رواية هروب ما بعد اغتصاب الحلقة الخامسة والعشرون 25 بقلم ميرو أحمد
رواية هروب ما بعد اغتصاب الجزء الخامس والعشرون
 |
| رواية هروب ما بعد اغتصاب الحلقة الخامسة والعشرون 25 بقلم ميرو أحمد |
رواية هروب ما بعد اغتصاب البارت الخامس والعشرين
مسعود فاق الصبح دوش توضا وطلع وصلاه الصبح شافني مزلت راقده ❤️
مسعود: خلي نتصل بحسن انشوفه شن صار امعا قبل ما اتنوض ريناد
رفع تليفونه و طلع فتح البلكونا عشان ياخد راحته هو يحكي امع حسن وريناد ماتسمعش انه جلال هرب وهك
فتح الفايبر كان بيتصل بحسن شاف رساله امعلقه من رقم
فتحها كانت من الحقير جلال
"" تحساب هكي تقدر تبعد ريناد مني حتي لو هربت لاخر العالم انا وراك وراك نقدر ناخدها منك و البيضاء مش البعد الكافي الي يقدر يبعدني من ريناد تعرف وربي ضحكتني تحساب مايوصلوني معلوماتك تي انا نعرف شن ايصير في بيتكم بالتفصيل هههههههه يكفي دخلت لقلبك الخوف وهربت
عندك حق تهرب لاني لو بنشوفك بنقتلك وبنتقم في ريناد بيك اتشاوو لينا لقاء """
قراها مسعود بانو علي وجه علامات العصبيه 😡 علي طول اتصل بالرقم بس جلال كان واخد كل احتياطه ووقعد يبعتله في رسائل وايسب ويلعن فيه وايهدد فيه
بعدا اتصل بحسن امعصب رد حسن
حسن :كنك شايفني بحلمك انت
مسعود بعصبيه: نبعتلك رقم اتجيبه من تحت الارض
حسن: رقم من
مسعود 😡:جلال
حسن مسك افرينو وقف السياره بصدمه: شنو كيف صار
مسعود بعصبيه 😡: ولد&%% بعتلي رساله ايهدد فيها ال##%😡😡
حسن مش متستوعب: الزح فكنا من السب صبح تكلم زي الناس شن باعتلك
مسعود 😡:حسن ره وصلتي لهنا مش ناقص توا اتجيبلي مكان ام الفاسد ل&%&
حسن تنهد:استغفر الله العظيم من كل ذنب عظيم ابعتلي الرقم و ارخيلي اعصابك انت توا انشوفو حل توا انا ماشي لي الممرض بنستجوبه وكلمت حتي طارق يمشي امعايا عشان ايخاف يحكي كل شي لانه واضح هو الوحيد الي خش عليه
مسعود: ما دخلني في امه الممرض اتجيبلي مكان جلال اليوم
حسن عصب عليه: شنو تحساب ساهل بنعرف تي اكيد يطلع بعتلك بشفره وهميه ولا مش باسمه
مسعود مسح عليه وجه بعصبيه: قتلك النم كيف عرف انا امسافر للبيضاء ولا يعلم اخبار اهلي
حسن:النقطه هدي مهمه اكيد في حد ايوصله في معلوماتك مش بعيد حد من العيله
مسعود:يعني شكي بمحله وقت بدل مكان السفر وماحكيت لحد
حسن: اي شكك في مكانه وان شاء الله نلقو الي نقل معلومات ليه وانت ماحكيت لغير اهلك بس ساهل نعرفو من الي ينقل لجلال
مسعود:توا نتصل باهلي
حسن: اتكون غبي لو اتصلت بهلك وهكي جلال بيعرف انك في مصر مش في البيضاء وتاني شي ماتحكيش اهلك لين تتاكد من الي ايوصل في المعلومات
مسعود فكر في شخص ممكن ايساعده: والحل
حسن:تصبر لمه اتروح انديرو حل انا وانت لانه توا ايراجي فيا طارق قدام المستشفى وانت ما دير اي حركه غبيه من غير علمي
مسعود: توا اعرفلي الرقم ما عليك في الباقي
