رواية هروب ما بعد اغتصاب الحلقة السادسة عشر 16 بقلم ميرو أحمد

 رواية هروب ما بعد اغتصاب الحلقة السادسة عشر 16 بقلم ميرو أحمد

رواية هروب ما بعد اغتصاب الجزء السادس عشر 



رواية هروب ما بعد اغتصاب البارت السادس عشر 


احمد: صباح الخير
مريم وميس: صباح النور
احمد: شن حالك يما
مريم: الحمدلله احسن قعمز افطر
احمد: لا ماعنديش نيه اصلا مستعجل نبي نطلع
مريم: وين بدري
احمد: عندي ابضاعه بنزلها في المحل
ميس: غير افطر بعدها امشي لاحق عليه الشغل
احمد: قتلك ياميس شوفي انتي وامي شن تبو حاجات و نواقص وابعتيهم ليا
ميس مستغربه: نواقص شنو
احمد: نواقص للخطبه وحاجات الي يلزمنكم
مريم بفرحه 😍: جديات وافقت
احمد بغصه: اي
مريم بفرحه: لولولولووووووووووي 😍😍 واخيرا حطيت عقلك فراسك وعرفت الصح هدا ولدي الي ربيته
ميس مضايقه علي خوها:ربي ايهنك احميده
احمد وقف: خلاص ميس شوفي امي شن تبي وانتم شن ناقصكم ابعتيهم ليا في رساله ولا كلمي محمد
ميس: تمام
مريم:قعمزي يا وليدي هدرز ليا زمان علي هدرزتك
احمد: مره تانيه يا امي عندي شغل توا
مريم : عدي مربوحه ربي يفتحها في وجهك وايفرحك زي مافرحتني اليوم
احمد ابتسم بمجامله وطلع

مريم التفت علي ميس بفرحه: مش قتلك بيوافق ولدي ونعرفه
ميس: بس ماشفتي وجهه كيف حزين واضح الزعل وكيف ناقص عن قبل كله مجامله علي خاطرك ومايبي ايزعلك بس انتي ياريت اديري حاجه وحده بس علي خاطره واتفرحيه و اتوقفي هل الزواج الي من بداية غلط واساسه غلط مابيكون سعيد بيه
مريم: اسكتي انتي اهو خوك وافق و راضي جيبي ورقه خلي نكتبو الحاجات الي بنشيلوها لبيت خالتك
ميس: بس وافق ع احساب سعادته وانتي مش هامك ولدك عمره الزواج ماكان بلغصب
مريم: مش ناقصني نكد لو بتقعدي اتنكدي عليا اتصلي براجلك خلي ايروحك بيك فكينا من الصداع ع الصبح
ورفعت تليفونها واتصل بااختها فرحه وتحكي امعاها ع الخطبه والتلبيسه

ميس هزت راسها بحزن وطلعت من جنب امها

.
.
.
.
.
.
.

ايـه فاقت الصبح بدري كانو الكل راقد طلعت لي الجنان مخنوقه ادموعها ينزلو تقرا في الدردشات الي بينها هي واحمد 💔💔😭
رفعت راسها فوق شافت كان ولد جرانهم واقف ع البلكونا ايشوفلها 😨😨
قطع عليها صوت تليفونها رن كان رقم غريب
ايه خافت وسكرت ع الرقم وقفت بتخش داخل لانه لوشافوها خوتها اديرو مشكله رجع رن تليفونها نفس الرقم

