رواية وزة شيطان كاملة جميع الفصول

 روايه وزة شيطان كاملة



رواية وزة شيطان الفصل الأول

وزة شيطان دمرت حياتى كلها...
كنت بحس بأعراض غريبه ولا اراديه وبتزيد وانا فى الحمام وكنت واقفه قصاد المرايا وافتكرت نفسى وانا فى
حضن عز كنت بحس بنفس الأعراض الغريبه دى جسمى مش طايقه وفجأه
لقيت جسمى كله ازرق الكهرباء اتقطعت اتفزعت وحسيت بخنقه جريت على البلكونه بس سمعت نواح الغراب
كنت بخاف منه ده فال شوم ونزلت أجرى على تحت وانا مش شايفه من الضلمه اتكعبلت على السلم
.. بالراحه على نفسك اوعى تقعى يا اشجان
.. متخافيش يا عبير بس اختك تعبانه وحاسه انى
مخنوقه شويه
.. لسه برضه موضوع الأعراض اللى بتحصلك دى
صدقينى دى تهيأت
.. انتى لسه بنت امبارح وعيله صغيره مش هتفهمى الكلام ده
.. فى نظرك انتى بس على فكره انتى مش شايفه
ان انا انسه وزى القمر وكمان جسمى حلو والكل معجب بيه
.. لا مش شايفه غير انك لسه مخلصه دراسه
وبعدين هشوف ازاى الكهربا قاطعه يا هبله هههه
.. شوفتى انا الوحيده فى الكون كله اللى بقدر ارسم الضحكه على وشك يا اختى الكبيره وامى ربنا ما يحرمني
منك ابدا
= الدموع نزلت من عين اشجان ضمت عبير لحضنها وقالت :
انتى تربيه ايدى وبنت عمرى يا قلب اختك يا بت انا بحبك اكتر من بناتى
.. رددت وهى بتضحك البنات لو سمعوا هيقيموا
علينا الحد الحمد لله انهم مش هنا
.. لا ونبى انا مش ناقصه كفايه اللى بيحصل معايا كل يوم!؟ انا بجد مش عارفه اعيش مع عز حاسه
انه مضايق اوووى
.. ابيه عز مفيش احن منه صدقينى الموضوع اوهام فى دماغك بقولك ايه الكهربا شكلها هتتأخر
والكشاف مش هيسد بس قبل ما يفصل هدخل اعمل اتنين شاى ايه رأيك
.. انا خايفه اقعد لوحدى ما انتى عارفه انى بخاف
من الضلمه يا عبير
.. مش ملاحظه انك من شويه بتقولى عليه عيله
بس الحقيقه غير كده يا شوشو هههههه
. وعبير دخلت المطبخ.
اشجان قعدت على كنبه الانتريه ومسكت الفون
واتصلت ب صديقتها الوحيده أقرب حد ليها بعد
اختها
ولما رددت عليها عرفت ان اشجان مخنوقه ولما
سألتها بكت وقالت نفس الموضوع انا حاسه
انى مش طبيعيه وجسمى مش طبيعى وكل يوم
بسأل نفسى يا ترى ايه اللى بيحصل فيه
وخصوصًا لما بكون فى حضن عز
بحس انى مش طايقاه وببعد عنه كأن حد
بيشدنى من حضنه واتجمد زى الحجر ويبعد عنى
ويقولى انا قرفت
انا خايفه يبعد عنى هو ميستهلش منى كده ده
اتولى تربيه اختى من بعد موت بابا وماما وطلب
منى تعيش معانا علشان متكونش لوحدها
انا بجد مش عارفه اعمل ايه وابتدت تتشنج
والفون وقع من ايدها...
