القائمة الرئيسية

الصفحات

رواية هروب ما بعد اغتصاب الحلقة الثامنة عشر 18 بقلم ميرو أحمد

 رواية هروب ما بعد اغتصاب الحلقة الثامنة عشر 18 بقلم ميرو أحمد

رواية هروب ما بعد اغتصاب الجزء الثامن عشر 

رواية هروب ما بعد اغتصاب الحلقة الثامنة عشر 18 بقلم ميرو أحمد


رواية هروب ما بعد اغتصاب البارت الثامن عشر 



انا انشوف فيه نبكي مش قادر نتكلم من الخوف وشريط اغتصابي الاول ايمر قدام اعيوني 😭😭💔

غمضت اعيوني ونبكي 😭😭😭😭

فتحت اعيوني علي صوت رصاصه طاااااااااااااااااأااف 💥

سكرت اعيوني رجعت فتحتهم مصدومه انحاول نستوعب الي صار حلم والا حقيقه 😭 مسعود واقف قدام الباب وفي ايده اسلاح وجلال طاح بدامه يبكي من الوجع

فقت من تفكيري علي صوت مسعود ايعيط

مسعود يضرب فيه الشر يطلع من اعيونه: يا$$##$ والله كان ماخليتك تتمنا الموت ياكلب وقعد يضرب فيه بوحشيه وفش كل غله فيه وجلال كان مش واعي طول فقد الوعي وينزف


خلي نرجو قبل دقائق شن صار في مسعود بعد وصالته الرساله


مسعود بعد قراء الرساله كان قريب من الاسترحه لانه كان يجري بسرعه ويعرف الطريق والمكان كان من السهل عليه يعرف طرق المختصره كان مايشوفش قدامه ايشم في ريحة الدم في خشمه يعني جلال يلعب علي عداد عمره بعد قرب حاجه شور مسعود 🔥🔥🔥 فما بالك اغلا انسانه عنده وحبيبته ومرته وبنت عمته بيكون العقاب كبير واضعاف🔥

لحضات قليله وخش الشارع الي في الاسترحه كان ظلام من الصعب ايشوف لون الباب فتح ضي السياره وخفف السرعه فات اول الاسترحه والتانيه كذالك بعد عنهم ووهو يفحص في المكان شاف يساره كان في مفرق اول ما خش منه قابلته الاستراحه نفس موصفات وبابها احمر دمه فارر بسرعه وطار ليها درس السياره ونزل بسرعه حاول امع الباب كم مره ما انفتح والسور كان عالي قرب السياره من السور و رقا منها علي السور طاحت عينه علي سيارة نفس السياره الي كانت في الفيديو الكاميرا نقز بسرعه وطلع اسلاحه ويجري داخل خايف ايكون تاخر وفاته الوقت وجلال دار الي يبيه

كان باب البيت الي في الاستراحه مفتوح وخش بسرعه يسمع في صوت ريناد تبكي وجلال يتلكم

جلال : وين ع السماحه هدي

مسعود جن اجنونه 😡😡😡😡 وخش يجري

في نفس الحضه الي ريناد غمضت اعيونها وجلال يفتح في ازاز قميصه وايشوف لي ريناد و ما ركز انه الباب كان مفتوح

مسعود ماتحملش قربه مني وكيف ايشوفلي وجه الاسلاح عليه وضربه


انردو لوقتنا

مسعود كان فوق جلال ويضرب فيه هوا غارق بدمه

مسعود طلع كل حقده و عصبيته وفيه وايسب فيه مافيش كلمه ماقالها 💥💥💥


انا بعد تاكد انه مسعود صح مانحلمش قعدت نبكي 😭

انا 😭😭:مسعود 😭😭


مسعود فاق علي روحه من نوبة العصبيه الي كان فيها رفع راسه وشافها تبكي طلق جلال وصبالها يجري مسك وجها


مسعود بخوف: دارلك شي الكلب قربك


انا نبكي: لالا بس


مسعود قلبه طاح خايف مايبيها اتكمل وتقتله 💔 :بس شنو


انا 😭😭:باسني 😭😭


مسعود جبدها في حضنه ❤️ بس قلبه ارتاح منه ناحية انه جلال انه جلال ماقرب من ريناد وقدر ينقدها في اخر لحضه المره الاوله ماقدرش ينقدها من قرف جلال بس هل المره منعه انه ايكرر نفس الغلطه