ايـه ردت وفتحت الخط
ايـه: الو
،،،،،،: ،،،،،،،مافيش رد
ايـه: الووو من امعايا
،،،،،،:،،،،،،، (نفس الشي مافيش صوت)
ايـه: الوو
،،،،،،:،،،،،،،،،،
ايـه: استغفر الله لو ماتبوش تتكلمو ليش تتصلو من الاول
صكرت وخشت داخل تالقت امع مؤيد
مؤيد: صباح الخير
ايـه: صباح الورد وين واعي بدري احمار من بيموت
مؤيد: هههههه احمارك انتي
ايـه: عليك احناطه زيد عني غادي مش رايقتلك بكل
مؤيد: اصلا مستعجل ماشي لي المطار
ايـه: شن عندك في المطار
مؤيد: بنجيب امال من المطار
ايـه: حيي امال رجعت
مؤيد: اي ماتحكيش لحد لانه مفاجاء اخص خالي علي
ايـه: تمام
مؤيد طلع لي المطار ايراجي فيهم لانه طيارة امال الساعه 11 هو يحساب 8 😂😂😂 مسعود قاله هكي عشان مايبي يتاخر عليها 😂😂😂
.
.
.
.
.
.
.
.
انفتح الباب وخشت بنت باينه في بداية العشرينات ملامحها حلوه وبسيطه وفي ايدها ولد اصغير
مسعود: تفضلي قعمزي
البنت قعمزت: قلت تبيني
مسعود ابتسم: اي
البنت نزلت الولد كان واضح عمره سنه ونص يمشي
البنت: شن الموضوع الي تبيني فيه الحق شغلتني
مسعود: اول شي الحمدلله علي سلامتك وشن اخبارك واخبار امريكا
امال: الحمدلله بخير انت شن اخبارك وخالي كيف صحته
مسعود:كلهم بخير وين مؤيد ماجاش امعاك
امال: لالا خليته تحت قال بيحط الشناطي في البيت وايرد عليا شن الموضوع الي تبيني فيه ليش ماتبي تحكيه في البيت
مسعود صبا وجاء قعمز جنبها ورفع الولد حطه علي رجله
مسعود : شن اسمك يابطل انت
يزن: زن
امال ضحكت: اسمه يزن مزال مايتكلم اكويس
مسعود ابتسم:يزونه صار اسمك
يزن يضحك ويلعب بالقلم
امانل: شغلتني مسعود شنو الموضوع الي متعلق با اختي والله بعد كلمتني وقتلي ريناد قاعده عندكم ماقدرتش نصبر كلمت وليد قتله نبي نرجع لي ليبيا بس هو اعترض في الاول عشان عنده شغل بس انا اصريت عليه وقنعته عشان انجي ابروحي وهوا يلحقني بعد يومين وكيف جتكم ريناد علي حسب علمي بوها مانعها عنكم ماخلاكم اتشوفها
مسعود: اب ريناد توفى و ريناد جبناها امعانا عشان اتعيش امعانا
امال بحزن: ياروحي عليها 😭 قعدت ابروحها مسكينه
مسعود: احني امعاها يا امال
امال: به نبي انشوفها من زمان خاطري انشوف اختي بس بابا الله ايسامحه من ماما اطلقت منه ماخلاني نتواصل امع ماما لعند ماتت وحتي اختي مانعرفاهش وحتي انتم بعد توفت ماما بس خلاني نتواصل امعاكم وانجيكم
مسعود: توا اتشوفيها لين اتملي منها
امال بفرحه: كيف شكلها باهي سمحه تشبه ماما ولا لا
مسعود حط ايده علي لحيته وابتسم يدكر في شكلي و ملامحي وكيف اول مره شافني
امال ضحكت: هييي وين رحت
مسعود ضحك : والله المنجوه اختك ماخلت فيا عقل
امال ضحكت: ماتقولش طحت 😍😍😍 علي اساس ماتأمن بالحب وما بتحب فحياتك 😂😂😂 شكله فاتني شي واجد
مسعود ابتسم: مش غير طحت ادبست فيها 😂😂 بس والله تشبه عمتي نجاة نفس الملامح والحركات كل شي نسخ لصق غير ريناد اقصيره بس
امال بفرحه: صاح 🥺 علي اقل انشوف ماما فيها لاني انحرمت من شوفتها صح خلتني وانا صغيره عمري شهر بس بعد اكبرت عرفت عندها حق تطلق من بابا كيف تحملت اتعيش امعاه لانه واعر و ايدا ع الضرب مرته التانيه امسود عيشتها هي وعويلها الحمدلله الي جا من قلبه خلاني عند جدي ايربيني كان هدا تعذبت امعاهم
