القائمة الرئيسية

الصفحات

رواية هروب ما بعد اغتصاب الحلقة الثالثة والعشرون 23 بقلم ميرو أحمد

 رواية هروب ما بعد اغتصاب الحلقة الثالثة والعشرون 23 بقلم ميرو أحمد

رواية هروب ما بعد اغتصاب الجزء الثالث والعشرين 

رواية هروب ما بعد اغتصاب الحلقة الثالثة والعشرون 23 بقلم ميرو أحمد


رواية هروب ما بعد اغتصاب الفصل الثالث والعشرون 




طارق: السياره باسمك


الراجل خاف:اي باسمي


طارق: وين جلال خلينا طيبين ما اتخلينا نستخدمو القوه امعاك عيب في حقك راجل في العمر ويضربو فيك لهدا قول كل شي عندك انحاولو انخففو عقوبتك


الراجل خايف: عقوبة شنو من جلال مانعرفاش وليش شن درت انا


طارق تعصب وخبط الطاوله بايده: ماتكذبش جلال وين قاعد وين حطيته


الراجل انخلع: اقسم بالله مانعرفه منو جلال ليش بنكذب عليك


طارق تمالك اعصابه: اخر مره نسالك وربي بعدها انخلي الشباب يتفاهمو امعاك الزفت وين


الراجل: والله العظيم مانعرف حد باسم هدا


طارق مسح ايدا علي وجه بعصبيه 😡 :هدا اخر كلام عندك


الشرطي: اهدا افندي طارق يا عمي انت وين كنت امع الساعه 10 و11


الراجل :والله نخدم بالسياره تاكسي عشان نصرف علي اصغاري


طارق تعصب عرف انه جلال اذكا منهم


الشرطي: باهي في ركاب زوز نساوين امع الساعه 10 ركبو امعاك من مستشفى وين حطيتهم


الراجل ايحاول يدكر: اي ادكرتهم زوز لابسات خمار


طارق: اي هم وين وصلتهم


الراجل: حطيتهم في الطريق الرئيسي نزلو طول


طارق: هم وين يبو يمشو في الاول


الراجل: والله المراء قتلي امشي توا انقولك وين ننزلو اول ما طلعنا ع الرئيسي قتلي خلاص نزلنا هنا نزلتهم مشيت


طارق رقتله حتي راس الخيط الي كان بيوصلهم لي جلال راح وكانها كانت الخطه مدروسه درس علي واحد فاق من غيبوبه ليه 4 ايام هو مش واعي كيف لحق ايخطط كيف يهرب بسهوله


طارق: خليه يمشي وجيبلي المهزله الي علي اساس يحرسو في جلال


الشرطي: امرك افندي

وطلع الراجل وجاب الاتنين الي كانو حطينهم يحرسو جلال


طارق:فيكم اتفهموني المهزله الي صارت


الشرطي الاول: والله يا افندي انا كانت بنتي الصغيره مريضه ماقدرتش انخلي هلي ابروحهم وانت تعرف انا وحيد وماعنديش اهل ماقدرتش انخليهم ابروحهم تحسب ايصير اي مضعفات


طارق : بنتك مريضه عرفناها اتصل خود اذن نبعتو واحد من الشباب ياخد مكانك مش عذر هدا وانت التاني وين كنت


الشرطي التاني: والله انا روحت امع الساعه 8 لاني انا ماسك توكة الليل هكي كنا متفقين انا وياه كنت نحساب بيجي لانه ما كلمني وقال مش جاي


طارق تعصب: عاجبكم الي صار توا من وراء اهمالكم


الشرطي الاول نزل راسه: الغلط غلطي انا وانا جاهز لي اي عقاب منكم لانه عارف روحي اغلطت


طارق تعصب: اطلعو من وجهي بس


.

.

.

.

.

.

.

.

.