اانا بعد مسعود ضمني فحضنه انهرت نبكي ادكرت الشي الي كنت انحاول ننساه فيه طول الشهور الي فاتو قعدت نبكي ونرعش 😭😭😭


مسعود بعد عني ومسك وجهي


مسعود: خلاص انا امعاك معاش يقدر ايقرب منك


انا نبكي 😭😭 : بس هوا حاول


مسعود يتكلم بهدؤو :اسسس خلاص بطلي بكي جنبك انا ماتخافي


انا 😭😭:ماتخليني ابروحي مسعود وربي انموت بلاك❤️


مسعود يمسح في ادموعي:معاش امخليك ❤️

مسعود فكلي ايديا و رجليا

انا بعد فكلي الحبل حضنته طول 😭😭


انا نبكي وخانقتني العبره: انموت بلاك انا انحبك اقسم بالله انحبك


مسعود مسح علي ضهري: اكويسه انتي شن دارك تاني


انا زدت كمشت فيه 😭😭: مادرش شي 😭


مسعود :كيف خطفك


انا نبكي ادكرت كيف خش قعدت نحكيله


مسعود تنهد براحه انه ماقدرش جلال يوصل لي يبيه


مسعود: خلاص حبيبي ماتبكيش انا معاك ،،،ومسك وجهي

انا:😭😭😭


.

.

.

.

.

-----------------------------------------------------------------


اوصل حسن وطارق ومؤيد وامعاهم دوريه كامله حاوطت الاستراحه


مؤيد:هدي سيارة مسعود صح


حسن يشبحلها يبي يتاكد: اي هي


مؤيد نزل بسرعه:اكيد دار فالطه ولا قتله


خش يجري وراء حسن وطارق والشرطه

خشو داخل الاستراحه والشرطه امحاوطه المكان


خش مؤيد وبعدا حسن وطارق في الدار وانصدمو في جلال الي غارق في دمه


مؤيد بصدمه:شن درت


مسعود شافهم وحط ريناد وراء عشان شعرها مفتوح


مسعود بعصبيه:اطلعو برا


حسن ايشوف في نبض جلال:كيف تصرف من راسك


مسعود: مؤيد تعال ارفعها


مؤيد قدم لي ريناد وسلح جاكته وحطها علي راسها

طارق طلع برا هو الشرطه رفعو جلال برا


مؤيد: هيا ريناد


انا ماسكه في ايد مسعود:لالا نبي مسعود


مسعود: ريناد روحي انتي امع مؤيد انا توا نلحقك


انا نبكي: مانبيش مش طالعه من غيرك


مؤيد:ريناد هيا مسعود توا يلحقنا


مسعود:ريناد اطلعي امعا انا بنلحقكم


انا: وعد


مسعود ابتسملي: وعد حبيبتي راجعلك ماتخافيش


انا نبكي وكلمه حبيبتي خلت قلبي يرجف من الفرحه

انا: وعدتني انت


مسعود باس راسي: وعد ي عمري خلاص توا بري امع مؤيد


انا نبكي وهزيت راسي وقفت وطلعت امع مؤيد طلعنت وخليت قلبي عنده 💔💔 اول مره فحياتي نعدي انه جلال ما ايموت علي خاطر ما ننحرم من مسعود وياخدا مني السجن 😭😭💔 روحت امع مؤيد طول الطريق نبكي وخايفه ايصير شي لي مسعود ومعاش نقدر انشوفه 😭💔

و مؤيد خلاني علي راحتي ما سالني لين اوصلنا

.

.

.

.

.

.

عند مسعود بعد طلعنا خش عليه حسن متعصب

حسن: كيف ادير هكي تعرف انت العواقب مرات اتريح فيها مؤبد


مسعود برود: عادي انريح فيها مؤبد انت شن واجعاك كلب ومات


حسن ضحك بهزوه: احمد ربك انه ماماتش مزال فيه روح عايش


مسعود رقتله :كيف مامت 😡😡😡


حسن: تي ادعي انه مايموتش


مسعود دف حسن من قدامه بعصبيه: تي وسع عني غادي خلي انكمل عليه


حسن مسك مسعود: امسكلي اعصابك اشوي الراجل رفعوه الشرطه وانت بتمشي امعاهم


مسعود ايدف فيه: تي بعد عني كيف ترفعوه من هنا من سمحلكم احسابي ماكملش امعاه


حسن ايحاول ايهدي مسعود: اهدا مسعود مش في صالحك هدا خلي الشرطه توا تتصرف وخليه كله دافع عن الشرف وعندك دليل توا القانون ياخدلك حقك من غير ماتنحبس