حسن : تمام انتم موضوعي امعا الممرض بعدها ساهل وانت ما اتعكر مزاجك عشان الحيوان لانه هدا الي يبي يوصله ايعكرلك مزاج وتخرب سفرتك واتروح عشان ادوره وهو يخطف مرتك
مسعود تعصب: في احلامه يقدر يوصللها
حسن: امال ارخيلي اعصابك توا بري شوف المدام وعيش حياتك وانسى اهمومك 😂😂😂 وجلال خليه علينا
مسعود بعصبيه: مش وقت تسهويك يا حسن بري دير الي قتلك عليه
حسن: تم
مسعود سكر امعصب رسالة جلال نرفزاته وكمية الاستفزاز الي فيها عكرو جوه الي كان رايق
نضت علي صوت مسعود امعصب ايهزب
كان وجه ايخوف 😨 وكانه صايره مصيبه
انا بخوف: حبيبي كنك صاير شي مش اكويس
مسعود رفع راسه بعد سمع صوتي
انا قعمزت جنبه: كنك مضايق من شي
مسعود تنهد ايحاول ايبين الوضع طبيعي: لالا حبيبي مافي شي
انا مسكت ايده: حبيبي متخبي عني شي صح انا مرتك وحبيتك ليش ما اتشاركني في اهمومك اي شي ايضايقك تحكيلي عليه مش اوقات فرحك بس تحكيلي انا نبي انكون امعاك في جميع اوقات فرحك وحزنك ربي اما ايجيب الحزن ليك حبيبي ❤️ انا وياك شخص واحد ومافيش بينا اسرار
مسعود ابتسم ايشوفلي: محلاك انتي وكلامك ان شاء الله ربي ما ايجبلنا الحزن
انا: امين ياربي به احكيلي شن امضايقك ومن كان ايكلم فيك
مسعود:مش مستاهل مشكله بسيطه في الشغل بس
انا: شن هي المشكله البسيطه هذي الي امضايقتك وامعصب عشانها
انا: شكلها كبيره المشكله
مسعود: فوتيك من وجع الراس والشغل مادكرنيش بيها حبيبتي شنو نوضتك شكلي
انا هزيت راسي: اي نسمع فيك اتهزب مش عارف شنو مافهمتش صوتك مش واضح من البلكونا
مسعود: ههههه يعني لو ماسمعتني انهزب كنتي مزال راقده يا خميره
انا 😒: مش خميره انا 😒
مسعود شفشفلي اشعري: واضح من تزوجتك وانتي ديما راقده وناسيه راجلك
انا شهقت بصدمه😂: انا 😳😳
مسعود: اها انتي 24 ساعه راقده ياتحت عند هلي وناسيتني
انا: راك ظالمني اصلا انت في البدايه كنت مش عاطيني فرصه نتقرب منك ولا انسيت
مسعود ضحك:لا ما انسيت توا ياحلوه بري بدلي ننزلو نفطرو ونطلعو
انا ابتسمت:لوين نطلعو
مسعود: بعدين تعرفي خليها مفاجاء
انا بسته 😘: اتهبل انت ومفاجاتك ياروحي
مسعود ابتسم 😍: وربي انتي الي بتهبليني امعاك
انا وقفت نضحك:هدا حبيبي نا هك نبيك تضحك وفرحان حبيبي ماتفكرش فيه الشغل ولا تاكل همه ماتحرمني من ضحكتك عاد جاين بنغيرو جو وننبسطو
مسعود ابتسم وعض فمه 😍: نعليا غير يسلك الجو بس بعدها دوري شن ايفكك مني 🔥😂
انا ضحكت 😂: تفكيرك زيك الصراحه انقول كلمه اتفسرها حاجه تانيه
مسعود 😂: صار تفكيري زي شن ريتي انتي مزال 😂😂😂
انا بعدت عنه 😂:شن مزال بنشوف اكثر من هكي 😂😂
مسعود يضحك: تي طيري من وجهي عنشكلك 🤤
انا خديت داخل نضحك عليه طلعت لبسه وخشيت لحمام
