رواية هروب ما بعد اغتصاب الحلقة الرابعة والعشرون 24 بقلم ميرو أحمد

 رواية هروب ما بعد اغتصاب الحلقة الرابعة والعشرون 24 بقلم ميرو أحمد

رواية هروب ما بعد اغتصاب الجزء الرابع والعشرين 

رواية هروب ما بعد اغتصاب الحلقة الرابعة والعشرون 24 بقلم ميرو أحمد


رواية هروب ما بعد اغتصاب الفصل الرابع والعشرون 


مسعود اينوض فيا:ريناد هيا وقت تاخرنا فيقي


انا فتحت اعيوني: امتي حلنا اوصلنا


مسعود فتح الدرج ايطلع في الوراق: هيا وقت انزلي


اانا شبحت قدمي بصدمه: هدا المطار صح


مسعود ابتسم :اي هيا انزلي وقت ع الطياره


انا بصدمه:كيف صح ماشين للبيضاء


مسعود: انزلي مافيش وقت نشرحلك


نزلت انحاول نستوعب كلامه

انا: فهمني يامسعود كنك ماقلتي


مسعود اينزل في الشناطي: ريناد خلي اسئلتك لبعدين


انا وقفت انشوف فيه ايطلع في الشناطي مصدومه علي اساس ماشينا البيضاء شن دخل المطار في النص ليش هل الغموض كله


مسعود سكر السياره وقفلها وخشيناانا نمشي جنبه مش فاهمه شي

وقعد مسعود ايكمل في الاجراءات نادو علي رحلتنا


انا: قصدك ماشين لمصر


مسعود مسك ايدي: اي حبيبي توا نشرحلك كل شي ماتخافي


انا ابتسمت:وليش بنخاف وانا امعاك


مسعود 😍: نعليا منك هيا


قعد مسعود ايجر في الشناطي وانا ماسكه في ايده وحاطه راسي علي كتفه


انا: حبيبي ليش ماقتلي من البدايه


مسعود: مانبيش حد يعرف احني وين ماشين


انا: ليش


مسعود:سر بعدين كنك مفروض تفرحي ولا ما اتحبي مصر


انا ابتسمت: انا ما ايهمني المكان حتي كان الصومال المهم انكون جنبك غير انصدمت انت قلت بنمشو لي البيضاء وانصدمت المطار ليش 😂😂😂


مسعود ضحك: تعودي علي الصدمات


انا 😍: والله احلا صدمات 😂😂


مسعود: ربي مايحرمني من هل الضحكه


انا ابتسمت: ولا يحرمني من سبب الضحكه


ركبنا في الطياره واقلعت ✈️✈️✈️✈️


انا: باهي حبيبي ماقتلي شن سبب تغير المكان حسيت فيك شي طول اليوم وضعك مش عاجبني


مسعود اثاوب بنعاس: حبيبي نعسان بنغفا اشوي قتلك كل شي في وقته حلو


انا سكتت مضايقه ليش يهرب من اسألتي ومايبي يحكي

دقائق فعلأ مسعود رقد


تعال انردو لساعات بعد مسعود كان ايهدرز امع خالي لمه جاته المكالمه وطلع


مسعود: ها شن صار امعاك


حسن: والله شفتلك كل السفرات عندك الساعه 8 لي مصر و في 6 العصر لي تركيا و في 8 الليل لي تونس هذين السفارت الي بكرا نحجزلك اما سفره


مسعود:اقرب وحده


حسن: يعني مصر


مسعود:اي مصر القاهره صح


حسن: اي تمام توا انثبت الحجز


مسعود: اي الساعه كم يبتجي ترفع سيارتي


حسن:توا انجي امع 8ونص ناخدها


مسعود: تمام احسونه تعبتك امعايا


حسن: ههههه ماغير تعبتني شحورتني 😂


مسعود ضحك: هههه لانك تستاهل


حسن 😂😂: تعرف كرهتني في ام الزواج باهي انت ازوجت وشحورتني امعاك كان انا نزوج شن ايصير


