رواية هروب ما بعد اغتصاب الحلقة الثانية والعشرون 22 بقلم ميرو أحمد
رواية هروب ما بعد اغتصاب الجزء الثاني والعشرين
 |
| رواية هروب ما بعد اغتصاب الحلقة الثانية والعشرون 22 بقلم ميرو أحمد |
رواية هروب ما بعد اغتصاب البارت الثاني والعشرون
الممرض: دكتور المريض جلال فاق توا
الدكتور: تمام شن وضعه كلمت الشرطه
الممرض:صحته تمام لا ماكلمتهم
الدكتور: صح نبهو علينا اول ما ايفيق ايكون عندنهم خبر
الممرض حك راسه: والله انسيت حتي الشرطه الي ع الباب مش قاعدين
الدكتور:كيف اتخليه ابروحه تي تبي نطردو من الشغل ولا كيف انت خليك جنبه انا توا النكلم الشرطه
الممرض 😟:تمام وطلع
الدكتور اتصل بجماعة المركز وكلم طارق وقاله جلال فاق اليوم قاله طارق نص ساعه انكونو في المستشفى
.
.
.
.
.
.
اعليوه قعد في المستشفى امع محمد وعبدلله تعرف عليهم ماروحش حب يطمن علي احمد ويمشي
امع الساعه 10 فاق احمد سمحو بالزياره وخشو الشباب
اعليوه: الحمدالله علي السلامه
احمد اعيونه ذابله دوب امفتحهم مزال البنج اماثر عليه:الله ايسلمك اعليوه
اعليوه ضحك:تعرف حتي اسمي
احمد كح بتعب: اها صح جيران اهل سيف انتم
اعليوه: اي
احمد يتكلم وايحس في جنبه ايسطر فيه من الوجع: شكرا والله معروفك مانقدرش ننسا
اعليوه: مش بينا وهدا واجبي غير كان نعرف من الي ضاربك عمرا شاعرنا ماصارت فيه مشكله زي هذي
احمد مايبي يتكلم علي سيف ايسبب مشكله لي ايـه لانه عارف صاحبه نذل لو انمسك بي ايودر البنت امعا
احمد: وحدين تناوشت امعاهم ضربوني وهربو مانعرفهم
اعليوه: توا انشوفهم في الكاميرا انبلغ عليهم الشرطه
احمد: لالا فوته ياعليوه مانبي مشاكل
اعليوه:ما ايهمك شي نعرف ناس توا نحكيلهم ما يقدرو يقربوك
احمد تنهد بتعب: خليه الموضوع هدا ليا لانه صاحبي سيف هو الي ضربني صارت مشكله بينا توا انحلوها مانبي اندخله في الحبوس
محمد رقتله: كيف سيف هو الي ضربك شن صار بينكم علي اساس اصحاب مش عارف شنو 😡😡😡 تي يحسابها ساهله ولد &&& وربي انردها ليه الكلب كان ماقتلته وريته الغدر علي اصواله تي طول عمرنا حسبنا منا ياكل ويشرب عندنا فتحناله بابنا ايخش ويطلع وفي لاخير ايدير هكي وربي كان ما طلعتها من بين اعيونه الفرخ قتلك فوتك منه وجه النكد هدا ماتبي
احمد تكلم وضاغط علي اسنونه عشان زاد الألم: ريحلي روحك موضوع شوري اءءاه
اعليوه :اهدا انت ما تكلم واتزيد اتعب روحك
احمد:هديلي هل الفرخ بس
محمد امعصب: تي شن تحساب ماعندك خوت ولا شنو وربي نشرب من دمه كنا بنخسروك من وراء هو ساد خسرت كليتك
احمد انصدم: شنو 😨
اعليوه: عبدو خدو محمد برا ماتخليه يطلع توا انجيكم
عبدالله: تمام
محمد: مش عيل انا علي نعرف نصرف وشن بندير وطلع وعبدالله يجري وراء
اعليوه:ماتعب روحك توا نتصرف امعا انت مزال جرحك جديد تريح