مسعود بعد خليته تنهد بتعب ايفكر كيف يوصل في جلال قبل ما يوصل لريناد وينهي الموضوع الي قاعد اياثر في حياته وجلال الي تماده هلبا بس مهما كان مش امخلي علاقتي اتوتر امع ريناد بسبب جلال ولا غيره بس لازم نعرف كيف جلال عرف اني امسافر ومن الي ايساعد فيه بما انه امه مريضه ماتعلمش بيه وانه كان متصاوب في المستشفى ولا انه هرب ومطلوب الشرطه ادور فيه بس موضوع المراه الي سعادت جلال اووووف تي ربي ايطيحك في ايديني يا جلال والله ماك طالع منها حي كان شن ايصير 😡 بس لازم نعرف اخبار هلي ومن يطلع ويخش عليهم ماعندي حل الا انكلم واحد فيهم بسرعه ما ارتسمت ابتسامه حلوه علي وجه وقطعت تفكيره بعد شاف ريناد طارحه الصلايه واتصلي ❤️
قعد يتامل فيها هي اتصلي 😍 ايشوفلها بكل حب 😍❤️
كملت الصلاه وقعدت اتسلم جت عيني في عين مسعود شفته كيف ايشوفلي 😊 تحشمت نزلت وجهي وسلحت المصليه وقفت
مسعود مبتسم ابتسامه من وذن لوذن😍: تقبل الله
انا ☺️☺️: منا ومنك صالح الاعمال
مسعود سكت ايشوفلي 😍
انا ارتبكت منه نضرته ليا ☺️ لفيت الوشاح
انا: هيا حبيبي ننزلو
مسعود: ياروح حبيبك انتي انزلي قدامي هي 😍
انا ابتسمت وطلعت قدامه هو وراي
انا: امممم وين رافعني توا
مسعود: نمشو نفطرو قبل بعدها نطلعو
انا:هنا ولا في المطعم
مسعود:مكتر اسالتك انتي امشي انتي ساكته
انا ضحكت عليه وشبكت ايدي في ايدي ونزلنا وطلعنا من الفندق "اوتيل"
.
.
.
.
.
.
.
عند حسن وصل المستشفى علي تدريسة طارق هو وياه جميع
طارق: صباح الخير
حسن:صباح النور مافيش اي خبر جديد
طارق: انت تعرف كل شي مافيش اي جديد
حسن: جلال باعت رساله لي مسعود ايهدد فيه
طارق: صح قتلي سافر لمصر
حسن: اي جلال يحساب مسعود مشا للبيضاء
طارف: بنفهم هو علاش سافر
حسن: لانه الندل الي ايقوله جلال من قبل حاط علي مرته ومزال ايهدد فيه بخطفها لانه لو قعد هو عارف ايحاول يخطفها كيف المره االاولى وهدا نيته عاطله وحقير وفهمك كفايه و هدي مرته وشرفه يعني ماببتحمل فيها حاجه غلط وانت راجل وانا راجل يعني فاهمين موقف مسعود مافيش راجل يقبل مرته يلمسها حد غيره وهي علي دمته و ،،ماقدرش ايكمل استغفر الله العظيم ربي يستر علي كل الوليا وانت لو في مكان مسعود اكيد قتلته لو مجرد تفكير انه يفكر في مرتك وخطفها ويبي يغتصبها فاكيد لو مكان مسعود يومها قتله
طارق : تي نقتله ونقتل قبيتله كلها 😡
حسن: ها شوف موقف مسعود يومها وانت ما خليته يقتله يعني شن الفرق بينك وين مسعود يعني انت عشان شرطي ايحقلك هو لا
طارق: مافيش فرق بس انا منعته انه ايخش السجن وانت عارف القانون وعقاب القتل يعني بيمشي فيها مؤبد
حسن: وكنك القانون مايشملك انت
طارق: اوووف انت شن فهمك في القانون بالله امشي قدامي مش وقته الكلام هدا
حسن: ماهو انقول في كلام الحق
طارق: اقطع حقك انت وكلامك
حسن وصلاته رساله الي فيها رقم جلال بعتها ليه مسعود
حسن : هدا رقم الي وصلت فيه رساله لمسعود
طارق خدا منه وبعته لواحد وامعا يخدم في المركز وقاله نبي معلومات علي الرقم هدا
وخشو جميع للمستشفى
وصلو لي الاداره المستشفى وطلبو من المدير المستشفى ايجيب الممرض نفسه الي خش علي جلال
