رواية هروب ما بعد اغتصاب الحلقة الثالثة 3 بقلم ميرو أحمد
رواية هروب ما بعد اغتصاب الجزء الثالث
رواية هروب ما بعد اغتصاب البارت الثالث
 |
| رواية هروب ما بعد اغتصاب الحلقة الثالثة 3 بقلم ميرو أحمد |
رواية هروب ما بعد اغتصاب الفصل الثالث
ايه قعدت اتشوف في العشاء واتخبر فيا مكان السكر والقهوه والحاجات التانيه عشان نحفظهم طيبتها شربت انا وياها انهدرزو
ايه: شكلك تريحتي في النومه
انا نشرب في القهوه: من توفى بابا مارقدتش اكويس الا اليوم حسيت بكمية الراحه والامان
ايه ابتسمت: ان شاء الله ديما مرتاحه
انا رديتلها نفس الابتسامه
ايه: به احكيلي عن نفسك اكثر اي صح مرتبطه انتي
انا : لالا مش مرتبطه 😂😂😂 مانبيش نرتبط في حد
ايه: تي محلاه الحب غير جربي
انا ضحكت: تي فكيني منه ماعنديش ليه راس وبعدين من بنحب انا مش فاضيه للحب بكل
ايه بغرور: تي حبيني انا اصلا انا الكل ايحبوني ❤️ محبوبة الكل
انا ضحكت عليها: تي من اعيوني غلاي انتي
ايه: ايوا نبي مكانه خاصه وحي عليك كان اتصاحبي غيري تي نااررر في الغيره انا
انا ضحكت 😂😂: هههه هو اصلا عندي غيرك
ايه بدلع: عارفه روحي ايوته وحده في حياتكم
انا:ياتقه انتي ومن هو الحب
ايه تضحك: نعلي من الحب ومن نار الحب😍❤️❤️
مسعود عاقد حواجبه: حب شنو الي تحكي عليه
ايه انخلعت اشويه وكبت الطنجره عليها
مسعود : كنك سكتي توا
ايه خايفه وخشت بعضها لانها تخاف من مسعود واجد صعب واعر عكس مؤيد الي فرفوش وما ايعدل
ايه تتكلم وخايفه: ااانبصررو انااا ريناد
مسعود بعصبيه: ماتشوفيش فيا عيل نرضع في صبعي احكي
ايه اهني قريب ماتت
انا حبيت ننقد الموقف: كنك امعقد انت انبصرو عادي ابصارت بنات
مسعود سكت ايشوف لي ايه
انا: كنك اتشوفلها هكي تقول دايره جريمه
مسعود:ماحطوك محامي عليها عندها السان اتكلم
اما ايه مصدومه اتشوف لي مسعود مانطقت حرف
مسعود مزال عاقد حاجه شاف ايه :بري حديديلي سوريتي وديري قهوه امعاك
ايه بخوف: تمام
طلع مسعود
ايه تنهد براحه
انا ضحكت:كنك خايفه منه زرطي السانك وين الي كا ايلعلع ويهدرز
ايه: تي مسعود ما امعاه ابصاره بكل رعب
انا: انتي امركبه عادي هو
ايه: مزال ماتعرفيه توا هادي حي عليك كان تعصب ولا درتي حاجه غلط نهايتك
انا:مش لي هل الدرجه
ايه: توا اتشوفيه امع الوقت تي حتي من بابا دايرله احساب وعاطيه مسوليتنا ويتصرف ع راحه
انا سكتت نسمع فيها
ايه: من هو اصغير طبعه صعب هكي بعد كبر زاد تعقد اكثربدي ايحب التحكم واجد وكلمة هو الي تمشي
انا: اي صح وينه خالي محمد
ايه: في المستشفى امداير عمليه ع المراره قبل يومين
انا: الحمدلله علي سلامته
ايه: الله ايسلمك اي صح بكرا بابا بيطلع وامدايرين لمه عائليه بس
انا:اها
ايه: اي خلي انشوف انحددله دبشه شكله بيطلع بنتعبك ديريله قهوه وارفعيها
انا:تمام
طلعت ايه
انا قعدت انجدد في القهوة وغسلت الفنجان وحطيته علي الصفره
قعدت انراجي في القهوه اتفور
خش مسعود
مسعود: وينها المصيبه هذي
انا انحرك في الكاشيك في القهوه: المصيبه اتحددلك في دبشك
مسعود شافلي بطرف عينه: قوليلها تستعجل بسرعه
انا: هيا اختك فوق امشيلها عليش اتقول فيها ليا
مسعود سكت هو يغلي من داخل
جاي بيطلع
انا: راجي القهوتك
مسعود وقف: وينها
انا: دقيقه بس
استنيتها فارت اشوي وطفيت عليها وصبيتله منها واعطيتها ليه
مسعود خادها بيطلع
انا: مسعود
مسعود التفت: نعم
انا: شكرا علي كل شي درته ليا وربي معروفك مش حاننساه وقفتك امعايا ابروحها تكفي نشكرك طول عمري
