رواية وزة شيطان الجزء التاسع
رواية وزة شيطان الحلقة التاسعة
عز دخل على فوزية وهى نايمه..
وقرب منها وقعد جمبها وابتدى يلمس جسمها...
تالا بتتكلم فى الفون مع الرقم المجهول
تالا.. كل فلوسك هتوصلك على كل عمليه
زى ما اتفقنا بس المهم مش عاوزه اشوف
وشك خالص
انت فاهم ولا اقولك اطفش
الرقم.. انسه تالا فى حاجه عاوز اوضحها
ضرورى
تالا.. اتفضل وانجز
الرقم.. انا فعلا عملت فيديو وصورت الدكتوره
وضربتها لحد ما نزفت
إنما موضوع خالتك انا بريئ منه مقتلتهاش
تالا.. نعم انت بتهزر صح؟!
الرقم.. انا مقتلتهاش فعلا
تالا.. ازاى انا دخلتك الڤيلا بنفسى وطلعتك لحد
اوضتها
الرقم.. حصل بس انا لقيتها مقتوله خوفت ونزلت
بسرررعه
تالا.. قفلت السكه ومذهوله.
.. اومال مين قتل عبير؟؟؟!
فى شقه محمود..
الإسعاف وصلت وخدت سعاد وكانت جثه لا تنطق
محمود ركب معاها وقعد جمبها وبيبكى
ومسك ايدها وبيتكلم معاها وهى مش حاسه
.. حبيبتى سعاد ان شاء الله هتكونى كويسه
انا عارف مين اللى عمل فيكى كده
هو الكلب عز انا مش هسيبه
الكلب عاوز يسقطك علشان يخلص من الحمل
ويخلص عليكى بس انا مش هسيبه
وحيات حبى ليكى
انا طول عمرى بحبك وانت مش حاسه بيه
وعايشه معايا غصب عنك
يارب يارب انقذ سعاد
سعاد بتنزف دم بغزاره ولما وصلوا المستشفى
دخلت طوارئ وبعد الكشف عليها
الدكتور خرج من غرفه الطوارئ وكلم محمود
.. انت جوزها
.. ايوه يا دكتور انا جوزها هى كويسه
.. للأسف المدام نزفت كتير وده خطر عليها
وفقدت الطفل ودلوقتى حضرتك هتروح الاداره
تمضى إقرار علشان اعمل لها عمليه كحت وتنضيف ونقل دم علشان نزفت كتير
.. حاضر يا دكتور حالا بس ياريت تنقذوها
محمود خد بعضه وجرى على اداره المستشفى
ومضى الأقرار
سعاد دخلت العمليات وكانت فى دنيا تانيه
محمود واقف منتظرها وخايف عليها من المووت
بعد نص ساعه خرجت سعاد
وغايبه عن الوعى ولسه فى البنج
ودخلت غرفه العنايه المركزه
محمود جرى عليها وسأل الدكتور
.. هى هتبقى كويسه يا دكتور صح ارجوك
طمنى على فكرة هى دكتوره وانا كمان ممرض
وفاهم ايه اللى بيحصل
.. ارجوك يا استاذ حاله المدام صعبه ووضعها
سيئ جداً وخصوصاً أنها نزفت كتير
هى دلوقتى فى غرفه العنايه وبعد 24 ساعه
هتتنقل غرفه عاديه وان شاء الله هتبقى كويسه
بس ادعلها....
.. يارب يارب انقذ سعاد
فى الڤيلا..
عز قرب من فوزيه وابتدى يلمس جسمها
وهى نايمه ومش حاسه
ولمس شعرها ولمس بإيده شفايفها
فوزيه قامت واتخضت
ايه ده مين د. عز
مسكت جسمها وشدت الكوڤرته عليها وقالت
فين ماما!؟ يا ماما.. ماما
.. فى ايه مالك يا فوزيه ماما عند منه فى اوضتها
وبتقولك هى نامت
بس قوليلى انتى حلوه كده ليه!