خش الممرض مرتبك: السلام عليكم
حسن امركز فيه وايشوفله
طارق: وعليكم السلام
مدير المستشفى: هدا الممرض الي تبوه صح
طارق: اي
حسن: انا بنخش طول من غير مقدمات بعد خشيت لجلال حكا امعاك
الممرض توتر:لالا
طارق ايشوفله: تعرف لو طلعت تكذب بيكون ليك عقاب ممكن حتى تنحبس في جرت المجرم جلال وشهادتك هدي بطير منك مافيش اي مستشفى تقبل واحد خاين وايهرب في المجريمن وزيدها كان طلعت من السجن واحني عارفين ومتاكدين انه ليك يد في هربة جلال لذلك خلي تعاون بينا
الممرض بخوف: بس انا ماليا ذنب كان هو مجرم وهرب انا ليش انتعاقب
حسن 😡: يعني ليك يد في تهريبه
الممرض: ورحمة بوي مانعرف انه بيهرب وانا
طارق: شن طلب منك
الممرض: انا بعد خشيت عليه لقيته فايق قالي يبي تليفون بيتصل با امه امرايفلها يبي يسمع صوتها قبل لا ينحبس وتاخده انا حن قلبي عليه وعطيته التليفون يتصل بيها وطلعت عشان ياخد راحته ايكلمها ومشيت بنخبر الدكتور انه ناض اقسم بالله
طارق تعصب: احني شن نبهنا عليكم من البدايه
الممرض: عارف والله بس سخفني يبكي يبي ايكلم امه عطيته ليه
حسن بعصبيه: حافظ الرقم الي اتصل بيه
الممرض : لا والله بعد رجعت القيت التليفون علي السرير هو مش قاعد وحتي الرقم الي متصل بيه مسحه فكرت انخبركم يومها بس بعد عرفت انه الرقم مسحه خفت انخبركم واتقولو انه انا هربته لكن ورحمة بوي الغالي ما نحساب بيهرب لا سخفني كيف يبي يحكي امع امه انا فاقد بوي نعرف قيمة الاهل في حياته لو غابو عنك يوم يقعد يومك شين بلاهم لو ايغيبو عنك العمر كله حسيت بيه كيف يبي يسمع صوت امه ومرايفله هو حاس بيبعد عنها مايقدرش ايكلمها هدا علاش خليته ايكلمها مانحسابش نيته خبيثه والله العظيم
حسن 😡😡:لا ماشاءالله احساسك مالقيت اتحس الا في هل الحيوان 😡
المدير المستشفى علي اساس ايدير لقطه قدام الضابط طارق
المدير: سامي انت مطرود معاش تلزمنا في المستشفى
طارق: لا مش هكي الولد يقعد في شغله ماليش ذنب الا انه قلبه طيب عشان الناس مش كلها زي بعضها ولا نفس التفكير ياريت ادير بالك مره تانيه يا سامي والله يرحمه بوك بس في شغلك ياريت اتخلي مشاعرك علي جنب لانه في هلبا ناس زي جلال نيتهم خبيثه ويستغلوك زي توا شغلك ومستقبلك كان مهدد بالخطر
الممرض: والله انا قتلكم انه سخفني كيف يبي ايكلم امه ماقدرتش انخليه ونمشي
حسن: مره تانيه دير الف احساب لحاجه بديره بالخص مساعده لواحد مجرم واحني نبهنا المستشفى كامله وحتي حطينا في قسم خاص يعني الشخص هدا ما لازم ايشوفه حد
المدير: ان شاء الله معاش تنعاد
طارق وقف: ايكون احسن لانه المره الجايه في عقاب المستشفى كامل
وطلع ولحقه حسن
حسن: تي الكلب داير احتاطاته كلهم
طارق: الا ما انحصلو عليه توا في يدنا حاجه ممكن اتوصلنا لي جلال هوا الرقم
حسن: هدي اخر حاجه اتوصلنا لجلال بس في حاجه امشوشتلي تفكيري
طارق: شنو
حسن: يومها و بدا يحكيله
.
.
.
.
.
.
.
.
.
.