مسعود: ماتشكريني انتي وحده من اهلي مانقدرش انخليك بين ناس طامعه فيك حتي لو ماحكيتيلي لو عرفت موتت بوك ماخليتكش تقعدي ابروحك غادي
انا سكتت
مسعود:تبي اي شي محتاجه شي كلميني زيك زي ايه ماتتحشمي
انا:صحيت والله مش محتاجه شي
مسعود: تمام المهم تبي شي كلميني رقمي عندك
انا الدكرت الشفره ضحكت: كسرتها شفرتي
مسعود انصدم: ليش
انا: لانه قعدو يتصلو بيا مانبيش يعرفو وين انا وصلو حتي في صاحباتي
مسعود: موضوع كبير يعني
انا: لالا هما خايفين علي الفلوس خايفني نصرفهم وانلزهم عشان كل شي باسمي هدا علاش يبوني نتزوج جلال عشان مرت بوي تملك كل شي
مسعود ضحك: وشن هي تروتك الي ايطاردو فيك عليها
انا: اتصدق مانعرفش كم تروتي او شن نملك بس بابا كل رزقه كتبه باسمي وعندي كل الاوراق
مسعود: ترا وريهم ليا
انا: قاعدات فوق
مسعود: تمام خليهم مره تانيه اندقق فيهم اكويس توا مستعجل بنطلع انشوف باتي
انا هزيت راسي: تمام
جت ايه ماسه قميص وجاكيت
ايه: اهو حددتهم ليك
مسعود: حطيهم في الدار شنو بنلبسهم هنا
ايه كشخت: باهي وبرمت مشت
مسعود طلع وراهايشرب في القهوه بيرقا فوق عشان ايغير
قعدت في المطبخ ابروحي اشويا جت ايه
حطينا العشاء ورفعناه
قعدنا نتعشو نزل من فوق مسعود بكل اناقة وعطره سابقه وماسك تليفونه يتصل
مبروكه: تفضل يا اوليدي
مسعود مستعجل: صحه طالع تبي شي
مبروكه: سلامتك بس طمني علي بوك وقول لي مؤيد ايجيب الي وصيته عليه
مسعود: حاضر
مبروكه: يحضرلي عرسك يارب
مسعود طلع
قعدنا نتعشو وانهدرزو مش عارفه هكي تريحتلهم وانهدرز امعاهم كاني نعرفهم وعايشه امعاهم كنت مانبي نقعد ابروحي انحاول نهرب من واقع حياتي الكبير انحاول نشغل افكاري مانفكرش في الي صار انحاول ننساه بس كدب لو انقول ننساه بس انحاول نتعايش من غير عذاب
مرت ليله عاديه ضمينا الحوسه انا و ايه بعدها قعدنا انهدرزو وسهرنا كل ونتعارفو اكثر وايه قعدت تحكيلي علي حياتها
انا: باهي كملي
ايه مسكت المخده: هدا ياحنه مره تليفوني قعد يطفا ويولع ابروحه والي نحفظها فيه تمسح ابروحها المهم خشت ع الفيس علي صفحة محل هنا معروف مشكور في صيانة الهواتف المهم خشيتلهم وحكيتلهم علي مشكلة تليفوني وقالولي ضروري اتجبيه ايشوفوه وانا ماعرفتش كيف انكلم خوتي المهم بعد يومين طلعنا انا وبنات خالي لي السوق وكان رفعنا خالي بالصدفه فتنا من جنب المحل كلمت خالي قتله علي تليفوني نزلنا انا وخالي خشينا داخل كان في شخص واحد فيه المهم قتلهم انا من يومين حكيت امعاكم المهم قالي ترا انشوفه التليفون اعطيته ليه قعد ايشوف اشويا قالي في فايروس باعته حاجه امفيروزسه الهاتف مش عارفه شن دار بعدها قالي البلتوت معاش اتخليه مفتوح ديما عدله واعطا ليا خالي قاله كم الحساب قاله صاحب المحل لا والله مش مستاهله مابش ياخد الفلوس منه بعدها طلعنا روحنا عادي بعد يومين بزبط
جاني طلب علي الفيس باسم احمد عبدالحميد ماوفقت عليه خشلي ع الخاص يبعت قالي انا صاحب المحل الفلاني الي صلحت تليفونك المهم سلمت عليه بنختصرلك شن صار
المهم سالني لو تكررت المشكله قتله لا سالني شن اسمك وهكي قتله ايه قعدت يوم عن يوم تكتر هدرزتنا امع بعض وتعرفنا علي بعض اكثر بعدها هو اعترفلني انه اعجب بيا من اول ما شافني وهكي استمرت علاقتنا توا الاتنين انحبو بعض تعرفي يا رنوده ايهبل وشخصيه انحبه ❤️😍
انا ابتسمت: ربي يعقد عسلكم يجمعكم امع بعض ونفرح بيكم ان شاء الله