احمد يتلم بصوت مرخي: شن قصدا خسرت كليتي
اعليوه: الضربه جت مكان خطير والضررت الكلى والطرو يستاصلوها توا جسمك يخدم بكلى وحده ولازم ادير بالك علي صحتك اكثر ونبه الدكتور لازم تاخد راحه لمدة شهر ولا شهرين وماترفع حاجه تقيله عشان صحتك
احمد اضايق هلبا والألم زاد اكثر حط ايدا علي جنبه غمض اعيونه ويطلع من صوت انينن اه
اعليوه انتبه عليه وجه كيف عرق بسرعه واحمر: انكلملك الدكتور تيجي ايشوفك
احمد هز راسه مش قادر يتكلم اعليوه طلع القي عبدالله قاعد ايهدي في محمد الي امعصب ويبي ايهد علي هل سيف
اعليوه مسك محمد من يده بعصبيه: عبدو شوف الدكتور ايجي لي احمد بسرعه
محمد انخلع: خيرا
اعليوه: تعبان بسرعه
مشاء عبدالله كلم الدكتور وجاء
اعليوه: عاجبك الي درته خوك مزال صحته تعبانه مايتحمل وانت قاعد اتزيد عليه قالك الدكتور الفتره هذي حساسه هلبا
انت فوتلي العصبيه هدي و اوقف امع خوك توا خلي موضوع صاحبه
محمد امنزل راسه: ان شاءالله
طلع الدكتور من احمد وامعا عبدالله
محمد: شنو يادكتور خيرا احمد
الدكتور: شكله بدل جهد وجرحه نزف توا عطيته مسكن الألم ورقد ياريت اتخففو زيارتكم لانه المريض ريبي راحه
محمد: ان شاءالله امتى يطلع
الدكتور: بعد اسبوع لازم يقعد عندنا نعتنيو بيه اكثر ونطمنو عنه لو صحته ممتازه يطلع عادي
عبدالله: تمام
مشا الدكتور
اعليوه:اسمعت
محمد هز راسه
اعليوه: هنيني عليك محمد انا توا امروح في اليل انمر عليكم مانبي مشاكل وخليك جنب خوك
محمد:ان شاء الله
عبدالله:منور ياقدر وقفتك امعانا حتي اولاد عمي ماصبو امعانا زيك
اعليوه ضرب ايده علي صدره: لو الناس لي بعضها وانا زي خوكم
محمد ابتسم: و النعم بالله عز التريس
اعليوه: تحتاجو شي كلموني رقمي عندكم و انشاء الله في الليل انجي نطمن علي احمد
عبدالله: تفضل في اي وقت
اعليوه: تمام زي ماوصيتك يا محمد
محمد: حاضر علي خاطر اعيونك بس
اعليوه:هههه سلمو علي الحاج كان جاء
محمد:تم يوصل
روح اعليوه خشو عبدو ومحمد علي احمد لقيوه راقد ايهدرزو بعدها جاء اب احمد وامه قعد ايراجو فيه لين ايفيق طول الوقت ام احمد تبكي
.
.
.
.
.
.
.
.
الدكتور بخوف:كيف مالقيته
الممرض: والله خليته في غرفته وطلعت انكلم فيك بعد رجعت القيته مش قاعد
الدكتور:توا تقلب المستشفى بسرعه مرات مزال قاعد
علي خشت طارق وامعا كم شرطي
طارق: وينه جلال في غرفته مش قاعد ولا نقلتوه لغرفه تانيه
الدكتور يتكلم ويرجف: جلال هرب
طارق تعصب 😡😡:كيف يهرب وين الحرس
الممرض: ماجو مزال
طارق بعصبيه وايكلم في الي امعا:توا تقلبو ام المستشفى واطلعوه ليا وانتم مزال احسابي امعاكم
وطلع ايدير في اتصالاته والشرطه عبت المستشفى داخل وبرا في كل مكان ايدور في جلال
.
.
.
.
.
.
.
.
