رواية هروب ما بعد اغتصاب الحلقة الواحدة والعشرون 21 بقلم ميرو أحمد
رواية هروب ما بعد اغتصاب الجزء الحادي والعشرون
 |
| رواية هروب ما بعد اغتصاب الحلقة الواحدة والعشرون 21 بقلم ميرو أحمد |
رواية هروب ما بعد اغتصاب البارت الواحد والعشرين
سيف ضحك:والله امع صاحبي معزوم عنده علي الغداء ما طلقني الا تعشيت عنده وبعدها طلعت شريت شفره الاوله قاعده مش امركبها
احمد هجم علي سيف وضربه: معقوله ضاقت بيك الدنيا ما القيت غير ايـه حبيبتي
سيف ضحك: حبيبتك التخليت عنها وطلعت مش راجل امعاها ماتحب لو مش قد الحب 🔥🔥
احمد تعصب😡😡😡: انا اتخوني يا &&%% توا انشوفو من راجل فينا ،،،وضربه علي وجه 👊 اتحبها صح 😡😡😡🔥
سيف ردله الضربه 👊:اي انحبها ونبيها ❤️
احمد حس بالغيره ونار ولعت فيه 😡 ضربه وطاح سيف وجاء فوقه احمد خنقه من ارقبته 😡😡
احمد بعصبيه 🔥😡: ومن امتي ياكلب اتخون فيا واتحب حبيبتي يا&&&
سيف حاول ايبعد احمد عنه لانه النفس انقطع عليه ضربه برجله علي بطنه ودف احمد منه حط ايده مكان الخنقه ايكحح ايحاول يلقط نفس وجه احمر 🥵🥵
احمد مسح فمه الي نزلو منه قطرات دم ايشوفله بغل
سيف يتكلم ماعنداش جهد ايقاوم احمد اكثر من هكي :حبيتها حبيبت صاحبي 💔مش اول واحد ايحب حبيبة صاحبه الغلط منك ياصاحبي مش مني
احمد واضح علي وجه علامات استفاهم: الغلط مني؟ ؟؟
سيف قعمز 💔:اي منك انت ليش ديما تحكيلي عنها ليش تدكر في مفتنها وجمالها قدامي ليش اتغزل فيها قدامي ليش ديما تحكيلي عن اي شي ايصير امعاكم ليش انت حبيبها مش انا ليش خليتني انحبها ليش اتقولولي فيها وفيها وانت عارفني راجل زي زيك ايحب في اي وقت لانه الحب مايستاذن ولا ايخيرك من افلان ولا افلان
احمد مصدوم في كلام رفيق عمره الي معتبره زي خوه يغدر بيه 💔
سيف بوجع: حبيتها ياصاحبي بس يشهد عليا ربي انه نيتي صافيه امعاها ما حاولت انخونك زي ماقلت انا بعد شفت موضوعك منتهي امعاها ومافيش نصيب نبي نعطي فرصه لقلبي الي حب وحده مش ليه وانا عارف ومتاكد انها قلبها امعاك واتحبك بس نبي انحاول 💔💔
احمد تعصب وضربه علي خشمه 👊: مزال عندك عين اتفكر فيها تاني وربي اتقرب منها نقتلك ونشرب من دمك وننسا العشره الي بينا الي حضرتك نسيتها 😡😡
سيف بحقد: بس انت خلاص واحد خاطب وبتتزوج انساها ايـه بتكون ليا اشقى بعمرك ومانبيهاش العشره الي تجمعني بيك
احمد زد تعصب خنقه 😡😡:مش ليك فاهم مش ليك ايـه ليا لو تنطبق السماء ع الارض ماك واخدها يا نذل😡😡 اخساره ما انت شكرتلي ايـه وقتلي بنت ناس وجيرانا وسمعتهم اكويسه وقتلي توكل اخطبها طلعت انت مش ولد ناس ماك اصلي يا وولد&&&&%%