عند مسعود

كان ايفكر في كيف ايحصل علي جلال في نفس الوقت يبعد ريناد من هنا واخيرا لقي قرار سليم ويحفظ حياة ريناد وما ايعرضها للخطر ولا يعطي فرصة 1% لي جلال انه يحلم يخطف ريناد ونسا انه عصب عليها

خش لدار القي ريناد راقده


مسعود ضحك: الطف توا نضتي من النوم امتى حلك


انا ساكته مارديت


مسعود يضحك: جديات مش طبيعيه انتي يعني راقده


انا تكلمت من غير نيه: يعني مارديت عليك اكيد راقده


مسعود قعمز جنبي كنت عاطيته بالضهر : معقوله بترقدي توا بتخليني انكسد ابروحي


انا خنقتني العبره: بري كسد امعا دخانك مش هي اهم مني


مسعود عرف انه زعلت من لقطه لمه عصب عليها


مسعود ضحك: توا اتقارني روحك بالدخان انتي اهم شي فحياتي مافيش حاجه اهم منك


انا 😢: لو صح اهم شي بحياتك كنت احترمت رغبتي لمه قتلك مانحبش صنة الدخان تخنق فيا انت مش هامك واتهزب فيا معاش قاربتك لا انت لا دخانك خود راحتك انا انعدي في ستين اجهنم انموت ننحرق مايهمكش


مسعود يتكلم بهدوء : حبيبي شنو الكلام هذا فكينا من جو الزعل والله كنت امعصب وحركتك رقيتها ليك جت الفشه فيك توا معقوله تزعلي من حبيبك


انا 😢:لمه يبقا حبيبي ايعصب ويهزب فيا يبقا عندي حق نزعل


مسعود لف وجهي ليه انصدم كان وجهي كله احمر من البكي واعيوني حمر 💔: معقوله باكيه لوجهك احمر علي سبب تافه تبكي


انا ساكته ادموعي نزلو خط واحد وانشوفله 😭💔


مسعود متحملش وخداني في حضنه: اسف اميرتي والله مش قصدي انزعلك


انا نبكي 😭:لو صح اميرتك ماكنت زعلتني 💔😢


مسعود مسك وجهي بايده وقعد ايبوس فيا علي اعيوني اخدودي وراسي وانفي وفمي امع كل بوسه ايقول اسف : والله اسف اسف اسف اسف اسف اسف اسف اسف والله مش قصدي انزعل بنتي 😍 هيا خلاص ارضي حبيبي


انا ساكته ماتكلمتش ومن داخلي فرحانه ❤️


مسعود ضحك: حبيبي المكار مايبي ايسامحني


انا هزيت راسي بمعني اي


مسعود ابتسم ايشوفي: باهي حبيبي الزعلان مايبي يعرف وين بنمشو بكرا


انا بعدم اهتمام: لا مانبي نعرف شكرا مش ماشيه امعاك


مسعود بخبث: حتي لو قتلك بنسافرو 😏😏😏


انا اعيوني لو اقلوب اقلوب وحهي ارتسمت عليه الفرحه

انا 😍: بجد تحكي ولا تبي اتراضيني بس


مسعود: والله ياقلبي وليش بنكذب عليك عشان انرضيك


انا من الفرحه حضنه 😍😍 : نجك ليا والله انحبك 😍😍


مسعود ضحك 😂: مش توا كنتي زعلانه وقالبه وجهك عليك


انا عضيته علي رقبته 😂: وهكي وصلني حقي

بعدت عنه نضحك


مسعود حط ايده مكان العضه: عنشكلك يافرخه 😂😂😂😂


انا نضحك عليه: باهي وين بترفعني


مسعود: مش رافعك لمكان قعمزي ريحي روحك اتحشميني قدام الناس ايقولو شن هل القرد الي جايبه وايعض


انا ضحكت عليه: توا انا قرده


مسعود قرص خدي وابتسم: واحلا قرده فحياتي شفتها


انا كشرت: مسسعود


مسعود ضحك: اعيونه


انا: بارد مافيكش جو توا انا اتشبهني بقرده


مسعود ضحك: ههههههههه شن بنديرلك انتي نقزتي عليا زي القرد عضيتيني مانحساب الانوثه امتاعك متبريه منك بدل ما اتبوسي اتعضي 😂😂😂😂


انا 😏:لانك تستاهل وشكلك تبي وحده تانيه 😏😏😏


مسعود يضحك: مانقولكش لا بس تحملي ما ايجيك بعدها


انا: تافهه يعني ما بنسافرو


مسعود: لا حا انسافرو


انا بفرحه 😍: وين


مسعود: البيضاء انغيرو جو يومين


انا ابتسمت 😍:حلو 😍انغيرو جو قبل عرس اعليوه


مسعود ❤️:اي وانا نبي انطلعك من تزوجنا ماطلعنا وغيرنا جو ابروحنا وحتي بعد عرس اعليوه بنمشو لتركيا