مسعود: الله يرحمها ويغفرللها خلاص كله ماضي اهو انتي توا بحوشك وراجك ومن زيك عايشه في امريكا وامحصله راجل محترم
امال: الحمدلله كله ماضي ع قولتك نشقو بالحاضر خير المهم هيا خلينا انروحو نبي انشوفها
مسعود: استني خلي نحكيلك قبل وانتي مستعجله
امال: معاش عندي صبر نبي انشوف اختي محرومه منها اسنين
مسعود: ههههه غير اصبري بس ريناد ماتعرفش انه عندها اخت
امال انصدمت: بجد تحكي
مسعود:اي لانه بوها مش حاكيلها انها عندها اخت من امها صح هي تعرف انه امها كانت متزوجه قبل بوها بس ماتعرف عندها اخت
امال: قداش نكره بوها هذا وفوقها باتي نكرهم الاتنين واحد حرمني من امي والتاني حرمني من اختي
مسعود: الله غالب اهو توا تجتمعو امع بعض مافيش حد ايفرقكم
امال: ان شاء الله
مسعود: في حاجه تانيه
امال: شنو
مسعود: انا و ريناد اتزوجنا
امال بصدمه: احلف
مسعود: والله العظيم
امال:و امتى
مسعود:من ايام بس ما لينا واجد 4 او 5 ايام تقريبا
امال: ياخاين تتزوج وماتقولي لو حكيتلي جيت ع الفرح
مسعود: جاء بسرعه مادرناش فرح قرينا الفاتحه وعزيمه صغيره
امال:علاش الطف ليش
مسعود: ماهو علي خاطر بو ريناد
امال: كان رجيتو
مسعود: كنا مطرين نزوجو
امال ضحكت: شكلها خدت عقلك الي معاش اقدرت تصبر
مسعود بعد ادكر شن سبب زواجنا كشر وجه
مسعود: المهم احني بعد جت ريناد ماحكينا قدامها شي عنك وانا جبتك هنا نبي نحكيلك كل شي يتعلق ب ريناد بس رد بالك تحكي لحد لين هي تحكيلك لانه في البيت مش حانخدو راحتنا في الهدرزه علي خاطر هدأ جبتك هنا
امال: هيا احكي نشفت قلبي من امبدري
مسعود ضحك: باهي وانتي بتاكلينا قول لي ماما بالشويا علي عمو
يزن يضحك: ماااامااا
مسعود ضحك وباسه وقعد يحكي في قصة ريناد من البدايه لعند شن صار امعاهم امس حكالها علي كل شي لانه امال كانت صديقه مسعود وديما يحكو لبعض لهذا هوا كان امامن فيها وحكالها عن كل شي وحتي عن مشاعره لريناد
امال زعلت علي اختها واجد بس فرحت انها طاحت في شخص زي مسعود عارفه انه بيحطها في اعيونه بالخص انه حبها وهدي اول مره ايحب فيها بنت ❤️
امال: خزي عليك عليش تضربها
مسعود: ماتحملت بدت تغلط في الكلام
امال: اكيد كله من الكلبه روان
مسعود ضحك: ومتخيله انه انا انحب روان وانخون فيها
امال بقهر: قاعد تضحك علي قهرتك ولا شنو ضاربها وانت عارف انها غايره عليك من الكلبه اكيد عازقه كلمه ليها
مسعود: حتي الغيره عندها احدود وتدكر في اسم راجل تاني وهي علي ذمتي ولا فوقها شخص مغتصبها وتتمنا انه تتزوجه مافيش اي راجل يتحمل هل الكلام
امال: وانت ابروحك مش داير فيها خير حرام عليك فوق ماتعرفها بريئه ومظلومه اتزيد عليها انت والزمان عليها حرام والله مانعرفكش هكي
مسعود: بس حتي اختك غالطه من البدايه وانا ديما انساير فيها
امال: حتي كان غلطت مفروض ماديرش فيها هكي هي اعتبراتك سندها في الحياه بس انت زدت كسرتها هي لجئتلك اول االناس وتقت فيك وحباتك بس انت
مسعود تنهد بحزن: اووووف وربي اتعبت شن الحل باهي صح حبيتها بس مش قادر انسامحها علي كدبتها عليا وانتي تعرفيني اكتر شي نكره الكذب
امال: غير نوض نمشو توا انديرو حل لقصتكم
مسعود صبا ورافع في يده يزن: شفت امك توا بتحل مشكلتي رد بالك اتقول لحد باهي
يزن يضحك مش فاهم شي

