القائمة الرئيسية

الصفحات

رواية صفقة على مطلقة كاملة بقلم كوكي سامح

 رواية صفقة على مطلقة كاملة بقلم كوكي سامح

رواية صفقة على مطلقة الجزء الأول 

رواية صفقة على مطلقة كاملة بقلم كوكي سامح


رواية صفقة على مطلقة البارت الأول 

يا بنتى احنا كلنا ولاد تسعه

.. انت تقول كده إنما أنا لأ

.. ليه يا زهره انا بجد معجب بيكى وبأخلاقك

.. اه ده كلام روايات مالناش دعوه بيه وسع كده

المدير وصل عن اذنك يا احمد بيه علشان لو شافنا

مع بعض هيقول لماما واخد جزا وممكن يطردنى

وانا محتاجه الشغل ده باكل منه المم انا واخواتى

وبعدين انا واحده مطلقه مش هنفعك انت عاوز

بنوته كده قمر زيك يا كميله انتى وتكون بتسمع كلام ماما... باااااى

احمد قال بصوت عالى انا مش بتاع ماما يا زهره

وحتى لو مطلقه بس زى القمر

وبعدين انا صاحب الشركه دى وانا المسؤل عن كل حاجه هنا

الفون رن وكانت مامت احمد

مسك الفون ورد بخوف نعم يا ماما صباح الخير

انت نزلت من غير ما تصبح عليه برضه

اسف يا حبيبتى بلاش عصبيه علشان السكر بس

صباح الفل على عيونك يا اجمل أم كويس كده

يا رجاء هانم يا صاحبت الصون والعفاف

افتح الكاميرا عاوزه اطمن على الشركه

حاضر حاضر يا ماما

احمد فتح الكاميرا ورجاء متابعه الشركه

زهرة معديه وقالت صباح الخير يا احمد بيه

وغمزت بعينها

احمد اضايق من منظره قدام زهرة وقال

ماما انا هقفل علشان عندى شغل

طيب بس بلاش تاخد اى قرار يخص الشركه من غير ما ترجع ليه انا وعادل خالك المدير انت فاهم

احمد اتنفض وقال
حاضر يا ماما وقفل الكاميرا وقعد حط ايده على خده

فى مكتب فى اخر طرقه فى الشركه

زهره تجلس ومعاها 3 بنات وهما وفاء وكاميليا وفريده وكل واحده فيهم مكلفه بشغل معين.

زهره.. يا بنات انا بعت عم عبده يشترى لينا سندوتشات علشان نفطر مع بعض

فريده.. فول وطعمية برضه وانتى عارفه انى عندى القولون وبتعب جدا

.. طلبت ليكى بيض بالبسطرمه وجبنه رومى
يا بنت الباشوات

.. اه والله يا زهرة طول عمرى بنت بشاوات بس الزمن جار علينا يلا الحمد لله

وفاء.. على فكره يا زهره احمد بيه سأل عليكى

.. شوفته وانا جايه الصبح منظره يهلك من الضحك تخيلوا بيسبل بعينه ويقولى احنا ولاد تسعه

كاميليا.. وايه يعنى يمكن بيحبك بجد

.. بيحب مين يما ده بتاع امه وخاله واكلها والعه
وهو زى الدلدول مالوش لازمه فى الشركه انا مش عارفه هو هنا بيعمل ايه!

.. الحب لحظه صدقينى يمكن بيحبك ما انتى زى القمر يا زهرة هو فى حد فى جمالك

.. انا مش مستغربه كلامك ما انتى غاده الكاميليا

.. لا ونبى بلاش دى كان حظها وحش اوى واخرتها

سوده اللهم احفظنا

.. يا بنتى انتى مش فاهمه حاجه الحب ده حاجه كده هه هه

.. يعنى ايه هه هه انتى بتسبلى بعينك يا زهرة

.. ما هو ده الحب يا جاهله يا يخطفك يا بلاش

وبعدين احمد ده واد كده.........!! ؟

المدير دخل عليهم وقال :

تعالى يا زهره بسررعه عاوزك ودخل على مكتبه

زهره.. خير اللهم اجعله خير على الصبح!؟

كاميليا.. ربنا معاكى يا اختاااه

زهره دخلت مكتب المدير

.. نعم يا استاذ عادل خير ان شاء الله

.. خير فى شغل فى شركه منسى بيه طبعاً انتى عارفاها

.. ايوه يا فندم ومين ميعرفش منسى بيه

ده حوت السوق

.. هههه شاطرة وانا علشان كده اخترتك تكونى

البنت المكلفه من شركتنا عنده

.. انا يا فندم انا بجد مش عارفه اقول لحضرتك ايه

.. متقوليش شغلك هناك هو اللى هيقول

تعالى قربى واقعدى

زهره قعدت وطايره من الفرحه

.. عادل بيه وطبيعه شغلى هناك هتكون زى هنا ولا فى نظام تانى

.. اكيد بس فى شويه حاجات انا هقولك عليها قبل ما تروحى انا مش عاوز غلطه واحده
فاهمه انتى هتكونى واجهتنا هناك