انا ابتسمت بفرحه وبسته ع خدا 😍😘 : ربي ما يحرمني يا احن قلب في العالم 😍❤️


مسعود ابتسم : ولا منك المهم راضيه توا


انا ابتسمت وانشوفله بطريقه اذوب 🤤😍: واخر رضه 😍 في وحده راجلها بيسفرها وتقعد زعلانه 😂😂 شكلي بنزعل ديما عشان انسافر


مسعود ضحك: هههههه احلمي المره هذي بس 😂


انا: 😂😂 حرام والله


مسعود اوقف يضحك: نوضي غيري خلي ننزلو لهلي انخبروهم علي السفره عشان ترقي بدري اتوتي الشناطي


انا ابتسمت: حاضر من اعويناتي 😍❤️


مسعود: يحضرلك الخير يارب


هيا انا قاعد في الصاله بدلي تعالي ننزلو


انا: تمام


طلع مسعود وانا نضت عالسريع غيرت وحطيت وشاح عليا وطلعتله


مسعود كان ماسك الابتوب وبعدها صكرا: ماشاءالله مافاتت الدقيقه


انا:ههههه عادي


مسعود توتر:حبيبتي وين جواز السفر امتاعك


انا: قاعد في الدرج الي جنب السرير ليش


مسعود: لا غير كنت نبيه


انا:اها شنو ننزلو


مسعود مسك ايديني: لالا مزال لين ناخد تصبيره 😉😂😂


انا ضحكت وبسته ع خدا 😘: هيا خلاص


مسعود ضحك:شنو اتبوسي في خوك ولا اختك

وباسني ع فمي 😘🔥


مسعود 😍: هكي الناس التبوس 😘🔥😉


انا ضحكت ومسكت في ايده: افهمنا خلاص هيا ننزلو


مسعود ابتسم وباس راسي:مستحيل انخلي ولا سبب من الاسباب ايفرقني عن اميرتي حتي لو كان شنو غير الموت تبعدني عنك يا حبيبتي


انا : حبيبي ليش اتجيب سيرة الموت بعيد السو عنك


مسعود ❤️:انــحــبــك ❤️


انا ابتسمت: ربي مايحرمني منك ولا من كلامك 😘❤️


مسعود 😍:انزلي حسنا طولنا الرومانسيه واجد مش باهيه 😂😂😂


انا ضحكت: قوله لروحك انا كنت زعلانه وقاعده ابروحي انتي الي ادحنس عليا 😏😏


مسعود ضحك: باهي يا ريناد صار انا اندحنس 😂


انا ضحكت عليه ونزلنا تحت هو اينابش بالكلام 😂😂


خشينا داخل القينا اعميمه ابروحها وخالي محمد


انا ومسعود :السلام عليكم


خ محمد و اعميمه: عليكم السلام


خالي محمد: وين اليوم مختفي يامسعود ماصبحت عليا


مسعود قعمز جنب خالي: والله كان عندي شغل عرضنا البضاعه الي جبناها من يومين نقلت شغل المرحوم هنا عشان اسهل من غادي


اعميمه: امال شن شغله بو ريناد


مسعود: شركة استراد وتصدير من تركيا لجميع مناطق ليبيا وعند شركة عقارات و فوقها شركة الي في تركيا قصه تانيه شن تبي فيهم انتي حساستيني بتفهمي الشغل


اعميمه: وكني مانفهم


انا كنت ساكته نسمع فيهم يحكو علي شغل بابا وانا ماعمرا حكالي علي شغله ديما امسافر ولمه ايروح يقعد امع سالمه ما يفضالي 💔💔💔


