رواية أم عزباء كاملة بقلم ميلو حسن
 |
| رواية أم عزباء كاملة بقلم ميلو حسن |
الجزء الأول
#أم_عزباء 1 🔥
#ميلو_حسسن
شيماء:نضت ع صوت الدكاتره ونا نقيم ف جفون عيوني بتعب حسيت براسي ثقيل ومليان صداع حاولت اركز ف صوره بس من تأثير البنج نشوف ف كل شي باهت ومش واضح لن فجاءه نحطت يد ع وجهي
الممرضة:حمدالله ع سلامتك حبيبتي انتي والبيبي ف حاله كويسه
الممرضه2:ههه ع فكره البيبي يشبهك مش طالع لبوه
شيماء:بدون اي ردت فعل مني كانت عيوني ع الممرضات
الدكتوره:كيف خاشه ....شنو حبيبتي حاسه بوجع أو حالك تمام؟
الممرضة:لا اكيد حالها عال العال البيبي بخير وهيا ف احسن حال
شيماء:ابتسمت برغم انا ف اسوء حال عكس م يشوفو
محدش يعرف انه نا أم عزباء وحاولت نتخلص من البيبي اكتر من مره💔
الممرضة:متزعليش الصبح البيبي يكون جنبك واكيد بوه توا عنده ف الحضانه
شيماء:شفتلها بقرف وفي لحضه هادي بذات اذكرت هديكه الليله السودة الي خربت حياتي كلها💔
في الماضي♍️
قبل 8شهور :-
طبعا احنا من غير عمامي نعيشو ف طرابلس وعمامي كلهم ف الشرق برغم اصلنا غرباوي والسبب انه بابا حصل خدمه ف طرابلس ومحبش يخسرها
المهم مسكرناش سنه محولين
وكنا كيف متأقلمين مع الجو تعرفنا ع اقرب جيران لينا وزي اي عيله نمشو ونجو عليهم وهكي
طبعا عيلتي متكونه من ماما وبابا وعندي اخوات اتنين ومعنديش خوت ولاد 🖤
كانت ساعه 1في ليل🌪
طبعا اليوم كانو عندنا ضيوف الي هما ولد عمي وصحابه جاين من الشرق عندهم موضوع وبايتين عندنا
ونا ف المطبخ ارتب ف صحون بعد مغسلتهم وتميت نشطب ف المطبخ لانه كان حايس هلبا
وأخيرا كملت حوسه قعمزت ع الكرسي
وخديت فوني بنشوف الساعه ونصدمت كيف الوقت فات بسرعه بدون منحس
اتصلت بي ماجد ورد عليا بدون م يتكلم لكن في أصوات جنبه حاولت نفهم بس مسمعتش شي تسكر الخط وعاودت اتصلت بيه بس المرهً هادي مقفل
خديت بعضي وطلعت محطيتش ف بالي شي توقعت زي اي مره بيكون راقد والتلفون مش عنده
ماجد:ولد عمي وحبيبي ف نفس الوقت
إنسان حلو ويحبني هلبا وكنا للحضه هادي ميتين ف بعض❤️
ركبت لغرفتي ونا تعبانه💔
اول م خشيت لغرفتي وسكرت الباب سمعت صوت تلفوني وشفت بابا يتصل استغربت
رديت الو
ناصر:ايوا بنتي ولد عمك يبي قهوه
شيماء:قلبت عيونها ...به بابا حاضر وسكرت الخط ونزلت
خزي الوهمي هدا يحساب روحه ف فندق هوا وجماعته
بكري شويه عطيتهم نسكافيه اكيد يتمهتك عليا هدا اففففف 🔥
نزلت غصبا عليا خشيت للمطبخ درت قهوه ع سريع وحطيت حلويات وطلعت 💔
ونا ماسكه سفرة في يديا ومتجها للمربوعه ونسمع ف اصواتهم وفكرت نتراجع بس قلت يالا نعطيهم ونركب
طقيت ع الباب وفي بدل مًيفتح انور ولد عمي فتح صاحبه حسيت انه الوضع مش طبيعي
شيماء:شفتله بحقد وين انور قولله يجي ياخد السفره
انور:فتح الباب عً كبره وكانو عيونه حمر وفي وضع مش طبيعي ونا نشوفله مصدومه
وحسيت انه يغمز لي صاحبه طاحت مني السفره وكنت نبي نهرب بس مقدرتش صار الي كنت خايفه منه وفي حد جبدني بقووه وغطا وجهي بقماش ومقدتش حتى نعيط ومافيش حد اصلا راح يحس لانه كانت المربوعه بعيده ع حوشنا شويه
خشيت وشفت كمية الشيش السكير وطروف الدخان والأشخاص الي كانو يتفرجو عليا ويضحكو💔
أما انا قعدت نحاول نهررب ونفك روحي منه بس كان أقوى مني وبسبب الصراع الي كان بينه دفني بقووه ع حيط وفقدت الوعي💔💔
نضت بعد ساعات جت عيوني ع الباب وشفت الضوء اذكرت شن صار معاي