.. حاضر انا بجد مبسوطه بس فى حاجه؟

.. عارف عارف انا هكتبلك شيك تشترى شويه

لبس بس يكون غالى انا عاوزك على سنجه عشره

مش عاوز غلطه فيكى وخودى بالك انا اخترتك
لجمالك مش لشغلك فاهمه

.. نعم حضرتك تقصد ايه!؟

.. دى صفقه يا تم يا لأ وانا عاوز الصفقه تتم وانتى هتكونى مبسوطه

.. برضه مش فاهمه؟

قام وقف ومسك الكرسى وقال :

.. الحياه فرصه يا زهره يا بنتى وانتى الفرصه فى ايدك على طبق من دهب
ياريت مضيعهاش منك

.. عادل بيه انا فاهمه كويس اللى حضرتك بتقولوا
بس الكلام مش واضح كويس

يعنى ايه اخترتنى علشان انا جميله حضرتك انا رايحه اشتغل مش اتعايق!

.. اووووف يا زهره انا بقول عليكى نبيهه

ما انتى هتشتغلى يا بنت الناس بس اللى هقولك عليه؟؟

لازم اخد الصفقه دى انتى فاهمه
لو مش عاوزه خلاص فى 3 غيرك اللى متلقحين

جوه دووول يتمنوا الفرصه دى !؟

.. انا موافقه بس ان شاء الله هبدأ من امتى؟

.. انتى بتعرفى انجلش كويس؟

.. ايوه بس فى حاجات بتقع منى.

..المهم انتى تاخدى اجازه من النهارده لأ من دلوقتى
وهكتبلك شيك بمبلغ كويس تنزلى تظبطى نفسك

من ملابس وبرفانات وميك اب وياريت سوريهات
علشان لازوم الشغل والسهرات

عادل قعد على مكتبه وقال

بس فى حاجه لازم تخلى بالك منها

وفتح الدرج وطلع لاب وقدمه ليها

.. ايه ده ؟

.. ده لاب يا زهره!

.. انا عارفه بس ليه؟

.. ده هيكون ليكى انتى اى معلومه تعرفيها واى شغل هيكون عليه

الداتا كلها هتكون عليه يا زهره فاهمه

.. حاضر يا فندم

انا اسفه يا عادل بيه ممكن سؤال

.. اتفضلى؟

.. هو لازم سوريهات حضرتك عارف انى من

منطقه شعبيه ومقدرش اخرج من بيتنا كده

ده حتى ابويا وامى كانوا يفضحونى

.. مين ؟

.. قصدى بابا وماما يا عادل بيه

.. بسيطه يا زهره البسى اى حاجه وانتى خارجه وابقى غيرى عند اى حد من اصحابك

.. تصدق عندك حق هبقى اللبس عند البت ساره صاحبتى

.. ماشى ماشى ياريت يا زهره تفتحى مخك كويس معايا علشان لو مخدتش الصفقه دى انا ممكن اعمل اى حاجه فى الدنيا

.. ان شاءالله يا عادل بيه انا هرفع راس حضرتك وراس شركتنا

عادل قاله فى سره البت دى فاهمه غلط راس شركتنا ايه وبتاع ايه انا خايف تودينا فى داهيه وقال : المهم التنفيذ

.. ايوه صح بس ممكن افهم نظام الشغل هناك
عامل ازاى؟

.. طبعا انتى عارفه شركه منسى كبيره ازاى ووضعها المادى ضخم قد ايه

.. ايوه عارفه ده حوووت السوق

.. زهره من الاخر كده فى حد تبعنا قال انه محتاج
كام سكرتيره وانا عاوزك تكونى واحده منهم

.. نعم يا عادل بيه مش حضرتك قولت ان الشغل هيكون تبع شركتنا هنا!

.. اه أكيد بس ده بينا احنا وبس المنسى مينفعش يعرف ده انتى مش عارفه ان شركتنا اكبر منافس لشركه منسى انا بقى عاوزك تكونى العصفوره

.. يا عادل بيه بس كده انا هكون فى خطر ده لو عرف يقتلنى

.. منسى بيحب البنات الحلوه وانتى مش حلوه وبس انتى قمر وتعجبى الباشا

زهره قامت من مكانها وقالت :

