رواية هروب ما بعد اغتصاب الحلقة التاسعة 9 بقلم ميرو أحمد

 رواية هروب ما بعد اغتصاب الحلقة التاسعة 9 بقلم ميرو أحمد

رواية هروب ما بعد اغتصاب الفصل التاسع

رواية هروب ما بعد اغتصاب الحلقة التاسعة 9 بقلم ميرو أحمد


رواية هروب ما بعد اغتصاب الجزء التاسع

مسعود بعصبيه: اسكتي احسن
انا:مش ساكته اطلقني ماليك دخل بيا
مسعود فتح باب داره وخششني داخل
مسعود بعصبيه: شن الي قلتيه لوطه
انا:الي قلته واضح انت تبي تتزوجني عشان تحميني وانا مانبيش انخرب حياتك وانت ماتحبني ليش تتزوجني
مسعود: من قال بنتزوجك بنحميك
انا ماقدرتش انشد ادموعي: انت انت قلت بتاخدني علي خاطر تحميني منهم بس 😭😭 انا مانبيش انخرب حياتك يامسعود انت ساعدتني واجد وقفت جنبي وكنت امعايا ديما توا مانقدرش انخرب حياتك بسبب تحميني من جلال
مسعود ابتسم : توا هذا سبب ترفضيني عشانه يا ستني انا راضي حياتي تخرب 
انا 🥺😢: بس انت تستحق وحده احسن مني اتحبك واتحبها مانبيش اندمر حياتك
مسعود مسكني من خصري وجبدني ليه لعند راسي خبط في صدره حسيت قلبي وقف من قربه ليا ❤️🔥
مسعود ابتسم و ايبحت في اعيوني بطريقه اذوب 😍🤤
مسعود:وانا نبيك ادمري حياتي واتخربيها تحرقيها الي تبيه ديريه
انا اشويا ويهرب مني النفس شعور غريب وحلو في نفس الوقت ❤️ 
انا: بس انت ماتحبني و قاطعني مسعود بوسه 🔥😘 
انا انصدمت وفتحت اعيوني 😳😳 
مسعود مبتسم: وصلك الجواب توا
انا: شنو الي درته توا فهمني
مسعود ضحك: تبي انعاود بيش تفهمي
انا:مسعود كنك احكي
مسعود: توا جت عليا انا بستك تي انتي كنتي اتبوسي فيا عادي ماحكيت شي
انا تحشمت نزلت راسي: بس في فرق بينا انا كنت انبوسك فيك عفويا وعلي خدك ماكنش قصدي شي بس انت
مسعود زاد ضغط ع خصري: كملي انت شنو
انا زدت توترت: مسعود اتنحي ايديك
مسعود: قتلك كملي
انا نزلو ادموعي : باهي بعد عني لو سمحت
مسعود ضحك: اقسم بالله طفله ماتفهميش انتي
انا 😢: اي طفله بعد عني بس
مسعود: ريناد
انا: ها
مسعود: قولي نعم
انا:نعم
مسعود: ليش اخترتيني انا في قصتك
انا: ما اخترتكش انا ممكن القدر او الصدفه جمعتنا لاني كنت متصله بخالي بس انت الي رديت
مسعود: بس انتي اخترتيني فكل شي بحياتك ليش تتقربي مني ديما
انا شفت اعيونه الي كانو ذبلات ايشوفولي بطريقه اتجنن
انا: ماتسالنيش ماعندي ليك جواب
مسعود: كذابه اعيونك يحكو غير
انا 🥺: شن يحكو اعيوني
مسعود ابتسم: يحكو هلبا حاجات ومن بينهم ماتقدري اتعيشي من دوني ❤️ ليش اتكابري احكي كل شي
انا ابتسمت: باهي انت اتحبني
مسعود مرر ايده ع وجهي ومبتسم: وانا ليش امخليك تتقربي مني وعطيك راحتك بساطه نقدر انوقفك وانخليك بعيده عني بس ليش انخلي فيك قريبه مني واجد زي توا
انا ضحكت:ره مانفهمش الغاز انا احكي عادي
مسعود قرصلي خشمي: لانك هبله ماتفهميش لعند بكرا لو بنحكي 😂😂😂
انا: باهي احكي عارفني هبله مانفهمش باهي فهمني
مسعود: مانعودش في الدوه مرتين
انا: لا ياواعر انت غير عاود
مسعود: عارفك فاهمه اكويس وتستعبطي انتي 
انا تخزرطت وجهي وله احمر ☺️ 
مسعود ابتسم:نجيبه المتحشم والي يفهم
انا سكتت ونزلت وراسي بنموت من قربه وكلامه الي ايزيد ايكدلي اني حانضلمه امعايا لو عرف الحقيقه حاينكسر هلبا 