وبعد دقايق عبير خرجت من المطبخ وفى ايدها
الشاى وقالت :
اشجان انتى فين ولما قربت من كنبه الانتريه
شافتها بتتشنج
جريت على الحمام وخدت فوطه وبلتها مياه
وطلعت جرى على اشجان وحطت الفوطه على
أسنانها واشجان بتجز عليها وبتتشنج
وجابت كوڤرته وغطتها مكانها وقعدت جمبها
.. اشجان فى دنيا تانيه ورجعت بالذاكره لورا
انا اشجان بنت 18 سنه جميله ولا بنات المنصوره
عيونى حلوه مكنتش بروح مكان وغير لما اطلع
منه بعريس لحد ما جالى مغص شديد بابا وماما
خدونى عياده خاصه وكنت اول مره اشوف عز
وكشف عليه واعجب بيه لدرجه الجنون
ولما سأل عنى عرف انى بنت ناس طيبين وادب
وأخلاق واتقدم ليه كان عز عنده 28 سنه بابا
رفض وقال انه كبير عليه والفرق هيأثر علينا
مع الوقت بس وقتها مامااللهيرحمها قالت
بنتك قعدت من التعليم ومكملتش وكويس وان
الدكتور ده متمسك بيها من رأيى توافق
الولد كويس وابن ناس ومن الواضح كده بيموت
فى شوشو وخصوصًا ان الفرق ما بينا نفس الفرق
والحمد لله احنا عايشين زى الفل
بس بابا كان رده غريب قال
انا نفسى خلفت البنات على كبر وخلفنا اشجان
بعد كام سنه جواز وبعدها ب 13 سنه
خلفنا عبير ودلوقتى عندها 5 سنين وخايف
اموت قبل ما اشوف عبير
عروسه زى اختها
انا مش موافق اشجان لازم تاخد واحد من سنها
على الاققل يقدروا يفهموا بعض
بس ماما مش ساكته وقالت
..بقولك ايه البت حلوه والعين عليها ومش كل اللى
هيتقدم هيكون دكتور وانا شايفه انه شاريها
وبعدين كلهم عشر سنين
وكفايه انها مش متعلمه وكله بسببك
..كنت خايف عليها من الناس ومن اى حد يقرب
منها من كتر جمالها محبتش اخليها تكمل
ربنا يسامحني
.. بس خلى بالك عبير مش هنظلمها زى ما ظلمنا
اشجان
وبابا بكى ونزلت دموعه وكانت بتكوى قلبى
وسألنى انتى موافقه على عز
هزيت راسى بالموافقه
وبابا كلم عز وقاله انه موافق على الجواز
ويوم الدخله قالى كلمتين مش قادره انساهم
اتمنى تكونى مبسوطه يا بنتى وربنا يسعدك
فى حياتك الجديده ومسك ايدى جامد وقال
عز دكتور لسه بيشتغل فى عياده ابوه ابقى خلى
بالك منه لما يكبر ويبقى دكتور كبير
سألت بابا
حضرتك تقصد ايه
رد وقال.. مفيش يا بنتى بس خلى بالك من نفسك
واتجوزت عز وعشت معاه وانا مبسوطه
وبعد جوازنا بسنه انا خلفت بنتين تؤام تالا ومنه
وبعدهم بسنه تانيه خلفت هدير
وبقى عندى 3 بنات زى القمر وهما كل حياتنا
ولكن لا تجرى الرياح بما تشتهى السفن
فى يوم لقيت ماما جايه على شقتى وبتصرخ
وبتقول ان بابا مات بعيار طايش فى فرح
وراح الاب وكانت ضربه جامده علينا كلنا
بعدها بشهور ماما متحملتش ومن كتر
الزعل تعبت وجالها ساكته قلبيه وماتت ماما
وكانت عبير اختى مسكينه طفله يتيمه
.لسه صغيره ومحتاجه رعايه
خالتى طلبت منى تاخدها عندها بس انا رفضت
وعز اتمسك بيها وقالى عبير بنتى الاولى
وانا فرحت ومن يومها عبير عايشه معايا
وعز مقصرش يوم فى حقها وكان ب يعاملها
زى بناته بالظبط مفيش فرق
ودلوقتى عز بقى صاحب اكبر مستشفى استثمارى
ونقلنا فى ڤيلا وكلنا عايشين فيها والبنات كبرت
ومتربين احسن تربيه
وعز كبر بس من يوم ما نقلنا الڤيلا دى وانا حصل اللى حصل حالتى مش مظبوطه
= وفاقت اشجان وهى بتصرخ وقالت بابا مات يا
عز سامع ضرب النار
عبير قربت منها وقالت
.. انتى كويسه دلوقتى
.. بتعيطى ليه يا عبير هو فى حاجه حصلت انا
مش فاكره وغير وانا بكلم عنبر صاحبتى
كنت مخنوقه ومحستش بنفسى فين الشاى يا بت
.. هههههههه سلامتك يا اغلى اخت وامى اللى
مشفتش غيرها
والڤيلا نورت كلها والكهرباء جت...
