رواية أم عزباء الفصل الثامن 8 بقلم ميلو حسن

 رواية أم عزباء الفصل الثامن 8 بقلم ميلو حسن

رواية أم عزباء الجزء الثامن

رواية أم عزباء الفصل الثامن 8 بقلم ميلو حسن


رواية أم عزباء البارت الثامن

شيماء:لابسه بيجامة النوم وراقده فوق السرير تهدرز ع دانا في تلفون
شهاب:فتح باب غرفة شيماء بدون م يطق عليها
وكانت انفاسه متسارعه وملامح وجه متعصبه .....شيمااااااء

شافت لي شهاب بصدددمه
اها اكيد جاع....هاته
شهاب:قرن حواجبه....الولد هدا ولدك...
شيماء:تلخبطت وأفكارها خشت بعضها وستاكت😨
شهاب:بصوت عالي....جاوببببي الولد هدا ولد من
شيماء:بلعت ريقها.....ولتواا لسانها
مم م من قالك؟
شهاب:بصوت عنيف....وين بوه؟
شيماء:شن في انا مش فاهمه شي؟
شهاب:شن السبب الي خلاك تعطيه لي خوي؟
شيماء:الأفكار ادور في راسها لكن خايفه تحكي شي وتندم
فهمني شن في وراح نحكيلك
شهاب:حط طه ع سرير....ولد حرام صح؟
شيماء:سكرت عيونها وهيا تاخد في نفس مريح ...يعني معنداش علم بي شي
شهاب:شافلها بنضره غريبه....متحاوليش تكدبي
انا عندي علم بكل شي
شيماء:بدون ردة فعل...زي شنو؟
شهاب:ونا اراجع في اخر مصاريف الشركه
طلع عندي نص مليون مصروف ومافيش شي اسمه حسابات مصحه ولا شي بخصوص محمد
راجعت الموضوع واكتشفت انه كل شي عباره ع كدبه
شيماء:ضحكت وعلامات الخوف ع وجها...ونا شنو خصني في الي تحكي فيه
شهاب:يعني قعده موصره تقنعيني
شيماء:انا معنديش علم بي اي شي انا مربية طه فقط
شهاب:كملتي؟
ومسكها من يدها بعنف....تبي تحكي أو متحلميش انتي وهما انه تشوفو طه تاني؟
شيماء:تشوف لعيون شهاب ومصدومه
في شيً داخلها يقولها احكي خلاص جي الوقت
بس في هلبا حاجات منعتها تحكي حرف ومتتسرعش في اي شي
نفضت يدها منه....اي ولدي شن المشكله يعني؟
شهاب:قام يده وحركها بمعني ستوب
شيماء:قامت طه في حضنها وبساته
شهاب:كان بيطلع وتراجع في خطواته ....متخليش طه بعيد عليك علشان متندميش بعدين
شيماء:شافتله وهوا عطاها بضهره...اكيد🥺
شهاب:كان شابك يديه ببعض وكأنه واخده تفكير عميق
شيماء:جسمها ينخض من الصدمه
شهاب:مسح ع وجه بيديه وخدا بعضه وطلع
شيماء:تنهدت براحه ومنعت دموعها انه ينزلو
ي غبيه اكيد الليله الي رضعتي فيها طه قعده في ذاكرته وزاد تأكد
زعما يحكي ويفضحني💔