مسعود:وين السانك كنك سكتي 
انا 😊: شن بنقول يعني 
مسعود: عارفك فرحانه وتبيني بس نبي نسمعها منك
انا 😊: مانكدبش عليك لو قتلك مش فرحانه بس علي قد فرحتي بيك خايفه هلبا تبعد عني واتخليني ابروحي
مسعود: مايبعدني عنك غير الموت
ابتسمت: بعيد السو عنك مزلت نبيك بعد عمر طويل يارب
مسعود : تتزوجني ريناد لاني اكتشفت انتي جزء من حياتي قصدي حياتي كلها من لمه خشيتي لحياتي تغيرو هلبا حاجات بديت انحس بشعور حلو بعد انشوفك حسيت بطعمة الحياه احلى بعد ايكون فيها شخص ايخليك تبتسم طول وقتك شخص تنسا العالم كله بعد اتكون امعا ريناد مانعرفش انحبك او لا بس الي متاكد منه نبيك ليا ابروحي نبيك جنبي ديما مانبيش حد ايشوفك ولا ياخدك مني 🔥 
انا 🥺🥺 علي قد ما فرحني كلامه علي قدم زعلني عارفه روحي بنخسره في الحالتين
مسعود: ماتبيش اتجاوبي
انا دمعو اعيوني: بس في موضوع نبي انقوله ليك قبل كل شي
مسعود:احكي نسمع فيا
انا توترت: توا مش وقته بس صدقني بعد انكون جاهزه نحكيلك
مسعود:ليش مش توا في شنو يفرق
انا:مايفرق شي غير توا الوقت متاخر والموضوع هذا طويل 
مسعود: اي صح متاخر تمام امتي ماتبي تحكي تعالي
انا هزيت راسي: تمام تصبح ع خير
مسعود: غير جاوبي بعدها امشي
انا ابتسمت: اكيد نبيك راجلي كل بنت تتمنا ايكون عندها راجل زيك فحياتها لو لفيت الدنيا كلها مستحيل نلقلا زي حنوني وسندي
مسعود ابتسم: والمعنى
انا فكيت روحي منه وبعدت : المعنى الوحيد هو انا انحبك ❤️ 
مسعود افرح وارتسمت ضحكتة😍🤤: عاوديها
انا تكلمت بهدوء: ان ح ب ك
مسعود مبتسم: ناعليا محلاها هل الكلمه وربي سامعها واجد بس منك غير طالعه اتهبل من فمك 😍😍😍🔥 
انا عقدت حواجبي وحطيت ايدي في نصي: نعم نعم عاود شن قلت
مسعود ضحك علي منضري: طيري من قدام وجهي خير ماناكلك توا
انا 😡: لا واللهي من من سمعتها
مسعود 😂😂: غايره
انا ربعت ايديا وانهز في رجلي: وكني ما انغار
مسعود يضحك: 😂😂😂 تعرفي لو قعدتي دقيقه ازياده مانضمنلكش روحي اخر اليل والشيطان يلعب 
انا تخزرطت وجهي احمر: خزي سخيف 
مسعود:مش منى
انا :🤨🤨🤨توا طلع كل شي مني
مسعود: اي انا كنت رزين واعر بس انتي جيتي خربتي كل شي
انا: ☹️☹️☹️ يعني خربت حياتك
مسعود : اي صح انسيت بكرا وتي روحك
انا:ليش
مسعود:بنمشي انسجلك في الكليه لانه بدو يقرو
انا افرحت: جديات بنقرا
مسعود: اي 
انا بفرحه: شكرااا والله مش عارفه قداش بنشكرك 😍
مسعود:فرحتك وضحكتك تفكي انها تسعدني
انا 😍😍: انت حلم ولا حقيقة
مسعود ضحك: الزوز ❤️ انتي احلمي وانا انحققلك الحلم
انا ابتسمت: واجد عليا الكلام 🥺😍
مسعود: ههههه تبي نبدا بخيل عادي ماعندكش مشكله
انا: لالا خليك هكي اتهبل
مسعود: هههههه خلاص الفجر قريب إذن بري لدارك بسرعه خير ما اينوض باتي ايشوفك هكي
انا ابتسمت: حاضر تصبح ع خير
مسعود: انتي من اهل الخير
انا فتح الباب بنطلع
مسعود: هي انتي يافرخه
انا التفت: نعم
مسعود حط ايده ع خدا: انسيتي هذي
انا ضحكت: تؤتؤ مافيش صح قلت خلي احدود بينا
مسعود ضحك: وانتي قلتي مافيش بينا احدود واحدودك ديرهم ع غيري
انا 😂😂: حافظها ماشاءالله
مسعود:هو في شي نقدر ننساه
انا :عن شكلك رد مسعود العاقل
مسعود 😍: والله انتي خليتي فيها عقل هو