مسعود يضحك: وراسك ماصاير غير تفاعلات 😂😂😂


حسن: وربي كلب 😂😂 حتي انا الي شاقي فيك


مسعود: اتوصي علي شي من غادي


حسن: والله كان معاش تتصل بيا ولا اتكلمني مانبي شي خود راحتك وانسى حسن خلي ناخد راحه اليومين الي بتنتلف فيهم


مسعود ضحك: باهي يا نذل اصلا مش جايبلك شي


حسن:مشكور مانبو منك شي انبسط وافرح وانسى اهمومك وانسى حد اسمه حسن 😂😂😂😂😂


مسعود: 😒اصلا حتي انا الفاضي انكلم فيك هيا وجهك عني


حسن: مقبوله منك يا برو التداكر توا انمر عليك ونعطيهم ليك


مسعود:تمام


حسن:تمشي واترد بسلامه


مسعود: تسلم


حسن سكر من مسعود وتبت الرحله لي مصر من حسن حضه كانو في 4 مقاعد فاضيه حجز مقعدين


.

.

.

.

.

.

.

.


ترن ترن 📲☎️

روان كانت راقده


روان بصوت ناعس: ايوا


جلال ضحك: نعليا من صوت مانتحملش


روان ضحكت: كنك حالم بريناد شن الرومانسيه من الصبح


جلال ضحك:واحلى حلم 😍 قريب انحققه


روان: زيد احلم 😂


جلال:اكيد بنحلم ياحلوه وانتي اتحققي


روان تاففت: شن تبي مني اعتقد اني ساعدتك واجد ياجلال معاش ادخلني فيك ريناد صعب تخطفها تاني


جلال: من صعب وانتي بتساعديني


روان: ساعدتك مره الاوله وانت بغبائك خربت كل شي تحساب كل شي ساهل زي قبل انت اكيد الشرطه ادور فيك ومسعود مش بيسلم في ريناد ويعطيك فرصه تخطفها وفوقها جرحك مزال جديد وتبي عنايه ومحافضه علي اما وحده بتلحق


جلال: ما دخلك في شي انا انقولك وانتي اتنفدي


روان تنهدت بملل عارفه مافيش امل امعا: شن تبي


جلال: تمشي لبيت خالتك اتجسي النبض واتقصقصي عليهم وتعرفي اخبارهم لو مسعود حاط شي براسه ولا شن يحكو علي موضوعي اي شي


روان:باهي توا نمشي


جلال: ايوا خليك من البدايه هكي مش كنا متفقين انفرقوهم ولا لا


روان: اي بس في خطوره انا نبهتك مش كل مره اتصيب امعاك


جلال :سكري مش فاضيلك انتي وكلامك


روان سكرت ادور في اي سبله عشان تمشي لبيت خالتها

.

.

.

.

.

.

.

.

.

.

.

.


ايـه واسيل ايحطو في الفطور وخالي محمد ايهدرز امع اعميمه خش اعليوه


اعليوه: صباح الخير


الكل: صباح النور


اعميمه: تعال يا اعليوه حماتك اتحبك تعال افطر


اعليوه قعمزه: والله حتي كان ما اتحبني جاي بنفطر 😂😂


خالي محمد: وينك امس غاطس


اعليوه صب الشاهي: والله عندي صاحبي مضروب كنت امعا في المستشفى


ايـه واسيل شافو بعض وخايف


اعميمه: لاباس كنه


اعليوه:تعرفي سيف ولد خليفه جارنا


اعميمه: اي


اعليوه: هوا الي ضارب الولد بالصدفه طلعت القيت الولد طايح كان ما لحقت عليه ره صفو دماته من كثر مانزف مسكين انا شلته لي المستشفى الحمدالله توا بخير تعرفت عليه وعلي خوته ناس اكويس


خالي محمد: لاحوله ولا قوة الا بالله معقوله سيف ضارب ولد


اعليوه:مش اي ولد صاحبه احمد شكله في مشكله بينهم


اعميمه: يعطيه ادعوه هل سيف والله ماحبيته بكل


خالي محمد: من وين الولد الي ضربه


اعليوه: اسم بوه منصور الفلاني


خالي محمد: نفسهم لعيت &&%


اعليوه:اي تعرفهم


خالي محمد: اي مش واجد لكن نسمع عنهم ناس اكويسه ماشاءالله عليهم باهي شن صار في الولد