ايه: تسلميلي عقبال مانفرح بيك يارب
انا ابتسمت بوجع: لا انا بنقعد هكي لا حب لا زواج انكمل اقرايتي ونمسك شغل بابا
ايه: ضروري ايكون امعاك راجل يحميك مستحيل تقدري ابروحك
انا ماسكه عبرتي مانبي نبكي وانبينلها كلمه ازياده تهدمني وانا نكدب علي روحي اني قويه في لحضه بس ننهار : انعست انا
ايه: والله حتي انا نعست حتي احمد قالي امسافر لي البيضاء امع اصحابه امزردين يومين تعرفي رايفتله مانقدرش نتصل بيه امعا اصحابه هو قالي انا نتصل بيك انتي ماتتصلي
انا : 😂😂😂😂 عليش
ايه: قالي هكي مانبيش اصحابي يعرفو اني انكلم يقعدو يسمطو عليا
انا:اها
ايه: هههههه حسيتك اشوي تاني ترقدي 😂
انا: اها ماهو انعست
ايه: تريحي به ارقدي اصلا بكرا يوم طويل وخدمه فوق راسنا
انا ضحكت: هو من اول يوم جيتكم ضيفه اتخدمي فيا 😂😂😂
ايه: مانكش ضيفه تخدمي زي زيك تعودي من توا 😂😂😂
انا ابتسمت: تعرفي في بيتنا كان عندنا خدمات
ايه:جديات
انا: اي
ايه: علي ما انق فوق راس ماما انجيبو وحده اتساعدنا حتي في الضمان قال لا قالت ماتنكتب عليا انجيب وحده اتنضف حوشي والناس يحكو عليا بايره جايبه وحده تخدم فيها وعندها بنت طول في عرض وخايبه وبايره
انا: هههههههههههه بكل اخويله
ايه: 😂😂😂 ديما لبستني
انا: تستاهلي من السانك الاحرف
ايه كشرت: حرام عليك كنه الساني
انا ضحكت:اينقط عسل
ايه 😍: ياخيه نجيك اتهبلي
انا: به توا اتخليني نرقد ولا لا
ايه: ارقدي مرقد ان شاءالله
انا ضحكت عليها صبيت خشيت في السرير
ايه: توا انا وين بنرقد
انا: تعالي خشي امعايا ايسدنا الاتنين الضيق في القلوب بس
ايه ضحكت وخشت امعايا
ايه: توا قصدك بكرا بعد نزوج بنرقد امعاه هكي في نفس السرير
انا ضحكت عليها: لا بيرقد برا وانتي داخل
ايه ضحكت: ههههههه حلوه هذي
انا:امالا وين تبيه يقعد
ايه ابتسمت: في قلبي
انا:بالله خطيني انتي ورمانسيتك في هل اليل
ايه ضحكت: شن بندير رايفتله
انا قلبت وجي لي الجيهه التانيه: 😂😂😂 ديري رايك خليك هكي لي الصبح انا بنرقد
ايه: خزي ماكملتش كلامي
انا:وربي لو ماتسكتي انوض من جنبك
ايه: ماعندك وين تمشي اندفسي خلاص بنرقد
انا ضحكت عليها غمضت اعيوني حاولت نبعد كل الافكار اترجعني لي قبل يومين استسلمت لنوم بسرعه
ايه كذالك رقدت
.
.
.
.
.
.
---------------------------------------------------------
عند سالمه وجلال بعد طلع المحامي اوجوهم ماتفسر 😨😨😨انصدمو قعدو ايدورو فيا اتصلو بصاحباتي اتصلو باي شخص نعرفه انا دورو مالقيوش شي مصدومين كيف اختفيت فجاء
جلال:مستوعبه انتي شن قال المحامي
سالمه ماسكه تليفونها وترجف: مزال نرعش من كلامه اخر شي نتوقعه ايديره عبدالله
جلال:ماهو كلب داير احسابه
سالمه: بنعرف ليش حط خالها وكيل عليها وعلي رزقها
جلال: ماهو حقير عارف احني بناخدو الرزق منها
سالمه: والحل
جلال: لازم نالقوها قبل عندي خطه ممتازه
سالمه: انت اسمعت شن قال المحامي
جلال: عارف خلينا انديرو الي يبوه حتي الشقه خير من الشارع
سالمه: بس كيف ايطلعوني من بيتي
جلال:ماتنسي البيت با اسم الفاسده الي هربت
سالمه: عطها داه هل المنحوسه خبربت خطتنا
جلال ضحك:وراسك خطتنا حاتمشي تمام وناخدو الي نبو غير نالقوها بس ماتنسي انها مش بنت غير انحصلها توا وقعد يحكيلها في الخطه
بسرعه ما سالمه ابتسمت: توا مهمتنا انجيبوها
جلال :هوا صح في كاميرا عند الباب والشارع
سالمه:اي
جلال صبا بسرعه:معناته توا انحصلوها
.