انا:حاجه اكويسه ولا مش اكويسه
مسعود يضحك: وراسك اكويسه 
انا: معنها عيب 😂😂😂 
مسعود: تفهمي ع الطاير
انا: اشوي تاني اينوضو الكل علي صوتنا يفهمو غلط
مسعود: عادي خليهم يفهمو في الحالتين حلالي
انا: بعد تقرا عليا الفاتحه نبدا حلال مش توا 😏😏 
مسعود: وراسك ماقريها عليك حد غيري انا كان اتموتي 
انا: 😂😂😂😂 اصلا من يقدر يقرب حاجه شور مسعود 😂😂😂 
مسعود: طيري من قدامي عنشكلك ظلتيني امعاك
انا: خزي ياهي
مسعود ضحك: اسمعي
انا: نعم
مسعود ابتسم: طالعة طرف وربي عسل هكي 🔥🤤
انا 😍😍🥰
تحشمت طلعت بسرعه نضحك عليه ومن داخل فرحانه بنموت تمنيت لو نقدر انوقف الحظه نقعد بين ايدينه مافيش حاجز بينا انا وياه بس لا ماضي ولا حاضر يقدر ايفرقنا تمنيت لو نقدر نعترفله بكل شي بس خايفه من ردة فعله عارفه ومتاكده ردة فعله بتكون قاسيه بس ماعنديش الشجاعه نوقف قدامه انقوله انا مش بنت ره مغتصبني جلال مانقدرش انقوله ماقدرت نحمي روحي منه 😭💔 سمعت اذان الفجر توضيت صليت الفجر انفجرت ع الصلايه نبكي تخلطو كل شي عليا 💔💔😭 معاش قادره انقدم ولا انوخر حياتي وقفت علي نقطه هذي ليش انا بس ايصيرلي هكي ديما الفرحه ماتكمل ليش حياتي من انا طفله هم وحزن وعذاب لعند اكبرت ماعرفتش طعمة الفرحه بعد جت لعندي الفرحه ماتمتش
قعدت نبكي وندعي 💔💔💔💔😭 ماحسيت علي روحي رقدت الصلايا
.
.
.
.
.
.
.
عكس مسعود الي رقد غامرته الفرحه ❤️ 
.
.
.
.
.
.
.
.
.
يوم جديد واحداث جديده علي ابطالنا
نضت علي صوت ايه اتفيق فيا 
ايه: رنوده فيقي 
انا فتحت اعيوني: هممم
ايه: نوضي صحصحي مسعود قالك هيا وقت ع التسجيل
انا انخلعت: كم الساعه
ايه: 9 هيا نوضي
انا صبيت : حي عليا ماوتيت شن نلبس
ايه: بري غسلي توا انطلعلك انا لبسه
انا بستها ع خدها: نجك ليا احلى اخت
ايه ضحكت: هههه مصلحه حق امس وين كنتي في اليل ان شاء الله مش عند مسعود
انا ضحكت: اهو فاهمه الجو 😂😂😂😂 
ايه شهقت: ماتقوليش الي في بالي صار
انا ضربتها ع كتها: خزي قليلة ادب شن بيصير هدرزنا عادي
ايه ضحك: توا تبي تقنعيني انه بنت قاعده في دار ولد مش اي ولد ايكون حبيبها او بالصح حبيبين 😂😂 قصدي ايحبو بعض ماصارش بينهم شي ولا اخرا امطوله واجد انا رجيت لعند 4 ماجيتي 😂 
انا ضحكت عليها: وربي عقلك امسوس بعد اترتبي كلامك اكويس تكلمي كلها علي بعضها بوسها خوك الصايع ماخلانيش
ايه 😍😍: احلفي بالله 😍😍 يانعليا خاطري انشوف مسعود كيف شكله بعد ايكون امعاك واخرا فيها بوس واحضان يانعليا وينك يا احمد 😍😍😍 
انا ضحكت: مهبوله وربي 
ايه: شن صار تاني 😂😂
انا 😂😂:ولا شي نحكو عادي
ايه: يانعليا اليوم بوسه بكرا شي تاني
انا: تعرفي انك سخيفه بكل امشي طلعي لبسه احسن ما انحرش مسعود عليك
ايه: بدينا في جو التحريش 
انا ضحكت: حي عليك بنبدا مرت الخو الوعر وتحرش فيه وانعبي راسه عليك 😂😂😂 
ايه تضحك: جو كلا انتي بري بسرعه نضمي امورك احسن ما مسعود يفصل حي عليك بعدها
انا: تم اندوش ع السريع
ايه: تمام
خشيت الحمام
ايه فتحت الدولاب طلعتلي سروال جينز ازرق امعا تشرت ابيض قصير وعليه جاكه سودا قصيره واسبيدرو ابيض امع وشاح ابيض 
دوشت ع السريع حكيت اسنوني طلعت بسرعه نلبس
انا: وانتي مابتمشي
