رواية صفقة على مطلقة الجزء الثاني بقلم كوكي سامح
رواية صفقة على مطلقة الحلقة الثانية
 |
| رواية صفقة على مطلقة الجزء الثاني بقلم كوكي سامح |
رواية صفقة على مطلقة الفصل الثاني
زهره قالت انا شوفتك قبل كده وكان رده صادم
ليها لما قاااااال انتى زباله يا بت انتى وبت شماااال..
رددت وقالت : انت بتقول الكلام ده لمين اساسا
انا بت شمال يبقى انت اى كلام ومش راجل
الاوفيس بوي : القهوه يا زاهر بيه
زهره قالت فى سرها معقول اسمه زاهر!
زاهر رد وقال : شكرا
وبص ل زهره وقال : تشربى ايه ولا تحبى تفطرى
زهره قالت بعصبيه وكان صوتها عااالى:
.. يعنى ايه بت زباله وشمال يا محترم
على العموم واضح كده انك انسان مهزء
وانا غلطانه انى كلمتك عن اذنك
زهره دخلت مكتبها وكانت السكرتيرة الخاصه
لمنسى نفسه صاحب الشركه
وهو اتعصب وقال : البت دى قليله الأدب
ومش محترمه وانا هتصرف معاها بس حلوووه
فى مكتب منسى
طلب يشوف زهره
قامت بسرررعه وظبطت نفسها ودخلت
وقفلت الباب وراها
منسى اول لما شافها اتبهر بجمالها وقام من مكانه
وعينه على جسمها
زهره مكسوفه منه وقالت فى سرها
هو ماله شكله عامل كده ليه عينه راشقه فى جسمى
منسى : اسمك ايه يا حلوه
.. أسمى زهره يا منسى بيه
.. عندك كام سنه
.. 22 سنه بس اللى يشوفنى يقول عليه اكبر من كده
.. ايوه جسمك يدى اكتر من كده احم احم اقصد
علشان طويله
.. منسى بيه ممكن اعرف نظام الشغل ايه؟
.. استاذ وائل مسؤل عن شغلك كله
وهيعلمك نظام الشغل هنا
بس ركزى معاه كويس.
اما بالنسبه ليه اهم حاجه الفطار بتاعى
وبيكون قهوه وباتيه
.. حاضر وان شاء الله انا هعجب حضرتك
منسى فتح اللمبة الحمرا
اللمبة الحمرا نورت..
زاهر اوووووف شكله علق معاها
وقال لنفسه وانت مالك خليك فى شغلك احسن
بس انا حاسس من ناحيتها بمشاعر غريبه
البنت دى انا حلمت بيها ومش قادر انسى حضنها
وائل.. ايه ده المدير المالي بيكلم نفسه
وشاف اللمبة الحمرا وقال:
هى السكرتيرة الجديده وصلت امم يا بخته
عمك منسى ده مقضيها مع الحريم
كل يوم والتانى واحده شكل
بس مش عارف غيته ايه تكون مطلقه؟
هو عنده عقده انه ميعرفش غير مطلقين
مالك يا زاهر متنح ليه؟
.. مفيش مفيش بس اللمبة الحمرا طولت اوى
.. ههههههه مش جديد على عمك
زاهر اتعصب وقال : ما بلاش عمك دى هنا
انا بشتغل زيك وباخد مرتب
.. ياريت كان عمى انا!
.. كنت هتعمل ايه يا خفيف
.. كنت هقعد على الكرسى واحط رجل على رجل
واعمل زيه مع بنات الشركه
.. اعوذب بالله منك يا وائل ده انت متجوز
ومراتك ست اصيله وبنت ناس
.. لا ونبى تعالى خدها دى كرهتنى فى عيشتى
كلها مش فى الجواز بس
فى مكتب منسى.
هو قاعد على مكتبه
وهى قاعده قصاده وساكته
وابتدى يتكلم وقال :
.. زهره النهارده عندنا حفله فى الڤيلا عندى
هيكون فيها اكبر رجال أعمال فى البلد
.. ان شاءالله يا منسى بيه
بس الڤيلا دى فين بالظبط والحفلة هتبتدى امتى
.. فى المقطم بس امتى دى بقى
انا عاوزك تكونى اول الموجودين يعنى 7 بالليل
تكونى عندى فى الڤيلا
.. بس ارجوك يا منسى انا مش عاوزه اتأخر
.. حاضر يا زهره بس عاوزك تكون أجمل ست
فى الحفله وياريت تلبسى فستان يكون عريان
.. حاضر هلبس احلى ما عندى
وقامت من مكانها وسألته لو عاوز حاجه
رد وقال : اوعى تنسى الساعه 7
اللمبه الحمرا اطفت..