مسعود عصب: تي وخر عني حقي ناخده بايدي مش متعود حد ياخدلي حقي 😡😡😡


حسن:تي اصبر ياهمي ماتستعجل


خشو طارق وامعا 4 من الشرطه

طارق: مسعود انت لازم تمشي امعانا


مسعود بعصبيه 😡: نمشي امعاكم بس الكلب الي رفعتوه اتردوه من وين ما رفعتوه احسابي ماتم امعا


طارق: فاهم عليك مسعود وفاهم عليك بس انت درت الي عليك خلينا نحنا انكملو باقي شغلنا وانت ضروري تمشي امعانا لانه في اجراءات ضروري انديروهم


مسعود تعصب من كلامه: مش متحرك لعند ما انكمل عليه الفاسد &%%$$$


حسن: هدا كان مامتش في الطريق انت دير الي قالولك عليه عشان اتروح لي هلك


مسعود فكر في ريناد اهدي اشوياوقعدو يسالو فيه كيف عرف المكان وهلبا اسئلة تانيه رفعو الاسلاح من مسعود

وطلعو من الاستراحه


مسعود مشا امع الشرطه وحسن رفع سيارة مسعود

مشو لي مركز الشرطه عشان ايكملو باقي تحقيقهم


وجلال رفعوه للمستشفى كانت حالته شبه منتهيه وخاسر دم واجد وحالته خطيره داروله عمليه بس مزال حالته في خطر قاعد في العنايه


.

.

.

.

.

.

.


مرت ساعتين مافيش اي اخبار عن مسعود


كنت راقده علي رجل امال ونبكي وهي اتحاول اتسكت فيا

و يزن راقد جنبي حكيتلها كل شي صارلي من موتت بابا لعند اليوم وقصة جلال وكيف اغتصبني وكل شي امال كانت عارفه الموضوع قعدت اتهدي فيا


انا: ترا اتصلي براجلك اساليه شن صار في مسعود خيرا طول


امال: قبل اشويا صح اتصلنا قالك ايدير في اجراءات وايروحو


انا نبكي: اجراءات ياخدو 2 ساعات 😭😭😭 اكيد صاير شي ماتقوليش حبسوه 😭😭😭😭


امال اتساير فيا تبكي علي حالتي: والله مش محبوس غير اموقفينه عندهم لعند يتاكدو من حالة جلال لانه لو جلال عاش مسعود بيلطع لانه دفاع عن شرفه بس لو مات جلال بينحسب لانه قتل


انا 😭😭:😭😭 حسبي الله ونعم الوكيل فيك يا جلال


امال 🥺:خلاص حبيبتي ان شاءالله ايرده ليك ماتخافيش مسعود قدها توا يطلع منها مايوحلش


انا قعدت نبكي وندكر في وعده ليا 😭😭😭💔

.

.

.

.

.

.

بالنسبه لي روان خافت بعد رجعت ريناد كلمت خوها روحت مافيش حد انتبه عليها


مؤيد كلم خالي علي وقاله كل شي وشن صار وهوا حكا لي خالي محمد واعميمه وايـه الي انقلب حالهم و اعميمه تبكي علي ولدها الي ضاع وكنتها ابصر شن صار فيها قلبتها مناحه تبكي تبي اتشوف مسعود وريناد ماعرفوش شن ايدرو مايقدرو ايخلو ايـه ابروحها في المستشفى


ايـه بتعب: خالو كلهم ايطلعوني والله مافيا شي غير مشغولين ع الفاضي


خالي محمد: وكان طحتي علينا مره تانيه


خ علي: اي صح


ايـه: انتم كلموهم اصلا انخنقت من ريحة المستشفى نبي انروح


خ علي : انتم خليكم هنا نسال الدكتور كان قال عادي انروحو بيك


خالي محمد: لاحوله ولا قوة الا بالله من وين ايجو هل المشاكل وراء بعضهم


خ علي: وحد الله يا محمد


خالي محمد :لا اله الا الله محمد يارسول الله 🥺😔💔 معقوله الناس وراء الفلوس تنجر ادير هكي وتغضب ربي وتكسر يتيم علي خاطر وسخ دنيا 💔