.
.
.
.
.
.
تاني يوم
وعيت الصبح بدري امع ايه واخويله انجهزو لي الغداء
لانه خالي بيروح توا
كملنا تجهزات الغداء خليت ايه اتحمر في اللحم
انا: انا بنمشي اندوش وانغير
ايه:تمام حتي انا انكمل الي في يدي ونلحقك
انا: به
طلعت وخليها القيت اخويله اتبخر في الصاله والمربوعه
رقيت فوق خشيت الدار طلعت توته لانه ماجبت امعايا دبش طلعه كله اتوت وحاجاتي الخاصه طلعت توته كانت نضام التوب سروالها ضابط فيه شده من تحت لونها اسود درت اشعري كوده فوق وبخيت اشوي عطر وانا طالعه خشت ايه
انا:شن رايك فيها
ايه: اتهبل حلوه من وين واخدتيها
انا ضحكت: حتي لو قتلك وين بتمشي لي ....
ايه:ههههههه الحق لا
انا: الحق ماجبت امعايا لبس عادي امتاع مناسبات
ايه: عادي البسي مني
انا: لا مانحبش نلبس من حد الحق
ايه:انا مش اي حد انا اختك
انا: نجك ليا
ايه:حتي انا زيك بنلبش توته مافيش حد غريب عيت خالي وخالتي بس
انا: اها نعرف قاتلي اخويله
ايه: امال طيري خليني نلبس
نزلت وخليها
القيت اخويله في الصاله و امعاها ناس عرفتهم هذوم اضيوفهم سلمت عليهم وقعمزت جنب اخويله
مبروكه: هدي اختي تهاني هذين بناتها روان ورندا وهدا ولدها وليد
انا: مرحبتين بيكم تشرفت بمعرفتكم
تهاني: وبيك حبيبتي
مبروكه: وهدي سعاد مرت خويا جمال بناتها واسيل وساره ومسره ماعندها اولاد
انا ابتسمتلهم
مبروكه: و هدي ريناد بنت حماتي نجاة الله يرحمها
انا: الله يرحمها
الكل : الله يرحمها
اسيل: موليد الكم ريناد
انا:96
اسيل: بطولت عمرك حتي انا 96
انا: العمر كله
اسيل: تسلميلي
مسره:شن تخصصك
انا:ادره واعمال
مسره: حلو انا بنخش هندسه كان نجحت
انا: بالتوفيق شهاده انتي
مسره: اي
انا: بنجاح ان شاء الله
روان: ليش اخترتي التخصص هذا كله شباب بعدين شن بتشتغلي كان تخرجتي
انا:عادي شغلي واتي بنكمل في شركات بابا الله يرحمه
رندا:ماشاء الله
اخويله: الله يرحمها بوها عقبلها رزق حتي لو ما تشتغل اتعيش هي وعويل عويلها في المستقبل
انا ادكرت بابا 💔💔😢
وليد: الله يرحمه
جت ايه كسرت التوتر
ايه نزلت بسرعه: انا جيت من رايفلي
نطت اسيل: حبقلبي 😍😍
وحضنو بعض زي المهابيل 😂😂😂😂
ايه: شنجوكم ياعيله
كلهم: تمام
ايه: وانت عليش قاعد وسط صبايا
وليد اشر علي روحه: انا
ايه ضحكت: اي انت في حد غيرك هنا
وليد ضحك: فوتيني يا ام السان خيرلك
ايه:تي امشي احني صبايا ابروحنا شن امقعمزك في وسطنا
وليد:مش غلاه وفيك قاعد ..(اشر عليا )الطرف الي احدك خدا عقلي
انا تحشمت اخدودي حمر
تهاني:تحشم ياولد
مبروكه: ههههه توا ماتعرفيش ابصارته هدا
مسره: باهي ياوليد مش كنت انا طرف العيله
وليد: 😂😂😂 لا انتي خلاص بح اهو طرف جديد وصح 😍😂
ايه:وربي انحرش مسعود
وليد: 😂😂😂 شن بيدير يعني مسعود حسستني بيقتلني
مسعود من وراه: عادي نقتلك مانقولش لا
وليد ضحك: انا نسمع في صوت مسعود ولا
نتخايل
ايه:وحياتك مسعود بشحمه ولحمه
وليد التفت: هلا هلا بولد الخاله العزيزه
العيله كلها ضحكت عليه
مسعود:انت متى بتسيب هدرزة الصبايا
وليد ضحك: بعد تعطوني هل الصبيه الحلوه
مسعود: بري ملح مش عاطينك اهوني طريق الباب لو تبي
وليد: كنك انبصرو
مسعود: وانا انبصرش اهوني المربوعه امشيلها اقعد امع الشباب
وليد هز راسه: ميوس منك انت بري ملح بنقعد امع خالتي