_________________________________

رنيم:هههههه يعني خلاص تبي تعرف
ماجد:بصدمه...ع شنو تلمحي؟
رنيم:ع حبوب وع الدكتوره الي متعاونين معاها وانتا وعشيقتك وفاء
ماجد:😨😨
رنيم:خيرك نصدمت؟
شنو تحسابني فرخه نرضع في صبعي
كنتو تمثلو ومتوقعين انه لمياه ماشيه من تحت رجليا
ماجد:الصدمه متوزعه ع وجه....اءءء
رنيم:كنت ميته فيك وفي حبك ضحكت بهستيريا
كنت نشوف فيك الدنيا ي عيني ماجد بكفه والعالم كله بكفه
ماجد الهادي لحنين البريئ الي راح نخليه ينسا الماضي ويحبني
ماجد:يتفرج ع رنيم وهيا بشكل تاني كأنه اول مره يشوفها
رنيم:كنت نخطط لحياتنا كيف راح تكون حلوه ببساطه وبكل شي حلو نكتشف انه وفاء تحبك
شفت المسج يومها ع تلفونك لكن كذبت عيوني علاش؟
لانه وفاء رفيقة عمري ومستحيل تخوني
وبعدين لو كانت تحبك مكانتش خلتنا نتزوجو
تتتتت لكن لا طلع حتا ماجد راجلي يحبها وبينهم مواعيد
وهدا كوم وحرماني من الصغار كوم تاني وانتا الي موصاها عً شي هدا
ماجد:وقفي تخاريف رنيم
رنيم:انتا الي وقف كدب نخدعت فيك مقدرتش حتا ناخد راحتي ونبكي في وسط حوشي
توقعتك تتراجع وطلعها من حياتك لكن لا هههههه كنت تبي تتهمني بالخيانة مع انور
وانتا عارف انه انور أشرف منك وعارف انه انور من زمان صديقي وعارف انه انور مجروح وكل يوم يفكر ينتحر لانه ضميره قعد يذبح فيه
ماجد:منزل رأسه ومكانش متوقع انه يستنا فيه عرض زي هدا
حس بذل والاهانه
رنيم:متخافش انا مش راح نخرب عليك فرحت عمرك تقدر تسافر ولما ترجع ترمي عليا الطلاق
وكيف جايه بتطلع
ماجد:وين كنتي بالقوه هادي
رنيم:نفضت يدها منه....انتم هكي البشر تقعدو تعذبو في الإنسان لن يقسا ويتحول لي وحش
وطلعتت
ماجد:في شنو ورطت روحك ي ماجد بس وقعد يضرب برجليه ع الباب🔥

ثاني يوووم⛅️⛅️⛅️

مسره:ماسكه البخاره ودور بيها في الحوش ....كان تفكيرها عباره
زعما نحكي الي شفته لي سماح ممكن تكون عارفه شي
لالا مستحيل سماح لو كانت تعرف شي راهو من زمان حكت لكن وفاء شنو ناويه ادير ؟
حطت البخاره ع طاوله
سماح:صباح الخير ...وين هايم الحلو؟
مسره:تعرفي ....اءءء قصدي طمنيني شن صار معاك انتي ومنذر ؟
سماح:ابتسمت ...اليوم أهله بيجو ويعطو فيا كلمه
مسره:وااااو مسرع
سماح:لا مجرد تعارف بس يعني مش خطوبه
مسره:به وبمنضرك هدا بتستقبليهم
سماح:وشنو تبيني ندير يعني نمشي للموزين
مسره:لا لكن اكيد راح تلبسي قفتان بسيط
سماح:مفضاك انا نفكر شنو بنقدملهم حتى الماعين راقيه معندناش
مسره :انتي توا خشي دوشي وفكري شن تلبسي والباقي مخصكش فيه
سماح:أووو ماي قاد وبشنو بتبهرينا؟
مسره:خلاص ديري الي قتلك عليه ومدخلكش
سماح:ههه به به خليني نشوف ماما شويه وبعدها ساهل
مسره:براحتك وخشت لغرفتها..