طلعو امال ومسعود امع بعض
وصلو للبيت استقبلتهم اعميمه لانه مؤيد خبرهم بعد جاب شناطي امال في الوقت هدا انا كنت راقده 😂 مانعلمش شن صاير تحت جت حتي تهاني و روان تقول ماعندهم بيت 24 ساعه طالعات قعدو ايهدرزو كلهم فرحو بيها وخالي علي فرحان لانه كانت امال بعد اتجي اتبات امعاهم تقعد امع خالي علي و امال كانو اقرب من بعضهم واجد كانهم خوت بس من تزوجت امال وسافرت قعدو تواصلهم من فتره لفتره طبعا امال م 94

.
.
.
.

انا :السلام عليكم
الكل: وعليكم السلام
اعميمه: وين يابنتي هدا كله نوم
انا تحشمت: والله ماحسيت علي روحي من التعب
امال ادقق فيا: من هذي يا عمتي
اعميمه:هدي مرت مسعود ريناد وريناد هدي امال
انا سلمت عليها: اهلين امال
امال مسكت يدي وصبت اعيونها امعبيه ادموع اشوفلي تبكي وتضحك 😭😭 وحضنتي بالقوه
انا استغربت من هذي لعند تحضني هكي وكانه نعرفو بعض من قبل المشكله اول مره انشوفها
الكل ساكت
انا حطيت ايديا بنبعدها مني خالي محمد تكلم
خالي محمد: ريناد هدي اختك امال
انا انصدمت وبعدتها عني: ءءاختي
امال تبكي: اها اختك
انا مزلت مصدومه: كيف اختي وانا ماعنديش خوات
خالي محمد: اختك من امك
انا وقفه مصدومه: كيف امي عندها بنت وماتحكولي
مسعود: كيف بنحكولك هو بوك حتي نحنا قطعنا ومايحكيش امعانا ومايبيك اتواصلي امعانا اد كان انتي لعند مات بوك ماتعرفيش انه عندك خوال كيف بتعرفي عندك اخت من امك قبل لا تتزوج بوك
اعميمه:بالشويا عليها يامسعود خليها تستوعب
خالي محمد: امك قبل ما تتزوج بوك كانت متزوجه اب امال قعدو سنه امع بعض ماتفاهموش اطلقت منه هو خدا منها امال وبعدها باتي زوج نجاة لبوك وقاله انه المرحومه نجاة عندها بنت من قبل في الاول اعترض الزواج بس بعد عرف انه النتامع بوها وعنده الحضانه وافق وازوجو
انا انشوفلهم بصدمه: قصدكم انا عندي ءءء ااخت ،،،،،نزلو ادموعي 😭 يعني انا اخت اكبر مني
امال ابتسمت وتمسح في ادموعها: اي ياقلبي
انا قعدت نبكي احساس حلو وغريب بعد اتكون وحيد تتكتشف انه عندك اخت مش ابروحك
امال تبكي: ماتبيش تحضني اختك
انا نبكي 😭 الكلمه ابروحها اتشق القلب من رهبتها قداش ماك اصغيره يادنيا كل يوم نكتشفو فيك حاجه جديده
حضنتي امال تبكي
امال:الله ايسامحهم فرقونا من بعض
انا اول مره انحس بشعور هدا شعور دافي رفعت ايديا ولفيتهم عليها ونبكي 😭😭 الساني ارتبط مش قادره نحكي غير انه مصدومه يعني كلهم يعرفو ماخبروني ولا جابو سيرتها حتي بعد قعدت امعاهم
يزن قعد يبكي مسعود ايسكت فيه
مؤيد: الباشه خرب لقاء الخوات
امال ضحكت :كان يبكي لعند بكرا مش رافعته
مسعود: تبي راجلك ايجينا من امريكا يجري ع رجله 😂😂😂
امال:مادخلنيش فيه لا هو لا ولده اختي اهم منهم اول مره انشوفها اما هم شابعه من شوفتهم
خالي علي: غير راجي خلي انصورك فيديو واعترافك انوريه لي وليد توا اتشوفي
امال: عليك سماطه ياعليوه حتي هو ادير في ادرامه ماعرفش يبكي غير توا
يزن اعيط ابكوات 😭😭
مسعود: تعالي شديه هل المنكلب
انا ضحكت نمسح في ادموعي: عادي نرفعه
امال: ارفعيه كان يسكتلك
انا رفعت يزن من مسعود قعدت انهز و انضغضغ فيه وهو سكت قعد يضحك
انا نضحك: نجك ليا ياخالتو 😍😍 عليك قنانات
يزن يضحك 😂😍
انا: عسل
امال 😍: غربيه قبل مايسكت الا علي ايدي حتي من بوه مايسكتله
انا :هههههه ايهبل بكل الفرخ
مؤيد:هههه عاد خالته انتي اكيد زي امه
مسعود: باهي يا امعفن كان رفعتك مره تانيه 😂
يزن قعد يضحك وايكر في وشاحي
امال تضحك: هههه تي مفروض انا الي نحضنك من الفرخ هدا 😂😂😂
انا : 😂😂😂 كنك امعاه الطشه
مؤيد:ماهو غايره منه
امال:اشح الفرخ كيف يضحك
انا:محلاها ليا زمان مارفعت عيل اصغير لاني انحبهم واجد
اعميمه ابتسمت: ان شاءالله انشوفو اصغارك انتي ومسعود يارب
امال: امييين يارب،،،، وقعدت اترقص في حواجبها لي مسعود
مسعود فهم عليها قعد يضحك 😂