حسن اول ما سمع انه جلال هرب خطر علي باله مسعود بس مسعود طول الوقت كان امعا من الصبح وتوا بس طلع من جنبه مستحيلا ايكون هوا طول اتصل بمسعود
مسعود ضحك: امتى حلك رايفتلي توا كنت جنبك
حسن : لا ريفتلك لا شي ماصدقت افتكيت من الصداع حسن دير حسن جيب حسن ارفع تي راحه مانحكيلك المكتب من غيرك
مسعود ضحك: كلب وربي باهي اتشوف عليها بكرا
الولد: هدي طلبيتك ياخوي
مسعود: اشويا خليك ع الخط
مسعود خدا الطلبيه وخلص الولد وطلع
مسعود:اي شن قتلي
حسن : وين انت منو الي تكلم
مسعود: في المطعم خديت غداء
حسن: ماتقولي المراء الي واخدها ما اطيبلك وانت ديما شادها اكل مطاعم وفلوس علي الفاضي ره ايجيك تسمم
مسعود ركب سيارته: وانت شن واجعاك مرتي ونبي انريحها
حسن ضحك: ماينفع امعاهن ادللها تخرب عليك
مسعود: وانت شن دخلك رخصلي شن تبي متصل
حسن: 😒😒😒 ايدخلك في
مسعود:حسسسن
حسن ضحك: قصدي ايدخلك في الجنه ياخوي
مسعود 😂:وانت امعايا
حسن: 😂😂 حتي الجنه بنخشو فيها جميع واجد
مسعود:امشي جهنم تحرقك ياكلب
حسن: قتلك
مسعود: ها
حسن: جلال
مسعود 😡:خيرا
حسن: هرب اليوم
مسعود مسك افرينو انصدم: كيف هرب
حسن:مانعرفش قالو فاق اليوم بعدها بنص ساعه اختفاء
مسعود تعصب 😡😡: تي قتلكم خلي نقتل دين امه ولد &%%$😡😡😡 وايسب
حسن: اهداء توا الشرطه ايديرو حل
مسعود امعصب:تي اما شرطه اتقول عليها 😡😡وهم فاتحين افامهم هرب قدامهم اقسم بالله ماينفو 😡
حسن تاكد انه مسعود ماعنده يد في الموضوع
حسن: خلاص هديلي روحك انا اتصلت بيك عشان ادير بالك علي هلك مرات ايحاول يخطفهم تاني ودير احتياطك لين يمسكوه لانه هوا مزال مريض وجسمه ضعيف
مسعود ادكر ريناد سكر التليفون في وجه حسن وطار بي السياره لي البيت وخايف علي ريناد من جلال انه ممكن خطفها ولا دار شي اتصل بي ريناد وهي ما اترد عليه
في نفس الوقت ريناد كانت في المطبخ امع اسيل وايـه ايديرو في الغداء اتهدرز امعاهم واتساعد فيهم وتليفونها كان صامت وفي الصاله واعميمه كانت اتصلي
مسعود جن اجنونه 😡 وطار اطيار لي البيت
.
.
.
.
.
.
.
.