خ علي: الله غالب والحمدلله انه مسعود اوصل في وقت المناسب


اعميمه تبكي:حسبي الله ونعم والوكيل فيهم 😭😭 والله اليوم من نضت قلبي مقبوض مانحساب ايصير في اصغاري هكي 😭😭😭😭


ايـه مش عارفه اتصبر روحها من نص حبيبها ومن نص تاني هلها 💔💔😭 كان ماعندها جهد حتي تبكي 💔


طلع خالي علي للدكتور وقالة نبو نطلعو بالحاله ""يقصد ايـه"

وقعد يتكلم امعا قريب نص ساعه وبعدها رجع لغرفة ايـه


خالي محمد:ها شن قالك الدكتور


خ علي: انا كلمته وفهمته انه صارلنا موضوع لازم نطلعو ضروري قالي تقدر اتروحو بيها بس تحتاج عنايه خاصه من اكلها ولازم تنتبهو لصحتها واتفوت السهر و نصائح ومش عارف شنو


اعميمه: يعني نقدرو نطلعو


خ علي: اي


.

.

.

طلعو عيت خالي المستشفى روحو للبيت انا كنت في دار مسعود الي في بيت هله


خالي حط ايـه في دارها ونزل تحت لي اعميمه وخالي محمد و ومؤيد تحت


خالي محمد : كنك مش قاعد امع خوك انت


مؤيد: توا كنت عنده هوا قالي روح ماتخليهم ابروحهم


خ علي: شن صار فيه


مؤيد: ما صار شي جلال قاعد في العنايه والضابط ما يبي ايخلي مسعود يطلع لانه عارف مسعود بيمشي لجلال ويقتله

لانه متحلفه مسعود بيقتله


اعميمه تبكي: ي نعليا اوليدي بيمشي فيها 😭😭😭


مؤيد: وليد كلم عمه ضابط كبير وحكاله قصة مسعود قالي ساهله يقدر يطلع حتي توا لانه دفاع عن شرفه وهوا عندا دليل من اول جلسه تحكمله وجلال لو طلع منها عايش بينحبس خليته امعاهم


خالي محمد اوقف: انا بنمشي نشبحه


نزلت امال من فوق لانها سمعت صوت دوشه


امال: امتى روحتو عمتي


اعميمه: توا روحنا وين ريناد


امال بحزن: قعدت تبكي لعند رقدت


اعميمه وجعها حالي: مسكينه قداش ما تتحمل 💔 شن حالها


امال 💔: الحمدلله تبكي ادور في مسعود صاح شن صار فيه


مؤيد: ماصار شي نفس الاول


خالي علي: انا ماشي امعاك يا محمد


مؤيد اوقف: خليك يا باتي توا نمشي انا و علي


خالي محمد: لالا نبي نمشي انا


خالي محمد وخالي علي طلعو لي المركز ومؤيد قعد


اعميمه خشت عليا لقتني راقده جت باست راسي وطلعت وخشت ع ايـه حتي هي رقدت من التعب 💔


قعدت امال واعميمه ايهدرزو وامال تحكيلها كيف خطفني جلال


مافاتت ساعه الا روحو خوالي وامعاهم وليد ومسعود

خشو داخل علي اعميمه وامال


عميمه اول ماشافت مسعود تجري تحضنه وتبكي

مسعود ايبعد فيها عنها ويضحك: راه مزال مامتت انا 😂😂😂

مؤيد ضحك: كيف صار وطالعوك ماهو قالب ام الدنيا عشان تقتل جلال


مسعود شافله من فوق لتحت وساكت


خالي محمد: انا طلعته علي مسؤليتي لو صار اي شي لي جلال بيجو يعتقلو خوك


وليد: باهي تصبحو ع خير انا مروح امال انتي خليك هنا لو نقصت عليكم حاجه كلميني الصبح انجيبها ليك


امال: نبي حفاظات لي يزن


وليد: تمام


خالي محمد: خليك يا وليد الوقت تاخر بات هنا


وليد: لا ياعمي مانبي نزعجكم وحتى شقتي اقريبه مش بعيده

ماتشغلش بالك


خ علي: خليك امعايا انا قاعد ابروحي كنك متحشم


وليد: لا والله ياعليوه مش متحشم غير عندي الصبح شغل وعندي اوراق ضروري انكملهم توا اسمحولي تصبحو ع خير