مشينا لمطعم كان ع البحر فطرنا كان الجو ايهبل لينا هلبا مافرحتش زي اليوم بجديات بعد انشوف البحر اتجيني راحه نفسيه كل طاقه السلبيه تمشي مني
طلعنا نتمشو ع الشط وانهدرزو
انا نضحك: اتبث مسعود خاينا انصور
مسعود ضحك: ماعندي نيه انصور
انا انشوف في الكاميرا: غير هيا حبيبي ابتسم
مسعود ابتسم غصبن عنه وصورنا :خلاص
انا :وحده تانيه هدي شينه
مسعود ضحك: غير هاتي توا انا انصور انتي ماتعرفيش
انا عطيته التليفون: باهي انشوفوك انت يا فوتوغرافي
مسعود ضحك: باهي توا اتشوفي
انا ضحكت ومسعود باس خدي ولقت الصوره
مسعود 😂: بالله شوفي محلاها
انا ضحكت 😍:ترا انشوف محلاها اتهبل الصوره توا انحطها خلفية تليفوني
مسعود 😂:هبله
انا قعدت انكبر في الصوره وانشوف فيها بجديات لقطه حلوه بكل كان نص وجه مسعود ومبتسم واضح لحيته الي امحدده و زيدته حلاوه وشخصيه انا كنت مبتسمه ❤️😍
انا بفرحه 😍❤️: لقطه خدت قلبي بكل تفاصيلها ❤️
مسعود ضحك عليا: قلبك هدا خليه شوري ❤️
انا ابتسمت: ربي مايحرمني منك يانبضي
مسعود 😍: ولا منك
انا: حبيبي خلينا ناخدو لقطات تانيه والله ايجننو بكرا بعد نكبرو انورهم لصغارنا
مسعود ابتسم علي كلمة اصغارنا 😍: تي كيف تبي انورهم حاجات عيب وبعدين اطيحي هيبتي قدام علي اساس بندير جو الوعراه وهك اتخربيلي شخصيتي ساد مادرتي فيا توا
انا ضحكت: شن انا
مسعود: توا بعد انروحو انقولك شن درتي
انا: بارد والله انا نبي اصور دكره تقعد حتي بعد نكبرو في العمر انشوفها ندكرو ايام كنا مراهقين
مسعود: لا ياقلبي بعد ايجي خاطر تبي تدكري غير قوليلي توا انعاودهم ليك 😂😂😂 اما اتوري اصورنا الخاصه لحد تاني لا
انا: كنك بارد هكي معاش نبي انصور باهي
مسعود ضحك: هههههه ايكون احسن
انا طلقت ايده و مشيت قدامه
مسعود ضحك وفتح ايصور في فيديو: زعلت هل النكد
انا لفيت وجهي عليه: توا انا نكد 😳😡
مسعود ضحك ايصور: واحلا نكد فحياتي
انا 😒: يا بارد شن ادير
مسعود ضحك: فيديو يا انسه نكد والله انحبك يا اجمل شي في حياتي توا تزعلي علي خاطر قتلك مانبيش انصور
انا: اي
مسعود ابتسم وطلع وروحه في الفيديو: اسف ياقلبي ماكنش قصدي انزعلك
انا ماسكه ضحكتي: لا خلاص زعلتني وفات فيك
مسعود وقف جنبي يضحك: خلاص توا انراضوك غير طلعي الضحكه الي شادتها
انا ضحكت: مسعود يا بارد بعد عني مانبيش انصور
مسعود ابتسم وباسني علي خدي ❤️: وهكي سامحتني و لا اهو حصلتي فيديو حلو وبوسه فوقها
انا نضحك 😂: مانبيش بعد عني
مسعود ضحك: اقسم بالله انبوسك علي فمك كان ما اتقولي سامحتك وانحبك
انا ضحكت: شنو بالقوه انسامحك
مسعود : اي وانا عطيتك خيارين هيا
انا ضحكت 😂: استغفرالله سامحتك خلاص
مسعود : قولي انحبك يا مسعود
انا ضحكت وقعدت انشوفله 😍: انحبك ياقلبي ❤️
مسعود ابتسم 😍: وانموت فيك انا يلي امجنني
انا ضحكت: خلاص يامجنون طفى الفيديو
مسعود ضحك: اسمو انتم مانعرفش ولد ولا بنت ولا كم واحد بس الفيديو هدا صورته علي خاطر امكم النكد زعلت عشان ماصورناش ههههههه طبعا عارف هيبتي طاحت في جرت امكم واهبالها
انا ضحكت: ماتنكرش انك اهبل بروحه
مسعود ضحك: اقسم بالله يا اصغاري ما كنت هكي امكم من خشت لحياتي هبلتني تي اسالو حتي جدتكم مبروكه ولا جدكم محمد باهي قولوه بابا كيف كان قبل تي هيبه لكن امكم الله ايسامحها خلتني مجنون وراها
انا ابتسمت: بس اتحبها امهم
مسعود ابتسم وايشوفلي: مش انحبها بس نعشقها عشق ❤️ انحب كل تفاصيلها وكل كلامها حركاتها شكلها كل شي فيها ادمنته ادمان بدت امكم حبها يمشي في وريدي مانقدرش انعيش بلاها