اعليوه: الحمدلله توا صحته اكويس امس اتعب اشويا في الليل قالي محمد بعدين بنمر عليهم


خالي محمد:ربي يشفيه


اعميمه: ربي يحفظه لي هله افطرو انتن شن اتبلحقن 🤨


ايـه وقفت: صحه انا اشبعت وطلعت لدارها


اسيل سحت موقف بايخ تلحقها قعدت اتساير فيهم وهم ايهدرزو اشويا وحقتها


.

.

.

.

.

.

.

اسيل: كنك اتنكدي علي عمرك قال صحته اكويسه


ايـه تبكي 😭: هدا علاش امبارح ما اتصل بيا هو قالي بعدين نتصل بيك


اسيل:طبيعي الولد داير عمليه اكيد اتعب اشوي عطوه مسكن ولا منوم والله نسمع بيهم الناس الي يقعدو بكلى وحده فتره الاوله بتعتبو واجد فوق من الألم لين الجسم يتعود علي كلى وحده


ايـه: كله بسببي ياريت ما حكيتله علي سيف شفتي الحقير شن دار حسبي الله ونعم والوكيل فيه


اسيل: اي والله ربي ياخد الحق


ايـه: نبي نتصل با احمد نطمن عليه وخايفه


اسيل: به اتصلي بيه قبل لا يطلع اعليوه من هنا احسن


ايـه: حتي انا خايفه نتصل ايمون اعليوه جنبه


اسيل: لالا اتصلي توا لانه اسمعتك بوك وعليوه ايهدرزو اعليوه بيمر علي المعرض وبعدها بيمشي المستشفى


ايـه: زعما نتصل


اسيل: انا بننزل انعاون عمتي ونضم حوسه الفطور انتي اتصلي والحقيني


ايـه: عقبال ما انجيبوك كنه لينا يا ضمامة حوستنا 😍😍


اسيل ضحكت: لسني عاد اليوم امروحه


ايـه: كذابه ليش


اسيل: رايفت علي ماما وبابا والبنات توا انجيك قبل السبوع الفرح نقعد امعاك


ايـه: لالا ما ايصيرش اليوم بنحرش امي فيك والله الا تقعدي


اسيل: والله ليا يومين بايته عندك ياسر


ايـه: والله مانحس في الوقت امعاك


اسيل: ايصير خير بري كلمي احمد بعدها ساهل

وطلعت


ايـه اتصلت با احمد


ايـه: صباح الخير


احمد ابتسم: صباح الورد ولا كنت توا بنتصل بيك فجاء اتصلتي


ايـه ضحكت: يعني لو صبرت دقيقة يعني انت اتصلت


احمد: اي ياقلبي شن اخبارك


ايـه: الحمدالله بخير وانت شن حال صحتك


احمد ابتسم: توا صرت بخير


ايـه: في جنبك حد


احمد:لالا ليش


ايـه: توا اسمعت اعليوه بيجيك قال امش في الليل اتعبت توا شن حالك والله بعد اسمعته قلبي ما اطمنش لين كلمتك


احمد:اي الحمدلله مضعفات بس مافيش خوف عادي وطبيعي


ايـه:اكيد احمد


احمد: والله اكويس نهاية السبوع بنطلع


ايـه: حسبي الله ونعم الوكيل فيه


احمد ابتسم: تعرفي ضربة سيف ماوجعتني قد خيانته ليا بس في نفس الوقت حمدت ربي انه كشفه وبينه علي حقيقته

ممكن ضربته ليا كانت فيها اكثر فائدة ليا


ايـه: وشن الفائده وانتي خسرت صحتك بسببه


احمد: ممكن الفائده يجمعني بيك كيف ما خلانا نرجعو نحكو امع بعض عادي زي قبل مرات ايقربنا الي بعض هو يحساب يقدر ايفرقنا عن بعض بس حبنا اقوى من اي ضرف كان لاني واتق من حبك ليا وانا انحبك اضعاف الحب نفسه باذن الله ما اتكوني الا ليا


