القائمة الرئيسية

الصفحات

رواية هروب ما بعد اغتصاب الحلقة التاسعة عشر 19 بقلم ميرو أحمد

 رواية هروب ما بعد اغتصاب الحلقة التاسعة عشر 19 بقلم ميرو أحمد

رواية هروب ما بعد اغتصاب الجزء التاسع عشر 

رواية هروب ما بعد اغتصاب الحلقة التاسعة عشر 19 بقلم ميرو أحمد


رواية هروب ما بعد اغتصاب البارت التاسع عشر


رقيت من الدروج خانقتني العبره وخايفه ايدير شي وفتحت الباب وخشيت الصاله قعمزت نبكي والله ماعندي طاقه نتحمل يبعد عني انا ماصدقت علاقتنا رجعت حلوه مانبيش يبعد عني 😭😭😭 ليش ديما ماتكملي فرحه بكل
ورفعت راسي نبكي ركزت في الصالون كانت في حاجه لونها اسود اصغيره مغروسه في الزاويه طالعه مديت ايدي طلعتها
😱😱😱 كانت حاجه مش مفهومه وامطبقه خطرت علي بالي انه سحر بس استبعدته مافيش حد خش لي الشقه تعودت من الشيطان وحطيتها وخشيت الدار دوشت وطلعت ولبست سروال استرتش اسود وقميص طويل لتحت الركبه لونه جففت شعري ولميته كودا فوق وحطيت الوشاح ع اكتافي وطلعت قابلني الحجاب الي القيته قلت نرفعه انوريه لي عميمه رفعته ونزلت تحت القيت عميمه و امال ايخططو شن ايديرو غداء

انا:السلام عليكم

عميمه وامال:عليكم السلام

انا:شن اديرو

عميمه: والله امال قالت تبي ادير مكرونة بشاميل وحوت للغداء

انا: يعطيها الصحه ان شاءالله

امال:سلمك

عميمه: ليش طولتي

انا قعمزت جنبها:والله هدا هو يا امي دوشت ونزلت طول

عميمه:صحه

انا:سلمك

امال ركزت علي ايدي:شنو هدا رنوده الي في يدك

انا مديته لي عميمه: مانعرفش القيته في الصالون

عميمه شبحته انصدمت: بسم الله الرحمن الرحيم اعوذ بالله من الشيطان الرجيم 😨😨😨 من وين لقيتيه

انا: القيته مغروس في الصالون الي في الصاله

امال خافت 😨: هدا سحر صح

عميمه حذفاته من ايدها وخايفه: لا حوله ولا قوة الا بالله اي هذا سحر

انا مصدومه 😨: من دايره 😢

عميمه خايفه: ان شاء الله فتحتيه

انا خفت: لالا مافتحته

عميمه قعدت تقرا في معودات ورفعاته علي الطاوله 😨

انا مش مستوعبه: كيف سحر فهميني عميمه ومن بيديرهولي ومافيش حد خش الشقه غيري 😨

عميمه تدعي: حسبي الله ونعم والوكيل اعويلة الحرام كثرو يبو يخربو بيت ولدي ان شاء الله مايشوفو الراحه في اعيونهم يارب 🤲

امال:حسبي الله الله ونعم الوكيل اكيد يبو ايفرقو بينهم

عميمه:ايفرقهم عن احبابهم يارب 🤲

انا خفت الحق وصلت لحد السحر بس من حطه هدا امجنني

انا:به يا عميمه شن بيصير توا

عميمه: توا انكلم خالك يرفعه لي الشيخ انتي دورتي اكويس مرات في تاني

انا: لالا مادورتش

عميمه: شن اتراجي بري شوفيه اكيد في حاجه تانيه حسبي الله ونعم الوكيل فيهم نوضي انشوفوه قلبي مش متريح

انا: به

امال وقفت: خليك رنوده امع يزن قاعد في الدار توا اندور انا و عمتي ساد لون وجهك اصفر من الخلعه وترعشي مرا تانيه