ايه: لالا توا مسعود ايجدد القيد ماعنديش عليش ماشيه
انا: خزي عليك امشي امعايا مانعرفاش الكليه
ايه: بكرا نمشي امعاك انزلو موادي وانعرفك علي الكليه وصحباتي 
انا لفيت الوشاح علي شعري مزال مبلول
انا: تمام توقعتك بتمشي
ايه: لالا بنريح اعظامي لحقها عليها الكليه لعند جهدي ايطيح
انا: اتفووو باهي 💦💦💦 ان شاء الله يتكسرو اعظامك 
ايه ضحكت:حقيرا وربي 
انا بنتكلم رن تلفوني " مــنــقــذي " 
انا: حيي مسعود يتصل 
ايه: ردي 
انا فتحت: ايوا
مسعود: صباح الورد
انا:باااح الورد
مسعود: قاعد في السياره انراجي فيك انزلي بسرعه
انا: تمام نازله
مسعود: انرجي فيك ما اطوليش
انا صكرت
انا وقفت انشوف وجهي ع المرايا: ايووته زعما اندير مكياج ولا اكويس وجهي هكي 
ايه رقدت علي السرير: من غير مكياج احلى فوتك منه لو ماتبيش مسعود ايكشخ عليك
انا التفتلها: قصدك ما ايحبه
ايه: اي ديما انا وياه مشاكل علي المكياج بعد يلقاني حطاته ايحرف يومي يقلبه مشاكل ونكد
انا ضحكت:نجيه الوعر 😍😍 
ايه:اطلعي بالله عليك جبتيلي الجفاف من وراك
انا:وين احمد امتاعك
ايه: يانعليا مادكرنيش بيه بالله عليك والله مقهوره من تصرفاته الاخيره حاسه في شي فونه مقفل وايميلاته امسكرت خايفه صارتله حاجه حتي خواته مانعرفهمش
انا وجعتني: كنك اتفاولي حبيبتي اكيد مشغول واجد هو قالك الفتره هذي مشغول مش فاضي مايقدرش ايكلمك ليش اتصعبي فيها واتعبي في روحك اعذري الراجل اكيد عنده ظروفها
ايه خنقتها العبره: ياريت يطلع كلامك صح زي ما طمنتي قلبي بس خايفه ومتاكده احمد مش علي بعضها انحس بيه عارفه في شي صاير امعاه به شن اندير قولي والله روحي بتطلع
انا: اصبري حبيبتي سيوره الشغل ايتم وايجيك ويحكيلك كل شي
ايه: ان شاء الله
انا:ماتزعليش روحك حبيبتي
ايه هزت راسها
رن تليفوني كان مسعود
انا: هنيني عليك ماتخليش بالي مشغول عليك بري اقعدي امع اخويله هدرزي ماتقعديش ابروحك
ايه ضحكت: لا يانبع الحنان
انا 😂😂: يمشي امعايا الدور صح
ايه: 😂😂 شكله مسعود قسم عليك من حنانه
انا نضحك: كان ماطلعتله توا يقسمنا انا وياك اتنين 😂
ايه: 😂😂😂 بري اطلعيله مزلت نبي اروحتي😂😂 
انا : 😂😂😂 
بخيت عطر ع السريع و طلعت ننزل بسرعه من الدروج التليفون ايرن القيت خالي محمد وخالتي مبروكه صبحت عليهم وطلعت نجري لانه مسعود سكن اتصالات 😂😂😂 
القيته راكب في السياره فتحت الباب وركبت جنبه
انا ابتسمت:صباحوو حبيبي
مسعود رقتله: ساعه انرن ماترديش
انا اختفت ابتسامتي: والله ع السريع لبست وطلعتلك
مسعود ايشوفلي:ؤ ليش ما اتردي
انا: ماهو كنت طالعتلك القيت خالي وامك صبحت عليهم قعدو يسالو عليا شن حالك ويطمنو
مسعود: اخرلك مره نتصل بيك ماترديش كان منو جنبك ردي قولي مش فاضيه ولا جنبي حد الا انك اتفوتي ولا اتسكري عليا احسابك بعدها
انا ابتسكت: حاضر من اعويناتي وشن تاني
مسعود: خششي شعرك داخل
انا نزلت المرايا: والله يطلع ابروحه باهي 😂😂😂 
مسعود ضحك عليا: انتبهي مره تانيه نالقا طالع انقصه لك 
انا : حرام عليك توا ايهون عليك اشعري اتقصه
مسعود طلع بالسياره: والله ايهون لو بيشوفه غيري بنقطعه من اجذوره المهم ما ايشوفه حد
انا حطيت ايدي علي راسي: اتبصر صح