تفحصت المربوعه وعرفت انهم هربو كلهم نزلوو دموعي بشكل مش طبيعي ونا حاسه فيا شي غريب عرفت انه اغتصبني وخسرت كل شي كانً جسمي ضعيف كنت مصدومه مش قادره نقيم روحي ونطلع كنت خايفه حد يجي ويشوفني 😭
حاولت بكل جهدي اني موقف ع رجليا ونطلع
برغم كنت نشوف ف دنيا سودت قدامي بس قدرت نزحف لن قدرت نوقف وطلعت
كنت تعبانه هلبا خشيت للحوش وعًًطول للحمام باش نكذب الي شاكه فيه
لكن لااا فتحت الدوش ونحطيت تحت لمياه ونا عارفه اني خسسرت شرفي وحياتي ادمرت💔💔🔥
ستمريت نبكي لانه حاسه نفسي مش قادره ع شي💔
عقلي مشوش ومش قادره نفكر ف الحل الي بيطلعني من الكارثه الي صارت معاي 💔
لمن بنحكي؟ ومن بيصدقني
وكيف ح نحكي لي عيلتي الي ممكن من الصدمه نخسرهم للأبد
اكتر من فكره جت ف راسي بس مقدرتش ولا ع وحده منهم 💔
كان املي ف ماجد بس الي راح يساعدني ونطلع من لمصيبه هادي
💔
مخليتش حد يلاحظ عليا شي ركبت
لغرفتي وكمية الخوف والرعب الي كانت محاوطني متنوصفش
قعدت فتره طويله فوق منزلتش قلت لي اختي انه مريضه شويه وخديت مضاد💔
في نفس اليوم ف ليل اتصلت بي ماجد وقررت نصارحه ونحكيله
الي صار معاي
قويت قلبي وتصلت بيه اول مسمعت صوته رتحت نزلو دموعي وحكيتله الي صار معاي كله وصدقني لانه كان واثق فيا
ريحني بكلامه ووعدني انه حً يشوف حل
وقالي الأسبوع الجاي ح يجي وننشر مع بعض للمصحه ونزيد نتأكد من صحتي
اطمنت لانه كانً مساندني راجل حسيت روحي ارتحت شويه
تسكر الخط برغم كان ماجد بيموت من الي سمعه مني بس علشان خاطر بابا بس تمالك أعصابه باش انور الكلب ميستغلش الوقت💔
لكن مكنتش نعرف انا وماجد انه في شي قعد يصير من ورانا اكبر مني ومنه وراح تخرب الدنيا كلها😭💔
تم الأسبوع وصار زي م وعدني ماجد جئ لحوشنا ومشينا للمصحه ودرت تحاليل كامله
بس نتايج التحاليل مش كلها راح تطلع اليوم
ف قررنا نرجعو الحوش وغدوه نرجعو المصحه💔
في ليل قررت ونا ماجد انهً خلاص راح نتزوجو ف اقرب وقت بما انهً انور مش عليه ولا خبر ف طمنا انه خلاص
كلمً ماجد بابا وبابا كان عارف بعلاقتي بي ماجد من زمان
كنا نستنو بس ف الصبح علشان نطمنو برغم كنت مخنوقه بس ماجد كان مقويني ومش مخليني نفكر في الي صار💔
وكان كل شي لعند توا ماشي💔
جئ الصبح ووصلنا للمصحه لقينا التحاليل كلها جاهزه بس الصدمه لما خشينا غرفة الدكتوره وقالت مبروك انتي حامل ف الأيام الاوله 💔
ضحكت بهستيريا حسيت بكسره قوويه
قعدت نبكي ونخبط وماجد مش عارف يهديني وله يهدي نفسه🔥🔥
كان وجه ماجد غريب وواضح انه يتوجع
ماجد:ي انور ي كلب والله موتكً ح تكون ع يديا🔥
فاتو 3ايام وكان كل يوم يفوت كأنه سنه وحنا نحاولو انه محدش يلاحظ علينا شي كنا طول الوقت البرا وهاربين من الكل
فاتو 3ايام وكان كل يوم يفوت كأنه سنه وحنا نحاولو انه محدش يلاحظ علينا شي كنا طول الوقت البرا وهاربين من الكل
فاتت أيام سيئه علينا💔
لن وأخيرا ماجد اقترح عليا انزلو الجنين قبل م يفوت الأوان
بس كنا عارفين انه مافيش دكتور يتحمل مسؤليه بنت عزباء ومش متزوجه
يعني مافيش حل الا انه نحكو الي صار لي وفاء أخت انور لانه الوحيدة ف العيله دكتوره وتقدر تساعدنا
ف نفس اليوم اتصل ماجد بيها وطلب منها ادير التقرير ووافقت
وحددنا موعد ف المصحه وقررنا نتزوجو قبل وبعدها ندير العمليه علشان محدش يشك 💔💔
وفاء وماجد كانو عارفين بكل شي ودايرين جهدهم معاي
بداية أسبوع العرس وصلو أهل ماجد وأهل انور من الشرق