عميمه: اي صح سلم بنتي خليك امع ايـه

انا هزيت راسي: به اهو المفتاح الشقه

خدت امال و عميمه المفتاح ومشو

انا قعدت دقائق سرحانه كيف سحر هدا مديرو لشنو ومش عارفه هل السحر ليا ولا لي مسعود ولا شنو غرضه وليش الحقد هدا معقوله في ناس من حقدها تشرك بالله وتلجا لسحر قعدت نسترجع في حياتي امع مسعود من تزوجنا سكرنا شهر طول هل الشهر نحنا مشاكل ومسعود مش طايقني والشقه مانقعدو فيها واجد اغلب وقتنا في بيت خالي يعني صح يبو ايفرقونا بس من عنده مصلحه في الي الشي هدا بس مسعود ماعنداش علاقات ولا عنده جو الحب يعني مايكلمش في بنات من وين بيجي السحر خطرت عليا روان بس استبعدت الفكره لانه ولد خالتها مستحيل اضره بالسحر وهي عارفه نتائج السحر ممكن الشخص ايموت من السحر ماتوصلش بيها ندالتها لهكي لالا 💔 ادكرت ديما بعد يوجعني راسي نبدا مش طايقه الشقه وننزل تحت زعما من السحر ولالا حسبي الله ونعم الوكيل في من كان السبب
سمعت صوت يزن يبكي نضت انشوفها مضايقه يعني لو ما القيته السحر اليوم ممكن كان في سبب انه يبعدني عن مسعود والي دار الي هدا يقدر ايعاوده وايدير اكثر من هكي قداش بنصبر قداش بنعاني ياربي ليش ديما المصايب علي راسي لا اعتراض ع حكمتك بس معاش عندي طاقه للحياه اتعبت وانا انعاني وانساير فيها خفت نفرح ولا نضحك وانا عارفه بعدها في حزن كبير وادموع ومصايب «« يارب لا تحملنا مالا طاقه لنا به »»
تنهدت بحزن لقيت يزن يبكي اول ما رفعته سكت طول ومسك في شعري يضحك سبحان الولد هدا في وجه براء مجرد ما اتشوفه تقعد تضحك حركاته الطفوليه وكل تفاصيله 😍
انا نضحك:لا ياخالتو الا شعري

يزن يضحك: بااب

انا بسته: نجك ليا تبي باباا

يزن افرح ويعيط 😍😍

انا ضحكت: خزي ياكلب احني مش مالين عينك تبي باتك

يزن يضحك كانه فاهم: باابا

ايـه: انتم يا ازعاج اطلعو برا اضحكو

انا لفيتلها : قوللها ازي خالتو اتلزينا

يزن دبل وجه براءه 🥺🥺: ازي التو 😢

انا ضحكت: نعليا من الي يتكلم ،،،

ايـه ابتسمت: 😂😂 تي كنا في طفله جانا طفل تاني تي اطلعو انتم الزوز زي بعضكم 😂

انا: الحمدلله ع السلامه حبيبتي شنو توا صحتك

ايـه تنهذت بحزن 💔: ماتساليني بالله عليك 😢💔

انا قعمزت جنبها: شن في خيرك احمد كلمك

ايـه 🥺: لالا

انا: باهي خيرك شن صار امعاك

ايـه 😢: طلع بجديات احمد خطب امس وصلتني صورته هو ايلبس في خطيبته الدبله ويضحك واضح فرحان مش مجبور زي ماقال هو اصلا عرفته كذاب مابرري بكل بصحة وجه يعطي صاحبه ايكلمني ويتعذر عنه وايخلي فيه يكذب زيه

انا وجعتني 🥺: ماتوجعي روحك يا قلبي وربي مش مستاهل تهملي صحتك واتخوفي هلك عليك عشان شخص باعك ومش هامته لو صح كان ايحبك لو كان حارب عشان ايحبك او فهمك موقفه ولا فكر بحالتك بعد ايدير عملته وتوجعي خاطرك عشان واحد ممكن اليوم او بكرا يتزوج ومش سائل عن حالتك

ايـه نزلو ادموعها: وجعتني روحي كيف ضحك عليا ولعب بيا باسم الحب قتلني يا ريناد قتلني مانحساب بيغدر بيا ويطعني 💔😭😭 باهي انا حبيبته ليش دار هكي ماهو من الاول ايقولي را خاطب بنت خالتي تعرفي شن مكتوب في الرساله انه كان خاطبها من هم اصغار يعني هو يعرف انه بيصير هكي ليش ايعلقني فيه من الاول

انا وجعتني: خليك قويه حبيبتي الحياه تجارب ولو ما جربنا مستحيل نتعلمو ونعرفو غلطنا وين كان انتي وتقتي فيه وحبيتيه بس للاسف هو ماكن قد الحب الي حبيتي ليه ومزال الحياه قدامك وانتي هذي اول تجربه للحب ماتخلي حياتك تدمر عشان حب فاشل عيشي حياتك وانسيه الي باعك بالفول بيعيه بقشوره 👌 وحتي انتي بيعيه وحبي غيره

ايـه تبكي: مانقدرش ننسا 😭😭😭

انا: تقدري تنسيه ليش ربي عطانا نعمة النسيان عشان ننسو ناس حقيره زي هذوم وابكاك هذا ما بيجيب نتيجه

ايه سكتت واتشوفلي :تربح يا ريناد ماتزيدي عليا والله صعب ننسا ترا تقدري تنسي مسعود لو خدا وحده غيرك