______________________________

رنيم:واقفه جنب الغاز تستنا في القهوه تفور
ماجد:خش المطبخ ....صباح الخير
رنيم:طفت ع الغاز وقامت بكرج القهوه بدون م ترد عليه
ماجد:سبقها وقعمز ع كرسي
رنيم:قعمزت مقابلاته...صبت القهوه في زوز فناجين
ماجد:خدا واحد...رنيم
رنيم:بدون م تشوفله....انعم
ماجد:زعلانه مني انتي؟
رنيم:لالا بالعكس شويه وتوصل الفرقه وضيوف علشان فرحتي بيك
ماجد:انتي مش فاهمه شي
رنيم:ههه في شي تاني معنديش بيه علم يعني
احكي احكي خليني نتروق
ماجد:حط يده ع يدها ....انا مكنتش نبي نوصل لهنايا لكن مش عارف شن صار معاي
رنيم:نفضت يدها منه....اسمع ماجد
انا صح قعده معاك في حوش واحد لكن هدا مش راح يغير شي
اول م ترجع من السفر انا ح نطلع من الحوش هدا بدون م نطلب منك شي وبعدين تزوج انتا ووفاء
ماجد:وقفي رنيم مستحيل يصير الي تقولي فيه
رنيم:تجاهلت كلامه...لكن بشرط واحد ونتمنا تنفذه متقولش لي وفاء انه نا عندي علم بي حبكم لكبير
ماجد:شن تقولي رنيم ؟
رنيم:تمنيت جيت قلتلي نبي نتزوج عليك بنت نحبها وأحترمتني ي سيدي تمنيت قلتلي انا معاش نبيك كرهتك ونبي نطلقك
لكن كنت تبي اطلقني وتتهمني بالخيانة وانتا عارف انه مافيش شي بيني وبين انور
مستحيل نفكر يوم نسامحك وخليك بعيد عليا خير م يصير شي مش راح يعجبك نهائيا
ماجد:حاس بذنب وعارف روحه غلط بدون ميحسبها صح
رنيم:طلعت وخلاته ينحرق بكلامها
ماجد:🤦🏻‍♂️🤦🏻‍♂️

🔥رِوَايـــــــــات ميـــــلـو حــــسسـٰـــن🔥
🔥رِوَايـــــــــات ميـــــلـو حــــسسـٰـــن🔥

شيماء:فتحت عيونها ببطئ ...شافت لي سرير طه
وقعدت تبتسم ع طه وهوا يلعب بيديه
نايض قبل الماما ي روحي منك
خدتها رجليها لعند طه ....اففففف ريحتك عاملها
نغسل يديا ونجيك ونديرو احلا دوش
فتحت الدولاب خدت ديتول وفرشة الأسنان وخشت للحمام
🌸🌸

_____________________________

رويده:روروروروووري ربي يهنيها ويبعتلك نصيب حتا انتي
مسره:حاسه بالخجل إن شاء الله حتا لي وفاء ودانا
انور:نازل من فوق....فرحونا معاكم شن في؟
مسره:حمرو خدودها
رويده:سماح بنت عمك اليوم جاين يتمو فيها
أنور:ابتسم....الف مبروك وان شاءالله الفال ليك ي مسره
مسره:بملامح مصطنعه☺️...سلمك

دانا:شن الصوت الي برا
وفاء:مش عارفه ....وطلعت
دانا:طلعت وراها

مسره:لو فاضي ي انور نبيك شويه برا
انور:تمام
وفاء:علاش تزرغطي يما صوت واصل لفوق
رويده:بنت عمك سماح نخطبت لي منذر خو رنيم
وفاء:اهااا
انور:منذر؟
مسره:وهيا تبتسم اي منذر
انور:قرن حواجبه....وطلع.....ولحقاته مسره
دانا:ي روحي منها فرحتلها ربي يتمملها ع خير
وفاء:في داخلها(اكيد رنيم هيا عندها يد يعني مستحيل تطلع من حياتنا
دانا:وفاء وفاء
وفاء:اءءء انعم
دانا:هيا خلينا نمشو حوش عمك اكيد محتاجين مساعده
وفاء:اي تمام

انور:شنو مسره شن في ان شاءالله خير
مسره:الحق مش عارفه كيف بنقولك
انور:احكي متتحشميش
مسره:نبي نتسلف منك شوية فلوس علشان الضيوف اليوم وهكي
انور:تمام خليك واتيه شويه نولع السياره ونجيك نطلعو ناخدو الي محتاجينه
مسره:بصدمة فرح....اءءء بجد؟
انور:اي نحلف يعني