سيف حس انفس بيهرب منه دخل ايده في جيبه كان في موس طلعه ضرب احمد في جنبه
احمد حس بحاجه نغزاته في جنبه نزل اعيونه شبح مكان الضربه مصدوم مدهوش من صاحبه الي صدمه في عمره ما كان متوقع توصل فيه لدرجه يقتله
سيف استغل شرود احمد لمه ايشوف لي روحه دف احمد بالقوه وهرب ركب في سيارته وهرب بسرعه
طاح احمد ع الارض مكان حاس بجرحه ولا ما موجوع قد ما قلبه انجرح من صاحبه الي يعتبر فيه اغلا من خو ادير فيه هكي
احمد غمض اعيونه بوجع وحس جنب بدا يقوا الوجع
في نفس الحضه الي طلع فيها خالي علي
خالي علي شاف شخص طايح قدام بيت جيرانهم قدم خطوات شاف الدم جنب مشاله يجري
خالي علي حط يدا علي مكان الموس: ياساتر ياساتر من دار فيك هكي
احمد ايتمتم بوجع:اااه
خالي علي: لازم نرفعك المستشفى
احمد فتح اعيونه عرفه عم ايـه هز راسه
خالي التفت يمين يسار ايدور حد ايساعده بس كان الشارع فاضي: هدي سيارتك
احمد عض ع فمه من الوجع:اي
خالي علي: وين مفاتحك انا لو بنطلع سيارتي من البيت تبي وقت وانت قاعد تنزف
احمد 😣:في السياره ءءاه، ،، وغمض اعيونه موجوع
خالي علي رفع راس احمد: هيا ساعدني انركبك في السياره
خالي علي رفع احمد كان يقدر يمشي علي رجليه ساعده خالي علي وصلو لي السياره وركبه كان احمد واعي بس من الوجع مش قادر يتكلم طلع بيه للمستشفى
.
اما سيف قعد ايلود بسياره مش عارف وين يمشي بروحه مصدوم كيف قدر يقتل صاحبه وخو
.
.
.
.
وصلتني رساله كانت من مسعود فتحتها
((تعالي فوق نبيك ضروري ) )
انا اوقفت: باهي تصبحو علي خير
امال:وين قعمزي مزال الوقت بدري ياحنه
اسيل :زيدي قعمزي حتي انا مزلت قاعده
انا تحشمت: والله عندي دبش يبي غسل ونبي اندير عشاء لمسعود
عميمه: اربحي يابنتي خلك من المهابيل وانتي مرت راجل اكيد يبيك
انا حمدت ربي انه خالي علي طلع وخالي محمد خش بيرقد 😂
امال ضحكت: وكني انا مش مرت راجل ولا شنو 😂
مؤيد يفتن:اي يا امي شن قصدك بيها 😂😂😂
عميمه: تي خطوني وانتم اتركزو في الكلمه الي انقولوها
انا تحشمت من مؤيدفنصت في امال
ايـه:كنكم خلو المره هي وراجلها شن تبو فيهم امشي يا ريناد ماتعدلي عليهم
انا ضحكت: ههههه ليلتكم سعيده، ،،،، ومشيت
عميمه: كنكم امع البنت ضروري اتحشموها واتزلطوها واضح مسعود بيبها ماشفتو من حركاته قالق بعتلها رساله شكله
مؤيد وامال واسيل وايـه ايشوفو في بعض ومنصدمين بعدها ضحكو امع بعض ههههههههههههههههههه 😂😂😂😂😂