انا 💔: ماتخلطي المواضيع في بعضهم انا هدا اسمه راجلي اما انتي من البدايه ماكن امعاك واضح لو خطبك او صار حاجه رسميه كان انقدرك تزعلي عليه بس هوا باعك مافكرش فيك صح واعرا وحاسه بيك وبي قلبك ممكن انا اكثر شخص فاهم عليك بس لو تبي نصيحتي خلي كل شي لربي وكليه امرك وصلي واستغفري بدل ماتبكي ايخفف عنك واينسيك فيه "وعسئ ان تكرهو شي وهوا خيرا لكم وعسئ ان تحبو شي هوا شرا لكم " متخممي ياقلبي ربي يفرجها من عنده

ايـه تنهدت بحزن ومسحت ادموعها: علي كل حال انتي شن صار امعاك امس شن دار الكلب وكيف خطفك

انا 😢: يانعليا مادكرني با امس رعب بكل تعرفي تندكر وماتنعاد

ايـه: ان شاء الله هيا احكيلي القصه من بدايتها لنهايتها

انا: اصبري نعطي الفرخ هدا مرضعته ونحكيلك

يزن رفع راسه ليا وايفنص

انا: لا يا واعر انت سادني مسعود فكنا من التفنيص 😂

ايـه: ايهبل الفرخ هذا هوا حركاته 😂

انا: غصبن عنك ايخليك تضحك الفرخ

يزن كشر عليا وقعد ايطلع في ادفالاته 💦💦 😂😂😂😂 زبطوها حركه العويله 😂😂

انا: امعفن عيب ياخالتو
جبتله رضاعته وعطيتها له وقعدت نحكي لي ايـه عن كل شي صارلي امس لعند قصة السحر
طبعا ايـه انصدمت يعني توصل لدرجه السحر واجد هكي

ايـه: المشكله مافيش حد غريب ايخش ويطلع علينا عيت خالتي وخالي بس

انا: اي من عنده مصلحه منها وربي بننجن

ايـه: مافيش غيرها روان

انا: ماعتقدش اديرها

ايـه: خليك هكي مسكينه لعند تاخده منك تي بنت خالتي ونعرفها ادير اي شي مايخطر علي بالك بس عشان تاخد الي تبيه

انا خفت: زعما هيا

ايـه: اكيد من غير شك

انا: بس من تزوجت ما ركبتلي ولا مره في شقتي من وين بتحطه

ايـه اتفكر: متاكده ماركبتلك ولا مره

انا: اي ولا مره ركبتلي لاهي ولا امها ولا خواتها

ايـه: عليك قصه هذي

انا: شفتي بختي 😢💔 مانتهاناش بكل فحياتي

ايـه: تعالي ننزلو انشوفو شن صار امعاهم خنقتني الدار

انا لقيت يزن يتاوب بيرقد عدلته وغطيته ونزلنا انا وايـه تحت القينا عميمه وامال امقعمزات وجوهم ماتتفسرش وامعاهم خالي محمد يقرا في قران

انا: كنكم ياعميمه شن صار امعاكم

عميمه 😢: حسبي الله ونعم الوكيل فيهم السحاره لقينا واحد تحت سريركم

ايـه: حسبي الله ونعم الوكيل

خالي محمد قراء المعوذات عليهم وحطهم في كيس

خالي محمد: انا نمشي انشوف شيخ ايشوفه

امال: اكيد انفك مادم انكشف

خالي محمد: لاحوله ولا قوة الا بالله ربي يجعل كيدهم في نحرهم والي ناوي الشر ايرد عليه 🤲
انا خليني انلحق في الصلاة الظهر والشيخ نعطيهم ليه

عميمه: اربح يا محمد بسرعه شوفه

طلع خالي محمد كان مفجوع اول مره اتصير حاجه زي هدي في عيلته طول عمرهم يسمعو بالسحر بس اليوم شافوه بعيونهم 💔

بالنسبه ليا كنت مصدومه 😨 مانطقتش كلمه كلمة سحر ابروحها اترعبك يابال اتشوفيه بعيونك ودايرينه ليك انتي و راجلك 💔😢 شي ايقشعر البدن 💔😭
قعدو عميمه وامال ايـه ايهدرزو وين لقو السحر وكل دقيقه عميمه تحسبن الف مره وتدعي وامال خشت ادير الغداء جيت بنساعدها حلفتلي ما نساعدها طلعت جنب ايـه وعميمه ويزن فاق نزلته تحت
.
.
.
.
.
.
.
.
مسعود برود:ها

حسن:وينك انت

مسعود:شن تبي فيا

حسن: تكلم ياراجل وينك

مسعود بملل: في المينه عندي ابضاعه جايه بنستلم السيارات ونرفعهم المعرض رخص شن تبي لانه بنشوف الشباب شن يبو

