رواية وزة شيطان الجزء الثامن
رواية وزة شيطان الحلقة الثامنة
وبعدما تم تصوير سعاد وهى فى حضن رجل
غير زوجها محمود
نزلوا فيها ضرب لحد ما نزفت دم...
وخرجوا ومحدش حس بيهم.
سعاد مرميه على السرير مغمى عليها وبتنزف دم..
فى الڤيلا فى مكتب عز..
.. دى اكيد مش بنتى هدير أبدًا لا لا لا لا
.. ارجوك ممكن هدوء شويه علشان بس أوضح
لحضرتك يا دكتور
عز قام وقف وضرب بإيده على المكتب
ما هى باينه زى الشمس بنتى فى فيديو جنسى
ممكن اعرف الفيديو ده وصل ليك ازاى
.. انا هفهم حضرتك على كل حاجه بس ياريت تهدى شويه
.. انا هادى خالص ارجوك عاوز افهم ايه الفيديو
ده وازاى يحصل كده؟؟
.. يا د. عز حضرتك عارف انى انا المحامى اللى ماسك قضيه المرحومه عبير فالطبيعى انى متابع القضيه وكل
جديد فيها!
كنت فى النيابه وعرفت بالفيديو وتهديدات فى
رسايل واتس عند المرحومه تخص انسه هدير
ومكالمات تليفونيه وده دليل كافى ان فى احتمال كبير
يكون صاحب التهديدات دى هو القاتل؟
.. قصدك ان عبير اتقتلت بسبب هدير؟؟؟
.. يا د. عز ارجوك انا بقول فى احتمال كبير
يعنى مثلا ممكن يكونوا اختلفوا فتربص لها
وقتلها
وانا كنت جاى ابلغك ان الانسه هدير
مطلوبه فى النيابه بخصوص الموضوع ده
.. بنتى انا تروح النيابه وكمان هتبقى متهمه
دى فضيحه كبيره انت ناسى انا مين؟
.. د. عز بنت حضرتك مش متهمه ده مجرد سؤال
مش اكتر؟
الشاب كان متفق مع المرحومه على الواتس
انها تكون عنده فى مكتبه قبل الجريمه بيوم
ويكون معاها المبلغ المطلوب وتستلم الميمورى
اللى عليه الفيديوهات
وبالتحريات فى العنوان الموجود اثبت ان المكتب
صاحبه قفله وسلم المفتاح لصاحب العماره
يوم الجريمة فالشكوك زادت حواليه
تالا طلعت جرى على اوضه هدير
وفتحت الباب ودخلت
.. انتى نايمه يا هانم قومى بسرعه عاوزه اعرف
ايه اللى بيحصل!! ؟؟
.. فى ايه يا تالا مالك خضتينى
.. فى مصيبه كارثه فى فيديوهات جنسيه
انتى موجوده فيها؟
بس اكيد تلفيق صح يا هدير
.. انتى عرفتى منين يا تالا؟
.. المحامى عند بابا تحت فى المكتب
وسمعتهم وهما بيتكلموا!؟
هدير لطمت على وشها
..يا نهار اسود بابا هو بابا عرف؟
وقامت جربت على البلكونه وبترمى نفسها
تالا مسكتها وقالت
.. يعنى حقيقه انتى بتعملى فيديوهات جنسيه
هدير قعدت على السرير
.. فينك يا خالتوا عبير ياريت كنتى عايشه
دلوقت مكانش حصل كده
تالا قربت منها ومسكت كتفها وقالت :
.. هى خالتك كانت عارفه الموضوع ده؟؟
.. ايوه كانت عارفه كل حاجه
وقالت انها هتتصرف من بعد ما فاليريو هرب
وكمان عمل ليه بلوك
.. مين فاليريو ده كمان؟
.. ده شاب إيطالى حبنى وحبيته وحصل بينا
علاقه وكان بيستمتع لما نتصور فيديو
بس واللههو بيحبنى يا تالا
صدقينى انتى عارفه ان انا مش كده
ومكنتش اعرف ان فاليريو ممكن يعمل
فيه كده انا بجد كنت واثقه فيه
صدقينى انا مش وحشه
.. وفاليريو ده خالتك عرفته وكلمته
.. معرفش يا تالا بس اكتشفت ان واحد صاحبه
هددنى وطلب مبلغ كبير مقابل تسليم
الفيديوهات ولما ماخدش المبلغ هينزلها يوتيوب
.. يادى المصيبه احنا اتفضحنا خلاص
انا مش عارفه ازاى تعملى كده كان فين عقلك
.. انا حبيت فاليريو كنت بحس معاه
ان مرغوب فيه
.. مرغوب فيكى انتى مجنونه ده بيضحك عليكى.