تعالو انجو لي شخص ماحكينا عليه اليومين هادو ومختفي
روان: كلمتلك الولد يقدر ايساعدك تهرب
جلال يتلوه من الوجع: عطيني اي مسكن اي دواء بنمووت من الوجع
روان: توا انمر علي صيدليه ناخدلك دواء
جلال: باهي توا وين بنقعد
روان:كلمتلك ولد صاحبي بتقعد امعا يومين لعند تتحسن هوا نفسه الي بيهربك من
جلال سند راسه علي الكرسي ايده علي بطنه: بس انا مانطلعش من ليبيا الا امعايا ريناد
روان: شنو ما اسمعت يابابا شن تبي اتموت اقسم بالله مسعود متحلفك بقتلك تي احمد ربك انه لحقو عليك الشرطه و نقدوك منه
جلال بحقد:يقتل عينه راسي من راسه لين ناخد ريناد من بالقوه بالغصب
روان بتهديد:اقسم بالله لو مزال تبي تخطف ريناد توا انسلمك لي الشرطه ايشوفو شغلهم امعاهم علي ما اعتقد حتي عقوبتك اضعفت لانك هربت من الحكم
جلال ضحك باستفزاز: ماتنسي روحك انتي الي هربتيني و انتي صاحبه الخطه اني نخطف ريناد وانتي الي حكيتيلي انه ريناد في البيت ابروحها 😏😏 يعني لو رحت بتريحي امعايا لذالك ريحيلي روحك
روان خافت كل شي انقلب ضدها: ايكون في علمك انه توا بعد بيعلمو هربت ومسعود ما بي بيعطيك اي فرصه انك اتقرب من ريناد
جلال ضحك: لو وصلت فيها شن اديري
روان: شنو تبي تلعب بعمرك ما تنسا انه مسعود في ساعه عرف مكانك وين قاعد علي اساس جايبلي مكان في اخر الدنيا هو دقايق وصل عندك
جلال: مش عارف من وين عرف مكاني بالسرعه هدي
روان: امك حكتله
جلال: عرفتها هي 😡😡😡 وينها
روان: مانعرفش حتي مشيت لشقتكم مش قاعده
جلال: اكيد عملت عملتها وهربت
روان:يزوج امك اديرها
جلال خطر عليه حاجه: روان اتمري بيا ع الشقه عندي افلوس نبيهم وجبيلي كم اغيار
روان خافت: لا وين كان الشرطه غادي
جلال:لو شفتي اي حركه ديري روحك جايه لي الجيران
روان: عارفه نمشي وراك انجيب اخرتي انا
جلال ضحك: هههه توكلي هيا بس درسي السياره بعيده اشوي عن العماره
روان: امري لله به
وقعد جلال ايوصي فيها شن اتجيبله وين مكان الفلوس وصاها علي دهب امه قاللها لو لقيته جيبه امعاك
وصلت روان لي الشقه درست السياره ونزلت خايفه من داخل بس كانت عاديه من برا فتحت باب العماره ورقت من الدروج لعند وصلت في الشقه فتحت الباب كان مكسور القفل من يوم مسعود كسرا خشت داخل كان البيت امقلب بشكل وكل شي امكسر والتلفزيون مش في مكانه خافت روان عرفت البيت مسروق وخشت الدار سالمه كانت حايسه علي بعضها فتحت الدولاب شافت الصندوق مافيش الدهب وكيف الملابس حايسه وامبعتره ع الارض طلعت وخشت لدار جلال كانت حتي هي مقلوبه لقطت شنطة سفر اصغيره وقعدت اتلم في الملابس الطايحه قدامها عشوائي وجت جنب السرير مدت ايديها في مكان الي قاللها عليه جلال لقيت فتحه ودخلت ايدها وطلعت الفلوس كانو ملفوفات في كيس ماكانوش هلبا حطتهم في الشنطه وطلعت تجري ونزلت من الدروج تلاقت امع راجل كبير في العمر خافت كملت بسرعه طلعت وصلت السياره ركبت وتنفست براحه
جلال:ها شن صار القيتي امي
روان:لالا مش قاعده وشقتكم مسروقه ومقلوبه قلب وذهب امك مش قاعد
جلال انصدم: والفلوس
روان:لالا قاعدات مش شايفنهم
جلال ادكر ذهب امه كان واجد: عويل الحرام 😡😡😡
روان: شن نمشي
جلال: امشي بس وقفي علي محل خوديلي تليفون وشفراء واتكي علي صيدلية خوديلي مسكن
روان :تمام
وقفت روان ع الصيدليه وخدتله مسكن وبعدها خدتله تليفون وشفرا من الفلوس جلال ومشت بيه لشقتة صاحبها كلمت الولد نزل ساعدها و دخله الشقه
وران روحت لبيت صاحبتها عطتها سيارتها واتصلت بي بوها ايجي ايروح بيها بعد نص ساعه جاء اب روان روحها
.
.
.
.
.
.
.
.