.. طيب هفكر

.. اوعى ترفضى دى فرصه وهطلعك لفوق اوى

وفتح الخزنه وطلع منها مبلغ وقال

خودى دول 100 الف جني شبقرقى نفسك بيهم

غير الشيك طبعاً

وخلى بالك دول جزء بسيط اوى إنما اللى جاى احلى بكتير

زهره مدت ايديها وخدت الفلوس وخرجت وبتفكر

ولما دخلت المكتب البنات كانت بتفطر

كاميليا.. اتأخرتى ليه بت يا زهره مالك؟

زهره.. نعم مفيش

كاميليا.. الفطار يلا تعالى

زهره خدت شنطتها وقالت

انا اجازه بااااى

البنات بصوا لبعض ومستغربين من موقف زهره

زهره خرجت جرى زى الفراشه وكانت حاسه انها مالكه الكون لمجرد 100 الف جنيه معاها

احمد.. رايحه فين يا زهره مش تستأذنى

زهره.. هههههههه هبقى استأذن من ماما بااى يا صاحب الشركه وقالت فى سرها يلا ده انت خرنج

وخرجت زهره من الشركه ووقفت أوبر وركبت

وفى الطريق لمحت مطعم وقالت انا نفسى افطر فيه اوى ووقفت أوبر ونزلت دخلت المطعم

وكان زحمه وكله رجال اعمال معاهم بنات

وقالت ياه لما اشتغل عند المنسى اكيد هكون

معاه فى كل مكان

وبصت وشافت كرسى واحد فاضى

وشدت الكرسى وقعدت وطلبت فطار

والجرسون قدم الفطار كرواسون وشاى

زهره.. ايه ده؟ بقولك عاوزه فطار!

الجرسون.. حضرتك ما ده الفطار الموجود هنا

زهره.. فى بيتزا

الجرسون.. ايوه يا انسه فى بيتزا

زهره.. ياريت واحده بس چامبو

الجرسون.. تحت امرك

زهره بتشرب الشاى وبتكلم نفسها وبتقول

هو ممكن الزهر يلعب معايا وابقى من الناس دى
بس انا خايفه اوى المنسى مش سهل

زهره بتكلم نفسها وفجأه شاب جاب كرسى

وقعد معاها وقال :

انا حلمت بيكى

انت مين اصلا انت عبيط؟!

بقولك حلمت بيكى انا بجد مستغرب معقول الحلم يبقى حقيقه

شكلك مجنون ومش طالبه دلوقتى

ممكن اعرف اسمك؟

لأ مش ممكن .

وقامت واقفت وخدت الشنطه ولسه هتمشى مسك ايدها وقال مش عاوزه تعرفى الحلم

سابت ايده وقالت لأ

ومشيت زهره وهى بتبرطم وبتقول ده مجنون ومش ناقصه جنان وعبط

وخدت أوبر وراحت لحد البيت

ولما طلعت الشقه كانت فاضيه ومسكت الفون

كلمت اختها وعرفت انهم كلهم فى بيت خالتها

علشان تعبانه ودخلت اوضتها وخبت الفلوس فى المرتبه

وقعدت ومسكت الفون وفجأه افتكرت الشاب الوسيم
وقالت قال حلم بيه قال والله ده شكله مجنون

بس ميمنعش انه قمر اوووى

فى الشركه فى مكتب المدير

.. معقول يا عادل بيه زهره الكول سنتر هى اللى هتروح فى شركه المنسى دى تتكشف وبعدين البنت غشيمة ومش مهيئه خالص

.. بس حلوه يا خالد وده طلب المنسى بيخضع ويسلم قدام اى بنت حلوه

.. بس انا خايف يا عادل بيه ده كده البنت تضيع
هى فاهمه هتشتغل ايه؟

.. انا قولتلها بس طبعا مش كله لما تروح هناك هتفهم كل حاجه وكله مع الوقت

.. بس يا عادل بيه دى مش هتاخد فى ايد المنسى غلوه

.. مش فارقه المهم انها مطلقه والسكه سهله وده طلب منسى حلوه وكل حاجه جاهزه

.. انا خايف المنسى يكشفها؟

.. انا عارفه كويس يا خالد قدام الجمال بيبقى زى
الاهطل ابو رياله
المهم شهر واحد بس وزهره هتكون على مكتبها فى شركه المنسى

بعد مرور اسبوع زهره ابتدت تنزل تشترى ملابس

وميك اب وبرفانات وراحت اكبر بيوتى سنتر
وغيرت قصه شعرها واتغير شكلها تماماً حتى فى

كلامها وكانت ذكيه جداً واتعلمت كل حاجه بسرعه لدرجه عادل كان مبهور بيها

وطلب منها تقدم فى الشركه زى اى حد
وقدمت ودخلت الاختبارات وكان الكل معجب

بجمالها ولباقتها وقبلت فى الوظيفه
ولما عادل عرف فرح جداً وطلب منها اى حاجه تبلغه بيها ان شالله لو تفصيله صغيره

فى شركه المنسى

زهره دخلت الشركه وكانت جميله لا تقاوم

دخلت مكتبها وقعدت وواثقه من نفسها وفجأه

شافت قصادها نفس الشاب اللى فى المطعم

وقالت انا شوفتك قبل كده وكان رده صادم ليها

لما قاااااال انتى زباله يا بت انتى وبت شماااال..

يتبع...

reaction:

تعليقات