انا 😍: نعليا اليوم اعترافات 😍😍 كنك اتهبل ره نتعود هكي توحل فيا
مسعود ابستم: عادي ماعنديش غيرك غاليه اندللها ❤️
انا انشوفله بحب: واجد عليا هكي حبيبي 😍❤️
مسعود 😍: هدا ما يجيش نقطه في حقك باذن الله كاني حي اتعيشي كل ايامك زها وفرح يا فرحة عمري شفتو يا اصغاري قداش انحب امكم
انا ابتسمت بفرحه: ربي ما يحرمني منك حبيبي ربي يحفظك ليا وايطولي في عمرك غلاي وحتي انا انحبك 😍❤️
مسعود صكر الفيديو يضحك: اعتقد سادهم هكي
انا حضنته: نجك ليا حبيبتي 😍❤️
مسعود ضحك: الناس اتشوفلنا ياهبله
انا رفعت وجهي: مادخلنيش فيهم راجلي وحلالي
مسعود ابتسم 😍: حبيبي خلينا انروحو
انا ضحكت: لالا حبيبي الجو ايهبل خلينا هنا
مسعود: حتي الفندق ايهبل وغرفتنا اتهبل غير فكري فيها
انا: لا وين بتاخدني توا
مسعود: لالا ما صارش منه كنت بناخدك لشرم الشيخ بس توا تاخرنا احني انديرو في الفيديو
انا اعيوني اقلوب اقلوب: 😍😍 وراس حبيبي خلينا نمشو
مسعود ابتسم: شن رايك نعقدو صفقه
انا: شنو
مسعود: اليوم انفوتو شرم الشيخ انروحو للفندق بكرا انسكرو احسابنا في الفندق هدا ونمشو نحجزو في شرم الشيخ طول السبوع
انا بفرحه: جديات
مسعود: اي شن قلتي
انا بفرحه 😍: اي خلاص زي ماتبي بس وعد ره نمشو بكرا
مسعود ابتسم: نعليا منك وربي نمشو نقعدو فيه امتى ما تبي
انا: نجك ليا بس نتغدو قبل لاني جعت
مسعود 😍 : حاضر يا اعيوني
قعدنا نتمشو انا ومسعود انهدرزو 😍❤️
بجديات كل يوم انزيد انحبه اكثر ماكنتش نحساب مسعود بهل الرومانسيه هذي 😍❤️
طلعنا من الشط وخدينا تاكسي ومشينا لمطعم
.
.
.
.
.
.
.
.
.
.
.
اعميمه: يا اسيل جيبي امعاك الميه
اسيل من المطبخ: هيا جايا
مؤيد خش من باب المطبخ الخارجي: بس بس ياسمحه
اسيل: شن ادير هنا ياهمي
مؤيد: هكي ياظالمه تحرميني من شوفتك وانتي في نص بيتنا
اسيل كشرت: والله ماحرمتك كانك اتروح في اليل اماخر شن انديرلك انا
مؤيد: والله نمشي لشغل ال 12 نمسك بدل حسن لين ال 8 العصر وبعدها نمشي للقهوه امع الشباب انهدرز وانروح امع 10 ولا 11 شوفي انتي امتي انروح بنشوفك اتقولي مانقدرش نطلع
اسيل: لا وين تبيني اخر اليل نطلعلك مؤيد صح انحبك انا بس خلي احترام بينا احني مافيش اي شي رسمي بينا وبعدين بايخه اهلك ايشوفونا امع بعض اكيد بياخدو فكره غلط عليا
مؤيد حط ايدا علي الرخامه واتكه عليها وايشوفلها: باهي شن بندير انا انحبك نبيك انشوفك ديما قدامي والله طول وقتي انفكر فيك وصورتك ماتمشي من بالي يافرخه 😍❤️
اسيل ابتسمت : امممم من امتى اتحبني
مؤيد: مانعرفش بس قبل زردتنا هكي ركزت عليك وعلي تفاصيلك انك بنت السانها طويل وحلوه وجذابه واهم شي قلبي دق ليه
اسيل:نعليا 😍 بس الساني مش طويل هلبا
مؤيد: لا طويل بس بعد نزوجو توا انقصوهولك
اسيل 😏: اتقص عينك انا هكي لو تبيني لو تبي اتغير وما اتغير انفضوها من البدايه احسن
مؤيد ضحك: نعليا وربي يبي السانك قصه وانا نعرف كيف وغمزلها 😉😉❤️
اسيل: خزي حقير والله
مؤيد ضحك:عادي اي شي من لسانك عسل زيك انحبه زيدي اغلطي فيا 😂😂😍
اسيل تحشمت وجها: مؤيد كنك انت اتقول هكي
مؤيد: نعليا من الحموري الي املخبط اموري
اسيل وجها احمر ☺️ اول مره مؤيد يتغزل فيها قدامها مش ع الفون
مؤيد: تي خلاص يابنت وجهك راح طمامه 😂😂 تي انا كلمتين انا قلتهم ليك وجهك راح هكي كان انطبق شنو
اسيل: مؤيد اطلع اقلب وجهك عني
مؤيد:للاسف وجهك هدا مانقدرش نمشي وانخليه
.