خالي محمد: شنو مؤيد ايجي لي الشغل


مسعود: اي فهمته الشغل ماشاءالله عليه في كم يوم تعلم طبيعة الشغل


خالي محمد:باهي اكويس نحساب مافيه فايده الفرخ هذا يانوم يا امعا اصحابه


مؤيد خش: كاني سمعت حد يقرم فيا


مسعود ضحك: مطول وذنك


مؤيد:ههههههههه بيش معاش تقرموني


انا: عميمه وين البنات


عميمه:فوق قاعدات


انا صبيت من جنبهم ومشيت لبنات

خشيت عليهم قعدت انهدرز امعاهن وحكتلي ايـه علي احمد والرساله


مؤيد قعمز: شن تقرمو عليا


خالي محمد: علي انك خامر وماتنفعش في الشغل


مؤيد يضحك: عيب منك ياحاج واخد عني فكره غلط والله


مسعود:هههههه


خالي محمد: ساع تخدم اكويس واتبطل سهوكه زي الصغار ناخد عليك فكره اكويسه


مؤيد يضحك علي كلام بوه: زوجني توا انبطل سهوكه 😂😂😂


خالي محمد: شنو تحسابني انجنيت انزوجك وانت من غير عقل وطايش انعلق بنت الناس امعاك


مؤيد : غير جرب زوجني وربي ماتندم 😂😂😂


خالي محمد: واضح


عميمه: والله يا محمد خلينا انزوجه اهو بدا يشتغل ومبدئيا اعقل اشوي


مؤيد صفر 😉: احلا مبروكه في العالم نعليا 😍 اتهبلي


خالي ضحك: شرفي هدا تبي انزوجه والله ماهو عقلك 😂😂


مسعود ضحك: والله صدقت يابوي


مؤيد 😒: ماحد طلب رايك شنو حلال عليك تزوج واتزيط واحني حرام علينا حتي ربي ماقالها


خالي: تحشم ياكلب


مؤيد: ماهو انتم تبو حد يغلط


عميمه: خليهم عنك هذوم توا انا انشوفلك احلا عروس


مؤيد ضحك: تي نجك ليا ياقمرهم انتي 😍😍 مافيش حد يفهم في الجو غيرك ياعسل


مسعود ضحك: لسن مزال


خالي: هدا الي فالح فيه


مسعود: نبي انقولكم بكرا امسافر


كلهم انصدمو


خالي محمد: علاش الطف وين صح سفرتك بعد عرس علي


مسعود:اي بس هدي سفره تانيه نبي انبد ريناد عن جو التوتر الي هنا


مؤيد: قصدك علي جلال الي هرب


مسعود: اي


خالي محمد: اي صح عندك حق البنت ساد الي عشاته مش ناقص هل الفرخ ادمرلها حياته هو مسبل عليها

((نقطه مهمه لازم تعرفوها انه خالي محمد يعلم بقصة اغتصاب ريناد لانه سالمه حكتله بس كانت قالبه الكلام وخالي كان بيحكي لمسعود علي الموضوع بس مسعود حكاله كل شي وشن دارو سالمه وجلال) )


عميمه: يعطيه ادعوه من وين يطلعنا الفرخ


مؤيد: حرام ما ايموت كلب بسبعه ارواح 😂😂 اقسم بالله كيف ينفد من الموت تقول جن


عميمه: مرض يرفعه ان شاءالله ربي يبعدا عنا


خالي محمد: وين بتسافر


مسعود: لبيضاء


عميمه: وعرس اعليوه مش حاتحضره


مسعود: اكيد بنحضروه بنجو اسبوع العرس


عميمه: كويس اهم شي راحتكم


مسعود: انا مش خايف منه ولا شي نقدر نقعد بس انتم شفتو المره الاوله كيف خش لنص بيتنا وخطفها المره الاوله لحقت ونقدتها منه بس كان جرب مره تانيه اكيد بيكون حاسب لكل خطوه يخطيها خايف مانلحق عليها ولا شي والبنت ما ناقصها صدمه تانيه و تركبها حاله نفسيه ساد الي جاها منهم وهي اصغيره نبي نبعدها عن اي شي ايحاول ايضرها حاليا بنسافر بيها عشان انبعدها من التوتر مانبيها تعرف انه هرب و اتخاف


مؤيد:اي كلام صح جلال واحد حقير وما ايخافش ايديرها


مسعود: انشوف الشرطه لو ما لقاته بندور عليه بنفسي


عميمه: لالا فوتك منه اوليدي


خالي محمد: يستر الله وخلاص


مسعود رن تليفونه وطلع ايرد


وقعدو ايهدرزو


عندي انا


انا: ربي يجمعكم امع بعض وربي حالتكم اتوجع 💔


ايـه: الله غالب قسمنا ونصيبنا هكي


اسيل: والله تقهرو ياخيه 💔😢


ايـه مسحت دمعتها: الله غالب ربي ما ايفرق اتنين ايحبو بعضهم 💔وما ايضوقهم نفس نارنا 💔😢