مؤيد خاش وامسند خالي محمد وامعا خالي علي
مؤيد: خلل اعضامك ياكلب عليش ماقلت جاي
وليد:خوك هدا ما امعا ابصاره كيف عايشن امعا
مسعود:زي ما هلك عايشن امع تقلت دمك
مؤيد:اوووبا 😂😂😂😂 في اسنونك
ايه شافت خالي بسرعه مشت حضناته وتبكي
خالي محمد: خلاص ياهبله عبيتني ادموع
ايه تبكي: ربي مايحرمني منك بابا
ايه مستحت ادموعها: شن اتحس توا
خالي: تمام نبي اطويسة شاهي من ايدينك
ايه ابتسمت:ادلل بس
مؤيد: اقسميلي اشويا من الحب
ايه حضنت خالي: تؤتؤ لبابا بس
مؤيد:دوري من يرفعك مره تانيه
ايه: بابا قاعد
مؤيد:اعبي عليها بوك معاش بيسوق 😂😂😂
ايه: صح يابابا
خالي محمد: هدا خوك المصيبه قال معاش اتسوق
خالي علي ضحك: علي اساس مش فرحان انت الي اقترحت عليه انك تتقاعد وتقعد في البيت
خالي محمد : ربي ايفضح بيك ياعلي
الكل ضحك عليهم صبو كلهم ايسلمو علي خالي محمد
قعدت انا اخر وحده
انا متوتره خاشه بعضي مديت ايدي: الحمدلله علي السلامه خالي
خالي محمد دمعو اعيونه وحضني: الحمدلله شفتك قدامي قبل ما انموت
انا:بعيد الشر عنك بعد عمر طويل
خالي محمد:سبحان الله نسخة نجاة طول السنين نحلم بيها اتقولي بنتي يامحمد بنتي يامحمد 😢💔
انا 😢💔:الله يرحمها بس كنت تقدر اتجي اتشوفني
خالي محمد: جيت كم مره عبدالله ايلز فيا 💔
انا سكتت 🥺🥺💔
خالي علي: ماتبيش اتسلمي علي خالك
انا سلمت عليه حتي هو حضني
خ علي: بقاء والدوام لله في بوك
انا زدت حضنته وقعدت نبكي 😢😭
خ علي رفع راسي بايده: خلاص ادعيله حبيبتي ادموعك هذين ازيدو يحرقو فيه
انا هزيت راسي هو مسحلي ادموعي
خ علي : خلاص توا نحنا عيلتك اعتبريني بوك وخوك وامك كلنا عيلتك
انا 💔😢: ربي يحفظكم ليا
ايه: لا يا اعليوه انت اكبيدتي انا تي كنا لي سناء جت ريناد تبيني نتقتلهم الزوز
خ علي ضحك: حي عليك تقربي سناء ياويلك مني
مؤيد:اهو باعك يا رنو 😂😂😂
ايه كشرت: اعيلوه ابيوع بكل باهي
خ علي: حتي هي سينو 😍😂
انا ضحكت بشويش: حرام عليكم حتي هي خطيبته كيف ما ابيعكم علي شانها
مؤيد: غبيه باعك انتي مش نحنا
خ علي مسكني من كتفي وحط ايده: وعليش تفتنو بينا
مبروكه: تفضلو قعمزو وانتم شديتوها هدرزه
خ علي: بنمشي انغير انا ازهقت من المستشفى
خالي محمد: انا بنمشي لي المربوعه نتكا
مبروكه:تمام توا انحطولكم الغذاء
خ علي: ؤامال انا انطق في البيت انغير وانجي
انا: قصدك مش ساكن هنا خالو
خ علي: لالا ساكن ابروحي جنب محمد
انا: اها
خ علي: اتجي امعايا اتشوفيه
انا: اي عادي
ايه: ؤ حتي انا بنمشي امعاكم
خ علي: هههههه ضرة سناء فكينا من الجو الشين
ايه: اعليوه نزل منك ره مافيش حد ايحددلك ولا يغسلك دبشك ره
خ علي: لا خلاص اهي ريناد قاعده
ايه: اعليوه ره
خ علي قص عليها: انبصرو يا غيوره باهي تعالي
ايه 😍😍: نجك ليا احلا اعليوه
مسعود: كم مره انقولك قولي عمي
خ علي: وانت شن دخلك انا راضي بيها
مسعود: مايجيش انت عمها مفروض تحترمك اشويا مش اتمايع
خالي محمد: خلي البنت في حالها كنك بتركبلها حاله نفسيه مش كان عطيتك مسؤليه تتصرف وتحكم من عندك بنتي مادام انا حي مادخلك فيها ولا اتجي شورها
مسعود رقتله سيبهم ورقا فوق
خالي محمد: وانتي شدي روحك واعرفي كيف اتكلمي
ايه: ما انت تعرفني انا انقول اعليوه من ونا صغيره
