها بقوه اسيل انخلعت
مؤيد كلم ايـه قالها اطلعي ايـه انخلعت

ايـه: كنك مزلت ما اخترت

مؤيد بعصبيه: اطلعي قدامي قبل ما نعجنك انتي والي في يدك

ايـه انخلعت:كنك

اسيل خايفه اشرتها بمعنى شافني وانا نحكي امع معتصم

ايـه فهمت عليه 😨

طلعو وركبو في السياره

مؤيد بعصبيه: من الخرا الي سلمتي عليه وقاعده اتهدرزي بكل صحة وجه وين تحسابي روحك

اسيل تعصب من كلامه: اول شي الخرا هدا ايكون ولد خالي وتاني شي انا سلمت عليه مادرتش حاجه غلط يامؤيد

مؤيد تعصب: مادخلنيش فيع امه ولد خالك ولد جدك مادخلني ليش توقفي واتسلمي عليه وتضحكي

اسيل ضحكت: يعني نوقف عليك انت وانهدرز ونضحك ولد خالي لا مانسلم عليه

مؤيد بعصبيه: انا ما اتقارني بالخرا هدا

اسيل: والله شن فيك الزايد عنه انت ولد عمتي هو ولد خالتي يعني عادي كنك انت

مؤيد تعصب ع الاخر: صار انا ولد عمتك بس

اسيل سكتت 🥺

مؤيد متعصب ولع السياره وطلع كان ايسوق بسرعه
كلهم ساكتين

مؤيد كان امعصب من لقطتها وزادت اسيل استفزاته با لكلام
وصلهم لي البيت ومشا

ايـه: عاجبك توا كان سايرته وسكتي

اسيل: يمشي ايملح شن دخلني فيه تي سلام بس دارلي قصه هكي طولها هو ولد خالي وسلمت مادرت حاجه غلط

ايـه: يستر الله هيا انخشو

.
.
.
.
.
.
.
.

جلال :اكيد يبو ايروحو علي فرح عمه صح

روان: اي اكيد بروحو

جلال ابتسم: هدي فرصتي نقدر نخطفها منه

روان: وكيف بتخطفها ان شاءالله لانه موضوع فاشل

جلال: يوم الصاله اكيد مسعود ما بيكون امعاها

روان: جلال ما اتربش علي روحك قتلك اهرب وفوت ريناد

جلال: انتي مادخلكش وخليك ساكته احسن

روان تاففت: باهي شن بدير

جلال قعد يحكيلها
.
.
.
.
.
.
.
.
.
مؤيد ما رجع طول اليل
.
.
.
.
ومحمد خبر خو احمد علي القصه الي صارت وكل شي وجعاته امه بس حس براحه وكانه جبل و انزاح عنه
واتصل با ايـه ايبشرها

احمد: مساء الحب ❤️

ايـه ضحكت: زاهيتلك شكلها 😂

احمد بفرحه: اخر ما تتصوري

ايـه ابتسمت: به فرحني امعاك

احمد بفرحه: اليوم فسخت خطبتي من ختام

ايـه بفرحه 😍😍: بجديات تحكي

احمد:اي

ايـه: مانحساب امك بتوافق بالسهوله هك

احمد بفرحه: الحمدلله ارحت منها هل الخطبه المنحوسه 😂

ايـه: ينعليا توا بتقعد ليا انا 😍

احمد يتكلم بحب ❤️: تي انا من يوم يومي ليك انتي 😂😂😂 فكينا من جو الرومانسيه في اخر الليل توا انزيد نتعب 😂

ايـه ضحكت: 😂😂😂به

احمد: نعليا من الضحكه الي شقت قلبي 😍❤️🤤

ايـه تضحك عليه: توا من قال مايبي الرومانسيه

احمد ضحك 😍: مشكلتي مانقدرش انقاومك اخخخ لو جنبي بس 😍🔥

ايـه: مودي خلاص حبيبي

احمد 😍: نعليا قداش امرايفلها هل الكلمه ❤️😍

ايـه تبي اتغير الموضوع: به شن قالولك الدكاتره علي صحتك

احمد 🤤: قالولي فيه دواء اسمه ايـه لو خديته تشفاء طول عمرك

ايـه 😍: انحبك ❤️

احمد 😍: يشهد عليا ربي ما غيرك عايشه فقلبي انا الي انحبك ❤️

كملو باقي مكالمتهم بغزل وحب كانو امرايفين علي بعضهم ❤️
.
.
.
.
.

نضت القيت مسعود راقد كانت الدنيا ليل خشيت دوشت توضيت وطلعت لبسه الديشنبر لبست بدلة الصلاه صليت المغرب والعشاء امع بعضهم
رديت دبشنا في الشناطي عشان الصبح طالعين رتبت حاجاتنا كلها حسيت روحي جيعانه
قعدت انوض في مسعود