كلهم: انت من اهل الخير


طلع وليد وامال وصالته لين الباب وردت


مسعود ايدور باعيونه علي مستني امتي انجي


خالي محمد: مسعود فكنا من المشاكل الولد ماتمشيله خليه الشرطه تصرف والحمدلله مرتك رجعتلك وانت مادرت في الولد ساهل امرقده في العنايه بين الحياه والموت خليك هنا وانا عطيت وعد لي الضابط انه ما تعترضله لعند ايشوفو وضعه لو استقر وناض بيحوله لي النيابه طول انت خليك هادي حقك يوصلك


مسعود بنفاد صبر: حقي مزال ما خديته لعند نقتل هل الكلب يا انا يا هو راسي من راسه لعند ندفنه بيدي


عميمه تبكي: بتقتلي انت تربح اوليدي وغلاوتي عندك خطا هل طير الشر منه لربي 🤲 ريناد حقها باذن الله ما ايضيع


مسعود: هو غلط فيا انا ريناد ما شورها شي


خالي محمد: لاحوله ولا قوة الا بالله


مؤيد: فكنا من المشاكل امشي اطمن علي مرتك و ماتفكرش في الباقي كان عاش هدا


مسعود اوقف خاف: صح وينها اكويسه صارلها شي


مؤيد ضحك:بري تالقها في دارك


مسعود مشا ماعدلش علي حد وعقله عند ريناد


خالي علي ضحك: شر البالية مايضحك نسمع بيها لعند شفتها بعيني توا قاعد ايهزب وايعارك بعد سمع اسم مرته طار ولاكانه حد ايكلم فيه نمشي نرقد خير من مسعود وجه 😂😂😂


عميمه: ربي يحفظهم لبعض ويبعد عنهم اولاد الحرام وبنات الحرام


امال: امين يارب


خالي محمد: نمشي نتكا اشوي ظهري ايسطر من التصبايه


كل واحد استاذن ومشا


قعد مؤيد في الصاله ايبربش في تليفونه ومايبي يرقد عشان خايف مسعود يطلع او ايدير اي حركه

.

.

.

.

.

.


عند انا

كنت راقده خش مسعود لي الدار وسكر و راء الباب

جا لعند راسي لقاني راقده ابتسم وفتح دولابه وطلع توته قديمه ليه خش الحمام دوش ولبس كانتيرا والسروال وطلع اينشف في شعره حط النشف ع الكرسي وخش جنبي


انا حسيت بحد يتحرك جنبي فتحت اعيوني القيته مسعود


انا 😢:هييييي امتى روحت


مسعود فتحلي ايديه وخشيت في حضنه: توا روحت


انا 😢: يعني خلاص معاش بتمشي للسجن


مسعود ضحك: لا مش ماشي كنك قلقتي مني بسرعه


انا 😭💔:لا ماقلقت منك بس خايفه معاش انشوفك وننحرم منك لو صار شي لي جلال


مسعود :رنوده


انا: عيونها ❤️


مسعود: توعديني تنسي شن صار اليوم وتنسي كل شي صار في الماضي ومعاش تدكريه حتي لو بينك وبين نفسك


انا ابتسمت و رفعت اعيوني: انت خليك امعايا ننسا كل شي خليك موجود ديما جنبي وحسسني بالامان لاني انا بلاك انضيع ❤️


مسعود باس راسي: وانا امعاك مش امخليك


انا ابتسمت وفرحانه بمعاملة مسعود وكيف تغير فجاء


مسعود يلعب بايده في اشعري: سامحيني علي كل لحظه زعلتك فيها وبكيتك وجرحتك


انا تنهدت: هو صح كلامك جرحتني بس عذرتك لانه كل الي درته اشويه لو حد غيرك راه قتلني او فضحني وطلقني انا كنت عارفه امعاك الحق مهما درت لانه انا اغلطت من البدايه وماحكيتلكش