خالي محمد: خلاص توا كبرتي عيب حتي في حقه
خ علي: كنكم كبرتوها انا قايليها اتقول هكي و راضي كنكم نفسيه هكي اطلعو انتم قدامي احسن
مشيت انا وايه وخالي علي لي بيته الي جنب عيت خالي محمد
بعد ماطلعنا خالي والشباب خشو المربوعه مسعود قعد في داره ما طلع جاء جمال خو مبروكه
احني ماطولناش خش خ علي ايغير قعدت ايه اتوري فيا في البيت كان حلو وصغير عباره عن 3اديار وحمامين ومطبخ وصاله كان بيته مفروش واتي قتلي ايه انه عرسه بعد 3 اشهور
طلع علي
علي: شنو عجبك رنو
انا: اها ايهبل قاتلي ايه عرسك بعد 3 اشهور
علي: اي
انا: الف مبروك ربي ايهنيك
علي: وعقبالكم يارب
ايه: انا نبيه زيك ره
انا ضحكت ورقصت حواجي ليها علي طول شرقت
علي: كنك بسم الله
ايه وجها احمر: لا شي
انا: كيف عايش ياخالو ابروحك
خ علي: والله اكلي وشربي في بيت محمد زي ماريتي المطبخ مافيش شي هنا انجي نرقد بس والبنقلا الي قدامك اتجي اتنضف فيه ديما وتغسل دبشي كله واتحدده واتحطه
انا:ههههه توا اتجي سينو الي بعتنا عليها ادير كل شي
خ علي ضحك: غير خليها اتجي وراسك ما انخليها تلمس حاجه
ايه ضحت: امال متزوجها بتفرج عليها من بيخدمك
خ علي: لا انتي بتخدميني اما هي بنتفرج عليها
ايه شهقت: مصحك فوق ماك جايب ضرتي هنا تبيني نخدمها تحلم اطلقها نخدمك اما هك لا مانرضاش
خ علي قعد يعلب شعرها ايكر فيه: في عينك انطلقها تحلمي 😂😂😂😂 انا ما انصدق انحصلها
انا ضحك عليهم: تو انتم هكي ديما الي ايشوفكم ما ايقول بنت وعمها 😂😂😂 حتي البنت وخوها مايدروش لهبال هذا
خ علي: ههههه هذي بنتي واختي واخرا ضرة مرتي 😂😂😂😂
ايه: 😂😂😂 زعما سينو بتكرهني بعد اتجي هنا
انا: رسمي بتكرهك 😂😂😂
خ علي: لالا بلعكش سناء اتحبك غير انتي غايره منها
ايه: وراسك اتلسن فيك اتقول انحبها ولا شنو تي انا شفتها يوم الخطبه قريب تنقز تقتلني
انا ضحك: ربي ايعينك ياخالو طحت بين نارين
خ علي: بالله اشحي خالك كيف شيب قبل وقته منهم
انا: ربي يحفظك ان شاء الله
ايه: هي كان شيباتك بطلباتها ومشاكلها انا خيرني
خ علي: ريتي يا رنو كل وحده في جيهه المشكله الاتنين غاليات عليا
انا: 😂😂😂😂 وانا
خ علي: انتي اعيوني و ريحة من الغاليه
ايه: بالك حتي اسنونك
انا: 😂😂😂 لو قعدنا هكي احتمال اتكوها امع بعض خلي نمشو
خ علي: اي صح
ايه: باهي يا اعليوه بعدين سناء شينه شن عجبك فيها بس
خ علي: بدينا عاد هيا نمشو
انا ضحكت عليهم
ردينا لي بيت خالي محمد
خ علي خش المربوعه
ونحنا خشينا داخل لي البنات
حطينا الغداء وتغدينا كلنا بعدها ايه دارت شاهي واعطت الرجاله
غسلت انا وايه واسيل ومسره الماعين بعد كملنا طلعنا انهدرزو في الجنان بعدها جو روان و رندا ايهدرزو
في العصر
كانت اسيل جايبه امعاها حلو ونحنا درنا نوع حلو
حطينانم وامعا نسكافي وقهوه وزعناه عليهم قعدنا انهدرزو لحد ماصدمتني روان تتلكم علي بابا 💔💔
صح انهدرز امعاهم بس تفكيري وعقلي مش امعاهم بكل نضحك وانهدرز امعاهم بس من داخل نبكي دم موجوعه مهمومه مكسوره مجروحه مافيش كلمه تقدر توصف المعنى الي في قلبي ولا شن حاس 💔 بس امع هذا كله انحاول انكون قويه قدام الكل مافيش حد حاس بالنار الي فيا طول الوقت انحاول نخفيها ع الكل بس في لحضه ننهار 😭💔
طلعت من بينهم وخانقتني العبره كلهم يحكو علي بوهم