روح مسعود رقا الشقه طول ما لقاني فيها الخوف تسلل في قلبه نزل تحت وخايف مايلقاش ريناد تحت
خش مسعود قابلاته امه
مسعود: امي ريناد عندكم
عميمه: سلم قبل هل الريناد الي خدت عقلك سلم علي امك ولا خلاص معاش تبيها
مسعود: لا مش هكي يما غير ماحصلت ريناد فوف امعاكم هي
عميمه: اي امع البنات في المطبخ
مسعود تنهد براحه وقعمز جنب امه: ترا كلميها ليا
عميمه:كنك شن في
مسعود مد يدا ورفع تليفون ريناد كان جنبه اطمن عليها
مسعود:جلال هرب من المستشفى
عميمه شهقت: يعطيه ادعوه هل الفرخ
مسعود: هدا ليش خفت علي ريناد خايف يرجع يخطفها
عميمه 😨: لالا وين احني امعاها
مسعود:هدا كيف قدر ايخش المره الاوله لوسط بيتنا يقدر ايخش تاني نبيك تتنتبهي عليها يا امي
عميمه: ان شاءالله
مسعود: وانا توا انديرله حل الفرخ هدا
وقف اينادي في ريناد
اناطلعت من المطبخ: نعم
مسعود:تعالي نبيك
انا: نغسل ايديني بس
خشيت نغسل في ايدي
ايـه:خيرا مسعود
انا:مانعرفش قال يبيني
اسيل: خلاص امشي توا نقلي انا مكانك
انا: خيتي سلمها سلفتي
ايـه ضحكت: هههههه سلفات فاهمات بعضهن
اسيل تضحك: لا ياحنه ماتشوفي فيها من وجها تعبانه كان هدا لا نقربها ولا انجيها 😂😂😂
انا: 😂😂 باهي ياحقيره غير مش فاضيتلك راجلي يبيني
اسيل تضحك: امشي يامتاعت مسعود 😂😂😂😂
ايـه تضحك: اووووبا قويا اسوله 😂😂😂😂
انا هزيت راسي نضحك عليهن : تافهات وربي
وطلعت وخليتهن يقرمن
طلعت القيت اعميمه ابروحها
انا: امي وينه مسعود
اعميمه: رقا فوق لشقه قالك الحقيني
انا :يستر الله والله وجه ماهو عاجبني اكيد صاير امعا حاجه
اعميمه تنهدت بحزن: حسبي الله ونعم الوكيل فيهم اولاد الحرام
انا خفت: كنه مسعود شن في
اعميمه: لالا مافيش شي اربحي لراجلك يابنتي
انا زدت خفت : مسعود صاير امعا حاجه
عميمه: انتي امشي راجلك كنك اتراجي
انا قلبي مش مطمن طلعت طول لشقتي
خبطت ع الباب فتحلي مسعود الباب
مسعود:كا العاده ناسيه مفتاحك
انا 🥺: ماهو امي قتلي مسعود يبك فوق خفت طلعت بسرعه
مسعود وسعلي عشان انخش: كنك خفتي
انا خشيت: مانعرفش
مسعود سكر الباب: توا يعني لو رايفتلك بتخافي
انا: لالا مش ارياف واضح صايره امعاك حاجه باين من وجهك
مسعود التفتلي ورفع حاجبه: يعني انا نكذب
انا مسكت في ايديه: حشاك حبيبي مصدقتك بس
مسعود: بس شنو
انا حسيت بيه مايبي يحكيلي خليته علي راحته: رايفتلك 😍
مسعود قربني منه: مش اكثر مني ❤️