اسيل بزعل: زعما النصيب يلعب دوره وايفرقني من مؤيد 💔


انا 🥺: لالا حبيبتي ان شاء الله نصيب بعص وما تاخدي الا مؤيد


ايـه ضحكت بوجع: مستحيلا ايخليك مؤيد الهبل ايحارب عشانك ما ايسلم فيك خوي ونعرفه زيه زي مسعود حبو حاجه ما اتكون الا ملكهم سعددودكم فيهم ❤️ والله خوتي ما يتعوضو


انا ابتسمت تلقائيا بعد اسمعت اسم مسعود فعلا مسعود ما ايسلم فيا ولا خلاني انكون لغيره صح زواجنا جاء سريع بس كان ايحبني وخايف انه جلال ادير حاجه وايخرب عليا


اسيل 😍: زعما مؤيد زي مسعود


ايـه: احرف من مسعود هوا صايع وجوها من لاخير مش زي مسعود رزين


انا ضحكت: رزين لا ياماما مسعود مش رزين والله مؤيد ارزن منه 😂😂😂


ايـه: اسكتي خويا بتعلميني فيه الي عشت امعا اسنين طول عمري وانتي اتجي الي ماليك اشهور تعرفي خويا


اسيل ضحكت: ريناد اصدقت ياماما انتي تحسابي مسعود خوك مايتغيرش الراجل رسمي بعد يتزوج يتغير وعاد هي راجلها وتعرفه وحياتهم مشتركه وتعرف عنه حاجات اكثر منك


ايـه: مانعرفش الحق مالحضت عنه شي انه متغير


اسيل ضحكت: تي يابنتي ماتفهميش مسعود غير في الشقه مش قدام اعيونك ولا اتشوفيه ياغبيه 😂😂😂


انا ضحكت عليها 😂


ايـه 😂:راحت عن بالي 😂😂


انا: اي صح ما حكيتلكم بكرا امسافره انا ومسعود


ايـه: صح يا اعوينكم 😍😍


اسيل: ربي يسعدكم يارب وين ماشين صح سفرتكم بعد عرس عمي علي


انا: اي بس هدي مش امبعدين واجد ماشين للبيضاء يومين انغيرو جو


ايـه: ربي ايهنكم ويحفظكم لبعض


انا: امين يارب يرجع ايلم شمكلم انتي واحمد نفرح بيكم 🤲


ايـه بحزن: صعب انردو لبعض


اسيل: لو توا فسخ خطبته من بنت خالته وخطبك تقبلي


ايـه بحزن: وانا ساعدتي امعاه فرحتي تكمل بوجوده وصعب يفسخ لانه امه امعارضه زواجنا


انا: ماتعرفيش شن كاتب ربي ممكن يختبر في حبكم وصبركم


وصلت رساله علي تليفون ايـه


ايـه رفعت تليفونها بلهفه كانها حاسه انه احمد هو الي بعتها الرساله وفعلا من احمد باعتلها


ايـه:يابنات هدا احمد باعتلي رساله


انا و اسيل:شن بعتلك


ايـه قرت الرساله كان بعتلها

"" تعرفي من جنبي توا ""


ايـه انصدمت من الرساله تحساب احمد زوج


ايـه تبكي: تزوج تزوج شوفي شن باعت تعرفي من جنبي توا


انا واسيل انصدمنا في حالتها تبكي ماكان في تفسير لي رسالته غير انه تزوج


انا: مش قلتي مزال عرسه


ايـه تبكي ومكسوره 😢: شن معنى يا ريناد غير تزوج


اسيل فكت التليفون من ايـه خلي انشوف شن قصدا


ايـه: ماتكلميش يا اسيل وراسك 😭😭😭💔


اسيل فتحت التليفون: في عينك ما انكلمه عاجبك حالتك احني ما انصدقوك اتحسني هو ايزيدك ازيده ساد ما دار فيك


ايـه قعدت تبكي منهاره فكرة انه احمد تزوج يعني في وحده فحضنه انه خلاص مافيش امل وخسرت احمد مش نفس بعد كان خاطب 💔😭


اسيل بعتت لي احمد ""من ؟ ""