ادكرت بابا ماقدرت نتحمل انقعمز امعاهم
خشيت لي الدار 💔😢فتحت الشنطه ومسكت صورة بابا وقعدت نبكي بعبره وتكلم 😭😭😢فقدتك لو كنت قاعد ماكان صار فيا ربع الي صاير توا ماكنت ادمرت وانكسرت زي توا صح عيت خالي رحبو بيا وايحبوني بس شن ايعوضني بالي اخسرته انا في كل دقيقه نتحسبن في الشخص الي سلب حياتي حسبي الله ونعم الوكيل فيك يا جلال حسبي الله فيك وقعدت نبكي 😭😭😭
فرغت كل شي في البكا حسيت روحي هديت مسحت ادموعي خشيت الحمام غسلت وجهي شبحت اعيوني القيتهن حمر من البكي طلعت قعمزت علي السرير جسمي فاشل ادموعي ينزلو ابروحهم انحاول ننساه انطلعه من تفكيري بس شي مايبي يطلع من تفكيري ولا عقلي تلقائيا ندكر ليله المشؤومه
جت ايه قتلي تعالي انزلي قلتلها تاعبه مانقدرش ننزل
حسيت بيا ايه بس ماتبيش اضايقني نزلت وطفت الضي عليا انا غمضت اعيوني استسلمت لي النوم عشان نهرب من الواقع المر
هدرزو اشويا عيت خال ايه روحو امع المغرب الحوش افضا
خشت خالي محمد وعلي ومؤيد ومسعود
قعمزو في الصاله جنب ماما وايه
خالي محمد: وين ريناد
مبروكه: فوق قالت بترقد
خ علي: كان هدرزت بعدين رقدت توا تمرض مغرب راقده
خالي محمد: مرات تعبانه البنت خلوها علي راحتها ماحد ايكلمها
ايه: امبدري كنت بنمشي نلحقاها بعد رقيت القيتها تبكي خليتها علي راحتها لين هدت بعدها خشيتلها وخليتها ترقد وطلعت كله من روان الكلبه
خ علي: كنها
مبروكه: روان قالتها كيف انتي باتك ماليش اسبوع ميت وانتي تضحكي عادي واتهدرزي وجوك حلو وتلقح انت تعرف السانها
مسعود يسمع وساكت وجعاته
خالي محمد تعصب: كنها بنت اختك ما اتحشم
مبروكه: شن بنديرلها انا كان البنت جالطه
خالي محمد: في الجديد نسمعها امضايقه ريناد بنتفاهم امعاها ابروحي وصليلها كلامي
خ علي: لا حوله ولا قوة الا بالله خلاص يامحمد
مؤيد: البنت ماليها واجد فاقده بوها وناره ماطفتش كلنا شايفين كمية الحزن في اعيونها بس انحاولو مانخالوها تدكر وانطلعوها من الي فيه مافيش حد ما ايحيس في بوه ولا امه هي تعرف الشعور هدا اكثر منا فاقدتهم هم الاتنين واتحاول اتكابر واتعيش في هل الدنيا انا الراجل لمه خش بوي لي العمليات ماتحملتش بكيت خفت نخسره فما بالك هي الي خسرتهم الاتنين تي كنها الزف مريضه البنت هذي تي غير كان عرفت قبل ما ايروحو كان هذا اعطيتها علي راسها هل كلبه غير هي خليها اتحس في شعرها المحروق ترحمه بزيت هو من بعيد ايقول ارحموني ولا امصدقه روحها امدايرته اشقر هو زي اليفه
ايه: توا وقت ابصارتك
مؤيد: ماهو حق ماشافت شعرها كيف
مسعود طلع من غير مايتكلم حرف
خالي محمد: ربي ايصبرها وربي كاسره خاطري
مبروكه: كاسره خاطرنا كلنا مش انت
خ علي: بنمشي انشوفها
ايه: امشي بس راقده
مؤيد: ولا انقولك امشي نوضيها والبسي انتي وياها تعالو نطلعو ندهور ونتعشو برا منها اتغير نفسيتها
خ علي: اي صح توا نمشي انا نقنعها
مبروكه: ربي يحفظكم لي بعض وايحننن اقلوبكم علي بعض
مؤيد ضحك: اكثر من هكي ماضني في حن بعد حنا
ايه: هابا 😂😂
رقا خالي علي عشان اينوضوني
مؤيد:زعما ترضا
ايه:اكيد
خالي محمد: انا بنخش انتريح داخل
مبروكه: خلي انساعدك دروج وابروحك واعر عليك
مؤيد: اي يالحنينه انتي 😂😂😂😂
ايه وخالي محمد ضحكو
مبروكه: مؤيد