____________________________

شيماء:كيف طالعه من الحمام...جت عيونها ع سرير طه
تنهدت وينه ؟ من طلعه بدون أذني
خدت بعضها وطلعت تجري وتنادي
دعاء مرح معاكم طه؟

مرح:كيف طالعه من المطبخ....لالا اكيد عند هبه
دعاء:لالا شفته عند شهاب
شيماء:علامات الحيره ع وجها...تت تمام
مرح:غمزت لي دعاء....امس شفت شهاب خوك طالع من دار شيماء
دعاء:ههه متستغبيش حبيبتي اكيد عطاها طه
مرح:لا لكن في هلبا أشياء تغيرت في شهاب
دعاء:ياريت وبعدين الشي هدا يفرح
مرح:ان شاءالله خير

شيماء:فتحت الباب وخشت
شهاب:اسف خديته منك لكن مقدرتش نقاومه
شيماء:ابتسمت بهدوء...لا عادي هاته لانه بنغيرله حوايجه
شهاب:تمام لكن رجعيه قعد مشبعتش منه
شيماء:مدت يديها وبتاخده
شهاب:شويه بس ....وبدا يبوس فيه بشكل مستمر
والله عسل هالولد هدا
شيماء:🥺....تمام خليني نغيرله وخليه يقعد معاك شن رايك؟
شهاب:تمام متعطليش بس
شيماء:ان شاءالله ....خداته بين يديها وطلعت💔

____________________________

في السياره:-
مسره:مش مصدقه انها مع انور في سياره
كل شويه تشوفله
انور:فتح أغنيه ...لفلي حشيش
مسره:في داخلها(لو نعرف شنو الشي الي مش عاجبك فيا ليش البعد الغريب هدا؟
انور:مسره
مسره:هاااا
انور:قولي انعم من جديد
مسره:😨
انور:بنسألك ؟ انتي تعرفي منذر من زمان؟
مسره:بلعت ريقها....كيف؟
انور:يعني هوا وين شايف سماح
مسره:مش عارفه ممكن مره شافها مع رنيم
انور:اي اي كويس....ووقف السياره ...هي انزلي
مسره:فتحت الباب ...مش نازل معاي؟
انور:شن رايك انتي ...وفتح الباب
مسره:ههه 🌸🌸

________________________________

هبه:عطت لمحمد الجاكه متعه ...شن بيصير في الي قتلك عليه؟
محمد:مش عارف يبي تفكير
هبه:تفكير شنو ؟ انتا عليك تمشي للمركز بس والباقي راح يكمله مؤمن
محمد:تمام....خدا تلفونه وطلع
هبه:قعمزت ع كرسي....غير امتا نرتاح من وجهك ي شيماء 🔥

_______________________________

دانا:ترا لفي
سماح:لفت بقفتانها الاحمر ...شن رايك فيا؟
دانا:قمر والله قمر ع الأرض
سماح:حمرو خدودها...سلمك حبيبتي
وفاء:رنيم بتجي مع اهل العريس صح
سماح:اي اكيد
وفاء:به ان شاءالله ربي يتمم ع خير
سماح:الفال ليك
سميره:كلمي حتى مرت عمتك مهديه تتفضل
دانا:حاضر توا نتصل بيها ونقولها

_________________________________

ترن ترن :-
شهاب:فتح الخط...الوو
هشام:اهلين شهاب
شهاب:اهلا من معاي؟
هشام:انا ماجد
شهاب:بصدمه ....شنو صار معاك البنت طلعت حيه
هشام:تسكر الخط
شهاب:عاود مره وثلاثه وعشره ...يعطي الرقم المطلوب مقفل🤷🏼‍♀️
شيماء:فتحت الباب ...جاك طه؟
شهاب:علامات التوتر ع وجه....حط يده ع راسه
شيماء:فهمت انه هشام اتصل بيه
لو مش فاضي ناخده معاي؟
شهاب:خليني لو سمحتي
شيماء:رجعت فتحت الباب وطلعت
كل يوم نتأكد انه الي ف راسي صح