حسن تريح: اها قصدك الحاويه وصلت

مسعود:اي اليوم الفجر بعتولي رساله قالو توصل امع 10 وانا من ال 8 واقف في المينه

حسن:كان قتلي را جيت ساعدتك

مسعود ضحك: لا ياباتي انا بنستلهم وانوصلهم لي المعرض والباقي شورك رتب اموراك حاطلهم سعر زي ماقتلك بس اعرضهم وشوف العمال شن يبو و

حسن ضحك: اقطع مساعدتي ياريتي ما تكلمت وانت نازل فيا

مسعود: هدا شغلك ياحبي ولا الفلوس بالساهل ايجوك

حسن ضحك: لا مش هكي كنك رافع عليا حقد هكي ولا مش صاحبك

مسعود: باهي امطول انت نبي انكمل الاجراءت بسرعه شن تبي متصل

حسن توتر: اءء لالا شي غير كنت بنديراك كبسه

مسعود بشك: في شي ليش الكذب

حسن: شن بنكذب

مسعود: احكي مش فاضيلك النم نسحب في كلام منك سحب

حسن: جلال

مسعود مجرد ماسمع اسمه دمه فار 🔥🔥: مات

حسن: للاسف فاق اليوم تعدا مرحلة الخطر

مسعود بحقد: احسن لانه مزال ماكملت احسابي امعا ان شاء الله ديما يمشي للموت وايرد عشان ديما انا الي انوصله للموت ومايلقاها وياما جايه عذاب مني

حسن: مسعود را غلط هكي خلاص توا القانون ياخد حقك وربي مش شايف ضي الشمس في حياته بينحبس بين 4 سيسان انت ماتاكل همك وعيش حياتك احسن ما تاخد رقبة حد علي ارقبتك وكيف بتقابل ربي اتقوله عشان خطف مرتي قتلته انت درت الي عليك وعاقبته ممكن فحياته معاش يقدر يقرب منك خليك واقعي و احسب الف احساب لي خطوتك لانه انت امراقب لو ايصير شي في جلال بيحطوه عليك انت

مسعود :تعرف اتفوت امي مش ناقصك اطلع من راسي
وسكر عليه وقعد ايفكر في كلام حسن وصورة مسعود كيف واقف علي ريناد في اعيونه 🔥😡😡 كلم واحد من الي يشتغلو امعاها عشان ايكملو اخر الاحراءات

.
.
.
.
.
.
.
.
.
.
.
.
.
.
كملت امال الغداء بس مافيش حد عنده نيه
خش مؤيد قعمز وايبحت فينا

مؤيد:كنكم ضاربين الحزن كلكم

عميمه: وين خوك

مؤيد: خليته في المعرض اشوي امروح ماقلتولي كنكم

عميمه: خش تريح انت

مؤيد شافلي: كنك انتي التانيه كنكم كانه ميتلكم حد

عميمه تعصبت: فز من مكانك اجعنه في العدو

مؤيد رقتله: باهي احكو النم كنكم

امال: لقينا سحر في شقة مسعود وريناد

مؤيد انصدم: كيف سحر

عميمه: شنو الي كيف سحر يعني سحر

مؤيد بصدمه:كيف القيتوه

انا:قصه طويله وقعدت نحكيله

مؤيد: لا حوله ولا قوة الا بالله حسبي الله ونعم الوكيل

عميمه: بوك طول بكل

ايـه: توا ايروح اكيد يتكلم امع الشيخ عشان ايفكه

مؤيد: مسعود يعلم

عميمه: لا والله من الصبح ماشفنا

مؤيد: اسمعتو انه جلال فاق بس تعبان اشوي

عميمه: يعطيه موت ليش اتجيب في سيرته

انا مش عارفه ليش خفت برغم نعرف انه مستحيل يقدر يقرب مني بعد الي صارله بس اسمه بدالي زي الرعب او الفوبيا انخاف بعد نسمعه ولا انشوفه

.
.
.
.
.
.

بالنسبه لي سالمه ام جلال بعد ما سكر عليها مسعود وطلع كانت الشرطه اتجمع في المعلومات ع جلال بعتو كم شرطي عشان يعرفو جلال وين قبل ماتوصلهم انه لقوه جو لشقة جلال لقيتو الباب معتول "مفتوح" خشو داخل فتشو بعدها سمعو صوت سالمه تبكي واتخبط ع الباب بعد فتحو ليها
هي شافت الشرطه داخت طول رفعوها المستشفى الدكاتره فحصوها شكو في حاجه دارولها تخاليل علي اساس تطلع اليوم