.
.
في نفس الوقت عيت خالي ايهدرزو
خالي محمد: كنك نازله في البنت اتشغلي فيها ديما
اعميمه: والله دايرتها هي وايـه سواء مافي فرق بينهم انفكر نخطبهل لي مؤيد
اعليوه ياكل: ماشاء الله البنيه اخلاق وتربيه
خالي محمد: بعد يعقل ولدك اخطبيها اما اتشديله بنت ناس هو مهبول لا
اعميمه: كنك ياراجل حاط راسك من راسه بالك يعقل كان خطب
اعليوه: اي كلام مبروكه صح انت اخطبله شن خاسر
اعميمه: بالله عليك فهمه والله البنت مانبيها اضيع مني العيون امفتحه عليها ويخطبوها قبلنا
خ محمد: ديري رايك نخطبها ليه بس ما يحلم يزوج توا لين أسس حياته ويشتغل اكويس ونضمن حياة بنت الناس امعاه
اما هكي لا
اعميمه فرحت: اكيد توا نخطبوها بعد فرح اعليوه
ايـه نزلت وفي ايديها ملابس محطوطات في كيس
ايـه: اعليوه اهو كلهن حددتهن ليك
اعليوه: امنوره يابنت خوي عقبال انشوفك عروس يارب
خ محمد: كم مره انقولك قوليه عمي
ايـه: ياباتي عادي كنك امركز انت اعليوه راضي هكي
اعليوه: اخر الرضا 😂
اعميمه: امشي شوفي اسيل كنها طولت وتعالو تغذو
ايـه حطت الكيس علي الصالون: اعليوه ماتنسا الكيس اتشيله
اعليوه:به
ايـه خشت لمطبخ علي كلمة اسيل
اسيل: مؤيد يا سخيف اطلع
مؤيد: لا
ايـه ضحكت: كنك امع البنت انت
مؤيد: شن جابك ياهمي اقلبي وجهك
ايـه:والله امي دزتني لي اسيل عشان طولت توا نمشي انقولهم تحكي امع مؤيد وجت بتمشي
مؤيد ضحك:غير تعالي ياهمي امتى تبي نمشو تاخدي قفطانك
ايـه ضحكت : نجك ليا والله كنت انبصر امعاك باهي احكو علي راحتكم بس نبو نمشو اليوم باهي
مؤيد ضحك عليها
اسيل : خزي عليك طلعتي مصلحه باهي منك لي خوك نفس الشي
مؤيد: ارخيلي اعصابك ياحلوه والله خوها ايجنن بالعلامه انك اتحبيه
ايـه:باهي تحشمو انا امعاكم
مؤيد: شن بنديرولك لو قعدتي زي الحصله انتي
ايـه:باهي انا حصله
مؤيد ضحك: نجك ليا انتي احلا حصله بعد المغرب اتوتي روحك انتي واسيل نرفعكم شن تبي اكثر من هكي
اسيل رفعت الميه :لا مش ماشيه امعاكم انا
وطلعت
ايـه: كنها ماتقول زعلتها
مؤيد: والله مازعلتها غير انتي اقنعيها تمشي باهي
ايـه:به خلي نمشي انا وانت تعال خش من باب الرئيسي احسن
مؤيد:تمام وطلع
وايـه خشت
ايـه قعمزت جنب اسيل وخش مؤيد وقعمز امعاهم يتغدا
تغدو والبنات غسلو الماعين وطلعو لي الجنان ايهدرزو ومؤيد رد لشغل واعليوه طلع بيحجز الصاله وعنده حاجات للعرس ناقصات بيكملهم
.