مؤيد بيموت من الضحك:معقوله يا امي امركزه امعاهم واجد هكي
عميمه كشرت:لا مش امركزه
امال تضحك 😂:انتي مش امركزه هكي كان امركزه شنو
مؤيد يضحك:اتجيب الخبر كامل
عميمه: تحشم ياكلب وبعدين ليش بنقصقص علي حياتهم انا ما ايهمني شي غير راحتهم
اسيل: وربي خطيره كلا انتي يا عمتي 😂😂😂😂
امال: مش غير 😂😂😂😂
ايـه:بس ماما اتحبها ريناد اصلا ماعنداهاش في الجو العمه الواعره الي خاشه فحيات ولدها
اسيل : كلهم يقعد هكي بعدها يتغيرو عليهم يبدو واعرين ليش ماتحملي وليش ماطيبتي اليوم ليش ماجيتني وغيره من المشاكل وحساسيه
ايـه تضحك: ان شاءالله اطيحي في عمه زي امي 😂😂😂
اسيل ابتسمت: ههههه ياريت نالقه عمه زي عمتي والله مافي زيها 😍
عميمه ابتسمت:ربي يعطيك علي قيس نيتك وايطيحك في ناس زينه وطيبه
اسيل :ان شاءالله
مؤيد ساكت ويسمع فيهم وفاتح النت
عميمه:يشهد الله ريناد زي ايـه واعز منها وانحبها قبل ما تتزوج مسعود بعد تزواجاته غلاها زاد اكثر والله قلبي عليهم من وقت لقيو السحر خايفه عليهم يلعبو فيهم عويل الحرام وايفرقوهم من بعض
امال:اي صح والله ربي يبعد عنهم اولاد الحلام
ايـه: امين
اسيل: ماعرفتو من داير السحر
عميمه: لالا بينه وبين ربي
مؤيد كان امقابل اسيل غمزلها واشر علي تليفونه "بمعنى افتحي نت "
اسيل ما فهمت عليه وهزت راسها بمعنى شنو
مؤيد عرفها ما فهمت
عميمه وقفت: نمشي انصلي ونتريح بايته يا اسوله
اسيل:لالا اشوي بيجي بابا
عميمه: لو قعدتي يابتني منها اتونسي امع ايـه منها اتساعديني
اسيل: مره تانيه ان شاءالله مش دايره احسابي انبات ولا جايبه اغيار
مؤيد لقاها فرصه: لو قعدتي زي قبل تاخدي من ايـه مافي مشكله
اسيل 🤨:ماهو ماكلمت هلي قلتلهم بايته
عميمه: ساهله لو علي هذي توا انكلم جمال لو قتله حتي اسبوع مايتكلم عادي توا انقوله خليها اتبات اصلا بنشدك جاي فرح علي وعندنا خدمه وتوا انقوله ايخليك امعانا انتي وساره
مؤيد افرح قريب نقز علي امه ايبوسها 😂😂😂
امال تضحك:ههههه يعني مصلحه تبيها الخدمه
عميمه:لا والله بس غاليا عليا اسيل نبيها اتونس ايـه قاعده ابروحها مريضه
ايـه:اي صح اسيل اقعدي امعانا فتره العرس
اسيل: لا وين تبي امي تدبحني
عميمه:كنها سعاد والله ماتكلم كان كلمتها توا انكلم جمال ايخليك اتباتي
اسيل:بس
ايـه: لا بس لا بسين ماما كلميه خالي جمال قبل يطلع من البيت
عميمه مشت: اي توا انكلمه
مؤيد من داخله فرحان وشبه اطمن اسيل بايته عندهم بس ايفكر كيف ايكلمها مشا لدار ايخطط
.
.
.
.
.
.