ايـه: احمد انا مانبي من الدنيا شي غيرك انت وانا انحبك وانرجيك طول عمري بس رد بالك تجرحني مره تانيه والي خاطبها ديرللها حل مستحيل نرضا انكلمك وانت خاطب بنت غيري تمام


احمد تنهد بوجع: حاضر اول ما بنطلع من المستشفى اندير باذن الله ما اتكوني الا راضيه حبيبي بس خليك جنبي بس نبي نستمد منك القوه حبيبتي


ايـه: ما تكلمش فيها هديك صح


احمد ابتسم: وراسك ما كلمتها ولا شفتها غير يوم الي لبستها فيه غصب عني علي خاطر امي


ايـه: يعني ماكلمتها صح


احمد:والله يا غيوره ماكلمتها يشهد عليا ربي ماكلمتها


ايـه: خلاص صدقتك


احمد: باهي شن درتي في ما كمل جملته الا وخاش عبدو وباته


احمد: تمام فرج انهدرزو بعدين


ايـه ضحكت: فرج هههه من جاك


احمد: الله ايسلمك اي


ايـه: خوتك


احمد: اي في المستشفى باهي سلام

وسكر 😂 يضحك


وايـه نفس شي تضحك عليه و مكالمة امس واليوم زادو عطوها طاقه ايجابيه وامل كبير في علاقتها هي واحمد


..

.

.

.

.

.

.

.

وصلنا انا ومسعود نزلنا في مطار القاهره وخدينا تاكسي علي الفندق الي حجز فيه مسعود


((لو تدكرو في الحلقه امس مسعود بعد قعد ابروحه في الصاله وفاتح الابتوب حجز في فندق) )


خشينا الفندق انا كنت ساكته مانتكلمش انراجي في الحضه الي نوصلو فيها نبي نفهم كل شي منه


فتح مسعود الغرفه ودخل الشناطي وخشيت وراءه


مسعود قمعز علي ايشوفلي واقفه ضحك:عارفك تبي تعرفي كل شي


انا ربعت ايديني 😒: ياريت والله من الصبح ساكته انرجي فيك تحكي


مسعود: اول شي تعالي قعمزي جني


انا:عادي احكي حتي هكي


مسعود: ريناد


انا قعمزت جنبه:باهي هيا احكي


مسعود مسك ايدي: ريناد انتي عارفه اني انحبك صح


انا هزيت راسي: اي


مسعود: وانتي تعرفي انه مانبي شي ايضرك انحاول نحمي فيك ومانبي اي شي ايمسك ولا ايزعلك


انا خفت: مسعود كنك خوفتني خش في المهم شنو


مسعود ابتسم وباس ايدي: المهم انه الفتره الاخيره حياتنا كان مش حلوه كلها نكد وانا حبيت نطلعو يومين انغيرو جو انعوضو الي الايام الشينه الي عشناها ماحد يعرف مكانا غير انا وياك


انا ابتسمت: اكيد حبيبي مافي شي تاني


مسعود: كان في شي تاني غير انا امرايفلك مووت حبيتي😍🤤🔥


انا بست خدا: نجك ليا والله نحمد ربي انه اعطاني شخص زيك حنون وطيب و ايحبني والله انا محضوضه انك جيت نصيبي القيت فيك السند الي محتاجاته والحنان الي فاقداته

انا مش عارفه شن كان بيصير فيها لو ما انت فيها


مسعود ابتسم علي كلامي ولف ايديه عليه وقربني ليه 😍

مسعود:انا الي محضوض انك فحياتي حبيبتي وان شاءالله ربي ايقدرني انكونلك السند الي تبيه


انا ابتسمت: خاطر عليك اول ايام جيت فيهم عندكم


مسعود ضحك: هو نقدر ننساهم يا مشاغبه والله عرفت روحي من يومها مافيش مهرب منك درتيها وطيحتيني فحبك