مسعود: يعني سامحتيني


انا ابتسمت:هو نقدر نزعل منك انا 😍 في حد يزعل من روحه


مسعود ضحك: هههه بطلي معاكسه خليه الكلام هدا ليا انا مش ليك 😂😂😂


انا ضحكت: ماهو انت تستقبل ما ترسل 😂😂😂 مايطلع من فمك كلمه حلوه بكل


مسعود ضحك علي عفويتي: اسكتي خيرلك مش وقتك ارجعي كملي نومك


انا ضحكت 😍: تؤتؤ طار النوم


مسعود حط ايده علي اعيوني ويضحك: نعرف كيف انرجعه ليك ارقدي 😂😂😂


انا 😂: اي صح بنسالك


مسعود: ها


انا: امبدري كاني اسمعت قتلي حبيبتي صح ولا نتخيل 😍


مسعود ضحك: ارقدي يا ازعاج


انا 😍:هيا جاوب


مسعود بمكر: لا ماقتلك حبيبتي بكل تتخايلي


انا ضحكت: ههههه لا مانتخيل قلتها امبدري وتوا خليتك اتعاودها 😍❤️


مسعود ضحك عرف لعبت عليه: باهي ايبانلك عليها غير نفضالك بس 😂


انا ضحكت ورفعت راسي وبسته 😘🔥: تصبح ع خير حبيبي ❤️


مسعود ابتسم: وانتي من اهل الخير ❤️


الاتنين سكتو كل واحد ايفكر في التاني بحب وفرحان من التطور الي صار بينهم وانكسر الحاجز بيناتهم ❤️ ساد الصمت بينهم ولا واحد تكلم غير يسمعو في نفس بعض 🔥🔥

.

.

.

.

.

.

.


مؤيد حس روحه انعس فتح الانستا القي اسيل امنزله بوست دعاء خشلها خاص يبي اينابشها ادكر ليلة المقلب علي طول ارتسمت ابتسامه علي وجه


مؤيد: هلا


اسيل كانت تتصفع ع الانستا وسهرانه وجاها شعار رسالة مؤيد استغربت فيه انه ولا عمره مؤيد راسلها ع الخاص

شدها الفضول تبي تعرف شن يبي ونفس الوقت قلبها يرقص فرحانه برساله كانها بعتلها انحبك 😂😂😂

ردت عليه


اسيل: اهلين


مؤيد: شنجو ياطشه


اسيل قلبها قريب يطلع: الحمدلله وانت شنجوك واهلك كيفهم


مؤيد: الحمدلله بخير شن دايره


اسيل: كساد بس


مؤيد: انجي انكسد امعاك 😂😂😂


اسيل 😲: مؤيد بلا جو بايخ


مؤيد ضحك: انبصر بس كنك يافرخه فهمتي غلط شكله عقلك خارب 😂😂


اسيل تعصبت: مؤؤؤؤؤؤيد بلا سماطه ترا خطاني اصلا شن تبي خاشلي


مؤيد ضحك عشان عصبها: ههههههه خلاص ارخيلي اعصابك ياحلوه انبصر


اسيل: كنك مش طبيعي انت


مؤيد: لا غازي


اسيل: ههه مفروض نضحك صح


مؤيد يضحك 😂: مفروض بس انتي دمك زيت سيارات😂


اسيل تعصبت: حتي انا الي انهدرز امعاك واندر عليك اقعد فيها 😡


مؤيد يضحك: انبصر عليك تعالي جاي والله فقدتك امخليه مكانتك في بيتنا رايفت عليك وعلي مشاكلك


اسيل تضحك فرحانه 🤩 قريب تطلع من التليفون من الفرحه

اسيل: في حد ايرايف ع المشاكل اول مره نسمعها


مؤيد: اها في بعد اتكون مشاكل سمحه زي صاحبها


اسيل ذابت من كلامه 😍🤤: هههههه غريب اليوم انت


مؤيد ضحك وكتب: والله الشي الي شفته اليوم ومر علي راسي ماضني عقلي قعد في مكانه


اسيل بفضول : كنك شن صار امعاك


مؤيد قعد يحكيلها شن صار اليوم من طيحة ايـه لين ماهو امعقمز ايهدرز عليها قعدو سهرانين ايهدرزو اسيل انشغلت علي ايـه بس طمنها مؤيد انها بخير وامعاها امال

.

.

.

.

.

انا: حبيبي

مسعود:نعم

انا امغمضه اعيوني والنوم تسسل فيهم من التعب: انحبك ❤️

مسعود ابتسم 😍:وانا انموت فيك ي عمري ❤️😍

مسعود ضحك عرفني رقدت باسني علي راسي :نوعدك ياروحي انعوضك عن كل شي مريتي فيه وعلي كل دمعه نزلت منك اصبري عليا اشوي حبيبتي بعدها معاش طالقك بكل 😘😘 انا الي انحبك يا بنتي ❤️😍 الي من خشيتي حياتي قلبتيها كلها ❤️🔥

ورقد ايفكر كيف يتخلص من جلال نهائي بس المقيده وامربلطه رجليه مش قادر ايدير شي بالخص الشرطه حطت حرس علي جلال بس اكيد في طريقه تانيه يقدر ايديرها

رقد هو ايفكر

.