سالمه امقعمزه والممرضه اتفكلها في الابره خش الدكتور و في ايد اوراق

الدكتور:السلام عليكم

سالمه: وعليكم السلام

الدكتور: كيف حالك اليوم

سالمه:الحمدلله من عند ربي احسن

الدكتور: طلعو نتائج التحاليل

سالمه ساكته وتسمعله

الدكتور: احني كنا شاكين بس بعد طلعو التحاليل تاكدنا للاسف طلع عندك السرطان منتشر في جسمك وفي المراحل الاخيره لازم تاخدي جرعات الكماوي

سالمه محركش ولا شعرا الخبر وكانها تعرف من قبل :به شن تاني

الدكتور انصدم في ردت فعلها: يعني عندك العلم بيه من قبل

سالمه: لالا كنت حاسه بيه وبي اعراضه بس ماجتني الشجاعه نمشي للمستشفى لاني عارفه هذا عقاب من ربي ايعاقب فيا علي الي درته في هل اليتيمه ونستاهل اكثر من هكي وانهارت تبكي الدكتور حاول ايهديها مابتش تسكت اعطوها مهدي رقدت

.
.
.
.
.
.

مسعود كمل شغله وسلمه لي حسن عشان يستلم بعده و روح
طول الطريق ايفكر كيف ايحل الموضوع بس جلال ضروري ايموت
.
.
.
.
.
.
.
.
خش خالي محمد لقاته اعميمه تجري
عميمه:ها شن صار امعاك

خالي محمد:بالشويا يامرا خليني انقعمز قبل

عميمه لحقته: باهي قول الشيخ فكه ولالا

مؤيد: يا امي خليه ايخش وانتي مستلمته من الباب فكينا من جو عيت حنه

عميمه:هدا جزاتي كان خايفه ع اصغاري

خالي محمد: لا اله الا الله عطوني النفس امعاكم

انا وايـه وامال ساكتت نسمعو فيهم

خالي قعمز وجت عميمه وقعمزت جنبه

خالي محمد: استغفرالله علي العظيم

امال:ها ياخالو شن صار

خالي محمد: قالي الشيخ السحر مادم انكشف يعني تبطل وقراءه عليه قران وفكه وقال ولعو قران مكان السحر

عميمه:يعني مافيش اضرار منه

خالي محمد: لالا مافيش خلاص انتهاء مفعوله من النكشف وانقرا عليه القران وانفك

انا: الحمدلله والشكر ليك 🤲

خالي محمد: ماتخافيش ياخالو خلاص في الجديد انتبهي ماتخلي حد ايخش لحوشك حتي لو كانت ايـه ولا اختك

ايـه شهقت: كني انا وليش بنسحرها

خالي محمد:الدنيا جابت مافيها ومعاش فيها امان مادم السحر وصل لبيتنا يعني الي داره ايدير اكثر من هكي

ايـه: عليش انا ما نخش لبيت خويا وبعدين كان بنسحر ريناد كاني سحرت روحي هيا اختي ومرت خويا ليش بنضرها ماهو ضريت روحي كان ضريتها

امال:عند حق خالي يا ايـه شفتي شن صار توا والسحر الي قدر ايخش لشقه من غير ما حد يعرف يقدر ايدير شي واجد

مؤيد: اوفقكم الرئي كلامكم منطقي 100% 😂😂 بس اعرفو صاحبكم في الاول من بعدها خودو احتياطاتكم منه

ايـه: انا شاكه في وحده اصلا ما ايفوتها هي

عميمه: من

ايـه: روان بنت خالتي تهاني

خالي محمد: لا يابنتي ان مع الضن اثم

ايـه: يا بابا مافيش غيرها ايديرها

عميمه: ماديرهاش روان صح طايشه بس ماتقدرش اديرها

مؤيد:والله ماتطلع الا هي

انا: بينه وبين ربي الي دراه

خش مسعود
مسعود: سلام عليكم

الكل:عليكم السلام

مسعود: شابحك تحسنتي ونزاله اتهدرزي ايـه

ايـه:اي الحمدلله احسن

مسعود: رد بالك من صحتك مره تانيه

ايـه: ان شاءالله

مؤيد: ياريت حتي انا نلقا من تسحرني زي مسعود 😂😂😂 غير طايح في مطيوحات السعد 😂

مسعود: شن اتقول انت

عميمه: يعطيك الهناء ليش ما اضم فمك وقتك خوك جاي تعبان من الشغل

مؤيد:والله حتي انا زيه كنت سهران لين بعد الفجر رقدت هو نوضني من ال 8 رفعني امعا المشكله مادرت شي يبي ايعلمني الشغل غصبن عني

مسعود تنهد بتعب: لازم انت تستلم المعرض لاني بنمسك شريكات ريناد غير الشركه الي في تركيا في تغره وفي شخص يلعب بالمزانيه ضروري نمشيلها ونشرف عليها لو قعدت هكي بتفلس