عندي انا
فتحت باب الشقه وخشيت اندور بعيوني علي مسعود
بس ما قابلني
مسعود كان ورا الباب 😂 بعد خشيت قعد ورايا لف ايديه علي خصري
مسعود: كنك طولتي
انا ابتسمت: والله شدو فيا البنات
مسعود برني ليه ولف ايديه علي رقبتي: ليش ما وفيقتيني بعد فقتي
انا 🥰: ماهو ماهنت عليا انوضك قلت خليه راقد
مسعود ابتسم بخبث: احسن عشان اليوم نسهر عليك 😉😉 تعرفي اتفكري خطيره
انا ضحكت عليه: هههههه يفتحلك ربي والله تعبانه😂😂
مسعود : توا بعد كنتي تحت ماك تعبانه
انا تحشمت:والله مريضه
مسعود انخلع عليها: كنك شن اتحسي 😨
انا 😥😥: مريضه قتلك 😥
مسعود فهمها: اتبصري صح
انا تحشمت: لا
مسعود رقتله: امتى جاتك وقتها هي
انا : مسعود كنك قتلك مريضه خلاص ليش اسئله
مسعود: خلاص حبيبي بري تريحي
انا نحيت ايديه وخشيت كنت متحشمه منه واضح رقتله
غيرت دبشي ولبست توته وطلعت القيت مسعود يحضر في الصاله
انا:تبي انديرلك عشاء
مسعود:لالا متعشي امع اعليوه ماتعبي روحك حبيبي
انا صبيت جنبه: شن تحضر
مسعود: فيلم Fast and furious 8
انا: اكشن صح
مسعود:اي اتفرجي امعايا
انا ابتسمت وقعمزت جنبه وحطيت راسي علي رجليه
انا 😊: انحبهم نوعية افلام هدين اكشن بدات الممثل جيسون ستاثام انحبه 😍
مسعود طبس راسه عليا: شنو حسك قلتي 😡 اتحبيه
انا ضحكت: 😂😂😂 ممثل ره
مسعود:وكان مش دكر هو 😒
انا ضحكت: تي قصدي انحب تمثيله بس 😂😂😂
مسعود: حتي كان مانبيك اتحبي حد غيري 🔥
انا رفعت اعيوني فيه 😍: انت في القلب مافيش حد ايجي فمكانك ❤️🔥
مسعود ضحك :خلاص اسكتي مانبيش نتهور خلي نتفرجو بسلام احسن فكيني من المنباشات ايوا را مانتحملش
انا ضحكت ولفيت وجهي علي ال Tv: اصبر زي قبل ماكنت صابر 😂😂😂
مسعود 😏: قبل كان في سبب يمعني و توا لا مافيش شي يمعني عنك 😉
انا: باهي اسكت خلي نحضرو
مسعود ابتسم وقعد ايمشي في ايده علي اشعري ويحضر
مره مره ايهدرز واينابش ابروحه 🔥😂😂😂
.
.
.
.
.
.
.
.
.
""معاش بنقول خالي علي بنقول اعليوه ""
عند اعليوه في المستشفى
احمد قاعد في العمليات و اعليوه رفع تليفون احمد كان في باس ماقدرش ايحله وكيف بيعرف هله و ايكلمهم
طبعا اعليوه مايعرف احمد واجد الا مره مره ايشوف فيه امع سيف وبعد رفعه كان ظلام ما دقق في وجه
قعد ماسك التليفون عشان لو اتصل حد يقدر ايبلغه
طلع الدكتور من العمليات
اعليوه :شن يادكتور طمني
الدكتور: الضربه جاته في مكان خطير واضررت الكليه واطرينا انشيلوها وخسر دم بس الحمدلله حصلنا توا حالته مستقره بس بيقعد اسبوع في الملاحظه بنشوفو جسمه لو يتقبل يشتغل بكليه وحده وحاليا حطينا في العنايه تحسب لي اي خطوره
اعليوه ازعل عليه:لا حوله ولا قوة الا بالله العلي العظيم ربي ايعوضه خير ويعطيه الصحه ويرجع زي قبل
الدكتور: الحمدلله علي سلامته وربي يشفيه ليكم
ومشا
اعليوه ايفكر كيف بتواصل امع هله: خلي انشوف السياره مرات نلقا حاجه ادل علي عيلته ولا رقم امسجل وطلع
.
.
.
.