انا نتكلم بدلع: تعرف الشقه اعععع بلاك ماقدرتش نقعد فيها
مسعود ضحك: بيش تعرفي قيمتي
انا ابتسمت: عارفتها 😍
مسعود ضحك: باهي امتى ينفك الحظر
انا ☺️☺️: مزال
مسعود: يعني امطوله الحكايه
انا 😂😂: كنك مش صابر
مسعود:لاني مش صابر الرباعي 😂
انا ضحكت: 😂😂😂😂 يعطيك السلامه
مسعود ضحك وباسني 😘🔥: شكلي بنصبر روحي بالبوسه 😍🤤
انا ابتسمت: 😂 حتي البوسه يشكرو فيها الناس 😂😂
مسعود ضحك عليا: كنك يابنتي كل مره اتزيدي تنحرفي وتحرفيني امعاك
انا ضحكت: والله انا ما حرفت حد وبعدين انتي راجلي وحلالي يعني عادي نتغزل فيه زي ما هوا ايتغزل فيا ولا حرام
مسعود 😍: لا حلال غير خفي عليا اشوي وارحميني
انا ابتسمت بحب: انحبك يا اغلا شي بحياتي
مسعود باسني 😘🔥: انموت فيك نا ❤️😘
قعدت انهدرز انا ومسعود بس ما جاب مسعود سيرة جلال نهائي قعد يحكيلي علي الشغل
انا:وين الغداء الي بتجيبه امعاك
مسعود خبط ايده علي وجهه: انسيته في السياره
انا ضحكت: وين كان عقلك
مسعود: والله انتي خليتي فيا عقل
انا: ماتحط كل شي فيا كنك ابروحك شيرتك مذهوبه 😂😂😂
مسعود يضحك وقف : باهي باهي انخزن قاعد
انا:وين
مسعود; انجيب الغذاء
انا: باهي ماطولش حبيبي
مسعود:به وطلع
انا طلع مسعود خشيت الدار غيرت ع السريع علي خاطر دبشي عالقه فيه ريحه الزيت والبصل 😂😂 لبست قفطان حوش قصير تحت الركبه وبخيت عطر وسقمت اشعري درت روج احمر خفيف وطلعت قعمزت في الصاله علي خشت مسعود
مسعود: توا علي شنو ناويه 😍😍😍
انا درت روحي بريئه ☺️: شن درت 😒
مسعود 😒: وتسالي فوقها 😒😒
انا ضحكت: والله غيرت لانه عالقه فيه ريحة الطبخ
مسعود: صدقتك
انا وقفت وخديت منه الكياس رفعت رجليا وبسته 😘😘❤️
انا: سلمك جياب يارب دقايق بس انسخنه وانجيبه
مسعود ضحك: طيري من وجهي احسن
انا هزيت راسي: مش ماشيه
مسعود: بعدها تحملي شن ايجيك 😉😉❤️
انا بعدت عنه: ههههه انت مافيك امان 😂😂
مسعود رفع حاجبه يضحك: امال في منو الامان 🤨🤨
انا هربت منه ونضحك: لالا بعد تقعد هكي مافكش امان بكل 😂 ،، قلت كلامي وهربت لمطبخ
مسعود😂😂 :ايبانلك عليه يا ريناد 😂😂
قعمز مسعود يفكر في هل القصه الي ماتبي اتم وجلال الي قعدلهم مشكله في حياتهم ما يبي ايحسس ريناد بحاجه ولا ايخوفها مشا الامور طبيعيه قدامها ايبصر ويضحك واينابش فيها عشان ما تحس بشي
حطت ريناد الغداء وتغدو وجت اسيل جابتلهم غداء من تحت 😂 قتلها ريناد تغدينا
.
.
.