انا:هههههه لانك ليا من البدايه


مسعود: باهي انا جعت ره


انا:حتي انا بس نعسانه نبي نرقد


مسعود: ننزلو تحت ناكلو ولا نطلبو


انا: ماعنديش نيه ننزل توا انبي اندوش ونرقد اطلب هنا احسن


مسعود:تمام توا انكلمهم

اتصل مسعود بالربستيشن وطلب منهم فطور للغرفه


انا فتحت الشنطه انطلع في دبشي


مسعود: حبيبي طلعيلي امعاك ملابسي علي ما دوشت


انا: انا نبي اندوش قبل


مسعود ضحك وفات لحمام (اكرامكم الله): لا انتي اطولي

ساعه في الحمام


انا: باهي ماطولش


مسعود خش ايدوش


طلعت لبسه لمسعود وطلعت لروحي بيجامه نوم طلعت الشانبو امتاعي لاني مانحبش نستخدم اي شانبو


طلع مسعود لف المنشف عليه ومنشف علي راسه ايجفف فيه


انا 😍: صحه ياقلبي


مسعود: سلمك وين شن طلعتيلي


انا: طلعتلك ابلوزه بيضه وسروال بيج


مسعود رفعهم : يعطيك الصحه حبيبي ❤️


انا رفعت حاجاتي في ايدي وجيت جنبه وبسته 😘😘 وبعد عنه : جت خاطري ما شكلك ايجنن 😍🤤🔥


مسعود ضحك ولف بشدني انا هربت


انا وقفت علي باب الحمام: والله اتهبل وشكلك ايجنن وانت شعرك مبلول 😍😍


مسعود ضحك : وليش ما اتجي اتقوليها قدامي مش تهربي


انا ابتسمت 😂: لانه باسطه نضرتك هدي مش امطمنتي بكل


مسعود: به ليش اتنابشي من الاول لو مش قدها انتي


انا 😂:هههههههه


مسعود: اضحكي توا ايبانلك


انا خشيت لحمام ونضحك 😂 بجد انحب انابشه 😂😂😂

دوشت ودهنت جسمي بالمرطب ولبست طلعت لفه المنشف علي اشعري


طلعت القيت مسعود ايحط في الفطور علي الطاوله


انا جيت قعمزت جنبه: تعرف جعانه بكل


مسعود ابتسم ايشوفلي:صحه حبي


انا: سلمك


مسعود: جففي اشعرك وتعالي ناكلو


انا:لالا بناكل 😂 بعدين انجففه


مسعود:مش هارب الاكل جففيه وكولي توا تمرضي


انا قوست وجهي بحزن: مانبيش جعانه 🥺🥺🥺


مسعود ضحك: مجنونه وربي

وقف مسعود وقعد اينشفلي في اشعري


انا ابتسمت: نجك ليا 😍


مسعود: تاكلي عني انقص ايدك


انا: طشه بس ايهون عليك نقعد جعانه


مسعود: قلنا لا 😂😂😂 وين حاطه المجفف امتاعك


انا: ما جبته في البيت


مسعود: وليش


انا: انسيت اول شي ماعندي ماندير بيه


مسعود: توا بعد ننزلو ناخدلك واحد ماتقعديش هكي تمرضي


انا: به


مسعود كملي وقعدنا ناكلو هدرزه وضحك كملنا الاكل رقدنا 😴😴😴😴


.

.

.

.

.

.

.

اعليوه مشا لي احمد هدرز امعا وبعدها مشا للشغل


.

.

.

.

.