عميمه كلمت جمال اب اسيل وقتله خلي اسيل اليومين هذين عندنا وافق جمال
اسيل فرحت بعد بوها قالها باتي وقعدت اتهدرزو امع ايـه وامال قعدت اشويا امال وجاء وليد روح بيها
قعدو اسيل وايـه تحت
ايـه: زعما الي درته صح خايفه اتصير مشكله بينهم وسيف ايجي يحكي لخوتي
اسيل: ما اعتقدش اكيد توا ايحلها
ايـه:يستر الله والله خايفه من سيف طلع هو الحقير الي بعتلي صورة احمد يوم خطبته
اسيل: حسبي الله ونعم الوكيل فيه خزي كلب ديما نسمع انا البنت هي الي صاحبتها اتخونها وتاخد حبيبها اما ولد ايحب حبيبت صاحبه اول مره نسمعها
ايـه:لانه حقير والحقير ايدير اي شي
اسيل تبي اتغير الموضوع: ماحكيتلك علي مؤيد شن امدايرلي ع النت وبدت تحكيلها كل شي
ايـه:مؤيد خويا
اسيل رفعت حاجبه مستغربه غباء ايه🤨🤨: ولد جيرانكم تي حومتكم "يعني شارعكم او منطقتكم ""كلها مافيها مؤيد غير عندكم
ايـه ضحكت: تي باهي افهمتك قصدي شن يبي فيك مؤيد
اسيل برود 😒:اسأليه هوا
ايـه اتشوفلها من تحت لحت 😏:وانتي شنو
اسيل:شنو
ايـه ضحكت: وربي انتي الغبيه باهي شنو يعني اتحبيه ولالا لاني فاطنه لحركاته مؤيد الفتره هذي
اسيل تجاهلت سؤال ايـه: كنه حركات شنو
ايـه اتبحت بخبث: لا لين نعرف انتي شن عندك كلام خزي ياتافه انا ديما نحكيلك وما انخبي عليك حاجه كل شي تعرفيه عني من الكبيره لصغيره وانتي اتحبي خويا وماتقوليلي
اسيل 😂: تي اسكتي يا همي توا يسمعونا ولا اتجي امك
ايـه: تعالي نمشو لداري نحكو براحتنا
اسيل: اي احسن من الفضايح
رقو اسيل وايـه فوق وصلو جناح الغرف
طلع مؤيد ايحك في راسه
مؤيد متوتر ايحك في راسه: معليش اسيل اديريلي سندويشات تن حسني جعت
ايـه بخبث: توا انديرهم انا ليش اتعب البنت
مؤيد باندفاع: لالا انتي مريضه خلي اسيل اديره
ايـه:ليش اسيل توا انديره انا مافيا شي
مؤيد رقتله منها وقعد ايدف فيها لدارها: فالحه اتقولي علينا احني مريضه واترعشي فينا كل يوم اندفسي مرض يرفعك دخلها لدارها وايـه ميته ضحك عليه
مؤيد التفت علي اسيل:اسوله بنتعبك اديريلي الي قتلك عليه توا
اسيل هزت راسها مستغربه تصرفات مؤيد: تمام ونزلت
ايـه تضحك:تي خليني انساعد البنت كنك انت
مؤيد: من لاخير تبيها فقش نبي البنت في موضوع خطيني
ايـه لفت عليه: شن تبي فيها البنت قوله الموضوع قدامي 😂
مؤيد ضحك: ماهو حاجه عيب مانبي انقولها لك يابيبي 😂
ايـه رقتلها: اقسم بالله انقول لي امي
مؤيد: اسكتي الله ايربحك خلي ايصير ااموضوع بعدها كان تبي اتقولي لي الجيران كله عادي المهم اتصير
ايـه:شنو
مؤيد ابتسم وتكلم بصوت واطي:بنعترفلها لاني انحب اسيل
ايـه ضحكت: شن تعطيني عشان نسكت