مسعود واقف في المطبخ ايهدرز عليا وانا نغسل في الماعين
مسعود: تي هيا كلهم تبسيين وكبايتين درتيهم قصه
انا انشف في ايدي: ماتشوفش فيا كملت
مسعود: باهي هيا قدامي
انا: حبيبي انت خش ارقد انا بننزل لي البنات تحت
مسعود: ماتحلمي بيها بتخشي ترقدي وحي عليك تنزلي من غير ما اتكلميني زي امس فوتتها ليك بس المره هذي معاش تطلعلي من الشقه لين اتكلمين
انا رفعت حاجبي مستغربه فيه: من امتى نسالك فيك لو بننزل لهلك
مسعود مسكني من اكتوفي وايدف فيا قدامه: من اليوم معاش تطلعي من غير علمي وتليفونك ديريه عام باهي حبيبتي مش زي امبدري نتصل بيك وماتردي
انا: امتى
مسعود: وين تليفونك
انا قعدت ندكر وين حطيته
مسعود: خليته تحت انا جبته بعد رقيت معاش اتحطيه صامت
انا: والله انسيته جنب اعميمه حاضر معاش انخليه صامت
مسعود: واتردي اول مانتصل بيك
انا: شن قصتك انت اليوم
مسعود: شي
مسعود رقد علي السرير: حبيبي طفي الضي وتعالي جنبي
انا طفيت الضي وخشيت جنبه ورقدت ساكته وحتي مسعود نفس الشي ساكت كل واحد ايفكر في التاني
انا انفكر في حركات مسعود غريبه اليوم زعما شن صاير امعا
مسعود نفس الشي ايفكر كيف يقدر يحمي ريناد من جلال بي اي طريقه وكيف يلقلا جلال وينهي القصه الي مابت تكمل وجلال علي شنو ناوي ومن هربه
رقدو الاتنين ❤️
.
.
..
.
.
.
.
.
عند طارق والشرطه دورو جلال مالقيو شافو كاميرات المستشفى شافو مراه كانت لبسه خمار وبعدها طلعت طلعو زوز نساوين لبسات خمار وعبايات بس واضح انه جلال لانه المراه اتساعد فيه يمشي
شافو الكاميرات لعند طلعو وركبو الاتنين في سياره وقفو الصوره علي السياره
طارق: نبي توا صاحب السياره اتجيبوه من تحت الارض
الشرطي: تمام افندي
خدا موصفات السياره ويتصل
.
.
.
.
.
.
.
.
مر الوقت الشرطه ادور في صاحب السياره
.
.
.
فقت امع العشيه القيت مسعود مش قاعد نضت اندور عليه مالقيته في الدار طلعت كنت نسمع فيه يتكلم
مسعود:كيف في مراه هرباته
حسن: شفنا في الكاميرات
مسعود: باهي كيف مش قتلي اول ما ناض بعدها بنص ساعه هرب بس كيف عرف المراه انه ناض اكيد في قصه
حسن فكر فيها: اي صح كيف عرفت انه ناض
مسعود:في انه في القصه لو مش قدا خلو الموضوع شوري توا انطلعه من تحت الارض بس ما اتلومني كان ارتكبت فيه جريمه
حسن: رجعنا نفس الموال توا انكلم طارق ايدقق في الموضوع ومن خشله قبل المراه
مسعود:تم ايصير اي شي جديد كلمني
حسن: تمام
سكر مسعود وايكمل في باقي دخانه
انا مافهمت من الي هرب وشن قصة المراه ان شاء الله مش قصدهم علي جلال 😨
طلعت لصاله
انا قعمزت جنبه:امع من كنت تحكي حبيبي
مسعود نفخ الدخان: حسن صاحبي
انا ضايقني دخانه خديت منه السبسي حدفته
مسعود تعصب : من سمحلك ترفعيه
انا خفت منه : خنقني صنته قتلك مانحبها
مسعود امعصب😡: شنو بنقعد علي رايك اتحبي ولا ما اتحبيش اخرلك مره تجبديه من يدي 😡😡
.ولع سبسي تاني وقعد ايدخن
انا خنقتني العبره 😢😢💔 خليته وخشيت الدار وجعتني منه كيف عصب عليا وهزبني 😭😭 😭😭 وجعني انا قتله مانحبه صنته تخنق فيا ايولع فيه عادي ولا انهمه 😭😭😭
.
.
.
.
.
عند مسعود هو كان امعصب من موضوع جلال وحركة ريناد رقتها له وعصب عليها 💔 كان موضوع جلال شاغل باله
.