______________________________

ساعه 9في ليل🌘

رنيم:لابسه سروال واسع وفوقه بلوزه شيفون ...وقفت قدام لمرايا تحط في لمسة مكياج خفيفه
ماجد:فتح الباب وخش...وين ماشيه ؟
رنيم:تحط ف الروج...غريبه محكتلكش وفاء
ماجد:شنو بتحكيلي؟
رنيم:تقيم في شعرها...تمام انا طالعه مخليتلك المساحة اتصل بيها واسمع منها
ماجد:رنننيييم
رنيم:رنيم ماتت لو سمحت خليك محترم المسافه بينا ....لن سمعت تلفونها يرن
فتحت الخط ...طالعه
ماجد:طلع البرا يبي يفهم
رنيم:خدت عبايتها وطلعت
ماجد:سلم ع منذر....وين ع خير
فاطمه:شنو شكلها بنتي محكتلكش
ماجد:لا حك....قاطعه منذر
منذر:اليوم بنتم في بنت عمك
ماجد:اهااا اي ربي يهنيكم وخي
منذر:ان شاءالله سلمك
رنيم:ركبت السياره ....كيف حالكم اليوم ؟
فاطمه:كويسين
منذر:هيا نسيب نتلاقو ع خير
ماجد:سلام

_____________________

مسره:حطي الروج هدا
سماح:لا نبي لون هادي
مسره:به حطي هدا احلا
دانا:خشت....ي بنات قدمت العصير وشكلاطه
مسره:صحيتي دنو...هيا سماح اطلعي أخيه لقطه من حد وصلو لتوا مطلعتيش
سماح:وله؟
دانا:اي صح كلام مسره ضروري تطلعي
سماح:وقفت تشوف في روحها قدام لمرايا ...شن رأيكم ؟
دانا:تبارك الرحمن تاخدك العين
مسره:ي روحي طالعه باربي
سماح:هههه سلمكم ....خدت تلفونها وطلعت 🌸

________________________________

العيله كلها مجتمعه في صاله

طقققق طططق:-

اسميهان:مني جاينا توا؟
هبه:نوض محمد افتح
دعاء:مرات ساميه جارتنا معندهاش موعد محدد
شيماء:هههه
محمد:فتح الباب ....تفضل
الشرطي:في حد مقدم شكوه ضد الأخت شيماء
شيماء:تنهدت...من بيكون يعني؟
شهاب:نزل من الكرسي ....عادي انا نمشي في مكانها
الشرطي:اسف ضروري شيماء تكون في المركز قبل ساعه
هبه:شافت لي شيماء بنضرة شر ...شن دايره؟
شيماء:لا قعده مدرتش شي اطمني لكن شكله ح ندير
مرح ودعاء:شافو لبعض بمعني شن قعد يصير؟
شيماء:ركبت فوق
محمد:مافيش داعي تدخل خليها تحل مشاكلها
هبه:شكلها مجرمه ربي فضحها اقل شي ولدي ميترباش ع يديها
دعاء:هههه خيركم اللطف هجمتو ع بنت صبركم
مرح:مسكينه شيماء زعما من باليها
اسميهان:شهاب لو يبو فلوس علشان تطلع ادفع
هبه ومحمد مستغربين في حب العيله اتجاه شيماء
شيماء:نزلت من فوق لابسه عبايه ووشاح
متخافوش اكيد في سوء تفاهم
دعاء:به حبيبتي ان شاءالله ربي يسمع منك
شيماء:كيف جايه بتطلع
شهاب:استني حتا انا ماشي معاك
هبه:شن قعد يدير هدا؟
مرح:نخصت اختها دعاء....باش قتلك في شي بينهم؟
دعاء:ضمي فمك مش وقتك
محمد:قعمز ع كرسي...شن يدير ولدك؟
اسميهان:براحته اكيد البنت مضلومه
هبه:ناضت متعصبه ...ركبت فوق
مرح:خيرها هادي؟
محمد:اكيد بتزعل لانها مربية طه
شهاب:نازل من فوق ..يلبس في جاكيته....دعاء خلي طه معاك لن نرجعو
مرح:قال لن نرجعو يعني مش راح يرجع بدونها😂😂
دعاء:وله؟😂😂