ما طقتش تواني وصلتها صورة احمد واعليوه


اسيل شهقت بصدمه 😱😱😱😱😱


انا علي طولت جت عيني في ايـه انشوفله بخوف


ايـه ساكته اتشوف لي اسيل وتستنا فيها اتقول احمد تزوج 💔


اسيل بصدمه: مش معقوله


انا اعيوني علي ايـه:شن في يا اسيل


اسيل مدتلي التليفون: عمي علي امع احمد


انا انصدمت:كيف قصدك احمد واعليوه اصحاب


ايـه: كيف شنو اتقولي، ،، ورفعت التليفون اتشوف في الصوره كان احمد راقد علي السرير واعليوه واقف ياخد في سلفي

انصدمت ايـه عي حد علمها انه احمد ماعنده صحبه امع اعليوه ولاخوتها


اسيل: بس واضح احمد مريض ولا صاير امع حاجه حتي من وجه تعبان و دابل


ايـه اتشوف في الصوره وادموعها اينزعلو علي حبيب قلبها

💔💔😭😭 ما حست علي روحها لين اتصلت بيه


في نفس الحضه الي طلعو فيها اعليوه بيروح ومحمد بيجيب عشاء


احمد ابتسم ورد عليها


ايـه تبكي: احمد كنك شن صاير امعاك ليش وجهك تعبان هكي كنك قاعد في المستشفى صح 😭💔


احمد تنهد بوجع: اتبطلي بكي نحكيلك


ايـه تبكي 😭💔: خلاص مش باكيه قولي كنك


احمد: وعد ماتبكيش


ايـه تمسح في ادموعها غصب عنها 💔😭: وعد احكيلي


احمد : حكالها عن المشكله الي صارت بينه وبين سيف وكيف ضربه


ايـه تبكي: كله بسببي انا 😭😭💔


احمد تنهد بوجع 💔: لا سببي انا الي امنت في صاحبي وشاركته خصوصياتي ونحكيله عن حياتي ممكن ربي عاقبني وبعدك عني عشان ماقدرتش انحافظ عليك ولا نحكي عن مشاعري لصاحبي الدنيا عطتني كفين واحد اقوه واحد هلي الي دمرو حياتي بعدتني عنك وتاني صدمتني في صاحبي الي معتبره خويا 💔


ايـه ساكته تبكي وتسمع فيه


احمد يسمع في ايـه تبكي ادموعها كانه سكاكين انغرسو في قلبه 💔

احمد: الله ايربحك اسكتي ايـاتـي والله ادموعك يقتلو فيا💔

ايـه:مش في ايدي مش في ايدي والله بنموت 😭💔 مانقدرش انعيش بلاك انت علمتي كيف انحبك قولي كيف نقدر نصبر بلاك وننساك


احمد بوجع: 💔 نا ابروحي مش صابر بلاك 💔


ايـه:به توا شن حالك اكويس تتوجع صح😭😭💔


احمد نزلت دمعته غصبن عنه 💔: ممكن وجع واحد انحس بيه في قلبي هوا افراقك عني بس


ايـه:💔😭 الله غلب نصيب


احمد: انا مانبيش من الدنيا غير اتكوني نصيبي انتي 💔


ايـه 😭😭💔


احمد ابتسم بوجع: ايوتي


ايـه:نعم


احمد:اتحبيني


ايـه:انت عارف


احمد: نبي نسمعها منك


ايـه بصوت مخنوق من البكي: اي انحبك 💔


احمد ابتسم: توعديني


ايـه:بشنو


احمد: انك تقعدي اتحبيني وماتخديش غيري و اتراجيني


ايـه:احمد احني معروفه طريقنا 💔مستحيل انكونو لبعض


احمد:مافيش كلمت مستحيل وطريقنا نقدرو انغيروها انتي واتقه فيا


ايـه 💔😢:اه واتقه فيك بس كل شي نصيب


احمد ابتسم: باذن الله نصيبنا لبعض بس خليك امعايا بس لانه وجودك هو الي ايقوي فيا ايـه


ايـه: بس


احمد ابتسم : رايفتلك واجد رايفت نرقد علي صوتك والله حياتي شينه بلاك


ايـه:بس انت خاطب


احمد: مش امخلي شي يبعدني عنك ماتفكري في شي بعد نطلع من المستشفى اندير حل اهم شي نبيك جنبي