قعدنا انهدرزو وامال تحكيلي ع حياته وامتى اتزوجت وكل شي عنها والكل منسجم ويهدرزو و يزن امداير جو فيهم الا روان و تهاني امعمزين تقول ميتلهم حد لا يضحكو ولا يتلكمو

امع العصر درنا عصريه وهدرزه طلعو خالي محمد وخالي علي
قعدنا صبايا ابروحنا طبعا مسعود قعد اشويا امعانا بعدها رقا فوق يرقد لانه مارقدش طول اليل ومؤيد كا العاده طلع امع اصحابه

درنا عشاء اجواء ولا في الخيال احساس حلو يزن كان في يدي طول اليوم ماطلقته مادورش امه نهائي
جو الشباب وحطينا العشا وحسيت ايـه جوها تغير اشوي اتهدرز امعانا واسيل قاعده امعانا لين ايـه تحسن اشوي

امال تضحك: كيف يا عمتي تاخديها لي ولدك ماتعرفش اطيب 😂😂😂 شكله غداهم وعشاهم عندك
اعميمه ضحكت: هههههه تتعلم عادي علي قلبي زي العسل يتغدو ويتعشو عندي عادي مرحبتين بيهم انا ماعندي غيرهم
انا ابتسمت 😍: نجك ليا يا امي هههههه اسمعتي صح
امال: وين كلامك قبل صح اتقولي مانخدش بنت بايره وماتعرفش اطيب ولا اتنظف
اعميمه: لا ريناد مش بايره عاد شفتها بعيني نظايفيه وماشاءالله عليها حتي التطيب تعرف بس حاجات معينه وخفيفه وبعدين هي ومسعود بس اديرو اي حاجه ولا ياخدو من المطعم ما يوحلو في شي اهم شي راحتهم
ايـه: اقوه العمه ادافع علي كنتها البايره تي مفروض كنتك هي قايمه بالعزومه مش احني 😂😂😂😂
روان ضحكت: اي صح 😂😂
انا ابتسمت: هو راضي وانتم كنكم محروقين
اعميمه: ماتعدليش عليهم
تهاني: اي وانتي دافعي عنها توا تنكلب عليك ما ادلعيها واجد لانه بعد تالقاك ساهله امعاها تحقرك
انا فتحت اعيوني مصدومه
اعميمه: حشاها بنتي اصليه تنعرف من معدنها وريناد لو مانعرفها اكويس راه مازوجتها لي ولدي
تهاني: الي عليا نصحتك انا
امال: ماتعديلش ياعمتي ريناد مش هكي
تهاني: والله الي عليا قلته ديما نسمع بيهم الي الدلوعات الي يتزوجو علي اساس مايعرفوش ايطيبو ولا يخدمو وغيره وغيره اخرهم طلاق الوحده لو مش قد الزواج ماتتزوج
اعميمه اضايقت من اختها: انفعي بنتك بالنصيحه هدي ماتعطيها لناس لعند تتعلم
انا حسيت الجو تكرهب صبيت: صحه انشوف يزن نعطيه مرضه
امال صبت:تعالي انديرها ليك انا
طلعت امع امال رفعت يزن خشيت بيه المطبخ امعاها
لحقتنا ايـه
ايه: يعطيها غمه انشاءالله درهولي كبدي من الصبح
امال:علاش جايه هي من كلمها
ايه: غير اسكتي هم كل يوم والتاني جاين هنا تقول فاتحيهم اقامه مافيش حد طايقهم امي مسكينه اتساير فيهم وهم ديما يتلصقو عليها وبعد تزوج مسعود بدو يعزقو في الدوه ع ريناد
يبو ماما تكره ريناد واديرلها مشاكل
امال: استغفر الله كنهم حاطين راسهم من راس ريناد
انا: خليهم ع راحتهم مافيش حد امعبرهم
امال ادير في حليب يزن: مسكينه عمتي ادفع
انا ضحكت: احلا مافيها اعميمه ادافع عني ديما
ايـه: اي