زهره خرجت وقعدت على مكتبها
ومسكت الفون وكان عادل متصل بيها كذا مره
واتصلت ولما رد عليها قالت :
يا عادل بيه مش هينفع اتكلم هنا وخصوصاً
ان فى شاب رخم اسمه زاهر
وعينه عليه وكأنه بيراقبنى
والشركه كلها موظفين اخاف حد ياخد باله
عادل.. خلاص قبل ما تروحى كلمينى ضرورى
رددت وقالت.. مش هكون فاضيه علشان النهارده
فى حفله ولازم اكون موجوده فيها
رد وقال : بكره تكونى عندى قبل الشغل فاهمه
رددت وقالت.. حاضر يا عادل بيه وقفلت
وائل.. انتى السكرتيرة الجديده اهلا بيكى
زهره.. اهلا بحضرتك
وائل.. احب اعرفك بنفسى انا وائل مسؤل
العلاقات العامه
زهره.. اتشرفت بحضرتك يا فندم
قرب منها وقال افندم ايه بس انتى اللى قمرر
زهره رقعت حته ضحكه
دخل عليهم زاهر وقال
ايه يا انسه ده احنا فى شركه مش فى شارع
زهره بتضحك وقالت : اسفه اسفه
وقالت فى سرها دمك سم اوووى
زاهر.. اتفضل يا استاذ وائل على مكتبك
.. حاضر انا خارج
.. وانتى يا انسه ياريت تعرفى ان هنا مكان شغل
.. ما انا بت شمال؟
زاهر خرج وراح مكتبه واتحرج وتفكيره فى زهره
منسى طلب زاهر
ولما دخل قاله ان فى حفله فى ڤيلا المقطم
ويبعت اللوكيشن ل زهره
رد وقال : انا ممكن اوصلها لحد الڤيلا يا عمى
.. خلاص وصلها وامشى انت
.. حاضر
وخرج ورجع مكتبه وكان مضايق وحاسس بالخنقه.
وبعد مرور ساعات ولما الساعه بقت 5 بعد المغرب
دخل على زهره مكتبها وقال :
فى أوامر من منسى بيه انى اوصلك ڤيلا المقطم
وطلب انك تستأذنى علشان تجهزى وانا هستناكى
علشان اوصلك
زهره قامت وهى مضايقه منه ومن طريقه كلامه
ومشيت وخدت أوبر لحد بيتها
ولما وصلت قابلتها الام بكل جفاء
.. معاكى فلوس يا بت البيت ناقص طلبات كتير
وانا شايفه القاشيه بقت معدن معاكى
.. يما يما حرام عليكى ده لسه اول يوم ليه
فى الشغل ولو على حته الهدمه دى
انا واخده سلفه يما من الشغل
.. انتى هتفتحيلى محضر يا عين امك
معاكى ولا لأ؟
زهره فتحت الشنطه وطلعت منها 300 جنيه وقالت
خودى اهو وخلى بالك انا مش معايا غيرهم
ودخلت تلبس وجهزت وكانت زى القمر
ونزلت خدت أوبر لحد المكتب وكان زاهر مستنى
لما شافها قلبه اتحرك من مكانه
فتح باب العربيه وهى دخلت وقعدت جمبه
وطلع بيها على ڤيلا المقطم
وفى الطريق..
زاهر ساكت وهى كمان وكل واحد منهم
معجب ب التانى بس مفيش بينهم كلام
ولما وصلوا؟
زهره نزلت بكل اناقتها ودخلت الڤيلا..
وكان منسى واقف مستنى على الباب
وشاور ل زاهر يمشى
ولما مشى زهره عينها عليه وساكته
وقلبها بيدق جامد
زاهر ركب العربيه وقال اكيد البنت دى شمال
وشغلها سكته سوووده ايه اللى يجبها الڤيلا هنا
وهى فاضيه ومفيش حفله اصلا!
ده حتى عمى وزع عم صالح البواب
انا عارف ان عمى بتاع ستات بس المفروض هى
ترفض والكارثه ان شكلها محترم مش باين عليها حاجه!
عموما انا مالى وطلع بالعربيه..
زهره دخلت ومنسى قفل الباب
وقالها تعالى ورايا علشان تشوفى الڤيلا
زهره مبهوره ب الڤيلا وبتكلم نفسها وبتقول
ياااه لو عندى زيها ده انا كنت سويت الهوايل
بس ايه ده الڤيلا فاضيه ومفهاش صريخ ابن
يومين حفله ايه دى اللى من غير ناس
منسى واقف عند البار
وقدم لها خمرا
زهره رفضت بشده وقالت انا مش بشرب
منسى قرب منها وابتدى يلمس جسمها
زهره بتبعد عنه وقالت
.. هما فين رجال الأعمال يا منسى بيه
قرب منها وشدها بقوه وقال
وانا مش مالى عينك
زهره اتفجأت منه وقالت
ايه ده سبنى بقولك سبنى
منسى ماسك فيها بقوه ورماها على الكرسى
وطلب منها تنزع ملابسها
زهره.. انت مجنون انت بتقول ايه
وقامت من على الكرسى ولسه بتجرى منه
لان شكله مش طبيعى بس الفستان شبك فى الكرسى
ولما بصت وراها كانت مرعوبه وشافت مصيبه.....
يتبع..
لقراءة الجزء الثالث : اضغط هنا
لا تنسى كتابة تعليق ليصلك اشعار بالحلقات الجديدة