مؤيد:انجيبلك شكلاطه ولا افلوس
ايـه:لالا نبي قفطان لي يوم الصاله ويوم المحضر
مؤيد:مش باتي بيعطيك الفلوس
ايـه:مايسدو نبي نمشي المزين والحنه مزال ناقص الف حاجه نبيها الزبده بتاخدلي ولالا
مؤيد: لو صار الي نبيه والله ليك احلا قفاطين باهي فوقهن ايفون
ايـه فرحت: املا حط ايديك في اجيوبك وطلع اقريشاتك واشريلي من توا 😂😂😂😂😂
مؤيد ابتسم: تمام اتفقنا
ايـه ضحكت: ماتبي اتزيد حاجه عليهم
مؤيد يبي ينزل: كنك طماعه انتي شنو قاعد علي بنك قالولك انا
ايـه ضحكت: اي فرصه وجت لعندي خلي نطلب
مؤيد: تي والله امفلس الي وعدتك بيهن ان شاء الله نقدر انجيبهن لك امشي لي البنك مسعود 😂😂😂 ومشا بسرعه
مايبيها اتكمل عارف لو قعد بتقعد اتزيد 😂😂😂
ايـه ضحكت عليه وخشت لدارها
اسيل نزلت للمطبخ وطلعت الخبزه: شن خطر عليه توا
وفتحت التلاجه وطلعت التن والهريسه
مؤيد يمشي بسرعه متجه لي اسيل
اسيل انفجعت: بسم الله كنك مؤيد
مؤيد خدا الي في يدها بسرعه ورده في الثلاجه وفتح باب المطبخ الي ع الجنان وطلع وسحبها امعا واسيل مصدومه من حركته
وقف مؤيد بمكان مايقدرش حد ايشوفه
اسيل خايفه و زادو دقات قلبها من قرب مؤيد وتوترت
اسيل بخوف: مؤيد كنك شن في ليش جايبني هنا
مؤيد تنهد بفرحه انه واخيرا لقي فرصه يتكلم فيها امع اسيل
مؤيد: ليش ما اتردي ع النت
اسيل:ماعنديش نت هنا
مؤيد:كنك ماعلقتي من هنا
اسيل :ماعنجيش ليه وقت انهدرز امع البنات
مؤيد: المهم حصلت عليك توا 😍😍
اسيل بعدت عنه خلت مسافه بينهم: كنك شن تبي
مؤيد ابتسم: ماعنديش في المقدمات ولا الكلام الزايد من لاخير انا انحبببببك يا اسيل ❤️
اسيل مصدومه ماتوقعاته يعترفلها: كيف
مؤيد ضحك وتكلم بحب وايشوف لعيون اسيل 😍: انحبك ❤️ ا ن ح ب ك 😍😍😍😍
اسيل اخدوده اتوردو ☺️☺️
مؤيد ابتسم بحب ايشوفلها:عن شكلك محلاك تي ليا ساعه نحفظ في الكلام الي بنقوله لك كله تبخر من نضره من اعيونك
🤤😍😍🤤 هوا مانعرفش نتغزل بس ماشي حالي
اسيل من داخل فرحانه بطير 😍 بس اتقاوم ماتبي اتوضحله
اسيل: صح تبي وحده وتبني انا وعمتي نمشو نخطبوها لك وخدا عقلك وساحرتك مش عارف شنو ولا انفك السحر 😏😏
مؤيد ضحك: وراسك قوت المفعول خلاص معاش فيهاا انا نبيك انتي البنت الي نقصد عليها انتي الي سحرتني بجمالك وحبك وكل شي فيك
اسيل سكت ماعرفت تتكلم
مؤيد: اقسم بالله انحبك اسولتي والله العظيم انحبك ومانكذبش عليك ولا نلعب عليك القيت فيك حاجات مميزه مالقيتهم في غيرك اول امره انحس كاني حبيت بجد وقلبي دق لوحده الي هي انتي اسيل احساس حلو وجميل مانعرفش امتى حبيتك بس انتي استوطنتي قلبي ❤️🔥
اسيل ذايبه في كلامه مانطقت حرف 🤤😍