المهم دلوقتى انا مش عارفه
بابا هيتصرف ازاى
..انا لازم اموت يا تالا علشان ترتاحوا من عارى
فى المكتب..
.. د. عز الانسه هدير المفروض تكون بكره الصبح
فى النيابه وان شاءاللهانا هكون معاها
عز قرب منه وقال :
.. انا عاوز الفيديوهات كلها ان شالله ادفع عمرى
كله ارجوك يا استاذ احمد
.. الولد لازم يتعاقب لان من الواضح انهم عصابه
بتاجر بالبنات ارجوك اسأل هدير
يمكن تعرف طريق الولد وده هيفرق كتير
وهنتصرف بسرررعه
عز خرج من المكتب
وبينادى بأعلى صوته
هدير هدير هدير
الخاله داخله تصوت ومعاها فوزيه
عز رجع وقال انتوا مين؟
الخاله قربت وقالت مالك يا عز قصدى يا د. عز
انتى نسيت خاله مراتك وعيالها
.. اسف... يااااه ازيك فينك يا أمى طالت الغيبه
شوفتى اللى حصل ل عبير
.. لأ مشفتش يا عز ولا اقول يا د. عز
عز بيهرب من كلامها وقال
.. انا ربيت المرحومه من صغرها لحد ما بقت عروسه اسف اسف اتفضلوا
الخاله دخلت وقعدت وقالت
تعالى يا فوزيه
فوزيه.. البقاءاللهالمرحومه كانت غاليه علينا
اوووى وسبحاناللهكانت عندنا من كام يوم
يا حبيبتى كانت بتودعنا �😭�
عز.. ونعم بالله ما دايم الا وجهه
الخاله.. فين اشجان فين بنت اختى
عز.. اشجان تعبانه اوووى دخلت فى حاله
اكتئاب حاااد
الخاله.. بس انا عاوزه اشوفها ياريت
مش كفايه معرفش عن موت بنت اختى
من البتاع ده اسمه ايه يا فوزية
فوزيه.. قصدها الفيس بوك يا دكتور
عز.. اسف بجد احنا كنا فى حاله صعبه اوى
تالا بلغت على الفيس وكل إللى عرف كان
موجود معانا
الخاله.. بس فى تليفونات يا عز بيه
والاصول بتقول ان انا فى مقام
امها ازاى معرفش يا حبه عينى البت
راحت فى عز شبابها زى الورده
وكمان مقتوله يا حبيبتى يا بنتى
نفسى اعرف مين اللى عمل كده وانا اقتله بإيدى
عز ارتبك والمحامى خرج من المكتب
.. د. عز فين آنسة هدير
خده وبعد بيه عنهم وقاله
بعدين يا متر علشان فى ناس عندنا
ومش هينفع نتكلم فى اى حاجه دلوقت
.. ان شاءاللهبكره هكون فالنيابه الساعه 9 الصبح
.. ان شاءاللهوانا هكون معاها
المحامى خرج وعز طلب من صلاح السواق
يوصله لحد بره
عز.. اتفضلوا معايا نطلع عند اشجان
علشان تعزوها هى تعبانه ومش هتقدر تنزل
وفعلا طلعوا ولما دخلوا على اشجان
كانت نايمه بعد ما حلمت ب عبير
عز قرب منها ولمس شعرها وحست بيه وصحيت
اشجان.. فى ايه يا عز انا تعبانه ارجوك سبنى
اكمل النوم
الخاله قربت منها وقالت
اشجان بنت اختى كده برضه عبير تموت وانا معرفش��
اشجان قامت من السرير وحضنتها وفضلت تبكى
بكاء لدرجه انها مش قادره تتنفس
فوزيه.. البقاء لله يا اشجان شيدى حالك
اشجان.. ونعم بالله خلاص انا بقيت لوحدى
يا خالتى عبير بنت عمرى ماتت مقتوله
ودمها فى ايدى
الباب بيخبط وكانت تالا
بابا ورجعت لورا وقالت مين دول؟
اه اه عرفتهم دى تيته وخالتوا فوزيه
ودخلت سلمت عليهم
الخاله.. شيدى حيلك يا بنتى المهم البوليس
عرف حاجه
عز رد وقال
لسة بيعملوا تحريات وان شاءاللهالقاتل هيتعرف
الخاله.. ان شاءاللهانا هقوم بقى أمشى ومحمد والاء
هيكونوا عندك بكره علشان يعزوكى
اشجان.. هتمشى دلوقتى خليكى قاعده معانا
النهارده
قولها يا عز
الخاله. مش هينفع محمد هيقلق علينا
اشجان.. انا هخلى عز يكلمه
وبعد إلحاح من اشجان وعز
الخاله وافقت تقعد معاهم
اشجان.. تالا يا حبيبتى روحى معاهم وخليهم
يناموا فى الاوضه الكبيره
تالا.. حاضر يا ماما
وفعلا راحوا معاها واشجان أمرت يتعمل لهم عشاء ويروح لهم لحد الاوضه
عز دخل اوضه هدير
واول لما شافته اتخضت
بابا بابا وقامت من مكانها
عز قرب منها وقال حسابك بعدين
على المصيبه اللى انتى عملتيها بكره تكونى جاهزه الصبح الساعه 9 علشان نروح النيابه
ياخدوا أقوالك
هو مين الواد ده يا فاجره
.. انا مش فاجره يا بابا انا متربيه احسن تربيه
.. علشان كده فضحتينى انا واخواتك
.. بابا بابا �😭�
خلاص انا خارج وبعدين نتكلم الصبح تكونى
جاهزه فاهمه
وخرج ورزع الباب وراه..