________________________________

سماح:طبعا بعد سلمت ع الكل وتعرفو عليها
صار انسجام حلو بين العيلتين وخاصة فاطمه وسميره فرحانين اكتر من العرسان ❤️❤️
قدمو نسكافيه والكيكه ووفاء ودانا جهزو لعشاء وحطوه ع طاولة🔥

رنيم:سموحه نيال منذر بيك
سماح:سلمك حبيبتي
دانا:صدقيني رنيم ربي بعتها ليكم لانه يحبكم
رنيم:عارفه والله اول محكالي منذر طرت من الفرحه
وفاء:هيا سادكم نفاق تفضلو لعشاء جاهز
رنيم:بالنسبه ليا لو نا منافقه ح نكون خديته منك
وفاء:لا حشاني انا
رنيم:عاد رفيقة عمري من الطفوله طبيعي بنكونو ع نفس الطبع😄
وفاء:هههه قداش مسكينه
مسره:شافت لي رنيم ....كان تعرفي رفيقة عمرك شن قعده تخطط من وراك
🤷🏼‍♀️

اجتمعو كلهم ع طاوله ❤️🌸

🔥رِوَايـــــــــات ميـــــلـو حــــسسـٰـــن🔥
🔥رِوَايـــــــــات ميـــــلـو حــــسسـٰـــن🔥

شيماء:تستنا في شهاب ع نار
زعما شن صاير وعلاش جايبيني هنايا؟
معقوله هبه ومحمد هما وراء القصه؟
طلعت تلفونها وتصلت ....الو
هشام:اهلا وين تصلت بيك بكري مرديتيش
شيماء:غير ركز معاي توا انا في مركز الشرطة
هشام:علاش؟ شن صاير
شيماء:مش عارفه شهاب قعد يفهم منهم
هشام:به شن الوضع عندك؟
شيماء:شهاب عنده علم انه طه ولدي
هشام:كيييف؟ من حكاله؟
شيماء:منعرفش مش مهم توا كيف عرف المهم انه عنده علم
توا احكيلي اتصلت بي شهاب وشن صار معاك؟
هشام:اي اتصلت بيه وقالي شن صار البنت طلعت حيه
شيماء:تغيرت ملامح وجها....كييف يعني كان يدور عليا وهدا سبب تواصله مع ماجد
هشام:كيف قصدك انه شهاب بوه طه
شهاب:فتح الباب وخش
شيماء:نزلت تلفونها
شهاب:في من كنتي تكلمي؟
شيماء:صص صاحبتي
شهاب:تمام نحلت مشكلتك
شيماء:كيف ؟ومن الي رافع عليا قضيه
شهاب:طلع بدون م يحكي شي
شيماء:شهاب شهاب ....ولحقاته!!