.
.
.
.
.
احمد: لا خلاص معاش نبي انكمل امعاها وانتي عارفه انا من البدايه ما نبيها
مريم: يا اوليدي شن اتقول بعد كملنا في البنت وحددنا حتي عرسكم بعد 4 اشهور
احمد بعصبيه: يا امي قتلك انا ما نبيها البنت بالغصب انا البنت ماعنديش فيها خاطر كيف تبي انعيش امعاها كا زوجه مانبي نظلمها امعاي لاني عارف مش بنكون لها زوج ولا نعطيها احقوقها بالله عليك يا امي مانبي انخرب حياة بنت الناس خليها اتشوف نصيبها لاني لغيت فكرة الزواج كامله مانيش متزوج
مريم: شن هل الكلام الي مايجيش يا ولدي والله البنت سمحه واقنينه واخلاق وفلاحه صدقتني تسعدك
احمد:انا مافيش وحده تسعدني غير البنت الي رفضتيها وانا خلاص لغيت فكرة الزواج كلها ياريت تحترمي قراري
مريم: بس
احمد يتكلم بعصبيه وضاغط علي جرحه ويألم: قتلك موضوع منتهي ونبي قبل لا نطلع من المستشفى ينتهي كل شي
مريم: شن انقوللهم لو سالو
احمد: مافيش نصيب بينهم ولا ما تريحو ولا اي شي المهم افسخي الخطبه هذي
مريم وقفت مضايقه: باهي الي تبيه ايصير غير انتبه علي صحتك واشرب الشربه الي جبتها ليك
احمد: ماعنديش نيه ناكل
مريم شافت ولدها كيف مدمر وشبه نهاء حياته عشان خاطر البنت الي رفضتها
مريم: محمد هيا وصلني اكيد عيت خالك وعيت عمك جو خلي انروح
محمد اوقف:تمام هيا
طلعو امع بعضهم
محمد: يا امي معاش تغضطي عليه احمد والله ايضيع شفتي شن صار فيه وحالته كيف ادهورت ليش تجبري فيه علي حاجه هو ما يبها والله الزواج مش غصب ره
مريم بحزن: والله ما نحساب ايصير فيه هكي نحسابه فتره وينسا
محمد: احمد تعرفيه لو حب حاجه مستحيل ينساها انتي شفتي من ورا اعنادك كيف ادمرت المره هدي جت ضربة موس ونجا منها مرات المره التانيه ينقتل بسلاح ولا يخطفوه المفرخ امتاع الشارع عاجبك وضع ولدك ره انجر لي الطريق الغلط بكره بكرا ايروحلك سكران ولا امداير مصيبه
مريم انخلعت: بعيد السو كنك اتفاول علي خوك
محمد: مانفاولش هدا كلام الحق تعرفي من انقد احمد وسعفه
مريم: من
محمد: عم البنت الي ايحبها احمد هو الي سعفه كان هدا ولدك مات توا دايره عزاه
مريم بصدمه 😢💔: بعيد السوعنه ان شاء الله الموت في الناس الي ضربوه 💔💔
كمل محمد ايهدرز امع امه ايحاول يقنعها وصلها لي البيت ومشا لمحل وجاب عصير وكيكه وشكلاطه وادهم ع محل حلويات خدا حلو رد عطاهم لي اخته عشان ايضيفو الناس الي عشان احمد انضرب
.
.
.
.
.
.
عندي انا ومسعود تغدينا روحنا للفندق
اول ما خشينا الفندق جت رساله لتليفون مسعود قراها
مسعود 😤: حبيبتي ارقي لي الغرفه توا انجيك انا
انا التفت عليه: كنك حبيبي
مسعود 😡:............
.
.
.
.
.
.
.
.
مريم متحشمه: والله ياصفاء احمد هوا يب قاطعتها ماخلتها اتكمل
صفاء:............
.
.
.
.
.
.
مؤيد امعصب 😡: كنك اتسلمي عليه منو هدا
اسيل بخوف: ...............
.
.
.
.
.
.
مسعود 😡:...........
...........:.............
.
.
.
.
.
.
.
جلال: اكيد يبو ايروحو علي فرح عمه
روان:................ؤ.
.
.
.
.
.
.
يُتبع ..
- لقراءة الفصل التالي : اضغط هنا
لا تنسى كتابة تعليق ليصلك اشعار بالحلقات الجديدة.