عبير قامت زى الأطفال وتقول هاهاهاها
اشجان حاولت تقوم ولكنها مش قادره
عز دخل ومعاه البنات..
وجرى على اشجان وقال
.. مالك يا حبيبتى فى ايه شكلك تعبان اووى
والبنات قربوا منها وتالا حضنتها
.. مالك يا اجمل ام فى ايه طمنينا عليكى
اشجان بصت للكل وقالت
انتم اللى مالكم انا كويسه وقامت وهى بتمثل
انها كويسه
عبير.. أصلها تعبت شويه
اشجان غمزت لها وقالت مفيش حاجه انا كويسه
عبير.. مش هتاكلوا يا بنات
وقربت من عز وقالت :
مش هتتعشى يا ابيه...
عز مسك ايدها وقال
انا والبنات اكلنا بره اتعشوا انتوا
عبير رددت بعصبيه وقالت انا عامله المكرونه بالباشميل علشانك مخصوص
رد وقال انا ميت نوم تصبحوا على خير
وقرب من اشجان ومسك ايدها يلا يا حبيبتى
نطلع اوضتنا
وفعلا طلعوا مع بعض
عبير قالت وهى مضايقه انا خلاص نفسى
اتسددت تصبحوا على خير وطلعت اوضتها
والبنات طلعوا على اوضهم
عز دخل الحمام وخد شاور وخرج وقعد جمب
اشجان على السرير وقرب منها بس هى كانت
رافضه وقالت انا تعبانه وبحس بحاجات غريبه
.. دى هلاوس صدقينى وخدها فى حضنها
وقامت وقالت انا حاسه بدم نازل منى ابعد عنى
بقى واتعصبت
رد وقال نزيف تانى الموضوع ده بقى غريب
انا كل لما أقرب منك يحصل نفس الموضوع نزيف
.. معرفش يا عز
وقامت ودخلت الحمام ولما رجعت كان نايم
قعدت جمبه وهى بتبكى على حالها وازى بيحصل
لها كده
وقامت وفتحت باب الاوضه وراحت على اوضه عببر
وفتحت الباب ودخلت
.. تعالى يا اشجان فى حاجة
.. ايوه انا عاوزه اروح للشيخ اللى انتى سألتيه
على حالتى
.. يا الشيخ عتمان ما انتى مكنتيش مهتمه بكلامى وبعدين
يا اشجان انتى حتى مسألتنيش هو قال ايه
.. انا كنت خايفه بس خلاص مبقاش ينفع
هو قالك ايه
.. قال قال قال...
.. انطقى قال ايه؟؟!