وحوشنا كان مليان بالناس ونا كنت نستنا امتا ح يتم العرس قبل م انور يفكر يدير شي طول الوقت ونا خايفه 💔
قبل مًيقرو عقد القران بي ساعات بس
آلكل ف صاله ملتمين ونهدرزو وصوتنا كان عالي والكل فرحانين
لكن وفاء خشت وهيا ماسكه الملف متعي بين يديها وتكلمت بصوت عالي وبكل صحة وجه وخلت الكل يسكتو و فضحت بيا قدام الكل اي حكت سبب زواجنا
نا كنت بينهم مصدومه فيها💔
كل شي تفركس ف لحضه أهل ماجد متحملوش وحكو لبابا الي صار
ماجد مقدرش يدير شي لانه امه وبوه مستحيل كلمتهم متتنفدش ومستحيل يرضو بي مرت ولدهم حامل من شخص تاني💔
بابا داخ ورفعوه المصحه وخش ف غيبوبه
الحوش كله فررغ ومافيش حد قعد جنبنا وحس بينا كنت ف نضرهم البنت الصايعه💔💔
ماما اتصلت بي خوالي وحتى هما نفس الشئ جو لحوشنا وبدو فيا ضرب
وفكوني خواتي وماما
طلعوً خوالي لحقو بابا في المصحه علشان يطمنو ع صحته
ونا ولا حاجه كانت مأثره فيا غير انه بابا بينً الحياه والموت💔
مكانش مأثر فيا كلامهم لانه عارفه نفسي مضلومه
خواتي طول الوقت وهما يحاولو يفهمو مني الي صار لكن مقدرتش نجاوبهم
💔💔
طول الليل وحنا ف نفس لمكان نستنو ف اتصال يقولنا انه بابا فاق من الغيبوبه وبيرجعنا
💔
للأسف ثاني يوم الصبح وصلنا خبر وفاته
وكانت الخيبه الصادمة ولكبيرهً انا السبب ف كل شي انا السبب ف موته😭
كانت النار الي فيا اكبر من مصيبتي كلها🔥🔥🔥
من غير كلام الناس علينا وكلام عمامي الي يهد جبال وكيف تخلو علينا
مافيش حد جئ عزانا غير شوية ناس
نعرفوهم💔
وكله كوم وقرار خالي لكبير كوم تاني
انه امي وخواتي ح يعيشو معاه ونا متبرين مني 😭
وحاولت ماما تقنعهم مافيش فايده معاهم
ف قررت امي تتصل بي صديقه ليها زمان وتخليني عندها مابين لقت حل وقنعت خوالي
لانه م فيش حد من العيله راضي انه نقعد عنده ولا حد منهم سأل حتى ليش صار هكي
ميلو:مختصر القصه علشان تكونو فاهمين
لانه الروايه بتتغير وبنخشو ف احداث ًجديده🔥
الحاضر:-
في مكان ثاني:-
ماجد:كيف خاش الحوش...رنيم
رنيم:انعم ...نا ف المطبخ تعالا
ماجد:نزلي لبضاعه من السيارة ليله جاين ولاد بيتعشو عندي
رنيم:به حبيبي ساعه ويكون كل شي جاهز
ماجد:تمام انا بنخش ندوش
رنيم:تمام ....وسمعت تلفونها يرن
ماجد:يسلب في كندرته...ردي خيرك تتفرجي ع تلفون
رنيم:😨...اءءءءً...لالا هادي وحده نعرفها لو نفتح معاش تسكر
رنيم:خشت للمطبخ ...شن يبي مني الفرخ انور
يعني ضروري يفكرني بي قصه ليها تسعه شهور👿
______________
ترن ترن :-
سماح:فتحت الخط...الو
منذر:ايوا ي حلو وين قعد
سماح:شنو حصلت الدواء طمني؟
منذر:شنو ي قزمه كأنك متعرفيش الصقر شن يقدر يدير باش يحصل فيك شوط فنين
سماح:قلبت عيونها بقرف...وين نلقاك؟
منذر:ف الشقه ومافيش طلوع لن نكمل معاك
سماح:تمام ومتأكد انه الدواء اصلي
منذر:تي مدوريش صاحبي الصيدلي جايبه من تونس
سماح:سكرت الخط ...لبست عبايتها والخيمار
وكيف جايه بتطلع
مسره:وين طالعه؟
سماح:بنجيب الدواء لي امك
مسره:ووقعده ال..
سماح:ضمي فمك وألهي بقرايتك وطلعت 💔
___________________________
شيماء:تحكي ع تلفون ...البيبي صحته كويسه امتا بتجي تاخده؟
محمد:مرتي كيف طلعت بتجيب بضاعه لي البيبي وغدوه نكونو عندك
شيماء:يعني روحتو من السفر؟
محمد:اي توا ح نتصل بيهم ونخبرهم انه مرتي جابت
شيماء:تمام ومتنساش نص مليون ورد بالك تحاول تلعب
محمد:كوني و مطمنه من الناحية هادي
شيماء:تمام سلام....يتبع💔
لقراءة الجزء الثاني : اضغط هنا