.. انت بتقول ايه يا دكتور! عيب كده
.. عيب انى اتغزل فيكى ولا عيب انى
قاعد معاكى دلوقتى
فوزيه بتحاول تقوم من السرير وبتبعد عنه
هو مسك ايدها وقربها لى وقال
ايه رأيك تحبى نتجوز
.. انت مجنون يا د. عز ارجوك اطلع بره
.. هو الجواز حرام على فكره لازم تشوفى
حياتك كفايه لحد كده انتى تقريباً من سن اشجان
وشوفى دلوقتى هى عندها بنات على وش جواز
صدقينى انا فرصه بالنسبه ليكى
انتى بالذات
هى مذهوله من كلامه ونظرات عينها كلها اسئله
بتبصيلى كده ليه يا فوزيه
عاوزه تعرفى ليه انتى بالذات
علشان عارف انك بتحبينى من زمان فاكره
.. انا عمرى ما حبيبتك انت جوز بنت خالتى
وانا عمرى ما اخون
.. دى مش خيانه اشجان مش فى حالتها الطبيعيه
اتغيرت خالص ومهمله فيه عارفه دى احيانا
بتكلم نفسها وانا مستحمل
وبعدين انا راجل وليه حقوق ومحتاج ست
تكون جمبى لما احتاج لها
تنام فى حضنى احس انى راجل
إنما اشجان خلاص مش نافعه غير ام لبناتها وبس
وكمان اهملت بناتها
.. ارجوك يا عز اخرج بره
.. شوفتى انتى قولتى عز يعنى موافقه
وقبل ما تردى لازم تعرفى انى مناسب ليكى
وهسعدك وهعملك ڤيلا اكبر من دى واحسن منها
بس وافقى
فوزيه قالت فى سرها
لازم أوافق واجيب اخرك يا عز
وقالت بس بشرط
رد وقال موافق
.. بس انا لسه متكلمتش؟!
.. انا موافق على اى حاجة بس انتى تكونى مراتى
.. جوازنا يكون علناً الكل يعرف بيه
عز ارتبك وقال
اوك بس مش فى الاول لحد ما أدبر أمورى
وقرب منها وخدها فى حضنه
وفى وزة شيطان فوزيه مستسلمه لى وكأنه
بيسحر لها
وفجأه قام من حضنها وقفل باب الاوضه بالمفتاح
فوزيه نايمه على السرير وعينها على عز
ومتشوقه
عز شاف خيال وقال مين واقف ورا الباب
.. انت نسيتنى معقووول؟
.. انا مش شايف غير خيال وبس
.. انا عبير يا عز
.. عبير مين؟!
.. حبيبتك يا عز لدرجه دى انت حقير اوى كده
مكنتش اعرف انك ندل
انت ندل يا عز والله ندل وحقير
فوزيه.. عز انت بتكلم نفسك؟
عز قال بصوت عالى عبير عبير
عبير صوتها بيبعد وبتقول انت حقير وندل
عز استوعب انه خيال
بص ل فوزيه وفتح الباب وخرج وهو مرعوب
ووشه اصفر من الخووووف
فوزيه قامت وقفلت الباب وبتكلم نفسها وقالت
ياااه انا نسيت نفسى خالص عز حسسنى انى ست
ومحتاجه حضن راجل فعلا
وانا فى حضنه كنت حاسه انى طايره
يمكن مش بحبه بس يكفى انى حسيت انى ست
وليه احساس
انا اتنازلت كتير لحد ما عنست 🥺
وعديت الأربعين يااه على وجع القلب
البنات اللى كانت بتقولى يا ابله اتجوزت
وانا عانس عانس😭
عز دخل اوضته وكانت اشجان نايمه
نام جمبها وتفكيره فى عبير
الڤيلا ضلمه والكل نايم
وكل واحد فيهم فى مشاكله وهمومه
وفى صباح اليوم التالى..
تالا نزلت من غير فطار على الكافيه بتقابل ياسين
منه صحيت على صوت الخاله وقاعده معاها
بتشوف الكف لتالت مره
هدير جاهزه ونزلت تسبق عز على العربيه
علشان تروح النيابه وتتدلى بأقوالها
فوزيه نزلت الصالون وقاعده
عز نازل وعينه عليها
.. صباح الخير يا فوزية
.. صباح النور
.. مالك ملويه ليه؟
.. عز ايه اللى جرالك امبارح لقيتك فجأه
مشيت وسبتنى لوحدى
.. اسف بس خوفت اشجان تصحى وتحس بينا
.. بس انا سمعتك قولت عبير
عز.. عبير ماتت يا بنتى اكيد بيتهيألك
فوزيه.. جايز المهم انك بخير
عز.. الحمد لله واستأذن منها وخر ل هدير
على النيابه
فى الكافيه..