هدير خرجت البلكونه وهى مخنوقه.
عز بيكلم نفسه وبيقول فوزيه زى القمر
دى نسخه من اشجان بس عاوزه تتظبط
وهتبقى قمرين
وبص فى المرايا
معقول يا عز تفكر فى حد بعد عبير؟
فى شقه د. سعاد
دخل محمود الشقه وبينادى على سعاد
واستغرب ان الباب الشقه مفتوح
دخل زى المجنون بيدور على سعاد مش لاقيها
جرى على اوضه النوم وشافها غرقانه فى دمها
قرب منها وقال :
دم دى سقطت وشكلها متبهدل هو ايه اللى حصل؟
ومسك الفون واتصل بالإسعااااف..
فى الڤيلا..
منه.. معقول خاله ماما هنا
تالا.. ايوه انا بقولها يا تيته
منه.. مش هى بتفهم فى الكف
تالا.. بيقولوا
منه.. خلاص انا هروح اسلم عليها وتشوف بختى
الأسود
تالا.. بس ده حرام
منه.. تجربه يمكن تصيب
وخرجت منه وخبطت على الباب
فوزيه قامت فتحت وكانوا خلصوا عشا وهيناموا
فوزيه.. تعالى مش انتى هدير
منه.. انتى نستينى انا منه مش هدير
الخاله.. تعالى يا منه
دخلت منه بخطوات بطيئه وسلمت عليها
وحضنتها
الخاله.. عامله ايه يا بنتى كويسه
منه.. الحمد لله طنط انا ليه طلب عندك
ممكن تشوفيلى الكف
الخاله.. بلاش النهارده
منه.. ورحمه خالتوا نفسى اشوف الكف ودلوقتى
الخالة.. خلاص
ومسكت ايدها وابتدت تشوف الكف
منه بصت ل فوزيه وقالت ياريت تيجى معايا اوضتى أفضل يا طنط
الخاله قامت وخرجت معاها لحد الاوضه
فهمت ان منه عاوزه تشوف الكف
لوحدها ومحدش موجود معاها
فوزية فى الاوضه ورمت نفسها على السرير
.. ياااه ده العز ولا بلاش السرير مريح
ولا الريش النعام
ده هو بنفسه ريش نعام اوعدنا يارب
وشدت كوڤرته ونامت
فون تالا رن وكان رقمًا ما
تالا.. خلصت المهمه
الرقم المجهول.. ايوه يا هانم
تالا.. والفيديو ظبطه
الرقم.. ايوه وصورتها مع راجل كمان وهو فى حضنها
تالا.. كويس اوى واخبار الحمل ايه؟
الرقم.. احنا نزلنا فيها ضرب لحد ما نزفت
تالا.. انت بهيم يعنى ايه نزفت سقطت
الرقم.. اكيد سقطت
تالا.. عاااش انت مش عارف انا هعمل معاك ايه
انت خلصتنى من قرف خالتى الزباله
وحته دكتورة مش عارفه غلطت مع مين
وعاوزه تلبس ابنها فى بابا يلااللهيرحمهم بقى
هههههههههههه
الرقم..........؟
الخاله نامت مع منه بعد تعب ومناهده
معاها فى الكف
هدير نامت بعد الخنقه من كلام عز
تالا معاها فون وفى اوضتها
الڤيلا جدرانها حزينه
عز خرج من المكتب وطلع على فوق
منه.. ايه ده بابا
عز.. لسه صاحيه يا منه
منه.. اصل طنط نامت معايا وكنت بقول ل فوزيه
علشان متقلقش بس تقريبا نايمه
عز.. طيب يا حبيبتى
منه.. تصبح على خير يا بابا
ودخلت اوضتها وقفلت الباب
فوزية نايمه والباب اتفتح عليها وكان عز وقفل الباب وراه
وقرب منها وقعد جمبها وابتدى يلمس جسمها...
يتبع...