بعد الغذاء جت روان وتهاني علي اساس جاين بيهدرزو


روان: اخويله وين ريناد ماشفتها


اعميمه: والله مش قاعده اليوم طلعو هي ومسعود امسافرين يومين بيغيرو جو


روان: اها لوين مشو


ايـه 🤨: شن تبي وين مشو


اعميمه: مشو لي البيضاء


روان: اها


ايـه: اي صح ماما ماكلموك انهم وصلو ولا شفتيهم الصبح بعد طلعو


اعميمه: لا والله ماشفتهم حتي اتصلت رقمهم مفقل


اسيل: اكيد يبو يرتاحو هم ماشين بيغيرو جو ما تزعجوهم بالاتصالات واجد


اعميمه ضحكت: ريت هل الفانص ماتتحشم 😂😂😂


ايـه ضحكت وقعدت اترقص في حواجبها


روان ضحكت: اي ماتتحشم بكل


اسيل: خليتها الحشمه ليك انتي بالك اديري قدر لعمرك بيها 😉


ايـه شاده ضحكتها بالسيف


روان: شن قصدك انتي


اسيل ضحكت: والله ماقصدي بيها شي لو انتي ناقصه وافهمتيها حاجه تانيه مشكلتك


روان تعصبت: كيف شن قصدك ناقصه احترمي نفسك


اعميمه: استهدي بالله انتي وياها كنكم علقتو امع بعضكم


رواان : شفتيها يا اخويله هي الي بدت فيا


تهاني بعصبيه: انتي هي شكلك امك ما رباتك


اسيل بتكلم غمزتلها اعميمه تسكت سكتت


اعميمه: تهاني هذين بنات في بعضهن مافي داعي كلام الاخرا


روان:اي دافعي عليها اصلا ما اتحبينا احني ديما توقفي امعاهن


اعميمه انصدمت: انا


تهاني : نوضي يا بنتي انروحو مانقعدو في مكان مش مرغوب فينا


ايـه: غير استهدي بالله يا اخويله كنك انتي والله اسوله اتبصر هكي ابصارتها ديما وانتي تعرفيها


روان: لا ما اتبصرش هيا عارفتها اتغار مني حاقد عليا من قبل لاني احلا منها والناس اتحبني


اسيل ضحكت: انتي احلا مني والناس اتحبك هههههه ضحكتني وانغار منك كنك مريضه انتي بري عالجي سلم ماما 😂🤣😂😂


روان تعصبت: اسمعتي ياخالتي شن اتقول


اعميمه : ربي يهديكن خلاص اسيل اسكتي


اسيل: حاضر اعميمه ع خاطرك بس


روان رقتلها: هيا ماما انروحو احسن من شوفت اشكيلات هذين


اسيل ضحكت: والله احسن من شوفت وجهك الي اتجيب 60 الف عله واتركب المرض 😉


ايـه ماقدرت تمسك روحها وطلقتها ضحكه ههههههه😂😂😂😂😂


اعميمه مسكت ضحكتها


روان لمت باقي كرامتها طلعت هي وامها متعصبات



ايـه تضحك: ههههه والله صحه ليك يا اسيل 😂😂😂 بردتي قلبي


اعميمه تضحك: يعطيك السلامه في هل السان


اسيل: تستاهل والله فصعتلي ارقبتي بحركاتها عنجد انا انغار منها عشان احلا مني


اعميمه ضحكت: فرقت عمرها ما اتجي في ضفرك شن جاب الغزال للقرد انتي البنت المصنعه امنعه ادب وخلاق ونظافه وفلاحه ورزانه غير اسملا علي السانك


اسيل ضحكت: نجك ليا اعميمه 😍 بس الساني للناس الي زي روان ماانحب انشوف العوج قدامي وهي من زمان حاطه راسها من راس ريناد


ايـه: اي والله تستاهل


اعميمه ضحكت: يعطيكن الهناء انتن الاتنين نوضن ديرن حاجه حلوه


اسيل:به


ايـه: ره ماما اسيل امروحه اليوم


اعميمه: ليش الطف


اسيل: ماهو قعدت يومين ساد


اعميمه: انا كلمت جمال وقالي خليها تقعد امعاك لين ايتم العرس حتي ريناد مش قاعده توا خليك امعانا


اسيل: باهي نمشي انجيب دبشي


اعميمه: انتي كلمي ساره شن تبي اتحطهم في ساكو توا انكلم مؤيد لو روح يمشي ايجيبهم ليك


اسيل: تمام توا انكلمه


ايـه: ههههه قتلك امي مش امخليتك


اعميمه: والله تعودت عليك غير عن خواتك زيك زي ايـه


ايـه 😏: امي شن رايك ناخدو اسيل لي مؤيد عشان تقعد ديما امعاك


اعميمه 😍: ياريت والله ما نلقا احسن منها لي مؤيد غير كان ايوافق هل المنجوه بس والله ما انضيع دقيقه وناخدها ليه