خالي محمد: كيف

مسعود: مش عارف بس في خطا في التقارير الي توصلني والمدير الي حاطه واحد خامر وياكل في الفلوس والموضفين يشكو منه

انا:يعني بتسافر

مسعود: اي ضروري

عميمه: امتى

مسعود:ممكن بعد فرح اعليوه بنمشي لانه موضوع امطول يبي شهرين ثلاثه عشان انظم امور الشركه

خالي محمد: ان شاءالله خير بترفع ريناد

مسعود: اكيد بنرفعها

ايـه: بس اقرايتها لانه بدت وقريب ايديرو امتحانات

مسعود رقتله: القرايا تنساها بكل

انا انصدمت: ليش

مسعود تعصب: وشن بديري فيها القرايا حتي لو خديتها الشهاده ماك مشتغله بيها يعني ما اتعبي روحك من الاول

خالي محمد:شن الكلام الي اتقول فيه

مسعود: الي تبيه ايجيك وانا مش امنقص عليك حاجه تطلبي اعيوني نعطيهم بس القرايا اتسكريلي موضوعها

انا خنقتني العبره عشان عيط عليا😢😢💔

خالي محمد: وليش اتوقف اقرايتها

مسعود: مش مستعد الي صار امس يتكرر مادم الكلب قاعد يتنفس وعايش تنسالي موضوع القرايا وامها 😡 انا مش امقصر امعاهاا كل شي تبيه انديره ليها

مؤيد: مسعود عنده حق يا باتي الولد طير شر يومين ويهرب من السجن ماتعرفش شن ايصير

خالي محمد: ايصير خير بس غلط اتوقفها عن اقرايتها

مسعود رقتله: مش غلط انا اندير هكي عشان نحميها

عميمه: اهدا يا اوليدي خلاص

انا نضت من جنبهم و رقيت فوق لدار مسعود كانت طايرتلي منه ليش ياخد قرار من عنده ساد وقفني مانمشي للكليه الا وقت الامتحانات انخش عليهن توا ايقولي معاش تقري 💔
وجعتني كيف عيط عليا 😭😭
.
.
.
.
.

عميمه:كنك اتزعل في البنت ساد الي شفاته اليوم المسكينه ماتضغط عليها

مسعود ركز في كلام امه: كنها شن في

عميمه قعدت تحكيله علي السحر وكيف لقوه مسعود انصدم سحر واخرا في بيته بس اطمن بعد امه قتله انفك السحر
قعد ايهدرز امعاهم وعقله عند ريناد

امال حطت الغذاء ونادتني ماكن عندي نيه بس قعدت انساير فيهم

مسعود بعد تغداء رقا للشقه عشان ايغير ويرقد وداير في باله انه ريناد بتلحقه

كملنا الغذاء وضمينا الحوسه وغسلنا درت بسبوسه بالقشطه للعصيره

مع العشيه جو ام اسيل سعاد وساره واسيل ومسره وتهاني و روان و رندا علي اساس يتحمدو علي سلامته ايـه


ضيافناهم انا وامال وقعمزنا انهدرزو جنبهم

اسيل:يستاهل الحقير

انا: منه لربي حسبي الله فيه
روان غير عن عادتها هاديه وساكته

امال: والله عليك ليله عشناها امس

سعاد: حسبي الله ونعم الوكيل فيه كله عشان افلوس يخطف وليه مايخاف ربي انشوفو فيهم في المسلسلات عجب عليك دنيا
(( طبعا حكالوهم انه خطفني عشان يطلب افلوس ماحكولهم الحقيقه) )

عميميه:اي والله

مؤيد نزل من فوق اعيونه اقلوب اقلوب 😍😍
مؤيد بفرحه: ياهلا وغلا نورتو

تهاني 😍: منور بهله اهو ولد اختي الي يفهم في الجو

مؤيد 😒: شنجوكم ياعليه

سعاد: بخير انراجو فيك تزوج نبو نفرحو بيك

مؤيد وقف ورا اسيل: والله يامرت خالي كان تعطيني وحده من بناتك نزوج طول

الكل قعد يضحك عليه 😂😂😂
سعاد تضحك : وانت اشر واختار والي تبيها تاخدها غصبن عن الكل

مؤيد صفر 😍: وربي الا انك قدر يامرت خالي تفهمي في الاوصل بكل اطل طول 😍😂

تهاني: والله حتي انا بناتي اهن قدمك اختار

مؤيد يضحك: لالا قبلت عرض مرت خالي استني مسره اصغيره واجد بكل وساره كدالك صغيره 😂😂😂