مسعود ضحك: والله مانبصرش مانبيش حد غيري اشوفه الشعر الي سحرني انا ما نبيش يسحر غيري
انا: مصحك بتقص شعري
مسعود: عادي ليش لا
انا ضحكت: وربي مش طبيعي انت باهي قولي توا وين ماشي بيا
مسعود: خاطفك ❤️
انا ضحكت: واحلى خطفه باهي 😂😂😂 
مسعود: ماتخلينا انديرو حاذث ما ايصيرش منها
انا ابتسمت انعدل في الوشاح: اعزمني ع الفطور ره طلعت مش فاطره 
مسعود ابتسم : علي احلى فطور ادللي بس
انا بفرحه 😍: نجك ليا ❤️😍
مسعود: في الاول بنمرو ع الكليه نعطوهم الملف وانسجلك وانتم امور ايه ونطلعو مايخدش وقت واجد
انا: تمام
مسعود: باهي احكيلي ليش بتغيري تخصصك لي قانون 
انا:عشان نبي ناخد حق كل مظلوم و نوقف امع الحق و انكون امراة ناجحه وقويه تقدر تاخد حقها
مسعود ابتسم: اكويس بس ايكون في معلومك انا بنخليك تقري وتاخدي الشهاده مش بنحرمك من اقرايتك بس بتاخدي الشهاده من هنا بتعلقيها في الدولاب وانسي كلمة خدمه
انا: بجديات تحكي
مسعود برم وجه: والله جد الجد مانبي مرتي تخدم
انا: ليش مش اموافق
مسعود: انا كا رجل شرقي مانرضاش مرتي تشتغل وانا قاعد باذن الله انوفرلك كل شي تحتاجيه تطلبي اعيوني نعطيوهلك بس الخدمه انسي
انا: عشان خاطري به بنتعب وبنقرا وفي الاخر يمشي هك تعبي
مسعود: لا
انا: اوووف دون ناخد الشهاده وربي الا قانعتك وامغيره رايك
مسعود: جربي انتي وحضك بس في الاخير راي ثابت
انا: برمت وجهي رقتلي منه من الاول تحكم 😤 
قعدت ساكته نص الطريق ماحكيت
مسعود: ازعلتي مني 
انا: وكني بنزعل فرحانه بنطربق ماتشوفش فيا فرحانه
مسعود: هههه مايمشي امعاك الزعل ماتفكريش فيه الموضوع توا انسيه بعد ايجي وقته ساهل
انا سكتت ولفيت وجهي لانه بجد كانت راقيتلي منه
مسعود: خلاص عاد ريناد افردي وجهك هو موضوع تناقشنا فيه وتم
انا: باهي توعدني اتفكر في الموضع واتخليني نشتغل انت تختار المكان ولا تفتحلي مكتب ابروحي
مسعود:حاضر انفكر فيه حتي هي فكره حلوه نفتحلك مكتب 
انا افرحت وشفتله: بجديات بتفكر اتخليني نشتغل
مسعود ضحك: انتي غير خوديها الشهاده بس بعدها كل شي ساهل
انا بتقه: اكيد بناخدها عندك شك فيها
مسعود:واتق فيك ترفعيلي راسي
انا: ونبي انسوق كله
مسعود: احلمي بيها صكريلي مواضيع هذين مش وقتهن
انا نضحك: امتي وقتهن
مسعود: بعد نتزوجو عشان ناخد راحتي فيك نعرف كيف تصرف امعاك
انا نضحك: لا والله لازم نتفقو توا
مسعود: انتي تبي اتخليني نقلب السياره عليك تي تفتحي في مواضيع مايتناقشو توا
انا: باهي ها سكتت 😑😑 
مسعود: الحمدلله اوصلنا هيا انزلي
نزلنا انا ومسعود خشينا الكليه كان ماسك ايدي ❤️ وايده التانيه فيها الملف امتاعي 😍❤️ قعدت نتفرج ع الكليه والناس الي فيها خشينا ع مكتب المسجل قعد مسعود ايهدرز امع الراجل لانه صاحبه وعطا الملف
نشبح فيه ايعدل في اوراق ويختم وايوقع ماعرفتش شن ايدرو 😂😂😂 لاني امصبيه في المامر وهم داخل وقعدت نتفرج امع الي خاش والي طالع 
اشويا طلع مسعود مدلي ايده مسكت فيها
مسعود: طولت عليك
انا: لالا حبيبي
مسعود ابتسم ع الكلمه: اتهبل من فمك
انا ابتسمت: اصلي كلي علي بعضي نهبل 
مسعود ضحك: يا عبدالواتق انتي
انا ضحكت: ترا قول كذب كلامي
مسعود ضحك: وربي اتهبلي مافيش زيك