اعميمه: ياتهاني شنو الكلام اتقولي فيه قدام البنت حرام عليك والله البنت اكويسه
تهاني: قالك اكويسه تي واضح عليها مسمومه من تحت لتحت
اعميمه: كانهي مسمومه را ردت عليك بعد غلطتي فيها و هدا اكبر دليل انها بنت ناس ومحترمه ماتردش علي اكبر منهم
تهاني: قدامك ادير هكي
اعميمه: غير صكري عليها السيره معاش تفتحيها ما دخلكش فيها ريناد كنتي انا مش كنتك لو غلطت نعرف انحاسبها انتي مادخلك البنت يتيمه حرام تجرحيها بكلمه
تهاني مش عاجبها كلام اختها: روان شوفي خوك كنه طول
روان:توا انكلمه
اعميمه :وين بدري
تهاني: لا وين بنروح لبيتي تاخر الوقت اتصلي بخوك
روان اتصلت بي وليد وقتله تعال روح بينا

.
.
.
.
.
.
.
.

جلال: اي نبيك ادبرلي مكان بعيد من هنا واهم شي مافيه شبكه
الولد: تمام
جلال: ماتنسا الي وصيتك عليه
الولد:تمام
جلال: خلاص انا بعد نطلع من المستشفى انكلمك
الولد:تم
جلال صكر

سالمه:توا متاكد انه الفلوس بيرجعولنا وانه هدي ماتكدبش عليك
جلال: هي شن مصلحتها كلها تبي مسعود ليها تبي اتفرق بينهم وهدي نقطه مشتركه بينا
سالمه: انسيت انه املاك ريناد باسم مسعود
جلال:لا ما انسيت
سالمه: امال شن مصلحتك منها
جلال ابتسم بخبث: كل شي في وقته حلو
سالمه: حاسه في حاجه املبدها عني
جلال: لا والله ماقالك الدكتور امتي نطلع
سالمه: امطول دون تطلع تبيلك اسبوعين ثلاثه
جلال: اوووف واجد
سالمه: اما واجد كان طلعت من بيعنيك انا مريضه مافي حد بيشقا بيك علي اقل هنا في ممرض يهتم بيك
جلال: ماطلبت منك شي غير نبي نطلع من هنا
سالمه: توا انشوفو الدكتور لكن قال لين يجبر عظم الحوض بعدها ايطلعك لانه مشعرن
جلال: وربي اندمك عليك يا مسعود

.
.
.
.
.
.
.

ايـه: ريناد اليوم باتي امعانا خليك
امال: اي صح عشاني
انا:هههه اصلا بنبات من غير ماتحكو
اسيل: العفو خلي اتشاور راجلها
امال:اكيد مسعود مابيقول لا
مسعود خش و رافع يزن
مسعود: لا اهو قلتها
امال: حرام عليك خليها اليوم بس عشان خاطري
هتمسعود: شن هوا
ايـه ضحكت: وربي مش فاهم حاجه
مسعود : تعالي ارفعيه العفن مني عاملها
انا رفعته: حرام عليك توا هدا عفن 😂
مسعود: غير شمي ريحته وبعدين تكلمي
امال: حي عليك يامسعود روان كبدت في يزن ومعاش طلقاته
مسعود:هههههه وخيرا حي عليا
امال: معاش بتفضالك بكل
مسعود: غير ايجي راجلك ويرفعك منا توا انحصلها
امال ضحكت: لا ياقلبي انت امريكا معاش رادتها بنقعد هنا علي قلبك باهي وبناخد ريناد منك
ايـه: هههه وليد وين
امال: يبيني يقعد امعايا هنا في ليبيا مايبي يقعد حدها ورقتي توصلني والسلام عليكم
مسعود ضحك: وعادي اتعيشي بلا وليد ويتنزوج غيرك
امال: لا اصلا مايديرهاش
انا: لو ايحبك ادير اي شي علي خاطرك
امال: يانعليا قلتي ايحبني بس غير مسعود قاعد نتحشم 😂😂
مسعود: ماشاءالله واضح تتحشمي
امال: ماهو انت لصقت ماتبي تطلع
مسعود : اهو طالع ياهمي المهم قلت لا بعدين شنو الموضوع
اسيل: وانت ماتعرفش شنو قلت لا
مسعود: الحاصل الي هوا لا
انا: انا نبي انبات امع البنات هنا
مسعود: لا باتي فوق الصبح انزلي كان تبيهم بس ابيات لا
انا: تي شن يفرق لو بنتت هنا زي فوق
مسعود: اهو قلتيها شن يفرق معناها سوا ابيات ممنوع
انا: حرام عليك علي خاطر امال خليني انبات
امال: خليه البارد هدا مايعرفش في الجو بكل وقت برادتك توا والله نزعل منك
مسعود: ازعلي ياحنه علي اساس ميت علي ارضاك 😂😂
اسيل: كنكم امعا خلاص راجل يبي مرته بعدين هم عرسان مزال
مسعود ضحك: اهي الي تفهم في الجو
انا 😒😒: هو يوم واحد بس
مسعود: قلنا لا
ايـه: خلاص قال توا لا مش حايغير كلمته
انا طارتلي منه طلعت بيزن عشان انغيرله