امال تضحك: قول اسيل وخلاص 😂😂

مؤيد: المشكله انا وياها مانطيقو بعض كلمه بكلمه 😂😂😂

ايـه ضحكت: اي صح 😂😂

عميمه:لالا اسيل عسل

مؤيد يضحك: تي يا امي امعاك انتي عسل انا امعايا بصل 😂😂
اسيل رقتلها:اصلا من قالك بنقبل بيك صدقت روحك

تهاني بضحكه: ههههه ماعندك غير بناتي

مؤيد: واللهي روان جو مكياج تقول امغطسيها في شكارة دقيق ماتمشي امعايا اما رندا صح هاديه بس اصغيره زيها زي مسره 😏😏😏

انا ضحكت في سري 😂😂وربي صحه لك يا مؤيد

سعاد تضحك: امال عندك وحده في بالك

مؤيد: ايوا بزبط يامرت خالي دهبتلي شيرتي شكلها امدايرتلي بسبوسه وكلتها ليا وامعاها خطين وامعاها سحر 😂😂 تي عقلي ماوقفش تفكير فيها

سعاد تضحك: ههههه معناها رحت فيها خلاص توكل

مؤيد: ههههه يعني نتوكل لربي ولا نتوكل نخطبها 😂😂😂

امال تضحك: لا بري اخطبها 😂😂😂

عميمه: من هذي الي دهبتلك شيرتك

مؤيد: وحده يا امي قلب قلبي قلب الفرخه عنشكلها مسمحها

انا نضحك : تحشم يا مؤيد مش هكي

عميمه : خليه هل الصايع ما يتحشم

مؤيد: ماهو قتلكم مسحور يا امي بري اخطبيها قبل ما تسحرك حتي انتي انقوللها امي مش اموافقه

امال: شن حطك ع السحر انت اليوم شادها 😂😂

مؤيد ايبصر: ماهو حتي مسعود سحروه مش بعيده حتي انا مسحور وحط ايده علي كتف اسيل
مؤيد : صح ولا يا بنت خالي

اسيل توترت:اءءه مانعرفش

روان وتهاني من سمعو كلمة مسعود سحروه واجواهم الوان الوان كان اتبزيهم بشوكه مايطلعش دم الاتنين ايبحتو في بعض

سعاد: كنه شن قصده مسعود سحروه ولا ايبصر

عميمه: يانعليا اليوم ننفجوعو فجعه عدوك ،،،، وقعدت تحكيلها روان وتهاني مصدومان وخايفات واضح عليهم التوتر ركزت عليهم امال شافت التوتر في اعيونهم

اما انا والبنات قعدنا انهدرزو ومؤيد طلع امع المغرب روحو كلهم

امال جاء وليد روح بيها واعميمه خشت تتريح وايـه حتي هي

كنت في المطبخ كمل الغسل نشفت الارضيه نرفع راسي نلقا مسعود واقف ع الباب

مسعود: امطوله وانتي تتأملي في الارض

انا:لا خلاص كملت خلاص

مسعود: بعد اتكملي ارقي طول لشقه فوق انا بنوصي مؤيد و نلحقك

انا:تمام
طلع مسعود لمؤيد انا غسلت ايديني وطلعت رقت فوق فتحت الباب وخشيت كنت مضايقه من موضوع السحر وزاد مسعود الي كل مره تصارفاته بشكل طلعت توته خشت الحمام دوشت وتوضيت طلعت لبست المصليه صليت العشاء نحيت المصليه خش مسعود

مسعود: تقبل الله

انا:منا ومنك صالح الاعمال

مسعود:اجمعين

انا وقفت اجفف في شعري

مسعود قعمز علي السرير: يعني زعلانه مني

انا: لا وانت شن داير عشان نزعل انا

مسعود: افهميني وربي مانقدري نتحمل ايشوفلك ولا يقرب منك وانا مانبي يتكرر الي صار امس

انا : وشن الي صار امس لين يتكرر

مسعود: ريناد نحكي جد انا

انا: وانا نحكي جد مش مدكره شي لانه في واحد بادر قالي
الي انسي كل شي وانا نسيت

مسعود ضحك وقف جا ورايا وحضني من الخلف وحط علي ارقبتي وامغمض عيونه وايشم في ريحة عطري

مسعود يتكلم بصوت هادي 🤤 : كنه البارد

انا ابتسمت: ايزعل فيا 😏

مسعود ابستم: تبي نقتله ليك

انا 😂: لالا مانقدرش انعيش من غيره حتي هو بارد انحبه ❤️
مسعود باسني علي ارقبتي 🔥😘: امممم وشن تاني