انا: بالله توا شن فايدتي جايبني امعاك ماهو خشيت ابروحك كملت كل شي مافيش داعي لجيتي
مسعود ضحك: والله هكي جبتك عشان تفرج عليك بس 😂😂 
انا: باهي هيا راني جعانه
مسعود: باهي وانتي قريب تاكليني
انا:: 😂😂😂😂 والله لو طولت بناكلك مافياش شك البطن قبل الوطن
مسعود: 😂😂😂 الستر ياربي وين البنت الدلوعه والي مليانه أنوثة 😂😂😂 
انا: 😂😂😂 بعد انجوع انساني 😂😂 وانا نضحك حسيت كاني لمحت جلال بس كدبت روحي قلت شن بيجيبه هنا ولا وبيعرف انا هنا
طلعنا من باب الكليه
ركبنا السياره
مسعود ولع السياره: باهي وين تبي نرفعك 
انا: وين ما يعجبك
مسعود: توا نرفعك لاكثر مطعم انحبه
انا: به
قعدنا انهدرزو وجو عادي مشينا المطعم كان ايهبل وحلو طلبنا فطور وفطرنا وقعدنا انهدرزو
مسعود:خلاص كملتي نطلبو الحساب
انا: اي
مسعود طلب الحساب ودفع
طلعنا امع بعض 
مسعود:بنمشو لي السوق ره
انا: ليش
مسعود: خودي دبش لي الكليه وحاجات نقصاتك من جيتي هنا ماطلعتيش وماجبتي دبش واجد امعاك
انا:اها صح بس عندي في بيتنا دبش واجد حتي مش لبسته
مسعود:من عقلك شن بيرفعنا غادي خلاص انسيه توا ناخدلك من هنا
انا: بس حرم اتكلف روحك والله عندي
مسعود: معاش اتعاوديها ليا الكلمه هذي
انا: حاضر بس بنطولو هكي مرات العيله تنشغل 
مسعود: عادي مادوريش
انا ابتسمت: هو انت اليوم ماعندك شغل ولا كيف
مسعود: والله فضيت وقتي علي شانك رغم الشغل زاد عليا وضغط في الخدمه بس اجلت كل شي عشانك
انا: ياناعليا 😍😍 كنك يوم عن التاني اتزيد اتهبل
مسعود: لانك امعايا
مشينا السوق قعد مسعود يختارلي علي ذوقه ايهبلو 😍😍❤️ مشي جونا حلو شفت شخصية مسعود اكثر زددت عشقت تفاصيله ايهبل بكل حالاته كان مسعود غير شخص متفاهم عكس المعقد شخص الحنون عكس المتعصب شخص الرومانسي عكس البارد كان مسعود غير الي نعرفه اعيونه كانو فيهم لمعه حلوه وضحكتة مرسومه واضح فرحان ❤️
كملنا كل شي روحنا
اول ماخشينا كنت نضحك علي مسعود كيف شايل الكياس ماخلانيش نرفع امعا 
خشنا القينا العليه كلها ملتمه سلمنا عليهم وريت خالتي مبروكه وايه شن شريت وعجبهم دبشي وفرحولي
انا كنت فرحانه انوري في ايه ومبروكه في الدبش وانطلعلهم فيه بالصدفه رفعت عيني طاحت علي مسعود ايشوفلي مبتسم غمزلي هو يضحك امع مؤيد
تحشمت قعدت انهدرز امع ايه
خالي محمد كان ايشوفلي انا ومسعود وامدقق فينا
خالي محمد: مسعود 
مسعود: نعم بوي
خ محمد: شقتك شن ناقصها
مسعود: تامه تبي اثات وتفريش بس
خ محمد ; امال ابدا فيها من توا نبو نستعجلو مادبيا نقرو الفاتحه الجمعه هذي والعرس بعد اتكمل اثات طول استجعل نبو خلال الشهر هذا 
مسعود ايشوفلي وعارفني مانبي توا الفرح: يا بوي مايجيش هكي خلي عمي عبدالله ايسكر شهر ولا شهرين ع الاقل
انا ساكته ونسمع 
خ محمد: عارف بس الحي ابقى من الميت لو ماتبو اديرو فرح كبير عادي بس خلوها فاتحه وفرح عائلي نفس اليوم وارفعها بس تقعد انت وياها نفس البيت من غير شي رسمي غلط في غلط
مسعود رقتله: يابوي افهم البنت بوها متوفي كيف ترضاها وهي زي اي بنت تحلم بعرسها ايكون كبير تبيني مانديرلها عرس وانت عرفني اكويس مانغلط في شرفي وعرضي في النهايه بتكون مرتي 
خ محمد: توا انا ما قلت شي تبو اديرو فرح برحتكم بس لازم تتزوجو بسرعه