مؤيد ضحك: خلاص سكتت
مبروكه: ايكون احسن ولا معاش نسرقلك افلوس باتك
ايه: اطلع يا امخبي
خالي محمد ضحك: وانا انقول ليش ديما افلوسي ناقصات
مبروكه ضحكت: فضحت بيا الله ايفضح بيك
مؤيد يضحك: عاد ابروحك فضحتي بروحك
مبروكه: يعطيك قصه في السانك ماهو كله من وراحك
خالي محمد: لا اعترفتي ابروحك تسرقي 😂😂😂
مبروكه: خلاص عاد اولدك سرقك ياخد فيهم الفلوس ويصرف فيهم مش انا
خالي محمد: كان جيت طلبت مني يعني بنقولك لا
مؤيد حك راسه: ماهو بتهزبني نختصر في الموضوع
خالي محمد هز راسه: لي امتي بتقعد هكي
مؤيد: لعند اشعرك ايشيب كله 😂😂😂
خالي محمد ضحك: اهو اتشوف فيه كله شيب وانت قاعد زي مانت
مؤيد: والله ياحاج انشوف في شعرك مزال اسود انا قتلك لعند اشيب بعدها نعقل
مبروكه: ربي يعطيك العقل
خالي محمد ايس منه: ارفعيني يامبروكه قبل ما انموت بعله من هل الفرخ
مبروكه: بعيد السو عنك
مؤيد: خوديه يانبع الحنان بيبدا في ادرامته 😂😂😂
ايه: مؤيد مشو قتك بكل
مؤيد: كنك انتي التانيه
مشا خالي محمد ومبروكه من جنبهم
ايه: ديره حشه قدام هلك مش هك
مؤيد: بعد اديرها انتي انديرها
ايه: والله شن ريتني درت
مؤيد: اسكتي يا عيت اعليوه
ايه كشرت في وجه
مؤيد: نوضي جيبيلي اميه
ايه: عندك رجلين
مؤيد: تي نوضي قبل ما انجي نرفسك بيهم
ايه صبت : باهي يامصيبه
جبتله الميه
ايه: سم ان شاء الله
مؤيد شرب منها:الي ايسمك ان شاء الله
وكملها كلها واعطاها الكبايه
.
.
.
.
.
عندي انا كنت راقده سمعت دقة الباب انخلعت قعمزت بسرعه قلبي يرجف نحساب روحي في داري وجلال ايخبط ع الباب قعدت انشوف في الدار نتاكد انها مش داري تنهدت براحه استوعبت كل شي
دق من جديد
خ علي: رنو فايقه
انا مسحت وجهي: خش يا خالو
خش خالي علي : فيقتك يا امشفشفه
انا: اها 😂😂😂
خ علي: هيا البسي عندنا مشوار
انا ستغربت: وين
خ علي: بندهور بيك في بنغازي
انا:خليها يوم تاني والله توا تعبانه
خ علي: مادخلني بيك نوضي
انا: والله مانقدرش تعبانه خليه بكرا
خ علي: لا اليوم هيا
انا: والله تعبانه توا نمشو بكرا
خ علي:وعد تمشي بكرا
انا: اي
خ علي:تمام به انزلي هدرزي امعانا تحت
انا بحزن: والله ماعنديش اخلوق نبي نرقد حاسه جسمي متكسر
خ علي: اطلعي غيري جو الكل روحو نحنا بس
انا:به
خ علي: هيا انزلي قدامي
انا:به انصلي ونلحقك
خ علي: تمام
نزل خالي
انا توضيت وصليت ونزلت تحت القيت خالو ومؤيد وايه ايهدرزو
قعدت امعاهم حاولو الكل ايغيرولي جوي طلع مؤيد جاب عشاء جاهر هم تعشو انا سايرتهم اشوي ماقدرتش ناكل
طولنا نحنا انهدرزو
انسحبت اول وحده ايه وبعدها خالي علي روح علي خاطر ايكلم سناء قعدت انا مؤيد اشوي حتي هو رقا فوق بيرقد
قعدت ابروحي
خشيت المطبخ فتحت الباب الي يفتح علي الجنان
طلعت قعمزت علي الكراسي الي حاطينهم رفعت رجليا وضميتهم بايدي ورفعت رسي فوق انشوف في السماء وانا حابسه دمعتي وسرحانه في حزني واهمومي
.
.
.
.
.
------------------------------------------------------
جلال:بنت الكلب صار تلعبي امعايا انا
سالمه: كنك
جلال:..............
.
.
.
.
.
-----------------------------------------------------
حسيت بحد قعمز جنبي نزلت راسي
انا: انت
مسعود:.....
يتبع..
- لقراءة الحلقة الرابعة : اضغط هنا