.. قال ان فى جن عاشق وبيحبك علشان كده
بيحصلك كل ده
.. جن عاشق؟ مش فاهمه
.. احنا نروح للشيخ وهو اللى يقولك وبالتفصيل
.. خلاص انا هروح بس بشرط محدش يعرف
لأن انا حالتى بتدهور ومش عارفه اعمل ايه
حاولت اتعالج نفسى ومنفعتش يبقى هجرب الشيخ
عز تعبان بسببى ده مش بيعرف يقرب منى خالص
تصورى انا وهو بقالنا فتره كبيره مش عارفين
نقرب من بعض ولما يحاول ببقى مش طايقه
انا خايفه مش عارفه فيه ايه
ووطت صوتها وقالت
انا النهارده جالى نزيف قبل ما يقرب منى
وهيستمر اكتر من 20 يوم زى كل مره
.. يمكن بريود يا اشجان
.. بقولك كتل دم نزيف المهم بقى بعد ما عز
يروح المستشفى الصبح هاخدك وتودينى للشيخ
انتى واثقه فيه
.. ايوه يا اشجان ده كويس صاحبتى اتعالجت
عنده وكان عندها نفس اللى عندك
.. كويس انا هروح انام دلوقتى والصبح ان شاءاللههروح معاكى
وخرجت اشجان محتاره وتعبانه وراحت اوضتها
ونامت وحست بنفس الحركات وقامت وقعدت على السرير لحد الصبح
وبعد طلوع النهار وكانت الساعه 8 عز قام وفطر
وراح المستشفى
تالا.. صباح الخير يا ماما
هو بابا ماله ده حتى مصبحش علينا
اشجان.. معلش يا حبيبتي يمكن عنده مشوار
ولا حاجه ما انتى عارفه ابوكى غير الناس
لما يكون مستعجل مش بيشوف قدامه
نزلت عبير وقالت
صباح الخير انا جاهزه يا شوشو
تالا.. صباح النور ايه ده انتوا خارجين ولا ايه
اشجان.. ايوه هنشترى شويه حجات
يلا يا عبير انا جاهزه
وخدت اختها عبير وركبت العربيه وراحوا عند الشيخ
ولما ركنت العربيه ونزلت قالت ياااه
هو الشيخ ساكن فى ڤيلا هو اسمه ايه؟
عبير.. اسمه عتمان وبعدين ده صيته مسمع يعنى اكيد مليونير وبيكسب دهب
اشجان.. هههههه أمن وبواب شيخ اخر زمن
عبير.. هههه عندك حق
ومسكت الفون واتصلت ب صديقتها مروه
لأنها وسيط بينها وبين شيخ عتمان
وقالت يدخلوا ويدفعوا 1000 جنيه تحت الحساب
وهى هتساعد انهم يدخلوا بدرى
ولما قفلت معاها الفون
دخلوا ودفعت الالف جنيه وقعدوا مستنين
ولما دور اشجان جه دخلوا وكانت الاوضه فيها
مكتب والشيخ قاعد عليه
وطلب من عبير تخرج لان دى اسرار وتخص المريضه
وقعد مع اشجان وابتدت تحكى حكايتها كلها
ولما خلصت
رد وقال.. ده جن عاشق يا مدام وبيحبك
ومش عاوز جوزك يقرب منك ودى اسباب النزيف
جسمك يزرق علشان جوزك يكرهك ويقرف منك
.. مش برضه شعرك بيقع
.. ايوه يا شيخ عتمان
الشيخ عتمان قام من على المكتب ومسك دراع
اشجان وابتدى يقرأ عليه كلام غريب
اشجان.. ده مش قرأن هو ايه الكلام اللى حضرتك
بتقولوا ده؟!
.. بقولك اسكتى انا بكلم الجن اللى عاشقك
وخرج من الاوضه
واشجان قاعده مرعوبه وجسمها بيتنفض
وعتمان دخل ومعاه طبق كبير وفيه مياه
وفتح درج المكتب وجاب منه كيس بلاستيك
اشجان.. هو ايه ده؟
عتمان قرب منها وقال :
متسأليش ده ايه سامعه
اشجان.. حاضر حاضر!
عتمان.. يلا مدى رجلك فى الطبق
اشجان.. فى الطبق ليه؟!
عتمان.. انتى مش عاوزه الجن يسيبك فى حالك
خلاص مدى رجلك
اشجان رددت وهى بتترعش
حاضر حاضر ومدت رجليها وعتمان قعد على
الأرض ومسك رجليها وابتدى يدعكها
اشجان.. بتعمل ايه
عتمان ساكت ومش بيتكلم
وساب رجل اشجان وقام وقال
ونظراته نظرات شهوانيه
الجن العاشق لى طلبات
اشجان.. ايه هى ؟!
عتمان قرب منها وقال شايفه الحمام ده
اشجان.. ايوه
عتمان.. ادخلى نزلى مياه على جسمك وفى جوه
ملايه هتتغطى بيها وهتخرجى
اشجان.. حاضر
ودخلت الحمام ونزلت مياه على جسمها
وعتمان فتح الباب ودخل عليها....
يتبع

رواية وزة شيطان الفصل الثانى اضغط هنا

تعليقات



حجم الخط
+
16
-
تباعد السطور
+
2
-