انا :هههههه بعد عني را زعلانه منك

مسعود هايم فيا وذايب 🤤🔥 : وليش زعلانه

انا: ليش اتعيط عليا امبدري

مسعود: كنت متعصب والفشه جت فيك

انا بدلع: يعني انهون عليك اتزعلني

مسعود ضحك: علي شنو ناويه انتي

انا فنتصت فيه: انا 😨 كني

مسعود عض ع فمه وغمزلي😉❤️: طالعه طرف شن اندير فيك 😍

انا 😏: طرف من يوم يوم وسع غادي بنرقد

مسعود ضحك: لا يا عبدالواتق انت

انا بعدته عني: اي تقه ياعمي

مسعود مسكني من ايدي ولفني ليه: غير تعالي عندي امعاك موضوع خطير 😍😍

انا: مانبيهم موضيعك ه ،،، سكتني بوسه هاديه 🔥😘😘🔥 شعلت نيران الحب ومشاعر كلها حب وفرحه 😍❤️

مسعود يتكلم وايشوف لعيوني 😍: ريناد نبيك ليا وملكي نبيك زوجه ليا مانبيش شي ايفرق بينا لاني انحبك اكثر من اي ضرف حاول ايفرقنا لاني انحبك ماقدرتش انتخلا عنك ❤️ لانك انتي تجري في دمي وريدي حبك ادمان وانا ادمنتك 😍❤️🤤

انا من الفرحه قلبي معاش حسيت بيه من كثر التخبيط 😂😂 كلامه واعتراف ليه اووووف مانقدرش نوصفلكم الا انه فرحانه بجديات ايهبل ايهبل انحبه 😍😍😍😍

مسعود ضحك: وين سرحانه

انا ابتسمت: فيك

مسعود 😏: في شن اتفكري

انا بدلع: 😍 قلت مسعودي ايهبل انحبه❤️

مسعود: هدا بس

انا : اي❤️

مسعود ابتسم 😍:نفهم انك

انا هزيتله راسي 😍

مسعود ضحك بفرحه: نعليا اتهبلي 😍❤️🔥

تعالو جاي خلو نمشو لمؤيد 😂😂😂😂😂

.
.
.
.
.
.
.
مؤيد امكسد ابروحه فتح انستا القي اسيل حاطه استوري

‏[["إن كان لك نصيب في شيء، سيقلب الله كل الموازين لكي تحصل عليه.”اللهم النصيب الحلو 💞]]

رد عليها انا نصيبك الحلو

اسيل قرتها 😒: امصدق روحك

مؤيد:وكني ما انصدق روحي

اسيل: بري لي امديرتلك خطين وبسبوسه خليها هي اتصدقك

مؤيد ضحك عرفها غاير: وسحر ماتنسي

اسيل: المطلوب توا

مؤيد: نبيك تمشي تخطبيها ليا انتي وامي

اسيل قلبها تحطم 💔: انا مش ام زكي امشي تخطبها تقتلها مادخلني فيك معاش تبعتلي

بعتت الرساله وسكرت النت

مؤيد بعتلها: ياهمي انبصر عليك
مؤيد: تي تعالي جاي وين مشتي
مؤيد: يافرخه انتي وربي انبصر باهي
مؤيد: باهي مقبوله منك ميه ميه سلام

سكر النت طايرتله بس في نفس الوقت تاكد من حاجه يفكي خلت قلبه فرحان ❤️❤️
.
.
.
.
.
.
روان:اكيد توا يعرفو انا ورا السحر

تهاني: لالا غير انتي خفي معاش تمشي لبيت خالتك وطيري عنك الشبه اكيد توا ايدورو من حطاته

روان: اي لالا اصلا معاش ماشيه الفتره هدي

تهاني:اي

روان:به شن الحل السحر ماصار منه وخطفت ريناد حتي هي ماصار منها شن الحل عشان نبعدوهم عن بعض

تهاني: خلاص انسيلي موضوعه مسعود لانه مش صاير منه ولا في احلامك طار منك

روان مش عاجبها كلام امها:بس انا وراهم وراهم لعند ايصير الي نبيه

تهاني:بتودريني وراك انتي
.
.
.
.
.
.
.
.
تاني يوم

ايـه وعت علي صوت تليفونها
ايـه اووووف ازعاج من الصبح فتحت الخط من غير ما اتشوف المتصل
ايـه بصوت ناعس: الو
المتصل:.............
ايـه:😨😨😨
.
.
.
.
.

فتحت اعيوني علي مسعود يلعب بشعري
انا ابتسمت :صباحوو حبيبي

مسعود مبتسم 😍: صباح الورد والياسمن علي حبيبة اقليبي ❤️
انا قعمزت انلم في اشعري: مش متعود علي الرومانسيات ره نتعود توحل فيا

مسعود ضحك وفتحلي اشعري: ههههه خليه هكي مفتوح تعودي مزال الجاي احلا ❤️

انا 😍: ربي ما يحرمني منك ❤️

مسعود: .....................

انا 😍: جديات تحكي
.
.
.
.
.
يُتبع ..

reaction:

تعليقات