امع المغرب
عند مؤيد يبعت لي اسيل ع الانستا ماترد لانه اسيل كانت مش فاتحه نت كان ماعندهاش رقمها
اسيل وايـه واعميمه ايهدرزو
ايـه رن تليفونها كان مؤيد ردت عليه
مؤيد: اسيل بايته اليوم
ايـه: اي
مؤيد: تمام ابعتيلي رقمها
ايـه: ماعنديش رصيد
مؤيد: ابعتيه حتي ع الوتس
ايـه: تمام توا نبعته
وسكرت
عميمه:من
ايـه: مؤيد يبي حاجه
اسيل اعيونها اقلوب اقلوب مجرد ما سمعت اسمه
ايـه فتحت النت وبعتت رقم اسيل لي مؤيد
ايـه تهدرز امع اعميمه واسيل وصلتها رساله ع وتساب
من" مودي ❤️ "قلبها رجف💔 بعد شافت الاسم ماغيرت اسمه ولا حذفاته 💔 فتحت علي الرساله كان احمد بعتلها فيديو شغلاته كانت الاغنيه لي عبدالله رشاد
كان ودي نلتقي
في حياتي تشرقي
مثل نجمة تبرقي
لكن اضروفك غريبه
انت عارف يالحبيب
انا عالمنا غريب
والهوى قسمة ونصيب
وهاذي الدنيا عجيبه
كيف قولي لي يكون
حبنا بس بالعيون
اطلبي عمري يهون
والقمر عندك اجيبه
خلك احساس وخيال
وخلني صورة وجمال
نلتقي هذا محال
حتى لو اني قريبه
كل واحد في طريق
والهوى اشواق وحريق
قلبي محتاج لصديق
للأسف ضايع نصيبه
شايفه وقتي يروح
والهنا عمره جروح
قدر وخلك سموح
خلني بعيونك حبيبه
وتحت منها مكتوب ""انا تعبان من غيرك يا ايـه "
ايـه تسمع في كلمات الاغنيه💔💔 وكانها وصفت حالتهم بالمزبوط كل شي قسمه ونصيب ايـه مسكت روحها انها تبكي قدامي امها 💔😢 بس اعيونها خانوها رغرغو ادموع وعلي سبله ينزلو
اسيل لحظت عليها من كلامات الاغنيه قبل ما ايـه تبكي ماتبي اعميمه اتشوفها
اسيل: ايـه تعالي عطيني لبسه هذي من امس قاعد خمجت فيها امع ضحكه صفراء واضح انها من غير نيه
ايـه لقتها فرصه صبت من غير كلام ولحقتها اسيل
اما اعميمه قعدت تحضر في عمي الهادي 😂
ايـه اول ما خشت لدارها نزلو ادموعها تبكي
اسيل: ايوته كنك ليش انقلبتي
ايـه تبكي وترجف: احمد بعتلي
اسيل: شن بعتلك
ايـه 😭:باعت فيديو وتحت منه انا تعبان من غيرك يا ايـه
اسيل:اهدي يعني الاغنيه الي توا هوا بعتها ليك
ايـه:اي ع الجرح 💔💔💔
اسيل مش عارفه كيف اتواسيها: الله غالب حبيبتي وربي مش عارفه شن انقولك ولا انهديك غير ربي يبعتلك الي في خاطرك وايفرحك يارب
ايـه ساكته و ادموعها ينزلو واتشغل في الفيديدو وتسمع فيه واتعاود
.
.
.
.
.
.
عند احمد بعد امع العشيه خوته عطوه تليفونه عشان ايكسد احمد فتح نت قابله الفيديو نفسه الي بعته لي ايـه نزله وبعتها ليها وسكر علي خشت خالي اعليوه ومحمد وعبدلله
وقعد ايهدرز امعاهم
.
.
.
.
.
.
.
طارق: السياره باسمك
الراجل:اي
طارق:.............
الراجل:............
.
.
.
.
.
.
مسعود قرر قراره الاخير
مسعود:...........
انا:...........
.
.
.
.
.
مؤيد:...........
اسيل:............
.
..
.
.
.
احمد:.......
ايـه:.........
..
.
.
.
روان:.............
- لقراءة الفصل 23 : اضغط هنا