الكل ساكت ويسمع في النقاش بين مسعود وخالي مافيش حد تجرا تكلم
مسعود: وليش بسرعه
خ محمد: لانه جلال و سالمه مش ح ايخلوكم تتزوجو
مسعود قرن حواجبه: ليش
خ محمد: لانه اليوم اتصلت فيا سالمه اتهدد قالت احني بناخدو ريناد منكم بالكيف بسيف بناخدوها واترجعو كل املاكها وتتزوج جلال غصبن عنكم 
مسعود انصدم: كيف 
الكل 😨😨😨😨😨 
مؤيد: مصح الله وجها غير اطلقوني عليها وربي انربيها من جديد
ايه: حسبي الله ونعم الوكيل فيها هي ولدها
انا خش لقلبي الخوف مش عارفه شن حاكيه لي خالي اصلا نضرات خالي من اول ما جينا انا ومسعود مش طبعيبه 🥺😢😢 بس ليش فرحتي ماتم انا 
مسعود: شن حكتلك تاني
خ محمد: كلام فاضي واتهدد انرجعو رزق ريناد باسمها بس من كلامها مش ناويه علي خير
مبروكه: والحل
خ محمد: هم يبو ريناد وريناد مش امحصلينها نبيهم يتزوجو باسرع وقت خلال السبوعين هذين لو مكان الخميس هذا الخميس الجاي اخر كلامي
مبروكه: الطف علي شنو بنلحقو
انا شفت مسعود واعيوني تعبو ادموع هو نفس القطه يبي ايشوف ردة فعلي
مسعود: ياباتي خيرك مستعجل كان خايف علي ريناد مافي حد يقرب شورها 🔥 خلي اتفوت فتره علي باتها واندير الفرح
خ محمد تعصب: هي كلمه و قلتها ماتخليش توا انجيب الشيخ يقرا فاتحتكم وتمت انا بعد حكيت ماناخدش في رايكم انا امقرر من البدايه لو ماتبي تزوجها عادي توا انزوجها لي مؤيد 😡😡😡😡 
الكل انصدم انا قعدت نبكي ماقدرتش انشد ادموعي 😭 
مسعود رقتله: شن هي لعب افروخ امالا وربي ما ياخدها حد غيري 😡🔥 
خ محمد 😡: امال هوينا برا اشقا بعمرك وشقتك بسرعه
يا لخميس هدا يا الخميس الجاي
مسعود تنهذ:تمام الخميس الجاي
خ محمد: وانتي يا مبروكه اشقي وعولي لي البنت دبش الي تحتاجه
انا كيف جتني الشجاعه تكلمت مش عارفه منين
انا 😭😢: بس ياخالي كنك مستعجل هكي مايجي عرس بسرعه وانا دوبني بنقرا خليه في نص السنه
خ محمد : كله لي مصلحتك يابنتي سوا توا ولا بعد اشهور ولا سنه انتم بتتزوجو واقريتك بتقري عادي مابيتغير شي زي توا زي بعدين بس الاهم توا نقطعو كل طريق الي بتحاول فيها سالمه توصلك لانها لو حصلو عليك انتي الي بتخسري كل شي
انا لي لحظه حسيت خالي يعرف بقصة اغتصابي 🥺🥺💔😢 
انا: تمام زي ماتبي خالي بس مانبي شي لا حلفه ولا عرس ايكون فاتحه يوم عادي بينا بس العيله
مسعود تعصب: بس
خ محمد: لابس ولا شي الموضوع منتهى
مسعود مسح علي وجه بعصبيه وطلع كان متعصب ع الاخر من بوه ومن تهديد سالمه حط جلال في راسه 😡😡😡 وبيبدا الانتقام منهم 🔥🔥🔥😡 
بعد طلع مسعود رقيت انا لي الدار نبكي لحقتني خالتي مبروكه وايه بالكياس قعدو ايهدو فيا وايحاولو ايخلوني نسكت
وجعني كيف بنتزوج وتراب بوي مزال ماجف كيف بنتزوج وبابا ماصكرش حتي 30 يوم عارفه انه حياتي بتنتهي خلاص وكيف بنحكي لمسعود الحقيقه كيف بنقوله وكيف بنفهه و ردة فعله اكيد بيقتلني 😭😊💔 جميعا هم لم عليا ماعرفتش امتى نرتاح انا ونتفكا من الحياه هذي 
مر اليوم الجو كله متكرهب وانا مانزلت بكل ومسعود من طلعته مارجعش 
تاني يوم 
ايه: نوضي رنوده
انا لفيت وجهي: كنك
ايه:هيا وقت ع الكليه
انا بكسل: ماعنديش نيه
ايه: غير هيا نمشو انغيرو جو كلمت حتي صاحباتي بيجو
انا قعمز: والله ماعنديش نيه ولا خاطر نطلع