ايـه: صعبه يا احمد انت تخليت عني


احمد بوجع:عمري ماتخليت عنك بس ضروفي جبرني


ايـه: احمد ما اتوهم روحك واتوهمني امعاك علي حاجه مستحيل اتصير


احمد: ماعندكش تقه فيا يعني


ايـه: لا مش هكي بس كل شي واضح


احمد مايبي يتناقش اكثر في الموضوع لانه حتي هو مش عارف شن بيدير


احمد: ماتبي تعرفي من وين تعرفت علي عمك


ايـه: صح كيف تعرفه


احمد: هو الي اسعفني وقف امع خوتي طول اليل والصبح بعد فقت، ،،،،، وقعد يحكيلها


ايـه:خايفه عمي يعرف بعلاقتي امعاك ولا سيف يحكي


احمد: لا ما اتخافي


خش محمد في ايده اكياس


احمد: باهي تمام نحكي امعاك بعدين محمد خويا جاء


ايـه: تمام


احمد سكر


احمد: ماتعرفش ادق الباب


محمد ضحك: اشي اشي قطعنا رومانسياتك


احمد تنهد وحط ايده علي وجه: ضايع ياخوي ضايع ربي ما ايلوعك ناري ما في ايدي شي والله لو حكمو عليا اعدام اهون من انعيش بلاها


محمد: عندي لك خطه ما تطلع منها الا راضي باهي


احمد: شنو


محمد: مش تبي تاخد البنت الي تبيها


احمد:اي 💔


محمد:املا اسمع

.

.

.

.

.

.

.


قعدت نهدرزو امع ايـه حسيتها بعد مكالمه احمد تحسنت اشويا ولا كلام احمد اعطاها امل انه ممكن ايكونو لبعض بس كانت خايفه تنكسر مره تانيه

انانزلت لانه قالي هيا روحت امعا


خشينا الشقع انا قعدت انوتي في الشناطي عشان مانتاخرو

خليت مسعود في الصاله


كملت وتيت الشناطي وطلعت درت عشاء خفيف وتعشينا


مسعود:خشي ارقدي لانه ورانا نوضه بدري


انا: الساعه كم


مسعود: امع 8 بس نطلعو 6 حبيبي عشان نوصلو بدري


انا:بس ظلام 6 خلينا نطلع 7 ولا 8 اكويس


مسعود: لالا 6 هيا انا انعست نبي نرقد

وخش داخل


انا: كنه هدا اليوم بشكل

ضميت السفره وغسلتها وخشيت الدار شيكت علي الشناطي للمره الاخيره وخشيت رقدت جنه


.

.

.

.

.

.

مؤيد:نعليا منك والله انحبك


اسيل: باهي قولي من وين جبت رقمي


مؤيد: تبي علم ولا دره اكيد من ايـه خديته


اسيل: توا اتشوف عليها


مؤيد: غير لا يا واعره علي اساس ماك ميته انك اتكلميني


اسيل: من قال اني ميته انه انكلمك


مؤيد: بس ما اتحبني واضح


اسيل: لا انحبك


مؤيد ضحك: نعليا خليتك اتقوليها 😍😍❤️ ونا انموت فيك


اسيل انصدمت في روحها وبعد ضحكت 😂: شن عرفني انك خبيث هكي


مؤيد: ماتقوليش انه ايحبني ايدير هكي


اسيل ابتسمت ❤️: مؤيد


مؤيد 😍:قلبه


اسيل: بجد اتحبني ماتلعبش عليا


مؤيد رقتله: شنو يعني نكذب عليك انا عمري مافكرت نلعب عليك انتي عرضي وشرفي والي ايعيبك ايعيبني افهميني والله انحبك


اسيل ابتسم: نحبك مؤيد توعدني ماتخلي شي ايفرق بينا


مؤيد : وعد ياقلبي ما ايفرق بينا غير الموت ❤️


قعدو ايهدرزو ويعترفو لبعض


.

.

.

.

.

.


نضت انا ومسعود امع الساعه 5 وتينا ارواحنا وفطرنا ونزل مسعود الشناطي وطلعنا كانت الساعه 6

طول الطريق كنت ناعسه امغمضه اعيوني وراقده


مسعود اينوض فيا:ريناد هيا وقت تاخرنا فيقي


انا فتحت اعيوني: امتي حلنا اوصلنا


مسعود فتح الدرج ايطلع في الوراق: هيا وقت انزلي


اانا شبحت قدمي بصدمه: ،،،،،،،،،،،،


.

.

..

.

..

.

..

.

.

جلال :تحساب هكي تقدر تبعد ريناد مني

مسعود:................

.

.

.

.

.

احمد:.......


يُتبع ..

reaction:

تعليقات