امال: حرام عليك والله
مسعود:ههههه هيا تصبحو ع خير قولوله ماطولش الساعه 12 اتكون في الشقه
امال:باهي
طلع مسعود

ايـه: قتلك ادره هدا امولي
امال:ما عليك منه توا انربيه انا
ايـه: هههههه مسكينه ريناد لقيها ساكته وهاديه متحكم فيها
امال ضحكت: قلتي ساكته كان هدا ماقلبت مسعود وطيحاته تي واضح عليه من اعيونه امبدري بياكلها
اسيل:في هدي عندك حق 😂😂😂 كله ولا يخطر عليا يوم الزرده 😂😂😂 وقعدت تحكيلهم
انا غيرت لي يزن رقد طول خشيت لبنات انساعد فيهم كملنا تغسيل الماعين
طلعنا لي الجنان انهدرزو الصراحه انا كانت طايرتلي من مسعود تعكر جوي هدرزنا اشوي واحكتلي امال علي قصتها هي وليد وكيف تعارفو واسيل حكتلنا شن صار امعاها امع مؤيد
اسيل: ايـه تليفون من امبدري ايهز
ايـه: هدا رقم غريب من امبدري شادها في جرتي
انا: بلكي احمد
ايـه: لالا مش هوا نعرفه احمد
اسيل: مرات احمد ردي
ايـه دمعو اعيونها: لالا رديت مش هوا لانه نعرف النفس احمد ودقات قلبه اكويس مش هوا حد تاني مستحيل ايكون احمدد لاني حافظته لاني ديما انقوله ماتسكرش نبي نسمع نفسك ودقات قلبك لين نرقد ايحط تليفونه علي صدره نقعد نسمع فيهم 🥺😭 😭😭
انا وجعتني: ياقلبي سامحيني دكرتك
ايـه تبكي: هوا انا امتى انسيت لين دكرتيني
امال: خلاص حبيبتي ما اتعبي روحك وبي مايستاهل سيوره يندم وايردلك
اسيل: مشناها بنت خالته نعرفها في الكليه عار امزيته
ايه: قصدك تعرفيها
انا غمزت لي اسيل انها تسكت
اسيل فهمت: لا مانعرفهاش بس انشوف فيها في الكليه
ايـه:علي كل حال غيروها السيره مانبيش نسمع شي عنهم انا الي وجعني انه استغفلني وكذب عليا وقال امسافر هو خاطب وعايش حياته وايقولي انحبك يا ايه ويبي يقنعني انه جبروه ياخدها مافيش راجل ينجبر علي زواج نسمع البنت يجبروها علي الزواج اما الراجل ماينجبر
امال: ماتعرفيش الضروف
ايـه:كل شي نصيب فوتي السيره مانبي انكد عليكم
انا: انا اسمحولي بنرقا قبل ما هل المعقد ايديري مشكله الساعه قريب 2 هو قالي 12 ارقي
امال: مصيبه الفرخ هدا ماشفت اعناده عند حد
انا:والله امس دارلي مشكله عشان تاخرت انقول رقيت الساعه 1 تقريبا
اسيل: امشي ياحنه اكيد يبيك 😂😂😂
انا:هههه تصبحو ع خير
البنات: انتي من اهل الخير
امال:حتي انا بنرقد تعبانه من السفر
اسيل:ئغير زيدي هدرزي لحقه عليه النوم
امال:لا ياحنه معاش قادره انجامل
ايـه: هيا حتي نحنا نمشو انرقدو
رقيت فوق لشقتي والبنات خشو داخل