مؤيد ايشوفلها خايف ترفضه: تكلمي ليش ساكته ولا في حياتي حد تاني ولا ما اتحبيني صارحيني زي ما صارحتك بس امانه ماتجرحي قلبي الي حبك يابنت الخال 💔
اسيل فاقت من عالمها الي رسماته في مخيلتها وهي فرحانه ماركزت في كلام مؤيد بس سمعت بنت الخالى
اسيل بتوتر:اها شن قلت
مؤيد بخوف ونفس التوتر: ليا ساعه نتكلم انتي وين عقلك
اسيل سكتت
مؤيد:في حد في حياتك
اسيل هزت راسها : اي في
مؤيد انصدم وقلبه انكسر حس وكانه شالو روحه: بجديات
اسيل ابتسمت: اي
مؤيد انصدم شافها تبتسم يعني واضح اتحبه: اتحبيه
اسيل بنفس الابتسامه: اي انحبه ولد ايهبل ❤️
مؤيد لف وجه بيمشي مش قادر يتحمل كيف كسرت قلبه 💔😢 :باهي ربي ايهنيكم وبعد عنها خطوات بيمشي
اسيل ضحكت:مؤيد
مؤيد ماسك روحه مايبي يلتفت عليها 💔:نعم
اسيل ابتسمت:ماتبي تعرف شخص الي انحبه
مؤيد كانه غرستي موس فقلبه: لا مانبي نعرف ربي ايهنيكم ان شاءالله ايكون امعاك راجل
اسيل ضحكت: حتي لو ماتبي تعرف لكن بنقولك من الي انحبه ايكون ولد عمتي اسمه مؤيد وهوا ايحبني وقبل دقائق اعترفلي انه ايحبني
مؤيد ما استوعب الكلام لف طول: عاودي شن قلتي انا اسمعت غلط صح
اسيل ابتسم: لالا صح
مؤيد قرب منها والفرحه في اعيونه:تحكي جديات صح 😍😍
اسيل بخجل: اي انحبك
وخشت تجري داخل
مؤيد ابتسم ايرمش في اعيونه ايحاول يستوعب يعني صح اتحبه هو يعني الولد الي قالت عليه هوا طلع
رقد ع العشب وفرحان ايشوف للنجوم طلعتي ماك ساهله يا اسيل 😂😂😂 يانعليا منها الفرخه وربي بنهبل من وراها واضح قعد قريب ساعه يتفرج علي السماء ويدكر في كل لحضه جمعاته امع اسيل من هو اصغير لليوم
اما اسيل خشت تجري داخل فرحانه 😍❤️ رقت طول لي دار ايـه خشت
اسيل: طلع ايحبني يا ايـه
ايـه كانت اترتب في دولابها :عارفه
اسيل قعمزت داهشه: مش امصدقه يا ايـه مؤيد طلع ايحبني
ايـه:صدقي ياحنه مهبول زيك زيه ماشيين علي بعضكم
اسيل ابتسمت تدكر في مؤيد: نعليا منه ايهبل
ايـه ضحكت: شنو حكيتو يا مهابيل
اسيل: مانعرف لبزت في الكلام ولعبت في اعصابه وفجرتله القنبله وهربت
ايـه:العب العب شن درتي
اسيل ضحكت:اقسم بالله اشوي تانيه يبكي
ايـه:اتبصري شن درتي
اسيل قعدت تحكي لي ايـه كل شي
ويضحكو اسيل مش عاطيه فرحتها لحد
.
.
.
.
.
.
.
.
.
تــم الـفــيــلـم
مسعود نزل راسه ايشوفلي لقاني راقده طبس باس راسي ونحا راسي باهدو وحط ايده في وسطي والتانيه تحت رجليا وسحبني ليه ورفعني فحصنه ❤️
حطني في السرير وطفا الضي وخش جنبي وخلا راسي علي صدره ❤️ ورقد
.
.
.
.
.
.
.
.
خالي علي دور في السياره مافيها شي رد خش المستشفى وتليفون احمد عندا
.
.
.
.
.
.