تالا.. انا تعبانه يا ياسين البيت عندنا كله
حالته زى الزفت وفاه عبير مأثر فى الكل
ياسين.. الفراق صعب يا تالا وبعدين
دى ماتت مقتوله وده الأصعب
تالا.. انا عاوزه اتكلم معاك وافضفض
انا حاسه انى مخنوقه حاسه انى مش انا!
ياسين مسك ايدها وقالها
وانا بسمعك يا حبيبتى
.. انا عاوزه اقولك على حاجه لازم تعرفها
انا مش بعرف اخبى عنك حاجه يا ياسين
.. قولى مالك يا حبيبتى خير
.. تصور انا تالا ام قلب ابيض بقيت قاتله
.. فى ايه يا تالا مين اللى قاتله
.. انا يا ياسين
.. قاتله اكيد هزار
.. ارجوك اسمعنى للأخر وبلاش تقاطعنى
انا من فتره عرفت ان بابا بيعرف دكتوره معاه
زميلته وفى علاقه بينهم وحامل كمان
.. د. عز معقول
.. ارجوك يا ياسين متقاطعنيش دلوقت اسمعنى
للأخر
لما عرفت ان بابا يعرف الدكتورة دى اضايقت
علشان ماما قد ايه طيبه وبابا بيخونها
ياسين.. مش يمكن اللى قالك كذاب
تالا.. انا شوفت رساله عنده على الفون وكانت
بتستنجد بيه وعاوزاه يتجوزها
انا جن جنونى وقتها وقولت لازم اقتلها
وبعدها شوفت مصيبه ان بابا على علاقه
ب خالتى عبير تصور خالتى اللى ماما مربياها
اتجننت اكتر علشان دى اخت ماما
ولو عرفت دى تموت فيها
انت عارف ماما بتحب بابا قد ايه وعبير كمان
دى ب تعتبرها بنتها الكبيره
وقتها فكرت فى حل واحد وهو الموت لازم يطلعوا من حياتنا
اتفقت مع حد اعرفه يخلص عليها
وكمان يسقط الدكتوره وارتاح
ياسين.. انتى بتقولى ايه يا تالا انتى مجنونه
لا شرع ولا دين يسمح بده
تالا.. كان لازم انقذ ماما يا ياسين
ياسين.. انتى اللى قتلتى خالتك
تالا.. الولد اللى اتفقت معاه قال انه سقط الدكتوره
إنما عبير كانت مقتوله
ياسين قام وقف بدون تفكير وقال
يا خساره يا تالا
تالا.. ياريت تقدر موقفى انا بحبك
ياسين.. اسف وانا مش هكمل
وحاسب وسابها ومشى
قامت تالا منهاره ورجعت الڤيلا مكسوره
هدير ادلة بأقوالها ورجعت هى وعز الڤيلا
فى داخاله تالا وهى بتبكى
اشجان لابسه اسود فى اسود ونازله
عز قرب منها وقال حبيبتى نزلتى ليه انتى تعبانه
الخاله قاعده هى ومنه وفوزية بيفطروا
اشجان ماشيه مش فى وعيها
تالا.. ماما ماما
الكل عينه على اشجان
عز.. مالك يا حبيبتى
قعدت وكأنها مش سمعاه
الخاله.. عملت ايه يا عز عرفوا مين قاتل عبير
عز.. لسه التحقيقات شغاله
والكل بيتكلم وبيقول مين قتل عبير
اشجان فى عز كلامهم قالت بصوت عالى
انا عارفه مين قتل عبير....
يتبع...
علقوا ب 20 ملصق علشان يوصلك اشعار الجزء العاشر وتعرفوا مين قتل عبير
يا تررررررى مين القاتل؟؟