ايه: غير بلا كسل تي من زيك بعد اسبوع عرسها بتاخد الي تبيه تي ياريتني انا مكانك والله انكون فرحانه بنطير نمشيله حتي بتوته
انا: في فرق يا ايووته
ايه: مافيش فرق غير انتي نكديه بازياده حتي من مسعود جايب العمال من الصبح في شقته
انا: والله
ايه: اي شكلهم ايركبو في المطبخ
انا:اها
ايه:هيا ره هو الي قالي هيا انوصلكم
اانا ابتسمت: تمام نلبس انتي ماشاء الله حتي لبستي
ايه: هيا نوضي ع السريع لانه صاحباتي وصلو من امبدري في الكليه ايرنو
انا نضت: باهي بزغم ماعنديش نيه ليها المشيه
ايه: غير اطلعي بس
انا خشيت الحمام
ايه رفعت تليفونها واتصلت بي مسعود
ايه: صباح الخيرات
مسعود: صباح النور
ايه: فاضي توا
مسعود: والله عندي عمال ورايا الف حاجه شن تبي
ايه: غير كنت نبيك اتوصلنا انا وريناد لي الكليه لكن توا انوض مؤيد 😏😏😏 
مسعود: خلاص وتو ارواحكم تلقيني تحت
ايه ابتسمت:تمام
صكرت منه وتضحك 😂😂😂 
طلعت ولبست بسرعه لانه ايه اتنق علي راسي 
نزلنا تحت كان مافيش حد عكس العاده
طلعنا وصلنا مسعود كان الكل ساكت
مسعود: ساعه كم انجيكم
ايه: علي حسب بعد انكملو نتصلو بيك
مسعود: تمام 
طلع من جيبه افلوس اعطاني انا و ايه نزلنا
وهو روح
خشينا الكليه 
مشينا لجنب الحديقه كانو صاحبات ايه يستنو فيا
تعالو انعرفكم عليهم
ايمان م96
خلود م96
دلال م97 
تعرفت عليهم بنات عسل نزلنا مواد بما انه انا ضايع عليا فصل عشان حولت فا ايه متقدمه عني يعني انا بنقرا سمستر الاول وايه سمستر التاني 
مر الوقت انهدرزو ماحسينا بيه 
مشت ايه وايمان ودلال لي الكفتريا بيشرو
قعدت انهدرز انا وخلود
انا: ان شاء الله ساهل والله خوفتوني
خلود: ماتخفيش والله حلو بس دسم اشويا ويبي حد يقرا وايتابع بالأول
انا: يستر الله
خلود رن تليفونها وصبت من جنبي بعدت اشوي تهدرز
كسدت ابروحي وطلعت تليفوني فتحت النت
فتحت الوتس القيت مسعود باعتلي شن جو الكليه
بنرد عليه نسمع صوت
جلال: واخيرا شفتك ياسمحه شن جوك ياقمر😍😍 
انا انخلعت😨😨😨😨😱 : انت
جلال ابتسم: اي جلال ليش لونك انخطف
انا خفت 😨😨: ل ليش جيت هنا شن تبي
جلال: شكلك عايشه حياتك وضارتها ايزي كليه ومطاعم ومولات جوك افري امع السيد مسعود وتضحكو وايدكم في بعض
انا 😭💔: شن تبي جاي اطلع من حياتي ساد الي درته فيا
جلال: انا ظلك صعب انخليك والله لو اطريت نقتلهم كلهم وناخدك انت ليا انا بس
انا متت من خوف حسيت قلبي بيوقف من كلامه
انا: الله يلعنك حسبي الله ونعم الوكيل فيك
جلال ضحك: والله يافرخه تعالي انعاود الليله هذيك والله قداش خاطري فيك
انا حسيت جسمي فشل من الخوف رجليا معاش شالوني
انا 😭😭💔: حسبي الله ونعم الوكيل فيك 
جلال: لو ماهربتي يومها كانت الخطه الي راسمها بنتجح بس انتي خربتي كل شي ليش خليتني نحقد عليك تكلمي 
انا 😭😭:وربي لو ايشوفك مسعود والله يقتلك
جلال:ضحك 😂😂😂 والله زعما كيف بيتحمل الكلام الي بنقوله ليه انك انتي اغريتني وديما تطلبي من في حاجات غلط وانك مش تمام بكل و امتاع اولاد
😂😂😂😂 
انا طحت علي اركبي نبكي بعبرتي خلاص حسيت روحي انتهيت في لحظه 😭😭😭😭 فجا
ايه: رييييييننننناد 😭😭😭 
مسعود 😡😡😡😡😡💥💥💥 
يتبع..

تعليقات



حجم الخط
+
16
-
تباعد السطور
+
2
-