خبطت ع الباب فتحلي مسعود
مسعود: وين مفتاحك
انا خشيت: ماهو حضرتك خديته مني امس
مسعود سكر الباب: صح قتلك 12 اتكوني هنا
انا: والله خدتني الهدرزه
خشيت الدار وخليته سلحت وشاحي
مسعود وقف ع الباب: بخصوص امس اليل
انا 🥺: مسعود ممكن تطلع نبي انغير
مسعود ضحك بخبث:لا مش طالع صح راجلك عادي غيري قدامي
انا بي تهزي:بعد اتكون راجلي حق انغير قدامك
فتحت الدولاب وطلعت توته التفت لورا نلقا مسعود في وجهي
انا خفت: بعد اشوي
مسعود شبحلي بطريقه حلوه: امممم شن معنى كلامك تبيني نقعد راجلك 😏
انا توترت: مافيش منه الكلام هدا
مسعود مسك خصلة اشعري: اممم بس اعيونك يحكو غير
انا زدتت توترت: مسعود بعد
مسعود ابتسم: وكنك ترجفي
انا سكتت انشوف في اعيونه
مسعود مسك ايدي وقربني منه ولف يده علي خصري
انا جمدت فمكاني ماقدرتش نتحرك
مسعود ابتسم 😍 ويلب بصبعه علي ايدي: كنهم ايديك باردات هكي
انا توترت من حركته: ءءءءء بعد عني
مسعود رفع ايده ومسك وجهي ❤️
مسعود ايشوفلي بحب باس خدي: اسف لاني ضربتك 💔💖
رجع باس خدي التاني اسف لاني وجعتك ❤️
ورجع باس اعيوني اسف لاني بكيتك
ورجع باس راسي ❤️ اسف لاني زعلتك
انا بعد قعد ايبوس فيا غمضت اعيوني 😍😍مش امصدقه مسعود يعتذر مني 😍❤️ صح كنت زعلانه منه بس اعتذاره نساني كل شي بس مصدومه منه ماتوقعته يعتذرلي بالشكل هدا ماحسيت بي روحي الا علي بوسه علي فمي ❤️ كانت بوسه دافيه وهاديه ماليانه حب ❤️🔥🔥🔥 في نص انسجامهم ادكر كلام جلال وخر عني بسرعه

مسعود شبحلي وكانه ايقول مش في ايدي سامحيني
وطلع
انا حطت ع الارض نبكي كيف يقدر يلعب بمشاعري هكي ليش ايقرب مني لو مايبيني ليش ليش مشاعري مش لعبه ليش ايحاسب فيا علي غلطه مش غلطتي ليش يظلمني 😭😭😭😭😭😭 بكيت من خاطري وانا المجنونه الي سلمتله روحي رفعت دبشي خشت الحمام كملت باقي ابكايا دوشت وطلعت علي طول رقدت 💔😭

.
.
.
.
.
.

مر شهر كامل من غير احداث من يومها معاش احتكيت واجد امع مسعود معاش انهدرز امعاها انوض الصبح انضم الشقه ننزل تحت امع البنات واعميمه انكسد لعند اليل انروح علي طول نرقد انتجنب فيه كان انشوفه امع اهله بس

امال بعد اسبوع روح راجلها قعدت امعانا اسبوع بعدها روحت امع راجلها لبيتهم
وايـه مافيش شي جديد في حياته غير امكملتها بكي طول اليل ونقصت واجد و ارقام الغريبه يتصلو بيها

روان اختفيت ماعش اتجي واجد وقاعده اتجهز لي خطتها هي وجلال الي طلع من المستشفى من يومين

واسيل مافيش جديد في حياتها
ومؤيد نفس الشي

وخالي علي ايجهز لعرسه حدوده بعد 3 اسابيع

يوم جديد علي ابطالنا

ايه كانت فاتحه الوتس وصلتها رساله من رقم غريب فتحت الدردشه كان مبعوت كلام وامعا صوره
ايه تقرا ومصدومه 😭😭😭😭 اغمى عليها
.
.
.
.
.
.

امال: وليد مضايقه بكل نبي نمشي لي ريناد انشوفها
وليد: انتي كل يومين نبي اختي لعند انسيتني
امال: والله حبييي قلبي نار عليها وراس حبيبي ارفعني
وليد: باهي هيا
امال فرحت باسته: نجك ليا غلاي
وليد: يانعليا المحروم اطلعي خير من انفوتها المشيه
امال: ههههه 5 دقائق بس وخشت تجري

.
.
.
.
.
روان: هدا وقت المناسب ابسرعه نفد الخطه
جلال غطه وجه: تم ونزل من السياره واضح مشيه تقيله ويعكز عليها
.
.
.
.
.
.
.
انا:زعما شن صار فيهم
روان: مانعرفش الحق اشويا وانجي بنخش الحمام
انا: به
مشت روان
انا قعدت ابروحي حسيت بحد حط ايده علي فمي وسكره
التفت 😱😱😨😨😨

يُتبع ..

تعليقات



حجم الخط
+
16
-
تباعد السطور
+
2
-