انا: هيا حبيبي نوض

مسعود مسكني طيحني عليه: ارقدي ريحيني

انا: هيا نوض والله جعت

مسعود فتح اعيونه ورجع غمضهم: مش نايض ارقدي

انا 🥺🥺: هيا حبيبي والله جعيانه ره نلبست ننزل ناكل ابروحي

مسعود: تنزلي انقص رجليك

انا: به نوض

مسعود رفع راسه:باهي ياسكنان انتي

انا بعدت عنه: ره لميت دبشنا عشان بكرا نمشو لشرم الشيخ بدري 😂

مسعود: مش ناسيه ماشاءالله

انا: اي 😂😂 هيا نوض

مسعود رفع التليفون واتصل بالفندق وقالهم يبو عشاء
وخشت الحمام دوش توضا وطلع صلاه

جابو العشاء تعشينا

انا: نعليا كنت بنموت من الجوع وانت ماتبي اتنوض

مسعود ضحك ويشرب في العصير: ههههههه وكنك العصر كنا وكلين حسستيني حارمك من الاكل

انا ضحكت: لا يا قلبي انا انجوع بسرعه 😂😂

مسعود 😂: غير راك تبدي دبه وسمينه نوحل فيك

انا ضحكت: ماتخافش عليا ناكل جمل ما ايبان عليا اطمن
كان شن كليت مش سامنه

مسعود ضحك 😍: ههههه خليك من الجمل خلني توا انا ناكلك 😍😍

انا ضحكت: هههه لالا

مسعود قرب منها😍: مانخدش في رايك

انا ضحكت: والله حبيبتي توا دوشت

مسعود 😂:عادي توا اندوشو مره تانيه

انا :لالا

مسعود مسكني: لا امتاعك مانبيهاش 😂

انا: بس

مسعود 😘😘😘😘🔥
.
.
.
.
.
.

تاني يوم فقنا بدري وسكر مسعود احساب الفندق ومشينا لشرم الشيخ ❤️ وحجزنا فيها كانت خيال اتهبل 😍😍❤️
.
.
.

امال وليد راجلها سافر جت لعيت خالي الصبح
.
.
.
.
.
.

بعد مرور اسبوع

اسيل معاش حكت امع مؤيد ومؤيد كذالك معاش حكا امع اسيل ومعاش تالقو بكل مؤيد اغلبيت وقته برا البيت الليل ايروح يرقد الصبح يطلع
اسيل ماتبي تحكي امعاه لانه هوا الي غلط فيها
مؤيد كذلك مايبي يحكي امعاها لانه هيا الغلطانه
.
.
.

ايـه واحمد الاتنين ايهبلو ردت علقتهم حلوه زي قبل واحلى كان كل واحد عارف قيمة التاني في حياته مافيش اي شي جديد عليهم غير انه احمد طلع قبل كم يوم من المستشفى
.
.
.
.
ومريم كلمت اب احمد عشان يفسخو الخطبه وفعلا مشاء اب احمد لي راجل صفاء وقاله الدنيا نصيبات وحكا امعا بحترام والراجل رد عليه باحترام وهدرزو امع بعض و روح
.
.
.
.
.
جلال و وران كانو ايخططو كيف ايحصلو الفرصه الي يخطفو فيها ريناد روان كانت عكس كل المره الي فاتت كانت خايفه

جلال جابله سليم الفلوس وفرحان عشان حصل مبلغ ايسافر بيه بعد يخطف ريناد

اما سليم ايفكر في شي تاني اكبر منهم
.
..

امال كانت تتوصل امع مسعود وتحكيله طول الاسبوع وقتله مافيش اي حد جا لبيتهم غير بنات خاله اسيل وساره وسعاد
وحتي من تهاني و روان مايجوش عشا متعاركين امع اهلك
فا فاتو نقطة انه روان هي الي اتساعد في جلال
طبعا طول السبوع هدا امال كانت اتساعد في عميمه علي تحضيرات العرس حجزو فكل شي
.
.

اما انا مسعود
كان من اجمل الاسبوع ايمر علينا ❤️ اكتشفت حاجات اتهبل فيه مسعود احلا واجمل ايام كانو في شرم الشيخ كان مسعود شخص تاني 😍🤤 كلامه تصرفاته وحركاته كلهن عشقتهن عشق 😍❤️

أنا بخير مُنذ أول يوم وجدتك به ، مُنذ أول ساعة حديث بيننا و مُنذ أول أحبك قد قلتها لي♥️

.
.
.
.
.
.
اليوم كانت طيارتنا امروحين ليبيا حسيت مسعود مضايق مايبي انروح بس مطر علي خاطر عمه
روحنا جاء حسن لي المطار وعطا السياره لمسعود انا ركبت فيها
سلم عليه مسعود وكان ايهدرز امعا اشويا وبعدها
هو ركب في سياره تانيه كان فيها واحد ايسوق

جا مسعود ركب في السياره

انا: من هدا

مسعود: صاحبي حسن

انا: اها ليش ما مؤيد هوا جاء روح بينا

مسعود:مانبي حد يعرفنا كنا في مصر انا نبهت عليك

انا: تمام
روحنا
.
.
.
.
.
.

جلال: يوم الجمعه اكويس تالقالي هجره من هنا ضروي
لاني بنجيب البنت الخميس والجمعه نطلعو من ليبيا

سليم ابتسم: تم توا انشوفلك

جلال: نعبا عليك

سليم: حتي كان مافيش اندورلك هربه من الحدود وتطلع

جلال: منور والله مش عارف كيف نشكرك

سليم: ولو تستاهل اكثر من هكي قتلك احبيب نبي 500 سلف كان نلقا منك

جلال: من اعيوني مش اخساره فيك شي

سليم: سلم اعيونك

جلال عطا سليم الفلوس

سليم طلع وركب في سيارته

سليم: شنو ياطيري حصلتلي الي نبيه

الولد: اي بس ايكلف

سليم:.....................

.
.
.
.
.

روان: .................

جلال 😱:...............
.
.
.
.
.
.
.
اسيل:.......

مؤيد:.........

يُتبع ..

لقراءة الفصل التالي: اضغط هنا

لا تنسى كتابة تعليق ليصلك اشعار بالحلقات الجديدة.

reaction:

تعليقات