_________________________________

دانا:شن تقول من الي رافع عليها قضيه
هشام:مش معروف لتوا لكن شاكين في هبه ومحمد
دانا:تمام يعني ف شي إيجابي في القصه
هشام:شنهوا؟
دانا:شهاب مدام شهاب واقف معاها يعني مهما حاولو يأذوها مش راح يقدرو
هشام:به نبي نفهم شهاب وله ماجد بو طه
دانا:تفكرت كلام شيماء....لالا لتوا مافيش دليل ع شي

وفاء:المعازيم روحو ويسألو عليك
دانا:تنهدت بصدمه وسكرت تلفونهاً...وانتي من امتا تهتمي ؟
وفاء:حبيت نقولك بس وطلعت
دانا:حطت يدها ع راسها ان شاءالله غير مسمعتنيش بس كنهادا راح تدمر حياة شيماء نهائيا💔💔💔

______________________________

سماح:خشت للحوش
مسره:اكيد جننتيه لما شافك
سماح:سلمت عليه بس كان انور معانا
مسره:بصدمه انور؟
سماح:اي انور خيرك؟
مسره:لا لكن حسيته مهتم بينا هلبا
سماح:مهتم بينا وله بيك
مسره:☺️☺️

___________________________

العيله كلها نايضه ويستمر في شهاب وشيماء
دعاء:نازله من فوق...... طه رقد مسكين
مرح:ي ناري زعما شن صار معاهم
هبه:عمتي اركبي ارقدي ارتاحي شويه
اسميهان:لالا مش جايني نوم ليهم اكتر من ساعتين طالعين ولتوا مروحوش
هبه:براحتك ...هي تصبحو ع خير
محمد:لحقها
دعاء:مش عارفه علاش لما نشوف خويا محمد نذكر أبو بدر وفوزيه
مرح:😂😂😂

_________________________________

شيماء:فقدت الأمل انه يرد عليها ويجاوبها
شهاب:وقف السياره قدام الحوش
شيماء:فتحت باب السياره وكيف بتنزل
شهاب:وقفي متنزليش
شيماء:خدت نفس مريح....وكانت مستعده لي اي سؤال
مكانتش خايفه من شي لانه تأكدت من الشي الي ليها شهور تبي تفهمه
شيماء:غيرت رايك وتبي تحكيلي؟
شهاب:لا انتي توا الي راح تجاوبي

__________________________________

سماح:كانت لابسه بيجامةالنًوم وتمسح ف مكياجها قدام لمرايا
مسره:تتفرج ع هدايا الي جايبهم منذر...محلاهم كل قطعه احلا من تانيه
سماح:جمعيهم كلهم وحطيهم في الزباله
مسره:ههه مش وقت بصاره ي هبله
سماح:بصوت عالي....ديري زي ماقتلك مسره
مسره:تغيرت تعابير وجها ....شنو تخرطي؟
سماح:اي زي ماسمعتي مش سماح الي يلتعب عليها
🔥🔥
مسره:به علاش درتي هدا كله

_____________________________

وفاء:انهت مكالمتها مع ماجد الي كانت كلها عباره ع كلام حلو ووعدها بزواج بعد ميروح من السفر💁🏻‍♀️
خشت لدار ...غيرت حوايجها...جت عيونها ع دانا كيف حطت تلفونها ع رف وطلعت
استجمعت قوتها وتخطت خطواتها وقامت التلفون بين يديها
وشافت......يتببببععع🔥🔥

هلبا احداث خليتها للحلقه الجايه علشان متتلخبطوش

شن سبب البرود الي محتل رنيم وعلاش خدت القرار هدا الي هوا(انه وفاء متعلمش بيها وعطت ماجد فرصه يسافر لشركة خوها بعد م اكتشفت انه خاين🤷🏼‍♀️

وغريبه ماجد نفذ الي طلباته منه🤷🏼‍♀️
وعلاش ماجد مأسس علاقه مع وفاء وناوي انه يتزوجها لشنو يبي يوصل
لشنو قعده تخطط سماح ؟🤷🏼‍♀️
وشنو السر الي يعرفه انور ورنيم ودانا وماجد بس ف العيله؟
شنو علاقة ماجد وشهاب ببعض؟
وشن آلقرار الي خداته شيماء بعد اكتشاف شخصية شهاب ؟🤷🏼‍♀️
وشنو ح تكون نهاية الأم العزباء💔

تعليقات



حجم الخط
+
16
-
تباعد السطور
+
2
-