اسيل تحشمت اتشوف لي ايـه نضرات وربي اتشوفي عليها


ايـه:اي يا ماما ره اسيل زي ماقلتي حلوه واخلاق وفلاحه توا يكترو عليها العرسان واضيع منا


اسيل اتصفر واتخضر متحشمه كان تلقا اتنط علي ايـه تقتلها


اعميمه: ان شاء الله خير كان قسم اوليدي ما اضيع


ايـه: تضحك غير شوفي وجها يا ماما


اعميمه: والله فيها الخير متحشمه مش زيك قطعتيها بكل


اسيل ماسكه ضحكتها واترقص في حواجبها لي ايـه


ايـه: توا انا شن انا


اعميمه: نوضي ديري قهوه خلاص حسيتك صحتك احسن مني لاك مريضه لا شي


ايـه ضحكت: كنك ياماما امعايا


اسيل: نمشي انكلم ساره انا


ولحقتها ايـه


اسيل تتصل: اتشوفي عليها يا ايـه


ايـه فاتتها تضحك


ساره: باهي الي عرفتي عندك اخت


اسيل: ههههه والله كنت بنروح غير اعميمه شدت فيا قتلي اقعدي لين فرح اعليوه


ساره: قصدك بتقعدي اسبوعين


اسيل: اي قتلك نبي، ،،،،،،،،،،،، وقعدت تحكيلها علي دبشها وشن اتحطلها


.

.

.

.

.

.

.


امع المغرب مؤيد مشا لبيت خالي جمال وجاب الساكو امتاع اسيل هو طاير من الفرحه يعني اسيل بتعقد امعاهم اسبوعين طول الفرح 😍😍


.

.

.

.

.

.

.

.


روان: والله زي ما قتلك سافرو البيضاء


جلال: الكلب يحساب هكي يقدر يبعدني عن ريناد


روان: قتلك مسعود مش حا ايخلي فرصه ليك عشان تخطف ريناد ولا تحلم بشوفتها


جلال ضحك: شنو من بعدها البيضاء من هنا غير كان ما الشرطه ادور فيا ره مشيتله وخديتها من بين ايديه


روان: واضح


جلال:غير ابعتيلي رقم مسعود انكسد عليه


روان: تمام توا نبعته ليك


جلال: اي صح نبيك تعرفي امي وين


روان: من وين بنعرف انا


جلال: عليك قصه هي وين مشت


روان: بالك مشت لباتك


جلال: شن يرفعها لطرابلس هي


روان: اسال مانعرفش


جلال:تمام توا انشوف انا

وسكر


روان بعتله رقم مسعود


جلال خزن الرقم اتصل بي مسعود يعطي فيه مقفل كل اشويا يتصل خنس من الموضوع قعد ايجرب كل دقيقه


.

.

.

.

.

.

.

نضنا انا مسعود امع المغرب طلعنا تعشينا في المطعم كان في مول قريب من المطعم طلعنا نمشو علي رجلينا وانهدرزو


انا: حبيبي نبي انكلم امال اختي حتي ما خبرتها اني امسافره


مسعود: لا مانبي حد يعرف انه قاعدين في مصر ولانكلمو حد


انا: ليش


مسعود ابتسم: لاني نبيك ليا ابروحك مانبي اي حد ايشاركني فيك لا اهلي ولا اختك توا بعد انروح تشبعي منهم كلهم


انا ضحكت: والله مجنون انا ليك غير انكلم امال والله رايفتلها هي يزن ليا يومين ما شفتهم


مسعود: قتلك بعد انروحو تشبعي منهم توا خليك ليا


انا ضحكت ولفيت ايديا عليه هو لف ايده علي كتفي ❤️


انا: بس حبيبي مش مبالغ واجد انت عادي شن فيها كان كلمت اختي


مسعود: فيها واجد بتقعدي تلهي فيهم وتنسيني


انا ضحكت: ههههههه عنجد تفكيرك


مسعود: انا خليت ليبيا كلها واسعه ليهم مانبي حد يزعجني بعد انكون امعاك مانبيش تبعدي عني لحضه ❤️