.

.

.

.

.

.

.

.

اما مؤيد قعد ايهدرز امع اسيل لين نعسو الاتنين ورقد


الكل راقد بس في 3 اعيون النوم امجافيهم مش قادرين ايغمضو اعيونهم موجوعين


ايـه الي فاتحه اعيونها وماسكه بكيتها واعيونها ينزلو يحرقو كانهم نار وصوره احمد والبنت في اعيونهم تبكي بلا صوت مقهوره ومكسوره ومجروحه من حبيبها الي غدر فيها في نص الطريق وخلاها بعد ما علقها فيه وخلاها اتحبه انحسب فجاء بي اسم مافيش النصيب بسهو كان يوعد فيا انه مستحيل ايعيش بلايا اهو عاش بلايا وعدني انه ماياخد غيري اهو خدا وحده غيري وعدني انه مايقولش انحبك لغيري اهو قالها لغيري وعدني انه مافيش حد يقدر ايفرق بينا اهو فرقو بينا وعدني انه مايتخلاش عني اهو تخلا وعدني انه ما يجرحني وايزعلني اهو جرحني وزعلني

ليش دار كل شي عكس الي وعدني فيه 😭😭😭


احمد الي كان حال اصعب من ايـه واكثر الي حاول امع امه اكثر من مره واستسلم وكان اخر امله امه اتشوفه كيف حزين مرات اتغير رايها بس كل الي خطط ليه فشل امس كانت التلبيسه والدفع علي بنت خالته 💔💔 بدت نفسيته تتعب معاش ياكل واجد ولا يطلع ولا ايخش

.

.

.

.

.

.


روان الي تبكي وخايفه لو مسعود عرف انه هي وراء كل شي وهي الي صاحبة الخطه وهي الي كلمت جلال عارفه حتي هي تمشي فيها زي جلال لانه مسعود في قلبه مافيش رحمه بالخص لو قربت شخص عزيز عليه

روان تبكي وجسمها يوجع فيها من الطريحه الي خدتها من امال 😂😂😂😂

.

.

.

.

.

.

.


تاني يوم جاء وليد وعطا لي امال الساكو وطلع لي شغله


فقت مالقيت مسعود جنبي انخلعت شبحته في الحمام ما القيته نزلت بسرعه القيت عميمه وامال وخالي محمد ايهدزو سلمت عليهم

تحشمت نسالهم علي مسعود


انا: امتي روحتو عميمه وينها ايـه شن صار امعاها


خالي محمد:امس في اليل روحنا بيها بس مزال تعبانه علي خاطر مشكله روحنا


انا تحشمت ونزلت راسي: اها صحتها شنو ان شاء الله اكويسه


عميمه:اكويسه غير امتعبتني ماتاكل توا ابروحها رفعتاها الفطور ماتبيش


انا:توا انشوفها غير نرقا لي الشقه اندوش وانغير وانجي انشوفها


عميمه: به اربحي يابنتي


انا:عميمه وين مسعود نبي ناخد منه المفتاح ماعندي


عميمه: طلع من الصبح


خالي محمد: هل الفرخ ما يبي ايهني روحه لعند ايطيح في مصيبه


انا نسمع في كلام خالي وماسكه روحي بالغصب


امال:اي صح اهو مفتاحك عندي


انا: وينه


امال عطاته ليا استاذنت منهم وطلعت


رقيت من الدروج خانقتني العبره وخايفه ايدير شي وفتحت الباب وخشيت الصاله قعمزت نبكي والله ماعندي طاقه نتحمل يبعد عني انا ماصدقت علاقتنا رجعت حلوه مانبيش يبعد عني 😭😭😭 ليش ديما ماتكملي فرحه بكل

ورفعت رسي نبكي ركزت في 😱😱😱😱😨😱😱😱

.

.

.

.

.

.

.

.

مسعود برود:ها

حسن: وينك انت

مسعود:شن تبي

حسن: ..........

يُتبع ..

reaction:

تعليقات