عند بيت احمد
ام حمد مريم: خوك مزال ما روح
موده: لالا يا ماما ماروح
ام حمد: ان شاء الله خير من طلعته العشيه معاش وله تاني
ترا كلمي محمد ولا عبدالله بالك يعرفو مكانه
موده:به توا انكلمهم
خش محمد امروح من المحل تاعب: السلام عليكم
مريم وموده:وعليكم السلام
محمد قعمز واضع عليه التعب:نوضي ديريلي حاجه ناكلها
موده: حاضر بس تعرف احمد وين
محمد:لا ماشفته من الصبح
مريم:كيف ما شفت خوك هو طلع امع العشيه واضح عليه امعصب ترا شوفه ياوليدي
محمد:تي خلوه في حاله الولد ولا مصرين اطفشوه ولا تقتلوه من العلايل 💔 خلوه ياخد نفس بالك يتريح
مريم تنهجت بحزن: تي اتصل شوفه وين بعدها تفلفس
محمد طلع تليفونه واتصل بي احمد علي طول انفتح الخط
محمد:وين يا احمد العزوز ادور فيك
اعليوه:السلام عليكم
محمد انخلق مش نفس صوت خوه شاف الرقم بس نفسه ورجع حطه علي ودنه وخايف خوه فيه حاجه
محمد:وعليكم السلام من امعايا
اعليوه:شن يقربلك صاحب التليفون
محمد بخوف: خويا
اعليوه: الحمدلله علي سلامته اول شي القيته واحد ضاربه بموس وطايح في الشارع سعفته توا حالته مستقره
محمد قلبه طاح ومصدوم 💔💔🥵:من ضاربه وشن حالته
اعليوه:مانعرفش شكله متناوش امع واحد وضاربه الحمدلله لحقت عليه في وقت المناسب توا بخيرك خوك تحت الملاحظه
محمد مخلوع: اما مستشفى فيها
اعليوه:في &&&ئ
محمد:صحيت بارك الله فيك تعبناك امعانا
اعليوه: ولو خدا واجبي
محمد: تمام انخبر هلي وانجي خليك جنبه الله ايربحك لعند انجي
اعليوه:ماتخافش قاعد
محمد:تمام وسكر
مريم علي اعصابها اشوي تنهار:كنك مستشفى شنو من ضار من احمد وين
محمد: في واحد ضارب احمد رفعه واحد للمستشفى 💔 هدي نهاية اعنادكم قلتلكم اطفشو الولد تقتلوه من وراكم ابصر علي اما شله لم عليها ضاربنه يسترالله في الجاي
وطلع يجري تلاقا امع عبدالله خوه قدام الباب حكاله ع السريع طلعو امع بعض
اما مريم انهارت تبكي كلام محمد شبه فيقها وردها لعقلها الي كان سبب في دمار ولدها نزل سكرها وقعدت موده اتعاني فيها وجا اب احمد وخبراته موده طلع لحقهم
وصلو محمد وعبدالله لي المستشفى وتالقو امع اعليوه و حكالهم عن وضع احمد وكيف لقا طايح وين زعلو علي حالة خوهم الي كل يوم ايشوفو فيه يدمر 💔💔💔
.
.
.
.
.
.
.
تاني
فقت القيت روحي راقده في السرير بس انا رقدت ع الصالون كيف جيت هنا تلقائي ابتسمت بعد ادكرت مسعود شفت جنبي مالقيته لفيت شعري وطلعت برا اندور فيه بس ما القيته
رفعت تليفوني انشوف الساعه كم القيتها 10 والقيت رساله من مسعود
""صباح الورد وردتي الجميله عارفك اول مافتحتي اعيونك دورتي عليا مالقيتيني المهم ياسمحتي انا مشيت للشغل ومرتي البايره ما ناضت قبل راجلها ودارتله فطور ودعتله قبل ما يمشي هههه المهم انا دعيت ربي يحفظك اي صح ما اديري غداء توا انجيب امعايا تبي حاجه كلميني ❤️""
ابتسمت وبعتلهة
""صباحك عسل ياقلبي ههههه مش بايره حبيبي بس انا ما فيقتني وانا ديما ندعي في كل صلاه انه ربي مايحرمني منك ويحفظك ليا وماتغيبش عن عيني ❤️ ""
بعتتها وخشيت الحمام
طلعت ضميت الشقه نفضتها والدبش الي يبي غسيل غسلته وبخرت البيت القيتها الساعه اووووف الوقت يمشي بطئ خلي ننزل لي اعميمه وايـه انهدرز عليهم احسن
خشيت غيرت ولبست وشاحي و رفعت تليفوني ومفتاحي ونزلت تحت صبحت عليهم قعدت انهدرز عليهم
.
.
.
.
.
.
.
.
الممرض: دكتور المريض جلال فاق توا
الدكتور:...............
.
.
.
.
.
مسعود:........
.
.
.
.
.
.
ايـه امقعمزه اتهدرز امع اسيل وصلتها رساله ع الوتساب
ايـه فتحت الرساله وتقرا فيها
يُتبع ..
- لقراءة الفصل 22 : اضغط هنا