انا: ربي ايخليك ليا حبيبي ❤️😍


مسعود ابتسم ايفكر: وليا


خشينا المول كان زحمه قعدنا ندهورو وانهدرزو خديت كم لبسه عجبتني وخديت كم لبسه لي يزن 😍 الي اتجي حاجه قدامي نرفعها لاني انحب حاجات الاطفال واجد ❤️❤️ ❤️


رواحنا تعبانين مافيش جهد

انا علي طول رقد وخليت مسعود فايق


مسعود بعد طلعنا خدا شفره مصريه ركبها علق نت واتصل فايبر علي حسن ايهدرز عليه وايخبره عن اي مستجدات عن موضوع جلال


مسعود: يعني مافي اي جديد


حسن:مافي شي جديد تبخر الولد


مسعود:تعرف بكرا تمشي للممرض الي خش عليه قبل لا يهرب ممكن يعرف حاجه لانه الموضوع واضح كيف جلال تواصل امع المرا الي هرباته


حسن: تم بكرا الصبح انشوفه


مسعود :بالك امه هي الي هرابه


حسن : تي امه غير شاقيه بتهربه وهي مريضه


مسعود:كنها


حسن: عندها السرطان في الكبد في المراحل الاخيره ومنتشر هلبا في جسمها


مسعود:لا حوله ولا قوة الا بالله ربي يشفيها


حسن: نبي شي تاني ورايا نوضه بدري الشغل فوق راسي مش زيك قاعد في العسل 😂


مسعود:ههههه لالا خلاص ماتنساش بكرا كلمني قولي شن ايصير تصبح ع خير


حسن:انت من اهل الخير وسكر

طول رقد


مسعود تنهد ايشوف في ريناد كيف راقده 😍


مسعود: علي خاطرك مستعد اندير اي شي ❤️ لانك انتي ملكي وجزء من املاكي الخاصه🔥🔥


خش جنبي رقد هو ايشوفلي نعس غمض اعيونه بيرقد سمع صوت رساله علي تليفونه ماعدلش عليها ولف حط راسي علي ايده رقد ❤️

.

.

.

.

.

.

.

.

.

مؤيد: انزلي حبيتي انهدرزو تحت والله امرايفلك انا طول اليوم برا البيت انروح الليل ماحصلت نشوفك ولا نشبع منك


اسيل بصوت واطي: مانقدرش يامؤيد


مؤيد: عشان خاطري


اسيل: والله مانقدر ننحط في موقف بايخ قدام بوك وامك ما نقدرش افهني حبيبي والله نتحشم


مؤيد: عليك قصه قتلك كلهم راقدين


اسيل: والله انخاف خلينا نحكو بالفون احسن ولا بلاش منها انسكر ونرقد


مؤيد ضحك: لا وين اتسكري خلاص حتي هكي راضي ولا تبي تحرميني من صوتك 😍


اسيل : ماهو انت سكنان 😂


مؤيد: باهي احكيلي شن درتي اليوم


اسيل :لو نحكيلك شن درت اليوم في روان 😂


مؤيد:احكي احكي شن ورانا 😂😂 ماهو حرمتينا من شوفتك وكملتي علي بروان قيسها ليله اليوم 😂😂😂


اسيل 😒: نحكي ولا ماتبيش


مؤيد: احكي امري لله 😂


اسيل: قعدت تحكيله شن دارت في روان

مؤيد مات ضحك 😂😂😂

وكملو سهرتهم ايهدرزو

.

.

.

.

.

.

.

احمد بعت رساله لي ايـه انه الشباب امعا ما يقدرش ايكلمها

رقدت مرتاحه عكس الايام لي فاتو والي قبل كان عندها تقه في كلام احمد ❤️

.

.

..

.

.

.

.


تاني يوم الصبح نضت علي صوت مسعود امعب ايهزب

كان وجه ايخوف 😨 وكانه صايره مصيبه


مسعود:.................


.

.

.

.

.

.

الممرض: ............


حسن 😡:...........


يُتبع ..


تعليقات



حجم الخط
+
16
-
تباعد السطور
+
2
-